syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
هل ستكون ممن يستفيدون من الدعم الحكومي .. تابع معنا؟
الاخبار المحلية

لن يبقى الدعم الحكومي الذي اعتاد المواطن ان يتلقاه على مدى عقود على ما هو عليه ، سيتم حرمان الكثيرن منه وتوجيه مخصصات الدعم الى مستحقيه .. فكيف سيتم تحديد هؤلاء ..؟


وافقت الحكومة الخميس على مشروع قانون يقضي بإحداث صندوق وطني للمعونة الاجتماعية ، والذي يقع ضمن عدة اجراءات حكومية للانتقال من الدعم غير المباشر للجميع عبر دعم بعض السلع والخدمات ، الى توجيه مخصصات الدعم الاسر الفقيرة والمعوزة ..

وكانت بداية هذا المشروع في 3 حزيران 2007 حيث تم توقيع وثيقة مشروع تأسيس الصندوق الوطني للمعونة الاجتماعية في سورية بين كل من حكومة سورية والبرنامج الإنمائي للأمم المتحدة وصندوق الأمم المتحدة للسكان ويهدف بشكل عام  بحسب ما نصت الوثيقة إلى وضع الأسس اللازمة لإنشاء الصندوق الوطني للمعونة الاجتماعية والذي يشكل شبكة أمان اجتماعي أساسية ومكملة لمنظومة الحماية الاجتماعية في سورية .

 

ولان عملية الدعم التي عشنا عقود طويلة نعتمد في جزءاً من حياتنا عليها  ، تتحول خلال السنوات الاخيرة لى نمط اخر يجب ان نعي ابعاده ، وجدنا ان نوضح الالية التي سيتم فيها تحديد مستحقي الدعم الحكومي في كل المجالات معتمدين على كثير من المواد المنشورة في وسائل الاعلام والمواقع ذات الصلة.

 

هل ستكون ممن يستفيدون الدعم الحكومي ؟

للاستفادة من معونات صندوق المعونة الاجتماعية يجب ان يملأ صاحب استمارة خاصة ( استمارة المسح ) يتقدم بها الى المراكز المخصصة التابعة لوزارة الشؤون الاجتماعية العمل على يحقق الشروط التالية وفق ثبوتيات مرفقة :

-        أن يحمل رب الأسرة الجنسية العربية السورية أو ما في حكمها .‏

-        أن تكون الأسرة حاصلة على بطاقة عائلية صادرة عن إدارة - الأحوال المدنية في الجمهورية العربية السورية .‏

-        ألا يكون الزوج أو الزوجة من العاملين بأجر لدى الغيرأو لحسابهما الشخصي ( ليس لدى أي منهما سجلاً تجارياً أو صناعياً أو حرفياً) .‏

-         ألا يكون للزوج أو لزوجته معاشاً تقاعدياً أو مافي حكمه.

-        أن تكون الأسرة مقيمة حالياً وبشكل مستمر في الجمهورية العربية السورية.

-         ألا يكون مجموع دخل الأسرة بما فيه المعونات من الأولاد والأقارب والجمعيات الأهلية وغيرها من الجهات كافياً لتغطية احتياجاتها الأساسية.‏

ملاحظة : شمل المسح حالات خاصة للنسوة الأرامل أو المطلقات أو المهجورات اللاتي تُعلن أسرهن

 

هل يقتصر الامر على تقديم الطلبات والثبوتيات ؟

ليس كل من قدم ثبوتيات تلاقي المعايير المذكورة اعلاه يستحق الدعم حيث ستخضع كل الطلبات للتحقق وفق الية مركبة تتضمن :

-        ‏التحقق المكتبي :‏ للتأكد من توفر الثبوتيات المطلوبة وعدم وجود تناقض في بيانات الاستمارة الواحدة حيث تم إلغاء الاستمارة التي لا تحقق شروط القبول وتم تعليق الاستمارات التي لا تستوفي كامل الثبوتيات المطلوبة.‏

-        التحقق الإداري :‏ ويقصد به المطابقة بين بيانات المسح الاجتماعي وقواعد البيانات الرسمية مثل المؤسسة العامة للتأمينات الاجتماعية والسجل العام للعاملين في الدولة والمصالح العقارية.‏

-         والتحقق الميداني :‏ ويتم التحقق منه بالتعاون مع وزارة الإدارة المحلية من خلال تشكيل لجان مركزية على مستوى المحافظة ولجان تحقق فرعية على مستوى كل منطقة.

          ويهدف التحقق الميداني إلى :‏

o       تبيان الظروف المعيشية والسكنية التي تعيشها الأسرة .‏

o        التعرف على الحالة التشغيلية لأفراد الأسرة.‏

o        تتبع مدى مصداقية مدلي البيانات عند إملاء استمارة المسح الاجتماعي.

o       تقييم الباحث لمدى كفاية دخل الأسرة لتلبية حاجاتها الأساسية.

o       تقييم المجتمع المحلي للحالة المعيشية للأسرالقاطنة في منطقتها.

o        تقييم الباحث للوضع المعيشي والخدمي للقرى المزارة .‏

 

مبررات الحكومة للانتقال من الدعم غير المباشر الموجه بعض السلع بشكل عام الى الدعم المباشر للمستحقين:

-        ارتفاع أسعار الطاقة والغذاء عالميا.

-        في ظل قيود الموازنة بات يعتبر هذا الاستهداف نوعاً من الهدر للمالية العامة الأمرالذي استدعى إيجاد نظام آخر للاستهداف.

 

استشراف للمستقبل فيما يطال عملية الدعم :

-        تحول جذري في مفهوم الدعم المادي والعيني من دعم عام لكل الاسر الى اسر يتم اعتمادها وفق محددات معينة وتخضع للرقابة لرصد المتغيرات في اوضاعها المعيشية.

-        من مراقبة الخطط الحكومية في القطاعات كافة ومنها القطاع الصحي وقطاع التعليم العالي بالاضافة الى الخدمات الحكومية ( الكهرباء ، الطاقة .. )  ، من الممكن ان يتم تحديد المستفيدين من الدعم الحكومي من هذه الخدمات وفق المحددات التي جاءت في المسح الاجتماعي للوصل الى الاسر الفقيرة.

 

المحاذير :

-        دقة التحقق الميداني للوصول للاسر المستقحة في ظل وجود الاف الطلبات من المتقدمين واستيفائهم للشروط المطلوبة من خلال التحقق المكتبي والاداري.

-        كفاءة ونزاهة العاملين في مجال التحقق الميداني لضمان الوصول الى المستحقين فعليا.

-        صعوبة تحديد الاسر التي تعاني فجوة بين الدخل والنفقات لتغطية الاحتياجات ، والتي من الممكن الا تكون ضمن تصنيف الاسر الفقيرة ، وفي ذات الوقت هي اسر واقعة في العوز ، وصعوبة تحديد مقدار هذا العوز ومن يستحق المعونة او الدعم من ضمن هذه الاسر التي من المتوقع ان تكون اعدادها كبيرة جدا.

-        فشل الخطط المتعلقة بالتمكين الاقتصادي التي تتضمن التدريب والتأهيل والربط مع برامج التشغيل ، الامر الذي من الممكن ان يدفع الكثير من الاسر الى التخطيط للاعتماد على المعونات بشكل متزايد.

 

اخيرا : الى تاريخ اعداد هذه المادة لم يتم اعلان اي نتائج نهائية للمسح الاجتماعي الذي قامت به وزارة الشؤون الاجتماعية والعمل وفق الأليات المشروحة ، وما زالت في عملية التحقق الميداني في بعض المحافظات.

 

 


2010-12-23 20:49:27
شاركنا على مواقع التواصل الاجتماعي:



شارك بالتعليق
مواط2011-02-11 15:13:39
بطران
لك شو هشووووووووب لك هذا موووووووب هذه حرارة المعونة
-سوريا
نزير2010-12-28 00:40:53
بشير
بشرى سارة جدا لكل منتوف و عدمان و الخبر أكيد ستصل مساعدات كبيرة جدا الى كل مواطن سوري و ذلك من الله سبحانه و تعالى لن تحتاجون للمازوت و لا للدعم سترتفع درجة الحرارة بشكل دائم و قد تصل الى 50 درجة فلا تحملو اية هم !!!! حتى انكم لن تحتاجو لأية لباس الكل رح يمشي بالزلط حتى الخضار و الفواكه و كلشي زرع كمان لا تحملو همو لأنو رح ينقرض بس بتعرفو شو المشكلة خايف يعتبرو المشي بزلط رفاهية وياخدو عليها ضريبة و يقولو يلي تبعو أكتر من 3 سم سيسيه ضريبتو دبل
-بنغلاديش
ابن البلد2010-12-26 23:47:24
نايمين او نسيانين المازوت عم يتهرب
ياناس شو ماحسيتو انكم التهيتو بالدعم ونسيتو القصة الحقيقية اللي ابتدت فيها الكذبة عليكم الكذبة هيه انو بدهم يمنعوا تهريب المازوت واخيرا لقوا الحل انهم يزيدو السعر وهيك مابيتهرب واننا سنحصل عالمازوت بشكل مايتهرب من البلد وهلأ نسينا وعم نطالب بالدعم كل القصة مو هيك القصة من منع التهريب للتهريب من المواطن وهيك تهرب المازوت من المواطن وهو عم يسأل عن دعم شو دعم ياناس البداية ماكانت هيك ونحنا منحب انه مايتهرب خيرنا لبرا بس مو مايصفا النا كمان لازم تصحواولازم يصحوا الكذابين لان عيب
-سوريا
مواطن ---------------2010-12-26 22:41:00
ايصال الدعم الى مستحقيه
تشكيل لجان مركزية على مستوى المحافظة ولجان تحقق فرعية على مستوى كل منطقة.بدون لجان دفعنا نص شيكات دعم المازوت لحتى استلمناهم الله يرزق هالجان شو محضوضين
سوريا
ابو عبادة2010-12-26 22:31:35
مازوووووووووووووووووت
يا جماعة ليش اتكذبو الحكومة السنة في دعم اكيد بس راح يكون دعم معنوي
-سوريا
Maher2010-12-26 20:15:09
عيب والله عيب
بلا مسخرة يوقفوا الدعم علناً وحاجة ضحك على الشعب لسع عاملينا حقل تجارب كل سنة بجربوا علينا تجربة
-سوريا
إنسان2010-12-26 20:06:59
خلااااااااص
يا جماعة أنا قررت صير شحاد
-سوريا
كيفورك2010-12-26 17:55:42
لدعم المازوت المحترم
انا بعرف انو الانسان يقدم الى امام بس انا عم شوف بعكس انو العالم تتقدم ونحنة نرجع لة ورى انا بقترح انو مافي داعي تتعذبو بشان المازوت لان 90% من اناس نست موضوع واذا ممكن خلونة نتقدم مثل باقي الدول مانرجع لورى
سوريا
مغترب2010-12-26 15:18:53
أحلا شي التحقق الميداني
رزقة جديدة للمرتشين المكلفين بالتحقق الميداني...يا كريم يارب.. رزقة من غامض علمو. فيقوا بقى من شان الله وحاج تنظير على البشر
-سوريا
حمزة2010-12-26 15:12:58
دعم رباني
ايوا هلق عرفت ليش الله مخلليلنا الجو دافي لهلق وما في مطر وبرد تاري متطلعيين على قرارات الحكومة وعم يقدمولنا الدعم من فوق ايه رب يعبد
-سوريا
mester-khaled@live.com2010-12-26 14:58:15
وفجع انشاء الله يافقير
لك شو هل الشعب الفجعان عبيركض وراء 10000 لك شو عبيصير معكن خلو هل المرتشي الملياردير الدرويش ياخدا بدالكم لك هي 10000 ماهي محرزة انت بدك تحرقا على هل الصوبيا بينما هل المرتشي بدو يصرفاعلى بنات هل الكباريه المستورات الدرويشات وبكون هيك شجعت السياحة وعملت خدمة للبلد
سوريا
قرفان من سوريا2010-12-26 14:47:27
الجيش
اذا بيساو الجيش تطوع مو احسن وبتتحول هالميزانية الضخمة يلي عم تنسرق من قدام عيونا لمجال التنمية وايجاد فرص عمل من جهة الجيش بيصير متخصص اكثر واقوى ومن جهة تخفيف العبئ على الشاب المقهور يلي مابيلحق يتخرج حتى يضب شنتايتو ويركب الباص عالخدمة
-سوريا
mester-khaled@live.com2010-12-26 14:41:37
تخيل معي
تخيل معي لو ان دخل المواطن السوري العادي 1000 دولار ومافوق شهريا لوان سعر السيارة لايتجاوز 500 دولار لوان سعر العقار لايتجاوز 1000 دولار لوان 1ك اللحمة 3 دولار لوان فواكه العيد تشتريها جميعها 10 دولار لوان سعر الليتر المازوت 10 سينت لوان ليتر البنزين 20 سينت وفوق ذلك تأخذ الدعم الشعبي من الحكومة 50000 شهريا استيقظ فأنت في بلد معونة الأزلال
سوريا
ابو عبادة2010-12-26 13:46:31
حصريا
قريبااطلاق برنامج من سيربح المازوت شروط المسابقةان يكون اجرك الشهري لا يتعدى 2000 ل س 2 عدم امتلاكك لراجة هوائية سعت محركها1500س س ان لا يكون لديك اي بيت ان يكون سعت دبو الصوبية 2 لتر يجري الفحص فرع الامن الجنائي
-سوريا
مبسوط2010-12-26 11:22:48
الله يبعت الخير
ولسا بدكن ينزل مطر وبرد بالشتا الله عليم بحالنا مشان هيك ما عم يبعت مطر وبرد؟؟؟؟؟؟؟؟؟؟؟
-سوريا
محمد2010-12-26 11:14:37
حاج نهب
ارحمونا بقى ماعم تشبعو سرقة ونحن ساكتين لك اسرقو بس خلونا نعيش متل العالم كل يوم قرارات وكل يوم ارتفاع اسعار وحتى اذا صار تغيرات فهي مشان تخدم مصالحكم الله لايوفقكم
سوريا
ابو عبادة2010-12-26 11:04:07
جديد مجلس الشعب
حصريا في سوريا اقترح مجلس الشعب ان تقوم الدولة بعمل دروس رياضة بجميع مدن سورية اجبارية لتسخين المواطن وتوفير دعم المازوت على الحكومة حيث اكتسبت هذه الطريقة من المدارس واثبت نجاحها وتم توفير المازوت لصالح المديرة
-سوريا
fatima2010-12-26 10:41:18
وماذا بعد
هل ياترى هنالك من يحصي عدد الذين ماتوا بردا هذا العام ومن مات اختناقا من الغاز وهم ينتظرون الدعم الحكومي و هل تعلمون أن مئات من الأطفال وكبار السن يقبعون في أردهة المستشفيات ومرضهم بردا نخر عظامهم .. ماذا تنتظر الدولة من شعب يموت؟
-سوريا
شفيق2010-12-26 09:50:36
نكتة
فشل الخطط المتعلقة بالتمكين الاقتصادي التي تتضمن التدريب والتأهيل والربط مع برامج التشغيل ، الامر الذي من الممكن ان يدفع الكثير من الاسر الى التخطيط للاعتماد على المعونات بشكل متزايد. هي اكتر نكتة بتضحك سمعتا بحياتي, و خاصة انو المصدر حكومتنا الموقرة. عشوي كنت متت من الضحك, يمكن هادا الهدف من هالحكي يلي عم يحكو, يموتو نص الناس من الضحك و يخففو النفقات, هالفكرة منطقية اكتر من الحكي عن عملية مسح الفقر بسوريا و تقديم هالمساعدات السخية.
-أستراليا
ابن الشام2010-12-26 09:51:48
سؤال بالله.....مين مستفيد يعني؟؟؟؟
معناتا البدو لح يطلعون والشحادين هههههه ولا الشحادة بيعتبروها مساعدات تكفي لتوفير المعيشة او مهنة؟؟ ايه الشحادين صاروا اغنى منا الحمد لله 
-سوريا
رامي2010-12-26 09:47:31
الدعم الحكومي تحميل منية
للأسف الدعم الحكومي مجرد تحميل منية على الفاضي لأنه لو الحكومة قضت على الفساد رح ما نحتاج لمنيتها صدقوني عائدات و ثروات بلادنا اكثر من السعودية و الخليج بس اللي بيعرف بيعرف و اللي ما بدو يعرف ينطح الحيط
-سوريا
نسيت اسمي2010-12-26 09:29:56
تحقيق ميداني؟
يعني بس حدا ممكن يفسرلي كيف رح تتمكن هاي اللجنة من تحديد مستحقي الدعم بكل هذه التعقيدات والحكومة اقرت بانها فشلت سابقا نظام القسائم والشيكات بسبب التزوير من قبل بعض المواطنين بتقديم معلوات والاقدام على تزوير الشيكات فالمنطق يقوم للتوجه لطرق ابسط وليس لجان وتعقيدات ومحسوبيات وكيف سيتم التحقق من صحةالمعلومات وماالذي يضمن نذاهة اللجان علاوة على هدر وصرف رواتب وامكانيات وقدرات من الممكن ان يوظف في الدعم بدلا ان تهدر بتكاليف لا جدوى منها وفهمكم كفاية...!
-سوريا
Rare2010-12-26 09:38:15
مريض نفسيا
عم يقولو:ألا يكون مجموع دخل الأسرة بما فيه المعونات من الأولاد والأقارب والجمعيات الأهلية وغيرها من الجهات كافياً لتغطية احتياجاتها الأساسية!!!!!!! يمكن فهمنا للاحتياجات الاساسية كتير مختلف عن فهم الحكومة, و من شروط تقديم المعونات بشوف انو الاحتياجات الاساسية للشعب من وجهة نظر حكومتنا العريقة مو اكتر من الهواء للتنفس و رغيف خبز للفرد و كاسة مي مكلسة من الحنفية باليوم, و لمبة (شرط تكون تبع توفير الطاقة) لكل اسرة.انا برايي بلا هالمسخرة و الاستخفاف بعقول هالبشر و يردو هالمعونة لحالن
-أستراليا
ابو حمزة2010-12-26 09:30:56
بلادي بلادي بلادي
لك شو ماعملتو وشو ماسويتو رح تظل بلادي حبيبة وغالية, لك جوعونا اطردونا اسجنونا يتمونا اقهرونا مارح نكرهك ياشام ,انتو غثاء وبس ورح تمشووووووووا والبلد باقي وباقي وباقي النا كلنا فقراء واغنياء ,شبعانين وجوعانين وانتو ماشيييييين مالكم غير الذكر اللي تتركو وراكم وباين شو هو, باين كثيييييير,
-سوريا
مهند سعد2010-12-26 08:41:54
الله لا يشبعكنم
أنا مستغرب ليش الحكومة ما غلت الغاز لهلق لان 99.99 % من الناس صارو يدفوا على الغاز وأنا برأي لازم الحكومة ترفع الدعم عنه متلو متل المازوت وهيك بنكون حاصرنا الشعب وعن قريب رح يطفش برا هالبلد وبيفضا الجو للحرامية والمسؤوليين بس السؤال إذا مافي شعب مين رح يسرقوا (والله الي ستحوا ماتوا) وطوط طوط مازوت
سوريا
ابوالامين2010-12-26 08:19:11
قال دراسة قال
قبل ما تعملو دراسة على الاسر الفقيرة عملو دراسة على رواتب الموظفين بالقطعين العام والخاص اللي راتبهم ماعما يكفي مع الدعم كيف اذا شلتو الدعم بكرة بيطلعو وبيقلو الرواتب تكفي الموظف وتزيد حسب احصائية المسؤول فقط
-سوريا
عايش 2010-12-26 07:57:54
ليش
ليش الحرب على هالدوله في كثير ناس بتنطبق عليهم الشروط والدي واحد منون بس مابيستفيد منون بتعرفو ليش لانو صار بدار الحق ومابيسمع بهالقرارات الله يرحمو
الإمارات
منطق2010-12-26 01:17:46
تتمة للشروط
.... كمايجب ان يكون مستحق الدعم مقطوع اليدين والرجلين وأعمى وأطرش واخرس وأن يكون متوفي من شي قرن !!!!!!!!
-سوريا
عيونن مفيمة2010-12-26 01:01:58
كأنو هالمسؤولين بينسوا
يعني كأنو ما في هدر بأموال الدولة غير من الدعم !! طيب وسيارات الدولة وسيارات المسؤولين المحترمين وسيارات ابناؤن المضفرين ومزارعن المنتشرة بكافة المحافظات والعقود الوهمية والعقود الفاشلة الي بس مشان يسرقو منها !! لك نص سيارات البلد للمسؤولين واولادن ونص بيوت الشام فاضية لانها للمسؤولين بهالبلد والمواطن مو ملاقي قن جاج يسكن فيه .. كل هاد مو هدر بس الدعم هو الهدر ونحن ما شاء الله قضينا ع الفساد وما ضل غير نكافح الهدر يلي بالدعم الدردري ومحمد الحسين عيونن مفيمة وما شايفين منيح (ما في غير هالتفسير)
-سوريا
عمار يا بلدنا عمار2010-12-25 23:15:43
الغنى عنى النفس
أبي راتبه التقاعدي 6000 وعنده 3 بنات فوق ال30 سنة وما بيشتغلوا قول أنا بعطيهم 2000 من راتبي صاروا 8  لو أكلوا كل يوم سندويشة فلافل مجرثمة ما رح يكفيهم قال بلا راتب تقاعدي قال........
-سوريا
مو مصدوم2010-12-25 20:19:13
مفاجئه
ايها الشعب السوري لا تتفاجئو ولاتنهمو ولاتزعلو لا نو القادم اعظم والرب يجيرنا وياين من الحكومه انها هي خهه لتهجيرنا برا هل البلد قال مازوت وقال دعم هههههههه حاج مسخره على هل الشعب لانو صرنا تحت المستوى المعيشي بكتير وخيرات هل البلد وينها حابب بجد اعرف وينها اذا حدا بيعرف وينها يريحني ويقلي وين هل الخيرات  
سوريا
الصقر2010-12-25 17:44:10
شوف الفهم
بالله عليكم كيف ستمون الكلفة المرتفعة جداً لكل هذه الآليات المزعومة لاستفادة المستحقين فقط حسب الزعم ويقع المواطن مجدداً تحت سلكان الموظف المختص ليقدم له المال اللازم ليصبح المواطن مستحقاً هذه الكلفة تكفي للإبقاء الدعم أضف إلى ذلك أن الشركات المنقبة على النفط تكسب ونحن أصحاب النفط نخسر عجيب جداً فيا ليت تكون محاسبة للفاسدين والمرتشين ويكفي القطاع العام خسارة حتى الآن
-سوريا
anwar2010-12-25 17:38:18
من دون خجل
من ثلاث سنين كانت المعونة لكل المواطنين ومعروفة بدفتر المازوت وبعدها 10000 ليرة نقدا وبعدها 10000 ليرة للفقراء فقط ونسبة الفقراء ما تجاوزت30% من سكان سوريا والسنة يبدوا انهااقل بكتيرمن قبل انا رأيي بلاها أحسن ومن دون خجل
سوريا
The BOSS2010-12-25 15:58:15
ممكن يا ترى
يا ترى لو كل يلي عم يشتغلوا على هذا المشروع يعيشوا فعلا على رواتبهم الحقيقية لمدة سنه واحدة كامله ( بدون السرقات و الرشاوي ) هل يا ترى سيبقون على رأيهم ؟؟؟؟؟؟؟؟؟؟؟؟؟ لا والله مستحيل مشان هيك يا ريت من الحكومة توكل بهاد المشروع طاقم من عامة الشعب الموظفين الشرفففاااااااء و بهيك شوفو شلون الدعم بيوصل لمستحقيه و الكل بيكون رضيان مو هيك ولا أنا غلطان؟؟؟ يا ريت تردو عليي يا قراء و تعطوني رأيكم!!!
-سوريا
The BOSS2010-12-25 15:53:01
بسيطة
يا جماعة لا تحملوها أكتر من ما بتستاهل الأمر ببساطة أنو لازم الواحد يكون شحاد ( بس شحاد حقيقي مو متل شحادن هل أيام آخدينها مهنه ) م بهيك بيصير بيستاهل الدعم يمكن من كتر مو أنو يلي عم يشتغلو على القرار بيخافو الله بس نسيو قوله تعالى ( تحسيهم أغنياء من التعفف ) هدول لازم يندعس على راسهم وأو انهم ما يتعففوا.
-سوريا
فرنسا2010-12-25 15:06:48
مغترب وقرفان الرجعة
فهموني كيف دولة متل سورية منتجة للبترول والغاز بيكون فيها سعر المازوت والبنزين اغلى من جيرانها،اصلاً المستهلك يدفع ضريبة 80 %على كل ليتر يشتريه.يعني حرام إذا الحكومة دعمت الفقير شوية وللا الحكومة بتحب تدعم الغني، الحالة وصلة لحد الخنق والطفش وبيكره انو يكون سوري كل البلاد تتقدم إلا في بلدي الغالي،ياأخي شوفو الاردن ولبنان يعني كل اسهل من سورية.
-سوريا
حيدر2010-12-25 13:50:10
درجات العالم
ان الله خلقنا ووصا فينا وقال في كتابه الحكيم انا خلقناكم درجات ولكن هل يوجد درجات في الارض؟؟؟؟؟؟؟؟؟؟؟؟؟؟؟
سوريا
خبير اقتصادي2010-12-25 13:08:06
أرجوكم انشروا
الشعب عم ينضحك عليه لانه ما يجري الحديث عنه ليس دعم تماماوالا يجب على الحكومة ان تتخلى نهائيا عن ادارة المواردبما فيها موارد الطاقة- الحقيقوة ما يتم الان كان تبيعنا الدولة فرشلة اسنان بسغر رخيص ولكن سعر المعجون والذي باستمرار نشتريه يكون اعلى من الكلفة بكثير -ولكن الاهم منن ذلك اننا فعلا شعب الماع
-سوريا
عم ابني مستقبلي2010-12-25 12:50:57
no comment
ههههههههههه شي بيضحك عن جد والواحد بيصير عندو أمل انو يبني حياتو بهالبلد..... برأيي الحل الوحيد هو السفر لأي بلد تاني وأنا أول المسافرين
-سوريا
حمصي2010-12-25 12:50:40
مممممممممم
بما إنو في كلام كتييييييييير وعشوائية وثغرات خطيرة وغباء فحبيت إني اختصر كل اللي كنت حابب احكيه بجملة صغيرة: الله يذل (دنيا وآخرة) كل إنسان عم يذلنا... وشكرا سيريانيوز على عبارة "سيتم نشر تعليقك في حال استوفى سياسة شروط النشر".. اللهم لا تكلنا لغيرك
-سوريا
مغترب طول الحياة2010-12-25 10:48:27
آه يابلد
الحقيقة كل يوم أفتح الموقع لأعرف مايجري في بلدي الغالي ربما يأتي يوم بيكون في شي بيقدر يرجعنا على وطننا الحبيب لكن لما بنوصل لهيك ظروف برأي الغربة خارج الوطن أسهل من الغربة داخله الله يعين أهالينا ويخلينا بصحة وهالبلد العزيزة السعودية لنقدر نأمن إحتياجات أهلناوأولادنا .
السعودية
زنكيل2010-12-25 10:50:13
7500
انا راتبي 7500 وعندي 4 اولاد وبيتي بالأجار ولأني موظف حكومي معناها انا زنكيل ومو لازمني دعم من الحكومة الله يكتر خيرن
-سوريا
مواطن2010-12-25 10:27:51
اقتراحات
لحل هذه الازمات اقترح مايلي 1- ان تكون لجان المسح نزيهة وشريفة ومخلصة وطبعا هذا له علاقة بمن سيعينهم 2- متابعة حقيقية لاصحاب الثروات والحصول منهم على ضرائب دخل حقيقية وليست رفع عتب حيث يدفع الموظف الكحيان 5 اضعاف مايدفعه الاطباء والصياغ وتجار الحريقةعلى ان لايظلم احد 3- تشجيع الجمعيات الخيرية لجمع اموال الزكاة والصدقات في كافة الطوائف وايجاد جهات وصائية نزيهة وشريفة لمراقبتها انا اعرف ان هذا الكلام صعب التحقيق ومثالي ولكن الله قادر على كل شيء
-سوريا
emado2010-12-25 10:38:24
دعم
سكروا الانترنيت كل واحد طلع اسمه في الانترنيت ما ح يعطوا دعم مازوت لانه بيعتبروا ترفيه الله يعينكون طيرتوا الدعم ههههههههههههههههههههههههههههههههههههه طويل------------------ه  
سوريا
مقيم في الخارج2010-12-25 09:47:06
بس ماحد يفهمتي غلط يعني مو في المرحاض
الحقيقة انو ها القرارات كلها عم بتاسس لفساد اداري للاسراة والمجتمع والمشلكة عم بترك الدواء الفعال وبيحطو شويت مسكنات حتى يشوفونا شي بلوة تاني متل رفع الاسعار وما سواه من بلاوي يعني بالمختصرالفساد دبح البلد واهل البلد والمواطن همو انو الفساد ينمحا
سوريا
che2010-12-25 09:32:01
عجبتني هي
ألا يكون مجموع دخل الأسرة بما فيه المعونات من الأولاد والأقارب والجمعيات الأهلية وغيرها من الجهات كافياً لتغطية احتياجاتها الأساسية ههههه بس شو الاحتياجات الاساسيه تبعون؟يعني الخبز و اللبن و بيضه كل يوم؟ ولا شلون ؟ مسخره والله مسخره
سوريا
غلبان2010-12-25 09:25:21
غلبان للموت
يعني بدل من محاربة الفسادعم يحاربو المواطن وعم بدفعوا لمزيد من جرائم السرقة والقتل برافو عليكم يا حكومة.
-سوريا
مغترب2010-12-25 08:41:13
المنسيون
طيب و المغتربين اللي عم يدفعو ضريبة غربتهن و بعدهن عن عائلاتهم لحتى يأمنو دخل ,, شو مو من هالوطن و مابيطلع لعائلاتهم دعم مازوت و لا أكل هوى,,, ماحدا تغرب بكيفهم و فهمكم كفاية
الإمارات
مهستر2010-12-25 08:32:16
اقوى شعب الشعب السوري
يااااااااارب يشيلو الدعم عن كل شي ومايعطو ولا مخلوق ربع ليره وتصير الاسعار متل اوربا واكتر مو منشان شي بس لحتى شوف الشعب السوري يغضب لان الله وحده يعلم ردة فعل هذا الشعب وساعتهاسيعلم الذين ظلموا اي منقلب ينقلبون وشكرا
الأرجنتين
اخ يابلد 2010-12-25 08:27:18
اخخخخخخخخخخخ
بلد تنتج يوميا مليون ليتر غاز وعبها بدون معونة كيف هي
-سوريا
ضاعت ومالقيناها 2010-12-25 08:23:17
ولا رح نلاقيها
والحكومة بدها تعرف شو السبب يلي عم يخلي الناس تسرق كهربا طبعا عمي يلي مامعو 500 حقو تنكة مازوت ومام يلاقي غاز بالمحلات اكيد اكيد بدو يسرق كهربا
-سوريا
والله حكينا 2010-12-25 08:18:27
تاجر
يعني كل واحد معو سجل تجاري صار مليونير والله اني ادينت حقو مشان مايسكؤولوالمحل يلي بالزور جايب همو يعني اذا السجل التجاري انا تطلعتو غصب عني وبالدين معناتو ماباخود مازوت لاني تاجر كنا عم نشتغل بمعهد وعين الله علينا وربك ساترها وبعد القرار رحت اعدت بالبيت بدون شغل يعني تقلعت من المعهد لانو تسكر فتحت محل كمبيوتر بهل قرشين وتدينت حق السجل التجاري مشان نشتغل وهلاء قال مابيعطو يلي معو سجل تجاري طيب لاقولنا شغل مابدنا دعم مازوت
-سوريا
شتي يا دنيا شتي2010-12-25 07:14:26
طبخة كشك
يقال أن رجل من لبنان حل ضيفا على فلاح سوري فقير فاحتار الفلاح كيف سيطعم الضيف ثم خرج بالحل الوحيد و هو أن يطبخ له كشك (كلكم تعرفون الكشك) فسأله الضيف : ما هذا؟ فقال الفلاح هذا كشك ثم سأل الضيف : و ما هو الكشك؟ فأخذ الفلاح يشرح له عن الكشك منذ لحظة بدء الحصاد مرورا بأعمال البيدر و حتى لحظة تقديم الطبق على الطعام عندها قال الضيف و لماذا كل هذا التعب كان يكفي أن تحضر لنا فروج أو فروجين . أعتقد أنا لسنا بحاجة للدعم كل ما نريده كف يد الحرامية في البلديات و نظام ضريبي عادل
-سوريا
محمد2010-12-25 05:35:47
إلى متى فهموني إلى متى؟؟؟؟؟(( 1 ))...يتبع
أتمنى ان أصحى يوما ما واجد أن هؤلاء الذين يسمون أنفسهم اقتصاديين بالبلد قد اتخذوا ولو قرارا واحدا لمصلحة المواطن السوري. حتى الآن كل قراراتهم يتحملها المواطن: مشكلة تهريب المازوت مرورا بمشكلة سرقة وتقنين الكهرباء إلى مشكلة البنزين و ترسيم السيارات. أين مصلحة المواطن بارتفاع أسعار ما ذكرت؟؟؟ نحن ندفع و ندفع وندفع..إلى متى ستكون الكهرباء والبنزبن والمازوت من الرفاهية؟؟ يبدو أن عيشة المواطن السوري محدود الدخل بالنسبة للاقتصاديين هي رفاهية بحد ذاتها!!يعني يجب أن نشكر الحكومةللسماح لنا بالتنفس.!
-سوريا
محمد2010-12-25 05:35:01
إلى متى فهموني إلى متى؟؟؟؟؟(( 2 ))
وبالآخر تستكثروا على المواطن السوري 10000 ل.س وينشف ريقه ليحصل عليها ومن السخرية جدا أنه لم يحصل عليها حتى الآن و قد أصبحنابمنتصف الشتاء!! فهل هناك من الاقتصاديين المحترمين من يفكر بالفقراء... لما لا توزعوا هذا المبلغ بدلا من تخزينه بخزائن البنوك والمصارف وتأكله الفئران و الرطوبة.ألا يعلم هؤلاء أن المواطن بحاجة إلى أضعاف هذا المبلغ حتى يعيش بهذا الغلاء الفاحش؟؟؟والله عيب..
-سوريا
مغترب2010-12-25 05:05:32
صندوق البطالة
ياجماعة شروط الدعم الحكومي المذكورة هي لصندوق البطالة يعني للناس يلي مابيشتغلوا بس وين دعم الناس يلي بتسيموهن الحكومة دخلون محدود؟..
أستراليا
لحظة الحقيقه2010-12-25 04:47:36
مومنت او تروووث
خلص بجيبو الشخص لجهتز كشف الكذب وبسألو وبيقيمولو وضعو وعا اساسو بيطلع المعتاز والي مانو معتاز بس يا خوفي انو يطلع نص مسؤلين البلد مانن موظفين واغنيائو ما عندن سجل تجاري وهيك بترررررررررررررررح عالفقير
-سوريا
ايساك2010-12-25 03:01:52
ثورة الخبز
ما يحصل في البلد المجاور سوريا هو بداية النهاية
-فلسطين
سامر بيضون2010-12-25 02:13:45
والله الحق مش كله على الحكومة
الحق على المواطن لانه لمن بكون المواطن موظف(مدير- مسؤول) بيصير ابيرتشي وبيسرق وماابيشبع بحجج واهيةوكاذبة وبالنهاية هو عم يسرق اهل بلده . والسؤال اذا الموظف ماعنده ضمير امنين الحكومة بدها اتجبله ؟؟؟
سوريا
احمد الحلبوني2010-12-25 01:48:27
الانتحار هو الحل
لازم نعمل متل الحيتان بالبحر لازم نعمل انتحار جماعي والله الحيتان اشجع امنالانها زلم وهيك نحل كل مشاكلنا ومشاكلهم
سوريا
غوار الطوشة2010-12-25 01:24:06
لعينيكون
أنا راتبي 8500 بدي ادعمكون كلكون وعبيلكون مازوت لاحدى يزعل لعينيكون وبدنا نعمل حملة تبرع بالدم للحكومة
سوريا
TROY2010-12-25 00:24:42
ما بئى بدنا........
اخي ما بئى بدنا معونة....... الله بيعين........
-سوريا
حشاش سابق2010-12-24 22:50:25
تنظيم الدعم
رايح افتح مركز للتخطيط الأقتصادي والمالي ورح العن ابو الدعم وانسفو من شرشو بركي بوظفوني بشي راتب مستشار مالي على اقتصادي وهيك بارتاح من السؤال؟؟؟؟؟ظلانو بكون ساهمت بصنع القرار؟؟؟؟؟؟؟؟؟؟؟ولا تواخذونا
سوريا
بلا ولاشي2010-12-24 21:18:33
جرد في نهاية2010
ياجماعة عم أعصر دماغي وأعمل جرد لشي قرار ب 2010كان لمصلحة )الشعب( برات قوسين!!أي تذكرت قرار منع التدخين. طب غيرو؟؟؟حدا يتذكر بالله عليكن؟؟!شي قرار لتحسين وضع المعيشة,ومحاربة الفقر,شي نص قرار لمشاكلنااليوميةالاجتماعية والاقتصادية..!! شو بنا نذكر منك يا سرفجلة...!!على كل السادةفي مجلس الشعب ,الشعب عينكم لتمثلوه.. لا تنسوا هذا!! لأن التاريخ لا ينس وذاكرة الشعب طويلة الأمد !!!!خليها ببالكن.
سوريا
imad2010-12-24 21:10:40
الشؤون الاجتماعية = الجمعيات الخيرية
يا أخي واضحة من يوم اللي حولةها للشؤون معتاها المساعدة للاسر اللي عم تتلقى معونة شهرية من اي جمعية خيرية يعني العائلة اللي تحت الصفر !!!!!!!! انا شخصيا ما رح قدم على هالمعونة والرزاق الله لا الدردري ولا الحسين قال كان بيرفع بدعم المازوت الواتب 20% شو نسيان انو رفعت المازوت من 140 الى 400 يعني ماحسبتلنا فرق السعر اللي بيتجاوز الـ 44 مليار باضعاف وأضعاف , بس مفكرنا ما بنعرف نحسب -+
سوريا
ty damas2010-12-24 20:53:48
احتارو و الله حيرون
والله احتارو و الله حيرون شلون بدون يدبحو ه المواطن يا جماعة........... أحسن شي انا لله و انا اليه راجعون ما في أمل أبدااا...... خلص
سوريا
أبو الكرم2010-12-24 20:32:29
يا حرام
بصراحه ياشباب أنا زعلت كتير على وضع الحكومه لذلك بدي اتبرعلها بالدعم تبعي **** بس نسيت خبركم أنا ما بيطلعلي دعم****
سوريا
مواطن شريف2010-12-24 18:47:40
ايهما افضل
تم شراء الرادارات لتخفيف الحوادث ع الطرقات بمبالغ كبيرة أليس من الافضل لوتم تحويل اموال لدعم الاسر لشراء المازوت أفضل من الموت خنقا بالغاز أثناء الاستحمام ياريت حدا يشوف صفحة الحوادث بس عوجا وصار بدنا حل لتخفيف الحوادث بالحمامات
سوريا
يوسف2010-12-24 18:31:14
ملاحظة هامة جدا جدا جدا
لم يحدد إذاد كان المواطن على قيد الحياة أم متوفى وأعتقد أن هذه المواصفات تنطبق على الأموات فقط
-سوريا
بحب وطني2010-12-24 18:40:52
مابدها حساب
مابدها حساب خلص يكتبوا فقط المعونات ستصل عندما تموتون جوعا وبردا ستستحقون دعم المازوت بعد الوفاة وبسبب الضرائب سيتم حسم المازوت ولكم كل الشكر اخي المواطن ارحموا من في الارض يرحمكم من في السماء
سوريا
محمد2010-12-24 18:27:04
دفيان
انشاء الله بيجي الدعم للي مامعو بعد ما يتجمد من البرد وتخلص الشتوية ولسا ماعرفو مين بستحق الدعم وعيش ياكديش لايجيك الحشيش
-سوريا
نيران صديقة2010-12-24 18:22:54
لا نريد اخبار الدعم
أقترح على syria news عدم نشر أخبار الدعم وابتكارات المسؤولين وهذا رجاء حار (بصراحة ما بتمنى للقراء او لنفسي دخول السجن ) لأن الأمر ليس بيد أحد فهم وحدهم من يعيش على وجه البسيطةوعبارتهم الغير مصرح بها(أيها الشعب العزيز بلط البحر) ومع هذا فإن الحكومة لا تتورع عن استفزاز الناس والناس بينجلطوا إذا ماحكوا ..طيب شو نعمل؟؟
-سوريا
الذكي2010-12-24 17:35:38
احسب واغلب تتمة
6-كهربا ومياه ومازوت 1200ل س 7-قرض سكن لشراء منزل 7000ل س 8-ضرائب دولة من مثقفات وبلدية وزفتية وووووو=800ل س بالشهر 9-حفاضات للولد وبودرة ودواء =2500ل س 10-هدايا بالمناسبات حوالي 1000 ل س واذا ما عمل هيك راح يكون شاذ اجتماعيا 11-روضة للاولاد بمعدل 24000 للولد الواحد بالسنة اي 72000 للاولاد الثلاثة بالسنة اي 6000ل س بالشهر روضات 12-1ك لحمة غنم 800ل س+ 1ك لحمة عجل 700ل س --المجموع =35050ل س اي انه يخرج في اخر الشهر مديون هو وزوجته 11050 ل س علما انني لم اضع ثياب ولا احذية للاب وا
البرازيل
سامر 2010-12-24 17:11:29
هل نحن نسير الى الامام
انا برأيي المتواضع انوا يعملوا فحص كذب للمستحقين يعني طريقة مباشرة وعملية  
-أوغندا
مخروب بيتي والموت احس الي2010-12-24 17:04:40
مخروب بيتي والموت احسن الي
يلي بيعرف عزراييل يبعتوا الله يخليكون انا عم موت كل يوم الف موتة .. خدمنا الوطن 20 سنة وصار معنا مرض ومن يومها لليوم صار راتبي 6000 ليرة .. حق كرتونة بيض بالشهر وربطة الخبز والباقي للدولة ضرائب ... لقا اللي بيعرف عزراييل يبعتوا لعندي ياخود روحي لانو غير ممكن ان اشتغل نصاب ومشلح طريق .
سوريا
ابو الحروف2010-12-24 17:04:33
استراتيجيه ابو الحروف
عيش يا كديش ما راح ينبت عنا الحشيش
سوريا
الذكي2010-12-24 16:04:28
السوري مظلووووم
ياشباب في اي دولة في العالم بحكم انتماء الشخص لهذه الدولة عندما يصل لسن التقاعد يحصل على راتب تقاعدي بغض النظر عن الوظيفة لانه اذا كان يعمل في اي مجال فانه يعمل لمصلحة بلده بشكل مباشر او غير مباشر اما في سورية فانه سلعة مستهلكة لان وجودعجوز بدون راتب او اقارب سيجعل منه شحاذا على باب الجامع وانا متاكد انه لن يكون مدعوما بهذا القرار لانه لن يسمع به وسيكون عالة على المجتمع وشكرا جزيلا لسيريانيوز
البرازيل
مغترب2010-12-24 16:07:37
حابب افهم شي ممكن حدا يفهمني
انه اعانة الشعب ببعض السلع تخاف و الحكومة و حسب وصفها ان يكون هدر للمال العام ؟؟ و يتناسون تلك المؤسسات التي تخسر الميزانية كل عام مبالغ مخيفة بسبب ادارتها او نمطها او السرقات التي فيها و مازالت تعمل تلك الشركات ؟؟ و تتناسا ايضا اصحاب رؤوس الاموال الغير معروفة المصدر لبعض الشخصيات التي تجمعت بحكم النفوذ بايديهم ؟؟ و تتناسا ايضا ذلك الفرق الكبير بين مدخول فرد منا و اي فرد بلدول المجاورة و تباع لنا السلع بنفس السعر التي تبتاع فيها بلبلدان المجاورة ؟؟ ممكن افهم شو بيصير
-سوريا
alhithem tizinh2010-12-24 16:01:04
syria
بقال ان سوريا اغنى دولة عربية ملاحطه سعر البنزين فب الخليج ارحص من الماء حتى في مصر ارحص وهيا الدولة التي لا تملك دخل الا من السياحه وفهمكن كافي بس الزي يجب ان يعرف يوجد اناس واقفين على الدو لا بعبو بيدون مازوت ومعن سياره بقى الوضع طاهر مثل عين الشةس لا سجل تجاري ولا شي ان البيبا من الاشاره يفهم
سوريا
الذكي2010-12-24 15:58:35
احسب واغلب
اذا حسبنا ان العائلة المثالية في سورية هي مؤلفة من الاب والام وثلاثة اولاد والام راتبها 12000 والاب راتبه 12000 وهذا مستحيل ولكن للافتراض. فحساب المصروف على الشكل التالي : 1-تياب اولاد بالشهر 3000 ليرة 2-منظفات 5000ليرة 3-اجار سرافيس للذهاب الى العمل 3000 ليرة للاثنين لانه ولاشخص سوري يعمل في منطقة سكنه 4-مياه 600ليرة بالشهر لان عبوة المياه 20 لتر 30 ليرة 5-10ك بندورة 500ليرة +30ربطة خبز 450ليرة+بصل +بطاطا+الخ حوالي 3000لس +فروجين بالشهر 500 ل س =4450ل س 6-كهربا ومياه وما
البرازيل
سوري 2010-12-24 15:47:07
من القائم
من القائم على هذه الدراسات أصلا الجمعيات الخيرية ما عمتعطي إلا ..... كيف راح تكون دراسة الموظفين القانون جميل ولكن المؤسف أنه لن تجد حاملا لهذه الرسالة أمينا عليها
سوريا
مواطن مو عندو بيت2010-12-24 15:29:32
ههههههههه
والله العظيم عيب راح تخلص الشتوي ولسع ماطلع دعم المازوت الحمدلله لي طلع شوية دفا مشان (الحكومة ) طنششششش بس حسبا الله ونعم الوكيل اكيد المسؤلين مو عم يقرأو التعليق عم يشوفو الفيس بوك المحظور علينا وعلى اساسو عم يسرحو موظفين
-سوريا
بلا ولاشي2010-12-24 14:39:27
شغلي وحدة فهمتها
أنو حكومتنا راح تشحذ على شعبها من صندوق الأمم المتحدة للسكان والبرامج الإنمائية للأمم المتحدة .وهيك منكون بالمزاد العلني ..عيب بقا..عيب!!! ياا خساارة .
سوريا
سوري مغترب2010-12-24 14:15:33
مافي شي بيرضيكم
السلام عليكم ولله عمرومافي شي بيرضيكم وللك مابتقولو الحمدلله انو علقليلة الحكومةعم بتفكير كيف بدهاتساعيد الطبقةالفقيرة وبعدين شو هالشروط ماش عاديةجدا تعو وشوفو هون في استراليا نفس الشروط بالظبط لاء وكمان الي بياخود معاش مافيه يشتري بيت اوسيارة باسمه ويلي مانو قاعدعلى الدولة عم يدفع ضريبت شغل 10بالميه من راتبه بقى قعدو وحمدو ربكم وقلونمةكريم *
أستراليا
احمد2010-12-24 14:13:15
عيببببببببببببببببببببببببببب
عيب والله عيب شو هل مسخرة
-سوريا
غسان2010-12-24 13:39:47
الفساد والرشاوي ستقضي هذا البلد
عندما أقرأ كل صباح أخبار سوريا من خلال هذا الموقع سيريا نيوز وأشكرهم على نقل أخبار سوريا يتضح لي بأن الذين يعملون على إصدار القرارات والقوانين في سوريا لا علاقة لهم ولا أي أحتكاك بالمجتمع السوري أبدا فهم يعيشون في عالم والمجتمع في عالم أخر تركت الوطن منذ اكثر من 23 عاما ولم يتغير بل العكس الى الوراء فطالما الفساد والرشاوي في إزدياد فمن المستحيل بناء وطن متحضر وعادل في قراراته بين طبقات المجتمع وينصف مواطنيه العدالة هي نصف الحرية هذا ما أشعر به هنا في فرنسا ونزاهة العاملين
فرنسا
حدد2010-12-24 13:39:52
الشؤون الإجتماعية والعمل
الجرس المكسور لا يصدر صوتاً
-سوريا
الزعلان2010-12-24 13:37:11
العدالة
مو كل حرفي زنكيل.ومو كا موظف راتبو عمال يكغي.لانو في حراس وعمال باليومية لازم تتوسع دائرةالدعم
-سوريا
ماني محتار2010-12-24 12:57:08
إحتارو و الله حيرن و حيرونا معن
إي و الله شو هالذكا هاد عن جد عن جد الله يحرسكن من العين أذكى من هيك ما عاد في هاد الدراسة اللي عم تحكو عنا و المسح الطبوجيوغرافي...مدري شو إسمو بيذكرني بالإحصاء تبع عدد السكان بدو شي سنة شغل ليصير و هيك بيكون إجا الصيف و بيكون الفقير مات من البرد أصلاً هيك هيك تلج ماعاد ينزل و اللي برد برد و اللي مات مات. وإحصائيات مافي و موتو أيها الشعوب البائسة والحكومة عم تقول اكذب اكذب اكذب على الشعب أآآآآآآآآآآآآآآآه يا بلدنا
-سوريا
giovany2010-12-24 12:50:13
بالله ؟؟؟
شو يعني ؟؟؟ بدكون واحد قاعد بالبيت وصافن بالحيط وماعنده لا شهادات ولاخبرة بأي مجال لحتى تعطوه ؟؟ بس شاطرين تقروا ميزانيات بالمليارات .. لك رح تتموا وراء العالم طول عمركون
-سوريا
KMW2010-12-24 12:31:48
= = =
ثقافة"الشحاذة"....هذا ان دل على شيء فعلى فشل السياسة الاقتصادية عبر "الترقيع"....شو بدكون ترقعو لترقعو...
-السعودية
محمد 2010-12-24 12:19:37
اي كل موظفين الدولة بحاجة لمساعدات
ما عدا الحرامية طبعا و المرتشين ، اي بس البقية شو عمياخدو؟ عشر الاف ليرة يعني 200 دولار بالشهر ؟ و لا القطاع الخاص على اضربين ! بعدين شلون اشترطو انو ما يكون الزوج و الزوجة عاملية باجر ؟ اي نص البلد عمتعمل بأجر و ما عميكفيها الدخل ! بعدين تفضلو كمان من الناحية التانية طبقولنا الضرائب المباشرة متل ما بدكن تطبقوا المساعدات المباشرة يعني روحو خلو المستوردين و التجار الكبار و اصحاب الاملاك و الفيلات يدفعو ضرائب مباشرة على هالثروات و بلاها الضرائب غير المباشرة !
-سوريا
حلبي للعظم2010-12-24 12:18:38
تخبيص
حكي فاضي ومبررات غير مسوغة لسحب الدعم بطريقة قانونية من أغلب الأسر السورية ، مو ناقص إلا يقولوا لازم تكون نمرة حذاؤه القديم المعفن يلي ما عندو غيرو محددة كمان ، وبعدين يا جماعة بتحس هالشروط يلي عم تنحط كأنو الواحد يندعم بشي مليون ليرة. يلا أخوي عم يصرخلي إجا دوري بجمع الحطب مع السلامة.
-سوريا
مغتربة2010-12-24 12:02:11
قمة المهزلة
في القرن الواحد و العشرين في ارض تملؤها الخيرات و في اقسى اشهر البرد لسه عم يدوروا مين يعطوه مازوت و مين ما يعطوه...
-سوريا
صاحب حق2010-12-24 11:28:39
اين العدالة
صندوق الاعانة هذا الذي تتحدثون عنه اشبه بقروض ماسمي قروض البطالة حيث إن الفقير أخذ شعرة من دان الجمل والغني أخذ الجمل كامل والصيط إنه للعاطلين عن العمل وهذا الصندق الإعانة من اسمه معروف إنه صندوق لايعلم مابداخل هذا الصندوق سوى الذي صنعة وبتالي هو الذي يديره على قول المثل وصلة الفكره وصندق الاعانة سيكون مسلسل تركي بمتياز ومشاهديه الفقراء والمستفيد المنتج والممثلين وشكرا
سوريا
NABIH2010-12-24 11:01:24
احترت في امري
انا متقاعد منذ عام 1997 واتقاضى راتب شهري /8474/ ليرة سورية اعيش في غرفة وحيدة مع زوجتي وابني الوحيد وعمره 25عاما وليس لدي اي دخل اخر وابني ليس موظفا لانه لايملك المؤهلات اللازمة لذلك وبناء على ماتقدم انا لاادخل ضمن من يستحقون الدعم ... لمن اشكي ولمن احكي لااعلم؟؟؟ لقد رايت في دولة مجاورة اكثر من /100/عائلة فقيرة تاخذ الدعم كل شهر تموين وبدل نقدي والمطلوب هو تسجيل الاسم فقط في المكتب الخاص لذلك ثم ياتي مندوب وياخذ معلومات عن العائلة ثم يوضع اسم العائلة في اللائحة فقط ل
سوريا
ابو عمر2010-12-24 10:21:31
اي شو هالذكاء
من الاسهل على الحكومة ان تقوم بعمل مسح وتحقق اداري وميداني للاثرياء فهم اقل من الدراويش ومن السهل تعدادهم وبذلك يتم عمل قائمة باسمائهم واستثناءهم من الدعم واعطاء المعونات الى باقي الشعب - اما شو ذكاء الله يحرسكم من العين
سوريا
مغترب مفلس2010-12-24 10:13:15
موسوعه غينيس
المواطن السوري دخل موسوعه غينيس لانه هو الانسان الوحيد على كوكب الأرض الي عم يدفع راتبو وعم يسلف على راتبو حتى يدعم الحكومه ليه ؟ لأن الحكومه عم تدعم الناس الاثرياء لانهم مساكين مامعهم فلوس يعبوا مازوت أما المغترب الله لا يردو ليش تغرب خليه بلدو يموت من الجوع عوجه وياما حنشوف
-سوريا
علي2010-12-24 10:16:35
الرأسمالية
فكرة كتير حلوة من الأخ اللي سأل وين بدو يروح الفائض المالي ... هي هيه الرأسمالية : 80% من الشعب يملك 20% من الموارد و 20% من الشعب يملك 80% من الموارد ؟؟؟ تأمل هذا جيداً !!!
-سوريا
بنت البلد2010-12-24 10:01:58
مفاجاة
والله انا بتفاجا انو يلي عم يحط هيك قرارات واقتراحات هني اساتذة بالاقتصاد وعلم الاجتماع يا عيب الشوم على هالجانعات شو عم تعلم والله انو ولادنا صاروا ادرى كيف بدن يحلو مشاكل هالبلد اكثر منهن لك وين العلم والمنطق يا جماعةكلو هاذا مو حل مو حل
سوريا
مغترب مفلس2010-12-24 09:43:47
حياه صعبه
بس ممكن اعرف ليه المغترب محروم من كل انواع الدعم مو كافي انو عم يتغرب عن اهلو وناسو لك الغربه ضريبه عم تندفع من دم الناس ويا ليت راضيه الحكومه علينا الواحد بيتغرب سنه بيشتغل وبيسافر عبالدو شهرين بيروح شغل السنه بلشهرين الحل ان الواحد يتغرب سنتين ويسافر  ايام تايادوب يستر نفسه شكرا حكومه
-سوريا
زياد2010-12-24 09:47:13
لو ان
اتمنى من منبرنا العزيز سيريا نيوز ان يخاطب الحكومة . فبدل ان يعيش المواطن على قطرات ولقيمات من الحكومة لا تفي بالغرض الا لأيام ان تقوم الحكومة ببناء مصانع ومعامل بدل هذه الاموال المهدورة الى مبالغ صغيرة فمن المؤكد ان المليارات تبني مصانع ويمكن ان تشغل الاف العمال افضل من مبالغ مالية تنتهي بين يوم وليلة والمثل يقول اعطه فأس بدل ان تعطيه طعام
سوريا
متظايق2010-12-24 09:22:05
ااااه يا زمن
يا جماعة وبعدين هلحكومة والسادة الوزراء شو بدن من الشعب رغم اني اعيش بدولة خليجية الا اني احس ببرد الشتا بسوريا وما اعرف شو ناطرة الحكومة لتعطي المازوت للشعب بعدين رفع الدعم راح يؤودي الى ما يلي 1-زيادة نسبة السرقة والنصب والاحتيال2-زيادة نسبة الشحادة 3-عزوف الكثيرين عن العمل لانهم راح يفقدوالامل بتحسن وضعن_3 زيادة نسبة الطلاق والتشرد لاني اللي عندو زوجة وولاد راح يصير يفكر يتخلص منن وخلي الحكومة ساعتها تحلها لله الامر من قبل ومن بعد حسبي الله ونعم الوكيل فيكم
-سوريا
أبو خالد2010-12-24 07:48:45
أين ستذهب الأموال الفائضة
هناك نقطة مهمة لم يتطرق لها التقرير أو أن الحكومة لم تذكرها ولا حتى أحد من الذين علقو تطرق لها وهي عندما يتم رفع الدعم وأستهداف المحتاجين فقط فمن المنطقي أن يكون هناك فرق كبير حيث أنك رفعت الدعم الذي كنت تدفعه عن عدم المحتاجين فأين ستصرف وتذهب هذه الفروقات المالية أم خليها على البركة.
-سوريا
طارق2010-12-24 07:29:10
نصيحة للحكومة
الحكومة بوادي والشعب بوادي وكل لحظة تبعدنا زيادة نسبة كبيرة بلا زوادة و مش قادرة تعيش وشي كم واحد اكل الدنيا وعايش بالريش خفو شوية يا حكومتنا الشعب السوري جله دراويش.
-سوريا
اهتمو بالعاطلين عن العمل بطريقه كريمه2010-12-24 07:23:45
الكل بحاجه
انا بتمنى اعطاء العاطلين عن العمل منحه مره بالسني لانو هني بحاجه اكتر بكتير من العاملين مع انو الكل بحاجه يرجى اخذ النظر
سوريا
موظف منتوف2010-12-24 06:31:28
ادمغة
هذا الحل جيد اذا كان الهدف الحد من الفقر رغم انو تاخر .ليش الحكومة رابطة المازوت بمعونة الاسر الفقيرة بينت الحكومة لاعندها تخطيط ولا همها المواطن وشوما عملت مارح يمشي الحال ولارح تتحسن الاحوال الا بتوظيف هالناس وزيادة الرواتب فقط وغير هيك عبث .قديش بدكن تعطو الاسرة اكتر من راتب شهري.وليش يلي عندو راتب ماشي حالو لاوالله .ورح تضل الحكومة تجرب لحتى تلغي الدعم والمعونات لانو عجز الميزانية عم يكبر ...حاجة ..امل ما فيه
-سوريا
ابو فراس2010-12-24 05:53:25
ممتاز
كتييييييير ممتاز يعني هلأ موظف الجمارك باللادقية ياللي دخلو مئة الف باليوم مابقا بيطلعلو دعم يا عيييني صار بدو ياخد اكتر مشان المازوتات
-سوريا
ali2010-12-24 04:46:42
يا عيب الشوووووم !
والله العظيم عيب لك الدعم من حق أهالي سوريا كلهن و ما لازم تستثنوا حدا....العما والله ما شفتها ولا بدولة بكل العالم الدعم للمستحقين ....بحب قول للحكومة التي تحتضر الدعم من حق الكل و مو على كيفك هاد حق الشعب السوري كله و مو على كيفكن ترفعوا الاسعار و تلعنوا نفسه للمواطن و تحله مشاكلكن عن طريق لعن نفس المواطن نحنا سوريين و لنا حق ببلدنا و مو على كيفكن بدنا الدعم للكل يا دردري و يا عطري حرام عليكن ..**
سوريا
souri2010-12-24 04:46:03
souria
enough government hand out tothose people who is not willing to taker of themselve you need to have an open market and allow the price to be set by demand if you do not have enough money to meat you do not need to eat meat *. stop complaining about the government. the goverment should provide security and basic services only to the people.
سوريا
محمد2010-12-24 02:43:50
لدعم المازوت
يجب أن يكون هناك شرط واحد فقط وهو: من يريد الحصول على دعم المازوت يجب أن يكون سوري الجنسية فقط !!!أليس من حق كل سوري الحصول على الدعم؟؟ وهل رأيتم أحد الأغنياء يقف بالدور ليحصل على 10000 ل.س؟ برأيي كل دفتر عائلة سوري يجب أن يحصل على دعم.
-سوريا
rakan2010-12-24 02:05:48
الزوق مطلوب
انشالله بيغلى كل شي لكان بالأصل نحنا قاعدين ببيوتنا بالاجار يعني بالاسم يعتبر ملك بياخدو منك فواتير بأجار بيت يعني رجعت نفس الشي والي قاهرني مو تصرف الحكومة بل سكوت الشعب انا بس بدي افهم من هالسادة الوزراء شو بيكون خاطر عبالن بس يطلعو بهيك قرارات؟؟؟تعالو شوفو الشعب الاوربي كيف عايش وشوفو الخدمات الي بتقدمها الحكومات لشعبها مع انو اوربا هي ام الضرائب ولكن بالتالي هذه الضرائب عم تخدم في شعبها **
-سوريا
المغترب2010-12-24 02:06:23
اجمل عبارة
(كفاءة ونزاهة العاملين في مجال التحقق الميداني لضمان الوصول الى المستحقين فعليا) هذه اجمل عبارة بالموضوع لك وين النزاهة والله ماتت فينا من زمان لك بكرة يدخل فيروس الرشوة بالموضوع تخرج منه النزاهة (ان وجدت اصلا).
-سوريا
Ahmad2010-12-24 01:45:11
الله معنا
لاتنسوا أن الله معنا ادعوا الله فهو قريب مجيب الدعوات حسبنا الله ونعم والكيل
-سوريا
سوسو2010-12-24 01:29:18
مسح اجتماعي بكل معنى الكلمة
اه لو تعرفواكيف تم البدء بهذا المسح ومن المستفيد وكيف صار هذا المسح الاجتماعي والاموال التي صرفت حتى الان لاجله ..وهو عبارة عن مشروع حق اريد به باطل...وانا عند حكيي
-سوريا
MadMax2010-12-24 00:47:20
أم الطنافس ................... الفوقا
لأيمتى الحكومة رح تضل تتذاكا علينا و رح نضل عاملين حالنا مصدقينها... من لما غلو المازوت و عملو مساعدات للمازوت ...عرفنا أنو هالمساعدات ما رح تطول و رح تطير تاني أو تالت سنة لما بيصير الفلا أمر واقع .....لما منسمع بالدعم أكيد بيكون الغلا جاي عالطريق و متل العادة الدعم رح يشمل قلة كتير قليلة من المجتمع .. أو على رأي أهالي أم الطنافس ما رح يشمل غير الموتى .... يعني انشالله قريباً رح نبلش بنكش القبور
-سوريا
سيريانو©2010-12-23 23:38:24
اتمنى تصير ربطة الخبز 50
والسكر 100 ويلغوا البونات وتلغي الدولة كل الدعم ويلغوا المشافي الحكومية والتعليم المجاني ولشو هدر اموال الدولة بالجامعات في جامعات خاصة ويرفعوا سعر البانزين والمازوت ويعملوا ضرائب لأنو ما كل الشعب بيدفع ضرائب لك شو ما عملتوا فينا متمسحين ما عاد فينا دم عااااادي ...
سوريا
مشاركة2010-12-23 23:37:50
اقتراح
يلغو الدعم كلو .. ويرخصو سعر السكر والرز والمازوت (المواد الأساسية) والسيارات بالجملة.. ويفتحو المجال لدعم الجمعيات الخيرية للمحتاجين.. ويمنعو التهريب
-سوريا
مواطن بردان2010-12-23 23:27:04
وين دعم المازوت ونحنا في كوانين
شو مشان دعم المازوت اللي لسا مو فاتحين سيرتو. ولا السادة المسؤولين مو حاسيين بالبرد هالشتوية. يبدو أن الحكومة نفذت خطة لإلغاء الدعم خلال ثلاث سنوات. أول سنة قسائم، ثاني سنة بدل نقدي، ثالث سنة تطنيش.
-سوريا
متقاعد2010-12-23 23:26:39
متقاعد بسبب اصابة
يعني انا متقاعد بسبب إصابة و راتبي التقاعدي مع كل الزيادات حتى الأن فقط 7500 سبعة ألاف و خمسمائة ليرة سورية و عندي ثلاثة أولاد و أعمارهم 15 سنة و عشر سنوات و الأخير لم يتجاوز الشهر فهل هذا يكفي أم عليا أن أرسل أولادي جميعا للعمل في مجال الشحادة حسبي الله و نعم الوكيل علما أن هناك متقاعدين راتبهم أقل مما ذكرت الله يفرجها على جميع عباده
-سوريا
كولومبس 2010-12-23 23:02:13
دعم
ماذاعن دعم معاشاتالمتقاعدين التي لاتتجاوزالالفين
سوريا
لانريد أن تنهب الدولة 2010-12-23 22:56:54
من جراء دعم بمئة ليرة
أولا أنا موافق لما قاله الأخ متقاعد , ثانيا أرجو رفع أيضا الدعم عن السكر والرز فوالله نصف من يأخذونه خارج البلد أو ليسوا بحاجة له ويأخذه عنهم أهلهم ومنهم من يحمل أكياس كاملة لدكانه ليبيعها بسعر السوق !وتلاعب له أول وليس له آخر , وحقيقة دعم بمئة أو مئتي ليرة كل ثلاثة أشهر لايستأهل تلك الجمعيات والموظفين والمعاشات والشاحنات والبطاقات إلا إن كان هناك أناس يستفيدون بالملايين ولا يريدون إلغائه .
-سوريا
أبو حمزة2010-12-23 22:49:48
شوفو التامينات الاجتماعية
بكرا بصير الحال متل مؤسسة التأمينات الاجتماعية ففي احدى المحافظات عدد المستفيدين من معاشات اصابات العمل (وأغلبها غير صحيح) يساوي عدد عمال المحافظة وكلو من نزاهة اللجان حسبنا الله ونعم الوكيل
سوريا
abo yousef2010-12-23 22:35:16
هل أنت راضي عن حلول الحكومة// الترقيعية//
بتمنى تتشجعوا يا إدارة السيريانيوز و تعملوا بحث اجتماعي (إحصائية)عنوانها/ هل أنت راضي عن قرارات الحكومة/. واللتي والله بتنا نمسك قلوبنا بأيدينامن قرارات الحكومة التي هي في واد والناس في واد آخر ، بتنا غير متفائلين إطلاقاً بحس الحكومة تجاهنا بل تفكر كيف تحافظ على موازنتها ومن بعدها الطوفان لتبقى الخزينة بمستواها وتزيد باستمرار لتبييض الوجوه وتمسيح الجوخ على كل حال سوف يأتيهم يوم لايجدون من يغيثهم من شدة أعمالهم الوسخة وقراراتهم الظالمة إلا النار لتكون لهم بئس العلاج المر
سوريا
موظف على باب الله2010-12-23 22:38:53
شروط الدعم
يجب عليك أن تكون شحـــــــاد وأن تحصل على شهادة شحاد رسمياً من قبل اللجان المختصة بالفسخ الاجتماعي وبعد معاينة وضعك المذري والشماتة بك بمحضر رسمي حتى تحصل على مكرمة الدعم المازوتي .. وشكراً لصاحب التحية
سوريا
الضارب2010-12-23 22:37:04
أن شاء الله
أن شاء الله يصدقو هي المرو واذا بدن يعملو مسح للأسر الفقيرة فأن العدد بأعتقادي سوف يتجاوز ال50% لهيك لح يلغو الفكرة ,بس على فكرة الحكومة لا تدعم سوى الخبز, و السكر والرز بالبونات فتخيلو أين الدعم
-سوريا
yamen2010-12-23 22:18:53
فكرة
فضل حل لتقديم الدعم للمستحقين هو على الشكل الاتي تخصيص لجان تشبه لجان الاحصاء السكاني في كل منطقة وتجزيئ المحافظة الى اجزاء وقطاعات صغيرة واجراء مسح من قبل العاملين ويتم ذلك مثل عاملين الكهرباء او جبايات المياه يعني بالمختصر يروحو عالبيت الي بيستحق الدعم ويعطو استمارة باسمو حصريا وهو بدورو بعبي الاستمارة وبروح بيقبض الدعم
سوريا
الذكي2010-12-23 22:15:29
فوق الموت عصة القبر
هل يقتصر الامر على تقديم الطلبات والثبوتيات ؟ ليس كل من قدم ثبوتيات تلاقي المعايير المذكورة اعلاه يستحق الدعم حيث ستخضع كل الطلبات للتحقق وفق الية مركبة تتضمن : ‏التحقق المكتبي التحقق الإداري والتحقق الميداني يعني سوف ياخذ المواطن 10000 ليرة معونة ويدفع 150000 ليرة رشاوي اي بلاها احسن لانه بذلك يفسحون المجال لذوي النفوس الضعيفة باستغلال المواطن
سوريا
مستغرب - مستعرب2010-12-23 22:15:50
شو بدو يحكي الواحد
كفاكم ضحكا وتلاعبا بالناس- عار ان يكون المواطن السوري بحاجة لدعم المنظمات الدولية فسوريا بلد خير وخيرها يكفي الجميع ولكن آثر البعض على ان يستاثر بالخير فكثير هم الافراد الذين يملكون من الخير (الحرام) ما يكفي الكثيرين من المحتاجين- بعدين يا اخوتي في الوطن كل المشاريع التي تطرح مؤخرا هي لتغطية العجز والسرقات من المال العام- قديما كانت لاسرقة تحصل دون علم احد اما اليوم في ظل الرقابة والمتابعة غير المسؤولون طريقتهم في السرقة فيعملون على تغطية جرائمهم بنهب المال العام باشكال متعددة
-سوريا
molhm2010-12-23 22:08:08
rae
ايه بكرة بيعطوها لجماعاتهن والفقير ما بياخد شي يعني تيتي تيتي
-سوريا
ammar2010-12-23 21:53:28
نيالنا
لك نيالنا زنغلنامين قدنا
سوريا
عايش2010-12-23 21:45:28
شو يعني
منفهم من هالحكي إنو راح ناخد معونات و ليس دعم يعني متل الصومال و غيرها ...... شو ما صار قليل عليك يا مواطن
-أستراليا
متقاعد2010-12-23 21:37:36
فعلا اللي استحوا ماتوا.
انا موظف احلت الى المعاش التقاعدي مبكرا كي لااشارك بالفساد كون الراتب لم يعد يكفي ولكن وعلى مايبدو ان حكومتي ستجعلني اضطر الى العودة الى وظيفتي لافعل ما يفعله زملائي (ادبر راسي).لك والله عيب اول شي عملوا رواتب متل العالم والناس لهالمتقاعدين اللي اكترين متل حكايتي لسا اولادهن بالجامعات ولا معيل غيروا وبعدين شيلوا الدعم اللي عميتوا عيوننا فيه . فعلا اللي استحوا ماتو ؟؟!!.
-سوريا
فقير2010-12-23 21:30:29
بررررررررد
كفاءة ونزاهة العاملين في مجال التحقق الميداني لضمان الوصول الى المستحقين فعليا. هاي اكتر شي عجبني بالمقال !
-إيرلندا
الصقر2010-12-23 21:13:47
طبقوا المثل
على هالحالة ماحدا مستحق والحكومة ماراح تعطي حدا وطبقوا المثل (صحيح ماتقسم ومقسوم لاتاكل وكول لتشبع)
-سوريا
ما فهمنا شي2010-12-23 21:11:21
لك على طول نتفزلك على الفاضي
أتوقع فقط الدعم سيكون لأهالي اللجان و العاملين عليها
-سوريا
معلق حلبي2010-12-23 21:03:01
خطوة ممتازة
الخطوة تعتبر ممتازة لكن يجب أن تسبقهاخطوات حتى يتم القضاء على التلاعب فيجب أولا أن يكون جميع العاملين في القطاع الخاص حتى على مستوى المحلات مسجلين لدى الدولة و لدى دائرة الشؤون الإجتماعية و يجب أن تكون هناك أتتمته للسجل العقاري و الزراعي و المدني بحيث يتم حصر العاطلين و العاملين و الممتلكات الشخصية و الدخل السنوي و هكذا و لا أظن أنه بالإمكان تحقيق ذلك في ظل التلاعب و التهرب و كذلك الكثير من المعوقات القانونية و الإجتماعية .
-سوريا
حيران2010-12-23 21:00:52
اختاروا
احتاروا مو عارفين شو يسوا، *
-سوريا