مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
السماح لطلبة المدارس باستخدام الموبايل
مواضيع للحوار

في قرار من وزارة التربية، بات من المسموح لطلبة المدارس باصطحاب الموبايل إلى مدارسهم، على أن يستخدموه، حسب قرار الوزارة، بصورة معتدلة، ولأسباب وجيهة.


القرار أثار استياء العديد من المدرسين والموجهين في المدارس بسبب ما ولّده من مشاكل ناتجة عن استخدام بعض الطلبة الموبايل للمشاغبة وتعطيل الدروس، وحينما يطلب منهم أحد المدرسين أو الموجهين عدم إحضار الموبايل إلى المدرسة، أو حينما تقوم إحدى الجهات في المدرسة بالتحفظ على الموبايل مؤقتاً، بغية الحفاظ على انضباط العملية التعليمية، تمرد الطالب وتدخل أولياء أمره متذرعين بقرار الوزير الذي حفظ حق الطالب في استخدام الموبايل.

والحصيلة الكثير من الخلافات بين المدرسين والموجهين في المدارس وبين الطلبة وأولياء أمورهم، والضحية الرئيسية هي العملية التعليمية، فقرار الوزير السماح للطالب باستخدام الموبايل في المدرسة، لم يحدد الآلية التي يمكن من خلالها ضبط أو معاقبة الطلبة الذين قد يستغلون هكذا قرار للمشاغبة أو تعطيل الدروس أو تبادل صور مسيئة للأخلاق بينهم وبين زملائهم عبر الموبايلات.

من وجهة نظر الوزارة أنه في بعض الحالات يضطر بعض أولياء الأمور للتواصل مع أبنائهم مما يولّد الحاجة لاستخدام الموبايل.

فما رأيك فيما سبق؟

 


 
2008-09-18 00:39:19


شارك بالتعليق


2010-10-28 21:27:33
طالبة من مدرسة لؤي سليمة
شكرا لهذا القرار الحكيم
شو هالتخلف لسا كل واحد بدو يجي يحكي عكيفو وكل المعارضين لهاد القرار ظنن عاطل وبفكرو كل العالم متلن حلنا بقى نتحضر وما نفكر بهل مواضيع التافهة اللي هيي مسمووحة عند كل البلاد المتحضرة نحنا جايين نتعلم مو نتبهدل وياريت حدا من الموجهين برد عالقرار وبضلو ياخدولنا موبايلاتنا انا من كم يوم نفصلت لانو جايبة موبايلي 3 ايام انا جاية اتعلم مو انفصل؟؟
syria/lattakia/

2010-03-26 02:48:09
قمر
ليش لا؟
برأيي اذا ما كان الإنسان مرتاح وبالو فاضي ما بيقدر يدرس ولا ينتج شي..الحصار الزايد للطلاب يلي بطعمة وبلا طعمة بضر ما بينفع..لما تطلع الموبايلات بالحصص وقتها بصير لازم يتعاقب الطالب بس لما بجيبو عالمدرسة مشان يدق لأهلو يجو يجيبوه فهو ما عمل شي غلط.. ليش بتم مجتمعنا بيتطلع عالطالب انو هو الصغير..لما بحس الطالب انو هو فعلا صغير وانهانت كرامتو بصير هيك فعلا
سورية

2009-05-08 15:57:34
مدرس خائف
الموبايل عماد الوطن
لا بد من قرار تكميلي بجواز اصطحا ب النرجيلهالى المدارس ايضا مع جواز استخدامها في حصص الفراغ شكرا وزارة التربيةعلى الاهتمام بالطلا ب رجال المستقبل الواعد
سوري
-

2009-05-08 15:44:39
يحيى العلم يا عمي
بالموبايل نبني الوطن
من جديد وكما عوددتناالوزارة التربويةالسمحةتنجب لنا هذا القرار الشجاع الذي لاشك سيرفع التعليم الى اعلى المراتب وسيحول الصفوف اقصد الصف التعليمي الى مقاهي انترنت بامتياز لكن اظن انه لابد من استثناء الصور الخلاعية بعض الشيئ ونحن بانتظار قرارات جديدة بخصوص امكانيةجواز الاعتداء على المعلمين باستخدام الادوات الحادة لان الضرب لم يعد يؤثر بهم ودمتمممممممممم
سوريا

2009-05-08 00:40:54
ياسر ونعمى
الفرق مع أيام زمان
من زمان كان الطالب يقول في نهاية اليومالدراسي " الحمد لله لم نأكل أية بهدلة من المدرس". أما مدرس اليوم ومع نهاية كل يوم يقول، الحمد لله لم نأكل أي كف أو بهدلة من الطالب.
سوريا
-

2009-05-01 07:30:13
رامـــــ وبس ـــــــا
طالبة
بالتجرّد من كل التفاهات والتخلف الذي بشعبنا السوري معلمين وأهل القرار سليم لأن الاساس هو البيت ليس كما يضحكون بعقولنا بقولهم هذه ورزارة التربية والتعليم اي التربية قبل التعليم التربية من الاهل وليس الاساتذة اللي بدهم تربايةاكتر من الطلاب وبصراحة في مراهقين بيستعلموا الموبايل بطريقة حكيمة اكتر من الاستاذ اللي بيعطّل الدرس وبيشوش مشان يتخانق مع مرته
سوريا المعتّة بفضلكم

2009-04-09 23:10:37
ضحى
093358162
جريمة ونتمنى من السيد الوزير اعادة النظر في هذا المرسوم لما فيه من أذى و دمار لأفكار اولادنا و تشتتيت عقولهم و بعدهم عن الفهم في المدرسة ارحم اولادنا سيادة الوزير بارك الله فيك
ام
-

2009-04-03 06:41:33
حسام الدين اشرف
جريمة
انا اعتقد أن اصطحاب الطالب لجهاز الموبايل الى المدرسة هو جريمة بحد ذاتهاهذا يعني بان هذا الطالب عطل على نفسه وعلى اصدقاءه الفهم نرجوا من سيادة الوزير اعادة النظر في هذا القرار الذي خلف مشاكل عدة بين الطلبة ومدرسيهم وبين الطلبة ذاتهم كيف كنا نعيش بدون هاتف منزل لنرجع الى الوراء قليلا هذا الجيل يريد ذريعة لكي يتمادى احموا طلابنا بقرارات معقولة شكرا
سورية

2009-03-24 15:23:17
لولو
مشكورين حقيقة
حقيقة من موقع مدرسة مشكورين على القرار ما كان ناقص غبرو،،، اي نحنا بقرار منع الضرب الطلاب كبر راسها فكيف مع اصطحاب الموبايلات،،، ليش في ادارة وموجهين،، مو لحتى هني يعلمو الاهالي عن أي طارئ لاقو شغلة تفيد العملية التربوية احسن من هالقرارات ،،، عم تفهموا الحضارة غلط
سوريا
-

2009-03-21 01:14:01
مدرسة
السماح للطلاب باستخدام الموبايل
نحن نحترم قرارات الوزارة لأنها تبحث في جعل الطالب يرتاح في المدرسة ولكن مع فائق الاحترام يمكن للطالب أن يتصل من هاتف المدرسة اذا كان هناك ضرورة ما ويمكن تزيد المدرسة بأكثر من هاتف لهذا الأمر لأن الحوادث التي حصلت في المدارس من جراء هذا القرار أثبتت عدم صلاحيته وشكرا
syria

2009-03-16 14:28:26
سام
sag1955@hotmail.com
هو قرار حكيم لأنو موبايل شي أساسي وصو وتبادل الأشياء الممنوعة مالزموا قرار حتى يصير فهو موجود من قبل هالقرار
جدة
-

2009-03-13 15:29:51
مدرس
اخر زمن
الشكر كل الشكر لهذه اللفته الكريمه للوزاره الموقره وابشر المسؤولون عن الوضع التعليمي والدراسي في بلدنا اننا نقترب الى اعلان وفاة العلم والتعليم الجادو الهاد ف واننا بالفعل نجحنا بجداره في انشاء جيل اللهو واللعب والسخريه وانا اعد طلا بي الاعزاء ان اقطع الدرس عند ورود اي اتصال لانو الموبايل اهم بكتير بكتير وخصوصا يلي فيه كاميرا مشان تحلى القعده
سوريا
-

2009-03-12 14:57:33
فررووو
السماح لطلبة المدارس باستخدام الموبايل
يجب على الوزير تحديد اختصاصات الموبايل و مثل ما نعرف ثمن التطور غالي
سوريا

2009-03-06 06:01:55
أسامة
تعليق
الحل بسيـــــــط يا جماعة ..."أجهزة تشويش" تغطي مجال معين بحيث تمكن الطلاب أو الأساتذة من استعمال الموبايل في أماكن معينة وفي حال الظروف الطارئة والتي يتحجج بها البعض فأقولها ببساطة "اذا حدا بدو يتصل بالطلاب أو المدرسين يتصل بالمدرسة" ولا الأهل ما بيعرفوا وين ولادهم؟؟؟؟؟؟؟؟؟؟؟؟؟؟؟؟؟؟
سوريا - حلب

2009-01-02 22:01:38
مروان
لما لا....؟
يعني لما يقول الاستاذ للطالب ممنوع الموبايل وياخذ الموبايل من الطالب ويقول تاخذه في نهاية الدوام وبنفس اللحظة يرن موبايل الاستاذ الكريم زوجته تسأله شو حابب تتغدى فبرأيكم شو شعور الطالب انا اعيش في بريطانيا وكل الطلاب يحملون موبايل وابدا ماهو مشكلة يمتا بدنا نتخلص من هالافكار والله الموبايل متعة للي يعرف يستخدمه وفائدة اكثر من مظرته
ENGLAND
-

2008-12-27 02:40:41
مودة
انا مع وضد
انا مع استخدام الموبايل ولكن بقيود اولا انو الموبايل يكون فاضي ما فيو لا اغاني ولا صور تافهة يعني للاتصال وبس متل ما القرار بينص وكمان ممنوع استخدام البلوتوث ويللي خايف على جهازو يخلي بلوتوثو مسكر على طول وكمان لازم يكون صامت وانا ضد اذا كانت المدرسة بتسمح باستخدام الهاتف الارضي عندها بس بالنهاية بضلو مراهقين مدارسنا ما الهن امان يعني الا ما يعملو شي
syria
-

2008-11-29 23:12:35
احمد
وزارة التربيه هي من افشلت العمليه التعليميه
انني مدرس وانني اوافق , كل ماجاء بهذا التقرير , جملة وتفصيلا , وان من افسد التربيه هي وزارة التربيه , فاذا كانت تخاف على مصلحة الطلبه , فلماذا لاتضع فى كل صف مدرسي 20 طالب عوضأ عن اربعين , لماذا تترك بعض المدارس بدون مدرسين , لماذا خفضت لهم حصة المازوت , لماذا لا تهتم بالمناهج فانني التغيير المستمر مما يدل على الفشل المستمر في التأليف , لماذا ,,,,,,,
سوريا - حلب
-

2008-11-15 19:34:19
احمد خياط
الله يرحمك هديك لايام
قرار الغاء التربية العسكرية هو يلي جر كل هل مصايب . لك طالب بالمدرسة شو بدو اهلوا يطمنوا عليه شو باعتينوا عل حرب بس برأي صار لازم يتغير اسم لوزراة والله برحم ايامنا كنا نشوف لاستاذ بشارع نغير طريقنا بس ما تجي عينا بعينوا لانو كنا نخجل حتى نسلم عليه
سوريا

2008-10-31 00:32:19
syria is my soul
مو ضروري...بس ...
هلا هو الموبايل ما بيحتاجو الطالب بالصف او بالمدرسة الا اذا حب يسمع غنية بالفرصة هيك انا برايي ممكن لانو كتير من الطلاب بترتاح وقتلي بتسمع مطربها المفضل وهيك بيفوت مرتاح عالحصة انا هاد رااي اما غير هيك لا
syyyyyria
-

2008-10-26 12:31:33
DOCTEUR/الدكتور
حل معقول
يمكن أن نفرض نوعا من الموبايلات لا يحوي بلوتوث ولا كاميرا أي أبسط أنواع الموبايلات أي النوع الذي يتصل ويستقبل فقط وبهذا نضع حدا للموضوع ومشاكله ولا نقضي عليه
الإمارات
-

2008-10-15 13:08:15
حسان جمعة
أين التعليمات الناظمة للقرار
اعتدنا دائما على صدور قوانين وقرارات دون تعليمات تنفيذية مما يؤدي إلى إسائة القرار للشرائح المستفيدة منه حسب فهم أو مصالح من يطبقون هذا القرار ، وعندما تصدر التعليمات التنفيذية يكون قد وقع الفأس في الرأس ، ومن خلال تجربتي في قطاع التربية والتعليم أقترح السماح للطلاب في المدارس باستخدام الجوال أثناء الفرصة أو الاستراحة وإغلاقه ومنع استخدامه داخل الصف
سوريا
-

2008-10-10 03:44:22
شامية
غير منطي
قرار غيرصائب لاأسمح لاابني بأخذ الجوال إلى المدرسة ولا بحال من الأحوال
سوريا
-

2008-10-08 22:18:10
brseifo
لأسباب صحية.
ثبت علميا حسب ما أوردته "بي بي سي" أن الموبايل يسبب سرطان الأذن لمستخدميه بعد مدة عشر سنوات من الاستخدام،فهل قراركم هذا عبارة عن سرطان هدية لكل تلميذ؟بكير على مثل هكذا هدية،على المدرسة أن تعلم طلابها مصادر الخطر على صحتهم أليس كذلك يا ناس؟
syria

2008-10-06 17:37:40
دموووع
بكيييير كتيييير
لحتى تتغير عقول الناس ويفهموا شوالفائدة من الموبايل . أكيد كنا قادرين نعيش أحسن بكتيير من دون موبايل فكيف اذا صار بايدين مراهقيين وبوقت المدرسة.
سوريا
-

2008-10-05 17:22:13
وسيم
أكيد يسمحو
لإيمتى بدون يضللو شايفينو شي غريب ؟؟ الحرية المطلقة لاستخدام الموبايل بالمدرسة بتساعد على التنمية التقنية للطفل من هو صغير بتفتحلو آفاق التفكير بالعلم بلكي بيطلع من جيلون علماء اتعدو على استخدام هيك تقنية من نعومة أظفارون و اللي عم يقول عيب .. يروح يشوف هو شو عم يعمل بالاول لحتى يفرض آراؤو عالآخرين الحرية حلوة بكل أشكلها
سوريتي

2008-10-04 11:50:58
أحمد
قرار حضاري لكن ...
قرار رائع لكن يجب وضع شروط لاستخدام الموبايل ( ان يقتصر استخدام الموبايل فقط للاتطالات و ليس لتبادل الرسائل و سماع الأغاني و تعطيل الدرس و ...) بالإظافة الى هذا إنه شيئ حضاري.
سوريا
-

2008-10-04 01:39:06
بو عبده
شي بخجل
شو قلة الحيه عند هالطلاب بجيبو الموبايل ليعملو ضوضاء
-
-

2008-10-01 16:44:28
حـــــيـــــدرة
قرار
قرار السيد الوزير سليم مية المية لانه استخدام الموبايل قد يكون ضروريا في بعض الاحيان ولكن عندما يريد الطالب من استخدام الموبايل الشغب واللعب اثناء الدرس فهذا الشي يرجع للطالب ولو ان الطالب يريد الاستفادة من درسه فلن يكون هناك اي سبب يعطله عند ذلك وشكرأ لكم
syria

2008-10-01 07:04:10
mEzOo
أعتدلوا
أنا برأيي مافي داعي لكل هالتعصيب ماحدا بيقدر ينكر أنوالموبايل صار من الأساسيات بهالزمن وانا برأيي قرار السيد الوزير سليم بس ناقص .. ناقص يحدد مجال أستخدام الطلاب للموبايل بالمدرسة يعني الغلط من السيد الوزير مو القرار .. لأ .. الغلط هو عدم وضع سلطة لادارة المدرسة مشان ما يتحول الموبايل من أداة مساعدة لأداة مسخرة وتضيع وقت وشكرا على هالموضوع
سوريا الأبية

2008-09-30 17:49:20
رجل الظلام
الموبايل كمان
الطلاب من غير شي بيطلعو نصفهم فاشلين فما بالكن وازا كان الموبايل يشاركهم لحظات الصفوة في المدرسة وخلال الدرس ارجو ان يتم اعادة نظر في زلك
سورية

2008-09-30 12:12:29
سلامه
مممممممنووووووووووووووووع
الموباي في المدرسه يلهي الطلاب عن الدراسه والشباب بعد ما يخلص الدوام بتشوفو شايل موبايه ومعلي صوتو علاخير
syria

2008-09-29 08:55:55
رباب
أين الوعي يا سيدي الوزير
لا وألف لا للموبايل في المدارس لأنه يلهي الطلاب جدا أنا طالبة وأرى كيف الطالبات متجمعات مع صاحبة الموبايل يتفرجون على صور الممثلين ويستمعون لأغاني وهذا همهم كل الدوام وتبدأالمشاكل عندمايبدأ الصبيان بالتصويروالرنات للبنات فليس كل من بالمدارس متربى وواعي فضلا عن ضرره للدماغ بكثرة استخدامه أناأرى منعه في المدارس فورالأنه يلهي صاحبه والآخرين جدا عن الدراسة
سورية
-

2008-09-28 12:25:16
الغضنفر
الشغلة ما بدا حكي !
- لك ليش إنتو دايما بدكون تفرجونا إنكون عم تعملو شي منيح ! الموبايل أمر سيء مع الناس يللي ماعندون زوء ....! بس كمان ضروري إذا صار شيء طارق , يعني إذا اندعس حدا الناس يللي شافتو مدعوس ممكن تاخد الموبايل وتستعملو
هونولولو العربية
-

2008-09-27 07:48:17
رند
ممكن وغير ممكن
مرحبا ياجماعة والله هالموضوع حساس بس كأنوالقرار مو مفهوم كتير ؟!هلأ انا بحس انو الموبايل بالأساس مالازم يحملوه اقل من 15سنة لانو قبل هالعمر نوعا ما بتكون مسؤليتون من اهلون بس بعدين بيكون صار في نضج ووعي ..انا برأي انو يسمحوبالموبايل بس بالحالات يلي كتير ضرورية مولمين ماكان او اذا مابدون يسمحو يحاولوانويتحملو مسؤولية الطالب حتى يوصل عبيتو
syria

2008-09-27 03:51:09
********
............
ولسى الخير لقدام ....! مواضيع رائعه للحوار بس يا ريت يكون فيها فايده لوزاره التعليم وتوعيه الأهل شكرا لمقدم هذا الحوار الهادف
مغتربه
-

2008-09-27 00:38:26
فراتي
هاد الناقص
يعني الأولاد لا يكفيهم قنوات سبس تون ولا mbc3 و باقي قنوات الأطفال لسه بدون يدخلوا مزحات الموبايل وصوره؟؟؟!! والفيــديوووو؟؟؟!!! يعني شو متوقعين من طفل شايل موبايل بدو يستنى بس الاتصال من البابا: بابا أن رح اتأخر بس خمس دقائق ... لا تخاف حبيبي؟؟؟؟؟؟؟؟؟؟؟؟
سوريا
-

2008-09-26 16:14:14
سوري
الخطة الخمسية
ليش القرارات اللي بدها دراسة واللي بتأثر على مستقبل أولادنا بتطلع ارتجالية والقرارات اللي بنحتاجها واللي بتكون مستعجلة وضرورية بدها خطة خمسينية وشكراً
syria

2008-09-25 10:12:18
أديب خلوف
يعني شو هالقرار
وكأنو قبل القرار كان مايدخل الموبايل عالمدرسة.... الله وكيلكن كنت بثانوية المأمون وكانت الموبايلات اكتر من عدد الطلاب... بقى لايمت بدنا نضل نحكي بالنظري؟
حلب

2008-09-24 23:05:32
مستغرررررررررررررررررب
ابحثوا بالانعكاسات السبييلة لقراراتكم قبل اتخاذها
اريد ان الفت انتباه السيد وزير التربية الى ان الشعب في كوريا الشمالية الى الان لا يستخدمون ميزة الاتصال الخليوي وكذلك كوبا التي استخدمته منذ فترة قصيرة فلا ضير في تطهير انبل موسسة تربوية من مساوئ الموبايل ومنعا لانشغال فكر الطلاب اثناء الحصة التعليمية لاسيما ان اتاه اتصال
سوريا
-

2008-09-24 15:33:27
علي
والله عيب عليكم
كل شي يصيربس مو لطلابنا
سوريا
-

2008-09-24 04:50:59
نادين
أصلا ما بيقدرو يمنعوالموبايل بالمدسة
لما كنت بالمدرسةبالاعدادي كان الموبايل شغلة جديدة وكان من المحرمات ,وكنا ناخد موبايلاتنا ونخبين ف شلون هلئ يعني الأولاد اللي بالابتدائي عندن موبايل يعني مين بدو يمنعون ومشان الازعاجات اللي ممكن تصير هي الها حلة انو يطلع قرار أي طالب برن موبايل داخل المدرسة في عقوبة عم تستناه يعني الموبايل يكون مسموح بالمدرسة بس لازم يكون صامت هاد أنسب حل برأي الشخصي
سوريا
-

2008-09-22 15:14:05
lama
التربية أولا
أكيد ضد هي قرار لأنه الكبار عم يستعملوا الموبايل للفزلكة فكيف الأولاد والمراهقين ؟؟؟؟؟
سوريا
-

2008-09-22 15:03:39
EH@B
يمكن كلشي بصير
ليش مامنسمح للبكلورية بالموبايلات بالامتحان ولا المرقبين عميان؟؟؟
سورية

2008-09-20 19:46:39
simon.
كالعادة
كالعادة ...تسن القرارات وبعدها تدرس يتم التخطيط والتخبيط
-

2008-09-19 12:28:49
immortal_life
معقول ليش لأ
اي معقول يستخدموه ليش لأ ؟؟؟؟ بس طبعا هالشي لازم يكون مع ضوابط مو هيك يجي القرار مبهم ما فيو ضوابط يعني مثلا انو يطلب اذن الممعلمة انو يطلع برا الحصة يتصل بأهلو مو يستخدمو بنص الحصة طيب ازا خايفين من البلوتوث بين الطلاب في جهاز بيشوش على البلوتوث وما بيطلع حقو 100 ليرة برأي هادا بيمشي حالو
abu dhabi
-

2008-09-19 01:38:44
رامي ادلب
شي مهم
هاي كيفكون انا رامي من ادلب السنة صف عاشر والله القرار فيه وجهة نظر لانو والله صاير ضروري بعد المدرسة بس نحنا عندنا بادلب كتير مشديين ع هل موضوع حتى انو اذا واحد جاب موبايله ع المدرسة بيصادروه لآخر السنة الدراسية والله انا هادي اول مرة بسمع ب هل قرار شكرا
syria_idlib

2008-09-18 06:04:16
بسبوسة
أنقذوا الراسبين
اذا سمحتوا بالموبايلات المفتوحة للصغار فمن باب أولى عقوبات الجوال في امتحانات البكالوريا ان تلغى والتي خربت بيوت عالم كتير وقضت على مستقبلهم ولا التربية بتقتنع بالعكس
syria

2008-09-18 01:15:27
حلبية
طبعا شد
أكيد انا ضد هالقرار , لانو كلنا رحنا على المدارس بدون موبايلات وما بعمرنا التزمنا الهم , فشو بيلزم طلاب المدرسة انو ياخدو الموبايل معهن .. غريب هالقرار .. ما بيعرفوا شو عم يعملوا الطلاب بالمدارس بالموبايلات واديه هالشي بيأثر عليهم وعلى تركيزهم بالصف !!!
سوريا
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات