2007-10-02 17:29:36
التجاري السوري يخفض معدلات الفائدة على ودائع التوفير بنسبة 40%، وعلى الحسابات الجارية بنسبة 100%

خبراء : مثل هذه القرارات قد تقود الى ارتفاع اسعار العقارات وزيادة التضخم

اصدر المصرف التجاري السوري قراراً يقضي بإلغاء الفائدة الممنوحة على الحسابات الجارية للقطاعين العام والخاص ( البالغة 1% ) بحيث تصبح الحسابات الجارية بالليرة السورية بدون فائدة ..


كما تضمن القرار تخفيض نسبة الفائدة على حسابات التوفير لتصبح 3% سنوياً مهما كان المبلغ ( تحت المليون وفوق المليون ) بعد أن كانت بحدود 5% .. وبدأ العمل بهذا القرار اعتباراً من 1/10/2007 ..

هذا وقد كان مجلس النقد والتسليف قد اصدر في الشهر السادس قرارا سمح بموجبه لمجالس ادارات المصارف العاملة "تخفيض معدلات الفائدة او رفعها بمقدار 2 % " بدلا من 0.5 % التي كان معمولا بها.

وبهذا يكون المصرف التجاري السوري قد استخدم كل الهامش الذي اعطي له من خلال قرار مجلس النقد والتسليف ، حيث حفض معدل الفائدة بنسبة 40% على حسابات التوفير و 100% على الحسابات الجارية.

وأكد خبراء في المركز الاقتصادي السوري انه من شأن هذا القرار أن يساهم في تحريك قسم كبير من الأموال المودعة في المصرف التجاري بأحد اتجاهين؛ الأول باتجاه المصارف الأخرى وخاصة المصارف الخاصة، والثاني باتجاه السلع المعمرة في السوق السورية ولا سيما العقارات مما يساهم في ارتفاعها إلى نسب أعلى مما هي عليه الآن وبالتالي ارتفاع معدل التضخم في الاقتصاد السوري.

كما تجدر الإشارة إلى أن إلغاء الفائدة على الحسابات الجارية يجعلها خاسرة بالنسبة لأصحابها نظراً للتكاليف الأخرى التي يتحملها زبون المصرف كالعمولات وغيرها ..

 

سيريانيوز

 


سيمو 2008-03-07 06:38:02
قرار حكيم .......
الله يعطيكم الف عافية بس انا حساباتي باسبانيا...........
إسبانيا
ابو حلب 2007-10-04 13:43:29
في طبخة عالطريق
على ما يبدوا بان بعض المدعومين لديهم شي كم ترخيص مهم(بنوك خاصة,تشغيل اموال,بورصة....)ولازمون كم عشرطاعش مليار,,,,,,خوفي ما تتكرر قصص كلاس وامينو بحلة جديدة واخراج عصري
-اوكرانستان
فهمان 2007-10-03 19:27:28
عيب عليكم يا سيريا نيوز
طرح الخبر بهالشكل هاد هو صيد بالماء العكر لانو فيه مغالطات كتير وعدم فهم ودقة من خبرا المركز الاقتصادي بعدين القرار ما شمل التجاري لحالو وإنما شمل كل المصارف فليش التركيز عالتجاري ؟؟ للاسف اغلب اللي علق مو فهمان وفي ناس كتير بتعلق لمجرد التعليق بدهم يتسلوا بس او يحكوا اي كلام ما شفتو مين قال انو بمصارف العالم ما بيعطوا فوائد عالحسابات الجارية !!! عجبي
-سوري
مغترب 2007-10-03 15:33:18
مغترب
سمعت أن الناس تخاف الوضع بالمصارف الخاصة وين رح تروح المصاري؟؟؟؟؟؟؟؟؟؟؟؟للخارج شكرا
عزوز 2007-10-03 15:30:50
والله عيب
عمري ماشفت حكومة بتحاول تبعد رؤوس الأموال عن البلد وتنادي بالإستثمار شو الموضوع
-SYRIA
شرشبيل 2007-10-03 15:15:53
بسيطة شباب
الحمد لله ياشباب الحمد لله انا ماعندي مصاري لابنك ولاهم يحزنون علي دين لفوق راسي لذلك رفع الفائدة خفض الفائدة يعني شو بدنا نتأمل من الحكومة اغنامنا صارت برا بيوتنا للعراقيين وشوارعنا محفرة بنفق ولا بدون وبيت ماعنا وسفر مافيا نسافر وموت مافينا نموت وخلوها ع الله احسن شي..
-
موظف في البنك 2007-10-03 14:38:11
توضيح
البنك عاجز تماما عن ايجاد قنوات اسثمارية للاسف و خاصة في ظل التراكم النقدي المتزايد في البنوك و للعلم فقط منذ عدة اشهلر اخرجنا من المستودع عدة ملايين بالية من سوء التخزين..القضية فقط تخفيف عبء على البنك في الايداعات المجمدة... و اكرر الاموال كثيرة و افكار استثمارية صفر ..و حسبي الله...
-دمشق
انا العزابي 2007-10-03 14:31:35
بمعيت شواربكن
مساء الخير انا منشوي نشرت تعليق مشان السكن الشبابي,هلق هادالتعليق فيكون تنشروه وفيكون(لأ)الله يوفقكن ياسيريانيوز عنجدعملولكن تحقيق بهل كم يوم وطمنونا عن السكن الشبابي بدمشق بالتحديدلانوباقي المحافظات ستلمو ونحنا؟؟ترا هي امانة والامانة جبال ماحملتها لذلك الله يرضى عليكون هتموابهل موضوع وطمنوني وطمنوا آلاف الشباب,اوكي:) لاتنسوا,فطورا هنياوصيامامقبول
-سوريا
dr bassam al-khouri 2007-10-03 14:26:37
القرار صحيح حسب وضع مصارفنا الحالي
التقصير من النظام المصرفي السوري وتعقيداته ....فلو أعطو للناس فائدة 5% وأقرضوها للصناعيين والمشترين للعقارات ب 8 % فلامشكلة ...الحاصل حاليا يدفعون 6 % ويخزنونها لتصل موجوداتنا بالليرة السورية 300 مليار ليرة على ماأذكر ....القرار صحيح حسب وضع مصارفنا الحالي وخاطئ لو كانو استطاعو توظيف الأموال بشكل علمي ونظيف وقانوني ومأمون ....
germany
ihab 2007-10-03 12:06:32
اللعبة بلشت
اكيد قسم كبير من المواطنين رح يحول على البنوك الخاصة واكيد بعد فترة قصيرة رح تسمعوا البنك الفلاني فلس وشمع الخيط. الحمدلله حكومتنا واعية وعم تلعبها صح. لحقوا مصرياتكم قبل ما يلطشوها منكم,المواطن رح يبقى مواطن ولو ملك مال قارون كما يقال. يا هيك وطن يا بلا...........
-سوريا الحبيبة
عزابي 2007-10-03 12:01:49
والله ناطر السكن الشبابي
صباح الخير, هلق بلا نفق بلا بنك بلا فائدة,,, هل حكي كلو مابيهم, المهم شو مشان السكن الشبابي بدمشق؟؟؟ الله يوفقك ياسيريانيوز بهل كم يوم عملولنا شي تحقيق حول هل موضوع وشوفولنا شوصار, يعني اخطب ولا استناكم؟؟؟ الله يخليلنا وزير الاسكان وسيادة الرئيس, مشان الله شوفولنا شوصار بالبيوت, بدي اخطب رح تروح علينا البنت؟؟؟شومشان
-سوريا
محلولة,ولايهمكن 2007-10-03 11:57:01
تلفون واحد, تتمة
نسيت خبرك,انو انظمة الاقتصاد هون بهل بلد فقط لمصلحة التجار والمستفيدين و؟؟؟؟وخليني ساكت,والله شايفلك شوي شوي بدهن يسكروا للبنك التجاري,بس وين بدهن يروحوا هل موظفين؟؟؟؟سيدييييييييي بيلتقالهن الف وزارة و وزارة, يلا سلام
-سوريا
محلولة,ولايهمكن 2007-10-03 11:51:05
تلفون واحد
السيدعلاءالدين,اوافقك الراي واضحكتني جدابان المواطن السوري مرن جداوهوقابل للتكيف مع اي قراريصدرمن قبل الحكومة,ولوكان قرارفاشل,مع العلم بان نسبة90% من القرارات فاشلة,يعني اليوم خفضوابكرابيرجعوابيرفعوابس ادعي لربك انوشي مسؤول يتضررمن هل قراروقتهاياعزيزي مارح تكلف هل مسؤول اكترمن تلفون لاحداصحاب القراربهل بلد,ولايهمك سيدعلاء,مافي شي مابينحل بهل بلد
-سوريا
ااااااخ ياسوريا 2007-10-03 11:20:31
سيدي الرئيس
كنت قدنشرت تعليق على موضوع النفق الذي سيحدث قريبا,او النفق الذي سيدمر الشام قريباوكنت قدتوجهت بنداء للسيدالرئيس,سيدي تخفيض نسبة الفائدة في البنوك لمصلحة رجال الاعمال فقط,ماذاعن المواطن؟؟كمااشارالاخ سابقاان نظام دول الخليج يسعى لافادة المواطن الخليجي,امانحن فنسعى ايضالافادة المواطن غيرالسوري,سيدي الرئيس ماذاعن مواطنيك؟ماذاعن شعبك؟يجب ان تتدخل,وشكرا
-سوريا
مواطن 2007-10-03 10:27:31
من اقتصاد ريعي الى منتج
- تخفيض الفائدة سيدفع بالاموال المجمدة في البنوك الى الدخول في عملية الانتاج والاستثمار ( شراء اسهم فتح مشاريع الخ ) - تخفيض الفائدة يشجع اصحاب المشاريع على الاقتراض وتوسيع مشاريعهم وايجاد فرص عمل جديدة. -تخفيض الفائدة قد يجلب معه بعض التضخم ولكن من قال ان هناك نمو اقتصادي دون تضخم؟ -السؤال اين هو سوق الاوراق المالية ؟
-سوريا
تنبهوا واستفيقوا 2007-10-03 10:18:17
تقليد اعمى
حكومتنا تقلد مايحصل في دول الخليج بأن الريال السعودي ليس له فائدة..لكن دائما تقليدكم ناقص وفيه ضرر للمواطن السوري..ان المواطن السعودي يعيش على مايسمى بنظام الاسهم وهذا النظام مسموح فقط لأبن البلد (السعودي) وغير مسموح بالمشاركة لاي اجنبي اخر باعتبار ان العرب اجانب..اما حكومتنا هدفها فقط خدمة الشركات الاجنبيه والمواطن غير السوري..تنبهوا واستفيقوا
sy
مواطن له حساب بالبنك 2007-10-03 09:08:07
شو هالقرار
*وهيك قرار شو ما عم يحسبوها مظبوط، هيك بدون يهرب الأموال من المصارف العامة وكل هذا لمصلحة من
-سورية
مواطن - سوري 2007-10-03 08:42:26
الغاء الدفتر
بالتأكيد سوف ألغي دفتري من المصرف التجاري ،وسأبحث عن مصرف أفضل، فهذا القرار يهدف الى القضاء على المصارف العامة،ولن يودع أموال فيها الا الجهات الحكومية الملزمة بذلك !! ياحرام يابلد!!! يا حرام هالمواطن !!!!!!!
-
سو سو السكرة 2007-10-03 05:31:38
طباخنا جعيط
لك لسا كل واحد بيقلك اصلا بأميركا و بأوروبا مافي فوائد ليش في شي عنا متل اميركا و اوروبا لك دخيلكون يلي عم يتفهمن يروح يعيش باميركا و اوروبا لشوف بيقبلو هونيك
-
ss 2007-10-03 04:56:24
s
لك شو هالذكـــــــــــــــــاء عبفرينووووو... ما بتطلع معوووو هيك قصة .. العين حولكون و حواليكن
-س
مستغرب 2007-10-03 02:47:10
حقل تجارب
اريد أن اسأل هل هذا قرار ارتجالي اتخذ بدون حساب لما سيحدث , أم أن الحكومة كل ما ارادت أن تقوم بشيء فهي تقوم به وتجربه لترى النتائج بعد ذالك و اذا كانت المصيبة كبيرة ستعود عنه حتما , يا جماعة انا أوكد بأن الكثير من العائلات التي تعيش من وراء الفوائد لعدم وجود أعمال أو أشغال يمكن القيام بها , اذا كنتم تريدون فعلا هذا فمن الواجب اذا توفير الوظيفة للجميع
-سورية
زبون 2007-10-03 02:32:47
بس خايف ما يخفضوها البنوك الخاصة بدورن
هوي بصراحة صعوبة المعاملات بالتجاري لحالا كانت عم تشجع الناس يلجؤو لبنوك خاصة، هلق رح يخف الضغط كتير عنو بعد تخفيض نسب الفوائد
-سوريا
علاء الدين 2007-10-03 02:22:13
نظامنا الاقتصادي مو أحسن من نظامنا المروري
لا تخافوا بكرة بس يشوفوا أنو القرار مو صحيح وصارت الناس تسحب أموالها رح يجتمعوا مثل ما اجتمعوا البارحة ويقرروا إعادة الفائدة كما كانت. ما في أسهل من القرارات عندنا. نحن ما عندنا دراسات وحكي فاضي، نصدر قرار ثم ننفذ ثم نرى ماذا حدث ثم نعالج إن استطعنا، فالمواطن عندنا مرن جدا وبيتحمل. سياستنا الاقتصادية مثل نظامنا المروري.
-سورية
رناد فتال 2007-10-03 02:16:41
هناك حلقة مفقودة
لايمكن صدور هكذا قرار من قبل ادارة البنك التي ستفقد المنافسة مع باقي البنوك اثر تنفيذ هذا القرار.فإما أن يتجه المودعون لسحب ودائعهم أو أن فائدة دفاتر التوفير ستصبح موحدة 3% نظرا لاعتيادنا على غياب المنافسة في السوق المصرفي السوري الا من خلال الخدمات. بشأن الحسابات الجارية فقد تم توحيد الغاء الفائدة في كل المصارف عامة وخاصة
-سوريا الله حاميها
محمد شعبان 2007-10-03 01:37:39
قرار خاطئ
قرار قد يضر بعائلات تعيش على عوائد اموالهم من البنك
-السعودية
its right 2007-10-03 01:22:34
its right
معظم البنوك مابتعطي فائدة على الحساب الجاري ونسبة الفائدة على التوفير عالية وتعادل نسب الفوائد باوربا وامريكا و اليابان بس كان لاوم الخكومة تحلرر القطاعات ولاسيما الصناعية وعمل جملة تحفيذات كبيرة للاستمار بالقطاع الصناعي و القرار سليم ومتاخر 40 سنة بس
-ز
ســـ حبيبتي ـــوريا 2007-10-03 01:17:43
.........
انتوا مش ماهمين شو القصة البنك الدولي الاسلامي اللي فتح في سوريا مؤخرا والنجاح اللي حققوا عمل ضربة كبيرة لباقي البنوك السورية لانو عم يقدم تسهيلات للعملاء وارباح اكتر كمان.
قطر
دبلوم اقتصادي معلوماتي 2007-10-03 00:46:54
ليرة صلبة الى متى
يبدو أن الليرة السورية قوية لدرجة أن التوفير من أجل الفائدة أفضل من الاستثمار. هذا ما دعا الى تخفيض الفائدة بهذه النسبة المرتفعة. لقد أصبح الان الحصول على القروض بفائدة أقل من قبل ممكن وهذا لصالح الاستثمار. لكن لا أعتقد أن اليرة السورية قوية لهذه الدرجة ومن الممكن أن تنزل قيمتهاالتي هي بالاصل عالية ومبالغ بها. 100 ليرة مقابل اليورو سعر مقبول
-germany
نديم 2007-10-03 00:40:06
اوعى الراتب ياشباب
الله يستر بس ما حدا يفكر يخفض الرواتب!!!! لأنو ما ناقصناهزبدن وطفر!!!!!!! يستر عرضكم الرمد أحسن من العمى لأنو العمى يضربني شو بطران ومسرف ومبذروما بعرف اتصرف بهالأموال المتلتلة اللي مخبيها بالتجاري!!!!! يالله بكرا بصير مضارب كبيرببورصة**** وبتاجربأسهم**** وبيعين الله
سوريا
مشاكس 2007-10-03 00:44:19
برابو
أذا كان المصرف الفديرالي الأمريكي أو المصارف الاوربية اذا ارادوا تخفيض الفائدة فيقوموا بتخفيضها ربع نقطة او نصف نقطة حتى لا تحدث هزة في السوق - ,وكلنا نعرف ماهو الاقتصاد الامريكي والاوربي -، اما نحن ما شاء الله نخفض ثلاث نقاط دفعة واحدة لكي نزلزل السوق زلزلة، والله هذه قوانين واساليب أقتصادية بدها ابو فهمي ليفهمها... 3 نقاط دفعة واحدة!!
-والله كتير
نديم 2007-10-03 00:28:11
افففففففففففففففففف
يا سادة يا محترمين.... مع الاحترام لرأي الجميع ولكن هل من متخصص بإدارة المصارف أوخبير إقتصادي قدأبدىرأيه بهذا الموضوع....برأيي أن كل من علق قدأبدى وجهة نظرسطحية ليست رأي إختصاصيين والمؤكدأن السادة المعلقين من عامة الشعب واللي إذاعصرناهون عصرفعلىالأغلب منتوفين ولاأحدمنهم سيتأثرلابالقرارولابستين قرار مثله وغيره أماكتر اللعي ليش؟؟؟ روحو دوروعلىشي ينفعكم..
سوريا
ابو ماهر 2007-10-03 00:07:05
ليش الغاء الفائدة
سؤال هل هذا القرار يشمل الفائدة لاجل افبدونا يااخوة انا خارج القطر
-السعودية
أحمد 2007-10-03 00:01:45
تخريب و فساد فاضح
المصلحة في هكذا قرار للبنوك الخاصة التي سيزداد ربحها, فهي تتاجر بأموال المودعين أي ستخفض الفوائد على حسابات الإدخارالى 3% و تقرض للسكن و السيارات والمقتنيات ب 9% , و المتضرر هو الإقتصاد الوطني عموماو بالتالي المواطن : التضخم سيزداد, الاستثمارات ليست أصلا لصغار المدخرين, بل للبرجوازية اللاوطنية و للأجانب والمساهمين في البنوك الخاصة مثال عنهم.سوق اجتماعي!
-سوريا الصامدة!
سوري 2007-10-02 23:32:00
لم ولن أتعامل مع التجاري السوري
الحمد لله أني ليست من متعاملي المصرف التجاري السوري، ولكن لنقف لحظة وننظر ورائنا للشهور الماضية لنجد أن هنناك عدد من القرارات تساءل الشعب السوري لماذا هذا القرار بالرغم من وضوح خطأ، وقد أن الوقت لنسأل مسؤولينا الذين يصدرون مثل هكذا قرارات تخريبة على مستوى دولة السؤال المباشر والخطير التالي: سيدي المسؤول ما علاقتك بالعدو الصهيوني؟
--
سوري 2007-10-02 23:28:25
الخطوة الفاشلة ستؤدي لإبتعاد رؤوس الأموال
بالتأكيد أيضا ان من يريد الفائدة سيفكر بإخراج المال من البلد إلى خارج سوريا، وستتعدى الخسارة خسارة للمصرف التجاري لتكون خسارة للبلد، إلى متى ستبقى القرارات في هذه المصارف وسيلة للتجارب بدون دراسة؟؟؟
--
سوري 2007-10-02 23:23:52
خطوة فاشلة أراهن على التراجع عنها
أراهن أن المصرف التجاري السوري يقوم بقرارات ارتجالية مثل العادة بدون دراسة، وبنظرة نعلم ان من لايرغب بتقاضي فوائد قد أخرج أمواله للمصارف الإسلامية، ومن يرغب بتقاضي فوائد سيذهب للمصارف الأخرى ذات الفوائد الأعلى، والوقت القادم خير دليل على ذلك، وبالتالي سيقود مصدر هذا القرار الفاشل بالمصرف التجاري إلى التراجع عنه، ولكن بعد أن يكبد خساشر للمصرف.
--
رجال 2007-10-02 23:23:29
مكان ما ولكنه قريب منه .. ما أظنكم بناشرين
السيد ب أ الرجاء إيجاد حلول سريعة وإلا على بلدنا و عليك السلام سبع سنوات مرت و نحن الآن نتمنى أن نعود عشرون عاما تصور !!!
-دولة القهوة
مستغرب 2007-10-02 23:10:16
شئ غريب
يعني يأخي هذا الشئ اللي ماحدا بيفهم منو شئ شو قصة الحكومة ما عمتعرف شو بدها تساوي شئ بالاقتصاد
-
e.kh 2007-10-02 22:46:45
قرار ينم عن العجز
هذا القرار ينم على عجز المصارف الحكومية عن توظيف مشاريع استثمارية رابحة دعاها الى التخلي عن الفائض المالي الهائل لديها لترميه في السوق بنية تعويم الليرة و كبح التضحم اذي قد ينفع على المدى القصير لكن النتائج على المدى الطويل سيكون تضحم في الليرة ينعكس سلبا على المواطن و سيقفذ الدولار فوق حاجز 60 ليرة
-syr
الدكتور 2007-10-02 22:19:06
حقيقة
ارجوا من كافة الاخوة أخذ العلم بأن الحسابات الجارية في كل بلاد الدنيا بدون فائدة
-سوريا
مو مهم 2007-10-02 21:51:20
في شي غلط
يذكرني ما يفعله التجاري اليوم بالذي كان يملك دجاجة تبيض ذهباً، فنفذ صبره يوماً وذبح الدجاجة كي ينال ذهبها كله. خفضوا الفوائد ليرفعوا أسعار العقارات، ونجحوا في ذلك، والآن يريدون أن يرفعوها أكثر، وهاهم يذبحون دجاجتهم، والخوف كل الخوف أنهم بذلك يقتلون كل ثقة لدى المستثمرين الخارجيين في سياسة البلد الاقتصادية، وفي القيمة الحقيقية للعقارات.
-بلاد برّه
محمود 2007-10-02 21:35:22
وعم تقلولي ماعم يشتغلوا؟؟!!
لك الجماعة عم يشتغلوا..!! والدليل انو هيك قرار رح يساهم بخفض قيمة العملة السورية مقابل سلة العملات الأجنبية و بالتالي نحن عم نخدم الشعوب المتحضرة بهل قرار..!!! ايه لكن...!! [رافو...!! إلى الخلف , إلى الأسفل...!!!
-سوريا طبعاً
محمد رستم 2007-10-02 21:28:40
شو هل الخطط الجهنمية
انا مغترب من حوالي ستة سنوات او اقل حولت عشرة الاف دولار علي السوري كان الدورلا 42او43 طيب هلا الدولار بسبعين او اكتر مابعرف .يعني المصاري هلي معي هلا صفوا مابيشترو قن جاح . من شان هيك ماعادت حولت علي السوري خليون يورو احسن علي الاقل محافظ علي سعرو . يعني بالعربي الفصيح الحكومة مابدها حدن يخبي مصاري بالسوري. وهلي حطط بالبنك شي يحولون علي الدولار ..
-فرنسا
أبو أحمد الدرويش 2007-10-02 21:25:32
وشي لمع بين عيوني يااسماعيل
شو بدي قول غير - فخار يطبش بعضو - يعني ماشاء الله شي بيهمني أو بيهم 80% من الشعب المعتر. ياسيدي إذا زاد فرنك معي بطالعوا وبحطوا بالبنك - بس إذا مازاد؟ بطالعوا؟
سوريه الحبيبه والقلعه
محمود 2007-10-02 21:26:29
هل من مستمع؟؟!!!
يعني بس بدي أفهم اذا في حدا بالحكومة عم يقرأ سيريانيوز لانو شكلو بس الشعب (يلي عم يرتفع عنو الدعم يلي أساسا مو دعم) هو الوحيد يلي عم يقرأ هل أخبار و ينقهر..!!!
-سوريا طبعاً
Yasser 2007-10-02 21:25:08
بكل بساطة يقولون لكم استثمروا في الأسهم
ليس هناك داعي لمهاجمة الفريق الاقتصادي في كل مناسبة وفي كل قرار يتخذه فمن المؤكد بأن الواقع صعب ومؤلم ولكنهم يحاولون بشتى الوسائل التخفيف من شدة الصدمة على المواطن خلال فترة التحول من الأسواق المغلقة تماما" إلى الأسواق المفتوحة كليا" (أنا لست منحاز لأحد، ولكن أعطوهم بعض الوقت ولنرى إلى أين سنصل). الشهر الماضي انتهى الاكتتاب على شركة عقيلة للتأمين ا
-سوريا
فادي بشير 2007-10-02 21:12:14
خطوة ممتازة بل ومتأخرة أيضاً
قرار سليم بل وقد تأخر كثيراً. الأموال التي كانت تكوم في البنوك الآن سيتم استثمار جزء كبير منها وبالتالي خلق فرص عمل. اما بالنسبة للحاسب الجاري، ففي كل دول العالم لا توجد فائدة أصلاً على الحسابات الجارية. خطوات إصلاحية جيدة لصالح الاستثمار (طبعاً سيخصب هذا القرار التنابل الذين يعتمدون على تكدي الأموال في البنك وعدم استثمارها في السوق وخلق حركة تجارية)
-دبي
الشعب السوري...رايحين نطق 2007-10-02 21:06:16
اللي عبصير مو معقول
يعني عن جد مو معقوووووووووووول اللي عبيصير .باي حيط بدنا نضرب راسنا ؟؟؟؟؟ حتى ماضل عنا أمل يكون عنا حيط نخبط راسنا فيه؟؟؟؟ يعني وبعدين بهالقرارات العشوائية؟؟ انا بحس أنو مسؤولينا بيصحو الصبح والقرار اللي بيخطر عبالن بيطالعوه بدون أي تفكير للعواقب أو حساب مصلحة الشيء الذي يدعى مواطن الله غضب عليه وخلق بهالبلد..لفين رايحة فينا ياحكومة لويييييييييييين؟؟؟
-فعلا مابقا مهم
حلوة يا بلدي 2007-10-02 21:01:11
كان في بلد غط وطار
كان في بلد غط وطار
- املي دايما ارجعلك يابلدي
Hotman 2007-10-02 20:46:19
it is only to make people buy stocks
القرار صائب وصحيح بالنسبة للحسابات الجارية وحسابات التوفير فوق المليون ولكن بالنسبة لحسابات دون المليون فالقرار غبي جداوسيساهم بازدياد معدل الفقر في سوريا. الحسابات الاخرى يجب ان تتحرك بدلا ن خزنها وقبض فوائد بدون تشغل. هذه الحركة ستعطي دفعا لبورصة دمشق ولاسهم الشركات.
-USA
جدعان رافع 2007-10-02 20:12:34
معطوفة على منهوبة
إلى العاملين في سيريا نيوزأعتقد ان الفريق الحكومي النيو ليبرالي يعمل ما بوسعه كييضع البلد على سكة التحول الصحيح الذي يأخذ باعتبار مصالح الطبقة الوسطى التي انقرضت من القرون الوسطى . على أية حال لسان حال الناس تقول ان هذه الحكومة حكومة الحيط العالي وهو مصطلح جديد أطلقه المثقف حسان الظاهر على وليد رافع
-عريقة
omar 2007-10-02 19:44:26
الله يعين الفقير
صارت في الصين..بعد تخفيض الحكومة نسبة الفاْْءدة في البنوك صار الاستثمار في العقارات و الاسعار صارت خيالية.زادت 100% ولكن صار تطور كبير في العقار و خدماته
-china
ممدوح 2007-10-02 19:35:47
خطوة تخريبية بأمتياز
هذا تخريب لاقتصاد البلد ويجب تشكيل لجنة من مجلس الشعب بلاضافة لمختصين نزيهين ودراسة هذا التصرف ( التخريبي ) انا عندي مليونين ليره بالمصرف لح اضطر حولون لدولار وآخدون علاردن وحطون بأحد البنوك لا لاجل الفائدة امنا لكي احافظ على قيمتهم فأذا حسبنا نسبة التضخم الحاصل منذ سنة نراه بحدود 40% اي ان اموالي نقصت 40% من قيمتها الحقيقة
-سوريا
Majed 2007-10-02 19:38:20
I hope
They can do anything, it is their bank. But I hope this decision would not affect the old accounts. Because the contact is deal between two intities. The bank in this case should honor the contract or it will loose confidance. If not, it will be funny bank *.
-USA
المانيا 2007-10-02 19:33:59
نيال الي عندو بيت
يعني بهيك قرار الي عندو عقارات كيف لانو العالم بتصير بتشري بيوت وبتاجرها لانو من الاجارات بحصل الواحد فائده تصل ل 10 % من راس المال سنويا عدا ارتفاع قيمه الاصول معناتا البيوت للارتفاع بمعدل 40% حتى الصيف القادم والاجارات ايضيا للارتفاع لانو بالاساس راح يقل قيمه العمله متل ما صاير بالدولار كل ما بخفضو الفائده بينزل سعره بس نستفيد انو منصدر الصناعات تبعتن
-المانيا
فقير بن مدقع الدندبوري 2007-10-02 19:28:40
يا خطية الفقير
هيك قرار معناه بالعربي المشرمحي إنو يا فقير روح ادحش هالفرنكين تبعك بشي مكان تاني، ما رح يطلعلك ولا حتى لحسة إصبع.. خلي المصاري لأهل المصاري.. صحيح ناس ما بتستحي..
-
هاني المعصب 2007-10-02 18:51:02
عقبال ما يلغوا الفائدة كلها
لك الله يلعن عالعيشة الزفت فوق الموت سكرولنا القبر يعني بس بدي افهم هالفريق الاقتصادي على انو اساس عم يخبص....... هيك قرار بيخلي الغني يزيد غناها و الطبقة المتوسطة بتصير بالارض و الفقير بيموت و بيرتاح و بيريح
-بلاد بلا فائدة
اقتصادي 2007-10-02 18:51:07
يجب المحاسبة فورا على هكذا قرارات غبية
نعم الان اصبحت مقتنع تماما ان هنالك اناس هدفهم ضرب الاقتصاد السوري والمساهمة في زيادة التضخم الذي هو بالاصل مرتفع جدا نعم يجب المحاسبة على هكذا قرارات لاتستند الى دراسات علمية وتخرب البلدنعم هذا قرار خطير ويجب محاسبة من اتخذه لانه يساهم في زيادة الازمة اخذ الاقتصاد الى الهاوية
-Deutschland
المواطن المذلول 2007-10-02 18:44:20
رزق الله يابلدى
شو هالقرار ناقصنا تهريب العملة للخارج لك شو بدكم خربتو البلد بالقرارت لك هاد الأنفتاح صار المواطن السوري شحادالبلد صارت تحت الصفر لك ولا عيب في شى ما خربتوه بلبلدرزق الله يابلدى
-سوريا
* 2007-10-02 18:27:19
الارتجال في القرار
بدل ما يكحلوها قاموا عموها!!!!!!!؟؟؟؟؟؟؟؟
-*
dr.bassam al-khouri 2007-10-02 18:23:21
قرار صائب يدفع أصحاب الرساميل للتخلي عن التنبلة
قرار صائب يدفع أصحاب الرساميل للتخلي عن التنبلة والاستثمار بالسياحة أومصانع ...خطره فقط على قيمة الليرة وهروب الرساميل للدولار او اليورو ...
germany
مغترب 2007-10-02 18:10:36
حتى بامريكا
اصلا حتى بامريكا الحسابات الجارية ما عليها فوائد
-امريكا
عبدالله 2007-10-02 18:05:11
ذكاء يخزي العين
يعني مو بس رح يزيد التضخم و يرفع أسعار العقارات، رح يكون في تحرك لتحويل المال إلى العملات الأخرى الذي يعني بالضرورة انخفاض سعر العملة السورية، و ارتفاع اسعار السلع، ثم المصرف التجاري من أين ستأتيه السيوله. يعين إذا بدو يمول مشروع ضخم من وين. لك الله يلعن الذكاء إذا مر من جنبكون.
Germany
عبود 2007-10-02 17:39:00
بدون تعليق
قرار ذكي جدا
-
copy rights © syria-news 2010