syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
استيراد سيارات بلا مواصفات أمان ... وتطبيق المواصفة السورية حبر على ورق
تحقيقات

وكيل سيارات: استيراد السيارة بدون مواصفات أمان يحقق ربحاً أكبر للتاجر

هيئة المواصفات: ورقة المواصفات شكلية لا يطبقها التاجر ولا الوزارات المختصة

وقع السنة الماضية نحو 30 ألف حادث مروري في سوريا، توفي فيها 2289 شخص، وبلغ عدد الإصابات الجسدية والجرحى نحو 27 ألف، بحسب إحصائيات إدارة المرور، الأمر الذي يرده مراقبون- ضمن جملة مسببات أخرى- لاستيراد نوعية من السيارات رخيصة الثمن، لا تتمتع بالحد الأدنى من عوامل وتجهيزات الأمان المفترضة.


هيئة المواصفات السورية وضعت المواصفة رقم /3040/ لعام 2004 وحددت بموجبها الشروط اللازم توافرها في أي سيارة تستورد إلى سوريا متضمنة شروط السلامة والأمان، بحيث تتولى وزارة التجارة والاقتصاد ووزارة الدولة لشؤون البيئة والإدارة العامة للجمارك ووزارة النقل بتطبيقها كل حسب دوره.

 ولكن بعد عدة جولات مكوكية لتلك الجهات التي كانت كل واحدة منها تحيلنا للأخرى، تبين ان تلك المواصفة مجرد حبر على ورق، وتطبيقها لا يتعدى كونه "ورقة روتينية" بالنسبة للتاجر المستورد وللوزارات، هذا رغم تأكيد هيئة المواصفات السورية على كونها ملزمة ويجب تطبيقها على المستوردين.

 

لعبة التجار وأرباح مضاعفة

القصة تتلخص حسب أحد وكلاء لسيارات الذي فضل عدم ذكر اسمه أنه "مع ظهور الشركات الآسيوية الجديدة في مجال تصنيع السيارات ومع أسعارها الرخيصة إلى حد ما بدء العديد من تجار السيارات في سوريا الذهاب إلى مصانع تلك الدول ليطلبوا منهم تصنيع سيارات على أساس مواصفات هم يحددونها، بحيث يتم تجريدها من الكثير من المزايا التي تعتبر غير مهمة بنظرهم لكنها في الحقيقة تعد من أهم عوامل السلامة والأمان في السيارة، وذلك لتقليل تكلفة السيارة ببلد المنشأ من جهة ولتقليل الرسوم الجمركية من جهة أخرى".

وأضاف" تأتي السيارة كأنها عبارة عن هيكل معدني بأربعة دواليب وغير خاضعة لاختبارات السلامة والأمان في بلد المنشأ، وفي بعض الأحيان لا تكون هذه السيارة مستعملة في بلد المنشأ".

وتابع الوكيل "هذه الأمور مجتمعة يستفيد منها التاجر ويحقق أرباح مضاعفة وزيادة بالمبيعات، فسعر السيارة في بلد المنشأ انخفض نتيجة زوال بعض المواصفات كما أن الرسم الجمركي للسيارة عند دخولها على البلد انخفض بدوره لأن كل مواصفة لها سعرها، وبالتالي حقق مبيعات اكبر لأن الناس ترغب السيارة الرخيصة، فماذا لو كانت سيارتين من نفس النوع وواحدة أرخص من الأخرى؟".

 

حبر على ورق

هذا الموضوع أكده مدير هيئة المواصفات السورية المهندس مهند العقاد بقوله "إن بعض التجار السوريين ولتحقيق أرباح مضاعفة وجهوا أنظارهم نحو منتجي السيارات رخيصة الثمن في كل من الصين وكوريا وأوكرانيا والهند، وبدؤوا بإدخال تلك السيارات بدون خضوعها لأي اختبارات أمان، وحتى دون أن تكون مطابقة للمواصفة السورية التي وضعت تحت اسم مواصفات بالحد الأدنى".

وعن المواصفة السورية رقم \3040\ وآلية تطبيقها أوضح العقاد أنه "تقوم كل من وزارة الصناعة والتجارة والنقل والمدير العام للجمارك بمراقبة وتنفيذ تطبيق المواصفة السورية رقم 3040 الصادرة في عام 2004، حيث تتضمن هذه المواصفة جميع المواصفات التي ينبغي أن تطبق على السيارات التي تستورد من خارج البلاد سواء كانت (بيك آب) أو (سياحية) أو( باصات) وغيرها".

ولفت مدير هيئة المواصفات السورية أن "دور الهيئة في عملية استيراد السيارات يكون بالتشريع فقط ووضع الشروط الواجبة، وليس من مهمتها متابعة عملية التطبيق، فالعمل في هذا الموضوع عبارة عن سلسلة متتابعة ومتكاملة ينتهي دورنا بمجرد وضع الشروط والمواصفة المطلوبة".

وبين أن "ورقة المواصفة تعتبر بالنسبة للتاجر بمثابة ورقة شكلية ضمن الأوراق اللازمة لإتمام عملية الاستيراد، ولو تم العمل بها بالشكل الصحيح لما رأينا هذه الأنواع من السيارات، على الرغم من أن القرار الذي وضعناه ملزم للتاجر والجهات الحكومية بتطبيقه والتقيد به".

واستغرب العقاد عن كيفية دخول هذه الأنواع من السيارات بقوله "على أي أساس تم دخول سيارات لا تتمتع بأي درجة من الجودة والمتانة، فهناك سيارات اسمع بها لأول مرة في حياتي مثل ييتشي، فوتيان، جاك ، تاتا، أوكا، ساس، تشانغان، فوتون وغيرها الكثير".  

وأكد العقاد بأن "أي سيارة تستورد إلى سورية يجب أن تكون مطابقة لمواصفات بلد المنشأ ومجربه هناك ومستخدمة وكذلك اشتراطات المنشأ وليست معدة للتصدير فالمواصفة السورية لم تضع شروط تعجيزية وإنما حد أدنى من شروط السلامة مثل الوسائد الهوائية ومانع انزلاق الفرامل والبللور المجلتن وأحزمة الأمان الثلاثية التثبيت".

 

مسؤولية التجارة الخارجية والجمارك

من جهته المدير الفني في مديرية النقل الطرقي بوزارة النقل المهندس وائل نايفة قال أن "وزارة النقل لا تضع أي شروط ومواصفات على استيراد السيارات، وإنما تقوم الوزارة وعن طريق اللجنة الفنية الممثلة بمندوب عنها يعمل بالتعاون مع الجمارك والمؤسسة العامة للتجارة الخارجية، حيث يختص المندوب بالتأكد من شهادة المنشأ والمواصفات التي تضعها الشركة الأم".

وعن مواصفات السلامة والأمان ودور وزارة النقل بهذا الموضوع أوضح نايفة أن "هذه مسؤولية وزارة التجارة والاقتصاد ممثلة بالمؤسسة العامة للتجارة الخارجية والإدارة العامة للجمارك".

 

المواصفة بحاجة إلى تطوير

وكانت المواصفة السورية \3040\ أشارت إلى أن"لوزارة التجارة والاقتصاد دورها في الإشراف على عملية استيراد السيارات ممثلة بالمؤسسة العامة للتجارة الخارجية"،والتي لخص مدير الشؤون الفنية زياد قزيز دور المؤسسة بقوله أن "عمل المؤسسة العامة للتجارة الخارجية يكون بمنح إجازة الاستيراد للسيارات أي بمثابة (رخصة) للمستوردين ، حيث تحصل المؤسسة على نسبة من عملية الاستيراد".

وتابع قزيز أن "المستورد يأتي إلينا للحصول على رخصة استيراد لسيارات من نوع معين، فيكون هناك لجنة فنية للتأكد أن هذه السيارة هي نفسها التي منحت للمستورد عن السيارة الواردة في الإجازة تبع الاستيراد".

وعقب قزيز على المواصفة السورية 3040 بقوله أن "المواصفة السورية الصادرة من قبل الهيئة السورية للمواصفات هي عبارة عن مواصفات عامة بسيطة موجودة في كل سيارة أو أن تكون عامة مثلا (الهيكل المعدني للسيارة )، حيث ذكرت أن يكون هيكل السيارة من الحديد الجيد المتين دون أن تذكر نوعيته والسماكة المطلوبة، كما أنه وبالنسبة إلى الفرامل ذكرت المواصفة أيضا أن يكون للسيارة (دواسة للفرامل ) وهذا أمر بديهي وموجود بكل سيارة، وأضافت بأنه يفضل أن يكون مزود بـ (ABS) مانع انزلاق الفرامل أي اختياري وليس إلزامي ،والتي تعتبر من عوامل الأمان والسلامة المهمة".

ولفت مدير الشؤون الفنية بأنه "يجب أن يكون هناك تطوير للمواصفة السورية، خصوصا مع السماح بدخول السيارات الهجينة والكهربائية، فهيئة المواصفات السورية لم تذكر هذا الموضوع أيضا وإن دخلت هذه الأنواع من السيارات فما الاشتراطات التي يجب أن تدخل بها إلى سورية".

 

مجرد كتب وتوصيات دون إشراف

ولوزارة البيئة دور في مراقبة استيراد السيارات من حيث مطابقتها للمعايير البيئية، حيث قال مصدر في وزارة البيئة فضل عدم ذكر اسمه أن "الوزارة شاركت في وضع مواصفة قياسية سورية لوقود البنزين ذي رقم (اوكتان 90 و95 ) والذي من شأنه استيراد السيارات التي تعمل على هذه النوعية من الوقود، لما له من أهمية في الحفاظ على أداء وجودة المحرك الحديث وبالتالي تخفيف التلوث".

وأضاف انه "يجب التأكد من إن السيارة المستوردة مجهزة بمحول (حفاز) لتخفيف التلوث من غازات العادم"، مشيراً أن "التعاون يتم مع المديرية العامة للجمارك لمراقبة دخول السيارات وخاصة من غير الماركات المعروفة والتي تستورد عن طريق الوكالات غير المعتمدة للتأكد من مطابقتها للمواصفات القياسية السورية لاستيراد السيارات".

وفيما يخص دور وزارة البيئة في الإشراف وتطبيق هذه الأمور أشار المصدر إلى أنه "يقتصر دور الوزارة على توجيه كتب رسمية وتوصيات إلى مديريات الجمارك العامة بخصوص الاشتراطات التي تضعها الوزارة بهذا الشأن ، ولا يوجد لجنة فنية من وزارة البيئة لمتابعة الاشتراطات البيئية عند استيراد السيارات".

 

فوضى وعدم مرجعية

وبذات الاتجاه رأى صاحب وكالة سيارات عبد الباسط مللوك أنه "لا يمكن ضبط عملية استيراد السيارات بهذا الشكل العشوائي دون أن يكون هناك جمعية ورئيس جمعية خاصة بالسيارات، بحيث تتولى هذه الجمعية دوره الإشراف على سوق السيارات، ويجب أن يكون لها شروط تضعها بنفسها تكون ملزمة التطبيق".

وأشار مللوك إلى أنه "عندما يستطيع أي شخص أن يستورد السيارات بدون أي مرجعية فهذه مشكلة، فمثلاً التاجر يذهب إلى شرق آسيا أو بعض دول الخليج واستيراد ما يحلو له من السيارات وبالمواصفات التي يطلبها، لأن موضوع السيارات ليس له مرجعية ملزمة، فمثلاً السيارة التي يستوردها الوكيل يكون سعرها 500 ألف ليرة سورية والتي يستوردها التاجر العادي سعرها 450 ألف ليرة سورية الفرق أن سيارة التاجر يطلب تصنيعها من غير بعض المواصفات التي يعتبرها غير لازمة، والاستغناء عنها أمر مربح له".

أما عن للسيارات الصينية والسمعة السيئة التي أردف مللوك أنه "نعمل على إيصال العديد من الرسائل إلى المستهلكين بأن نوعية السيارات التي تستوردها هي جيدة ومتوفر فيها عوامل سلامة وأمان، كذلك فإن الصيني ارتبط في بلدنا بالرخص لهذا اكتسبت السمعة السيئة فهناك درجات في هذه السيارات الغالي والرخيص الناس ليس لديها ثقافة بهذا الموضوع، لافتاً إلى أن التجار هم من أساءوا إلى هذه النوعية من السيارات وليس الوكلاء".

 

ابن المصلحة يقول كلمته

مهندس مكانيك أحمد زمزم شرح بأنه "ليست عوامل السلامة والأمان المادية وحدها غير متوفرة في لأن هناك أنواع من السيارات تدخل إلى البلد فيها أعطال من بلد المنشأ نتيجة حداثة هذه الشركات وخبرتها القليلة في تصنيع السيارات".

 وقسم زمزم أهم أعطال بلد المنشأ إلى" الدوزان ، دعسة الفرام ، ديسك الدبرياج ، وأعطال في علبة السرعة، بالإضافة إلى وجود عمر افترضي لكل سيارة فمثلا في سورية يوجد سيارات عمرها 20 و25 عام ولا تزال تعمل بصورة جيدة دون أي مشاكل أما هذه السيارات ( الآسيوية والهندية والأوكرانية وغيرها) فبعد 5 أو 10 سنوات ما لذي سيحصل لها ؟."

وتابع زمزم أن "هناك سيارات تدخل على سوريا من دول آسيا وأمريكا اللاتينية وأوكرانيا لا تتمتع بالمواصفات المطلوبة وهي غير أمينة، فنحن في عام 2010 وتدخل إلى سوريا سيارات تفتقر إلى الحد الأدنى من عوامل السلامة والأمان وغالبا ما يكون هذا الأمر بناء على طلب من الوكيل أو التاجر لمضاعفة ربحه والتخفيف من الرسوم الجمركية، وان حادث بسيط لهذه السيارات يودي بحياة أصحابها أو أن السيارة تصبح كوم حديد".

 

خبير: توابيت متحركة

ومن وجهة نظر اقتصادية قال الخبير الاقتصادي الدكتور زياد عربش "صحيح أن السيارة التي لا تتوافر فيها عوامل السلامة والأمان سعرها رخيص ولكن الخسارة تكون بازدياد عدد الوفيات من جراء الحوادث بالإضافة إلى خسارة السيارة".

ولفت عربش أن "هناك سيارات تورد إلينا عبارة عن توابيت متحركة وممنوعة من الدخول في عدد من الدول الأوروبية لأنها لم تحقق حد أدنى من معايير السلامة والأمان بعد خضوعها لاختبار crash)) الاصطدام، كذلك هناك ما يسمى في السيارة (بالعارض الجانبي) والذي يعتبر من أهم عوامل السلامة والأمان ووزنه 50-60 كغ يقوم التجار بالاستغناء عنه لزيادة ربحهم بسعر السيارة ".

 وأردف عربش أنه "نتيجة الأعطال الكثيرة لهذه السيارات فإن شراء قطع التبديل بشكل مستمر يعتبر هدراً مباشراً للقطع الأجنبي وما يترتب على ذلك من إضعاف الاقتصاد ككل، ولم تم حساب النقود التي تدفع على شراء هذه القطع بعد 5 سنوات لوجد أنه دفع نفس المبلغ في حال اشترى المواطن لسيارة من النوع الجيد".

وفيما يخص الحلول للحد من دخول هذه السيارات اقترح الخبير الاقتصادي أن "الحل الاقتصادي لسيارات لا تحقق حد أدنى من معايير الجودة والسلامة هو رفع الرسوم الجمركية عليها، فمثلا في أوروبا هناك ميزات تعطى لمن يشتري سيارة صديقة للبيئة، لكن ما يحصل الآن هو العكس، فالسيارات ذات المواصفات العالمية عليها ضرائب ورسوم أكثر من غيرها".

يشار وفقا لإحصائيات إدارة المرور بأنه وقع في المحافظات السورية خلال العام الماضي 29605 حوادث مرورية أدى 17603 منها إلى أضرار مادية، أما الحوادث التي تسببت بأضرار جسدية فقد بلغ عددها 12002، أما الإصابات فكانت 14941 جريحاً، أما الوفيات التي وقعت نتيجة هذه الحوادث فبلغت 2289 وفية.

أسامة مكية - سيريانيوز


2010-05-27 23:55:53
شاركنا على مواقع التواصل الاجتماعي:



شارك بالتعليق
ابو جان2010-06-29 21:24:07
جدبنة و هبلنة
أسعار السيارات الصينية السيئة جدا جدا وشكرا للسيد عبد الباسط مللوك بإدخاله كل هذه الخردة بس شو نوع سيارتك الشخصية أكيد مو صيني بس استغرب سبب شراء مواطنا للسيرات الصينية حيث أسعارها متقاربة مع السيارات الكورية و اليابانية و المالزية شو قول غير الجدبنة
سوريا
مشاكس2010-06-23 12:24:19
لما يكون الصيني بسعر الألماني
صدبق أرسل لي ايميل من كام يوم. سعر الميرسيدس 2010فئة C بالولايات المتحدة الامريكية حوالي 40000 دولار مع كافة الرسوم. ما معنى هذا؟ و ليش أرخص من الفجل! استغربت بس بعدين عرفت السبب. طلعت الميرسيدس بأميركا غير مطابقة للمواصفات القياسية السورية.
سوريا
fade2010-06-03 09:53:00
لا حول و لا قوة يا سوريا
إلى متى سيبقى الوضع على ما هو عليه .. يا حرام الشعب السوري أديشو معتر حلمو يركب سيارة اشتريت اوبيل من كم يوم 2007 ولله بدك 10 سنين بسوريا لحتا تركبها .. جبتابألف دينار كويتي
الكويت
شو مخر2010-06-03 02:35:36
شيلو جمرك لنركب سيارات متل الخلق
تلت رباع ناس ما عندها متور ليكون عندها سيارة وموصفات السورية جايي عن غباء أنا عندي سيارة صينية من خمس سنوات فيها كل مذكور هنا من مواصفات امان واهم انه لم تكلفني شيئا بصيانة واهم أنها أرخص من مثيلتها بحدود نصف تقريبا واهم ان عدم وجود عنا ماركات ليس بسبب تجار بل لان ماركات محترمة +جمرك مرتفع يصبح سعرها يعجز عنه 99% من مواطنين السوريين وكل يحلم بمرسيدس ولكن لا احد يستطيع شراء حلفوية صحو بقا أسع عم تحكو على صيني ولا تايواني وحلفاويات معباية البلد ما يكون كاتب مقال ساكن بحمرة
-سوريا
زيزو2010-06-02 10:28:59
وا أسفاه
يا جماعة الخير كل الحق بيرجع للحكومة و المسؤلين لو في عنا قوانين متل العالم و الخلق ما صار فينا هيك. شو الرفاهية يلي بيجبروك تدفعها لما تشتري سيارة لا يكون اصلا في عنا رفاهيةوشوارع مث العالم و الخلق ولي رسوم التسجيل الغالية. يا حرام عليكم يا مسؤولين العالم عم تدفع مبالغ عالية لتركب سيارة صينية او كورية وبنفس السعر بالامارات بركب كامري 2010. قبل 5 شهور اشتريت برادو مستعملة فل اوبشن 2009 ب 110000 الف درهم يعني 1300000 سوري اما بسوريا هاي بتسوا ممكن 3000000 ليرة شا يفين الفرق حسبي الله و نعم الوكيل
-سوريا
المهندس مصطفى الحافي2010-06-01 14:58:27
كل شيء
كل بضاعة تدخل الاسواق السورية ابتداء من المأكولات البسيطة وحتى الآليات الثقيلة هي غير مطابقة لأي مواصفة صادرة عن / الهيئة العامة للمواصفات السورية /وبالطبع هي غير مطابقة للستاندرد والنورم العالمي .فالمشكلة كبيرة جدا وتحتاج لحلول جذرية ومساعدة من خبراء مختصين محليين ودوليين بكافة المجالات و عذراالكلام الصحفي لايكفي ولايحل المشكلة طالما لم يقترن بطرح الحلول الحضارية للمستقبل. مع الشكر لسيريانيوز على هذا الموضوع الهام جدا.
-سوريا
louai2010-06-01 12:23:45
عوجة
حاجة تجو ع المسؤلين تبعنا والله مسؤلنا لطيف وظريف وخايف علينا وحاجة تحسدوا ع السيارة الخصوصي الاخر موديل اللي عندو اللي شتراها من راتب 10000 ليرة انتو اشتغلوا وتعبوا متلو لتشتروا هيك سيارة وبطلوا نق
-سوريا
شرشبيل2010-06-01 11:06:53
أنا يللي دخلت كل هالسيارات عالبلد، وليكني راكب هامر، وأودي، ومرسيدس، وبي إم دبليو. لأنو فعلا كل السيارات الباقية ما فيها مواصفات أمان
-سوريا
مؤيد صافي2010-05-31 23:22:32
تعقيب على الخبراء
بس تعقيب عن أحد الخبراء أعلاه و لزيادة معلوماتو أنو شركة تاتا الهندية يلي مو معبية عينو هي حاليا مالكة شركتي جاغوار و لاندروفر فخر الصناعة الانكليزية العريقة أما لخبير وزارة البيئة أتساءل: كيف تتطلبون سيارات تعمل على أوكتان 90 و 95 و كل بنزين بلدنا (السوبر) اوكتانو 87 ؟؟!! و ضحكني على فكرة السيد قزيز: أن يكون هيكل السيارة من الحديد الجيد المتين (يعني الفيراري و اللامبورغيني من الفايبر ... ما رح تدخل) وأن يكون للسيارة (دواسة للفرامل ) لازم والله أحسن من أنو الواحد يفرمل بمد رجلو ..
-الإمارات
مواطن2010-05-31 19:28:13
العدل اساس الملك
من الواضح من اراء ان 1رب العالمين لمى وزع العقول كل واحد اخدو وركض ولمى وزع ارزاق صار كل واحد طلع على رزق غيرو 2 يستوردو يلي بدون ياه بصير حملات توعية من قبل حماية المستهلك 3بيكتبو على السيارة يلي مافيها الحد الأدنى من الموصفات انتبه خطر الموت بسرعة الصوت وهيك يلي بدو ينتحر ما منحط الحق لا على التاجر مستورد ولا على الحكومة يلي حذرة وهيك ما منترك مجال لحدا يستخف بعقولنا وشكرا
-سوريا
هوازن وسوف2010-05-31 09:58:56
ظلم وفساد
السادة قراء سيريانيوز هل تعلمون أن مجمل السيارات التي تعمل في الصين هي من صنع الصين, فهم لايركبون الا الماركات المشهورة والتي تصنع في الصين؟ فالحكومة الصينية قامت بالسماح للشركات العالمية بفتح معامل لانتاج السيارات شريطة عدم بيعها خارج الصين حتى لاتؤثر على أسعار السيارات في العالم لرخص اليد العاملةوبنفس الوقت قامت برفع الرسوم على السيارات المستوردة فمثلا في مدينة شينجن مدة شهر لم أجد سوى اربع سيارات من الماركات الصينية المعروفة لدينا أما الباقي الماني وفرنسي ياباني أمركي وشوي ايطالي full option!
سوريا
ابو X2010-05-30 22:53:44
سيارات شام و سابا و طريزينا
ليش سيارات محلي الونabs??? ومانع التزلق وبالونات وغيرو ووووووو؟
-سوريا
مغترب2010-05-30 13:09:30
متابعه
ان شاء الله فكركن بوالين هواءهذه نفيخات للاولاد ام الليره وما تفتح لازم تجيب مدحله وتطلع فوق السياره و بعدين كمبرسور هواء لتنفخ البالون ههههههه
-سوريا
مغترب2010-05-30 12:53:54
وسأبقى مغتربا
صيني روسي ايراني ياباني اوربي اميركي كلهم سيارات والكل بتقضي الحاجه بس تركب الغربي ارجع للصيني و بتشوف الفرق بتفكر حالك راكب بغل شموص بأي لحظه ممكن يعنفص ويرميك وتكون المره الاخيره الي تشوف فيها البشر وضريبة الرفاهيه لازم تنخفض بتطورتكنلوجيا السياره و سنة صنعهاو يزيد كل ماكبر عمرها لانها بتستلك الدخل الوطني من قطع غيار و بنزين وتقتل راكبها وممكن تتسبب بحوادث تقتل فيها اناس صرفت عليهم مبالغ طائله لانهم امل سوريا و مستقبلها
-سوريا
جواد2010-05-30 11:46:50
السيارة الصينية
أنا عندي سيارة صينية وصغيرة منذ 6 سنوات ولم تعمل أي حادث كما يقول الفهمان عربش على عكس السيارات الغالية التي أجد الكثير منها عند محلات تجليس السيارات بحالة بتبكي وأما عن الصيانة فأنا لم أغير إلأ البواجي والبطارية ولمرة واحدة وفي السفر دائماًأتحدى أي سيارة بالسرعة والثبات والتوفير فالعبرة بمن يقود السيارة فإذا كانت ما بتخصو أو غير تعبان بحقها فلا أ ب ٍس ينفع ولا الماركة تحمي وعلينا أن نغير نظرتنا للغرب الذي يسرقنا منذ عقود.
سوريا
Emad2010-05-30 11:06:56
تأييد لرأي الأخ كنان
انا أيدت رأي السيد كنان (يجب ان تصبح ميزات الأمان أجبارية كــ بالونات امامية على الاقل , ABS منع انغلاق المكابح , عوارض جانبية للحماية , مسافة أمامية وعوارض أمامية للحماية \" كما يجب أن لاتسمح الحكومة باستيراد أي سيارة غير مطابقة لهذه المواصفات على الأقل , بس المشكلة أنو سيارات مسؤوليننا وعائلاتهم كلها (مرسيدس ,BMW , لاندروفر .......الخ ) وكل هالميزات يلي عم نحكي عنها متوفرة فيها من أكثر من 10 سنوات ... بقى شوبدهم بباقي الشعب (خليه يموت كم واحد بلكي بيقل العدد ومنريح المسؤولين شوي
سوريا
مواطن2010-05-30 10:26:32
مصدر تشاؤم
المواصفات القياسية السورية عبارة أصبحت مصدر تشاؤم بالنسبة لي عندما أراها مكتوبة على أي منتج. فلا أدري إن هذه المواصفات عاطلة بحد ذاتها أم أن المنتجين و المستوردين السوريين لا يلتزمون بها . و المواضيع كثيرة فحدث و لا حرج إبتداء من أبسط الأمور كالمنتجات الغذائية و الاستهلاكية و ألعاب الأطفال انتهاء بأخر مبتكراتنا و هي علب المحارم تبع النو نو و العلكة تبع المارد الذي حطم اسطورة العلكة التي لا يمكن علكهاإلا بأنياع السوريين.
سوريا
adham2010-05-30 03:08:12
إلي جميع الأحبة المعلقين
ياجماعة انا طالب بكلية الأداب بدمشق وبيتي بيبعد عن الجامعة 25 كيلو متر وكان عندي سفر 94 تخيلوا انو كان بدي شي 17 ألف بانزين شهريا ورغم خبرتي الجيدة بالسيارات ماوجدت أحسن من الشيري 308 يعني ماعم تكلفني أكتر من 8 الاف شهريا الصيني بدك تشتري جديد وطبعا ما تطلع فوق 80 والشركة عملت عرض من فترة 8 شهور وكانت ناقصة السيارة 100 ألف انا من وجهة نظري انها ماشي حالها أحسن من كتير سيارات وخاصة الادا وهي أحسن نوع صيني يعني ياشباب بلدنا مابدا أكتر من هيك وخليا تتكسر بكفي انو سعرها خسارة سيارة كور
سوريا
مغترب2010-05-30 00:22:11
جمارك
يا أخي يفكو عن المغترب شوي و يخلوه يجيب سيارتو معو بس يرجع مواصفات خليجية و أمان و متانة0000 بس هيهات هيهات 00000 منين لكن رح يربحو ال ؟؟؟؟؟
-السعودية
كنان2010-05-29 23:21:45
بس سؤال!!
لماذا يدفع المواطن رسوم حكومية إضافية إذا كانت سيارته مجهزة ببالون هواء أو نظام فرامل ABS، هل يعتبر هذا رفاهية، أن نحني أولادنا وعائلاتنا بمزيد من الاحتياطات هل هذا رفاهية! يجب منع دخول أي سيارة دون وجود هاتين الميزتين بها، وأتمنى لو يلزم الوكلاء بتقديم نشرة فنية كاملة تفصيلية للسيارة حتى ولو على قرس ليزري، ليطلع المواطن عليها قبل الشراء
-سوريا
مواطن2010-05-29 22:00:20
هوندا 2000
انا عندي سيارة هوندا اكورد ياباني موديل 2000 وعن جد ما ببدلها بعشر سيارت صينية من تبع , افضل سيارت بالعالم الالماني والياباني والامريكي وغير هيك كلو علاك
-سوريا
observer2010-05-29 20:34:14
منطقة حساسة
لالالالا....هنا دخلنا منطقة حساسة و خطرة. فلا يتوقعن أحد من القراء الكرام أن تتحرك الحكومة لإحكام قبضتها على تجار و مستوردي السيارات لأن هذه المهنة بالذات هي مهنة أولاد المسؤولين و الحيتان في سورية بامتياز و لذلك يصعب الاقتراب من منطقتهم. هؤلاء لديهم كرت مفتوح للمتاجرة بعذابات الناس و أحلامه و أرواحهم دنما حسيب أو رقيب
-سوريا
Oltina Males2010-05-29 19:22:00
الحق على الحكومة
نعم الحق في كل مشكلة على الحكومة لأنها تضع القوانين. مادا يمنع الحكومة من السماح باستيراد سيارات ألمانية عالية الجودة حتى لوكانت مستعملة وبرسوم منخفضة أليس أفضل من هده الخردة من آسيا وسياراتها السيئة الجودة ؟ ألا تخسر الدولة بالنهاية عندما يموت أبنائها بالحوادث من سوء جودة السيارات الأسيوية؟ لما هدا العداء بين الدولة وكل شيء فيه جودة ؟ ]جب عدم إدخال أي سيارة لايوجد فبها مكيف هواء لاأن نفرض رسوم على المكيف. تبدأ الدولة بالتفكير صح عندما تعمل عكس ماتعمله الآن تماما.
-الولايات المتحدة
waseemooo2010-05-29 19:11:21
ما بقي شي احكيه
والله ياجماعو ما خليتو اي شي ينحكى . بس بدي اقول اني مقيم في ليبيا وهون الشعب كتير بحبو المسلسلات واكتر شي بيعجبن في المسلسلات السيارة العجيبة بقولولي انتو من وين بتجيبو هيك سيارات بحياتنا ما شفناها او سمعنا بها
ليبيا
ابو علي2010-05-29 12:40:57
دمشق
اناامتلك سيارة بي واي دي صينية و هي مجهزة بجميع وسائل الأمان حيث تحتوي على بالونين و تحتوي على عوارض للحماية عندالأبواب
سوريا
محمد2010-05-29 11:39:55
المانيا
انا حلمي امتلك سييارة مومهم المواصفات لانو ربك بسير الناس كلها ولا اللون المهم تكون تلمع وجديدة ومو مهم القوة والمتانة المهم تكون تشم البنزين شم وتمشي بالتنكة 1000 كليلو متر هي احسن عندي من الشبح 600 موديل 2010 ياحبيبي بس تيجي ساعتك خلص عمرك ولو كنت راكب بنز 500 بدك ارهنلك الدار اني جاهز بدك ابيع الارضايات الي ورتون عن ابي بكون احسن برتاح منون وقد مابدك سجل اقساط و100 سنة لقدام اني جاهز بس المهم اركب سيارةالله يخليك صييني برازيليلي كوري ايراني مو مشكلة المهم سيارة مشان الله قبل ما اموت
سوريا
وائل2010-05-29 11:13:43
الحمد لله راكب ألماني 2
والحمد لله مرة ثانية وثالثة وعاشرة الذي هداني واشتريت صحتي وسلامة أطفالي. صار معي حادث عند عودتي على طريق حمص ليلا من سنتين حيث سقطت قطعة معدنية صغيرة من إحدى السيارات الشاحنة ولم أستطع تفاديها فطلعت فوقها بالدولاب الأمامي اليميني فانفجر فورا وكنت بسرعة 120 كم . صدقوني لم تتأثر السيارة ولم أشعر بأن دولابها أصبح على الجنط إلا بعد أكثر من 500 متر ، اتزان كامل وأمان كامل. حتى زوجتي والأولاد (كانوامعي) لم يصدقوا أنني بهذه السرعة لم تنقلب السيارة وتفقد توازنها. ألم أقل لكم الحمد لله اللي ماركبت صيني
-سوريا
وائل2010-05-29 11:08:40
الحمد لله راكب ألماني
أقولها بصدق أنني أحمد ربي كل يوم أركب فيه سيارتي الألمانية المستعملة (أوبل موديل 94) لأنني وبعد أن مشيت حوالي 280 ألف كيلو بعدها مثل الحصان، اقتصادية (بالنسبة لميزاتها) التصليح فيها شبه معدوم، يعني بالسنة مرة بتمر عالصيانة الدورية، وداعكها كأنها حمار بلدي. يوم اشتريتها من بضع سنوات كل أصحابي ضحكوا علي لأنو بثمنها ذلك الوقت كنت أستطيع شراء سيارة صينية وكالة وأوفر أيضا مبلغا جيدا من المال. لكني حسب خبرتي ركبت راسي واشتريت ألماني... بالفعال عندما يصنع الألمان سيارة يسمونها: سيارة العمر
-سوريا
وجيه2010-05-29 10:55:14
بس عندنا
توابيت متحركه تعبير مماثل لكل السيارات الصينيه التي مدحها السيد مللوك وكيل احداها. اتمنى لو تأخذ عينه من السيارات الصينيه المباعه للمواطنين و يتم فحصها.انها فاقده لابسط قوانين السلامه... جمرك السيارات عندنا لسيارات الصينيه قليل و للسيارات الاوروبيه كثير.لماذا لا تكون بالعكس بحيث انها الاقل هدرا و اكثر امانا.
-سوريا
فهيم2010-05-29 03:02:16
حياو الواطن أغلى
يعني سيارة جربانه وتكون خصوصي ممكن نبلعها وان كان ما يجوز من الله ان السيارات الماركات درحة عاشرة تدخل السوق . لانو شراء السيارة متل شراء الأجهزة الخطرة اذا ماكانت جيدة وكويسة ما بتعرف ايمتا وكيف تنفجر وتضر . على كل حال نرجع ونقول سيارة جربانة نمرة خصوصي هي مسؤولية المضطر اللي يشتريها بس بالله عليكم يا مسؤولين هل من المعقول تكون السيارة الجربانة سيارة ترخص عمومي وتنقل الركاب . يعني معقول سيارة شيري ما تيز تنقل 4 ركاب على طريق السفر او حتى على طريق المطاراو حتى اتستراد جديدة عرطوز
سوريا
smss2010-05-29 01:38:36
انتيكه
يعني كلشي سياره من الصين اكيد اسوء سياره بلعالم لانو كل وكلاء سيارات الصيني كانوه مصلحين اما موتورات اجرتين كما يسموه بلعاميه او مصلحين سيارات فشلين لان السيارات يلي عبجيبوها متلون فاشليه انا رفيقي مات بحادث سياره صينيه ياعمي فشل
سوريا
حموده2010-05-28 21:43:26
تعليق سابق
انا علقت على موضوع من قبل على ان لا يدخل سيارة ذات مواصفات تمنح الراكب الأمان وغيرها من المواد مثل ما بيقولو التجار الله يرسل سوق نار وزبون ت ت ت ت ت ويا كثر الزباين لأنهم على نياتهم والله المستعان
سوريا
محمد2010-05-28 20:08:26
وبعد كل هالتعليقات
لك يا جماعة أنتو وين و نحنا وين هاد اللي ساكن بالسكن العشوائي مو خطر على حياتو ؟ و الله خطرو أكبر من هالسيارات لأن كل نهار بنسمع بناية انهارت يعني عمترقص بلا هز و مليانة ناس يعني بالعشرات مو متل السيارات كل وحدة فيها واحد ! بعدين تعو لأوشوشكن بسر نحنا عنا مصنعين للسيارات و ين مواصفات الأمان تبعة السابا مثلا يا ترى كم نجمة بتاخد في اختبارات السلامة الأوربية ؟ لك اتركوها على ربكم لسا بدنا كتير لهالحكي انتو لا تسرعو كتير و بيسترها ربك
-سوريا
مامون2010-05-28 20:04:37
صدق المثل
يامسترخص اللحم عند المرق تندم
سوريا
شامي2010-05-28 18:44:04
نقعوها وشربو ميتها
اهم الشىء بلسياره مواصفات الامان خليه التجار يحتفظو بلسيارات قاطعوهون لاحدا يشترى كفايه جشع وفرعنه وقفو بوش التجار الجشعين لو مو ملاقين شعب غلبان على امرو ماعملو هيك فلا احد يشترى الا متل مابدو
-سوريا
عمر2010-05-28 18:14:25
لماذا السوري
انا مواطن سوري ومن حقي ان املك سياره ليست سباق بل سياره محرك 2 لتر ويوجد يها اكياس هواء هل اللبناني احسن مني او السعودي ليركبو احلى سياره بسعر مليون ونص واحنا نركبى ب5 مليون نعم انا مع الحق لماذا الوزراء لايركبون سيارات المواطنين ويركبون الب ام دبليو ومرسيدس يعني بيمشي الحكي على ناس وناس عيب كبرو الدماغ بدنا ننبسط ببلدنا ولاهي للسياح واحنا ولاد ويارات ما تمحوها لاني مواطن مقهور وبدس سياره سوريه
سوريا
سهيل2010-05-28 17:40:14
إ
يعني ضربتين عالراس بوجعو. هلق كنت عم شوف برنامج عن ال أوتو بان. و ماني عرفان شلون بدي دبر حق الاوبل استرا لأن بدي سيارة أمانية و سعرا معقول جاي تقللي النملة ب 3000. يا أخي حل عننا والله وجعني راسي و ظرف بانادول ما عاد يظبطو.
-سوريا
maher2010-05-28 17:29:50
اه الى متى ستبقى السيارة حلم المواطن السوري
الى متى ستبقى السيارة حلم المواطن السوري والى متى ستبقى رفاهية والمواطن يدفع رسوم للسيارة ضعف ثمنها مثال صغير السوناتا2010 سعرها خارج سورية 19 الف دولار تصل الى سوريا سعرها 40 الف دولار بالرغم من ارتفاع سعر البنزين بسورية ورداءة الطرقات لك أخخخخخخخخخخخخخخ
سوريا
محمد2010-05-28 17:05:55
الله المستعان
انا مغترب بسوريا ولدي طلب يشتاري سيارة بسوريا والله وما كذبنا خبر اشترينا سيارة له ولم رجعت على سوريا وركبت السيارة اعوذ بالله من الشطيان يا جماعة الخير السيارة صينية وما فيها جنس الامان ولله وبدون حلفان لو فتت بسكليت بتروح السيارة والي فيها عجن وطحن وبسعرها بشتري رنج روفر ههههه بالامارات شو المكاتب الي بدرعا وشوف نصبهن بستغلوا رخص السيارات الصينية وبستوردها وما فيها جنس الامان لا على الراكب فيها ولا على ماشي جنبيها !!!!
-سوريا
bassel2010-05-28 16:41:50
شو جاب الطز للمرحبا
من سنتين اشتريت سوبارو "اليابانية" موديل 2006 بسعر 850 الف ليرة و بعد فترة رفيقي اشترى جيلي " الصينية " يلي ما فيها ولا مواصفة أمان و محركها اصغر من محرك سيارتي بسعر 800 الف ليرة سوري بقا شو جاب لجاب وين عم تقولو رخيصة
-سوريا
مغترب ومبسوووووط2010-05-28 16:11:22
اه يا نيالي
فوق قلة الدخل كمان غلى ونصب على المواطن اخ ...انا سوري..بس مقيم بالمانيا اه يا نيالي هيك بتظبوط الغنية هون ب ٥٠٠ يورو فيك تشتري سيارة موديل التسعينات وكلو ماركات المانية او اوروبية وكل المغتربين بيعرفو هادا الشي و ب ٣٠٠٠ يورو بتشتري احلى مرسيدس نملة يلي ماضل حدى ماعلق عليها ب صورة وتعليق علما ان متوسط دخل الفرد بالمانيا ٢٥٠٠ يورو يعني المواطن شهريا قادر على شراء سيارة ممتازة
-سوريا
شفير لانسورة2010-05-28 15:55:39
الحق على مين
يعني والله شي بحير بحق هالسيارة الصينبة والا الايرانية ببلد مجاور بتركبها المانية اواوربية يعني السعر هو السبب ولامفكرين الناس مابتعرف انه الياباني احسن من الصيني .بدكون تتضحكو مرة طالع بطلعة قاسيون وقدامي جيلي وقفت وسحب فرام اليد وصار يزركها قام وقع طبونها الوراني بالأرض وكان رح يروحني لوماتفاديته وعمل أزمة كبيرة والسيارة موديل 2009
سوريا
ابو وائل2010-05-28 15:37:06
:( وماذا بعد !!!
حسبنا الله ونعم الوكيل عم أتأمل عالصورة وعلى هالماركات العالمية!!! اي والله مابشوف هالماركات الا بسوريا والظاهر مو بس دول اوروبا اللي بتمنع دخول هيك زبالة حتى السعوديةوالدول المحترمة اللي بتخاف على شعبه لاني ماشفت ولانوع من هدول هون..حسبي الله ونعم الوكيل على التاجر وبقية شلة العصابة اللي استرخصت المواطن السوري اللي هو ابوه وامه واخته واخوه
-السعودية
فارس2010-05-28 15:25:36
السماح باستيراد المستعمل
انتو سمحو باستيراد السيارات الاوربية المستعملة وشوفو شو بيصير بالصيني والكوري وهالزبالة كلا يلي حرام يندفع حقا ولو فرنك مصدي
-سوريا
مواطن2010-05-28 15:23:37
آه يا بلد
سوريا أصبحت سوق لتصريف كل منتج سيء المواصفات والجودة.. ليش فقط على مستوى السيارات.. وأنما ابتداءاً من لقمة المواطن اليومية وحتى أكثر الأمور رفاهية أصبحت اليوم مصدر مجاذبة وتفاوض بين التاجر والمسؤول والجمارك وبقية العصابة.. كله همه الربح والجيوب .. والمواطن أهلكه الفقر والجهل والبطالة وتلاعب المتلاعبين.. اللهم فرجك
-سوريا
فارس2010-05-28 15:22:28
سوريا
في دعاية لسيارة صينية صرعونا فيا انو تتوارثها الاجيال شي اكيد لانو يلي بيبتلي وبيشتريها ماعاد تنباع معو بالمرة اكيد رح تتوارثها العيلة كلها ولو صفيت خردة
-سوريا
كولومبس سوري2010-05-28 14:52:39
الى باسل
مغترب اكثر من ربع قرن ولما قررت اشتري سياره كو يسه اشتريت كولف 2001 علما انو بنفس السعر استطيع شراء نفس السياره موديل 2009وكتير كويسه بس في بلد الاغتراب ومشان اصفى قدام البيت وبنفس السعر كمان بي ام 745 2003 مشا ن اغيظ الكوري والصين والهند الدسيا والفاويسلم فهمكن؟ الامان هو للاسره وللاطفال فالسياره ضروره وليست للغيره
الكويت
باسل2010-05-28 13:40:26
شعب مريض وتجار بلا ضمير
يعني اللي ما معو حق سيارة كويسه ليش ليشتري سياره زباله ويخاطر بحياتو والله بعرف كتير عالم بتشتري السياره بس غيرة وبتصفها اغلب الوقت قدام البيت
-سوريا
ماشي2010-05-28 13:36:41
مخالفات بالجملة .. التاجر (وشريكو!!)هو صاحب القرار
فهمنا,تهربو من الضرائب ما حدا سالهم , زورا بيانات جمركية و تلفلفت القصة .الاسعار بالعالم نزلت و عنا ارتفعت .تخورفنا .. كمان مواصفات سيئة !!! و احتكار !! ومافي كفالة حقيقية !! حرام !! موضوع اخر : هل قام احد بدراسة تاثير ازياد عدد السيارات على البيئة و على الازدحام
-سوريا
أب سميرة2010-05-28 13:13:18
اي؟!
فهمنا بعض التجار ما عندون ضمير وبدون يربحو, هالشي مفروغ منو. بس وين الدولة من الموضوع؟ بيعرفو بس ياخدو رسوم وضرائب؟! وبعدين مع هالحالة؟!
-سوريا
طافش2010-05-28 13:01:08
ركاب حمارة ولا تركب سيارة صينية أو إيرلنية
عن جد مسخرة أكثر من 2000 قتيل العام الماضي وماحدا سائل لك يلي عم يموتو مو بني آدمين يعني صحيح هي السيارات رحيصة(حسب مقاييس السوق السورية) بس مسؤولينا بيعتبروا يلي بيركبها ارخص قيمة منها وإذا مات بيكون استراح وريح ومنو كتير . لازم كلنا نوقف وقفة وحدة ضد كل الوكلاء **يلي جابو زبالات السيارات للبلد ومفكرين الشعب جاهل ومابيفهم . وياريتها رخيصة يعني بحق سيارة ايرانية بتشتري بالخليج أحلى سيارة كورية . عوجة
-المكسيك
وك ااااااااااااااااااااااااااااااااااااااااااااااا2010-05-28 13:08:00
وبيركدو ورا الصغار
وك والشي يلي بيجلط انن شايفين وساكتين بيعرفو وبيتجاهلو والانكى بيركدو ورا التاجر الصغير وبيطبشوها براسو وك حتى الشركة المصنعة للسيارات الايرانية سابا اشتكت من سعر مبيع السيارات بسوريا ؟؟؟؟؟؟؟؟؟؟؟  
سوريا
وسيم2010-05-28 12:54:33
التأمين يصنع الفرق
اذا كان التاجر بهلوان و موظف الحكومة شفاطة مصاري يبقى من مصلحة شركات التأمين الامتناع عن عقد التأمين على السيارات الغير محققة للمواصفات طبعا هذا لا ينبع من حرصها على حياة الاخوة المواطنين لكن تحقيقها لمصالحها يصب بمصلحة المواطن الموضوع برسم اتحاد شركات التأمين فدخولها الى السوق في مجالات متعددة كفيل بتحقيق مواصفات عالية في قطاعات مهمة مثل الصحة و السيارات و لا عتب على الحكومة اذا مسؤول المواصفات لم يسمع بشركة تاتا عملاق الصناعة الاسيوية و بأن جيلي الصينية اشترت شركة فولفو
-سوريا
الضمير الميت2010-05-28 12:55:47
شراكة دائمة بين صاحب القرار وصاحب المال
للاسف الشديدان المسؤول الذي على راس دائرته يسعى بكل عناء على استغلال القانون لمصلحته الشخصية ومصلحة شركائه التجار ويامن يراه يعقد اجتماعات مع شركائه من تجار في غرق مغلقة لحبك الخطط واللتفاف على القانون وبالوقت نفسه اذا طلب منه احد الموظفين الشرفاء التحضير لاجتماع مع كادر الوظيفي لمناقشة بعض الامور لمصلحة المواطن والوطن تجاهله المدير المسؤول لا لشئ وانما هذا سوف يضر بمصلحته الشخصية ومصلحة شركائه من التجار وسوف يدر الخسائر الكبيرة عليه وعلى شركائه
-سوريا
كأنوا نسيانين علبة التنك السااااابااااااا2010-05-28 12:53:17
الحمدلله على وجود الله
كل روح عم تزهق لاي نفس بشرية بالسيارة المستوردة من الصين وإيران وأوكرانيا وكوريا وغيرها من القبور المتحركة سوف تكون في رقبه التاجر الذي مو عامل حساب انو بجوز يموت هو وعائلتة وهو راكب احسن الانواع خوفا على نفسه فبجوز يموت في بي أم دبلو 745I فإن الله قادر على كل شي واذا اراد فعل سبحانه....كلمة أخيرة إن الله يمهل ولا يهمل والله يرحمك يا طارق س كنت راكب سيارة إيرانية الصنع والله عالم شو امانها.
-سوريا
محمود2010-05-28 12:22:34
احذروا السيارات الصينية
حتى سيارات بريليانس القمة منعت من دخول أوربا فما بالك بالجيلي المتهالكة ! هذا من جهة المستهلك لا تشتري السيارات الصينية و لو كانت مجانا ! أما بالنسبة لبعض وكلاء الشركات الكورية ( الوكلاء أكثر جشعا من التجار ) كفاكم طمعا كفاكم كفاكم طلبا لسيارات تزال منها المواصفات لتوفروا بعض المال لماذا وكلاء الكوري تجار أرواح ؟ لأنهم يكادون يطلبون فك الكراسي من السيارة للتوفير و إلى الأخ صاحب الأفانتي التي قفلت هذا نتيجة طمع وكلاء السيارات الكورية طماعين طماعين طماعين
-سوريا
youss12010-05-28 12:15:56
بس لحتى نفهم لعبة ال AVANTI و لعبة الVIRNA
أكبر دليل على هل الكلام هو إنو بكل دول العالم سيارتين الهيونداي الشهيرتين الELENTRA , الEXCENT هيك إسمهم ليش عنا بسوريا إسمهم أفانتي و فيرنا؟؟؟؟؟ يمكن لأنهم عم يتصنعوا بس للمستهلك السوري و الشركة الأم ليس لها علاقة فيها ولا تضمنها ولا تحمل إسم طرازها العالمي لهيك في مشاكل دائمة معروفة بهل السيارتين
-سوريا
محمود2010-05-28 12:13:16
إلى الاستاذ وكيل
بصراحة أفضل ان اركب أي سيارة وضع عليها علامة أو شعار شركة كورية و استوردها أي كان على أن أركب سيارة صينية بالعكس يجب القضاء على احتكار عدد قليل من المستوردين لبعض أسعار السيارات فمثلا لولا جشع المستورد لكان وضع مواصفات أكثر للأمان بالسيارة و باعها بالأسعار الحالية لأنها رابحة ( بتوفي يعني ) و ليضع مستوردو الكوري بالونات في كل السيارات و أيضا جهاز مانع الانزلاق ا بي اس و كفاكم يا وكلاء السيارات جشعا و طمعا كفاكم ألم تمتلئ جيوبكم إلى أولاد أولادكم بعد ؟
-سوريا
اللهو الخفي2010-05-28 12:00:19
المستعمل
اذا ما عم يفهموا انو السيارات يلي عم تستورد درجة خامسة لازم يسمحوا باستراد المستعمل قبل سنتيين عن تاريخ الانتاج بعد هيك بتلاحظو انو السيارات صارت غير شكل بالبلد متل بيروت يلي غرقانة بديونها روحو شوفو سياراتهالازم يعرفو شو عم يستوردو ا سيارات بو بوط العيد هههههه
سوريا
زبالة2010-05-28 11:53:20
زبالة دول العالم
للأسف تجارنا يسنوردون زبالة دول العالم من كل شئ من الدواء للغذاء للألكترونيات للآليات لل...لل ..لل ..الخ ؟ ولا يوجد لديهم حد أدنى من الضمير والوجدان يحاسبهم ؟؟؟وحسابهم يوم القيامة مؤكد ويصطفلوا منهم لربهم؟؟؟
-سوريا
عصام حداد2010-05-28 11:45:14
تقرير غيرعلمي
لا أرى مصداقي في هذا التقرير إلا بنسب الحوادث المذكورة فقط .. وكان يجب ذكر بلد المنشأ للسيارات التي تعرضت لنسبة حوادث أكثر ووفيات أكثر .. أما أن نتهم جزافا فهذا لايجوز وهو ليس كلاما علميا وأعتبره دعاية لبعض أنواع السيارات فقط .. ومن الممكن تكون النسبة الأكثر من الحوادث هي لسيارات أوروبية ( أقول ممكن ) بسبب سوء القيادة والرعونة .. وعندما يربط التقرير نسبة الحوادث ببلد المنشأ لنا كلام آخر .. تقرير غير علمي بصراحة .
-سوريا
ديبو السهيان2010-05-28 11:40:40
زبالة السيارات بسوريا
من ضمن كل انواع السيارات الموجود بالصورة يمكن عرفت نوع او تنين والباقي غير معروف وخاصة عند الاشخاص المقيمين خارج سوريا يعني زبالة السيارات عم يجيبوها على سوريافمن الطبيعي انو تكون غير مستوفية لشروط الامان والسلامة لانو هل ماركات ماحدا بيسمع فيها ولا حدا عارفها برا سوريا لك اشتهيت شوف بالصورة شي ماركة سيارة معروفة !! شي صيني وشي ايراني وشي مو معروف قرعة ابوه منين لك الله يعين البشر بسوريا على الغلاء والضرائب الكبيرة اللى خلت الناس تروح تشتري هيك زبالة
-سوريا
ممم2010-05-28 11:34:32
موضوع هام
يا جماعو الموضوع فيه ارواح مو لعبة . نرجو الاهتمام.
-سوريا
اوف يابو الزلف2010-05-28 11:18:03
يعني بحتالو على القانون
على التأمينات الزام كرت المواصفات لكل من يستورد سياره وان تكون المواصفات مطابقة للقياس العالمي للسلامة
-سوريا
aaa2010-05-28 11:08:54
ooo
الى السيد المهندس مهند العقاد تعقيب على ما ذكرت(لم تضع شروط تعجيزية وإنما حد أدنى من شروط السلامة مثل الوسائد الهوائية ومانع انزلاق الفرامل والبللور المجلتن وأحزمة الأمان الثلاثية التثبيت\".)لا تنسى ان اهم عامل سلامة في السيارة هو نقاط اللحام و سمك الصاج!!فما فائدة الوسائد على البسكليت!؟ اما بخصوص العمر الافتراضي فهو كالتالي 20 سنة على الهيكل و من 10 الى 15 سنوات على الالكترونيات و 500الف كيلومتر على المحرك اما بخصوص السيارات الصينية فالعتب على حجب اليوتوب في سورية لمشاهدة الكراش تيست للسيار
سوريا
فراس باشا2010-05-28 11:05:13
تتمة
عندما تذهب الى الشركات التجارية في الدول الصناعية والمصدرة لمنتجاتها ستعرف سمعة التجار بالخارج عند محاولتهم ان يصبحوا اغنياء باسرع وقت.لا يأبهون للمستهلك وخسارته بل انهم يسرقون وينصبون وفي بعض الاحيان يقتلون(عندما يموت السائقين من اصغر حادث) بنمط مختلف قد يحميه القانون وتضيع فيه الملابسات .لا يجب على الحكومة ان تقف متفرجة.وبامكانها معالجة هذا الامر بفسح مجال حرية للمتضرر اصلا وهنا سوف يتم معالجة هذا الخلل الذي يزداد حجمه يوما بعد يوم.واعود لاقول ليست السيارات فقط ...
الإمارات
أحمد جاد الله2010-05-28 10:48:56
البركة في
سبب إدخال هذه السيارات الرديءة ليس فقط بسبب جشع التجار وإنما أيضا بسبب جشع الدولة فعندما يدفع المواطن السوري ما قيمته 12000دولار لكي يحصل على سيارة لا يتجاوز ثمنها في بلد المنشأ 5000 دولار والفرق يذهب في الحمارك والرفاهية وغيرها من الضرائب بحيث يدفع المواطن تقريبا 100 بالمئة للدولة. وبهذا المبلغ يستطيع أن يشتري سيارة من أفضل الماركات العالمية وذات مواصفات ممتازة بدلا من هذه الزبالة التي تدخل البلد على أنها سيارات. 
سوريا
فراس باشا2010-05-28 10:40:05
ليس فقط بالسيارت
للاسف تجارنا عندما يذهبون للخارج لاعتمادات تجارية وشراء بضائع وفتح خطوط استيراد.يختارون قمامة المصانع ويستوردونهاالى بلدنا.هذا ما شاهدته بام عيني في الخارج في اسياواوروبا-وادعواالمهتمين للبحث بهذه المسألة-ويختصرون اشياء ومواصفات كثيرة مستغلين جهل او قلة معرفة شريحة كبيرة من الناس.هناك حل بسيط لهذه المشكلة لو فرضت الحكومة قانون1-نظام ضمان يطبق على كل السلع المستوردة2-امكانية استرجاع السلعةخلال شهر.عندئذسيفكر كثيراالتاجر قبل ان يستورد قمامة المصانع العالمية.لان انعكاسه سيكون مباشرعليه نفسه يتبع...
-الإمارات
عادل2010-05-28 10:42:28
جماعة الأفانتي ديرو بالكون......الدركسيون عم يقفل
هيونداي أفانتي كاملة المواصفات من الوكالة بيقفل دركسيونها وانا ماشي بسرعة 60 بالمزة....لأنو الفيوز(125أمبير) مضروب والوكالة مشان توفر 200ليرة..حطت بدالو سلك كهربا عادي وخبتو بالفيوز المضروب بطريقة غاية في الذكاء ولما انفصل السلك بسبب المطبات بالبلد انقطعت الكهربا عن السيارة وانقفل الدركسيون والله نفدني من حادث مريع.....وعند مراجعة الشركة بيقلي مدير الصالة...(اي بلدك عوجا شو بدي صللح فيها اناااااا)...
سوريا
الدكتور2010-05-28 10:45:19
السعودية
كما غنت كوكب الشرق انت فين والحب فين شغبنا المسكين مافي باليد حيلة فساد من التاجر الى الجمارك الى عتملين الحدود حتى الوسادة الهوائية ماسلمت من التجار شالوها من بعض السيارات تعالو شوفوا في السعودية راعي غنم وابل عندو هايلوكس حديث واحنا قال رسم رفاهية وعلاك مصدي .. عوجا
سوريا
من معربة2010-05-28 10:06:53
مزبلة
تعودو يعملو أي شي مزال الحمار مطخي ليش ماتركب! اللي بصير فينا من انتهاك واستخفاف ماصار بأي دولة بالعالم_ يعني بالنسبة ألهم خلو يموت بالسنة قد هيك 100 مرة مافي مشكلة _القطيع كبير والراس كل يوم بينزل سعرو_ بس أكثر شي بعذب أنو هالسيارات الزبالة عليها رسوم رفاه لأن حكومتنا ودولتنا المحترمة بترفهنا كثيير
الأردن
happy syrian2010-05-28 09:53:43
تحقيق جميل2
يجب إيجاد حل وبأقصى سرعة لهذه المشكلة ويجب إعادة النظر بأسعار السيارات ورسومهاونوعية المستورد منها. الجشع والطمع طمس قلوب وعقول التجار عندنا وجعل من المواطن وليراته المعدودة مطمورة مصاري صغيرة والمطلوب كسرها وإخراج مافيها من ليرات ومن ثم رميها لأنها غير قابلة للاستعمال بعد ذلك مثل أشباه السيارات التي يبيعوننا.. فهي لن تعمر نصف ماعمرته سيارات الللانسر والمازدا والنيسان الثمانينية!!!
سوريا
ابو جاسم2010-05-28 09:58:46
الله يكسر ايدون
من سنتين صار في حوادث في فرنساووصل عددها الى 22 خلال ستة اشهر الله وكيلكن ما عاد تعرف الشرطه كيف تضبط الامور فشي رادارات وشي كونترول تكنيك وشي دوريات ضباط اذا في وسخ على السيارك صارو ينبهونا ومره جبت سياره من المانيا فمن شان سجلها بفرنسا طلبو مني فحص المواصفات الاوربيه وعينكن ماتشوفو شو عملو يا عمي الدوله تحترم مواطنيها بالرغم اني غريب فلمل دولتنا تحترمنا رح تشوفو معايير كتيره رح تنتشر بالبلد وبالنسبه للتجار يلي عم يستورد زبالة العالم ماينسى انو اشترك بجريمة قتل كل شخص توفاه الله بالحادث
سوريا
happy syrian2010-05-28 09:53:28
تحقيق جميل1
تحقيق جميل والمخفي أعظم بكثير. للأسف الشديد كل ماحدث ويحدث الحكومة مسؤولة عنه 100% فهي التي توفر للتاجر المناخ الآمن والخالي من المنافسة أو وجود ظروف أفضل لاستقدام منتج قوي وصحيح. في الإمارات وأنا لاأقصد المقارنة المسهبة,سيارة بي إم الفئة الثالثة مستوردة وكاملة المواصفات مستعملة وموديل ال 2000 سعرها400000 ليرة سورية مع تأميينها وتسجيلها. ممكن نعرف ليش هذا السعر والوضع ممنوع في سوريا؟؟ لاتقلي عجقة سير لأنو التوابيت الآنف ذكرها بالمقال أكثر من البشر وبأسعار خيالية غير مبررة!
سوريا
وطني2010-05-28 09:47:37
تجار السيارات
ولك الله لايوفقك كل مين عم يخون الوطن وأبنائه أنتم تقتلون أبناء الوطن وغايتكم الربح أنتم تستحقون الأعدام ومعكم الذي يمشي أموركم من المسؤولين أنا أطالب الحكومة تضع تشريع أعدام كل من يسعى إلى تدمير البلد
-سوريا
آرا سوفاليان2010-05-28 08:52:30
غولف
غولف ـ هذه السيارة العظيمة كان يجب شراء خط انتاج رباعي لها هنا في سوريا بدلاً من سيارات التنك والشوكولاته التي دفعنا في سبيلها أرقام خيالية، البرازيل أخذت خط انتاج غولف من ألمانيا بسعر الترحيل لا غير وصارت تصدر انتاجها الى دول العالم، وكان يجب ان نفعل شيء مماثل ، السيارات الصينية هي مشروع للقتل يجب منع ادخالها للبلد خاصة وان المواطن يدفع للتجار ارباح خيالية وفوائد للبنوك تصل الى 30% ورفاهية ورسوم هي الأغلى في دول العالم أجمع ومن حقه على الأقل أن لا يركب تابوت متحرك كما ورد في المقال
سوريا
مكنسيان ختيار2010-05-28 08:43:49
الزمن الجميل
الدعبولة - الجنح - التاونس - اللانسر - ميستوربيشي ستيشن - مازدا 929 - اوبل - الكولد - الكولف - الفوكس - هذه هي أنواع السيّارات التى أراها تستحق ثمنها فعلا , الحادث قدر سيقع بلا شك , لكن أن تقع على الأرض وأنت تنتعل حذاءا مطاطيا صلبا محكم الصنع يختلف عن وقوعك وأنت تنتعل الزنوبة \ هذه السيارات كانت أبجديات الزمن الجميل في يوم ما , لا يركبها إلا القادر على ثمنها والمسيطر عليها والذي يحترمها ويحترم الناس , التقسيط والصيني والمراهقة المتأخرة ثالوث الموت على أعتاب البازلت
-سوريا
Rami2010-05-28 08:29:10
آخ يا جيلي
ما أدراك ما جيلي .. هي من ضمن السيارات الممنوع قيادتها في أوربة. و لكني استغرب شيئا واحدا هو الصحوة الفريدة لهكذا موضوع و طرحه لأنه من العادة تستغرق هذه الامور 50 سنه !! و لكن لدي مشكله صغيره ! هل فقط السيارات الزباله هي ما يستورده تجار الضمير لدينا ؟؟
-سوريا
الياس2010-05-28 08:12:04
المشكلة فينا
مشكلتنا بسوريا اننا منلف حول المشكلة التاجر واستيراد مو مشكلة المشكلة بالجمارك و رسوم شوفوا دبي ليش كل سياراتها حديثة وكل تجار السيارات سوريين
سوريا
المحقق غادجيت2010-05-28 08:02:34
لو أن ...
جميع ما تكلم عنه المقال هو جزء رئيسي من آلية الفساد. نعم الفساد، فبالقليل من المال يدفع للجان الجمارك تستطيع أن تتغاضى عن أمور كثيرة في السيارة، وبالقليل من المال تحصل على موافقة استيراد سيارة لا تصلح ان تكون "طنبر" ، عندما يستشري الفساد تضيع الأرواح.
-سوريا
samer hassan2010-05-28 07:07:09
very late
اول شي انا بدي اشكرك استاز اسامة لانك اتجرات وفتحت هيك مو ضوع جوهري وبهني سيريا نيوزمع انو الموضوع اجا كتير متاخر والبلد انملت بزبالة سيارات اسيا واللي سعرا اغلا من الالماني هون بقطر تاني شي بكل بلدان العالم الحكومة بتخفض الرسوم ع السيارات اللي فيا مواصفات من شان زيادةالسلامةالا عنا ؟ ليش ؟ هل ياترا المواطن رخيص لهدرجة او انا التاجر هوي اللي بيحط قوانين الحكومة ؟ بتمني شي مسؤل ياخد الموضوع بمسؤولية تامة لانو حرام اللي عم يصير بالشعب السوري وشكرا
-سوريا
مواطن سوري حزين2010-05-28 07:07:58
خلينا نجرب
طيب .. طالما الحكومة مش سألاني والتجار مصاصين دماء والجمارك فاسدين وبيبيعوا وطنهم بحفنة خمسميات.. انشروا قائمة بأسماء أسوا السيارات وسببها وضعوا البراهين وتأكد إنو ناس كتير حتفكر مرة تانية قبل الشراء .. لأن هاي أرواح عيالنا.. شوفت مقاطع لاختبارات السلامة لشركات روسية وصينية وهندية .. وصدقوني .. شي بيخوف .. لازم نتحرك نحن .. بس ما تحطوا قائمة لمصلحة فلان أو علان .. والمضحك إنو في ماركات لحالها بتقولك أنا تابوت فأقرا نا تيسير من القرآن قبل الصعود.. والسلام
-سوريا
abu emad2010-05-28 06:32:07
worthless citizen
who care about the citizens governement and the traders worth than each other we need to fear allah
سوريا
Romano2010-05-28 05:35:24
still Third World
Since when Human's life is important in the Arab World
-الولايات المتحدة
شامي مزهزه2010-05-28 05:14:32
يو جين
لك بلا شيري بلا شانغ هي بلاشيكاغو.. بلا بطيخ مبسمر شو هالسيارات الزبالة حرام تنشرا وحرام حئا هيك سيارة حرام يكون اسما سيارة حرام يكون الها وكيل وصالة عرض عليها ماركة زبالة
سوريا
عادل2010-05-28 05:14:46
سورية الأسد
إلى متى سنبقى خلف البشر ؟؟؟؟ حسبي الله ونعم الوكيل
سوريا
ali2010-05-28 04:14:09
usa
Hi alaa,i've been in the U.S more than 24 years and i consider myself an expert in automobiles ,last year i visited syria for the first time and oh my god i saw alot of unknown car models and it was very obvious that these cars have no sefty features,god be with the pepole who drive these cascets and idon't know where our country think is heading with this mentality.make me feel so sad when i think back about syria and what happened to it
-الولايات المتحدة
Anas2010-05-28 04:02:41
Kuwait
Unfortunately, I was only able to recognize ONLY two of those car logos. Can anyone help me identify all of them in order please. Much appreciate it.
-الإمارات