syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مجلة تعرض بالصور عملية بتر لطفل ولد بذنب طوله 20 سم ( 1955 )
اخبار وصحف ايام زمان

في المادة التي ننقلها لكم اليوم موضوع غريب عن طفل في سورية ولد في الخمسينيات ولديه ذنب بطول 20 سم يشبه ذنب الجدي ، وتورد مجلة الرقيب الخبر ومعلومات حول العملية التي تم فيها استئصال "الذنب" من جسم الصبي.


وفي هذا المجال ستبقى مثل هذه الاحداث تحظى باهتمام الصحافة ، وتلقى رواجا بين القراء ، وذلك لتوفر عنصر الغرابة في الخبر ، وهو عنصر مهم في حال كان الخبر بالفعل غريبا وغير اعتيادي.

وتنقل مجلة الرقيب لصاحبها عثمان شحرور من خلال عددها الـ 251 والموجود نسخة اصلية منه في مكتبة سيريانيوز تغطية مصورة للتفاصيل العملية وتورد معلومات كاملة عن الحالة.

 

طفل من عربين بذنب طوله 20 سانتمتر

الدكتور حلواني قام بإجراء عملية قص الذنب للطفل في المستشفى العربي

الطبيب يقول : حالة الطفل غريبة في بلادنا لم نر مثيلا لها ....

الرقيب - العدد 251 - 1 كانون الثاني ــ 1955

أجريت هذا الأسبوع في المستشفى العربي الكائن في شارع بغداد بدمشق عملية جراحية لطفل في الثانية من عمره غريبة ، هي بتر ذنب طوله أكثر من عشرين سانتمترا ، وقد نجحت العملية والطفل يتمتع بصحة جيدة .

وقد قام بإجراء العملية الدكتور سعيد حلواني ، فقصده مندوب (( الرقيب )) في المستشفى مع مصور الرقيب الخاص وكان الطفل ما يزال قيد الفحص لتحديد موعد اجراء العملية ، وطلب من الدكتور حلواني ايضاحا علميا عن هذه الظاهرة العجيبة فأجاب بما يلي  :

إن وضع الطفل في غاية الغرابة ، ويعتبر من المخلوقات العجيبة .

إنه في السن الثانية من عمره من قرية عربية مصاب بقدمه بالروحاء ، فهو معوج ،وهو مذنب إذ يوجد في أسفل العمود الفقري وفي الناحية العجزية منه ذنب بطول 20 سانتمترا لحمي طري معوج ليس فيه شيء من الفقرات ، كما هو الحال عند الحيوانات المذنبة الأخرى ، وهو يشبه كثيرا بشكله ذنب الجدي أو الشاة .

وهذا الذنب على ما يظهر متصل بالنخاع الشوكي كما يكون عند كثير من المصابين بالحالة المسماة بالشوك المشقوق . . التي تصيب الفقرات في مختلف النواحي الرقبية أو الظهرية أو القطنية أو العجزية .

إن حالة هذا الطفل هي على ما اعتقد وحسب الفحص السريري الذي أجري له هي الحالة الأخيرة أي الشوك المشقوق في الناحية العجزية وقد حدث فتق النخاع فيها وبرز تحت الجلد ، إلا أن هذا البروز قد أخذ هذا الشكل الطويل الذي يشبه كثيراً اذناب الحيوانات اللبونه كالماعز مثلا .

وإن هذه الحالة غريبة جداً في بلادنا ولم نر مطلقاً ما يشبه هذه الحالة إلا ما ذكرت سابقاً من الإصابات الناشئة عن فتق النخاع وهي أورام لا تتجاوز حجم البرتقالة أو أصغر منها كالجوزة مثلا ومدورة كروية أو مفصصة وليس لها قط امتداد أو طول كهذه الحالة .

ولست أعلم فيما إذا كانت الأذناب تظهر في بلاد أخرى فقد روى لي والعهدة على الراوي أن بعض المناطق في تركيا يكون لأفرادهها أذناب صغيرة وتقطع عند الولادة .


2010-06-07 20:58:15
شاركنا على مواقع التواصل الاجتماعي:



شارك بالتعليق
Hussam2010-06-09 14:42:18
Samer (Great comment)
Samer you are right ,,and thank you for your great comment Lamis get to know what is behind beeing in this life and why you been broght here by the loard ALLAH
سوريا
ممرض2010-06-08 20:14:33
stop
اذا حدا من الشباب بدو شي ابرة مسكن ابرة دورميكوم منوم خياطة شي جرح نقسلو ضغطو كذا مذا بيمشي الحال واما عمو داروين عليه السلام شو أضاف أكيد أضاف بس يعني قابل للنقض وفيثاغورث من 3000 سنة هو تالس حطو نظريات ولازالت صحيحة لليوم وممكن أن تنقض يعني يا لميس داروين بنظرية التطور تبعو في شي صحيح وبعتقد انو درس انواع معينة من الطيور ولكن احتمالات الخطأ كبيرة وأكيد التصنيف القديم للحيوانات والسلاسل بيعطي دلائل ولكن مادمت قابلة للنقض بأي مكتشف فتبقى لا يمكن التعصب لها وبالتالي روقوابرة عضل25ضغط25كلو25
-سوريا
شامي اصيل2010-06-08 19:16:56
الى مالك تتمة
تانيا اذا كان كلام داروين صحيح بالتطور فهاد يلغي تماما نظرية الانسة او مدام لميس في تحليلها الجهبذ بأنو الدنب اللي بالولد هو اثبات لنظرية داروين لانو نظريتو هي نظرية تطور وليس تخلف ورجوع الى الوراء وهاد الحادث بكل بساطة يفسر علميا وطبيا بانه مجرد تشوه خلقي وليس له علاقة بالوراثة بدليل انو الطبيب المعالج للحالة ذكر انو مجرد ذيل لحمي ولا يوجد فيه اي اثار لنهايات عظمية او فقرية
سوريا
شامي اصيل2010-06-08 19:15:30
الى مالك الحزين
اولا نظرية التطور اللي صرعتونا فيها واللي انا وللاسف الشديد اني خيبت ظنك اني اتطلعت عليها وقريتها واللي كان بدو داروين يوصلوا للعالم انو اي كائن حي يستطيع ان يتطور ويتكيف جسديا بحسب البيئة التي يعيش بها وبحسب الظروف المحيطة وهاد كلام لا غبار عليه لانو شي ملحوظ على كتير من الكائنات الحية ولكن ان يكون اصل الانسان سعدان او شمبانزي فهاد الشي لا هو ولا غيرو قدر حتى يومنا هاد انو يثبتوا لذلك اذا عندك اي مصدر موثوق اتحفنا فيه دخيل عينك
سوريا
شامي اصيل2010-06-08 19:15:07
الى عالم ومسلم بنفس الوقت
انا حبيبي اذا اكدت بالكلام اللي كاتبه انو ما ربطت بين الالحاد والعلم وبحياتو ما كان العلم الحاد وانا متلك مسلم وباحث وطالب علم وعم اعمل دكتوراه بالفيزياء بالدانمارك وانا فقط رديت على المشكيين بالدين ولم اربط او اعتمد بنقاشي على الدين وكان واضح تماما من كلامي مين هنن المقصودين بالكلام ونظرية داروين ليست صحيحة بالكامل وفيها نقاط ضعف كثيرة مع احترامي الشديد لدراستك وعلمك
سوريا
فادي محمد2010-06-08 17:58:44
رد على المشاركة
كيفك يا جماعة ... هلق بتصدقو لولا هالزلمة مة مأذب كان طلعلو ذنب يعني مو معقول ومو وارد ... يعني في حكمة واللي ما فهم كلامي يقلي انا بشرحلة اياها بالتفصيل المقنع ...لا دارين ولا غيرو قادر انو يطرح علينا بنظرياتو الجاهزة وقال خجو يا عرب مممممممممم حكي نحنا بنعرف اللي ميقولو من ألاف السنين
سوريا
Maro the useless2010-06-08 17:42:51
Seriously!
So... When we talk about why there will never be a chance for any open dialogue in our culture, this is exactly why... Unless you believe in exactly what I believe in, you are wrong and should be shut up! Kudos to all of you attacking one voice just because she does not agree with you, way to go, civilized nation! Greetings,
-سوريا
مغترب في امريكا العظمى2010-06-08 16:48:23
برافو لميس
لميس انتي الوحيدة يلي بتفهمي بالاضافة الى من يؤيدك كل التوفيق لك انا بدعيلك من قلب واشنطن
-الولايات المتحدة
حسام2010-06-08 16:00:35
sss
يا جماعة شو عرفكون أنو هدا دنب؟؟؟ يمكن شغلة تانية بتشبه الدنب !!!
-سوريا
الاسكندر المقدوني2010-06-08 15:32:15
دفاعا عن الانسة لميس
الى الذين يطبلون و يزمرون بالغيبيات و يعلقون تعليقات على الانسة لميس من سبب ومن دون سبب انا ادعوكم الى احترام الراي الاخر الذي هو غير موجود اصلا في ثقافتكم والتي اعتقد جازما ان البعض منكم يعتقد بانه مومن وان مفاتيح الجنة والنار معه وحده مع انني واثق كل الثقة بانكم غير ملتزمون باي شي علمي اين كانت غيبياتكم في مشكلة الاستنساخ ادعو لميس للتعبير عن رايها متى تشاء وبما تشاء و بغض النظر عن النشاز الصادر
سوريا
مالك2010-06-08 15:19:14
عفوا شامي اصيل
بدل ما تحكي كل هل حكي كان فيك تسرد نص نظرية نشوء الانسان الحديثة بس انا بتحدى انو ما فيك لانو ما بتعرفها لانو لو بتعرفها ما بتحكي هل حكي بحب انك طور مصادرك لانو الانسان حسب النضرية الحديثة هو اندامج لتطور الشامبنزي مع الغورة والدنب مو رايح من فترة طويلة 2 عمر الانسان العاثل لا يتجاوز 9000 سنة ليس هناك ملاين وتغير الشكل كثيرا وبساطة بزيارة للمتحف الوطنس بدمشق قسم العصر الحجري فيك تلحظ التغير نظرية داوين ليست بلهاء بل بداية اعتمدت طلاع من كتاب البكلورية  1985
-سوريا
سوري2010-06-08 15:15:33
خارج السرب
إلى الشباب المختلفين على داروين و غيروا ,على الرغم من أن الموضوع خرج من سياقه العام , برأي الشخصي و من معلوماتي لا يدل هذا الذيل على صحة نظرية داروين , ولم يثبت حتى الأن عدم صحتها بالخطوط العريضة ,أنما ما يتعلق بالتدين و محاولات النقض أن ما نحتاج له هو النقد و حتى في الأمور الدينية لأن النقد يقوي الدين و يجد أجوبة لأسئلة لم يجرء أحد على طرحها ,إن مجتمعنا مقصر جداً في طرح الأسئلة و النقد , بالأحرى لايوجد عندنا نقد للفكر الديني على الرغم من الشرذمة التي و قع فيها الدين و المتدينين
-سوريا
الواضح2010-06-08 14:49:01
برابو عليكي لميس
شوفوا الهجوم المتخلف على لميس مع أنو كلامها صح والكل غلط . يللي رفض بالنظرية هو أنوأصل الإنسان قرد أما نظرية التطور ماحدا رفضها . وأصل الإنسان مائي زاحف وتطور حتى أخذ هادا الشكل وهادا صار قبل آدم بملايين السنين والمكتشاف يللي عم تحكوا عنها كلها بعد الإكتمال وجميع كائنا الأرض أصلها إشنيات وطحالب وكل يوم بيكتشفوا كائنا حديثة وعم تتطور. بحييكي لميس .
-سوريا
عالم و مسلم بنفس الوقت !2010-06-08 14:31:21
لكل من يهاجم داروين و نظرياته
قبل ما ينهز بدنكن و تثورو لما تظنون انه هجوم على معتقداتنا الدينية و تكذبو نظريات داروين ياللي قسم كبير منها صارت حقائق علمية مثبتة بالدليل القاطع, بتمنى تقرو شوي و تعرفو عن شو عم تحكو.أنا دارس كيمياء حيوية بكندا و اشتغلت بأبحاث بهالمجال,و لو فكر الجميع بهذه العقلية كان العلم ما توصل لنصف ما وصل اليه الآن. و يا شامي أصيل العلم و البحث العلمي ما مرتبط بالالحاد, و النقاش العلمي ما بصير بادخال الدين بكل شيء,و العالم الاسلامي ابن حيان هو من وضع أسس البحث العلمي و أصوله!
-كندا
محمد موسى2010-06-08 14:19:55
رسالة إلى المعلق شامي أصيل
من الاسم اللي اخترته بيظهر التعصب الأعمى تبعك بعدين مينك إنت وشو أنتجت لحتى تتهم عالم كبير بإنو أجدب .. ياريت تقدم نقطة من بحر العلوم والمعرفة اللي أغنى فيها داروين وكتب فيها مجلدات . بس نحنا شاطرين ننتقد ونتمسخر على الناجحين داروين افنى حياتو في دراسة الطبيعة. وأنت عم تفني حياتك بانتقاد والسخرية على العالم
-سوريا
لادئاني اصلي2010-06-08 14:18:41
الى شامي اصلي
كفيت و وفيت الله محيي اصلك
-سوريا
مستغرب2010-06-08 14:05:46
شو دارون وما دارون
بحسب معلوماتي دارون مات بعام 1882 م كيف تقول الأخت لميس عاش دارون ... مابعرف صار يوم القيامة وعاش من جديد أم هناك دارون جديد ، الذي أعرفه من الإبتدائي أن نظريته فاشلة وأنها عطلت العلماء بالرد عليها وأنه يهودي أراد أن يقول للعالم بأن أصلهم كما أجداده الذين مسخوا قردة وما في حدا أحسن من حدا .. بعدين ياأختي ما بتعرفي أن الغيبيات الأتية من خبر صادق هي من العلم ، أتمنى لك المعرفة والثقافة والإطلاع ....
-سوريا
شامي اصيل2010-06-08 12:55:00
الى كل من يؤيد نظرية الاجدب داروين البلهاء تتمة
لانو انا عشت هالحالة مع شوية رفقة بالجامعة وكرهت حياتي لما بدن يناقشوك بالدين وانو هنن الصح لانو ملحدين بس بالاخر بتعرف انو هي مجرد صرعة وموضة بالبلد لا اكتر ولا اقل متلها متل موضة مسلسل كساندرا والغيبيات الاسلامية في القرآن اللي حضرتك عم تتفزلكي وتنقضيها فهي قوانين كونية وضعها خالق اوحد ومثبتة علميا واثبتت صحتها وجدارة استخدامها على مدى الايام وتجدد العصور وهي صالحة لكل مكان وزمان ولكن بعد معرفة كيفية استخدامها وعدم تسيسها بالشكل اللي بنحبوا واكبر مثال على ذلك نجاعة النظام الاسلامي في الاقتصاد
سوريا
شامي اصيل2010-06-08 12:49:06
الى كل من يؤيد نظرية الاجدب داروين البلهاء تتمة
واذا كانت هالعالم حافظة كم كلمة وبتحب انو تتفزلك فيهن على الطالعة والنازلة بحب انو قلن بلا مسخرة والله شبعنا هيك حكي فاضي ما الو اساس من الصحة لانو مو مبني على اساس علمي ولكن على شوية افكار تم تبنيها من العالم الحشاشة ليكوناو بالصف الاول ويشدوا انتباه العالم التانية لانو ما في شي تاني يعملوا غير انو ينقضوا الدين ويطلعوا بفنات جديدة حتى لو كانت من نسج الخيال يعني صاير فيه الواحد انو بيتخرج من جامعتوا وبيصير افهم واحد بالدنيا وحدا قدوا لذلك بس تصيري بالغرب وتعيشي معهن ةلح تعرفي شو معنى كلامي
سوريا
شامي اصيل2010-06-08 12:42:31
الى كل من يؤيد نظرية الاجدب داروين البلهاء تتمة
والفرق بينا وبين العالم اللي باوروبا انو هنيك على الاقل 90% من الشعب علماني ولكن ما بيفتخر بحالو وبكل مناسبة بيصير بيفرح وبينبسط وبيفضح الدنيا انو هو هيك وانما بيحترم غيرو وكل مين على دينو اما نحنا عنا العرب فما بيصدق الواحد على ربو ايمتى تصحلوا فرصة لحتى ينقض شي حديث شريف او شي نظرية دينية وحتى وصلت معهن لانن ينقضوا الكتب السماوية بحد ذاتها وبينسبوا تصرفات شخصية بعيدة كل البعد عن الدين بس ليورجو العالم انو هنن ملحدين وهنن الفهمانين مع انو ما بيكونو فهمانين وين الله حاططن
سوريا
شامي اصيل2010-06-08 12:40:28
الى كل من يؤيد نظرية الاجدب داروين البلهاء تتمة
لك حتى الغرب حاليا ما عاد اعتمدوا كتير على نظرية داروين بدراساتن وبعض المجموعات البحثية الغربية البيولوجية وجدوا عدم صحة النظرية ونقضوها بادلة علمية بحتة لذلك انا بنصحك يا لميس خانوم انو تقري منيح وتابعي اخبار جديدة من 2010 وتنسي اخبار 1900 لانو هلأ وللاسف الغرب عم ينسى هالنظرية ونحنا العرب عم نتغنى ببعدنا عن الدين وفرحانين بحالنا انو علمانيين وملحدين ومتبعين هالمسار بشكل اعمى ودون دراية وانو الطبيعة اوجدت نفسها بنفسها وبنصير ندور على كل شي بيخالف الدين لنقول للعالم شوفوا نحنا بنعبد الطبيعة
سوريا
شامي اصيل2010-06-08 12:40:06
الى كل من يؤيد نظرية الاجدب داروين البلهاء
مين خبرك استاذة لميس انو على النانو هو تطور لنظرية داروين وانوا الاكتشافات الفيزيائية والكيميائية ولك حتى البيولوجية هي تطور لنظريتو الحمقاء يعني ما بقا غير تقولي انو الانحباس الحراري اللي صاير بالعالم و بركان ايسلندا و اكتشاف الليزر وعلم النانو هو من صنع عبقرية هالاجدب داروين يعني انا بستغرب انو لسا في عالم بتأكد صحة هالنظرية انو جد الانسان هو سعدان وانو ليش عم يصرفو بلايين الدولارات على ابحاث نتائجها معروفة مسبقا بس ليثبتوا انو اصل الانسان سعدان وانو تطور من شكل لاخر
سوريا
عزو2010-06-08 12:18:11
شبكون فايعين
شبكون فايعين ع لميس , هاد الرأي تبعها وما تقعدوا تعملولي إيمان وما إيمان !!! بس بدي وجهلك الحكي هلق إلك يالميس انشالله تردي عليي , طيب طالما الانسان هيك تطور متل مانيك عم تحكي , ليش صرلو أكتر من مليون سنة ع نفس الوضعية , ليش وقف التطور تبعولو ؟؟؟؟؟؟ مو لازم يستمر بالتطور ع كل حال بعطيك رابط إذا بتحبي تجيبي كتاب منو و هو بموقع أمازو , بيعطيكي فكرة عن أخطاء نظرية داروين و بالتوفيق
سوريا
s,s,2010-06-08 12:04:51
الى لميس
حبيبتي ما حدا بينكر انو داروين عالم عظيم وقدم للعلم الكثير ولكن هذه النظرية اثبت خطأهاواذا كانت الغيبيات لم تقدم شيئا فأنت ايضالم تقدمي شيئا بل تأخذين كلامااثبت خطأه لتستشهدين به تابعي اخر اخبار العلم بدون زعل
-سوريا
لميس2010-06-08 11:19:23
ماذا قدمت غيبياتكم للعلم
على الاقل العبقري داروين بنظرياته ومؤلفاته فتح آفاقاً كبيرة لأسس علوم أخرى مثل علم الكيمياء الحيوية والبيولوجية وعلم الجزيئات النانوية وعلم الوراثة بغض النظر إن تعرضت نظريته للنقد أم لا فكل نظرية علمية مآلها النقد , ولكن على الاقل هذا الرجل العظيم سار في الارض وفكر وقدم بمؤلفاته الواسعة بغض النظر عما تعرضت له للنقد فقدقدم أسساً لعلوم ما كنت تطورت لولا عبقريته اما انتم فتجلسون تمتصون غيبياتكم دونما تفكير وتريدون للعلم ان يتوقف عند جمودكم اللا نفعي
-سوريا
أنس2010-06-08 11:15:23
مات داروين .. وماتت نظريته السخيفة ..
حتى قبل موته مايزال يوجد من يصدّقها ومن يروج لها في زمننا زمن انكشاف الحقائق وتنور العقول ، ومتى كان تشوهٌ خلقي لطفل مسكين دليل على صحة نظرية التطور المشبوهة الدوافع و الوسائل و الأهداف ؟
سوريا
معجب2010-06-08 09:53:42
ابداع حقيقي
فكرة هذه الزاوية \" اخبار و صحف ايام زمان\" فكرة ابدعية حقيقية. ما بعرف اذا حدا عملا قبل بس اول مرة بشوفها. بالنسبة للانسة لميس من فترة ما بتتجاوز الأسابيع اكتشف انو نظرية داروين خاطئة مليون بالميةو طبعا انا ما استنيتهم ليقولو لانو جميع الديانات السماوية ومنهم الاسلام و المسيحية بيرفضوها رفض قاطع \"do some research\"
-سوريا
طارق2010-06-08 09:46:25
نظرية داروين التافهة
ما زالت الأدلة التي يقدمها العالم الغربي تنقض نظرية داروين وآخرهاهيكل عظمي إثيوبي يبلغ عمره حوالي أربعة ملايين وأربعمائة ألف سنة أطلق عليه اسم \\\\\\\"أردي\\\\\\\".
-سوريا
ريتا2010-06-08 09:07:53
-
يا ترى عاش هاد الطفل وشو صار بحياتو؟؟
-سوريا
febi2010-06-08 09:03:49
الى لميس
أرجو من الآنسة أو السيدة لميس أن تتوخى الدقة في التعليق ... أنت تقولين نظرية داروين للتطور.... وليس للتقهقر والتراجع ؟؟؟؟؟ أليس كذلك ولك جزيل الشكر
سوريا
amjad2010-06-08 08:12:26
رد على عاش داروين
اذا كانت لميس بتأيد داروين بانو كان جدها قرد او برمائي او أي حيوان فأنا ما بأيدها أبدا لاني متأكد انو جدي كان بشر وهو آدم عليه السلام .ورب العالمين كرم بني آدم وميزهون عن الحيوانات. أصلا بحب خبر مناصرين نظرية داروين و "بدون زعل" انو اكتشفوا حضارات انسانية وآثار لبشر بتعود بالزمن إلى أبعد من النظرية مما يدل على نقضها وفشلها. يا جماعة اقراؤوا لا ضلوا جاهلين وشكرا
-سوريا
سامر2010-06-08 08:19:51
لـ الآنسة لميس
ان كنتي تؤمنين بنظرية دارون عن نشأت الانسان فماذا تقولين عن خلق السماء والارض والكواكب وهذا النظام العجيب لحركتها هل هي محض الصدفة, انصحك بتوسيع مداركك ولاتأخذي العلم إلا عن دراية واقتناع, لا اعتقد بأنك ستحصلين على قارب بدون صنع الانسان ولو انتظرتي على ضفاف الانهر والبحور لملايين السنين,استفيقي وابحثي واعرفي من خلقك وما الغاية من خلقك قبل فوات الأوان.....
-سوريا
n.m2010-06-08 08:03:22
نبيهة
ما شاء الله حولك يا لميس .. يعني أكثر من خمسين سنة والعلم أثبت بطلان نظرية داروين وحضرتك جاية تبرهني صحة النظرية الحمقاء
سوريا
لميس2010-06-08 02:17:05
عاش داروين
هادا الشي بيأكد نظرية داروين بخصوص الصفات الراجعة والتي تعود للظهور احيانا مما يؤكد نظريته العظيمة مرور الانسان بمرحلة البرمائيات والزواحف
-سوريا
مضحك2010-06-07 22:36:12
ولووووو
ههههههههههههههههههههههه ما3ء ماع ع مأمأع بر هع س سه سك هههههه زكروني بأيام رعي المعزة الله يلعن بي الغربة والجامعة يا ريت ضلينا ورا هالعنزات عالبساطة بضيعتنا أشرفلنا
-سوريا
محمود2010-06-07 21:31:25
موضوع وحام على هذا الذنب
ولله في خلقه شوؤن , الحمد لله على تطورالطب البشري عم نسمع سمعات مما بتتصدق
-سوريا