مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
التضييق على الفتاة والحرية للشاب
مواضيع للحوار

ما تزال هذه القضية مثار جدل شبه عقيم في المجتمع السوري، كونها ترتبط بقيم اجتماعية وتربوية راسخة في أذهان شريحة كبيرة من المجتمع السوري، وتتعلّق بالتضييق على حرية الحركة للفتاة، مقابل تجاهل جزء كبير من الأسر السورية لحرية الشاب المبالغ بها أحياناً في مجتمعنا، والتي في بعض الأحيان تفاجئنا بنتائج كارثية يجلبها الشاب، وليس الفتاة، للأسرة عموماً.


أن تخرج الفتاة في أوقات محددة وترجع إلى منزلها في أوقات محددة، ألا تتأخر ليلاً، وألا تقوم بزيارة منازل صديقاتها إلا بعد التدقيق في طبيعة أسرة الصديقة ومكوناتها ومن سيتواجد في المنزل أثناء الزيارة، والأهم من ذلك، مراقبة اتصالات الفتاة التليفونية، والتدقيق في أجنداتها اليومية من زيارات ولقاءات ورحلات، مقابل حرية شبه مطلقة في حركة الشاب، الذي عادة ما يرجع في أوقات متأخرة للغاية في الليل، دون وجود رادع أو اهتمام، وعادة ما ينشغل الأهل عن التدقيق في صداقاته ورحلاته وسهراته، أين ومع من كانت؟

هل هذا التضييق على الفتاة، مقابل الحرية للشاب، مبرر في رأيك؟

البعض يرجعه إلى الخوف المتأصل لدى العربي على العرض والشرف الذي قد يراق في حال حصل للفتاة مكروه من النوع الذي يمس الشرف أو العرض، وهو ما لا ينطبق على حالة الشاب من هذه الناحية.

البعض الآخر يرجعها إلى الخوف المتأصل لدى العربي على الفتاة بصورة عامة، باعتبارها فرد ضعيف قد يتعرض للأذى في أي لحظة، وقد يكون مطمع لذكور آخرين، قد ينالوا منه في حال الغفلة، لذا تستوجب حماية هذا العنصر الضعيف في المجتمع والتضييق عليه بغية تأمين سلامته.

آخرون يرجعون الأمر إلى الخشية المتأصلة لدى العربي من كلام الناس، المرتبط أصلاً بنظرة المجتمع عموماً إلى الفتاة باعتبارها مكمن الشرف والعرض للعائلة.

فما رأيك فيما سبق؟

هل تعتقد أن التضييق على الفتاة مبرر؟

هل تظن أن طبيعة ومدى التضييق يجب أن يكون متساوٍ في حالة الفتاة وفي حالة الشاب معاً، وأنه يجب عدم التمييز بين الجنسين في ذلك؟

هل تعتقد أن التضييق ومراقبة نشاطات الشبان من ذكور أو إناث عموماً خطأ ويجب الانتهاء منه في مجتمعاتنا وإتباع النهج الغربي المرتكز على تعزيز مفهوم الحرية الشخصية حتى لدى المراهقين؟

شاركنا برأيك...

 


 
2007-10-03 11:11:22


شارك بالتعليق


2010-02-07 18:01:57
جمانة
والله ظلم
هالحكي ظلم مو لأني بنت بس كمان ظلم للشب نفسه مع أنو أهلي بيوثقو فيي بس في مواضيع بس نوقف عندها بحس أني بالعصر الجاهلي يعني إذا ابي واثق بتربيته لي فلماذا إذا لا يثق بأصدقائي الذين انتقيتهم أنا بنفسي يقول المثل:الطيور على أشكالها تقع يعني رفقاتي متلي ليش التشكيك منح الحرية التامة للشاب يفسده يعني لوين ممكن توصل فيه هالثقة التي لا تستند لحجج منطقية
سورية
-

2007-11-18 00:52:51
Lilas Eion
Respect
ل الاحترام للانسة سالي, انا اقدر وجهة نظرك و ثباتك و دفاعك عن رايك! كناشطة في مجال حقوق المراة اسعدني جدا ان ارى ان فتيات سوريا لا يقبلن البقاء في المرتبة الدنيا و يردن الكفاح ضد هذا المجتمع الذكوري. و لكن ارجو من الجميع الالتزام بمعايير الحوار و احترام الاخرين.
Germany
-

2007-11-16 09:08:03
khalil
التربية أولا ً
أعتقد بأن التربية المنزلية هي الأساس في ذلك إن كان سلباأو إيجابا ... نعم نحن لا ننكر هذا الإهتمام بالأنثى عندنا وعند غيرنا ... فنحن مجتمعات شرقية .. ولكل مجتمع ما يميزه عن غيره .إضافة إلى وجود الدين فيما بيننا .. هنا لا أقصد الإسلام فقط وإنما التعاليم الدينية ككل التي توجه سيرنا في هذه الحياة ...
syria
-

2007-11-05 21:31:55
اراشاكو ديهاروموتيان
to sally
you are too silly
ساليستان

2007-11-05 03:37:00
BteeeeKH
يكفينا نقاشا فيما لا نتائج له
ولي على عيونكون ولي لك لسا عم تتناقروا سالي ومدري مين ؟ لك شبكون كل واحد منكون شايل السلم بالعرض وماشي خلص فضوها سيرة كل واحد بيعمل بأصلو ان كان بنت او شب والحرية للجميع بالتعبير والعمل والتعلم واللباس كل واحد يعمل باللي مقتنع فيه والعاقبة للمتقين وطولي بالك سالي دبحتيهن للشباب خليلهن فرصة ولو مو على أساس بتطالبي بتكافؤ الفرص ...؟؟؟!!!
besoooo99@hotmail.com

2007-11-01 16:03:29
saed
دنيا آخر زمن
الذي يحدث في هذا العالم العربي والإسلامي أن الأخلاق تسير من سئ إلى أسوأ كل واحد نسي أصله وكأن العرب أيام الإذدهار هم المتخلفين ونحن أيام بنات وشباب تلحق هيفا وهبي نحنا المتطورين والحضاؤيين ليس لنا للأسف أي علاقة بالحضارة عندما تركنا الدين ذهبت حضارتنا وأصبع الدعوى للفساد وتقصير التنورة من خلاف الفن العربي تبع فارس كرم وهيفا وهبي ولسا بدكن حرية كمان
سوريا

2007-11-01 13:26:42
sally
?
اي فتاة غبية حمقاء ساذجة ممكن تقبل تطلع مع شب وتعطيه وش؟تأكدوا انو هي بنت غبية جدا لانو حتى لو ماكان في شي بيمنعها بيكفي نظرتو الوسخة الها يعني حيكون كتير مبسوط ويقول بالو ولي عليكي شو فلتانة!!؟بينما يلي بترفض الكل صحي رح ينتقم منهاوينشر سيرتها_كيد الرجال _بس رح يحترمها!!؟وهنا نستطيع نستشف مدى تناقض ومرض هالمجتمع
قمعستان
-

2007-11-01 13:21:34
sally
>
ياسيد ميزولاتعمم نظريتك اذا صاحبتك؟!بتطلع معك واهلها بيسمحوا لهافهاد عند99,99 من الناس مبرر كافي للقتل!الله يرضى عليكم لاتجيبولنا الحالات الشاذة وتعملوها القاعدة!!البنت بهالمجتمع كتير مظلومةويلي بيعتبر تحرر البنت بلبس الضيق؟! فالله يعينو على فهمه الضيق يلي مابيفكر بالبنت الا بالجسم والجنس!كل هالشي ممكن يستشفوالواحدمن كلامكم
قمعستان
-

2007-11-01 09:33:15
عربي سوري
يتبع2
عذراً فالكلام الذي يقال هنا كثير والألم كبير ففي البداية كان منطلقنا الدين والفهم العميق لما نفعله والآن أصبحت العادة وكلام الناس هو الأصل فإما نبالغ في التعصب حتى لا يتكلم عنا الناس أونبالغ في الحرية حتى لا يقال متخلف أخي وأختي الغرب تقدم عناعلميا ولكن ليس بالضرورةأن يكون مجتمعه مثاليااللباس الذي ما أنزل الله به من سلطان ليس تقدماالتقدم في عقلك وشكراً
سورية
-

2007-11-01 09:24:29
عربي سوري
يتبع2
يقال عنها متمسكين بالدين بناتهم ممنوعة من التعليم إلا الإلزامي شبابهم عند مدارس البنات.. وفي النهاية برأيي أن الفتاة يجب أن تدرس ولكن يجب أن لا تبدي من جسدها قدر ماتستطيع لأني كشاب أطالب بحمايتي من التفكير في المحضور. أما الشاب فعليه يحترم أهله ومجتمعه ووطنه فالفتاه هي أختك وأمك وخالتك..ويسعى للإرتقاء بنفسه وأنيعلم أن النجاح ليس أن أضحك على فلانه يتبع
سورية
-

2007-11-01 09:17:28
عربي سوري
يتبع
كما قلنا الشاب ضحكت على فلانة والفتاة جننت الشباب كل منهما لايدري ما يلبس رايح على المدرسة يا عيني البنت body والشب كمان والمكياج ماعاد للبنات وللشباب كمان.. هذا جانب ولا أنكر أن هناك بنات في بلادنايقال عنهن متخلفات وهن دارسات وحاصلات على شهادات جامعية لا يبدين زينتهن فهن كالدرر المكنونة كما لا أنكر أن هناك عائلات يقال عنهامتمسكين بالدين يتبع
سورية
-

2007-11-01 09:07:05
عربي سوري
حتى نكون واقعيين
في مجتمعنا تتجه الأنضار إلى الفتاه (ذهبت -تأخرت- كانت مع فلان- لبست..)وينسى الشاب. يقال للبنت لا تفضحيناوعيب ويقال للشاب مو عيب عليك ترسب بالمدرسة لسه ما لقيتلك شي شغة.. ولكن لاأحديخبرهم ماجاء في القرآن أو الإنجيل لا أحد يقول للفتاه أو الشاب هذا حلال وهذا حرام لا أحد يقول العمل عبادة. هذا وغيه جعلا من شبابناعرضة للغزو الفكري فالشاب ضحكت علىفلانه يتبع
سورية
-

2007-10-31 23:22:41
ميزو يؤبش قلبي
الله يديم المعروف ويقدرنا على فعل الخير
سالي انت ورامي حاجة فلسفة فاضية لافيه تضييق ولا فيه بطيخ التضييق الوحيد صاير بالبنطلونات والبنتكورات والكنزات الستريتش اوكيه ؟ حاجة بقى ضحك على العقول البنت عم ترجع على بيتها صحيح المسا قبل 10 بس عم تعمل السبعةوتوابعهاقبل ماترجع وعموماً هي حرية شخصية حاجة بقى رجعية وتخلف
سورية

2007-10-31 23:02:14
ميزو يؤبش قلبي
الله يديم المعروف ويقدرنا على فعل الخير
حشاةالدكرتضييق على البنات !! قال تضييق قال انا صاحبتي برجعها على بيتهاالساعة9صباحاًُ الله مايحرمني من اهلها السبور وانفتاح ابوها وتقدمية اخوها الكبير يااااحق .. يارب تقدرني على فعل الخير
سوريا الأسد

2007-10-27 22:17:24
adnan
لك الموضوع اكبر من الشعب عقول الشعب العربي بكتير
لك نحنا ما بننعطى وش لا شباب ولا بنات ومابينفتح هيك موضوع لانو نحنا عرب...... مو شباب وبنات عرب....الحرية يعني حرية التعبير وحريةالرأي مو نفهم الحرية انوا يروح الشب يلطش كل شي بنات بالحارة والبنت تصاحب كل شباب الحارة ف الموضوع بدنا كتير ل نفهموا......
syria

2007-10-22 21:49:47
عنصر المفاجأة
التضييق على الفتاة
فعلاً التضييق على الفتاة ظاهرة سيئة و متفشية جداً في مجتمعاتنا العربية على وجه الخصوص، و أنا شخصياً ضد كل مظاهر هذه الظاهرة بشكل قاطع، لا سيما و قد لاحظت مؤخراً أن هناك احتمالاً قوياً لأن تتمزق البنطلونات لأنها ضيقة للغاية.
Syria

2007-10-18 06:32:03
samo
المجتمع تتحكم به حزمة من العادات والأعراف بدل الدي
أنامع سالي بأنناأصبحنانهتم بالعرف والعادات أكثرمن الدين وأصبحت كلمةعيب أو بيحكواعليناالناس أهم من حرام ومابيجوزوكمثال نجد بأنه من السائد بين الشباب بأن الأهل ربوهم بأن يحافظوا على سمعتهم في حيهم ويقوموا بأي شيء خارج حيهم حتى تظل سمعتهم نظيفة بين أهل حيهم على قاعدةعيب بيحكواعليك الجيران وكذلك البنت عندمايريدون منعهامن الخروج ليلاً فيقولون لهاعيب
سورية
-

2007-10-17 23:03:36
علي
حرية مقدسة
انكل من يقول بأن الفتاة مصدر للعار أو مكمن الشرف الشرف فهو بحق جاهل ومتخلف وأنا نفسي أعرف كثير من الفتيات ممن رفعوا رؤوس أهلهم بين الناس وأعرف كثير من الشبان ممن أزلو أهلهم وأقسم لكم ان تطور المجتمع لا يمكن أن يحدث بدون أساس وهذا الأساس هو الحرية المقدسة أي حرية المرأة وموازاتها مع الياب في كل الامور وعند الوصول الى هذا المسوى نكون قد وصلنا الى الرقي
سورية

2007-10-17 21:05:17
simon
simon-latash@hotmail.com
ياdamsel sally انا لا الدين ولا العادات ولا التربية ولا العرف علمني ان احتقر البنات او اقمعهن بل على العكس....والغلط بلش من عندك وئت التي..."منطقة معينة بهذا الجسد تدل على قذارة شرف الرجل"
ma3ret saydnaya

2007-10-17 09:48:14
sally
>
ومن تكلم على الاديان؟الاديان كلهالم تسمح بالزناللرجل والمراة لكن الدين الذي نتبعه هودين التقاليد المتعفنة والتي تسمح للشاب ان يفعل ما يشاء وكيفمايشاء وتخبئ الفتيات وتقمعهن!انا لست مع القمع ولا الحرية الجنسية قبل الزواج لكنني ضد ان تحلل لشخص دون الثاني وضد تحقير الانثى في هذا المجتمع وتشييئهاولا احد يطبق الدين بل العرف البالي
قمعستان
-

2007-10-16 22:36:06
simon
المجتمع الاول هو مجتمع ملتزم بالانجيل و المسيحية
وكما قال السيد المسيح من نظر الى امراة ليشتهيها زنى بها في قلبه يعني تاملي يا سالي هذا القول لتتاكدي انه لم يسمح للشباب بان ينظر للفتاة نظرة فاحشة بئا وانها الحرية الجنسية العم تحكي عنها
سوريا
-

2007-10-16 13:55:28
سمير
المجتمع الأول هو مجتمع ملتزم بالكتاب والسنة
لا سالي الحرية تدمر لا تعمر مستحيل الانسان يكون حر ويعمر الحر هو المجنون فقط حتى الحيونات ليست حرة عندها غريزة في حيونات مثل الجمل يقتل الي يشاهده وهو يمارس الجنس؟؟ تخيلي فلذلك على الناس ان تقيد أولادها بس على فكرة لازم التفريق بين الشاب والبنات لان البنت تربي والشب يعمل كل شيء الماوة غلط فادح بحق البنت ؟؟؟ البنت مخلوق ضعيف وحنون أما الذكرمخلوق خشن
سوريا

2007-10-16 12:33:08
sally
>
يلا المممماع احسن من(الشنهقة) وبتشكر يلي فهموا قصدي والغاية انو اذا في تضييق عالبنت لازم يكون في تضييق عالشب واذا في حرية فلازم لل2الطرفين مرتبطين ببعضهم يعني بستغرب من الفهما يلي بيعطوا الشب حريته كلها بمافيها الحرية الجنسية وبعدين بيديقوا عالبنات؟ طيب الشب مع مين بدو يمارس هالحرية؟ كمن يفلت الذئب ويقول للغزلان تخبوا!
قمعستان
-

2007-10-16 02:22:09
سمير
المجتمع الأول هو مجتمع ملتزم بالكتاب والسنة
شباب لا تضغطوا على سالي سالي ماتقصد ان نترك البنت تروح تمارس الجنس على راحتها؟؟؟؟ لا والله اعلم تقصد أن المجتمع فاشل ويضل فاشل أذايعتق الشرف بالبنت بس وصح كلامها بس أقول ل سالي ان الانثى مكرمة في الغرب يقولون الأنثى نصف المجتمع لاالانثى في الاسلام هي المجتمع كله فهي نصف المجتمع وتربي النصف الاخر
سوريا

2007-10-16 01:28:41
سمير
المجتمع الأول هو مجتمع ملتزم بالكتاب والسنة
السلام عليكم كل عام وانتم بخير ياشباب جريمة الشرف جزاها القتل لان القاتل يقتل والزاني يجلد والسارق تقطع يده هذا حكم الله فماذا تحكمون؟؟؟؟؟؟؟؟؟؟؟ وعلى فكرة في مجتمعنا عادات غير صحيحة ومسلسل باب الحارة وضح بعضها ؟؟؟؟ وانا مع تقييد الشب بس من دون التأثير على شخصيته وكذلك البنت ؟؟؟؟ ويجب انت تحل الثقة محل الشك والريبة
سوريا

2007-10-15 23:13:07
simon
...........
في بعض الناس شاذين ومفكرين حالهم خروف او معزاية وبدهن يبدعو بل مممااااع اكيد عرفو حالهم...
قهرستان
-

2007-10-15 23:09:53
simon
...........
اللة محييكي ومحيي اصلك يا sara يعني عنجد انك اصيلة وفهمانة بيضتيها وللة....
سوريا

2007-10-15 21:01:34
ابن الشام
الحرية تؤخذ ولا تعطى
هذا لا يعني انقلاب عائلي أو فلتان .. إنما بالعلم والمعرفة تتوسع المدارك فيصبح الوعي أعمق .. نحن نرى الآن أن الوعي الضحل يجعل من الام التي انتقص من حريتها في شبابها تعامل ابنتها بنفس اسلوب الظلم كأن العملية ( سلم واستلم ) والقرارات الصميدعية في بلدنا تساهم في تجهيل المرأة أو انحرافها بعيدا عن مفهوم الحرية الصحيح ألا وهو توسيع المدارك وليس فرض قرار .
بلاد آرام
-

2007-10-15 07:58:34
Sara
*_*
أنا مع simon بأنو ايام باب الحارة كانو هنن الاصل والكرامة .صح كانت البنت تضل بالبيت وما تطلع وتحافظ على حالها وكمان الشباب كانو ما بشوفو بنات ولا يقربوعلى حدا هلا مفهومحرية البنت انو تلبس القصير واللي بدها ياه وتطلع تتمشور
سوريا
-

2007-10-15 04:43:34
BteeeeKH
صباح الفل
هلق الدنيا صبح الله يصبحكن بالخير وبأنوار النبي محمد ( ص ) انشالله تكونوا روقتوا أول شي ؟بعرف الشاي تبعي مو زابط بس هاد اللي طلع معي شو بعمل ...أول شي بحب قول للغالي سيمون ( ادعو الى سبيل ربك بالحكمة والموعظة الحسنة )وبقول للغالية سالي انا بتفق معك بأنواختلاف العقليات والآراء والافكار ووجهات النظر الها دور بتطور الحياة بكافة أشكالها لكن بالشكل الايجابي.
besoooo99@hotmail.com

2007-10-15 03:40:38
samo
شاب يحتقر مقولة الشاب ذنبه مغفور
يعني مقولة أن الشب معلش خليه شوف حياتو قبل ما يتزوج ومقولة الشب ما بعيوا شي غير جيبتو هذا كلام تافه وسفيه أما من يدافع عن جرائم الشرف فأقول له يعني رب العالمين قبل التوبة فليش نحنا نحرم الفتاة من حق أعطاهاإياه رب العالمين وبعدين يعني رب العالمين بس رح يحاسب البنت يوم القيامةبالزناويقول للشب روح معلش أنت شب هذاكلام تافه فرب العالمين لم يميز في التكليف
سورية

2007-10-14 19:37:33
sally
?
ماعندي لاهموم ولاشي بس مابحب شوف الا 1+1=2هيك تعودت مشان هيك بيستفزني الكيل بمكيالين والازدواجيات بالتعامل وبدي قلك شغلة انو يلي بيختلف عنكم مو لازم يكون مهموم او معقد الاختلاف هو ابو الابداع وكل المبدعين والثوار شذوا عن قطيع الغنم المتشابه وهدول يلي قدموا للعالم مو يلي بيخافوا من لعنة المجتمع وبتشكرك اخ BteeeeKHكونك محترم
قمعستان
-

2007-10-14 04:25:27
BteeeeKH
روقونا شباب شبكون ؟
لك شبكون سيمون وسالي عم تتناقروا قالبينا حرب نووية لك هاد موقع للنقاش والحوار الحر مو مشان نتخانق ونخلق عداوات بين بعضنا خلص روقو وهي احلا كاسة شي تخدوم شوارب العقيد سيمون والاميرة سالي في بلد العجائب لك مو حرام عليكن والله نعسان وعندي دوام هيك غلبتونا بكاسة هالشاي يلا ما في شي بضيع عند الله سلام ديروا بالكن عسالي باينتا بنت طيبة وعندا شوية هموم
besoooo99@hotmail.com

2007-10-14 04:18:23
BteeeeKH
بنت : أعطني حريتي أطلق يدي
رح نعطي لكل بنت وشب الحرية التامة ... يا ترى شو رح تكون النتائج ؟ النتائج ما رح نعرفا لحتى نعرف عقلية كل عائلة مسؤولة عن ابنا او بنتا ازا كانت العيلة بترضا للشب او البنت الشغلات المخلة بألأخلاق والانحلال التام فهاد يعني الامور عندون عادية فما في داعي لنحكي بالشرف بالمحل هاد وهالشي بيرجع للدين بالدرجة الاولى والقيم والعادات بالدرجة التانية يتبع...
besoooo99@hotmail.com

2007-10-14 03:48:01
BteeeeKH
بنت : أعطني حريتي أطلق يدي
اول شي بقول ازا القاضي راضي فنحنا مالنا شغل في رب هو بحاسب الكل وكل واحد بيعمل بأصلو وكل واحد على دينو الله بعينو انا مع حرية البنت والشب ولكن ضمن المعقول والبنت اللي بتطالب بحرية المرأة يا ريت أول شي يحددو مفهوم لحرية المرأة ومضامين هالحرية لحتى على أساس هالمفهوم نحدد نكون مع أو ضد ..بالنسبة للتضييق عالبنت بعتقد ما الو داعي .. البنت وأصلا ...يتبع
besoooo99@hotmail.com

2007-10-13 18:59:37
simon
...........
يعني مافي بلسان بعض الناس غير الشوك والنغزوالالم والقهر وما بيعرفو يتفزلكو غير بهل كم كلمة القذرين...... مو حافظين غيرهم يعني
سوريا
-

2007-10-13 15:12:42
sally
?
قال بيقولوا انو يلي فيه شوكة بتنغزو وبتقهروا وبتآلمو وبتطققو صحي هالحكي؟بتوجه بالسؤال للاخ يلي ظهرت عليه اعراض نغز الشوكة!عرف حالو
قمعستان
-

2007-10-13 12:42:52
simon
........
ابو عصام وابو شهاب وزمان باب الحارة هم الاصل ورمز الشرف والكرامة وكل واحد بؤول غير هيك بكون عم يخدع نفسو ويضحك على حالو
سوريا
-

2007-10-13 12:36:41
simon
...........
لو بئدر احكي كل شي وبضمن انو ما رح يتشفر كنت بينت لكل واحد عم يتفزلك مين هو او هي على حقيقتهم وكنت بينتلهم ما هو الشرف
سوريا
-

2007-10-12 20:38:20
sally
?
بالمناسبة انا لست سيدة !فهل اسم سالي يوحي بأم خالد وأم عصام ؟ ام لمجرد الاستفزاز ؟ وبشكر كل يلي بيفكروا بطريقة صحيحة وبعقلية نظيفة وبقلهم متل ما بقول لحالي الله يعينكم على هالتخلف وعلى هالمجتمع يلي رح يضل ورا الى ابد الابدين طالما عايشة فيه عقليات اب عصام وابو قاسم!ويلي فيه شوكة بتنغزو!!
قمعستان
-

2007-10-12 20:33:07
sally
?
لا اريد ان اسمع كلمات مثل كما تدين تدان والتي لانسمعها الا فيما يتعلق بالمراة وقضاياها وغيرها من القضايا التي لن تحل الا ليأذن الله وانا لم اقل ان على كل الفتيات فقدان عذريتهن انا ضد ممارسة الجنس قبل الزواج وبصورة شرعية وضد ارغام الفتاة على مالاتحب وربط اعضائها بشرف الفحول الذين لايعرفون شي من الشرف ويستشرفون على جواريهم فقط
قمعستان
-

2007-10-11 21:17:42
رامي
الى سالي
انا حابب اسأل سالي ايمتى سمعت عن بنت تم اغتصابها وقام اهلها بذبحها وليش كل هالعصيبة بالنقاش مع اني متفق تماما معها, واي شخص يعتدى على شرفة تأكدي تماما انه هو يكون اعتدى على شرف احد والايام ترد له الدين فكما تدين تدان.
سوريا
-

2007-10-11 15:31:21
شظ مظ
كوسا مع لبن
على عيني كلامك ياسالي؛؛ياريييييت يكون في حدا يسمع و يفهم كلامك؛؛؛لانو عن جد صرنا مسخرة من هيك تفكير جامد
Germany

2007-10-11 12:48:34
butterfly
منفذ
اعتقد ان الأهل بيزعلوا على الشباب,أمام التحديات التي يواجهونها كل يوم و المذلة التي تاكل قضمة من كرامتهم كوجبة أساسية,أعتقد أن الأهل لاقولها منفذ للشباب,اسهار ابني اسهار...رجال انت لكان..يقبر قلبي شو زلمة بتطلع منو كل كلمة بتقسم شجرة أبونا آدم..يعني كللو بيلحق بعضو..المشكلة في انحلال أخلاق الشباب..تنعكس على البنات من أخواتهم,صديقاتهم,زميلاتهم و هكذا
حلب
-

2007-10-11 12:45:29
butterfly
معادلة
معيار الشاب ال cool هذه الأيام يعتمد على ضرب عدد الشتلئم التي يوجهها لأحبائه من عائلة ,أصدقاء و حتى أغراب ,ضرب الشتائم بالساعة التي يعود فيها هذا الشيء إلى فندقه..مسخرة يا شبابنا مسخرة..
حلب
-

2007-10-11 11:50:43
طالب
حرية المرأة
أنا مع حرية المرأة و لكن كل شيء بتوسط أنا طالب في الجامعة و لكن ترى في كثير من الأحيان أن الطالبات لن يأتوا للتعلم بل لعرض الأزياء أنا أحب الأناقة و لكن كل شيء بحدود الغرب تقدم عنا بأشواط و ذلك بسبب جهلنا عندهم العلاقات الاباحية عادية جداً عندنا هناك الدين (الاسلام و المسيحية) يدعون الى الحشمةو هم أيضاً يدعون الى طلب العلم
-
-

2007-10-10 13:45:01
أحمد
كلمة
دوما هذا الاصطياد في الماء العكر ولكن للعلم الضحك على الفتاة والأهل بهذه العبارات لم يعديجد نفعا فقد جربها الكثير وو مآسيهم إلى الآن لم تنته - و إلى السيدة سالي فلتعلمي أنه حتى الغرب يسمي غشاء البكارة بالخلايا النبيلة هذا عند الإباحيين فكيف عندنا وكل شي يتعوصض إلا شرف المرأة فإنه إذا ذهب لايعودوكفانا تجرأ على الأخلاق وفقك الله
*
-

2007-10-10 10:49:52
مكسيم
شرف الرجل بين فخذي المرأة
ما قالته سالي واقعي ومنطقي ,واريد أن أطرح نفس السؤال الذي طرحه مسيو سيمون عليه هو .......فهل تغير الواقع
syria

2007-10-10 10:42:09
simon
حاجة فزلكة
حاجة كل واحد يحكي على كيفو ويعبر عن رأيو..........لو وصل راسكم إلى السمابنضل عرب والعرب معروف بأفكاره عن المرأة
معرة

2007-10-10 09:18:44
sally
?
مادام هيك ليش بيدبحوا البنت بجريمة الشرف وما بيدبحوا يلي عمل فيها هيك؟ولا لانو ضعف جسديا بيقتلوهاوبلالهم العلقة مع الرجال! هالشرفاء!بعدين كل هالخوف المرضي وتزويج البنت عال18 بهالمجتمع بسبب هالغشاء التافه وبدي افهم وحدة من الازدواجيات والمتناقضات المليون بمجتمعنا وهي بيخافواعليها تغتصب بس بلحظة بيقتلوها! شلون هي زبطت معهم
قمعستان
-

2007-10-09 20:51:25
رامي
الى سالي
انا ما ربطت الاعتداء على البنت بمفهوم الشرف انا قلت انو من باب الحرص عليهابشكل عام نفسيا وجسديااي يجب ان تخاف على الفتاة قبل ان نخاف من العادات البالية, وعندما تغتصب اي فتاة فالذي اغتصبها هو الذي يضيع شرفه وليست هي لانها هي الطرف الاضعف, قال حشك ولبك قال.
سوريا
-

2007-10-09 20:17:30
رامي
الى سالي
كلامك صح ويمكنك ما قريت تعليقي السابق منيح الشرف مو مرتبط بالبنت بس ولا بمجرد غشاء تافه بس انا حكيت انو الشب اقدر على حماية نفسه لانه فيزيائيا اقوى مو اكتر من هيك, وسط مجتمع بعض شبابه اقرب الى الذئاب منهم الى البشر
سوريا
-

2007-10-09 12:01:47
sally
?
اي انسان يعتدى عليه رح يترك هالشي عندو اثر نفسي سيء يعني اذا انت انضربت قتلة حشك ولبك وذلوك فيها مارح يسود وشك وتحس حالك ضعيف ومنبوذ مثلا بتصيربلاشرف يعني؟ اذا بدنا نربط الاثر النفسي بالشرف فالرسبان بصفو قليل شرف كمان!افي اطفال ذكور بيغتصبوهم كمان ليش ما بيعملوها قصة شرف ولابس المراة!اي اعتداءهومؤذبغض النظرعن الجنس
قمعستان
-

2007-10-08 23:37:50
رامي
مجرد راي
انا مع ان يكون هناك بعض الحدود على حرية المرأة في التنقل ليلا مثلا من باب الحرص على سلامتها وليس من باب التحكم بها او الانتقاص من انسانيتها,واللي مو مقتنع يقرأ اي مقال عن الاثر النفسي للاغتصاب على نفسية المرأة واكيد رح يقتنع بكلامي, وفعلا الشرف مفهوم مرتبط بالرجل كما هو مرتبط بالمرأة على حد سواء ويجب ان يحاسب الرجل المخطأ كما تحاسب المرأة دون تمييز.
سوريا
-

2007-10-08 21:41:40
xxl
هدا حكي فاضي
لك مشكلتنا ماسكين حضارة الغرب من دنبها يعني بنترك العلم و الثقافة و التطور و بنركض على اسخف شيء واللي هو حرية المرأة واللي هو شغلة من زمان كتير نسيوها الغرب انا بدي اسال صاحب المقال بيرضى انوا يأمن يترك الحرية لزوجته تروح تسهرلوجه الصبح
سورية
-

2007-10-08 13:00:32
simon
مع احترامي
ياانسةsally ساطرح عليك سؤالا بكل احترام اذا تعرض لك شاب واغتصبك لا سمح الله ماذا سيكون موقفك عندها كوني على يقين أنك ستعيشين طوال حياتك بائسة ومذلولة فكري في معنى الشرف جيدا
سوريا

2007-10-07 08:54:05
sally
?
كيف نعلم اننا لازلنا في زمان باب الحارة او اسوء؟ عندما يتحدث الانسان عن رأيه ويعبر عنه فيخرج له بعض الذين_نغزتهم الشوكة_ليعلقوا مقهورين ومحتجين على تعرية حقيقتهم القذرة ولم يحب ان يتفزلك اقول له اذا كان هذا يقهرك فأنا خلقت لهذه الغاية لقهر الحمقى وشكرا لانك اظهرت لي كم انت مقهور_ياحرااام زعلتني_
قمعستان
-

2007-10-07 08:51:05
sally
?
الشرف مسألة شخصية تتعلق بأخلاق الشخص وليس بكيان اخر وبغشاء بكارة كيان اخر!!انه اشد تحقير لقيمة المراة ان نقيم انسانة بروح وعقل من خلال هذا الامر التافه ان دل هذا على شي فانما يدل على انعدام وجود العقل لرجال هذا البلد وكأننا لازلنا نعيش في زمان باب الحارة لكن الحق على المراة الصامتةالتي سمحت للذكور بالتمادي للاسف
قمعستان
-

2007-10-05 18:39:30
simon
حاجة فزلكة
حاجة فزلكة يا ......sally
سوريا

2007-10-05 14:50:16
sally
?
حاول الرجل تبرئة نفسه من الالتزام الخلقي فربط شرفه بجسد المرأة وبمنطقة معينة بهذا الجسد تدل على قذارة شرف هذا الرجل المدعي وظل الناس يتوارثون خرافة الشرف ويقتلون لأجلهادون ان يعلموا ان الشرف مسألة شخصية لاتتعلق بغشاء بكارة المرأة الذي اذا وضع على الميزان لاوزن له ولاقيمة لكن امراة بكل ماتحمل ن افكار وامكانات تقيم من خلاله
قمعستان
-

2007-10-04 08:37:23
يوسف المسط
بدون مبالغة
بلدنا ميزته الكبرى في الأمن والأمان والمرأة حصلت على حقوقها كالرجال تخرج في الليل ووقت ما تشاء وتصعد التكسي باحتشام فيخشى السائق منها إن أساء هذه هي الحقيقة ولو كان هناك استثناء
حلب

2007-10-03 13:46:55
مشارك
الكلام شبه صحيح ولكن......
لو أن الأهالي يضيقون الخناق قليلا على الشباب ولا يسمحون لهم بالعودة متأخرين على بيوتهم في الساعة الثالثة صباحا لكانت الفتيات بألف خير من ((الذعران)) اللذين يجوبون المدينة من الساعة السابعة مساء حتى بزوغ الشمس وأيضا على الفتيات أخذ الحيطة لكي لا يقعن فريسة التأخير وأن الأهالي هم خير المرشدين لهؤلاء الشبان والفتيات
سوريا
-

2007-10-03 12:40:53
simon
look
شوفوا الشباب وئتي بشوفو بنت حلوة ماشية بالطريق شلون بيطلعو عليها ويأكلوها بنظراتهم المباشرة
سوريا

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات