كلامك صح
أول مرة بكتب تعليق : الوطن مو بيت وبس,مو شوارع,مو كهربا,ولا مازوت. الوطن عطاك جنسية عطاك رقم بالعالم عطاك عضوية بالحياة عطاك إسم و لون بين البشر من دون وطن أنت شو؟؟؟؟ أنت ولا شي, ولك شو ماكانت جنسيتك المهم عندك جنسية(وطن)(إسم) ملاحظة: أنا مو سوري بس عشت عمري و تعلمت و كبرت بسوريا متل أي سوري و تعاملت معاملة السوريين وبلا واسطات و محسوبيات بربي بحب سوريا بيجوز أكتر من السوريين نفسهن, لا تضيعوا البلد و الله أحلى بلد أشتقت لسوريا.

وطن
حبيبي الوطن بده مواطنين نحنا مالنا مواطنين نحنا رعايا, الموطن له حقوق وعليه واجبات انت عليك واجبات فقط مالك اي حق خلصونا بقى الوطن والوطن ما في شي جديد الجديد انه كتروا الناس اللي بدهن يتقاسموا الكعكة وصاروا يتصارعوا عليها وما عم تروح إلى على المساكين لأني اللي عم يتصارعوا خريو على الوطن من زمان اللي نهب نهب ويلي عم يبيعنا كلام هلق جاي لينهب متل غيره بكره بس تحترق البلد على الخالص بيضبو غراضهم وبيمشوا وطبعا اللي كان عم يبيعنا وطنيات بيرجع بكلامه وبصير بده الكعكة كلها و كاسك ياوطن

أل وطن أل
خيار وفقوس .... أولاد البطة البيضة والبطة السودة .... إمتيازات لناس وناس .... كرمال عين تنقلع مليون عين .... أنا وبس والباقي خس .... هذا مو وطن هذه مزرعة وخدم لأسيادهم . بعرف مارح تنشروا بس قلبي طق وروحي رح تطلع وعيني مليانة دموع على أخوتي في المزرعة يللي انقتلوا ويقتلون .... تصبحون على وطن .

لحظة
أنا ماني مع الدولة الأمنية بس إذا خيروني أكيد بختارها لأتها أفضل بمليون مرة من دولة الخلافة الاسلامية. معلش مالازم ننكر أنو النظام السوري حضن لبنان والعراق وفلسطين الجريحة.ياجماعة ماحدا منتبه للغول الأمريكي وللغول التركي فيقوا ياناس فيقوا

ألف بواحد
مو اثنين بواحد النظام اختصر الوطن كله برجل واحد هو وبس أو الخراب من بعده

معكن حق
بدكن متل السودان والله معكن حق مو شايفين السودان هلق لما ضل البشير شقد السوان مطور وسعيد ورفاهية غير شكل وخصوصا انو لسا متوحد هههههههههه....وبعدين مين قال انو كل شغلة بيعملها انها مكرمة ولك شو الناس عبيد عندو....حسبي الله ونعم الوكيل عليكم

عوجاا
عن أي وطن يا مجنون عم تحكي .. ما عاد في وطن ..

المشكلة
المشكلة أن المجرمين بيفضلوا الأشخاص على الوطن

كررر
هههههههه بشرفك هيك بتنتهي لا عنجد معلومة جديدة ضحكتني هههههههه حدا قلك انك غبي؟؟؟ طيب ياذكي زمانك اذا بدك تدخل الجنة لازم تكون مؤمن. والعالم عبر التاريخ مقلوب ومعجون كرمال يؤمنو وعملو حروب كرمال هالقصة مع انها ليك سهلة كتير يعني انت بس تؤمن بتدخل الجنة. وكمان دليل حمرنتك هو انك ببساطة فيك تقول انو حب الوطن لا يقابل بطلب التدخل الأجنبي وحظر الطيران والقتل والتدمير والإرهاب و......

مو بدك مواطن يفهم ؟
مو بدك ناس تعرف شو هو الوطن وشو هو المواطن ؟؟ ركزلي على كلمة مواطن .. بكل دول العالم المواطن ببلده بيكون اخد حقة على اقل تقدير ..اما المواطن السوري حدث ولا حرج .. جوا بلده اما ان يكون ذليل خانع او عند بيت خالتو .. واذا طلع لبرا سوريا بيحس بالوضع اللي كان عايشو وشو يعني مواطن .. واحلى شي لما بيطلع واحد من جماعة المقاومة والممانعة والصمود والتحدي .. بيقلك انو السوري مرفوع راسو بسبب مواقف سوريا الداعمة للما بعرف شو ..صارت العالم تضحك علينا من ورا هالحكي وهيك ناس .. ويالله عالحرية

فلسطيني سوري
معك يا مجنون الوطن مفروض يكون رقم واحد...ورقم واحد يعني أغلى مافي الوجود...بس لما عم بتنطرش داني كل يوم على قنوات العهر الاعلامي بناس (أشك إنن سوريين)عم بطالبو بالناتو والتدخل الخارجي ...سؤالي لإلك ولإلن هل هيك ناس بيعرفو شو يعني الوطن ..الجواب لضميرك ...(ملاحظة حتى المجنون لازم يكون عندو ضمير)

مارح تنتهي
لو في رجل واحد بس بهل البلد حكيم وقوي وكلمته مسموعة ماكانت هل الأزمة من أصله وماوصلنا لهون شبيحة وأسيادهم ومدري مين خارج وداخل الوطن عم يحكموا البلد على كيفهم شوبدنا نحكي خليلها على الله

مابدي مابدي ياماما مابدي
حبه الصبح وحبه المسا حبه الصبح وحبه المسا وحبة قبل الاخبار وحبه بعد الاخبار

طيب ليش؟
هلأ الموضوع بينحل بالإنتخابات المبكرة برقابة محلية وعربية ودولية, ليش ما بيرضى الرئيس السوري بالشفافية وبيرضا الكل بالنتيجة, هي البشير بالسودان كل شي صار معو ومطلوب دولياً بس لما فاز , الكل رضي فيه لأنو الشعب أختاروه, ليش ما يقوم الرئيس السوري بهالمكرمة وبيحقن الدم السوري ؟

شو رأيكن
بدكن قائد واحد متل السعودية الي عم تهاجموها....معكن حق القائد ثم الوطن وخصوصا انو حرر الجولان....الله يخلصنا من غباءكن...ارجو النشر

؟؟؟؟؟؟؟؟؟
يامجنون جوليا بطرس غنت فهمني شو يعني ضمير و اغنيتها القادمه فهمني شو يعني وطن ..... مضحك مبكي يامجنون انه اصبحنا لانعرف شو يعني وطن و ينه هاذا الوطن اذا الانسان اصبح غريب بين اهله , و لا مستقبل و لاحاضر , و لاتملك شيئ فيه, و يأخذ و لايعطي ....و لسه بتقلي وطن مابدنا نعرف شو يعني وطن لنختاره..........الازمة اكبر من هاذا الموضوع .....و الله يقدر اللي فيه الخير....

اسد اسد
والأسد للأبد غصبن عنك يا حمد والأسد بالعيون غصبن عنك يا غليون والأسد ما بينضام غصبن عنك اردوجان

مين
الله يخلصنا من الظالمين عن قريب

استحي
استحي على حالك بقى انت اول واحد أعليتت مصلحتك الشخصية على وطنك .. بقى شو رأيك تسكت وبلا ما تبيعنا وطنيات

بدك حدا يفهم
لما بيفهم اللي مستلمين البلد انو الوطن مو ورتة او مزرعة البابا تركلن ياها.... وقتا بيغلبو مصلحة الوطن وبيسكروا حنفية الدم اللي فتحوها مشان يضلوا عالكرسي للابداويسلموه لابنن.....

نهاركم سعيد
شكراً لسيريا نيوز نافذة الحرية الاعلامية الاولى على مستوى سوريا مجنون كيفك.. المشكلة انو ردك علسؤال بيحتمل دائماً معنيين .. يعني اكيد هوي بيحتمل معنى واحد . بس للضرورات الامنية انتي بتتقصد تعملو بيحتمل معنيين مشان ما تزعل الطرفين .. يلي بدو الباكيج تبع 2 بواحد شايف انو انتي عم تحكي علعراعير وللا مجلس ستانبول وللا العصابات المسلحة . و كمان في عندك الطرف التاني شايف كلامك مصبوب صب ومفصل تفصيل لحدا معين وما بيمشي الحال الا انو يكون الحكي على قد هادا الحدا يلي فصلو الوطن مشانو دعاس ولا يهمك "حدا"

وطني حبيبي
حاليا نحنا ما عنا وطن لان بلدنا صار ألف شقفة كل واحد مفصلها عزوقو و عارأيو و باقي الناس خاينين و ما بيفهمو

مغترب
انا كنت ادرس بفرنسا من كم سنة ففي مرة التقيت ببروفسور اجا زيارة على الجامعة فلما عرف اني من سورية حكالي انه زاير كل اوربا واغلب افريقيا و الشرق الاسيوي فقال ما شفت صور لرئيس بكتر الصور يلي شفتها بسوريا وكانت زيارته على سورية 2007 , فقال كلمة انزعجت منها كتير واعتبرتها اهانة وخانفته مشانها بس اليوم اعرفت انها صحي قال انتو اكبر واكتر شعب منافق .................................. فيا عيوني العالم كله شايف وعرفان بس الاغبياء بالبلد وبعض يلي برا ما بدهن يشوفوا عوجـــــــــــــــــــــــا

الوطن وليس قائد الوطن
في اغلب دول العالم ياتي الرؤوساء لفترة 5 او 10 سنوات ثم يرحلون وياتي بعدهم وينجزون في هذه الفترة ما لا ينجزه من سبقه ولا نرى المنحبكجية و الشبيحة يألهونهم ويمجدونهم كما يفعلون في سورية واغلب الدول المتخلفة , والله فضحتونا بين العالم عيب والله عيب

ترجمها على كيفك
في ناس لا ترى ولا تسمع ولا تكلم بعد عشرة أشهر

شكرا أطفال درعا
شو هالحكي يا مجنون, ما نحن من لما فتحنا عيوننا على الدنيا وهنن عم يعلمونا أنو هدول بيجو باكيج وحدة. واذا ما عجبك..........

اخر ايامو
كبيير يا مجنون, والله انك كبير هاد يلي كل الشعب بدو ياه, ما عدا المنتفعين باكتر من شكل, هنن سبب يلي وصلنالو بسوريا, ودم الشهداء برقبتهم ليوم الدين يلي بالشارع انتمائهم للوطن وبس, ويلي عم يقتلو انتمائهم الاول لحدا تاني, وبعدين بيجي انتماء الوطن ازا وجد, يا اما بكونو دامجين التنين سوا متل ما قلت تنين بواحد

مية مية كلامو معلمية
صح كلامك وياريت يسمعوك جماعة الناتو ... الي بدهن يشحطو الناتو بالزور لهون ... الي بيرفعو لافتات مكتوب لعيها ناطرينك يا ناتو ... الي بيكتبو لاتنغش يا ناتو سورية مانها فقيرة ... سورية غنية بس انت تعا .... وشوي تانية بيكتبو منبوس؟؟؟؟ بس تعا لعنا... يمكن مفكرين انو الناتو رح يخلي الوطن واحد غير مقسم

نحن الوطن
الازمة نحن من نخلقها والفوضى نحن من نبدا بها واذا كنا تحلم بالتغيير الذي نتوق اليه جميعنا فلنبدا بانفسنا ونكون يد واحدة لوطن واحد وقائد واحد فنحن سوريين ورايتنا مرفوعة منذ الازل

خيار واحد لاثاني له
لايوجد خيارات في هذه المسئلة بل خيار واحد فقط والخيار هو الوطن ثم الوطن ثم الوطن بدون الطغاة والديكتاتوريات والحكم الشمولي الأمني المقيت الذي سبب لنا هذه المشاكل والدماء التي خسرناها وهذا الشرخ الكبير في المجتمع بين (مؤيد)ومعارض أنشر يا مجنون لقلك

الوطن الشعب
نعم وحسب الدستور السوري القيادة للشعب وفقط الشعب هو من يقرر مصير الوطن فرجاء لاتقلي فلان ولاعلتان مهما علت قامته

لا للعراعرة
عندما تنتهي عبودية العراعرة له و للدولار وصلاتهم للتدخل الخارجي وتكفيرهم لمن لا لحية له!!!! عندها سندرك بان سوريا لن تتعرض لازمة بشرية تكفيرية من جديد!!! لكن طالما هنا نماذج من المذكورة!! وما أكثرها فلن يستقيم هذا البلد......... أرجوا النشر

خصخصة الوطن
ليش ما بتعرف يا مجنون انو سورية من اكثر الدول تتطور في كافة المجرات لدرجة انو تم تخصيص الوطن من حوالي اربعين سنة واعتباره ملك خاص من قبل ال....... لذلك اي اقتراب من هذا الملك يمثل مؤامرة كونية ضمن شؤون داخلية من قبل المنحبكجية .يرجى النشر يا سيريانيوز

واحد يا معلم
لا يا سيد مجنون الوطن رح يبقى واحد و قائد الوطن واحد غصب عن راس اكبر شنب فيك يا خليج يا عربي.

الوطن .... الوطن
الوطن ......... أجمل ما في الوجود والوطن ليس أشخاص بعينهم ... الوطن انتماء رجائي الخاص ما تخلوا انتماءات لجهات معينة تطغى سوريا من أجمل بلدان العالم ... والعقود السابقة سلبية صح و مرحلة انحطاط صح بس كان فيها بعض الايجابيات ... مستحيل ترجع سوريا متل قبل و الدم اللي نزف هو حارس المستقبل المشرق انشالله

رأيي
والله معك حق يا مجنون وهالشي ما اعتقد رح يصير لانو النظام مو مستعد يضحي ويعاقب رقيب بالشرطة بالمقابل شعبنا البطل ضحى باولادو بالالاف المؤلفة بقى كيف رح يضحي النظام بالكرسي الكبير وبعمرا انظمة ما اسقطت شعوب بس شفنا العكس ورح نشوفو بإذن الله !!

العرض المتوفر حاليا
إما أنا أو ليذهب الشعب و الوطن إلى الجحيم و الحرب الأهلية ! و لنحرق الأخضر و اليابس !