الارشيف
دعوة لاقتراحات القراء حول ظواهر يجدون انها جديرة بان نصدر كرت أصفر بحق المسؤولين عنها
التفاصيل
رغم أن محافظة دمشق أصدرت قرار ينص على تغريم المسؤول عن كل ملصقة واحدة (نعوة أو غيره من الإعلانات) وحتى الإعلان الدهاني بمبلغ (500) ليرة سورية، إضافة إلى أن المادة(29) والمادة (30) في الفصل السادس من القانون رقم 49 لعام 2004، نصت على منع اللصق بشكل عشوائي وحددت الأماكن التي ينبغي على المعلن لصق إعلانه دون أن يتحمل أي غرامة مالية، إلا أن مرشحي أعضاء مجلس الشعب أو القائمين على حملاتهم الإعلانية تغاضوا عن هذه القوانين أو تناسوها حيث باتت جدران مدينة دمشق لوحات إعلانية خاصة بهم.
ومع تراخي محافظة دمشق بضبط هذه الظاهرة التي تشوه المدينة وتضفي عليها طابعاً يسيء إليها, تزداد حملات لصق الصور الإعلانية بشكل عشوائي ضاربين بعرض الحائط كافة القرارات التي نص عليها قانون النظافة.
وبناء على التقصير الواضح من قبل محافظة دمشق بضبط هذه الظاهرة استحقت الكرت الأصفر ..
مضحكة مبكية طرق إعلاناتهم وشعاراتهم لقد أساؤوا للبلد حتى قبل أن يتمتعوا بالسلطة أنالا أؤمن بالمجلس لأني لم أر أي تأثيرإيجابي له إلا على أعضائه أردت دعم أحدالمرشحين الذين خاطروا بحياتهم للدفاع عن البلدوعن مبادئهم ولم أجد إعلانا"له في الطرقات فاعتقدت أنه لم يرشح نفسه لكنه كان من بين المرشحين فزاد احترامي له لأن أفعاله لا أقواله هي التي تدععمه
يبدو أن الغرامة لم تكن رادعة، وخاصة أن المحافظة متراخية في ضبط الظاهرة كما قلتم. اقتراحي أن يضاف إلى قانون الانتخابات بند يتعلق بأساليب الدعاية المسموحة، ويمكن عندها اختيار الأساليب التي لا تلوث المظهر العام للبلد. مثلاً يمنع لصق الإعلانات بكافة أشكالها ويكتفى بما يمكن ربطه بالحبال والأسلاك ليسهل فكها حال انتهاء الانتخابات، وكل من يخالف يحرم من الترشح.
احسن شي غطيتوا وجوهم بالاسود
لك مو هون المصيبة، هلأ دمشق الحديثة -لا تقرفو- خارج السور خلقا وصخة ومحفرة ومشحرة بالمازوط وحالتا بتأسي ياحيف :( أماالشام القديمة أو حلب القديمة والمناطق الأثرية ليش عليهاإعلانات ومشحات سواد على الأبنية والعواميد وزكريات وشخبيط لك والله شي ببكي!! الحق عالبلدية ووزارة السياحة اللي مابتلاحق المخربين والوصايخية وبتعاقبن، ولا انها كمان بتعتني بهالأماكن
يعني مو شغله جديده علينا وبعد لانتخابات بيضلو مزينين الشام كلها شو خلينا نشوف شو بدو يطلع معون بعدين هلا كل واحد من هدول ببيوزعلي صابونه وكيلو سكر ومابعرف شو مشان لعالم تنتخبو ومنرجع متل اول ومتل ما كنا وبل مناسبه لمرشحين لمستقلين صوتهم **** بلمجلس اما لاحزاب صوت اقوى مابعرف ازا رح يطلع معون شي عم نتفرج ونرجو مو بس كرت اصفر بدنا محاسبه
عووووووجة وهي فينا نعتبرا شغلة بسيطة .تجاوزا
اليوم مريت بالباص قريب من ساحة بالشام, لقيت إعلان لمطرب مع ملك الأورغ.. وفوقو إعلان لمرشح..هب الهوا شوي فكرت إنو ملك الأورغ مرشح حالو.....
اذا هدول هنن اعضاء مجلس الشعب الجدد عم يتجاوزوا القانون شو بدو يصير فينا بعد ما ينجحو.....اكيد محدا فيهن رح يحترم القانون لانه بدون حصانة ما احترمه بدكن اياه بس ينجح ويصير من اعضاء مجلس الشعب مع الحصانة يحترم القوانين
احنا لازم نبعت لجميع المحافظات الكرت لانو هاي الظاهرة منتشرة بكل المحافظات السورية يا جماعة احنا بنحن هل البلد ولازم نحافظ عليها ربينا فيها وعم نربي ولادنا فيها نرجوكم الالتزام كل واحد من عندو بنترجاكم