syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
لصحن الفول عند "أبو عبدو" مذاق مختلف..اسألوا العطري ومشاهير الفنانين الذين أكلوا "عنده"
تحقيقات

ارتبط اسمه بالفول وأصبح الجميع ينادونه (أبو عبد الفوال)، شهرته تجاوزت حدود مدينة حلب، يقصده محبي "لقمته الطيبه" من خارج البلاد، عمر محله تجاوز المائة عام، سنوات كانت كفيلة لتحويل اسم ( أبو عبدو الفوال ) إلى ماركة شعبية شهيرة منذ زمن والده الحاج (عبدو الفوال) الذي رحل منذ ربع قرن وترك له سر فوله الشهي ومعاملته الطيبة للزبائن.


وعلى عكس الزحمة المعتادة، كان محله فارغاً وذلك بناءً على رغبتة باحترام مشاعر الصائمين في رمضان، فهو يشترط على زبائنه حتى ينتهي الشهر الفضيل أن يبيعهم الفول (سفري) أي خارج المحل ، سيريانيوز زارت أبو عبدو في محاولة لاكتشاف سر شهرته ومذاق صنعته الطيبة التي استقطبت الكثير من رجال السياسة والفن.

 

إلى مدرسة ( الحاج عبدو الفوال )

أبو عبدو (عبد الرزاق المصري) 67 عاماً الذي نسى سبب تركه المدرسة حيث خرج منها منذ كان عمره 12 عاماً ليبدأ بالعمل مع والده الحاج عبدو وقتها كان ليس بإمكانه أن يحرك جرة الفول لأنها تحتاج إلى قوة الشباب حسب وصفه:" فالعمل كان يدوياً وإشعال النار تحت طنجرة الفول بواسطة الكاز والبوابير فقط فكان العمل يحتاج إلى مجهود كبير، وكان هناك فقر شديد والأهالي يريدون أن يأكلوا الفول ، لذا كانت طنجرة الفول لا تنزل من على النار".

وتابع:"الحمد لله بجهود والدي الحاج عبدو الذي عمل عملاً جباراً فقد بقي يعمل بالفول حتى أصبح عمره 85 عاماً ، وقتها لم يستطع أن يمسك الشمشاية ( معلقة الفول ) فأصابعه الثلاثة من يده اليمنى تجمدت والتصقت ببعضها و أصبحت قطعة و احدة، وأصبعا يده الأخرين إلتصقتا ببعضهما أيضاً فصرت أسكب حينها ماءً ساخناً على يده حتى يفك تجمد العصب ليده ولكي يكمل العمل الذي أنهكه كثيراً، وقتها وصلنا إلى صيغة عمل مفادها أن يكون والدي إدارياً بالبيت و أن أعمل – كمحارب- في المحل، وقد عاش والدي الحاج عبدو 105 سنوات و توفي عام 1984 م و حتى الآن يترحم الناس على والدي الحاج عبدو وعلى كرمه وحسن معاملته لأن والدي خدم مصلحته جيداً ".

 

زبائن أبو عبدو كثر بما فيهم رئيس الحكومة

كثير من وسائل الإعلام العالمية إلتقت أبو عبدو الفوال وصنعته المتقنة بمحله الشهير والكائن بمنطقة الجديدة بحلب من خلال تقارير صحفية تحكي قصته وشهرة فوله ذائع الصيت فقد إلتقاه التلفزيون التركي و الألماني و الهولندي وتلفزيون أبو ظبي والتلفزيون السوري ويقول أبو عبدو مبتسماً : " كل الناس شاهدتني بالتلفزيون ولكنني لم أر نفسي قط لأنني لا أستطيع ترك المحل " فأبو عبدو يعمل كل يوم 10 ساعات متواصلة ، يستيقظ عند الفجر ويفتح محله في الصباح الباكر ليجد زبائنه ينتظرونه بكثرة .

ويتابع :" نحن معروفون في العالم الخارجي أكثر من سورية فهناك آلاف مؤلفة عرباً و أجانب يأتون لعندي ويقولن لي سمعنا بك كثيراً و جئنا لعندك من مسافات شاسعة لنأكل من فولك ".

 ويشير أبو عبدو إلى أن 95 % من زبائنه هم زبائن أصيلة أي أن الزبون ووالده وجده اعتادوا على شراء الفول من عنده و5 % – زبون دراج – أي عابر سبيل ويقول : " يأتيني زبائن من كل فئات المجتمع من حلب و كل المحافظات السورية و حتى من دول العالم وكثير من المسؤولين بما فيهم رئيس الحكومة ناجي عطري الذي كان يأكل الفول عندي منذ كان طالباً في المدرسة ".

ويضيف :" عندما زار وزير الخارجية التركي ( أحمد أوغلو) مدينة حلب وجلس أمام مائدة فاخرة بمطعم كثير النجوم لم يرق له أن يأكل لقمة واحدة إلا بعد أن قال للحضور سمعت عن فول أبو عبدو كثيراً وأرغب بتذوقه وفعلاً هذا ما حصل لم يبدأ بالطعام إلا بعد أن أحضر مرافقو الوزير صحن فول من عندي" .

وهناك الكثير من الفنانين و المشاهير يأكلون الفول من عندي كالفنان صباح فخري و سابقاً محمد شكري رحمه الله و كثير من الممثلين أيضاً ، فالفنان حسن دكاك قال لي (إذا جئت إلى حلب و لم آكل من فولك كأني لم آت لهذه المدينة ).

والكثير من أهالي حلب حدثونا عن تعاملهم الدائم مع هذا الرجل الطيب منهم جوزيف (80عاماً ) الذي يحرص على شراء الفول من عند أبي عبدو مذ كان عمره 20 عاماً لنكهة فوله الطيبة والمميزة ، بينما إبراهيم أبو طالب يشتري الفول يومياً بكميات كبيرة من عند أبو عبدو و يبيعه في ريف حلب منذ 10سنوات فهو يعشق فول أبو عبدو ، ومجرد أن يعرف الناس في القرية بأنه قد جلب فول أبي عبدو يتسارعون لشرائه لأنهم يثقون باسمه كثيراً.

أما أسامة فهو يعتبر نفسه زبوناً مداوماً عند أبي عبدو وحدثنا عن أناس جاؤوا من آخر الدنيا ليأكلوا من عنده " كالوفد الدبلوماسي البريطاني الذي زار سورية حيث أراد أعضاء الوفد أن يأكلوا الفول عند أبي عبدو وقتها طوقوا المنطقة بالشرطة حماية لأعضاء الوفد ...ليأكلوا الفول برواق " .

 

ما هو سر أبو عبدو الفوال ...؟ 

ورث أبو عبدو الفوال من والده الحاج عبدو أهم سرّ المصلحة ألا وهو كيفية تعامله مع الناس وعدم غش اللقمة فسرّ هذه المصلحة كما اكتشفه أبو عبدو :" هو أن تتعامل مع الناس بصدق ولا تغش الناس ، فالغش كثر في أيامنا هذه بشكل لا يوصف ، و أغلب الأمراض التي نسمع عنها تعود إلى الطعام المغشوش ".

وما يميز فول أبو عبدو عن غيره أو السرّ الأساسي يكمن في نفس المصلحة على حد قوله :" فكل بائع فول ورث نفس المصلحة من معلمه "ونظافة اللقمة لها دور هام أيضاً ".

 وهل السر في نوعية الفول ؟ ليوضح قائلاً :" الفول كله فول وأنا أشتريه من عدة محلات وعادة أشتري الفول الشرقي والشمالي حيث تكون أراضي شمالي حلب تربتها زكية وفيها معادن قوية لأن تربة الأرض تلعب دوراً كبيراً بنوعية الفول الجيد ".

ويضيف :" يجب أن أنصح الزبون ولو دفعت من جيبي عندها أكون قد كسبت ثقته فأغلب الزبائن الذين يأتون لعندي من الشباب أو الأطفال ، آباؤهم لا يجدون الوقت الكافي ليأتوا أو أمهاتهم لا يستطعن الخروج من المنزل لذا أعطيهم الفول كما لو كان ذووهم موجودين تماماً فهم يثقون بي كثيراً وأعاملهم على حد سواء، فهو رأسمالنا الحقيقي في التعامل مع الناس من خلال الثقة الدائمة " .

ويرفض أبو عبدو أن يجلس وراء طاولته مراقباً عماله كبقية المعلمين الكبار لأنه حريص على أن يبيع الزبون بيده ليكشف لنا أن هذه الطريقة أفضل وأكثر جدوى ومع الأيام أصبح يعرف ماهو طلب زبائنه جيداً.

 

"صلّح " عندما كان الزمن صالحاً

ويحكي لنا أبو عبدو عن عادة صلح ( أي زيادة ما نقص من صحن الزبون مجاناً )فهي عادة كانت موجودة عنده وعند غيره من بائعي الفول منذ زمن بعيد و يرجع ذلك إلى " أن كل شيء سابقاً كان ببلاش، فاليوم عدم المؤاخذة كيلو الزيت بـ 180 ليرة بينما أذكر أن سعر تنكة الزيت بـ 30 ليرة وتنكة الطحينة بـ 30 ليرة أيضاً " ويتنهد أبو عبدو مترحماً على بركة أيام زمان وطيبة و صلاح أهل أول .

 

لا يجوز كسر خاطر الزبون

قطع حديثنا مع أبو عبدو صوت طفل صغير ينادي على أبو عبدو قائلاً :" عمو أبو عبدو عندك فول بعشر ليرات " حينها باعه أبو عبدو الفول ، مما دعاني لسؤاله عن إمكانية بيعه فول بقيمة 10 أو 5 ليرات عكس باقي المحلات ، فرد بنصيحة :" لا يجوز كسر خاطر أي زبون مهما كان معه من نقود وحتى لو لم يكن معه مصاري ، لأنه غلط كبير أن يكسر البائع خاطر الزبون و خاصة إذا كان بائع طعام، وأعطي نصيحة للبائعين بأن لا يكسروا خاطر الزبون ولو ودفعوا من جيوبهم لأن البائع لن يخسر شيئاً ".

 

الناس أهم من 500 مليون ليرة

جاء شخص لعند أبي عبدو طالباً بيع محله الشيهر ولكنه رفض بيعه إيماناً منه بأن محل الفول هذا قد تأسس للناس وأكلة الفول لكافة فئات المجتمع حسب قوله .

عندما رفض أبو عبدو بيع المحل بدأ ذلك الشخص الراغب بشراء محله بالمغريات المادية ليضع مبلغاً مقداره 50 مليون ليرة كثمن للمحل ، حينها قال له أبو عبدو :" أن يأتي بعقد ويضع بجانب الرقم الذي عرضه عليه صفراً آخر وليصبح بذلك سعر المحل 500 مليون ، لن أوقع وأرفض بيع المحل " وقتها سأله هذا الشخص مستغرباً ، لماذا أنت متمسك بالمحل ألهذه الدرجة؟ فأجابه أبو عبدو :" هذا المحل عمره أكثر من 115 عاماً فهو محل متوارث وقد جمع أناس كثراً بحاجة لهذه الأكلة ، فلو أخذت الـ 500 مليون ليرة فهذه خطوة فردية أنتفع منها لوحدي ولهذا السبب أنا لا أبيع المحل ، فهل المال له القيمة الوحيدة في الحياة ، تكفيني علاقتي الطيبة مع الناس وسلامهم الدائم علي فهذه أمور معنوية أترفع بها عن الأمور المادية وأعلى منها بكثير ".

 

اسم " أبو عبدو الفوال " ماركة مسجلة

وقد رفض أبو عبدو عروضاً بالعمل في محلات فول بحلب وفي محافظات سورية أخرى و دول عربية ليستثمروا اسم أبي عبدو فقط وعلى الرغم من المغريات المادية ، يقول :" إذا جاء الزبون لمحلي و لم يرني واقفاً بجانب طنجرة الفول فقد يعرض عن شراء الفول مرة أخرى أو يأكل الفول على مضض ".

ولا يريد أبو عبدو الفوال أن ينادي له أحد باسمه " عبد الرزاق " و إنما باسم أبو عبد مبرراً ذلك :" ببقاء اسم أبو عبدو دائم الذكر يتوارثه الأجيال جيلأ بعد جيل آخر ، وأنا سجلت اسمي لدى الجهات الحكومية لحماية ملكية (أبو عبدو الفوال ) ليكون ماركة مسجلة ".

علاء رستم - سيريانيوز- حلب


2010-08-30 22:28:45
شاركنا على مواقع التواصل الاجتماعي:



شارك بالتعليق
حمصي بليبيا 2011-02-23 21:35:17
شهيتوني الفول
لك ليش ما بيعمل توصيل طلبات للدول والله اشتهينا اكلات سوريا ملينا من الفول المصري
-سوريا
mayucha2010-09-05 11:46:33
عاشقة ابو عبدو@!!!!!
والله يا جماعة شهيتونا عل الاكل مع انو الدنيا صيام!!!! عمو ابو عبدو شو رايك تفتح فرع باللادقية؟؟؟والله نحنا بنموت باكلة الفول بالزيت!!!!!!
سوريا
سائح2010-09-04 16:33:59
لك ما دقتوا
خلوا يعملنا زيارة ل حماه لحتى نعطيكن رأينا بصراحة قول مرة بسمع في وبدنا مجلات متخصصة تخبر الناس على مستوى المحلات والمطعام هيك بخفوا النصابين والكل بيشتغل بضمير
سوريا
عدنان2010-09-02 15:52:23
اطيب فول
اطيب فول والله اطيب فول بحلب كلها انا دايقه احلى تحية ل ابو عبدو الفوال
سوريا
rash2010-09-01 20:45:10
والله من الشام
صدقوني يا جماعه اتوا نحن ساكنين بالشام وعلى قد ماسمعنا عن ابو عبدو الفوال سافرنا على حلب بس مشان نتذوق هل الفول وما حخبركن كم صحن البركه اكلنا بس شي ناهي تماما يعني من اول بزوغ الضوء والناس كبار صغار عم يجتمعوا عند ابو عبدو بس ان شاء الله يبقى ثابت على هل الطعمه
سوريا
شاهد2010-09-01 15:21:16
أكًيل فول بامتياز
أنا من الشام وأسافر كثيرا غلى حلب وأكلت عنده كثير وفعلا أكله طيب, بس يا جماعة صدقوني في بائع فول بالشام إسمه أبو محمد الصًعب عنده أكلة الفول اطيب من فولات أبو عبدو الفوال بمليون مرة, صدقوني جربوه وما بتندموا, بصراحة أطيب أكلات في حلب أكلات الكبب ما في أطيب منها بالعالم كله.
-سوريا
mohamad2010-09-01 10:56:11
مشتاق لسورية
الله على شي صحن فول مغرق بالزيت والطحينة، الله يعمرك ويحميكي يا سورية والله زمان على أيامك .
إسبانيا
ياسر ابو جعفر2010-09-01 04:32:01
ياحرام
ولك ياعمي في عالم ميتي الجوع وانتو جايين تحكو عن فول ومابعرف مين اكل من عند مين عيب احكو عن شي موضوع لهل الشباب العاطلين عن الفكر بسبب الجوع
سوريا
سوري بسكاكا2010-09-01 04:26:52
حقا انه فوال
قبل اكثر من عشرون عام خدمت التجنيد الالب عند اول اجازة سالت الشباب اين نتعشى (و كانوا من ادلب درسوا بحلب) فاتفق اجميع عند اب عبدو و صدقا رغم عراقة بوز الجدي و مجيد و اغلب محلات الشام الا ان فول ابو عبدو فوق و لا يمكن مقارنته و الى اليوم اتذكره و اشتهيه و الامل ان يتابع و لده الاستمرا ر
-السعودية
Noury El Halabi2010-09-01 03:19:22
A7la Abou 3abdo
Sorry I am typing in English but I don't have arabic keyboard. Abu Abdo Beanary (foul) is the best. specially after parties and early morning when everything is quite. the best taste and the best Fava Beans(FOUL ) you will alway have.
الولايات المتحدة
citizen2010-08-31 21:39:29
---
اي شو عم يساوي ماكينة انتاج أم عم يبرمج برنامج و لا اخترع صاروخ كله على بعضوا فول لقمته طيبة الحمد لله و كفاها الله
-سوريا
أبو عبدو الفوال2010-08-31 21:34:44
على فكرة
على فكرة أنا دويق فول درجة أولى وبميز الأكلة الطيبة من الريحة ومعظم الحلبية كمان هيك وبحب قول أنو مرة باللاذقية أكلت فول وفتة ممتازين من مطعم أبو سويس ونصيحة لكل الحلبية إذا سافرتوا عاللاذقية مرقوا عأبو سويس بالصليبة سلام وأحلى شباب
سوريا
أبو عبدو الفوال2010-08-31 21:27:12
شكرا سيريا نيوز
شكرا لسيريا نيوز أنو اتزكروني بها الموضوع صحي أنا بستعمل هالاسم وأنا ماني أبو عبدو الفوال الحقيقي بس لأنو أبو عبدو الفوال بذكرني بحلب اللي هي غرامي لما كنت بالغربة وأطيب شي عند أبو عبدو الفوال هو الفول بحمض الرمان الحامض مع كاسة دبس فيلفلة وزيت وأحلى شباب
سوريا
فلافلجي 2010-08-31 18:40:10
العز للرز والفول شنق حاله
بكل موضوعية، جربت فول أبو عبدو لكن لم أجده على مستوى الضجة والشهرة المعمولة حوله! لكن روح يابو عبدو أحسن دعاية عملتلك سيريانيوز على شيء ما بيستاهل كتير!
-سوريا
جديداني2010-08-31 17:15:51
حرام عليكم يا جماعة
والله يا جماعة ما بصير هيك صايمين وفطسانين من الشوب وجايين عمتحكولنا كل هلحكي عن صحن الفول ولييييييييييييييييييييييي
-سوريا
شيخ الكار2010-08-31 16:44:22
ابو عبدو وبس
انا برأيي انو لو لفينا كل الدنيا مارح نلاقي متل فول ابو عبدو لانو هوه اقدم فول بحلب والافصل جودة وطعمة وامانة وبتمناله العمر المديد لعمو ابو عبدو الله يخليلنا ياك
سوريا
أبو طافش المشتهي2010-08-31 15:56:27
جوعان
لك اااااخ على صحن فول مدمس من عندك يا أبو عبدو لك اااااخ ريتني اغطس بالصحن غطس هيك ويسرسب الزيت من كواعي ، لك اااخ والله اشتهيت الفول ، من أول رمضان كل يوم بيعملوه على الفطور بس ما باكل وهلأ مو طالب من ربي غير صحن فول افطر عليه وموت فيه غرقا ، اي هيك ها من زمان جيبو أخبار حلب الحلوة حاج بقى قتل ودبح ، لك ااااخ على صحن فوول حتى ال .. ال البال يطووول ، حمض بندورة بقدونس زيت لك اااخ حمض تمكن أكيد متلي
سوريا
d.ahmad2010-08-31 15:45:28
شكر و عرفان
من حوالي 15 سنة اخذني والدي المرحوم لتناول الفول من عند ابوعبدو الفوال ولحد الان في شوق دائم لتناول الفول من عندو الله يطول بعمره ويجعله قدوة حسنة لكل التجار
-سوريا
Hasoun2010-08-31 14:55:03
ترتيب الفوالين في حلب
براي الشخصي انو ترتيب الفوالين في حلب هو الاتي 1-ابو عبدو الجديدة, 2-ابو صلاح بالفيض , 3-ابو وليد بالعزيزية, 4-فوالين الجميلية وبشكل عام الفول بحلب بشق اذا كان بطحينة ولا بحمض :))))
-سوريا
أحمد2010-08-31 14:43:54
مشهور جداً أبو عبدو
الله يسامحكم يا سيريا نيوز. جوعتوني من على بكرة الصبح. الساعة لسه 7:44 بأمريكا وهلء ميت من الجوع بعد ما قريت هل المقال. مع أني تسحرت والله. بالتوفيق لأبو عبدو. نصائح قييمة والله!
-الولايات المتحدة
safaa2010-08-31 14:39:33
شهيتونا ونحن صايمين
مع انه مابعرفه بس والله عالحكي شهاني الفول وانشالله باول اجازة عاسوريا رايحة جرب هالفولات
-قطر
الأمانة المفقودة2010-08-31 14:11:15
تفكيرك غريب يا أبو بكري
هلق بعد كل هل المقال طويل عريض عن الأمانة التي ندرت في أسواقنا وعن نظافة لقمته الي بتشهيك الاكل عندو وعن تسخير نفسه لخدمة الجائع والفقير بتستهز!!!!!!!!!!!!!!!!!!!!!!!!!!!!!!!!
-سوريا
ريم وسيم2010-08-31 14:14:16
ذكريات ...
أحببت أن أشارك الناس "بنهفة" صارت معي بحلب, كنا 4 أشخاص بالسيارة وأول ما فتنا على حلب بلشنا ندور على فندق دار زمريا (فندق 4 نجوم) قاموا دلونا: بساحة الحطب ناح أبو عبده الفوال :) والله الحق يقال حلب القديمة رائعة وجميلة والله يهني أهلها فيها
-سوريا
fatima2010-08-31 13:33:01
وهل هنالك من لايعرف ابو عبدو
صحن الفول من عند ابو عبدو غير شكل وغير لون ومن أراد أن يتذوق طعم الفول الشهي فليس له إلا أبو عبدو الشخص الطيب العفوي الأصيل
-سوريا
NN2010-08-31 12:09:57
الفووووووووول
يا زلمه الفول اللي بينباع بالسعودية مع خبز التميس أطيب - من تحت إيد الأفغاني
-سوريا
م2010-08-31 12:00:28
شي بشهي
فعلا بعد ابو عبده مافي فوله بيجنن ومعاملة ممتازة وكيس ال25 عنده متل كيس ال50 عند غيره وبحب اقول لابو علي (كأنو انا عرفتك// انت الظاهر عندك محل فول وغيران من ابو عبده) واحلى شي بالاجازة هو فول ابو عبده يوم الجمعة
-السعودية
سامر2010-08-31 11:34:50
يا ريت كل أصحاب المحلات من أمثالك
يا ريت كل من لديه محل (أكل أو غيره) بأمانة هذا أبو عبدو كنا بألف خير
-سوريا
aboaali2010-08-31 11:20:16
شو هالحكي؟؟؟؟؟
شو هالحكي ... يعني اللي خلقو ماخلق غيره ... محل قديم وكان ممتاز بس اليوم في 100 محل ومحل متلو وأحسن وأنظف ...بس القصة انو نحن بس نمسك شغلة قدرة الله مابتخلينا نفلتها
-سوريا
مأمون المغترب2010-08-31 10:40:06
رجعتونا لايام زمان
الله يديم عليك الصحة والعافية يا أبو عبدو . والله هذا الرجل من أطيب الناس وأكرمهم وهو حريص على أن يقدم للناس الافضل . وأتذكر مرة من 25 سنة قالها لي بالحرف الواحد يا بني عمرك ما تغيير سيارتك ولا مصلحتك ولا مرتك .وخير دليل على ذلك التاجر الذي دفع له الملايين ولكنه رفض وبقي مخلصا لمصلحته وزبائنه
الإمارات
وعد إبراهيم2010-08-31 10:25:50
أبو عبدو التراث
أبو عبدو الفوال و فوله حمل إسم سوريا في كل أنحاء الأرض و زاره الكبار قبل الصغار و الغريب قبل القريب و هو حامل تراث القيمة الطيبة لأكلة الفول و مبادئ التعامل مع الزبائن.... ألا يستحق هذا الرجل الذي رفض المال حفاظاً على التراث أن نخلد ذكره و تراثه العطر بوضع صورته و محله على أحد الطوابع ليكون رمز الصدق و رمز إتقان العمل و رمز تراث عمره 110 عام، أتمنى من سوريا نيوز متابعة هذا الموضوع لنخدم مواطن تميز بعمله و حبه للناس و للبلد
-سوريا
محمد شماع - جدة - حلبي أحي2010-08-31 10:21:45
العنوان
عنوان محل أبو عبدو سهل و ما بضيع, اسم المنطقة الجديدة (سكون على حرف الجيم) بالساحة و أنت لما توصل على الجديدة مين ما سألت على أبو عبدو الفوال رح يقلك,,لك حتى السياح.. المنطقة قريبة من التلل و العزيزية و هي منطقة قديمة تكثر فيها الفنادق و البيوت العربية الجميلة و الأصيلة .. أنا شخصيا بحب هي المناطق القديمة بل أعشقها. وشكراً .
-سوريا
ابو تمام العارف الحمصي2010-08-31 10:01:54
أبو عبدو يا شيخ الكار
بشرفي يا شباب أنا كل ماأطلع عالجامعة بحلب لازم روح لعند أبو عبدو مع الشباب رفقاتي وناكل فول من عندو اي عليي الطلاق أنو بحياتي ما دقت أطيب من هيك فول ولا رح دوق بعدو .... الله يطول بعمرك يا أبو عبدو ونصيحة من زبون عندك ..... أنت يا أب عبدو لازم تعلم أبنك سر هيي المصلحة لحتى يكون متلك بعد وفاتك ( بعد عمر طويل ) أنا طالع بعد العيد عحلب مشان آكل فول من عند أبو عبدو وكل المشاركين بسيريانيوز معزومين على صحن فول وسلام للجميع
سوريا
حسام الدين غنايمي 2010-08-31 09:58:22
أبو عبدو الملك
يا شباب فعلا أحلى فول بالعالم كلو هوه عند أبو عبدو الملك ، بحارة الجديدة بحلب القديمة ، ريحة الفول بتعبي الراس من قبل ما توصلو للمحل ،، لك آآآآآه شو مشئلك يا حلب ،، أبوس ترابك يا حلب الأصالة و التاريخ
-سوريا
Alaa2010-08-31 09:47:28
وشو نعمل نحنا أهل الشام ؟؟
ياحرام عليكم نحنا صايمين وكل هالحكي على هالفولات ... والله شهيتونا اشتهيت روح على حلب مشان دوق هالفولات والله
-سوريا
باسم2010-08-31 09:44:04
العنوان
الى كل من يسأل عن عنوان ابو عبدو فهو معروف ( الجديدة ) على كل حال وين ما كنت اسال عن ابو عبدو بدلوك عليه
سوريا
حلبي مغترب2010-08-31 08:58:05
والله أحلى أبوعبدو
ياجماعة اللي بيجي على حلب وما بدوق صحن فول من عند أبوعبدو الفوال كأنو مازار حلب بنوب,آآآآه شو مشتاق آكل صحن فول من عند أبوعبدو ,والله أيام.
-الإمارات
الفرند العربي2010-08-31 08:56:33
زبون نت
السلام عليكم ورحمة الله وبركاته فليدم الله صحتك وعافيتك اخ ابو عبدو وانا بعد عشرين يوم نازل على سوريا وراح زور حلب مشان اكل فول من عندك حمصي وطني اصلي شغل الخالدية
سوريا
صقاقتي2010-08-31 07:17:09
كبجاية فول
ياشباب ابوس روحو لابو عبدو لوز وفستق والله انا هون بفلويدا ببعتلو لابو عبدو١٠٠ دولار بس يبعتلي جنق فول بحمض مع فحل بصل
-الولايات المتحدة
ibrahim.sy2010-08-31 06:38:50
الحمد لله
والله شي حلو انو لسى في هيك ناس بتشتري أخلاقها بالدنيا كلها وما بيهمها مصاري ولا بيغريها مغريات نحنا عنا بهالوقت الواحد بيبيع دينو مو بس اخلاقو وبيغش على الدنيا كلها وبيحلف وبيتحلف انو احسن شي وهوي بيعرف حالو انو كذاب وللحديث بقية
سوريا
أبو العز2010-08-31 06:35:37
حلبي أصيل
صدقوني يا شباب كل اللي انحكى عن أمانته وعدم غشه ونظافته ولقمته الشهية صحيح 100% .الله يلبسك العافية ويطولنا عمرك يا عمي أبو عبدو
-سوريا
فيصل2010-08-31 06:25:32
حلب ام المحاشي والكبب
ليك ايه بأبو عبدو الفول وأشتقنا للفول . هالزلمة عمل من الفول تلقيد صباحي بحلب خاصة يوم الجمعة الفول والمسبحة والفتة غير شكلنا عنا . بس المشكلة انو صار كل فوال اسمه ابو عبدو وما عدنا نعرف مين الاصلي بيناتهم بس الشي المشترك بيضل هو الفول الطيب مع الطحينية
-سوريا
سميرة2010-08-31 05:21:26
حلبية
وفي شغلة كتير مهمة أنو أبو عبدو مابيترك ولاصبية أو ست تستنى مع انشباب. بتكون الزحمة والناس كتيرة وبيشوف ست أو صبية بيسألا شو بدك يا أختي؟ وبيقول للشباب طريق للحرمة... بتصير الناس بتفتح طريق. والله أنو إنسان محترم
-سوريا
الطلياني2010-08-31 04:45:04
وأحلى أبو عبدو
جاييك بهل كم يوم والله صار بدا اكلة فول من تحت ايدك وأحلى حلب وأحلى الجديدة واحلى حلب القديمة
-سوريا
ابو طلال2010-08-31 04:44:35
ممكن العنوان
الله يطعمنا هالفولات ، ياشباب ممكن احد يعطينا عنوان محل ابو عبدو الفوال .
-تركيا
jon2010-08-31 04:21:27
ممممممممممممممممممم
والله مبينتو طيب بس بأي منطقة بحلب محلو
-سوريا
نورا2010-08-31 03:52:36
ماشااااء الله
الله يبارك فيه ويرزقو يارب أصيييييييييييييييييل وربي
-سوريا
مغترب2010-08-31 03:49:53
وين العنوان
ممكن عنوان المحل مشان ناكل فول أبو عبدو الفوال لما ننزل إجازة
إيطاليا
ابو بكري2010-08-31 03:47:28
اختراع
هلق صحن الفول صار اختراع لح يصير الو ماركه مسجله والله هاد تخلف
-سوريا
جمال2010-08-31 02:58:42
قادم لك لا محال
انا من المانيا ولا اعرف احد في حلب الا صديق عزيز علي جدا من مدينة حلب يدعوني دوما اليها عندما يتواجد فيها حيث يقيم ببلجيكا. اعدك اني سازورك يوما.فلن يكن الوزير التركي والوفد البريطاني احق مني ان اكل من صحنك الشهي ادعو لك بطول البقاء والصحة
-ألمانيا
مواطن 2010-08-31 02:44:21
لا يجوز كسر خاطر الزبون
المناطق الشعبية مثل المشهد لا يبيعون الفول بطحينة اقل من 20 ل س اهمس باذنهم و خصوصا سلسلة فول ال ش!! تعلموا من أبو عبدو الفوال
-سوريا
ali2010-08-31 02:26:01
قصة جميلة
واضح انو ابو عبدو من جيل النقاء والتسامح مشان هيك محبة الناس اهم من المصاري عندو ،،، لو انا كنت بعت عالسريع،لان هالايام مافي خاطر لحدا ومفهوم المحبة والتسامح صار نادر عند البشر
الإمارات
سوري هادي2010-08-31 02:15:54
عرااااسي أبو عبدو
عراسي حارتك يا أبو عبدو ، و الله فولاتك لا يعلى عليهم بالمرة ، صحي الشوام مشهورين بالفتات و التسقية و كل ما يلحقها ، بس إلا موضوع الفول هاد مالو حلة غير عند أبو عبدو ، لذلك يمكن لازم نصنفه مع الكبب مشان نحافظ على الماركة الحلبية !
-سوريا
حلبي2010-08-31 02:10:23
امممم على صحن فول !!!
والله بعد ما قرأت هذا المقال شطت ريالتي على صحن فول مع الزيت البلدي والخبز المشروح ولكن للأسف ما بقي حدا فاتح هلق كنو الساعة الان هي 2.15 صباحا. أما سر الطعم الشهي للفول فهو في تحضيره,أعرف بائع فول يترك الجره عى نار خفيفه جدا من الليل وحتى صباح اليوم التالي وهذا ما يجعل حبة الفول تسلق بشكل جيد
-سوريا
France2010-08-31 02:02:53
سلمت يدك يا أبو عبد
فعلآ بعد أبو عبدو ما حدا يبيع فول
-سوريا
حلبي و أفتخررررر2010-08-31 01:49:40
اشتقتلك يا حلب
اييييييييه شقد اشتقتلك يا حلب .. يا أحلى مدينة بكل العالم .. و أحلى حلبية و أحلى أبو عبدو الفوال .. الفول بحلب أطيب من ألف أكلة من عند كنتاكي و ماكدونالدز .. شكراً كتير سيريانيوز على تغطية اخبار حلب
-سوريا