سيريانيوز شباب وتعليم :: التعليم العالي تصدر نتائج المفاضلة العامة لدخول الجامعات والمعاهد

التعليم العالي تصدر نتائج المفاضلة العامة لدخول الجامعات والمعاهد

التعليم العالي

أصدرت وزارة التعليم العالي الجمعة نتائج المفاضلة العامة للفرعين العلمي والادبي إضافة إلى مفاضلة أعضاء الهيئة التدريسية وأبناء الشهداء من أجل دخول الجامعات والمعاهد الحكومية للعام الدراسي المقبل.

ويمكن الاطلاع على نتائج المفاضلة في الصحف المحلية الصادرة صباح السبت, والاطلاع على أسماء المقبولين في الجامعات والمعاهد على موقع وزارة التعليم العالي على شبكة الانترنت.

وبدء التسجيل في المفاضلة العامة الكترونيا اعتبارا من 8 آب ولغاية 23 منه, بعد أن حصل نحو مئة وسبعين ألف طالب على الشهادة الثانوية هذا العام ثلثهم تقريبا من الفرع العلمي.

سيريانيوز

لمعرفة نتيجة المفاضلة .. اضغط هنا

شارك بالتعليق

البحر الأسمر

عادي خلص بقى تعودو شو مالكن هاد الشي صار طبيعي

شبكن شباب وصبايا لا تزعلو ولا على بالكن هاد الشي صار عادي أنا دقت هذا الشي انا مجموعي كان 165 صافي بكيت وشقيت حالي بس على الفاضي أنا عم بدرس ادارة اعمال بس اناما كان هاد طموحي كان بدي انكليزي بس نصيبي مع انو علامتي كانت37 بس متل ماقلت نصيب

ياحراااااااااااااااااااااام

ضحكتوني لسا أناتاسع وعم استنا شو بدو يطلع معي والله بيعيني عالبكالوريا بس لو كنتو ما مجمعين منيح عيدوا ودرسو أحسن ولا تضيعو مستقبلكن مابعرف إذا بيتغير هالكلام عدوري وياحراااااااااااااام خخخخخخخخخخخخخخخخخخخخخخخخخخخخ

يا حرام على الليالي اللي أمضينها سهرانين

أنا طالب أدبي حر و جبت 168 بدون ديانة و ما طلعلي شي يعني ما بعرف شو بدن مننا ما تكون عمفكرونا عباقرة بس بدي أقول شي يا حرام على كل دقيقة أللي مسكت كتاب

مرحبا يا جماعة بتسدقو بالله اني كنت عرفان انو مالح يطلعلي الكيمياء يلمفاضلةمع اني جبت 152وجبت20فيهابس ماطلعت فأخدت مجموعي وطلعت في على كندا وتجوزت وحدة أجنبية واستقريت هنيك وسجلت طب وببلاش والله مع اقامة مدا الحياةوأخدت الجنسة والي معاش لاني عم ادرس 2000$يعني عن جد شي متل الحلم وعم اسئل حالي معؤل يجي يوم ويصير هيك بلدنالاوالله ولا في الأحلام

رد على تناسب طردي

المفاضلة تتناسب طردا مع زيادة عدد السكان و ليس الأسعار

عم فكر لقدام

انا صف تاسع و مجموعي ممتاز وعم فكر إذا من هلق هيك شلون عام 2010-2011 وقت أصير بكالوريا الله يكون بعون الجميع أنا قرات كل تعليق و حبيت شارك

ليش هيك عم بيصير في الطلاب

اناوأصدقائي الأوائل على مدارسنا ونسبنا كلها فوق 98 في المية ومابيطلعلنا هندسات فشو بالكن بالي بدو طب المفرو نجيب 100% عشان نفوت بمعهد!!!!! هدا الشي بدل انو احنا حاسين فيكم الله يكون بعون الجميع

شو القصه يا عالم

يا عالم شو هالقصه شو لازم نساوي بلمفاضلات كيف بدنا نعرف نطلع النتائج والله ماخليت موقع الا فتحتو ومابين شي ليش هيك ياريت يتبين الخطوااات بكل التفاصييلعن المغتربيييييين

انشالله يلي كان سبب بمصيبتنا بيصفا اخرشي بويجي

هاي كيفكون ياجماعة والله المآسي مشتركة اناجمعت 163 وماطلعلي شي وندمانة على كل ساعة بكيت فيا ودرست الله يكون بالعون ماحنقدرنغير شي ......

انابنصح بإعادة البكالوريا وهدا عن تجربة انا بالسنة الأولى جبت 206 وبالتانية جبت 229 بون ديانة

أنا بنصح الكل بإغادة البكالوريا وهدا عنتجربة

طالبة بكالوريا

انابرأي مافي أمل من اعادة البكالوريالأن السنة الجي راح يرفعوا المعدلات واذا جمعت أكتر من معدلك هاي السنة ب40 علامة مارح تستفيد شي كمان مارح يطلعلك شي

محمود الحلبي

هل تعلم أن نصف طلاب البكالوريا الادبي مجميعين تحت 150 علامة واللي بدو يتحقق يدخل موقع بكالوريا (يعني يلي دخلواكليات لا يتجاوزن 30% من الطلاب

مافي شي صعب ع الدارس

أنا كل شي بعرفو أنو ما في شي صعب ع الدارس !!!!!!!!!!!!!!!!!!!!!!!!!!!!!!!!!

ولا على بالك يا Ramoس بصراحة ما حدا بياكلا الا لحنا المغتربين اللي عايشين برا انا عايش بأبوظبي اللي بيجيب 70بالمية بيدخل هندسة عنا والله يوفق الجميع

الامارات العربية المتحدة

سؤال خطير وهام

أرجوا ممن عاد البكالوريا يعطيني رأيوا وبكل صراحة إذا رح إستفيد إذا عدت ولاااااااااااا ما رح إستفيد ولكم كل الشكر

من وهج القفص غنى ورقص

إلى طلااب البكالوريا المفجوعين بالمفاضلة صدقوني ما عم نحكي هيك إلا من حريقة قلبنا على سهر الليالي والدراسة المستمرة وضغط الاهل ورهبة الفحص ودفع المصاري للدروس الخصوصي والتعليقات من الدارس والمادارس ومن الجاهل والمتعلم إنوا ماطلعلنا شي بالمفاضلة وأحلى كلمي منسمع ياريت رسبتوا كان أشرف ولي بيقول عيدوها شو عايم على قلبكن دفع المصاري لو ولادن بيقولوا هيك

Alaaسوري عايش بالامارات

شو لزوم المفاضلات طالما ما حدا بيطلعلو الفرع اللي بدو ياه والجامعات الخاصة نار ومو معترف فيا عنا بأبوظبي بعرف واحد جاب 97.8 وبيدرس تجارة بس بيطلعلو اللي بدو ياه بأي مكان بالعالم الا عنا . والله يوفق الجميع .مع تحيات علووووووووش

الامارات العربية المتحدة

الكيمياء 190 ؟؟؟؟؟؟

بدي اسأل سؤال يعني شو قصدن بهالمفاضلة والله العظيم حرام شو بدن ندخل موازي وخاص ومفتوح ؟؟؟؟؟؟ واللي مو قدن شو يساوي يعني انا مجمعة 185وماطلعلي لا علوم ولا كيميا طيب ليه

لكل انسان طموح وبالمتابعة والمثابرة كل شي بصير

ويلي من النساء.... ملاك

وهل تريد أمك سلاح غير السلاح الذي تملكين ؟ بس معا حق والله يجعلها أكبر المصايب ويعوضكون يا رب

besoooo99@hotmail.com

ياما بالدنيا مظاليم

لك نيالك يا مظلومة بتعرفي ليش ؟ لانو ازا كنتي مظلومة فدعوتك مستجابة ادعي باللي بتريديه ( كن مظلوما ولا تكن ظالما) وانا آسف لوضعك انو ما طلعلك شي الله يعوضك ويوفقك ويبعتلك ابن الحلال اللي يعيشك عيشة هنية وسعيدة ... بنصحك تتجوزي ...

besoooo99@hotmail.com

طولوا بالكن يا جماعة

تابع ... وما حسبتوا حساب أنو أبناء الدكاترة والشهداء والسياسيين ورجال الدولة بيدخلوا الفروع اللي بدهن اياها هي واحد اتنين : كمان الطلاب الراسبين ما عم يتيحوا مجال للمستجدين بأنو يدخلو جامعة وفي أسباب كمان وكل هاد على حساب المواطن الضعيف المسكين ...فمو من قليل عم يرفعوا المعدلات ... فهاد واقعنا بتمنى من كل قلبي المتحطم التوفيق للكل .. احترامي للكل..

besoooo99@hotmail.com

طولوا بالكن يا جماعة

مرحبا للكل طولوا بالكن وما تحكوا شي لتعرفوا الموضوع الجماعة ما عم يرفعوا المعدلات عن عبث في كتير أسباب عم تخليهن يرفعوا المعدلات وهالشي كلو مدروس بعناية ودقة ونحنا المساكين ما بنعرف شي بس شاطرين نحكي بدهن يشغلوا الجامعات الخاصة وبدهن ياخدوا مصرياتنا ومدري شو وما الى زلك من الكلام .... بس انتوا ما حسبتوا حساب انو ..... يتبع ..

besoooo99@hotmail.com

طالب سوري

اللي عم يدخلو الجامعات كمان طلاب

صحي المعدلات عالية، بس كمان في عالم عم تجيبها. ولو بدهن ينزلو المعدلات أكتر من هيك كانت كل العالم صارت دكاترة ومهندسين. مو عيب الواحد يفوت جامعة معدلها منخفض أو معهد. وبصراحة علامات البكالوريا برأيي عم تقيم الطلاب صح. ومو عدل كمان الطالب المجمع 239 يطلعله متل المجمع 220 لأنو الأخ بدو يحقق حلم البابا والماما ويطلع دكتور.

يوسف سلامة

يتناسب طرداً

ياشباب لا تحتجو لانو ارتفاع معدل القبول يتناسب طرداً مع غلاء الأسعاررررررررررررررر

شو صاير بالدنيا

يا حبيبي عدنا سنة تانية بكالوريابعد مجموع 224 ولما قررنا الإنسحاب لقينا الفرع الي سجلنا تغير لك حتى الرغبة إلي إرضينا فيها غيرولنا ياها يعني (إرضينا بالبين والبين ما رضي فينا) الحمد لله ما عدت وما تعبت حالي لأني بدي 260/260 وبجوز ما يطلعلي الي بدي ياه بعد ما شفنا نتيجة المفاضلة

سوريااااااااا

من المعيب جداًأن يتم وضع موقع إلكتروني لصدور نتائج القبول الجامعي للعام 2007 -2008 سوريادون أن يتمكن المرء من مشاهدة نتائج المفاضلة وقد بحثت بكافة المواقع الألكترونية للجرائد الرسية دون فائدة

غيرت معتقداتي

كانت أمي تقلي يا بنتي مابخطبك حتى يصير سلاحك بأيدك........... بس بعد ما شافت نتيجة المفاضلة أقتنعت بالحجر كسلاح وما حدي أحسن من حدي إذا حواليكن شي عريس هههههههههههههههههههه

والله حرام

كرمال الله حدي يفهمني ليش المعدلات المفاضلة مرتفعة أنا مجمعة 147أدبي والرد جميع الرغبات مرفوضة مع العلم[شبيبي] وين بدنا نروح بحلنا حتى باالموازي ما رح ننقبل مع تحيات مظلومي بالبكالوريا من ورا المصححين العميان القلب

هل تشمل هذه المفاضلة مفاضلة النامية و الشبيبة

مظلوم من عدم دخولي معهد ر

يوجد حل للابداع والتطور والعمران في سوريا ولكن من

اذا اردتم ان تكون سوريا في مقدمة العالم وان يكون فيها الشباب الاقوياء والشباب الطموحة والشباب المتفوقة والعبقرية في جميع المجالات التعليمية والزراعية والصناعية وفي جميع تطور البلد يجب علينا ان نبدأ من الصفر لكي يكون هناك التفوق-اذا كان كل طالب دخل الفرع يلي بحلم بيه يكون هنا النجاح الحقيقي وراح يقدم اشياءللبلد ولنفسه ايضايمكن احصل علامات طب وادخل انكليز

المفاضلة طريقة سيئة

لتقويم الموهبة .. وللإستفادة من طاقات شبابنا .. كل التوفيق لجميع الطلاب .. حبايبنا أنتو

سوريا ياحبيبتي

واحد مدعوس

الحقيقة يعني مفاضلة شي بيشهي عن جد وبيفتح النفس عن حق وحقيق. والله العظيم يا جماعة عيب, يعني الموظف اللي معاشه 7000 من وين بيجيب ليحط ولادو جامعة خاصة, بس هيك الحال عنا... أخد بلا عطا.

بلاد الله واسعة

متهم بجرم تقديمي البكالور

متهم بجرم تقديمي البكالوريا

السلام عليكم .... هههههههههههههههههههههههههههههههههههههههههههههههههههههههههههههههه كمان هههههههههههههههههههههههه كمان وحده هههههههههههههههه شفتو الطب شقد 236 لك خيو الغوا الغو شي اسمو كلية طب البشري أو حطوها 241 من 240 ولو حسبي يالله ونعم الوكيل بس القصة هي تشغيل الجامعات الخاصة

لماذا..........

ما الحكمة بوجود مفاضلة خاصة للشبيبيين والحزبيين وأعضاء الهيئة التدريسية و.... إلى متى هذا التمييز العنصري ؟!! لماذا لايكون الجميع على سوية واحدة ويتم التقييم على أسس واحدة؟! للأسف فإننا نعرف الجواب!!!!!

المفاضلة هنا

http://www.mhe.gov.sy/mofa/mhe.html

محمد المصري

عنوان المفاضلة

الرجاء التحقق من عناوين المواقع قبل وضعها .. موقع المفاضلة هو: http://www.mhe.gov.sy/mofa/mhe.html وسامحوهن للشباب من العجلة يمكن هيك صار معن

حيدر الدعتور

اناسجلت بالمفاضلة الأولى وكان مجموعي 166 كان ممكن يطلعلي شي يعني كان عندي امل بس المفاضلة التانية خوذقونا

سوريا اللذقية الدعتور

هل يمكن ان نتجاوز الرغبة الى الرغبة التي تليها برجى الاجابة

مفاضلة أولاد أساتذة الجامعة

يعني لك يا جماعة لحد هلق ما بفهم شو هالقوانين هلي عنا يعني إذا أستاذ جامعة ضروري أبنوا يكون عالم يا ما في دكاترة جامعة أولادن صيع يا أخي يعطي العافية دكتور الجامعة والدولة ميزتوا بالراتب شوي بس هذا لا يعني انو ابن حضرتو للدكتور يطلعلو الفرع هلي بدو اياه والناس تكون قاتلة حالا بالدراسة وما يطلعلا الفرع هلي بدا اياه منشان فرق علامة وحدة شي بيخلي الواحد

لكل الشباب

هاد موقع فيه منشوف المفاضلة لأنو لا التعليم العالي ولا موقع المفاضلة مبين فيه شي أما شو مواقع بتشهي مواقع الحكومة وهي الموقع www.ahlieh.com

لولولولولولولولولو

العلامات نار

بتمنى من الدولة تخفض المعدلات شوي و الله حرام عليكم و لا لأنو بدكن الكل يفوت جامعات خاصةو مفتوح يعني شو بدكن تسترزقوا من ورانا

مافي شي بالموقع

لايوجد اي شي في الموقع يرجى وضع الرابط الخاص بالمفاضلة

الوطن العربي

لايوجد أي تلميح أو تفاصيل على موقع وزارة التعليماالعالي, و موقع المفاضلة مغلق منذ أكثر من 10 أيام حتى الآن؟ أرجو منكم تبيين عنوان الموقع الذي يحتوي هذه المعلومات أو تحميلها على موقعكم ليتسنى لنا الاطلاع عليها. شاكرين سرعة نشركم للخبر و استجابتكم لقرائكم.

سوريا الحبيبة

الله يكون بالعون

الله يوفق الكل يا رب ألف مبروك للجميع احتراماتي

besoooo99@hotmail.com

مواعيد التسجيل

مواعيد الامتحانات

نتائج الامتحانات