2011-01-12 20:00:01
الى المغتربين السوريين في الخليج : انا خريج جديد من كندا كيف احصل على عمل عندكم؟؟

هو مغترب في بلد بعيد بعد ان انهى دراسته يريد الاغتراب في بلد اقرب يوفر له فرصة عمل جيدة ..


يقول ميلاد " أنا خريج ماجسترهندسة ميكانيك من أرقى الجامعات العالمية في كندا, ليس لدي خبرة (خريج جديد) ؛أرغب بتربية بناتي في بيئة عربية"

ويسأل اهل التجربة في الخليج وهم كثر من قرائنا كما نعلم ويقول " أعلم بان هناك تفاوت بقيمة الدخول التي نسمع بها في الخليج ، فما هي أفضل الطرق للحصول على عقد عمل معقول (هل أحضر شخصياً أم عن طريق النت ) أفيدونا يا أهل الخبرة بالأرقام الحقيقية و المجالات المتاحة لخريج جديد مثل وضعي .؟"


advicer experienced 2011-01-19 23:08:12
?
I dad been to UAE,at that time Iwas only un engineer and I couldn't stand more than monthes there, bad treatment for all Arabic foreigners and bad pathetic mentality,decadence, live with Indian Philipian, And Pakistani people...and I've been know in western country and believe me it's better to stay where u re if u re looking only for a good education for ur kids. now even with highly graduate, western nationality and multilinguage I'll never ever think to return there
سوريا
مرحبا 2011-01-18 07:38:43
بالتوفيق
أخي الكريم الخليج العمل فيه لاصاب المهن والاعمال الحرة كمنشات جيد ويعتبرونه ممتاز بل وممتاز جدا ولكن المتعلم واصح الشهادات جدا الوع عادي جدا جدا عمل منتظم واجازات محددة وتحكم كامل من قبل المؤسسة التي تعمل عندها وطبعا الراتب متفاوت من مكان لاخر ويمكن اعتباره جيد ولكن في الة مهمة اذا كانت عندك الجنسية الكندية ركز هنا فانت هنا سوف تكون عززز مكرم على كفوف الراحة اجمل حياة ستعيشها اذا اتيت بجنسية كندية فالغرب مفضل ويمكنك البحث على النت ومن ثم عن طريق السفارة يتم التواصل لعقد العمل
-سوريا
مغترب لديه خبرة 2011-01-15 11:01:56
نصيحة لله
اخي العزيز لا يغرك التعليقات العمل بالخليج ممتاز والله كله بركة وطالما هذه نيتك انصحك في الاستمرار الله يستر عليك وعلى بناتك والنصيحة الثانية السعودية افضل من باقي الدول ومشاكل الكفيل الامور نسبية المحترم محترم اما عن الحصول على العمل عليك الحضور للمملكة كذلك يوجد شركات كندية كثيرة هنا يمكنك التعاقد معها من هنالك كذلك يوجد جريدة الوسيلة بالمملكة تستطيع الاعلان عن طلب وظيفة كذلك ضع ايميلك وانا اراسلك
-سوريا
ttt 2011-01-14 22:22:04
للمهتمين بالموضوع
أنصحك و أنصح كل الأخوة المهتمين بهذا الموقع careerjet.ae و هو عبارة عن محرك بحث متخصص بفرص العمل فقط ضع كلمة مفتاحية و ضع المكان الذي ترغب بالعمل فيه و سيبحث لك عن كل الفرص المتوفرة في هذا المكان
-سوريا
مظلوم 2011-01-14 20:58:16
جرب
تريد ان تربي اولادك تربية شرقية ولا هندية او بريطانية او روسية بدول الخليج خليك بارضك نصيحة
-سوريا
جاسم الجسوم 2011-01-14 12:21:44
رأي
ياعزيزي الخليج محتل تقريباً ثقافياً واجتماعياً فهم يقدسون كل ما هو غربي والعرب الذين يعملون هناك أصبحوا كالطواويس أو الوحوش كل يريد أن يلتهم الثاني ويحطمه ليأخذ مكانه. الكل يخاف من الآخر لأنه يشعر أنه قد يحتل مكانه لأن الحسد والغيرة والطمع والجشع وحب المال هو طبعهم وغايتهم! يبدو أنك أنت أيضاً تبحث عن المال وهذا واضح من سؤالك! مافائدة المال مع الذل؟ تباً للمال الذي يذل صاحبه! الكرامة أغلى من المال ياعزيزي! وكم من عائلة محافظة في كندا وأمريكا بل محافظون أكثر من كثير من المسلمين في بلدانهم!
-سوريا
lion 2011-01-14 07:07:55
watch out !!!
if you have the canadian nationality i advise you to stay where you are ,i refused to work in Dubai because i knew about the discrimination in the society there . for money it may be better but never ever think that the kids education will be better there even in home Syria . believe me the north America and europe teach us the truth and honesty which the Arablands not ,hope that you got the idea good luck.
-سوريا
Far Far Away 2011-01-13 22:47:04
Stay
H've been working here in the gulf since 10 years so far, I worked in KSA, UAE and now Kuwait in Canada you are a citizen but here they will call u diffirent names and treat u as an expat forever. I have kids as well and trust me its not gonna make any diffirence if u move here. if u insisted to come I believe u should start with ur caree there in Canada for atleast 4 to 5 yrs and then move here in order to grab a senior position if u have the Canadian passport
-الكويت
غـريـب الـحـاج صــابــر 2011-01-13 21:18:21
Bonne Chance
أنت خريج كندا؟ يعني أنك أنهيت دراستك الجامعية ومكثت في كندا على الأقل خمس سنوات. إذن يا أستاذ أو يا دكتور إبـق في كندا مهما كانت ظروفك وابحث عن عمل هناك. أولا تتمتع بحريتك كإنسان ومن ثم تمارس اختصاصك وتزداد خبرتك.. وخاصة تبقى بين بشر يحترمون الإنسان كإنسان بغض النظر عن أصوله أو معتقده وعرقه وقوميته. أؤكد لك ما أقول, وما عليك سوى مراجعة فرص العمل المعروضة في أروقة الجامعة التي عاشرتها, أو مكاتب العمل الحكومية والخاصة ومراجعة الصحف اليومية أو الأنترنيت. أتمنى لك النجاح وديمومة الأمل.
فرنسا
مبعود 2011-01-13 21:00:56
الناس بدها تهاجر على كندا وانت بدك الخليج
مشكلة الخليج بنظام الكفالة يعني انت عبد حتى لو حصلت أعلى الشهادات أنا خريج جامعي اشتكى عني الكفيل جنسيتو فلسطيني لبناني و الشكوى بلاغ هروب عامل و تبلاني و حطوني بالسجن و سفروني إبعاد نهائي من الامارات العربية و الموضوع طويل ما في مجال للتفصيلات و الرزق على الله تعالى
-سوريا
تركي العنزي 2011-01-13 20:40:26
التقديم الالكتروني
السلام عليكم استغرب التهجم على الكفيل الخليجي فيهم الطيب والنذل كلا الطرفين بالنسبه للاخ حاول تقدم عن طريق بعض المواقع الالكترونية للشركات اذا كان لك نصيب راح تشتغل في الخليج وامتنى لك التوفيق ولا تعطي اهميه لبعض الردود السلبيه لانه لو كان صادق كان ترك العميل(الكرامه اهم)
السعودية
S-Montreal, 2011-01-13 19:58:34
ليست فقط مشكلتك.
ليست فقط مشكلتك. لو عشنا مئت سنه هنا سنظل على الهامش لا نستطيع حتى المساحمة باصلاح قرار واحد. اما دول الخليج. ابناء الخليج اشقائنا, و الطيب فيهم حتى افضل من السوري. لكن مع الاسف قرار المنشئات الحيوية فيها ليس بيدهم. الحل: مهما صار لا تزعل منك بلدك سوريا, لان لدي شعور بانها لو اعطينها و زرعناها سنجني ثمارها و لن تخزلنا. فلنحاول.
-كندا
s.e 2011-01-13 18:07:13
نصيحة
انا مديرة شركة عقارية بدبي ... اذا كنت تود عمل مناسب براتب مناسب قم بعمل فيزة زيارة و نزل اعلان بجريدة الخليج و لا تتسرع باختيار العمل
-سوريا
مغترب في قطر 2011-01-13 17:16:51
الخبره
اخي العزيز الخبرة الكندية او الامريكيه هي الاساس في تحديد راتبك بالاضافة الى اغلب دول الخليج ومن خلال تعاملها مع خبرات اوربية وامريكيه اصبحت تملك اساليب متطوره في الاداره والعمل واذا لم يكن لديك خبره فلن تلقى التقدير الذي تستحقه وللعلم فهناك منافسه لايستهان بها من كافة الجنسيات ،على الاقل سنتين خبره في كندا او امريكا والله الموفق
قطر
سوري مغترب في بريطانيا 2011-01-13 16:44:01
نصيحتي ارجع لبلدك ما بتندم
اخي العزيز انا صرلي 6 سنين في لندن و معي ماجستير مع امتياز و بعمل بشركة مهمة و بمعاش مغري ولكن مع كل هذا انا لست سعيدا في عملي باعتباري العربي الوحيد. مهما فعلت لا يقدرو عملك و برفعوك بعد ما يفلحو عليك لانو العنصرية و الافضلية للغربي او الخليجي شي طبيعي .انا مليت من الشعور كمواطن درجة ثانية /عبد و بدي ارجع عبلدي سوريا و انش الله بيع فجل و ما حدا بموت من الجوع و انشا الله بلاقي شغل و بضل مع اهلي. هادا راي و بترجع الك. البلد عمتنفتح حتى لو ببطء و رغم كل مساوئ الشام انا براى جرب حظك بسوريا
-سوريا
واحد نص فهيم 2011-01-13 16:30:03
خود خبرة وبعدين فكر بالخليج 3
بالنسبة للشركات النشيطة في الخليج والتي يمكن ان تستفيد من خبرتها شركة جنرال اكتريك وعندهم برامج توظيف للخريجين الجدد ، شفرون كملن منيحة بس موجودين فقط بالمنطقة المحايدة، اكسونو لها وجودكبير في قطر ولكن اشك ان ياخذك مباشرة بس جرب معهم، ميرسك (نفط وشحن) وعندهم برنامج توظيف خريجين جدد جيد. الاحسن على الاطلاق لمن في حالتك هو التقديم المباشر على هذه الشركات وليس عن طريق مواقع التوظيف. الاحسن هو معارض التوظيف recruitment fairs .
-الإمارات
واحد نص فهيم 2011-01-13 16:19:08
خود خبرة وبعدين فكر بالخليج 2
على فكرة انا خريج امريكا وبسبور سوري ومعاشي فوق 150 الف درهم بالشهر بس خبرتي اكتر من 15 سنة واشتغل في شركة دولية. انت مهندس ميكانيك واحسن شي انك ما تفكر بالشركات الوطنية متلا ارامكو او ادنوك لانك ما راحتلاقي فرصة كونك خريج جديد. الشركات الصغيرة لسيت جيدة على السيرة الذاتيةومارح تعطيك الخبرة الكافية. اهم شي اياك تفكر انو البنات هون احسن من كندا او اسوء. الله يديمك فوق راسهن بس عليك التربية وتذكرمرجعهم لكندا مشان درساتهم ومستقبلهم. انا اب وبعرف وبالتوفيق.
-الإمارات
واحد نص فهيم 2011-01-13 16:10:34
اكتسب خبرة وبعدين فكر بالخليج
اذا كان عندك خبرة عمل ولو لسنتين فقط فان فرص عملك بعمل جيد اكثر بكثير. بالمعدل فانمهندس ميكانيك معه خمس سنوات خبرة بمجال عمل مستمر يتراوح من 20 الف الى 45 الف درهم (هذا في الامارات). قطر والسعودية مختلفين قليلاً. الاحسن ان تيدأ مع شركة دولية في كندا (مثل شركات النفط او الطاقة) كونه يوجد لديهم برامج توظيف خاصة بالخريجين الجدد وبعدين تنتقل الى الخليج. شركة شلومبريجير ممتازة كنقطة بداية وكمان شركة شل في كندا ممتازةوقم بالتقديم على موع الانترنت الخاص بهم. وبالتوفيق
-الإمارات
عمر المرادي 2011-01-13 15:51:08
أنقذ أولادك وزواجك
أخي أنقذ اولادك وزواجك واكسب آخرتك وتعال لدولة عربية أو اسلامية ... إن كنت تريد الخليج فعليك بقطر وإذا أردت غير ذلك فعليك بالأردن ... فإن لم تجد فعليك بتركية ... فإن لم تجد فضع عائلتك في سوريا واعمل أينما تريد ... وشكرا
-السعودية
اب عبدو 2011-01-13 15:34:40
اذا مشان الولاد لا ترجع
الطلاب الاسلام بمدارس بكنداااااااااااا يوم الجمعة بيطلعو من المدرسة لحتى يصلواااا بموافقة الادارة مو بس مدرسة كل المدارس هيك فأذا مشان الولاد انت مفكر ترجع اعيد النظر بتفكيرك ....
-سوريا
HASN 2011-01-13 15:00:25
ريح راسك من كل هالقصة
والله ياصاحبي اذا مع الجنسية الكندية شغلتك سهلة وراتبك بيكون عالي بس بالخليج في مشكلة وحدة هي الكفيل والكفيل يمثل رب النعمة و|نت برغم شهاداتك الكبيرة اسمك بتضل بمستوى العبد لهيك خليك بكندا ومريح راسك واذا حابب تستقر شوفلك شي شركة نفط كندية بتشتغل بسوريا وعمل عقد معها أربح ششي
سوريا
قيصر 2011-01-13 13:45:24
الله يوفق
العبرة في الانسان و ليست في المكان و طالما الغاية نبيلة فاينما حللت ستكون اسرتك في احسن حال ، اما عن دبي فهي بلاد العالم الواحد فيها كل شيء و الرزق على الله و العمل متوافر و لكن على شرط السعي اما السي في و الايميلات كلها الكترونات تضيع بانقطاع التيار الكهربائي على كل انا مع التجرية و دائما فيها الافادة و اللي شاف مش مثل اللي سمع
-سوريا
مغترب ksa 2011-01-13 13:37:17
??
يا اخي يعني معقول معك جنسية كنديه ودراستك ممتازة وانت بدولة غربيه متطورة وبدك تيجي تعيش بدول لاتعرف معنى للانسانيهوتحط نفسك تحت رحمة الكفيل وهل الكلام نصيحه خليك بكندا اي نحنا عم نسعى بكل وسيلة لحتى نهاجر لكندا مو نهرب منها
سوريا
مغترب في بريطانية 2011-01-13 13:12:27
لا تتهور
ياسيدي الكريم دير بالك تتهور خليك بكندا التربية ببلاد الغرب صارت افضل من دولنا وكمان لو كان راتبك عالي جدا بالخليج لا تنسى المدارس بالفلوس والمشافي بالفلوس بكندا كل شي ببلاش
-بريطانيا
باسل 2011-01-13 13:12:40
لا ننصحك
أنا بنصحك ما تجي ...ولا تربي بناتك ببيئة عربية ..لأنو حسب خبرتي أي بيئة أجنبية ..بغض النظر أوربية أو أمريكية أحسن من العربية لتربية البنات ..( عن تجربة ) بلادنا صارت أسوء من الناحية الأخلاقية خصوصي للبنات لأنو كلشي بصير بالسر .. بالنسبة للعمل في الخليج , بتوقع مارح يكون أحسن من كندا ...الأمور هون بالإمارات كلمالها للأسوء ..الحياة صعبة كتير مافيك حتى أنو تمرض هون ...ما حدا بساعدك ..بلد فيها 200 جنسية كل واحد بخاف من التاني ..ما حدا بساعد حدا ..نصيحة خليك بكندا ..والله أعلم
سوريا
Amer 2011-01-13 12:47:08
Stay In Canada
أنصحك بالبقاء في كندا معززً مكرماً أحسلك من أي دولة من دول الخليج لأن الرواتب في دول الخليج متوسطة بينما الرواتب في كندا عالية و من ناحية العملة الدولار أفضل من الدرهم أو الريال لأنه أعلى قيمة منهم
-سوريا
دان 2011-01-13 12:24:43
ركاب طيارة
اخي العزيز ركاب اول طيارة و تعى زيارة دور غير هيك ما بيمشي الحال و انتي حظك المهم تتواجد بالمكان المناسب و بل التوقيت الصح,اما تربية الاولاد فانسى الموضوع بل الخليج
-سوريا
مغترب بالسعودية 2011-01-13 12:20:58
فرص العمل بالخليج
هلا انك انو معك ماجستنير من كندا هادا كتير ممتاز هلا انا بشتغل بالسعودية من من تلت سنوان انا حسيت انو يلي بحسن وضع المادي للانسان هون هي الدراسة وبراي حاول تجي على السعودية وراح تلاقي شغل مية بالمية فيمواقع توظيف كتير متل Bayt.com n ,وفي كام nakurigulf.comhنا حطيت بالموقع سفيات كتير واتصلو في اكتر من خمس مرات بالنسبة للخبرة ما في مشكلة انتي متخرج من كندا هاي نقطة كتير ايجابية وو تحكي لغة كتير ممتاز هي بالنهاية انك تكون مقنع بالمقابلة و مهاراتك شلون تدير شغل
-سوريا
Qatar 2011-01-13 12:16:18
qtar
لااااااا اوعى عن طريق النت الافضل زياره بلاولوانت ختار فرصه الشغل الافضل قطر حاليا هي الافضل بدول الخليج وبرجع باكد بجنسيه الكنديه
قطر
مواطن ضايق خلقو 2011-01-13 12:13:04
فرجيون الجواز اذا كندي
حبيبنا...خود من الاخر، بس يكون معك جواز قوي قلبك رح اتلاقي شغل و رح يدفعولك كتير...الله يوفقك بس نصيحتي ابقى بكندا...الله بعتلك نعمة انك اتكون هونيك ما ترفس النعمة و اتقلي تربية عربية و ما بعرف شو....والله رح اتفوت بالحيط لما رح اتشوف التربية العربية لوين وصلت...
-سوريا
Recruitment Specialist 2011-01-13 11:57:47
Send your CV
To all interested candidates, please send your CVs to rami.obas@gmail.com., specialised in recruiting and sourcing to Saudi Arabia, UAE and GCC Countries. Good Luck
-الإمارات
حسان قاسم 2011-01-13 11:46:57
لا تغلط وتيجي على الإمارات
سوق العمل هنا لم تعد كالسابق، دبي منهارة والأجور غير مشجعة، أبوظبي تزدهر بفضل البترول إلا أنها تمتاز بغلاء فاحش لا يستطيع أحد أن يعيش دون 25000 درهم. وهذا الرقم غير متاح للخريجين الجدد، وبالنسبة للبيئة العربية، فأنا هنا منذ خمس سنوات وأخطط سريعاً للعودة إلى سوريا لتربية ابنتي، حيث لا يوجد مجتمع عربي هنا، 82% من غير العرب (هنود فلبين باكستان وأوروبين) وحتى العرب ليسوا كما نعرفهم في بلادنا. رغم أنني مقيم في دبي وراتبي ممتاز إلا أن سوريا رغم المشاكل الاقتصادية تبقى أفضل، ويفضل البقاء في كندا
الإمارات
سوري طفشان 2011-01-13 11:50:56
بوشك على قطر
كلام الأخ شادي مزبوط 100% إذا عندك جنسية أجنبية فراح تلاقي فرص كثيرة بغض النظر عن خبرتك...المهم إنك أجنبي أنا أفضلك قطر لأن فرص العمل كثيرة و ما شاء الله الجالية السورية كبيرة هنيك يعني بتحس حالك قاعد بسوريا أما إذا ما عندك جنسية كندية فحليك محلك ز طلع الجنسية و كساب خبرة بهل الفترة
-بريطانيا
هادي 2011-01-13 11:40:25
طلب عمل
طلب عليه طابع إيدز وحطو بالديوان :)
-سوريا
سوري متشائل 2011-01-13 11:42:37
....
تخينا الكريم بدك تقدم السي في بالمواقع يلي ذكروها الشباب و تركز على ابو ضبي و قطر ..لأن اغلب الشغل صاير هونيك غير هيك لا تشد ايدك ..بس اذا بدك نمط حياة عصري بتفكر بالأمارات ما حدا بيجاريها بدول الخليج ...مع انو السوق مضروب عالعموم الله يوفقك ..بس لا تفكر انو الخليج تربية و اخلاق و هالحركات ...رح تشوف شغلات تخليك تتحسر على ايام كندا 
سوريا
سوري بقطر 2011-01-13 11:29:54
فرصة العمل بالخليج
مارح عيد اللي قالوه الشباب, بس بدي انصحك نصيحة لوجه الله تعالى, اذا بتقدر بكندا تعيش بكرامة, أفضلك من الخليج وقرف الخليج, صرلنا قريب العشر سنين هون, ووظيفة حكومية, حبيب إذا معك جنسية كندية وبيجيك عرض عمل براتب محترم+ سكن مفروش + مدارس الأولاد + تذاكر سنوية + تأمين صحي + مكافأة نهاية الخدمة وقتها ممكن تفكر بالخليج, بس مين قلك انو تربية الاولاد بالخليج افضل من كندا؟؟ افتح المنتديات القطرية واقرا عن ظاهرة البويات المنتشرة بمدارس قطر واقرا عن المصايب اللي عم تصير, بتسألني ليش انا هون, من القلةةةةةةة
-قطر
zaina 2011-01-13 11:02:12
hi
مرحبا انا لح احكيلك من تجربتي انا هون بالامارات من 3 شهور الحمد الله وقعت عقد عمل من كم يوم, بس اتعبت ,إذا بتحب في موقع bayt.com موقع فعلا شغال بس المشكلة انو بتصلو فيك بئولو تاني نهار تروح عالمقابلة بئة انا رأي فيزة زيارة وان شا الله بتلائي شغل انت عندك مؤهلات منيحة واللي عم بئلك الغربة غربة لا اكيد بدولة عربية احسن بكتير من دولة اجنبيةوشكرا
-الإمارات
وضاح 2011-01-13 10:49:31
موقع بايت أفضل موقع للبحث عن عمل, و القدوم شخصياً
أخي الكريم, موقع بايت http://www.bayt.com/en/uae أفضل موقع للبحث عن عمل, و القدوم شخصياً مع مساعدة أصدقاء أفضل و لكن بدى صبر - الرواتب في تفاوت كبير من 5000 ألى 40000 و ممكن أكثر حسب الخبرة موضوع الجنسية يلعب دور أكبر في السعودية و لكنها عانل مساعد بقوة دوماً - أبو ظبي و قطر هما أكثر مكانين لذوي الخبرة - على نفس موقع بايت هناك أحصاءات يمكنك الإستعانة بها و الله ولي التوفيق
سوريا
مغترب قطر 2011-01-13 10:43:57
نصيحه
اخي اول شي يفضل ضل بكندا بس اذا حابب تجي على الخليج الافضل قطر وخاصه اذا معك جنسسيه كنديه بيحاول تقدم على الشغل بجنسيه كنديه لان الراتب بينضرب 3 على انك عربي وبنصحك تجي بلاول ذياره افضل من الشغل على النت لان اذا عملت عقد وما عجبك الشغل ما فينك تغير عم يصر فرص كتير بقطر بس الافضل تجي بنفسك زيارهوبعدين فيذا وياسيدي الفيذا ما مهمه فينا نطلعلك فيذا وقت بدك
سوريا
مغترب بدو يعلق 2011-01-13 10:44:36
من الكويت
تحية للاخ مقدما مشان تربية البنات،، من ناحية الكويت اخي ما بنصحك لانو هون ما في فوق الكويتي حدا و لا شهداتك و لا جنسيتك المكتسبة بتشفعلك عند غضب صاحب شغل مواطن عليك.. انا جربت بالامارات حرية الانسان و كرامتو و حقوقو محفوظة و حاليا عميحكو بقطر كتير، حاول تقدم عالنت كتير و الحل الافضل انك تحط عيلتك بسوريا فترة و تجي بنفسك بفيزة زيارة و بس تلاقي شغل بترجع بتجيب عيلتك لانو نتيجة النت مو مضمونة انا بعد سنتين تقديم عالنت لقدرت لاقي شغل.. و بالتوفيق
-سوريا
معلومه 2011-01-13 10:26:21
خليك مكانك
اخي العزيز الوضع بالخليج مش زي اول انا بعطيك معلومه واحده عن الخليج ناس لاتقدر عملك وبامكانهم الاستغناء عنك في اي لحظه مقابل موظف اخر براتب اقل ( هندي - مصري - دول اسيا الشرقيه ) وفهمك كفايه واذا كنت مصر على الخليج فعليك بقطر او الامارات مع الاخذ بعين الاعتبار ان الامارات السكن فيها والمعيشه جدا غاليه ونصيحه لوجهه الله اذا كنت بتلاقي شغل ببلدك يلي انتا مغترب فيه وبقدروك ويحترومك فخليك فيه وبالنسبه لتربيه الاولاد والعائله فهذا شي انتا بتعمل كونترول وبتسيطر عليه والله يوفقك
-سوريا
مهاجر 2011-01-13 10:28:42
حدا بيترك كندا ويجي للخليج
أقول فقط الله يشفيك ، وبالنسبة للبنات والتنشئة ، فكندا بلد آمن أكثر من الخليج وفيه القانون فوق الجميع ، وإذا لا بد ارجع لسورية
-سوريا
سهيل الاردني 2011-01-13 10:18:19
الارزاق بيد الله.
تحيه واحترام،،، اخي العزير انالن اطيل بتعليقي، اعمل انا حاليا في السعوديه ،اود ان انصحك نصيحه بالاضافه للنصائح الاخرى التي ذكرها الاخرون -بما انك في كندا حاول الحصول على الجنسيه وتلقائيا ستجد ان الجنسيه الكنديه ستجعلك تتدلل في بلداننا العربيه وبالاخص الخليجيه-وكما قال احد المعلقين توجد عنصريه (بدول الخليج)لكل من هوغير خليجي من دول عربيه اخرى واعلم ان الارزاق بيد الله .
السعودية
القحطاني 2011-01-13 10:19:21
bayt.com
جرب موقع البحث عن فرص العمل "بيت" أو bayt.com بتلاقي فيه فرص بكل البلدان العربية وفي كتير شركات كندية بالخليج متل ch2m أو Canada Petroleum وبالتوفيق
قطر
مغترب 2011-01-13 10:14:17
نصيحة
انا عايش بالسعودية وانصحك انو تبحث بالاول بقطر والكويت ثانيا وبعدها السعودية وعن طريق النت ممكن تحصل فرص وبالسعودية في شركات كبيرة ممكن بسهولة تحصل فيها فرصة بس هل انت مستعد تعيش هون وتترك بلد مثل كندا ؟ في شركة سعودي اوجيه وبن لادن والسيف اتوقع افضل 3 شركات تحصل فيها على فرصة وتمنياتي بالتوفيق .
السعودية
خالد 2011-01-13 10:14:05
اوعك
مابدك هالجية بلالك ياها
-قطر
مقيم دبي 2011-01-13 10:10:26
دبي
اخي العزيز بس نحنا نلاقي شغل منبقا مندبرلك شغله نحنا مقيمين وماعم نلاقي بقا شلون انته بدك تلاقي وبعدين لازم تجي عالبلد وتدرس الوضع هون بدا بتدور على شغله اش الفايده من انو راتبك يكون 3000 دولار ويكون مصروفك 4000 او 5000 دولار
سوريا
معسل تفاحتين 2011-01-13 10:07:13
مجنون
مغترب بكندا وبدك تغترب بالخليج ؟؟؟؟؟؟؟؟ عالخليج ؟؟؟؟؟؟ غريب والله !!!!!! روح عمي روح خليك محلك
-سوريا
سامي 2011-01-13 10:01:04
هام جدا
دخول على موقع بيتي دوت كوم وبحاث عن شغل هناك ملييييياااااااان والبقلك مافي شغل كذاب أشر .. مليان وحياة الله وخاصة بالسعودية
-سوريا
مغترب 2011-01-13 09:52:09
البحث عن عمل
أخي الكريم ما من سوريا وأعمل بالإمارات وحابب خبرك شي الوضع بدول الخليج عامة وبالإمارات خاصة وبعتقد إنوأي دولة خليجية بظل ظروف الأزمة أحسن من الإمارات حاليا بعد ما كان العكس بس الحال بشكل عام من سئ لأسوأ أنا مو حابب سكرا بوجهك بس برأيي إنك تشوف حدا يطلعلك فيزا زيارة وتاخد إجازة وتدور انت على شغل والأرزاق بيد الله والله يوفقك
-الإمارات
مغترب 2011-01-13 09:52:15
من أبو ظبي
يا أخي اذا بدك نصيحتي تعال بنفسك لهون و شوف بعينك شو الوضع قبل ما تقرر انو تشتغل بالخليج ما بتعرف ممكن لحالك تغير رأيك و ما تعود بدك الشغل هون،أنا من رأيي حاول انك تبقى بكندا ولا تنسى تبعثلنا فيزا لعندك. على كل حال الله يوفقك وين ما كنت.
الإمارات
تيا 2011-01-13 09:53:25
شوية مساعدة
https://www.linkedin.com http://www.nasdaq.com/ www.kershawleonard.net www.iqselection.com www.talentdubai.com سيد ميلاد هدول شوية مواقع فيها تساعدك تحط أوراقك والله يوفقك على حسب نيتك : )
-سوريا
Hussam Kajan 2011-01-13 09:51:26
connections is fastest way (family or personal con
you can try to job search potals/sites, but since you're new graduate you better find someone who work in your field from your contacts or your family contacts to get you in the door...economy isn't doing that well so you need connection in one of the companies that need your qualifications.
-الإمارات
حسان مهندس 2011-01-13 09:40:33
internet
أفضل شيىء أنك تتقدم عبرالأنتر نت هناك مئات شركات التوظيف العالمية بس مارح تقدر تستقر طويلاً في الخليج الأوضاع تغيرت وخاصة أنك من كندا لأنني شخصياً كانت لدي تجربة ووضعي مشابة وذلك ليس شرط أن ينطبق عليك أيظاً...بالتوفيق
-سوريا
ابو داني 2011-01-13 09:35:06
خليك بكندا احسنلك
لا تروح للخليج و لا تعب حالك انت عربي ما انت اوربي او اشقر بعدين نظام العبودية هناك راح يمحيلك انسانيتك و لا تفكر انو بناتك راح يربوا احسن من كندا الناس بالخليج عم تهرب لكندا - اشتغل بكندا و لا تهرب للاسؤ- و لا حدى يغرر فيك و يقلك انزل و بعدين نلاقيلك شغل حتجلس بلا عمل و تضيع الدين و الدنيا - اذا اشتغلت مع شركة كندية ممكن هي تاخد مشروع بالخليج و تروح معاها غير هيك لا حدى يضحك عليك - المتمسلمين كتار و النصابين اكتر و سرقة الموظف اسهل من شربت الماء
-سوريا
جميل 2011-01-13 09:37:53
العمل في الخليج
خبرتي في الخليج 22 سنة قضيتها في العمل ، لن تجد وظيفة بأكثر من 3 الاف دولار وأيجار السكن مرتفع جداً والأولاد بحاجة لمدارس وأقساط ومع ذلك أنصحك بالسفر لمدة 3 اشهر لوحدك دون عائلتك ودراسة الوضع على الواقع أما عن بعد وعن طريق تقديم الطلبات على الانترنت فهذا شبه مستحيل والفرص اقل من 1 بالمئة أما لو حضرت شخصياً وقابلت الشركات وعرضت عليهم شهاداتك فانك قد تجد بالصدفة عمل جيد بمرتب جيد وسكن على حساب الشركة ولكن أنت وحظك والخبرة في الخليج ضرورية ولكن يعوضها في بعض الحالات مهارتك وتفانيك بالعمل.
-سوريا
نابليون 2011-01-13 09:38:37
سماع مني
لو ناوي تجي للأمارات او قطر فبدك راتب خيالي ليكفيك بما انو عندك عيلة لاني الأجارات فوق الغيوم بيت غرفتان وصالة بشي 3000 دولار والمعيشة غالية كتير بالسعودية الوضع ارحم من ناحية المصاريف وموفق ان شاء الله
-سوريا
ابو عبدو الحمصي 2011-01-13 09:40:01
شوف يا حبيب
اذا كان معك جنسية كندية بوجهك عالامارات واكيد انت بلبل بالانكليزي بتحصل عقود عمل مرتبة وما حدا بيسال عن خبرتك بانصحك تجي زيارة لهون عابو ظبي وتحط اعلان بكل الجرايد الخليج والاتحاد والوسيط وتعمل جولة عاكبر الشركات هون يلي بتعمل بمجالك وانشاء الله ربنا بيكرمك بعقدعمل مرتب
سوريا
mazen 2011-01-13 09:32:38
احضر مباشرة
مرحبا اول شي اذا معك جنسية كندية فهاد الشي كتير منيح وبسرع الموضوع وبالدخل بكون اعلى وبالنسبة للاختصاصك للاسف ماكتير مطلوب بس اكيد بتلاقي وبنصحك تجي زيارة ع الدوحة او ابوظبي لانو عروض النت وهمية الا في مواقع الشركات الكبرى وشكرا 
-الإمارات
غانم حمصي في أبوظبي 2011-01-13 09:31:27
اعمل في الخليج
كمهندس ميكانيك بتلاقي شغل إن شاء الله بسهولة ، بالنسبة للإمارات لازم تجي عالبلد لإنو الشركات هون قليل كتير لتجيب حدا من برا لإنو سوق العمل هون مليان كفاءات ، بالكويت لا تحلم تلاقي شغل لإنو ما في فيز للسوريين ، بالبحرين ما بدك ياها ، السعودية و قطر برأيي هني أفضل الدول للشغل حاليا بس شوي الجو الاجتماعي بالسعودية تعبان ، و لازم تسجل بمواقع التوظيف عالانترنت و ظبطلك سيرة ذاتية مرتبة ، و أهم شي تعمل تحديث بشكل أسبوعي لبروفايلك على هالمواقع ، و الله يوفقك
-سوريا
Manuelaaaaaaaaaaaaaaaa 2011-01-13 09:27:10
انت وحظك في الخليج
حاليا في الإمارات مشددين ع الجنسية الكندية ماعم يشغلو حدا منهم
-الإمارات
طارق 2011-01-13 09:26:56
اخي العزيز
انا بشتغل حاليا في الامارات والامور هنا اكتر من محزنة بسبب الازمة العالمية واللى مأثرة عليها بشكل غير طبيعي وطبعا لا تصدقوا اى شي بيتقال بالتلفزيون لانه لسه بعد سنتين على الازمة المالية لسه في شركات عم تقفل بشكل يومي لذالك لا استطيع مساعدتك او ان حتى انصحك بالامارات بشكل عام للاسباب السابقة الذكر بس حسب معلومات السعودية هي من اقل المتضررين والشغل فيها والحمد الله منيح فياريت اللى موجود هناك من القراء يفيد الاخ الغالي مع تمنياتي بالتوفيق لك
-سوريا
الامارات 2011-01-13 09:29:05
نصيحه
بالنسبة للإمارات أنا برأيي انك اتدور في النت مثلا في عندك gulfnews.ae روح على job و دور و في عندك موقع www.bayet.com جرب بالتوقيق انشالله
الإمارات
bader 2011-01-13 09:22:13
والله فيك الخير وبارك الله فيك
اسمع هاد عنوان حاول تفوت وتقدم السيرة الذاتية تبعك وان شاء الله خير www.eigco.com
الإمارات
MKH 2011-01-13 09:22:54
مشاركة قد تنفع
اعمل بالامارات: بالنسبة للامارات هي مكان استهلاكي , نسبة كبيرة من الاعمال المتاحة هي في مجالات الاستشارات و التسويق و ليس الانتاج. مثلاً انا مبرمج و اعمل كاستشاري لبرامج جاهزة. قد يكون قطاع النفط من افضل القطاعات و أامنها, و الكثير يعول على قطر و السعودية اكثر من غيرها , لايجاد عمل انصحك ان تأتي هنا او لقطر لمدة شهر , السعودية ليس لديها فيزة زيارة للاسف, تتابع الاعلانات و تضع اعلان في احدى الجرائد. ارجو من الله التوفيق.
سوريا
فجحان الفايش 2011-01-13 09:19:42
اهلا بك
هل تعرف بيت الشعر الذي يقول كالمستجير من الرمضاء بالنار...او من تحت الدلف للمزراب..او هربنا من الدب وقعنا بالجب..او شو بدي قلك لقلك
-سوريا
مغترب 2011-01-13 09:10:12
ما بحك جلد الا ضفرك
يااخي العزيز موضوعك صعب مين يخدمك فيه هون كلهن دارو دانهن الطرشة لو انك حاكي شي قصة رمنسية او طق حنك كنت مالحقت نصايح ومواعظ بقى مالك غير رحمة الله وزنودك شوف على الانترنات في كتير شريكات يمكن الله يفقك وبلا منية حدا اناهون بااستراليا وعامل عادي ياريت كنت بقدر اخدمك بتوفيق انشاء الله
أستراليا
ahmad 2011-01-13 08:58:51
مبروك التخرج
يا صديقي العزيز روح رجاع لسوريا الله بيفتحها عليك انا صارللي بالخليج 8 شهور كرهت حياتي مافي احلى من سورياوالله بيفتحها عليك الشغل ببلدنا مكسب والله ومالي مصدق ايمت اخلص السنة تبع العقد وارجع لك لوو بتقعد عالحديدة احلى من هون بس الله يخلصني من السلفة ورااااااجع الحقيقة في شغل هون بس للاسف فقط شغل يعني مافي حياة ابدا ابدا ما بتحس بالراحة ابدا وبيعتبروك غريب لو شعلتلهن عيونك الله يحمي بلدنا ويزيد االشغل فيها يارب
سوريا
Jack 2011-01-13 08:54:53
بالتوفيق
أخي الكريم هناك مواقع متخصصة بالعمل في الخليج مثل naukrigulf.com أو يمكنك زيارة مواقع بعض الشركات الكبيرة مثل سعودي أوجيه وأتوقع أن تحصل على فرص كثيرة وممتازة نظرا لكونك درست في كندا وبالتوفيق
-السعودية
وسام 2011-01-13 09:00:50
---
بما أنه أنا بالرياض فبئلك الوضع هون فيه شغل و حركة الاقتصاد ئوية كتير بس كمشاريع خاصة أما الوظيفة فالوضع مو كتير و لازم تكون بشركة ضخمة حتى تلائي الراتب المميز و الشركات الضخمة بتطلب دائما الخبرة ماتكون أقل من 5 سنوات و إذا كان معك الجنسية الكندية فوضعك رح يكون أحسن و أحسن وراتبك بيضاعف بس لازم تجي لهون شي شهر تعمل مقابلات و تشوف شركات أما و أنت و بعيد ما رح تحسن تعمل شي و لما تجي عل السعودية صارت كل دول الخليج ئريبة عليك لتعملك جولة عليهم
السعودية
مغترب بالخليج 2011-01-13 09:01:30
بحاول ساعد
والله يا حبيبي انا برأيي اذا حابب تربي ولادك ببيئة منيحة وكويسة والون غير بيت التيتة او خليك بكندا لانو جو الخليج ما خرج ترباية ولاد وانا بالنسبة الي رجعتون لسوريا وكلشي ولادو بالخليج بيعرف هالموضوع بالنسبة لشهادتك حلوة كتير ومطلوبة واذا كان معك جنسية كندية احلا واحلا بس المشكلة انك خريج جديد بكل الاحوال عندي صديق ممكن يساعدك ممكن مو اكيد ابعتلي السي في وانشالله يساعدنا هالزلمي
سوريا
من دبي 2011-01-13 09:01:24
مقيم في الامارات - تتمة
اذا كنت ترغب بدولة خليجية فلا تحدد الامارات كخيار اولي وانما اختر المملكة العربية السعودية فالمعيشة فناك وضعها مختلف تماما وافضل بكثير جدا وعليك الانتباه الى انه في الدول الخليجية لا يوجد ما يسمى بالامان الوظيفي فلا تضمن الاستقرار ابدا وذلك يعود لميزاجية ربة العمل اذا كنت تملك عمل الان في كنا فانصحك بالمحافظة عليه ومحاولة تطويره تحياتي
-الإمارات
من دبي 2011-01-13 08:53:11
مقيم في الامارات
السلام عليكم اخي الكريم ابارك لك التخرج اولا واسال الله ان تكون لك حياه مهنية جيده بالنسبة للعمل في دول الخليج فهو لا يتعدى على ما يسمى بالحظوظ فلا توجد قاعده ابدا لذلك فيمكن ان تقدم انت وخريج معك بنفس الدورة على عمل ويحصل كل منك على اجر مختلف تماما وربما اضعاف الاجر الاخر فلا قاعده محدده بذلك وللحصول على عمل عليك ان تكون متواجد انت بشكل فعلي فالمتقدمين ليسوا قلة وتحتاج الى اختبار مقابلة شخصية اذا كنت ترغب بنصيحتي فانا مهندس ومقيم في الامارات منذ 29 عاماواذا كنت ترغب
-الإمارات
محمد 2011-01-13 08:47:25
بسيطة جدا
الى الاخ الكريم ميلاد انا اعمل في الامارات واحب ان اقول لك من خلال خبرتي هنا في البلد انصحك بالمجيئ الى الامارات لانها افضل دول الاخليج من ناحية الحقوق الخاصة بالموظفين والعمال والبلد هنا بلد قانون اما من ناحية الحصول على فرصة عمل يجب عليك المجيئ الى الامارات شخصيا كما فعلت انا وبحثت عن عمل ووجدت فرصة جيدة وانصحك بالتقدم الى الشركات الجكومية قبل الخاصة والله يوفقك
-الإمارات
Yousef 2011-01-13 08:49:28
Get some Canadian Experience
Dear Milad, I suggest that you get some experience in Canada before trying getting a job in the Gulf. Not having the right experience makes start in any company at the bottom. 2 years of canadian experince in oil & gas field will give you a jump start in salary in this region. thank you, Yousef
-سوريا
أبو طراد 2011-01-13 08:37:29
عليك المحاولة
انا مهندس واعمل في الكويت منذ خمس سنوات , بصراحة يجب عليك المغامرة ولكن كونك خريج جديد فهذا طبيعي وستجد صعوبة بالحصول على عمل لأن اصحاب العمل يبحثون دائما عن الخبرة ولو بعدد السنين فقط ,يمكن ان تتقدم عن طريق مواقع التوظيف على الشبكة العنكبوتية وانا انصحك بموقع اسمه بيت bayt.com سيكون راتبك متدنيا نسبيا لانك حديث التخرج ولكن لغتك النكليزية يمكن ان تضيف ميزة الى سيرتك الذاتية ,السوريةجنسية غيرمرغوبة في الكويت لأسباب سياسيةولكن عليك المحاولة. كلنا بدأنا بصعوبات ولكننا استفدنا منها
الكويت
مديحة بدون ريحة 2011-01-13 08:45:01
نصيحة
السلام عليكم، نصيحة يا اخي انو تبدأ بالبحث بالشركات الكبيرة جدا-لانو هي الوحيدة اللي عندها القدرة انو تدربك وتستفيد من امكانياتك الكبيرة بما انك متخرج من جامعة كبيرة، ابتعد عن الشركات الصغيرة لانو راتبك ما لحيكون عالي ،،، حاول www.gulfnews.com دور على شغل بقسم الاعمال هنيك، الانترنت هي احسن طريقة للبحث، الدول المقترحة للبحث: قطر والسعودية فقط، ابتعد عن الامارات او الكويت او اي دولة خليجية تانية.
-سوريا
المغترب 2011-01-13 08:41:30
إلى ميلاد خريج الميكانيك
أنا أعمل في قطر في شركة تجارية كبيرة كمدير لأحد أفرع الشركة, أود أن أنصحك بموقع ألكتروني تستطيع أن تجد فيه جميع الشركات في الخليج الراغبة بالتوظيف www.bayt.com مع كل التوفيق
-قطر
مغترب سوري 2011-01-13 08:35:54
الحل
1- يوجد في المحافظات السورية مكاتب عمل تؤمن عقود عمل للخليج يمكنك مراجعتها. 2- يوجد صحف إعلانية في السعودية فيها إعلانات عن الحاجة إلى مهندسين مثل "الوسيلة"ز 3- يمكنك متابعة المواقع الإلكترونية المهتمة بالتوظيف. ولكن أهم شيء التأكد من مصداقية الشركة والتزامها بالعقد ودفع الرواتب حين استحقاقها, ودعائنا لك بالتوفيق.
السعودية
أبو عرب 2011-01-13 08:33:42
خليك محل و لا تيجي
يا معلم لو بتفهم ما بتيجي لهون ربي بناتك محلك احسن من هون بعطوك المصاري بإيديك اليمين و باخدوهم بالشمال
-سوريا
me 2011-01-13 08:17:52
again
back again guess what, your domain is highly needed in gulf specially in the areas that had oil and gas i know some companies in Qatar you can try to apply jobs through their websites lie Qatar petroleum ras gas Qatar gas qatalium smeet ExxonMobil
-سوريا
P.R.M 2011-01-13 08:19:59
البحث عن عمل
عزيزي من واقع خبرتي في الموارد البشرية نصيحتي اولا التسجيل في الكثير من مواقع التوظيف والمنتشرة في الامارات مثل Bait.com أو www.arabo.comاوNadia.com وكلها سوف يحددو لك موعد مقابلة مع مسؤول التوظيف عندهم ولكن بامكانك توحيد جميع المواعيد في اسبوع واحد والمجيئ الى الامارات ايضا لا تنس الدخول الى موقع طيران الامارات فهناك العيدي من فرص التوظيف حاليا لا يخف عليك حاجتهم الى العديد من الوظائف بقرب افتتاح مطار آل مكتوم الجديد نصييحتي ان تقدم على أنك كندي الجنسية ايضا وكذلك انصحك بان لا تتقي
-سوريا
Abdulrahman 2011-01-13 08:21:18
Good Luck
مبروك التخرج اول شي ، عندك الكويت تقريبا اقوى دولة بالخليج بالمدخول الشهري ، ادخل على النت وشوف الشركات وقدم عن طريقها ، والافضل انك تجي لهون وتقدم السي في تبعك ، ومجال الهندسة واسع بس راح تكون مهندس موقع بما انك خريج جديد ، انا بشتغل بشركة كبرى للمقاولات بمجال المناقصات ، والمكيانيك حلو بس مو مطلوب متل المدني ، لان المدني مفتوح والميكانيك محدود ، والدخل الشهري البمدئي يعني فيك تقول من 50 الف ليره وانت طالع .نصيحة عليك بالكويت . والله يوفقك يارب
الكويت
ابو سالم 2011-01-13 08:14:17
على حسب خبرتي( قطر)
اخي الكريم بالنسبة كونك خريج جديد فالفرص حتكون ضعيفة او رح تكون في فرصة بس الراتب حيكون ضعيف لان ماعندك خبرة وافضل طريقة للبحث عن عمل انك تنزل اعلان هون بقطر ب (gulf times(وقيمة الاعلان 50 ريال وتذكر ايميلك وبجيك الرد انشالله
-سوريا
مهندس سوري في الامارات 2011-01-13 08:14:28
أبو ظبي
بالنسبة للخريج الجديدمن الصعب ايجاد عمل براتب معقول لأن الخبرة مطلوبة وخاصة المهندسين. 1.المجال الصناعي لأن المهندس هو المسؤول الأول والأخير أمام الادارة عن أي عطل أو توقف للمصنع. 2. المقاولات: يكتفون بخبرة قليلة وأنصحك بقطر لأنها مقبلة على استضافة كأس العالم 2022 وستتوفر فيها فرص عمل كثيرة في مجال المقاولات. 3. اعتقد أنك ستنجح في مجال المبيعات لأحدى الشركات العالمية المصنعة لقطع الغيار الكهروميكانيكية. 4. ممكن في مجال التدريس التقني. 5. visit: www.gulftalent.com بالتوفيق
الإمارات
me 2011-01-13 08:12:25
mmmmmmm
Hello, submit your CV on the following websites: www.bayt.com www.monstergulf.com www.gulftalent.com www.naukrigulf.com then check your account on daily bases and apply the vacancies that match your skills and domain good luck if you need any help email me
سوريا
Hamodeh 2011-01-13 08:11:29
online
you can visit the top job site as a beginning (Bayt.com , gulftalent.com , monstergulf.com ) and the most important : reedglobal.com.qa ,which u good luck ,u can check the best companies in GCC and send them ur CV
-سوريا
Admin manager assistant 2011-01-13 07:56:05
I can help you
أنا موجود في السعودية وأبحث عن قبول جامعي في كندا أتمنى أن تكون قادر على مساعدتي , وأنا استطيع مساعدتك في العمل بالسعودية انشالله .
السعودية
reem 2011-01-13 08:08:28
Bayt.com
انا بنصحك اخي تشترك بموقع اسموbayt.com كخطوة اولى والموقع هادكتير منيح وزوجي لقى فيه شغل اكتر من مرة وبيلاقيلك فرصة منيحة بالخليج,واذا بتعرفلك حدا بشي دولة خليجية بيكون احسن بيعمللك زيارة وبتروح بتقدم بإيدك عالشركات والبنوك وبتبينلن استعدادك لتجي ولتشتغل وانشر السي في تبعك وين مارح,وابعتها لكل المواقع الالكترونية الخاصة بالتوظيف,واذا مامشي الحال في شركات بسوريا خاصة بالتسفير للخليج قدم وراقك لشي وحدة منن وبتاخد منك بما يعادل اول راتب الك برا اذا زبطت شغلتك والله يوفقك يا رب وتلاقي
-سوريا
مغترب سوري في قطر 2011-01-13 08:08:06
التقدم عن طريق مواقع توظيف
أول شيء أتمنى لك التوفيق في الحصول على عمل جيد في الخليج، ثانيا أنا سأحكي لك عن تجربتي الشخصية حيث أني الآن أعمل في قطر و كان ذلك عن طريق موقع بيت دوت كوم حيث أن هناك العديد من الشركات التي تهتم بالتوظيف عن طريق موقع بيت دوت كوم و هو موقع مشهور في منطقة الشرق الأوسط ، حاول أن تعمل حساب عليه و تقدم على الظائف الشاغرة فيه بحسب اختصاصك، أيضاً يوجد طريقة عن طريق التقديم على مواقع الشركات مباشرة ، ثم نأتي إلى آخر المطاف إذا كان لديك القدرة على المجيء كزيارة إلى الخليج فهذا سيكون احسن. بالتوفيق
-سوريا
مرهف سمور 2011-01-13 07:53:44
مابدي أحبطك ،، بس الصورة مو كتير بيضا
عزيزي ،، حاول اول شي تلاقي فرصة عن طريق المعارف (اذا عندك معارف طبعاً) ،، طبيعة عملك راح تكون بشركات صناعيه كبيرة وهي موجودة بالسعودية بشكل كبير ومتنوع وبالتالي هي البلد الافضل بالنسبة إلك ،، دخلك بالبداية ماراح يكون كبير لان ماعندك خبرة وهون الخبر اهم بكتير من الدراسة (عندي شخص بنفس وضعك وبدأ بشي قليل) بس راح تتطور بسرعه كبيرة،، عندك موقعين: bayt.com وmonstergulf هدول هن اكبر مواقع توظيف بالخليج ،، وبالتوفيق يارب
السعودية
سعاد 2011-01-13 08:07:16
رح اجبر بخاطرك
يعني ما بدى القصة شي غير انك تعمل سيرة ذاتية و تفتش بالانترنت ع عمل يناسبك بالخليج. هذا هو الطريق الاصح من وجهة نظري. هلق في موضة مكاتب العمل كمان فيك تسألون او اذا عندك معارف بالخليج. و موفق بايجاد شغل
-سوريا
مواطن سوري 2011-01-13 07:55:59
الى ميلاد
انا بنصحك طالما انك متخرج بكندا تعال كرت زيارة الى دبي او قطر وقدم باختصاصك وتأكد سيوافق عليك فورآ لان شهادتك في كندا مهمة كتير
الإمارات
حسكاوي مغترب 2011-01-13 07:50:58
الرغبة في الغربة ج1
صديقي العزيز يمكن في كتير ناس تفكر متل ما انت تفكر رح اشرح بصورة قصيرة وضع الخليج.اولا الخليج انواع يعني الغربة بالامارات مو متل السعودية ولا قطر .... تانيا الرواتب تتفاوت من دولة لتانية ومن وظيفة لتانية ومن حظ لحظ الامارات عيشتها طيبة وناسها محترمين بس معيشتها غالية السعودية عيشتها رخيصة ورواتبها قليلة قطر نفس الامارات بس اقل تطور.على كل انصحك تجي لهون وتدور ع شغل مو مهم اول راتب تاخدو المهم تاخد خبرة البلد وبعدين انت تفرض الراتب بس نصيحة للكل سوريا احلى
-سوريا
سعد 2011-01-13 07:48:06
لا تتورط
خلي عقلك براسك واشتغل بأي مكان تاني ولا تجيي للخليج أو بالأحرى أوعك تفكر بالسعودية دور غير بلد تاني .... مو منشان شي بس حتى بناتك يتربو منيح متل ما تفضلت حضرتك
-سوريا
حسكاوي مغترب 2011-01-13 07:30:28
الرغبة في الغربة ج2
رح احكي هلا قصتي انا مهندس مدني وكنت ارغب بالطلعة لبرا متل هالناس وبعد خمس سنين بحث وجدت فرصة عمل في الامارات كنت بقول لحالي قبل ما اطلع يا ترى هنيك شو بيشتغلو اكيد انا ما عندي خبرة وما رح اعرف شي ,انكليزيتي ضعيفة, معقول هنيك في ضغط عمل .بس لما طلعت لقيت خوفي ما الو مبرر لانو تتعلم كل شي بسرعة وتصير احسن من غيرك ومشان الفلوس في ناس رواتبها 2000 وفي ناس رواتبها 100 الف درهم طبعا بس قديش بدك توفر منهم هاد المهم وايمتى بدك ترجع تعيش بني ادم ببلدك وبين اهلك وناسك هاد الاهم
سوريا
حسام 2011-01-13 07:44:18
نصيحة من مغترب بالخليج
هون بالخليج, هندسة الميكانيك مالها فت خبز, لانو مافي صناعة بهل البلاد و ما حدا بصلح شي, اي شي في عطل بكبوه و بيجيو شي جديد بدالو, بنصحك تنزل خبير من اوروبا عل الخليج, يعني تكون موظف مع شركة اروبية لها عقود مع الخليج, او روح على امريكيا و سجل باكاديمية تويوتاو لكزس, هيك بالخليج بيستقبلوك من المطار عل السجاد الاحمر, حل تاني, روح عميل ماستر ادارة اعمال و بزنس, لانو انت مع لغة عربي و انكليزي و هيك ببتوظف بسرعة و خريج البيزنس من بريطانيا فوراً بيحصل على وظيفة
-الإمارات
Mimo 2011-01-13 07:43:45
خليك بكندا
إذا خايف على بناتك خليك بكندا صدقني رح يتربو تربية نظيفة بعيدة عن المخدرات والشذوذ وغيرو وغيراتو يللي بالخليج عم يقتلو حالن يروحوا على كندا
-الكويت
مؤيد 2011-01-13 07:35:10
الله يوفقك
أخي ميلاد إذا حابب تربي أولادك ببيئة عربية فأنا بحيي فيك هي الخطوة وبتمنالك التوفيق أنا مقيم بسلطنة عمان وهون الأجور عادية جدا بس عندك قطر أفضل شي حاليا بالخليج بالنسبة للعمل فيها فرص وراوتب كويسة -الإمارات طبعا تأثرت كتير بالأزمة المالية وإذا خترت ختار أبو ظبي بيكون أفضل ،طبعا يفضل تجي بنفسك وتعمل مقابلات وتشوف وضع العمل والبلد والراتب رح يختلف ما خبرتنا إذا معك جنسية كندية ولا لاء وإذا معك بيكون راتبك أضعافالعربي بغض النظر من وين شهادتك بس وقت يعرفوا انك عربي طبعا بيخفضوا راتبك للربع
سوريا
حلبي بالدوحه 2011-01-13 07:34:47
ياملعم
شغل في ومصااري وفي بس ياترى انت معك جنسيه غير الحنسيه السوريهاذا معك جنسيه كنديه تفضل وانا بدبرلك شغل وعلى كيف كيفك ..
-قطر
adam 2011-01-13 07:29:35
no chance
ممكن انك تحصل شغل بدبي بس هون فرضو قيمةمضافة على كل مواطن كندي داخل للبلد الف دولار لانو في مشاكل بين كندا والامارات ..بتوقع قطر عم تبدا خطوات سريعة للتطور ..
-الإمارات
Qatar 2011-01-13 07:24:46
jobs in qatar
You better start by checking online and if you've got a way to apply for somejobs in person using some connections (stress on connection)that would be the best Try international companies,i.e. SLB.com
-قطر
ابن المدينة المنورة 2011-01-13 07:10:47
أنصحك وبصراحة
أن تحاول الحصول على الجنسية الكندية قبل المجيء إلى الخليج، ستعيش بإذن الله معززا مكرما
السعودية
Salahuddin 2011-01-13 07:11:14
My Advice
You may check the following sites for job opportunities in UAE: www.jobsinuae.com & www.jobsindubai.com ... try to contact the firms that are europian (especially British) and having branches in Dubai & AbuDhabi, don't worry you'll get some good offers
سوريا
ميكانيكي انترنت (Syrian in kuwait) 2011-01-13 07:06:03
بحاول ساعدك يا عزيزي
ايميلي موجود وظاهر عندك.. بتقدر تبعتلي السي في تبعك وقدملك ياه للشركة عنا.. شركة مقاولات كبيرة في دولة الكويت ومعروفة على المستوى العربي والعالمي.. والله يوفقك ويكتبلك الخير.. وعفوا منك أنا موظف عادي لا أنا مدير ولا أنا رئيس إدارة بس بحاول اني قدملك السي في تبعك لمديري.. والله يوفقك مرة تانية
سوريا
المغترب 2011-01-13 07:03:27
حاول
ياعزيزي البحث عن الاغتراب عن طريق مكاتب السفر هي الي تئمن اكثر العقودوكونك خريج جديدلايهم يس كون صريح من البدايه وسيكون عملك اشراف فقط انا مدير صيانه في شركة في السعوديه
سوريا
Marwan 2011-01-13 07:04:04
بدون أدنى تفكير خليك عندك
انا مقيم منذ اكثر من 18 عام في دبي و الله نصيحة من القلب خليك بكندا حتى لا تنصدم من الواقع و حتى تعيش انسانيتك بكامل اوجهها و اذا فيك تدبر لي عمل عندك بيكون احسن. تحياتي
سوريا
واحد عم يلف الدنيا 2011-01-13 07:02:57
انت
اخي صباح الخير انا لا اعمل في الخليج....انت اعملك زيارة على الامارات سياحه وشوف بعينك وقدم شهداتك واعمل مقابلات ..من بعيد ما رح يمشي الحال تحياتي
سوريا
ولا تعليق 2011-01-13 06:56:37
قطر أو الإمارات
أولا لتحصل على وظيفة يجب أن تحضر شخصيا ويفضل أن يكون لك أحد هنا ليساعدك لأنو كل الوظائف بالمعارف والواسطة. وأذا كانت أمورك كويسة هنالك أبقى أحسن لك
-قطر
Maher 2011-01-13 06:47:28
للاخ ميلاد من كندا
خريج جديد من جامعة جيدة ويتقن اللغة الانكليزية يبدا الراتب ب 2000 دولار امريكي وللحصول على فرصة عمل يوجد الكثير من المواقع لتامين فرص العمل . ولكن المجييئ الى الخليج والبحث عن العمل بشسكل مباشر يكون افضل مثل قطر الامارات واعتقد الدخول لقطر ليس بالصعوبة اذا كنت تحمل الجنسية الكندية لكن بالنسبة للامارات لازم تاخد فيزا من بلد اقامتك لا يمكنك ان تاخدها من المطار
-الإمارات
ناجي صابر راضي 2011-01-13 06:46:41
لم شو عم تحكي يا زلمة؟
أول شي مبروك التخرج.. تاني شي إذا كنت مفكر إنك تجي عالخليج و تجيب بناتك لتربيون تربية عربية و مفكر إنو جو و حياة المراهقين بالخليج هو جو مجتمع شرقي محافظ فأنت بكل أسف مخطئ للغاية حياة المراهقين هون بكل أسف يمكن أسوأ من حالها بأميركا و بكل تأكيد أسوأ من حالها بكندا و ليكن بمعلومك إنو العلاقات الجنسية الشاذة منتشرة و بشكل كبير بين المراهقين و ما بقصد بس بالشذوذ اللي بيكون بين افراد الجنس الواحد بل بقصد أيضاً العلاقة بين الشاب و الفتاة و اللي بتتم من دون فض غشاء البكارة..!! راتبك هونيك أحسن لا ت
سوريا
shadi 2011-01-13 06:33:46
الحضور شخصيا
برأيي الحضور شخصيا هو افضل من المراسلات عبر الويب عليك الحضور بصفة زائر اولا ومن ثم قم بارسال السيره الذاتيه للشركات , والشركه المهتمّة سوف تتصل بك لاجراء المقابله وعندها تكون هناك فرصه اكبر ممن يعتمدون على ارسال السير الذاتيه عبر الانترنت بالمناسبه موضوع الفيزا (زياره أو سياحه) بسيط وتافه جدا ... لذا لا تفكر كثيرا !!! مع التمنيات بالتوفيق
-الإمارات
b 2011-01-13 06:37:20
خليك عندك
خليك عندك احسنلك
-الإمارات
سوري كتيييير 2011-01-13 06:33:19
شو أخبار الجنسية ؟؟؟
إذا ما أخدت الجنسية لا ترجع على الخليج لأنو يمكن و كتير و جدا" إنو تندم ...
-سوريا
shadi 2011-01-13 06:21:38
هل تحمل الجنسية الكنديه ؟؟؟
في الخليج يا صديقي يوجد ما يعرف بهوس الجنسيات الغربيّةبغض النظرعن الاصول , بمعنى اخر , الشركات تهتم جدا للجنسيه قبل الخبره و الامثله كثيره جدا , نصيحتي لك ان لم تكن من حمله الجنسيه الكنديه فحاول جاهدا ان تحصل عليها ولا تهتم لموضوع الخبره لانها مسألة وقت لا اكثر ,وان شاء الله سوف تحصل على عمل وبمرتب جيد جدا اكثر ممن لديهم خبرات وسنوات عمل طويله ولكنهم من جنسيات عربيه فقط!!!!!
-الإمارات
عبود 2011-01-13 06:21:36
حاول تجي زيارة
صديقي انا برأي اذا حابب تشتغل بالامارات تعى زيارة وقدم على اي شركة لانو اذا كنت موجود شخصيا افضل الك واكتسب الخبرة هون حتى لو كان راتب ضعيف بس اكيد بعد سنة او سنتين رح يتضاعف ... وبالتوفيق انشالله
-الإمارات
Yassine 2011-01-13 06:17:17
طريقك أخضر انشا الله
و الله يا زعيم بالنسبة للامارات فاهون الشركات بتسعى ورا الاشخاص يلي متلعمين بدول غربية و حضرتك معك ماجستير من كندا فا لازم ما اتكون خايف و اتبلش اتراسل الشركات الكبيرة يلي موجودة بأبوظبي حصرا لأنو الصراحة الوضع بي باقي الامارات مو كتير ظريف عندك طريقتين يا بتجي ع الامارات بي فيزة زيارة و بدور هون لأنو كمان بيحبو انو اتكون موجود هون بالاصل مشان ما يستنوك كتير يا اما راسل شركات ابوظبي و قدم ع مواقع التوظيف متل byte.com و .monstergulf و Nadia-me.net وابعتلي اذا بدك اي شي yasinj83@hotmail.com
الإمارات
حسام 2011-01-13 06:18:02
مغترب سابق بالخليج
خليك بكندا العامل والموظف هنا يعامل معاملة استغلالية .. ولا يوجد حقوق .. الكفيل يستغلك
-سوريا
Tarek 2011-01-13 06:14:15
?
أولاً ما حددت أي هندسة ميكانيك ، سيارات ؟ أليات ؟ معدات طبية؟ لأن في كتير شركات توظيف هون في دبي لكن منهم البعض متخصص بتوظيف مجالات معينة ، لا مانع من إرسال الـ CV ولكن الحضور شخصيا أحسن بكتير لأن المقابلة والتفاوض هي الأساس بالتوظيف وتحديد الراتب ، ممكن أبعتلك بعض العناوين والإيميلات بس حدد شو اختصاصك بالأول ، بالتوفيق.
سوريا
الدكتور عماد 2011-01-13 06:14:23
اختيار جميل
سلامات على اعتبار دراستك بكندا وماجستير تقدر تلاقي شغل في دول الخليج العربي بكل بساطة وعلى اعتبار انا بالمملكة السعودية متل شهادتك أقل راتب شهريا 20 الف ريال وهدا مبدئيا وهيك راتب كتير تعيش فيوا مرتاح وأنا شخصيا أنصخك تروح دبي هنيك شغل مع بنى ادميين لانو بالسعودية العيشة الاجتماعية صفر وخاصة النا السوريين والله يوفقك
سوريا
محمد 2011-01-13 05:51:10
الله يرزقك شغل ببلد عربي إذا هي رغبتك
مرحبا يا أخي العزيز إذا حابب تشتغل باالخليج لازم تجي وتشوف الاوضاع وتختار شغلك بنفسك يعني تجي فيزا زيارة لانوا بصراحة مارح يكون حدا مقدر وضعك أكتر من نفسك وخاصة برغبتك تربية أولادك بدولة عربية من كل قلبي بتمنالك تلاقي الشغل اللي يريحك ويناسبك
سوريا
ahmad 2011-01-13 05:44:59
رأي
أعتقد أن أفضل طريقة هي القدوم إلى الخليج بزيارة لاستطلاع أجواء العمل و الفرص المتاحة أو القدوم بعقد عمل مع شركةأجنبية كبرى,طبعا في حال وجود جنسية كندية المعاملة و الدخل بكون أفضل بكثير.
الإمارات
اتكل على الله وروح 2011-01-13 05:46:30
go ahead
الراتب لمهندس جديد بدون خبرة بحدود ال 6000 درهم في الشركات العربية ادا استطعت ان تعمل مع شركات اجنبية هدا سهل لخريجي كندا ممكن تحصل اضعاف دلك قطر الافضل هده الايام
-كندا
فيصل الحموي 2011-01-13 05:49:29
مغترب مرة أخرى
حتى الان ستكون تجربتك ليست الفريدة من نوعهابل كثير من التجارب التي أعرفها معكوسة,,,,شخص يأتي للخليج ...و من مكان اقامتة الجدبد يسعى للسفر لأحدى الدول الغربية .. وليحصل على الجنسية الغربية ليعود مرة أخرى و يحاول العودة مرة أخرى للخليج.....دورة حياة تتراوح تقريبا ال...العشر سنوات....قبل أن يبدا بالحصول على عائد مادي مقبول...لو أحببت راسلني على ايميلي faysal_h@hotmail.com وسأعطيك فكرة أوضح عن الخليج و السعودية بالذات.
سوريا
Shaborashka 2011-01-13 05:41:38
Gap123@Hotmail.com
Are you kidding ??? Canada then gulf. If you are any good you stay there but I guess you are a loser.
-إثيوبيا
طارق 2011-01-13 05:28:10
رد
صديقي العزيز أنا مهندس ميكانيك مقيم في أبو ظبي. وجودك شخصيا أكيد أفضل من الانترنت و لكن في هذه الفترة الأعمال في الخليج بشكل عام و الإمارات بشكل خاص في أدنى مستوياتها و لكن يمكنك البحث في أبو ظبي لأن أغلب المشاريع الآن فيها و أنصحك بأن تبحث و تحاول العمل في شركات النفط و الغاز و من ثم في المصانع و أنصحك بالابتعاد عن شركات المقاولات و الشركات التجارية لأن هذه الشركات عند أول هزة إقتصادية تلجأ لطرد موظفينها و للعلم راتب مهندس الميكانيك يبدأ من 8.000 درهم و ما فوق بحسب الخبرةوأتمنى لك التوفيق.
-سوريا
مجهول 2011-01-13 04:55:32
جمعلك شوية مصاري ورجاع عبلدك والله أحسنلك
عفوا أخي ولكن سؤالك غريب بعض الشيء يعني معقول خريج كندا ولغتك سم وعم تسأل كيف بدي لاقي شغل انت بس روح واقعدلك شهرين أو ثلاثة رح يهفوك هف .. يعني بكفي تقلن خريج كندا ولو ما بتعرف شي رح يشغولك - مع إني نصيحتي انك ترجع ع بلدك سوريا أو السعودية أو قطر لأنو الامارات مو كتير تشد ايدك
-سوريا
تاجر حمير 2011-01-13 03:16:39
ليتني استطيع المساعدة
يا صديقي العزيز ليتني استطيع مساعدتك لانني لم اذهب ابدا الى دول الخليج و اختصاصك بعيدا عني كل البعد. ولكن اطرح مشكلتك في موقع الهندسة نت /هندسة الميكانيك علك تجد من يساعدك و هذا الرابط ولني متضامن معك جدا لان مشكلتك انسانية بحتة افضل من مشاكل الخاطبين و المتزوجين و اتمنى من كل الاخوة من يستطيع عدم التردد بالمساعدة. http://www.alhandasa.net/forum/forumdisplay.php?f=106 مع تحياتي لك بالتوفيق
سوريا
الطيب المغترب 2011-01-13 02:25:38
عد للعشره
اولا: انصحك بالتفكير جيدا قبل هذا القرار ثانيا: اذا مصمم عالامر فانصحك بدولة الامارات او قطر او سلطنة عمان لانهم دول فيها حريه وممكن تعيش فيها بحريتك وكرامتك ثالثا: عن طريق النت يمكن ترسل الc v لاي شركة في مجال تخصصك والافضل انك ترسلها عن طريق شخص يعمل في الشركه المطلوبه رابعا: انصحك ان تضع ايميلك ومجال اختصاصك في هندسة الميكانيك وتمنيتنا لك بالتوفيق اخ ميلاد واعانك الله على تربية ابنائك والمحافظه عليهم
-سوريا
مغترب 2011-01-13 02:08:09
صيحة
بدك نصيحتي خلك بكندا اذا في فرص عمل الك لانو صدقني الغربة غربة وين ما كانت
-سوريا
SEHAM 2011-01-13 01:51:11
مرحبا
اخي ميلاد اظن عن طريق النت افضل بكثير من ان تذهب ولكن باعتقادي حتى الخليج بيطلبو خبره الا اذا بتعرف ناس يتواسطولك هيك بسمع انا مو من الخليج. وين راحو مغتربين الخليج يمكن يقدرو يفيدوك اكتر ولكن بالوقت الحالي ادخل على النت وقدم ربما يصادفك الحظ الله يوفقك
سوريا
عماد شعبان 2011-01-13 01:43:03
الغربة
ياأخي انا كنت متغرب 12 سنة في الخليج وبعدين جيت كندا اياك تغلط وتروح على الخليج على الأقل بكندا في احترام للأنسان وفي عدالة وفي مساواة النسسبة لبناتك صدقني بكندا وفي أخلاق أكثر من الخليج اتكل على الله و خليك بكندا
-سوريا
كريم 2011-01-13 01:31:14
نصيحة بجمل
أول شي كل الخليج مافي شغل حاليا أبدا ميت كتير وتاني شي اختصاصك كتير قليل طلبوا بالخليج واذاانت مجنس براتعال زيارة ودور أحسن مشان ما يغدروك بلأوفر وبنفس الوقت ممكن انك تشوف اكتر من شي وتختار وقدم حالك على انك اجنبي اذا كنت مجنس بيحترموك اكتر وبيدللوك واذا بدك تجي عليك حصرا بقطر لانو رح ينكب كتير فيها فلوس بعد فترة للأستثمار مشان 2022 بقا مفتوح الشغل من نص السنة وانت طالع 2022 وانابرأيي خليك بكندا وربي ولادك هنيك لانو ما عد فرقت كل شي برا بتلاقي هون اناعشت بدبي وقطرواسترلياوالناس نفسها
السويد
سيريانو© 2011-01-13 01:31:54
نصيحة
اخي العزيز نصيحة من اخ لأخوه اذا قادر ترجع بريطانيا ارجع ولا تنتظر انا كنت مقيم بالإمارات واعمل في شركة اعمار براتب جيد جداً جداً ..اخي الإمارات بلد غالي جداً واسعاره مرتفعه واجاراته عالية بلد مستعد للتخلي عنك بأي لحظة ... في مستقبلك لن تحصل على جنسية ليس لك حقوق بأي شيء وتذكر ان المواطن دائماً على حق . الإماراتيين ناس طيبين ولكن العنصرية الخليجية متجذرة عندهم ولا يستطيعون تجاهلها بلد بعيد عن العلاقات الإجتماعية و هناك المزيد والمزيد ..انصحك ابق محل ما انت احسنلك
سوريا
عبد الرحمن 2011-01-13 01:29:11
حاول عن طريق النت
أخي العزيز,أنا لا أستطيع أن أفيدك بشيء لأنني أتابع دراستي في فرنسا,لكن أعتقد بإمكانك أن تدخل إلى مواقع الأنترنت لشركات البناء أو شركات العمالة التي تحاول أستقدام أيدي عاملة ,كما أنك تستطيع أن تطلب من أحد زملائك الموجودين في دول الخليج(إذا كان لديك زملاء أو أقرباء يعملون هناك)كما أنصحك بالدخول إلى مواقع الصحف الإعلانية ستجد فيها بعض الإعلانات عن حاجة شركة معينة لمهندسين , لا أملك لك إلا الدعاء وفقك الله ورزقك من حيث لا تحتسب
-فرنسا
copy rights © syria-news 2010