syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
"خطأ في الاتصال".. "لا رد".. "الشبكة مشغولة".. مع 60 دقيقة مجانية من شركتي الخليوي!!؟؟؟
الاخبار المحلية

مواطنون: منح 60 دقيقة مجانية في خلال مدة قصيرة اثر علينا سلبا واظهر ضعف البنى التحتية للشركتين وجودتها

اشتكى العديد من المواطنين السوريين استطلعت سيريانيوز آراءهم يوم السبت من سوء الاتصالات بالتزامن مع إعلان شركتي الخلوي منح 60 دقيقة محلية مجانية صالحة لمدة 4 أيام تبدأ من يوم السبت..


 لافتين الى ان قرار إعطاء عدد كبير من الدقائق بمدة لا تتجاوز 4 أيام "غير مدروس" وجاء بنتائج سلبية على قدرة المواطنين في إجراء اتصالاتهم, وهذا ما يثبت أن البنى التحتية للشركتين ضعيفة, فيما لم يتسن لنا بسيريانيوز اخذ رأي مسؤولين في الشركتين حول هذا الموضوع بسبب انشغال الشبكة.

وكانت شركتا الخلوي بعثت برسائل نصية لمشتركيها تفيد بقيامهما بإهداء المشتركين 60 دقيقة محلية خليوية صالحة من 2 ولغاية 6 نيسان.

وقال محمد موظف في القطاع العام "لم أتمكن اليوم من الاتصال بأي شخص وحاولت عشرات المرات إجراء مكالمات ضرورية لكنه لم يتسن لي أن أقوم بهذا الأمر", مشيرا إلى أن "إجراء شركتي الخليوي بمنح 60 دقيقة مجانية خلال فترة 4 أيام هي غير مدروسة وقرار عشوائي واعتباطي, ولن يستفيد منه معظم المواطنين".

وكانت تظهر أجهزة الخليوي عند إجراء الاتصالات عبارات أن هناك "خطأ في الاتصال", "الشبكة مشغولة" أو "لا رد", "قطع الاتصال".

وأضاف محمد "لماذا الكرم الحاتمي من الشركتين إذا لم تكونا قادرتين على تحقيقه لمعظم المواطنين, الم يظهر هذا ضعف البنى التحتية لهما".

بدوره, قال باسل إن "الاتصالات سيئة للغاية اليوم بسبب الضغط على الشبكة حيث اجريت مكالمة واحدة فقط اليوم, وذلك عقب أكثر من 10 محاولات للاتصال", مطالبا شركتي الاتصالات الخليوية "بعدم الإقدام على مثل هذه الخطوة طالما إن البنى التحتية للشركتين غير قادرة على تحمل هكذا عرض".

بدوره, أوضح وسام, مدرس, "عانيت كثيرا اليوم من مسألة الاتصال عن طريق الاجهزة الخليوية, وبدلا من الاتصال بشكل مباشر استخدمت الرسائل النصية, حيث أثبتت نجاعتها لان الرسائل ليست مجانية", متسائلا "هل الشركة قامت بمنح 60 دقيقة اتصال مجانية خلال 4 ايام عن "عدم دراسة" او انها "مقصودة".. والله اعلم".

 

بدوره, قال نورس, طالب جامعي, "سمعت البارحة ان هناك 60 دقيقة مجانية للمشتركين وقررت ان اتصل بجميع زملائي خاصة وان اليوم عطلة, الا انني لم أوفق الا باتصال واحد وبعد عشرات المحاولات", لافتا الى ان "الاتصالات من الارضي الى الخليوي كانت سيئة للغاية".

ولم نستطع في سيريانيوز الاتصال بأي من شركتي الخليوي لنتبين أسباب المشاكل في الاتصالات الخليوية اليوم بسبب انشغال الشبكة, حيث حاولنا عشرات المرات و"لم نفلح".

وتعد شركتي (سيريتل) و(ام تي إن) الشركتان المشغلتان لخدمة الاتصالات الخلوية في سورية بالشراكة مع مؤسسة العامة للاتصالات عبر عقود بي أو تي لمدة 15 سنة قابلة للتمديد 3 سنوات وتستحوذان على نحو 10.2 مليون اشتراك في سورية, فيما سيتم تحويل عقدي الشركتين النافذين حاليا وفق نظام (بي أو تي) إلى تراخيص شريطة تسديدهما الالتزامات المترتبة عليهما للخزينة العامة للدولة بموجب قانون الاتصالات الجديد الذي صدر في كانون الثاني الماضي.

وتتم حاليا إجراءات إدخال المشغل الثالث حيث انتهت المرحلة الثانية من المسابقة الخاصة بهذا المشغل, إذ يأمل السوريون بأن يسهم دخول مشغل ثالث في تحقيق التنافس الذي يؤدي إلى تخفيضات حقيقية بالأسعار، ورفع حقيقي بجودة الخدمة الخلوية في سورية.

يذكر أن عدد مشتركي الهاتف الخلوي في سورية بلغ سبعة ملايين وثلاث مئة وأربعة مشتركين لدى شركتي الخلوي حتى نهاية حزيران الماضي منهم 6.199 مليون مشترك في الخطوط مسبقة الدفع و1.105 مليون مشترك في الخطوط اللاحقة الدفع بكثافة هاتفية بلغت 36 خطا لكل مئة نسمة.

 

 

سيريانيوز

أقرأ ايضا

منخفض متوسط الفعالية حتى الخميس المقبل.. والحرارة حول معدلاتها


2011-04-02 21:42:02
شاركنا على مواقع التواصل الاجتماعي:



شارك بالتعليق
ابوجود2011-04-05 14:22:26
حنة
احسن شي نشترك مع المشغل الثالث(اذاسمحولوالشباب ) وخليهم يفلسوا واذا زعلو يروحو مباشرة على اقرب عطار ويشترو شوية حنة و............
سوريا
ملك 2011-04-05 14:06:27
عيب وستين عيب
يعني انو تبعتو رسائل تفيد بمنحنا 60 دقيقة مجانية هدية من سيريا تل رح تكونو مشكورين اما تسحبوا الهدية وما تبلغونا فهادا قمة العيب وعدم المسؤولية نتصل مكالمة وحدة ندفع تمنها80 ل.س فيا ريت كنتوا تهدوا هدية وتكونوا قدا
سوريا
بحب سوريا 2011-04-04 08:28:02
بدنا سلامتك
خدمة 3G بتجنن شكرا
-سوريا
لولو2011-04-03 21:02:24
على أساس اذكياء و فهمانين
على اساس سريتيل وأم تن اذكياء عطونا ها 60 دقيقة ليبيضو وجه بس يا حراااااام ما كسبو غير سواد الوجه لك بكفي كذب و خداع بيتصل الواحد عالمركز ليحكي مع قسم خدمة الزبائن بضل عم يستنا 30 دقيقة و يوم يلي لغو فيه برامج الشات بتصل فين لاسئلن عن سبب تعطيل الخدمة بيرد علي موظف فهماااان للغاية بقلي انو المشكلة من جهازي و أنو هنن ما قطعو الخدمة يعني على مين عم يكذب مثلا و عم يضحك ولله عيب ما بصير هيك.....
-سوريا
بلا سيريتل وام تي ان بلا بلوط2011-04-03 18:20:40
قال هدية هه
بلا هالساعة المجانية يحسنوا الخدامات تبعون ماني مصدق ايمتا اتبلش الشركة الجديدة من شان كب هالخط بالزبالة
-سوريا
محرداوي2011-04-03 17:14:19
60 دقيقة سرابية
يعني أجو يكحلوها قاموا عموها ما عاد بدنا الستين دقيقة بس بدنا نحكي تليفون ما بقى نحسن يعني الواحد يحكي ضميرو هاي الخطوة من الشركتين يمكن تصنيفها بأغبى هدية بالعالم
سوريا
GHASSAN2011-04-03 16:57:25
شو شحادة ؟؟!!!
شوعم تشحدونا يعني الحمد لله نحن بغنى بس شو من شان صرنا مضحكة للعالم ؟ اناصرت حاكي نص ساعة واجيت لاتصل لقيت رصيدي الاساسي خالص ؟؟!!! شو هل النصبة من شركة الاتصالات بس مو غريبة عنها تعودنااااااااااااا
سوريا
Technology2011-04-03 16:07:45
شي كتير حلو...
اذا منجي منحسبها لحالنا بناءاً على مكالماتنا اليومية اللي بتتراوح من 1 الى 3 يومياً وطبعاً للخطوط المسبقة الدفع معناها الشركة مابتحسن انها تأمنلك الضعف ولذلك الوحدات غالية مو لأني بدهم مصاري لا لأني التجهيزات تبعن مابتتحمل اكتر من هيك. Made in China!!! - !!!Product auf China أو كوري في بعض الاحيان بس قال يعني الكوري احسن!!!
-سوريا
لؤلؤه حلب2011-04-03 16:05:38
خبر عاجل
خبر عااااجل من سيرتل وام تي ان لقد تم تعديل العرض ست شهور ب60دقيقه ومقسمه كل شهر 10دقائق
-سوريا
aimer2011-04-03 16:01:16
الشركات الفاشلة
شو هل المسخرة إنو ما بتقدرو تقدموا شي للمواطن فلا تعملو حالكون متل الشركات الثانية إنو على أساس عم تقدمو عروض ..العما على هل الشغلة صري من مبارح ما اقدرت احكي ولا تلفون ........ شي بجيب الجلطة
-سوريا
مواطن سوري عادي جداً2011-04-03 15:55:45
فكرة بسيطة
يعني القصد من كل هالحركة مكشوفة ومعروفة, وهي قطع الاتصالات كلياً, المهم وبالنهاية لن يصح إلا الصحيح. ومهما كنتم أذكياء, فالمواطن العادي جداً يعرفكم ويفهمكم...قال 60 دقيقة مجاناً قال..
-سوريا
فيصل العطري2011-04-03 15:55:10
منشان الله بلا هالمنحة
اولاً لأنو بينت قديش البنية التحتية للشركتين ضعيفة. ثانياً لأنو بينت قديش شعبنا بيحب المكسب لأنو الناس صارت بدها تحكي بطعمة وبلا طعمة بس لأنو الشغلة ببلاش واللي بيلاقي الشبكو مشغولة بيرجع يطلب مرة واتنين وتلاتة ليعلق الخط وهيك صار نسبة مشغولية الشبكة أعلى من قدرتها على الاستيعاب مما أدى لوقوعها بالكامل.
-سوريا
لؤي 2011-04-03 15:51:05
خخخخخخخ
الحمدلله اليوموامس وفروا علينا مصروف خلوي ومكالمات بالليرااااااااااات
-سوريا
مستفسر2011-04-03 15:50:27
بدي أفهم كيف
بدي أفهم كيف بيعلنو على التلفزيون ووسائل الاعلام كافة انو في 60 دقيقة مجاناً لمدة خمسة أيام واليوم بيبعتولي رسالة انو اصبحت عشر دقائق لمدة 28 يوم لييش حذفوا خمسين دقيقة أنا مبارح ما قدرت أحكي ولا دقيقة بسبب انشغال الشبكة خطي سيريتيل يعني شركة توووووووت
-سوريا
واحد من هالناس2011-04-03 15:52:49
كذبة نيسان
يا جماعة لا حدا يزعل من شركات الاتصالات نسيتوا كذبة نيسان بس ان شاء الله ماتكون كل شهر نيسان
-سوريا
رواد2011-04-03 15:51:13
هههههه
ههههههههههههه فعلا مسخرة ...
-سوريا
عنكبوووت2011-04-03 15:45:51
جديد جديد الفين وهلأ بس بسوريا ستايل
جددددددددددديد ستين دقيقة ببلاش متل العما والطراش اي شو هل الكرم وطيبة الاخلاق عليي الطلاق من ستي انو بلاهم كان احسن لك بدي احكي مع زملائي بالعمل شو هل المسخرة وين الشركة الثالث يلي وعدونا انو راح تصير والله يمكن كمان الثالة مارح يكون عندها اتصالات بالمره وياخوفي كمان تتفق مع الشركتين يلي عنا ونكون بمصيبتين ونصير بثلاث مصايب
سوريا
مواطن ماحدا بيسأل عنو2011-04-03 15:41:44
حاجة كزب بئا
ياجماعة انا عم فوت عالانترنت عن طريق الموبايل يعني خدمة ال GPRS او ال EDGE و التنتين تقنيا بشتغلو على نفس حزمة تردد ال GSM واللي مو شغالة من امبارح يعني الشغلة بفعل فاعل مو ئصة ضغط عالشبكة و مئصودة و لازم اول شغلة تساويا الحكومة الجديدة فتح ملف هالشركتين و بالزات هالفضيحة اللي صايرة هلأ وحاجتن يطرئونا منية الخليوي للشعب و الدولة مو للقطاع الخاص
-سوريا
علاء2011-04-03 15:39:42
الى "مو فارقة معي بنوب"
جميعنا تضرر من عطل الشبكة و صعوبة الاتصال وحضرتك مو فارقة معك وواضح عليك نبرة التخاطب بصفة المستبد وكأننا فقراء ونحتاج الى صدقات بس انت اللي ما بتعرف كيف الناس عايشة برا وقاعد عم تتفلسف, اذا انت مو فارقة معك نحنا فارقة معنا و قاعدين عم ندفع رسوم كل شهر و الخدمة شي بيهوي, نحنا مو لازمنا صدقات بس لازمنا خدمة متل العالم
-سوريا
alprince2011-04-03 15:40:17
عيب
والله عيب على هيك شركات بس شاطرين يعلنو ارباح ضخمة ويضبوها بجيبتون وما يحاولو يحسنو شي ولا يطورو حالن لحتى يصيرو شركات بتحترم حالها والله ما بعرف شو بدي احكي شوما انحكى وشو مابيعبر عن اللي صايرة مع الشركتين
-سوريا
يحيى شاعر الحب2011-04-03 15:38:54
نصابين
والله احسن حل نرجع للعصر الحجري وبلا موبايلات ياريت سكون صوتنا واحد لالغاء هالشركتين
-سوريا
Syriatel, 942011-04-03 15:38:39
ENOUGH
For how long we should keep these 2 companies in our Syria, Pleas syrian people let us stop using cell phones just for 1 week, and u will see what they can do for u.
-سوريا
عطيل2011-04-03 15:30:47
الشبكة
تعطيل الشبكة ليمنعوا تواصل الناس مع بعضها بهذه الاوقات الحرجة
-سوريا
نانا2011-04-03 15:25:47
بلاهم كان احسن
اعتقدت ان الخطأ من موبايلي , نزعت السيم ووضعته في جهاز اخر والنتيجة نفسها , عم يضحكوا علينابالستين دقيقة
-سوريا
وسام نت2011-04-03 15:25:23
منيتن عحالن
ما بدي ياهن وما رح اتصل خلال فترةالعرض شركات الاتصالات مرابحها فلكيه بكفي طمع ورضوا بالربح المنطقي ولا هلء عم تورجونا حسكن الوطني المصطنع عيب والله عيب عليكن طمعكن مبني على استغلالنا
-سوريا
بكفي كذب2011-04-03 15:23:20
عيب هل الحركات
أول شي مو صحيح الشبكة بتستحمل هيك ضغط لأنو 3G شغالة التغطية تبعيتو وسريع يعني وئفة بس على تغطية الجوالات بس هنه مشان ما حدا يستفيد من العرض ويخلص الدقايق المجانية راح اضل واقفة الشبكة ليخلصو ايام العرض وهنه عبيتحكمو من عندون بابراج التغطية وعبئطعو البث بس لو رحتو على المناطق الراقية وجربتو تحكو من هونيك بتشوفو الخط علأ وهنه بالأصل كانت نيتون يئطعو الاتصالات بس مشان ما حدا يهب ويقوم عليهون سكتون بحجة الدقايق المجانية والبقية بتعرفوها ما بدا ذكا كتير القصة
-سوريا
الحقيقة 2011-04-03 15:27:49
حسبنا الله ونعم الوكيل
انا كنت عايش باوروبا هذا الحكي مابيسير اطلاقا واذا صار راح ترفع قضايا عديدة ضد الشركة مطالبة بالتعويض وهذا الشي المطلوب بهيك حالة .يااخي تصور انو انت ضعت بالصحراء او انك علقت بالاصنصير او وقعت بحفرة وبدك تتصل مشان المساعدة شو كان صار فيك بهيك حالة .الله لا يوفقهن والاصول لازم يتحاسبوا للاسف الشديد لو انو في حريات كان انا اول واحد رفعت قضية عليهم .ناس مابتستحي و حسبنا الله ونعم الوكيل
سوريا
رايسا2011-04-03 15:24:49
عدلووو الكادو ههههه
سمعت انو تعدل القرار بس ما بعرف التفاصيل ,,
-سوريا
أبو الريم2011-04-03 15:21:24
مشان الله وقفوها
مشان الله خدوها وحّلَّو عن ... عني، بدنا نعرف نحكي تلفون بقا تعطل شغلنا ، عم تاخدوا متل مابدكم عطونا متل مابدنا وما بدنا منية حدا ، شو هالمهزلة، حتى المسجات ما عم تطلع
-سوريا
waseem2011-04-03 15:10:14
مبدنا شي منكون
نحنا تجاه مواقفنا الوطنية مع سيادة الرئيس بشار الأسد ومع بلدنا الغالي سوريا مبدنا شي من حدا هيدا واجبنا وهيدي سوريتنا مش ناطرين شي منكون يا شركات الأتصال لوهديتونا ياها هيك مزعلنا بس انتو متساومونا على وطنيتنا لك نحنا دمنا بيرخصلك يا سورية ويا قائدنا الغالي بشار
-سوريا
ميدووو2011-04-03 15:06:16
العمى
لك صحيح مابيستحو عالقليل يعتذرو من العالم عن طريق التلفزيون الله لايوفقكن على العملة وياريت المشتركين كلن يحرقو البطاقات ويبطلو اتصال لمدة اسبوع لشوف شو هيصير فين لازم يتربو بقى وحاجة بهدلة يلعن يلي مابيستحي .........
سوريا
هدى2011-04-03 15:07:48
مو قد الكرم بلا ما تتكارموا علىينا
بنحب نطالب شركة سيرياتل وإم تي إن إنو يلغو هل العرض ويلي هنن أصلا مو قدو مشان نرجع نعرف نتصل ونمشي أمورنا، ولا يعرضوا كتافهن تاني مرة ويتكارموا على هل الشعب وقت مانهن قد هيك عروض . وإذا هنن مثلا حابين يشكروا هل الشعب فعلا في مليون طريقة غير هل العرض يلي عطل مصالح العالم، وإذا بحبو يسألوني مشان قلهن شلون!!!
-سوريا
علي 2011-04-03 15:01:45
برافو سيريتيل
برافو سيريتل كل مره متعودين انه نشوف هيك عروض ذكيه منك لتبين مدى استهزاء الشركه بالمواطنين وكانوا عم تقولهم كل شي بايدنه نعطيكم دقائق مجانيه بس الشاطر اللي بيقدر يتصل لك شو هل الشركه بجد اللي شغالين فيها عباقره بالضحك ع الشعب وهي اذا ماكان تعطيل الشبكه مقصود... برجع قول برافوا مليون مره وبجد الواحد احسن شي يهج من هل البلد لانه هون بحس نفسي غبي قدام ذكاء العاملين بالشركه وتفننهم بالضحك علينه
سوريا
هشام2011-04-03 15:00:45
المشغل الثالث
اعزائي انا اول واحد بس يدخل المشغل الثالث بدي حول اله مافي احترام ولا خدمة زبائن علما انه عندي 30 خط من سيرياتل.
-سوريا
عمار2011-04-03 14:59:43
غباء السيريتل
الله لا يعطيهم العافية على هالعرض رجعونا عالعصر الحجري يعني اذا بدك شخص لازم تروح لعندو شخصيا...... كلفونا تكاسي ومواصلات قد 10 ساعات مو وحدة
-سوريا
"قرفان من الخليوي "2011-04-03 14:50:38
شو السر ورا هالكرم
الموضوع ببساطة انك تحاول تتصل عدة مرات بنفس الطرف ويفتح الخط وينقطع الاتصال بعد كم ثانية وترجع تتصل ..... لو بدون يعطوها هدية كانو حسمو من الفاتورة ستين دقيقة وبلا وجع القلب وللا عملو هيك( لغاية في نفس يعقوب)
سوريا
مغترب2011-04-03 14:55:45
شكرا سيادة الرئيس على هذه العطاءات
صرنا متعودين عليها وخيرك سابق
-سوريا
mk7322011-04-03 14:54:46
خلصنا
خلص مبارح نمت منعي 35 دقيقة مجانية واليوم مافي شي سرقوهم كان بلاهم من الاول
سوريا
فادي حلب2011-04-03 14:54:18
على مين عم تضحكوا
البارح اجريت اتصالين فقط و اليوم ما قدرت ولا حتى مسجات !!!! شكراً على هذه الصدقة و يا ريت كان بلاها
-سوريا
مواطن سوري2011-04-03 14:48:23
تقييم لشركة الخليوي
يعني بدون مجاملة و بكل فخر بتاخدو جائزة أسوأ شركة اتصالات بالعالم بهنيكم
-سوريا
ابن البلد2011-04-03 14:49:06
في إن..
والله هالقصة كلها فيها إن...
-سوريا
ابوجود2011-04-03 14:37:06
وين راحت الدقايق
انا اليوم ما صحلي احكي غير دقيقتين وبعدها تجيني الرسالة انو باقي برصيدي 1دقايق مجانية برايكم اثرت حراة الجو على جوالي وبخرت منو الدقايق......يجوز وبعدين ياجماعة برايكم انو الشركة مهتمة بشكاوينا ......لاحياة لمن تنادي
سوريا
مغترب2011-04-03 14:36:52
فرحانين
شو فرحانين في الساعه المجانيه ما في ولا شركة اتصالات في العالم كلها مثل سيرتيل و MTN كفى ضحك وفساد وكذب على الناس زهقنا من وضعنا السيء والله عيب
-السعودية
لولو2011-04-03 14:33:11
خدووون منشانو لله
منشان الله خدو هال60 دقيقة لتحفة مابدي ياهون بس بدي احكييييييييييييييييييييييييييييي تلفون لك لعما من اول العرض ما عم نئدر نحكي
سوريا
قال اذابدك توجبوا عاتبوا2011-04-03 14:22:20
والله يا هيك شركات يا بلى
يعني شو بدي احكي ولك شو ما قلت بكون ما عطيتكن حقكم لا بد من محاسبة المسؤولين على هكذا عمل بس مو غريب مو غريب بنوب هاتين الشركتين لا يحترمون المواطن السوري ولا يحق لهماالتواجد في السوق السورية هذا اذا السلطة التنفيذية والتشريعية بيحترموا حالهم لابد من تعويضات ماللمتضررين والسلام ؟
-سوريا
سامر2011-04-03 14:25:08
ولي على هيك شركات
لك يا عمي ما عاد بدنا 60 دقيقة مجانية خلص اذا بدون ياخدو هني مننا بس يفتحو لخطوط لك سببولي ازمة عنا ضروريات نحنا والله تعطلنا
سوريا
أبو عمر2011-04-03 14:24:17
يا محلى امبارح
بهنيكي شركة سيري تيل ارحمينا من عطائك عنااتصالات مهمة قال أجا يكحلها آم عماها
-سوريا
عصام السلوم2011-04-03 14:22:59
لا حدا يزعل
يا جماعه لا حدا يزعل من هل الشركات المحترمه كلا ل 6 الشهر بيخلص العرض تبع 60 بهدله وبترجع الشركات المحترمة لطبيعتا بتشليحنا المصاري
سوريا
ابن سوريا2011-04-03 14:18:51
مافي فايدة
يعني مومعقول اذا ماعندكون امكانية لتستوعب كل سكان سوريا فبلاها هالشركات يلي مالها طعم وخلي شركات العالم الاجنبية والعربية تجي وتشوف شغلها والله احسن من كل هالعلاك قال 60 دقيقة ومافي شبكة
سوريا
lمواطن2011-04-03 14:18:35
الجراة
بداتم ياسيريا نيوز ونطلبكم بمزيد من الجراة ونحن معكم كونو صوتنا رجاء
-سوريا
روزيت2011-04-03 14:14:26
اقتراح افضل
في هذه الاوقات كانت خدمات الشبكة هي افضل ..... لكن لو كان اقتراح شبكة الخلوي ان تجعل فاتورة المتصل للنصف او الربع برايي اقتراح افضل ..... او الغائها لبعض الناس حسب عملهم الذي يفرض استخدام الشبكة بشكل مكثف ....شكرا
سوريا
el vieho2011-04-03 14:05:37
عيب
انا متنازل عن عرضكم الكريم والرجاء الفاء هذا العرض فورا لنتمكن من اخذ عائلاتنا وتوصيلهم في الوقت المحدد بدون بهدلات عيب بحقكم وحقنا
سوريا
لاذقاني2011-04-03 14:12:51
ماتواخذونا
يعني باشركات الخليوي ماتواخذونا انتو بهالعملية عملتو ازمة اتصال كان احسن اذا كنتو رايدين تفيدو الشعب انو تخصمو مثلا 30% من فاتورة الشهر الماضي
-سوريا
مو فارقة معي بنوب2011-04-03 14:03:17
بشرفي شعب مو لابقلو شي
يا عالم شبكن فوق ما عطوكن ستين دقيقة عم تحكو هلق عدلو عهالقصة وعملو 10 دقايق كل شهر لمدة ست اشهر شو بدكن احسن من هيك بس عالم ما بتعرف غير تنق وتحكي كلام بلا طعمة
-سوريا
محمد2011-04-03 14:03:02
بطلنا
يأحي مابدنا هي 60 دقيقة بس خلينا نحكي كم مكالمة والله وقف كل شغلي اليوم
-سوريا
Samow2011-04-03 13:59:24
سوء خدمة وضعف في البنية التحتية
للأسف كلا الشركتان لم يكونان بالمستوى المطلوب حتى الآن وأظهرتا عجزهما التام على توفير الخدمة بحدها الأدنى مع رسوم عالية جدا مقارنة بالبلاد المجاورة هذا إستغلال وجشع فاضح على حساب المواطن
-سوريا
مايا2011-04-03 13:53:29
ذل فلوسك ولا تذل نفوسك
طيب في مشكلة بالشبكة يمكن!!!..بس الأنترنيت شغالة كيف صار هيك؟؟؟ معقول لأنو مافي ميغايات مجانية؟؟؟؟؟؟؟؟؟؟ فعلا كل شي حقو معو ..
-سوريا
عمر2011-04-03 13:51:04
في شك بالموضوع
أنا أشك أت هناك عمليات تقوم بها الشركتان خلال هذه الاربع الأيام حيث ينتج عنها هذه المشكلة في الاتصالات! و للعب على المواطن، قامت الشركتان بإهداء 60 دقيقة من أجل جعل المواطن يعتقد أن هناك ظغط على الشبكة بسبب الستين الدقيقة المهداة.
-سوريا
Alaa2011-04-03 13:47:08
عروض فاشلة
ياعالم كل المشاكل من الشركتين ياأخي مابدنا 60 دقيقة و لا حتى ثانية مجاناً يشغلو الخطوط و يلغو العرض أفضل شي لأنو الأتصل الضروري ما عم يعلئ معنا بالمرة ... مفكرين لحنا بالسعودية لحتى يعطو 60 دقيقة فعلاً لا تنسو لحنا بسوريا و على فكرة و حتى لو نل مشغل تالت بسوريا شروط العقد(( بدون أي منافسة ))
سوريا
هيثن\\م2011-04-03 13:43:28
بتحيررو
والله انتم بتتحبرروو لك مت غب عرض صار عرض مابجي هي امكانيات شو بدنا نساوي مان من مفروض تحديد ساعات معينة من يوم
-سوريا
romarios2011-04-03 13:23:45
زيد الغني غنى
يعني الواحد شو بدو يحكي .انا اكيد انو كرمال خصخصة الكهربا عملو هالموضوع ليشوفو اديش بيصرف الواحد و هوي عم يشحن تلفونو من كتر الاتصال ..يعني كنت اسمع انو في فن بالسرقة بس هلا شفت ما حدا قلي ..انو قليلة يعني شركة اتصالات هربت هريبةمن عنا ..يلا اليوم اتصالات بكرى الكهربا بعدين الغاز والنفط و اخر شي ممكن الهوا و الله يستر.....الله يخلينا الرئيس لانو اكيد رح يغير
سوريا
مرينا2011-04-03 13:33:57
BAD..........!!!!!!!!!
يا سيرياتيل يا حبيبتي ويا ام تي ان يا روحي بليز يا لغو العرض ومسامحين بالـ 60 دقيقة انقطاع يا لا تلزمونا بمدة محددة لانو بدي احكي مع أهلي ما عم بقدر بلييييييييييييز
-سوريا
مواطن2011-04-03 13:23:13
ارحمونا من كرمكم
لا نريد الدقائق المجاية نريد ايقاف سرقة 400 ل س مع كل فاتورة ارحمونا يا مسؤولين
-سوريا
GiO2011-04-03 13:20:45
حسب رأي
نحن المواطنين دائماً منشتكي من ثمن المكالمة الذي تبلغا سعرها الدقيقة الـ 6 ليرات ,, وبرأي الخاص الشركتان عملو هلشي بس مشان المواطن يقول " لك يا أخي بدفع 10 ليرات كمان , بس أفتحوا الشبكة " يعني بدل ما نحن نقاطع الشركات , الشركات قاطعونا ... على فكرة لو يكون في ضغط علشبكة , الأنترنت ما بشتغل علموبايل وأنا ألي 7 ساعهات مشغل نيت بدون ما يفصل ... هاهاها ,, شو هلمسخرة ...
سوريا
سامح عرفة2011-04-03 13:22:01
شركتي النصب
من كل قلبي مشكورة سيريا نيوز على هالفرصة وبدي فش غلي لك معي خطين من الشركتين ولا واحد شغال عطلتولي مصالحي الله يعطلكن اكثر مو معطلين لك منيتكم على حالكم بس شغلو الشبكة.على كل حال الله كبير ماقدرتو غير تطلعو على واجهة الاحداث لينضرب فيكم المثل بالفساد اليوم اسمها ماشية هالموضة.لك احترمو هالمواطن شوي والله عيب شو نرجع للحمام الزاجل .مشان الله وين المشغل الثالث خليه ينافس (هاد اذا ما شدوه لعندهم ) بدي احكي كلمة كبيرة بس ماطلع معي غير طووووووووووووووووووووووط.شكراللنشر
-سوريا
حمصي2011-04-03 13:17:43
اليوم حاسس حالي عايش بالعصر الحجري
شو القصة اليوم ؟ الانترنت عم يجي 5 دقائق و بعدين ينقطع ساعتين .. مافي لا موبايل ولا انترنت .. بنتمنى تنحل مشاكل الاتصالات بسرعة و ما بدنا الدقائق المجانية مع الشكر
-سوريا
مي2011-04-03 13:12:54
قال مسخرة قال....
عطونا دقائق بس كيف يتم صرفهم؟؟؟ من مبارح ما عم بقدر أحكي كلمة ع الموبايل و ما عندي أرضي و أهلي بعاد ...بلاه هالكرم ..لأنه كل ذل بذل..ياناس ياعالم شو عم بيصير
-سوريا
آلاء2011-04-03 13:11:02
مسخرة
من شان الله لا عاد يعطونا ثواني ببلاش بهدلتونا
-سوريا
زعلان عليكن2011-04-03 13:08:12
مساااكين شعبنا
لك عم يضحكوا عليكن ويفضوا جيوبكن وبجربوكن متل فئران المخابر بس شكلكن لسه بتستحملوا هذا الاستنتاج.. هددتوا بالمقاطعة وماحدا نفذ عملتوا صفحات عالفيس بوك وماحدا رد عليكن خرجكن بتستاهلوا
-سوريا
برلنت قندقجي2011-04-03 13:06:17
حلوها بقا
شي مسخرة يا عمي لا تعطونا بقا ساعات خلونا نحكي موبايل ضغط شبكة مشغولة وب 4 ايام الله وكيلكن اليوم لدريت بالهدية المضروبة الشركتين عملو متل الجمل بقرش وقرش مافي يعني مافي تقنية وابراج كفاية والعما كمان هالعالم يلي متل الجراد عالتلفون مو معقول من الهمج شو صارلن شوي وعي وضمن المعقول شي هاد عم يحكي مع صاحبتو ساعة لتخلص وشي تنين ببيت واحد يحكو لتخلص الساعة
-سوريا
صاحب مصلحة2011-04-03 13:01:01
خربتوا بيتنا
مشان الله منبوس ايدكم وقفوا هذا العرض انو حيخرب بيتنا ولحنا منهديكم 60 دقيقة زيادة بس خلونا نعرف نشتغل
-سوريا
سوري جدا2011-04-03 12:59:23
انتو فهمانين الموضوع غلط
يا جماعة انتو فهمانين الموضوع غلط كان العرض ناقص كلمة يعني 60 دقيقة / صمت / مجانية انتو الغلطانين!!!!!!!!!!!!!
-سوريا
مواطن فهمان2011-04-03 12:49:52
الضحك على المواطن
الضحك على المواطنين من قبل المسؤولين واصحاب الشركات الخاصة والنظر الى المواطن على انه درويش ما بيفهم هو الذي اوصل البلد الى ما نخن عليه الان قولوا بدكم تقطعوا الاتصالات صراحة و أحترموا عقولنا
سوريا
issam-rrr2011-04-03 12:49:37
يا ريت مشغولة
يا ريت يا ريت ياريت كانت الشبكة مشغولة المصيبة موبايلي ما عم يعرف إنو هو سيرياتيل موبايلي عم يبكي من 3 ساعات بدو يحكي وللأسف بيطلعلي رسالة No Network Coverage او أنت خارج التغطية :O والكارثة إني بمركز المدينة بالسبع بحرات الله كبير
-سوريا
Steven2011-04-03 12:50:37
مسخرة
والله مسخرة , والله عيب , ياأخي نحنا منعطيكون تحكو ساعة ع حسابنا بس ضبطو هالشبكة الزفت والله عيب .........
-سوريا
loulou 2011-04-03 12:40:53
ضرب منية مو أكتر
القصة على ما يبدو ضرب منية مو أكتر و برستيج للشركتين لأنه لو القصة قصة ضغط كان على الأقل مشي حال الاتصال مع عالم أو بعد عدة محاولات بس الشغلة تماماً بلشت الساعة 12 بالليل مبارح و هنون بهالوقت بيعملوا أي تعديل عالسيرفرات تبعهون. اليوم عنا بالشركة اضطروا يستعينوا بأرقام هواتف المنازل للاتصال بالعالم لأنه ما حدا عم يقدر يتصل أبدا أبدا. يعني لو بدال هالمكافأة هي كانوا يخصموا من الفواتير قيمة 60 دقيقة و صلى الله و بارك ( و لا هيك أربح ) ؟؟؟؟؟؟
سوريا
أبو أصلان2011-04-03 12:43:12
اكتشفت السر
يا جماعة من فترة اسمعنا إنو الشركتين بدهم يركبوا أبراج جديدة تعمل بالطاقة الشمسية. الأمر المؤكد أن تم تنزيل العرض في فترة تبديل الأبراج للتغطية وهذا هو السر
-سوريا
مو معقول 2011-04-03 12:42:16
شو عم يعلمو الشباب الطيبة
يلي بدي افهمه اذا الشباب الطيبة بدهن يسمعو كل العالم شو عم يحكو بيوقفولهن الشبكة لحتى يلحقو يسمعو العالم شو عم تحكي و الله غريبة
-سوريا
لايوجد شبكة2011-04-03 12:40:23
مالي فهمان
طيب اذا موضوع ضغط ليش الشبكة عم تروح طول النهار انا من مبارح جوالي بيقلي لا شبكة و ما بيستقبل و لا بيرسل حتى رسائل مو شغالة حدا يفهمنا شغلنا نشل و تعطل شو هل المسخرة
-سوريا
خالد2011-04-03 12:30:47
مهزلة
شو هالمهزلة لا نريد دقائق مجانية بس هذا اظهر امكانية الشركتين و درس لمؤسسة الاتصالات السورية كي يزيدو عدد المشغلين الى 5 و ليس ثلاثة
-سوريا
adib2011-04-03 12:32:39
عيب
الشركات فصلت كتير من الخطوط عن الشبكة عن قصد..اريد ذكركم انه براس السنة 2011 ماصار ضغط والكل استطاع الاتصال بالرغم انه كتير عالم بتتصل خلال الدقائق الاولى من السنة الجديدة ...شو سر هل الضغط العظيم الموجود حاليا
سوريا
روعة2011-04-03 12:22:07
اسا الفساد
يعني مستمرين هي الشركتين بالضحك علينا .. قال شو 60 دقيقة لانه كنا وطنيين لك عييييب لازم يفهموا هي الناس انه لحنا مع السيد الرئيس لانه حبيبنا و هو بقلبنا و ما بدنا منهم شي غير تكون اسعارهم و خدماتهم متل بقية الشركات بغير بلدان .. بكفي حاج
سوريا
ايمن2011-04-03 12:23:12
لايوجد
الرجاء الغاء الـ 60 دقيقة مجانية لأن هناك أعمال تعطلت بسبب هذه الدقائق
-سوريا
ابو عزام2011-04-03 12:16:08
تفو عالهالشركات
يعني بربكم هي شركات محترمة ياجماعة شوفو الاتصالات خارج البلد ياشباب ببلاش وخدوا على عروووووووض الا نحنا مامنتغير شبكات فلتانة شم ولاتدووق يا اخي مابدنا عروووض مابدنا شيئ خلوا الاتصال متل ماكان قال عروض قال
-سوريا
khaleed2011-04-03 12:16:08
ارجو التلبية
ارجو من شركات الخليوي في سورية الغاء ال 60 دقيقة مجانية لكي نتمكن من الاتصال بمن نريد فإن الجوال وجد للضرورة و لكننا الان حتى عند الضرورة و هو بيدنا فلا نستطيع استخدامه
سوريا
عبد2011-04-03 12:16:21
كرمااااااااااااااء
حابين تساوو عرض لا تحددوه بمدة.. لكان شو هاي 4 أيام و60 دقيقة وبالآخير طلعت الشبكة ما بتتحمل
-سوريا
مواطن2011-04-03 12:14:55
إلى مغترب أفندي
انت عم تحكي جد ولا عم تمزح؟ أكيد عم تمزح. لأنه مثلا الأربع ليرات ( لخط لاحق الدفع ) أكيد مو متل 15 قرش مصري ( حالي ليرة وربع ) وأكيد مو متل الحكي ببلاش ضمن الشبكة بالأردن وأكيد...
-سوريا
صقر2011-04-03 12:01:53
يوم جديد
اليوم هو يوم الاحد وايضا لم نستطيع الاتصال الشبكة مشغولة هل يعقل هذا يا جماعة اشغالنا واقفة مو معقول لا وكمان يلي بيقهر بتتصل بالشركة بقولولك عفوا شو مشكلتك ليش ما بعرفوا شو المشكلة هذا اسنخفاف بعقول الناس
-سوريا
ابو عمر2011-04-03 12:02:27
شبكة معفنة
وللك تعالو شوفو العروض يللي صارت بلسعودية شهر وللك شهر مكالمات مجانية وماصار شي بلشكبة ولا اي ضغط وعم يلطشو بسوريا هديك الحسبة متل المنشار ئيمت بدنا نصير بس ئيمت
سوريا
ziad sh2011-04-03 11:58:18
شكراااااا على هذا الكرم
الخسائر التي سببها سوء الإتصال من وقت و مال أكبر بكثير من الفائدة التي من المتوقع تحققيها من 60 دقيقة و الله أعلم إذا قدرا أصلا أي شخص من الإستفادة من ربع الوقت الممنوح .. فشكرا على هذا الكرم الغير مطلوب .
-سوريا
سيد قشطة2011-04-03 12:00:43
صحتين على قلبكم
صحيح لا تقسم و مقسوم لاتاكل وكول لتشبع, صحتين على قلبنا والله مقلب طيب تمام
-سوريا
الساجوري من مسقط2011-04-03 11:46:53
شو هالكرم
انا مقيم خارج سوريا حاولت اتصل بأهلي 3مرات يفتح الخط و يطلعلي شخص أخر ولم اكن اعرف شو السبب اذا كنتم كريمين وتهمكم مصلحة المشتركين خفظو سعر الدقيقة وكثر الله خيركم ..
-عمان
دكتور حلبي2011-04-03 12:01:24
احتكار واضح
الظاهر ان هناك شركات لا يصلح معها الا جو التنافس الحقيقي وليس جو التنسيق بين شركتي ام تي ان وسيرتيل لان الوضع تجاوز كل الحدود ..
-سوريا
اديب2011-04-03 11:56:34
شو هل المسخرة
حصر العرض ب5 ايام اذا بيدل ع شي فهو يدل على قله احترام الشركتين للمواطن السوري ...نطالب ان يكون العرض لنهاية الشهر ..او مابيناسبهم حتى مايستفاد اي مواطن منه مســـــــــــــــخرة
سوريا
Ayman Mohammad2011-04-03 11:51:57
مكرمة عطيمة
نرفع ونهلل ونبارك لشعب امتنا العظيم بالمكرمة العظيمة من السادة المساهمين في شركتي الاتصالات الخلوي الوطنيتين على هذه النتائج الجبارة التي حققوها من خلال هذه المكرمة
سوريا
سنفور غضبان2011-04-03 11:45:24
أنا أكره الخليوي
لعمى على هالسنافر صحي ما بينعطوا وش لك بدل ما تستغلوا الموضوع لتخفيض نفقاتكن صار بدكن تحرقوا الستين دقيقة بأربع إيام... يعني اللي بحياته ما حكى عالموبايل أكتر من دقيقتين بالنهار صار بده يحكي ربع ساعة بس لأنه ببلاش كأنن مال حرام آه صحي. بعتذر.. هنين فعلا مال حرام.. مسحوبة.. احكوا أخي أحكوا
-سوريا
النسر2011-04-03 11:47:06
حترنا يا قرعه منين نمشطك
من المعروف بأن الهاتف هو للضروره و لكن لو إستخدمنا الهاتف و هذه الميزه ضمن المنطق لما إنشغلت الشبكه إلى هذا الحد و لكن اصبح الطفل الذي يحمل هاتف نقال يقوم بالإتصالبالبقاله ليسأله عندك حليب أم لا؟؟؟؟ما أقصده بأننايجب إستخدام الدقائق عند الحاجه و نطلب من الشركة أن يكون هنالك تمديد لمده هذه الدقائق إذاتحقق الغرض المرجو من الموضوع (الهديه) لكي يخف الضغط و أطلب من أهل الأولاد أن يوقفو سخافات أبنائهم بستخدام الهاتف النقال عل الفاضي لأن الهاتف للحاجه و ليس للعب(أدام الله سوريا و الرئيس بشار)
سوريا
مواطن يعشق البلد2011-04-03 11:42:04
يعني هذا الكرم الطائي لسنا بحاجته فقد توقفت أعمالنا و أشغالنا ونحن لسنا بحاجة لأي عطاء من الشركتين الفاشلتين و طبعا اكيد رح تنتهي الأربعة أيام و يخلصوا الدقائق المجانية بدون استخدامهم مشان يكمل الفلم
-سوريا
morad2011-04-03 11:36:26
no
عطونا 60 دقيقة من هون وخريطت الشبكة من هون شو ستفدنا الامس ماقدرت احكي ولا مكالمة بالجوال والله مسخرة
سوريا
ابو الميم2011-04-03 11:29:05
معقول
اولا بال60 دقيقة المجانية وفروا علي ملايقل عن 15 اتصال مأجور بسبب انشغال الشبكة. ثانيا معقول الشبكة مشغولةللاتصالات والمواطن قادر على ارسال الرسائل النصية واستخدام الانترنت على نفس الشبكة ؟؟؟؟؟؟؟
-سوريا
سورية2011-04-03 11:10:41
خفضوا الرسوم لشوف
والله بعمركم ما بتصيروا مليون مرة حاولت الاتصال من دون فائدة والله حرام عليكم شو الناس لعبة بين ايديكم .. اذا كل هالاد كريميين خفضوا الرسم وتكلفة المكالمة متل باقي هالدول ..
-سوريا
سنفور غاضب2011-04-03 11:03:07
اتصالات فاشلة
اولا شعب سوريا شعب الاسد مو ناطر كرم هالشركات نحنا نزلنا لنأيد السيد الرئيس مو مشان كم دقيقة ثانيا انتو هيك اثبتو فشل الشبكة لك شبكة مو قادرة تحمل هيك ضغط شو منها لك حسيت انو هالشبكة عليها 2مليار مشترك لك عيب عليكون لك مابدنا شي مجاني بدنا بس نقدر نحكي يا عالم اذا الواحد كان عم يموت وبدو يتصل بشي حدا يسعفو شو بيعمل بحالو مبارح حاولت اكتر من 200مرة مامشي الحال شحنت جهازي مرتين ولا قدرت اتصل ولا مكالمة عيب عليكون رجعو الاتصال وردو ال60دقيقة مابدنا منكون شي
-سوريا
الإدعشري2011-04-03 11:02:54
إعلان إفلاس
بغض النظر عن أصحاب شركات الخليوي ولكن من الواضح جداً أن الشركات قامت في الدرجة الأولى من أجل جمع الأرباح السريعة , خصوصاً بعد معرفة أن شركات الاتصالات الخليوية تكون ذات ربحية أعلى في عمرها المتوسط أي بعد التأسيس وعندما يصل عدد المشتركين إلى الخطة المرسومة , بعد ذلك تدخل الشركة في مرحلة الثبات تقريباً أي لا زيادة في الأرباح ثم بعد ذلك تبدأ الأرباح بالتناقص بشكل طفيف على اساس الصيانة الدائمة لأجهزة الاستقبال والبث المتقادمة , وبمعرفة أن أصحاب الشركات غير مستعدين للوصول إلى هذه المرحلة تعرف
سوريا
موظف 2011-04-03 10:50:19
وبعدين ؟
يعني معقول ؟ 60 دقيقة مجانية وبعدين تنشل كل الاتصالات .. انا موظف بشركة واعتمادي على الاتصالات بشكل كبير بقى شو فيني اعمل من مبارح مو قدران اتصل وتعطلت اعمالي ..؟؟ الحمد الله على كل حال .. وناطرين المخدم التالت .. انا اول المشتركين في ان شاء الله ...أخي مابدنا 60 دقيقة .. بلاها ...يعني خيركن سابق .. مشكورين .. منيح الواحد مو مقطوع بشي مكان شو كان عمل بحالو ؟
سوريا
مغترب2011-04-03 10:23:11
قرار متسرع بالهديه
نتيجة الضغط على الشبكة من هذه الهدية المجانية عندما نتصل من خارج سوريه تظهر كأن الاتصالات في سوريه مقطوعه وبدا اصحاب النوايا السيئة خارج سوريه يروجون بأن سوريه قطعت الاتصالات لديها من اجل المظاهرات حتى بنتا نحن الذين نكذبهم ونحاربهم في الخارج نصدق كذبهم..نرجو حل للمشكة بأسرع وقت لان الحرب الان اعلامية تعتمد على الاتصالات
-سوريا
سوري مغنرب2011-04-03 10:15:08
لا للاحتكار
هذا الشئ إن دل فيدل على ضعف أداء هذه الاحتكارات المسماة بالشركات في بلدنا الحبيب سوريا كيف لا ! ياعزيزي البنية التحتية لشبكتي الخلوي يسوريا سيئة جيدة وتم جلبها من بعض الدول العربية بعد الاستغناء عنها وثبوت عدم صلاحيتها .. ودمتم سالمين
سوريا
عبير2011-04-03 10:19:30
سركات فاشلة
شركات الخليوي عندنا غير قادرة إلا على سلب أموالنا , أما إذا أرادت تقديم أي عرض فتظهر عيوبها و تقصيرها, أتمنى عدم تقديم أي عرض جديد لأنها شركات فاشلة
-سوريا
تيما2011-04-03 10:12:15
دمشق
تمنيت مايكون في دقائق مجانية حتى استطيع الاتصال بمن اضطررت الاتصال بهم. للأسف لم استطع شكراسيراتيل شكرا MTN
سوريا
سوري بالسعودية2011-04-03 10:11:28
هلق عرفتو انو شركة فاشلة
والله بكره اتصل على اهلي لان بيرتفع ضغطي كل ما اتصلت و بعمل مشكلة لان ما عبيسمعوني
-سوريا
حمود2011-04-03 10:03:26
مع الاسف !!
كل المكتوب هنا صحيح هنا في محافظة ديرالزور منطقة الميادين لا أحد يستطيع اجراء مكالمة والسبب الشبكة مشغولة !!مع الأسف يحصل هذا لكن الناس تتحدث أنه تم أشغال الشبكة من قبل الشركات المشغلة حتى تنتهى مدة العرض و لا يستفيد منهاالمواطن ألا القليل !! و ألا ما هي المشكلة أذا بقيى العرض شهر أو 15 عشر يوم ؟؟
سوريا
طبيب طواريء2011-04-03 09:56:36
تلبك معدي
كان من الافضل الا تعطوا هذه الدقائق المجانية لانها سببت عسر هضم في الشبكة فمعلوم انه عندما يبتلع الانسان كمية كبيرة من الطعام بوقت قصيير اما ان يختنق او يحصل لدية تلبك معوي..الشبكة كلها لمدة يومين نحاول الاتصال ضغط هائل ..استغرب اذا كنتم كرماء لهذه الدرجة على الاقل كملوا كرمكم وزيدوا المدة خلوها بدل من يومين عشرين يوم حتى لايحصل ضغط على الشبكة وتتعطل مصالح الناس خاصة لمن يعتمد على الموبايل لحالات الاسعاف والطواريء
سوريا
قال كرم2011-04-03 09:43:17
كرم بدون كرم
يعني متل شم ولاتدوق , و بنقطعلك الخط 4 ايام واتصل ببلاش اذا بتغدر شو مخلفينك ةنسيانينك احنا كل شي بحسابو عمي
-سوريا
رأي تقني 2011-04-03 09:42:46
أظهرت ضعف الشبكة
إن المساحة على الشبكة توزع على شكل سعات تقاس بالميغا بايت حيث لكل خط سعة محددة على الشبكة موزعة بين انترنت و مكالمات و رسائل ...و في حال قررت الشركة زيادة عدد الخطوط المشغلة من دون زيادة سعة الشبكة فيمكنها ذلك من خلال تخفيض السعة المخصصة للخط الواحدو توزيعها على عدة خطوط مما يؤودي الى تقطع الاتصال و التشويش و الصدى و انقطاع جلسة الانترنت و كل المشاكل المذكورة في المقال و على الأرجح هذا هو السبب و الصيف عالأبواب ..و الصيف عالأبواب الله يكون بعوننا
سوريا
IW2011-04-03 09:27:05
فيلم هندي
وكأنه كان المقصود ايقاف الشبكة؟؟ انه ليس كرم طائي مفاجئ !! إنه فيلم هندي !!
-سوريا
Doctor2011-04-03 09:22:07
كرم حاتمي
غداً يتفاجأ الجميع بقيمة الفاتورة في شهر نيسان ’ رجاء من الجميع ألا يتورطوا بهذا الكرم الحاتمي المفاجئ
-سوريا
Manuelaaaaaaaaaaaaaaaa2011-04-03 09:17:24
هههههههههه
شر البلية مايضحك .. كأنهم حالفين مايفارقوا الفساد . وينك ياسيادة الرئيس تشوف كيف عم يضحكوا علينا نحن المواطنين
-سوريا
مغترب2011-04-03 09:01:44
الاتصالات في سوريا
اسعار الاتصالات في سورية رخيصة كتير مقارنة بدول ثانية حتى انو الشركات الاجنبية متخوفه من دخول السوق السوري لانو من الصعب تنافس هي الاسعار ...لكن سمعت مؤخرا ان شركة اتصال اجنبية او خليجيه راح تدخل السوق قريبا وفي حال كانت اسعارها تنافسية ممكن تخفض اسعار الاتصالات اكثر
-سوريا
سوري مغترب2011-04-03 09:01:02
فشل مسبوق
شركتان فاشلتان بكل ماتعنيه الكلمة من معنى يمننو ن المواطن ب60 دقيقة مجانية ويقومون بتعطيل الاتصالات لحين انتهاء مدة العرض كي لايستفيد منها المواطن فلينظروا الى الدول الاخرى وكيفية عروضها للمواطن التي غالبا ماتكون بالاشهر ام انا المواطن السوري لايستحق
-سوريا
inventor2011-04-03 08:44:58
نرجو من وزارة الاتصالات التدخل
كما نرجو من الشركتين الرد على المادة المنشورة.وتعويض المشتركين اللاحق الدفع تعطيل عملهم يوم امس كونهم ملتزمون بتسديد اشتراك شهري للشركة.الاشتراك الشهري 450 ليرة تقسم على 30 يوم ثم نضرب الناتج ب8 مليون مشترك . ويكون الناتج 120 مليون هذا لم يتكرر اليوم ايضا.
-سوريا
mazen2011-04-03 08:46:53
ياعيب الشوم
ياعيب الشوم وانا اتوقع انو الشركة 3 مارح تعمل شي لانو احسن شركة هية الاتصالات انسحبت لانو بتحترم حالها وزباينها
-الإمارات
دانا2011-04-03 08:44:46
ياريت يلغو العرض مشان نقدر نعمل اتصالاتنا المهمه
سوريا
jawad2011-04-03 08:03:17
تعليق على خدمة ال 60 دقيقة
لا أعتقد وفي ضوء الاحداث التي تشهدها سوريا ان تكون شركات الخليوي قد عطفت على المواطن السوري ومنحته 60 دقيقة مجانا وهي لن تضر بسمعتها لتسمح بهذا العرض وهيه تعلم لن تنفذه على المستوى المطلوب لذا فهي قامت متعمدة بقطع الاتصالات بأمر من الدولة في ضوء هذه الأحداث لضبط أمور التظاهرات التي يشهدها وطننا الغالي حاولت الاتصال بقريب لي في الساعه 2 ليلا ولم أستطع. فلا اعتقد ان كل المواطنيني يتكلمون في هذه الساعة بالنسبة لي ازا كان قطع الخلوي لضبط الأمن فانا معه عاشت سورية
-سوريا
مواطن سوري معتر2011-04-03 07:50:19
شو هالكرم الحاتمي
وهل يتوقع أحدكم من هاتين الشركتين أن تعطينا دقائق مجانية المهم بالنسبة لهاتين الشركتين الربح فقط ولا يهمهما أبدا أن تعطي شيء يذكر لمشتركيها وكثيرا ما حاولت الاتصال وفشلت وكنت أتوقع هذا وبالأيام العادية كثيرا ما خسرت وحدات ومن دون أن أستطيع الاتصال بالطرف الآخر وأيضا هذا طبيعي .. شعار هاتين الشركتين هو هات فقط ولا يوجد بقاموسها كلمة اعطي فإلى متى سنبقى تحت رحمتهم ؟؟؟؟؟؟؟؟؟
-سوريا
منذر2011-04-03 07:47:32
كذبة أول نيسان
ما حدا عرفان شو القصة ,, هي كذبة أول نيسان
-سوريا
سوري مغترب2011-04-03 06:34:33
محسوبة
حاسبها مضبوط المسؤول عن الاتصالات.. بس بصراحة يعني بدها شوية خجل..الرسوم عالخليوي بسوريااكثر من كل الدول المجاورة مع العلم انه الوضع المادي للمواطن السوري صار اسوا من الوضع بكل دول المنطقة
-سوريا
حسين2011-04-03 06:06:39
خطوة مدروسة بعناية
اسمحوا لي ان اخالف كاتب المقال الرأي انها خطوة مدروسة بعناية وهذه ال 60 دقيفة للاعلام فقط لايستفيد منها اكثر من 5% ز انهم يعرفون قدرتهم الفنية بشكل جيد ولو ارادوا ان يستفيد المواطن كان ممكن ان تكون الفترة شهر او شهرين ولو اعطو كل مواطن 20 ساعة مجانية كل عام مارح يغطي المصاري الي اخذوها من المواطنين مثل ماقيل يخيطو بغير هالمسلة
سوريا
متفائل2011-04-03 05:40:33
تفائلوا
يا حياتي قال ضغط ع الشبكة هلق منعرف قديش الشركتين مبهدلين والشبكة تبعيتون متل شبكة العنكبوت بس كل واحد يعمل إحصاء كم مكالمة حكي اليوم بيشوف أنو الرقم منخفض عن المعتاد بشكل غير طبيعي مما يلغي فرضية ضغط الشبكة
سوريا
wassem2011-04-03 04:21:46
عيب والله عيب
لكن معقول يرسلو مسج انو تقديرا لوقفة الشعب بقلب واحد في يوم الكرامة لسيادة الرئيس تهديك سيريتل 60 دقيقة مجانية صالحة من 2 حتى 6 نيسان... نحن نزلنا وارواحنا فدا الرئيس مو ناطرين مقابل ... لا مو بس زعجونا بطريقة ( الكرم ) زعجونا انو باول يوم مانقدر نحكي اي تلفون يكون ضروري عشرين مرة نحاول والشبكة مشغولة...ولك بدكم تعملو منيح خفضو رسم الاشتراك مارح نقول الغاء... او على الاقل تخفيض الاسعار... وبالنهاية بقول سلام ايها الاسد سلمت ويسلم البلد
-سوريا
ابن الشااام2011-04-03 04:14:54
مسخررررة ...
شركات الاتصالات بشرفي شي بيضحك؟؟؟؟ لعمى دقائق مجانية ومافيك تتصل متل يلي عم يضحك على حالو طالما مافي امكانية بالادوات المتوفرة لهيك عرررررض خاااص بلاه من اصلو....او لغونا العرض وخلينا نعرف نشتغل او خليها تكون حسم على الفواتير او بدون ايام معدودة .. واساسا ما بيصير المكافأة تكون ضمن مدة محدودة ..
-سوريا