syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
صحيفة كويتية: الكويت توقف منح تأشيرات دخول لمواطني سورية إضافة إلى 4 دول أخرى
الاخبار المحلية

أشارت صحيفة كويتية، يوم السبت، إلى أن سلطات الهجرة والجوازات بدولة الكويت قررت وقف المعاملات الخاصة بمنح تأشيرات دخول للمواطنين السوريين، إضافة إلى أربعة دول أخرى هي العراق وباكستان وإيران وأفغانستان، وذلك بسبب ما أسمتها "أسبابا أمنية".


وذكرت هيئة الإذاعة البريطانية (BBC) أن صحيفة الوطن الكويتية أوضحت وقف تلك المعاملات يشمل كافة أنواع التأشيرات بما في ذلك تأشيرات استقدام العائلات والسياحة والتأشيرات الخاصة والزيارات وتأشيرات رجال الأعمال، مع وقف تصاريح العمل لمواطني تلك الدول إلى حين إشعار آخر.

ونسبت الصحيفة إلى مصدر قوله إن "أسبابا أمنية كانت وراء ذلك القرار بالنظر إلى الظروف الحالية في تلك الدول، حيث أن العديد من الجاليات التي تحدث في بلادها اضطرابات تحاول وبشكل مكثف جلب أهاليهم إلى الكويت عن طريق الزيارات والالتحاق بعائل والإقامات على الشركات خلال الأسابيع الماضية، الأمر الذي لا توافق عليه السلطات الأمنية في الكويت حتى لا يكون باب البلاد مفتوحا على مصراعيه أمام الوافدين العرب".

ولفت المصدر إلى أن "هذا الإيقاف سيكون مؤقتا وبعد استتباب الأمن في تلك البلدان وكإجراء وقائي حرصت عليه الأجهزة الكويتية بمنع دخول أبناء هذه الجنسيات".

وتعتبر الجالية السورية المقيمة في الكويت ثاني أكبر جالية، حيث يصل عددهم إلى حوالي 120 ألف شخص، في حين يصل عدد الأجانب المقيمين في الكويت إلى نحو 2,4 ملايين، يعمل أغلبيتهم في القطاع الخاص الكويتي.

وتخرج مظاهرات في مدن سوريا منذ ثمانية اسابيع تتركز ايام الجمعة تنادي بالحرية والاصلاح لتضاف على الهتافات فيما بعد شعارات تذكر الشهداء وتتضامن مع المدن التي شهدت أحداث إطلاق نار أودت بحياة مدنيين وعسكريين ورجال شرطة.

سيريانيوز

 

اقرأ أيضا :

الحكومة الليبية تتهم "الناتو" بالتسبب في أزمة إنسانية بعد قصفه سفن تابعة للقذافي

دعوة لتنظيم عصيان مدني في اليمن اليوم السبت..   وأمل يلوح بتوقيع المبادرة الخليجية غدا


2011-05-22 00:17:46
شاركنا على مواقع التواصل الاجتماعي:



شارك بالتعليق
مغترب2011-05-29 11:10:49
تحية إلى (سعودي)
تحية إلى سعودي وإلى كل (الشعب) السعودي الشقيق - تقبل مروري
-الإمارات
يوسف2011-05-24 01:28:36
المدعو سيريانا الدمشقي!
كلامك يضحك كثير..من انت عشان تتكلم بلسان الله وعن محبته..هالشعب اللي مو طايقهم الله وتكلمت باسمه(جل وعلا)اختارهم وميزهم وشرفهم من بين كل الخلق لعناية بيته بيت الحرام وأمنا عليه وخلاه تحت عهدتنا وحمايتنا لانه اعلم بمن راح يعتني فيه ويخدمه ويحميه..
-سوريا
أروادي من سوريا2011-05-23 22:56:16
أنا سوري
سوريا هي أمي حروفه عمتمشي بدمي أنا سوري من سوريا أسمع ياعالم سوريا الله حاميا من بيك ? مين أمك ? مينأخواتك ? قول لهم سوريا وان سؤلوا عن دينك ?? قول لهم سوريا رح تبق سوريا مرفوعه أنا ســوري من ســوريا والله يهدي كل من غرر بهم ويبعد الشر عن سوريا
سوريا
جنود الأسد2011-05-23 22:53:58
سوريا بلدالثوار و وطن ألأحرار
المؤامره على الشعب العربي السوري العظيم كبيره وباذن الله بوحدة الشعب الطيب العظيم مع قائده الحكيم الدكتور بشار وقوة الجيشس العربي السوري ستجتاز سوريا المؤامره ونأمل من المغتربين السوريين أن يكون لهم الدور الداعم لوحدة وأمن واستقرار سوريا ومحاربة المؤامره والفتنه التي جند لها قنوات منحطه(الخنزيره) وشيوخ فتنه( الشيخ مالو) وأموال طائله وعملاء مدعومين من الصهيوني والأميركي وذلك لزرع الفتنه بين السوريين ((ياشام مافي أحلى منك وكل الدنيا بتحكي عنك ))
سوريا
السوري المتابع2011-05-23 16:36:21
لك شبكن لسه بتخربطوا
لك لسه بتخربطوا الخبر بيقول أنه الكويت منعت الفيز عن السوريين والعراقيين والافغان والباكستانيين مو متل ما فهمتوا انه هالدول الارابعة منعت الفيز عن السوريين .. العمى شبكن.. بعدين كلام إلى السوري الحر .. بدول الخليج بيدافعوا عن ابن بلدن ولو كان على خطأ وفيك تسال عن قصص كتير صايرة مع السوريين بدول الخليج.. ثم بالسعودية إذا عرفوا أنك من طوائف معينة بيضايقوك وبتمنى من سيريانيوز تنشر هالكلام وهذا اكثر ما يحز في قلب السوري أن يحس بنفسه غريبا في بلاد العرب
-سوريا
الغزالي يحب سورية الاسد2011-05-23 14:22:34
عجبي وكل العجب منكم
يا جماعة بالأمس كنت مزعوج بعدما قرأت الخبر و شاركت بالتعليق وكانت عبارتي قاسية والظاهر ماتم نشرها فلذلك أنا رح أهدي من أعصابي وأقول اليوم يا جماعة أخوتنا الخليجية متعودين دايماً عحب أخوتهم العرب و بنادوا بالوحدة العربية و معقول تصدقوا أنهم بحبوا الإسرائيلي أكثر من العرب يا أخي مو معقول لا تصدقوا أنو اللي جاب الأمريكان عديارنا هم الكويتين ولا تصدقوا إنهم بستعينوا بالشيطان من أجل مصالحهم ولا تصدقوا أنهم شايفين ما يحدث في بلاد الأسلام ولساتهم ساكتين لا يا أخوتي نحنااللي غلطانيين وما بنعاملهم بالمثل
-سوريا
يامن2011-05-23 10:26:00
يعني شي مزعج عن جد !!
ليش دوما نحنا بابنا مفتوح للكل والكل بده يسكر بابه بوشنا !!! وليش اي حدى بيقدر يفوت لعنا وراسه مرفوع ومعزوز ونحنا مننطر بالدور منشان بصمة العين ؟ ليش نحنا منعتبر انه اي حدى بيفوت على سورية صار - ابن الدار - ونحنا منعتبر وافدين ؟ امتى رح نصير نتعامل مع دول العالم بالمثل ؟ خصوصا دول الخليج !. خايفين تنضرب السياحة ؟ خايفين نتاثر اقتصاديا ؟ من شو خايفين ؟ صدقوني الي ما بيعمل قيمة لحاله ماحدى رح يعمله قيمة .
-الإمارات
السوري الحر 2011-05-23 10:04:43
لماذا دول الخليج
لماذا تهاجمون الكويت .. لنعترف بأن الشعب السوري بحاجة للذهاب والعمل بالكويت أكثر من حاجة الكويتيين من المجيء لسوريا ولو كان هناك فرص عمل بسوريا لما وجدت الجالية السورية بدول الخليج وأنا أرى بأن الشعب السوري البطل محق في مطالبه العادلة بالعيش بحرية وكرامة وإيجاد فرص العمل للعاطلين حتى نحد من هذه الهجرة
-سوريا
السوري الحر 2011-05-23 09:52:29
لماذا الهجوم على دول الخليج فقط
قرات بالخبر ان العراق وإيران وباكستان و منعت الفيزا والإستقدام لماذا لم تهاجموهم أيضا .. خافوا الله يا سوريين ولتعلموا أن الشعب العربي من المحيط للخليج يقف مع الشعب السوري البطل وأناشدكم بالله بعدم بث الفرقة والحقد بين الشعب العربي لأن هناك جالية سورية كبيرة بالخليج العربي تدر على الوطن عملات صعبة مما له الفائدة وتنشيط ورفع الإقتصاد السوري
-سوريا
ابو سطيف الشامي2011-05-23 07:07:11
الحق معهم
صرلنا اربعين سنة عمنقول عنهم رجعيين ومتامرين وازلام امريكا ...بس اللي شفتو انهم بيحترموا كرامة مواطنيهم و اعلامهم ما بيستغبي شعبهم قسما بالله 12 سنة ما اضطريت ادفع رشوة لحدا مع العلم انو كل عملي مع جهات حكومية
-سوريا
سوري عاقل2011-05-23 02:35:43
يرجى اعادة النظر
اذكر تماما عام 1990 عند اجتياح الجيش العراقي للكويت كيف قررت الحكومة السورية معاملة المواطنين الكويتين بسورية كانهم سوريين من حيث اجور الفنادق والاقامات ودخول السيارات بدون رسوم . الله كبير
-سوريا
سيريانا الدمشقي2011-05-23 02:07:16
الى المعلق السعودي جوابا لسؤالك
قال تعالى (الأعراب اشد كفرا ونفاقا وأجدر الا يعلموا حدود ما انزل الله على رسوله و الله عليم حكيم ) فبقى كتر خير الله انو كنا نتطلع بوجوهكم اذا الله سبحانه و تعالى ما بيحبكم كيف يدكن يلتا نطيقكم وخصوصي بعد كل ياللي عملتوه و بذكرك 15 انتحاري ارهابي سعودي تسببوا بأذى ملايين المسلمين حول العالم .بسببكم دخل الاميركان على المنطقة وعلى المستوى الفردي روح سوف فضائحكم بالخارج اغتصاب و تحرش **أنا بكندا و اكتر من حالة اغتصاب كان أبطالها سعوديين  
-كندا
مهندس بيئة2011-05-23 02:12:53
قربت
على كلن ابحاث الطاقة البديلة شغالة و كم سنة بينتهي البترول من عندهم .. والحضارة تبقى لبلاد الاصالة و الحضارة بس لا حدا يقلي انو ما عندون حضارة ما شفتو الغوص لجلب الؤلؤ!!
-الإمارات
المهاجر2011-05-23 00:40:34
خبر عاجل
الى من يتكلم عن شفت خليجي او كويتي يجي لسوريا ليشتغل اسئل ابوك او جدك نعم كانو يجو يشتغلو عندنا وهلا بس نخلص من جماعة شاهد عين بتشوف كيف سوريا راح يتمنو يجو هم واسيادهم يشتغلو عندنا يا رخيص لاترخص في بلدك احنا شبعانين مو من ايامك وايامهم الشعب السوري عينو شبعانه وكبريائو غالي وعالي ولازم المعامله بل المثل
-سوريا
السوري2011-05-23 00:38:21
ليش تطوير النقاش عم يساعدوا العم سام
بغض النظر عواطفنا العروبية لا داعي للدخول بنقاش حول السوري والخليجي، الخبر واضح وهو يقول بإيقاف اعطاء الفيز للسوريين لأسباب امنية ولما يحدث في سوريا حاليا، فما الهدف من ذلك يا ترى!!! واضح كتير وهوالإيحاء بوجود حرب داخلية بسوريا والخوف من تأثيرها على الكويت ومساعدة الجهود الغربية الرامية لعزلة سورياومعاقبتها. طبعا الجميع يعرف أن سوريا احتضنت جميع العرب في أزماتهم. بالنسبة لموضوع العمل بالخليج، هم يحتاجون عمالة ويأتيهم من العرب ومن العجم ،هذا أمر أقل من عادي لا يستحق النقاش
-سوريا
محمد السوري2011-05-23 00:31:41
خبر كتير حلو
يا شباب ليش زعلانين بالعكس هلق اساس بدون ما يمنعوا الدخول لعندهم نحن ما خرج نروح لعندهم لأنه درجة الحرارة بالظل 50 بقى يا محلا هوا بلادي عاشت سوريا
سوريا
مغتربة2011-05-22 23:37:37
حرية
معهم حق ليش الاعلام السوري خلانا صاحب مقضينها سب بدول الخليج ودول تانية لا وقال اللي عندو كرامة يرجع عسوريا ليش لو لقينا شغل ببلدنا كنا تغربنااذا رجعنا بيتدمر اقتصاد سوريا بها الوضع بقى لا تقطعوا رزقنا وتسبوا بالخليجين , وبعدين لبعض المعلقين بحياة الله كيف بتزبط امارة سلفية مع علم اسرائيل عيب هالحكي اهل حمص بوزعوا وطنية عسوريا كلهابكفي تحريض وكذب
-سوريا
طبيبة2011-05-22 23:29:05
افتخر بسوريتي
انا بصراحة كنت افكر وبجدية بالسفر الى دولة خليجية للعمل ولكن بعد ما حدث قررت بأن لا اترك بلدي ابدا واخدمها بكل ما اوتيت من علم لانها بتستاهل نبقى فيها و نخدما وهيي اللي علمتنا ببلاش بعدين دول الخليج ما تطلبنا لسواد عيوننا وانما لخبرتنا و اتقاننا و امانتنا نحن السوريون وبالاخير لودورتو الارض طول وعرض يا خليجيي ما بتلاقو متل سورية بلدتتحمل تقالة دمكن و قلة ذوقكن وتصرف الكويت ودول الخليج مانو جديد لانو لا تتأمل من الخائن مودة
-سوريا
انا من سورية الأسد ولي الفخر2011-05-22 23:25:03
الله ينصرنا وينصر قائدنا بشار الأسد حامي الحمى
أنا منذ سنوات متابعه لسيريا نيوز ولازم كل يوم افتح النت واقرااخبارا بس بالأونة الاخيرة وجدت البطء في نقل الأخبار والاسلوب الكاتب يلي مابتعرفه ولا متعود عليه يعني فجأة قلبته بدال ماتحكوا العالم يلي عم بتموت من رصاص مسلحين ارهابية سلفيين كلاب ليش ما بتنقلوا الحقيقة ليش التخاذل انا مابقى اقرأاخباركون ولا حتى كل رفقاتي بس يرجع منبركن حر ووطني بنبقى بنقرا اخباركن
-سوريا
حسام في السعودية2011-05-22 22:54:41
مشاركة
الله يحفظ سوريا وشعبها وأنشالله رح يجي يوم هنن يشتغلوا عنا
-سوريا
سوري مغترب2011-05-22 22:53:44
العين بالعين
انا برايي انو نفرض فيز على اهل الخليج بشكل عام وان الخليجي ما بيدخل سوريا الا عن طريق كفيل وفيزا احنا ليش بدنا نضل نعامل الناس بالحسنى وهم بيردوها النا بالكره والحقد وربي تعبت من نظرة اهل الخليج النا لازم نقلهم انو نحنا اكبر من عملاء اليهود والامريكان والي يعارضني برايي يحكيلي السبب
-سوريا
alnasralsori2011-05-22 22:43:42
اخوة الدم
ياجماعة اذا قسم من الكويتين السلفيين( فللسلفين حزب واعضاء في مجلس الامة وهم دائما في صراع مع الحكومة كل ماقامت حكومة جديدة فورا بيسقطوها ويكنون كره لسورية ع اساس طائفي) بس كمان في غالبية كبيرة بتعشق سورية والدليل انو الاخوة الكويتين ورغم الازمة اجو ع سورية والتقوا السيد الرئيس واعلنوا زياده استثماراتهم في سورية وهذا موقف يحمل الكثير من المعاني القومية والتي اظهرت الظروف من هو الصديق الحقيقي الذي يقف بجانبك عند حاجته كما فعلت ايران التي تبيع نفطها حاليا باليرة السورية لدعمها
-سوريا
ل...........2011-05-22 22:42:56
اااااااااااااااااحسسسسسن
يعني كتير قاتلة حالي على ماروح على الكويت.....وبناقص والله اجت منن....
سوريا
واحد تاني2011-05-22 22:27:47
الكلمه الطيبه صدقه
الله يهدي البال ويزيل هالغمه ويفرجها على سوريا يا جماعه لاتعمموا وخلي قلبكم كبير متل رئيسنا وحاولوا تستوعبوا الأخوه يلي انحرفوا عن العروبه ونردهم لطريق الصحيح ولا تخلوا خبر ياخدكم وخبر يجيبكم وثقوابالله وبأنفسكم وبسوريا
-سوريا
هل ينسى 2011-05-22 22:25:22
من ابن مقاتل سوري في الكويت
هل ينسى الكويتيون دور الجيش السوري في صد جيش صدام حسين في حرب الخليج الأولى
-سوريا
سعودي وبحب سوريا2011-05-22 21:00:03
عن جد شي بيجنن
انا متابع لسيريا نيوز عم بشوف اذا صار حادث بالسيارة لسوري في السعودية سبيتوا السعودية اذا صار لسعودي حادث سيارة بسوريا قلتوا سكران,واذا لم نعطي واحد فيزا سبيتوا مع انه فية مليون سوريا عندنا اخوة اعزاء ليش تبثوا الكراهية بين الشعبين ,,لهلا ماني فاهم بجد احاول افهم مابعرف.حتى لو يجي حمامة على الحدود السورية فيها مرض قلتوا من السعودية,حرام الي بتعملوة,وبعدين تقولوا ليش بيكرهوناالسعوديين.بالعكس احنا بدنا نعرف لية انتوا بتكرهونا؟سيبقى الشعب الخليجي والسوري أخوة من وراء أنف الحاقدين
-السعودية
Nada2011-05-22 20:55:49
تقبل الآخر العبرة .عدم التسرع بالحكم
اود توجيه نصيحة للأخوة المنتدقدين للقرار: كل دولة حرة بقراراتها ولكن المشكلة اننا نثور ولا نقدر نمنن وننكر اصلنا العربي -هذا حصل من بعض المعلقين- و الاصل و الحق هو ان نتآلف مع اخوتنا العرب كلنا امة واحدة ولا يحق لنا النكران ولا التنكر لأصلنا العربي،"التمس لاخيك 70 عذرا" فنحن نقدر ظروف الآخر ونتماسك مع بعضنا بدل الكيل لبعضنا البعض، اللهم أصلح حالنا، وإهدنا، واحمي بلدنا من كل نشر يراد بها. الحق سينتصر بإذن الله. المهم ان ناخذ العبرة من الأحداث ولا نتسرع بحكمناعلى الآخر ونتقبله.
سوريا
أبو حطب2011-05-22 20:01:08
المعاملة بالمثل
فلتتخذ سوريا قرارا مماثلا والعين بالعين والسن بالسن والبادي أظلم
-سوريا
نسيب 2011-05-22 19:51:43
ناكري الجميل
سورية هي الدولة العربية الوحيدة التي لاتطلب فيزا من اي عربي , وبالنسبة للكويت : يجب المعاملة بالمثل , لقد نسيوا وقفة سوريا الابية معهم في حرب الخليج لقد نسيوا معارضة سوريا الشديدة لغزو الكويت من العراق لقد نسيوا المعروف ؟؟ يا حيف منذ حوالي الشهرين قام رئيسنا المفدى بزيارة دولة الكويت ليهنئها في عيد استقلالها , ياحيف على الكويتية أتمنى من الادارة الكويتية ان تراجع اوراقها ولا تسمح لمثل نواب منحازين لامريكا بالتكلم علينا أرجوكم كفوا ايديكم وخطاباتكم الشريرةعنا سوف تندمون يالكويت . ا
السعودية
سوري مقيم في قطر2011-05-22 19:24:16
حرية وكرامة
هل تعلم بان السوري في قطر يعيش في كرامة و عزة, هل نعلم ان كل المعاملات الحوكمية تتم عن طريق الانترنت , هل تعلم ان القانون يطبق على القطري بشكل اقسى من الجنسيات الاخرى , هل تعلم ان التأمين الصحي مأمن ..؟؟ النظام , الانترنت . الماء الكهرباء البنزين المعيشة من أرخص مايكون مقارنة بالدخل العالي , و انسانيتك محفوظة , قطر بلدي الثاني لانهااعطتني الكثير الكثير ..
-سوريا
hemo2011-05-22 19:22:32
حتى بالامارات منوعها
أنا يلي متأكد منه أنه بالإمارات من بداية الأحداث ما في فيز زيارات للسوريين و المصريين و الليبيين ، أما بالنسبة للإقامات و تجديدها عادي تتم بشكل طبيعي جدا
-الإمارات
سوري2011-05-22 19:17:40
عيب
يا عيب الشوم على كل حال على هيك عرب خونة, نحنا اصلا ما ناطرين اي شيئ من الخليج والى الاخ مغترب اللي ع يقول انو الخلج احسن و ان عايش ب كرامة !! اي خليك عندك و يتم وكيلك ابو شحاطة يمسح الاراضي فيك ( و بتقلي كرامة !!!!)
-سوريا
ابو عبدو2011-05-22 18:53:47
اي رفعنا علم اسرائيل
اي مالكن خبر رفعنا علم اسرائيل هون بحمص و فتحنا دورات تعليم اللغة العبرية و الدين اليهودي والله عنجد هي سمعة و هدول العالم اللي عم يحكو كل اهل حمص شافوا بقلكون مفكرين كل اهل حمص عميان متلكون
-سوريا
سيريانا الدمشقي2011-05-22 18:45:15
المعاملة بالمثل
لطالما ناديت وطالبت بالمعاناة بالمثل يجب فرض التأشيرة على هؤلاء وعلى اي قادم للبلد و الدخول يكون بكفيل اما شخص او حجز بفندق لمعرفة التحركات وكل دول العالم تطبق هذا الشيء يكفي ما جاء منهم و الى شامي اقول من فوضك بالحديث باسم السوريين و التحريب بهؤلاء؟ اصلا امثالك من جعلهم يركبون يركبون الشعب السوري سواء في بلدانهم او في سوريا خللي عندك كرامة و اذا انت فاتح دارك و العتبة لهم تأكد انو في ملايين رح يشكروا أبوابهم بوجهك و صدق من قال لا تدخل البدوي دارك اذا ما آذاك أذى جارك وتحية سوريا 
-سوريا
محمد2011-05-22 18:40:51
المعاملة بالمثل
ارجو من الحكومة السورية المعاملة بالمقل بالنسبة لمواطنيين دول الخليج ومنع هذه الدول من دخول سوريا من دون تاشيرة دخول لانو قرفنا من قوانيينهن الاعتباطية الغير واضحة سوي مقيم بالامارات
سوريا
السوري الحر 2011-05-22 18:28:15
رد على الأخت ريما
يبدو أنك لا تشاهدين إلا القناة الفضائية السورية وقناة الدنيا أختي يجب أن تفكري قبل أن تبدي برأيك الثمين علينا بس يمكن ليس لديك الجرأة والشجاعة لكي تفكري أو تبدي برأيك وجعلت أحدا أخر يفكر عنكي لأن ليس من المنطقي أن تعلن إمارة إسلامية ثم يرفع العلم الإسرائيلي ولا مفكرة كل الشعب السوري ريما
-سوريا
Aboud Salo2011-05-22 18:20:46
نطا لب الحكومة المعا ملة بالمثل
نطلب من اصحاب القرار في الحبيبة سورية التعامل بالمثل عامل بالمثل عيب
فنلندا
حسن السوري2011-05-22 18:04:15
استقالة
اقتراح للحكومة الرشيدة : 1-الخروج من جامعة الدول العربية التي لاتقدم ولا تؤخر 2- الخروج من الامم المتحدة ولا اعرف سببا لوجودنا بهاحيث 5 دول تتحكم بها بينما دول عملاقة كالهند والبرازيل ليس لها اي تأثير 3-توفير مبالغ الموظفين السوريين في الامم المتحدة وجامعة الدول العربية لبناء مدارس يعني كل سنة نبني حوالي 20 مدرسة ومشفى من هذاالتوفير التوفير
-سوريا
احمد محمد2011-05-22 17:54:11
سوري
افضل جائزة تعليق للاخ سعودي وافتخر واهلا بك في بلدك واشدد على ان لاندع بعض التليقات السخيفة من بعض الاشخاص تفرق بين الشوب
-سوريا
سوري متطرف2011-05-22 17:30:21
مستغرب
فعلآ في ناس فهمها على قدها تلت أرباع التعليقات بتناشد الحكومة السورية المعاملة بالمثل ليش حدا منكن شاف أو سمع بحياتو كويتي أو خليجي عمومآ جاي على سورية يدور عشغل ؟؟ بينما السوري رايح يشتغل عندهم مو رايح سياحة بينما هما بيجيوا سياحة ... بس يمنعوا من الدخول بقولو بالناقص بروح بصيف بدولة ثانية وبهالحالة المتضرر الوحيد هيا سوريا والمواطن يلي رايح يسترزق كبروا عقلكم شوي مشان الله
-سوريا
نطلب من اصحاب القرار في الحبيبة سورية التعامل بالث2011-05-22 16:42:22
عامل بالمثل اذا عندكم كرامة
عيب
-سوريا
سوري مقيم بالسعودية2011-05-22 16:27:25
الى الأخ سعودي وأفتخر؟
كلامك صحيح وابصم بالعشرة؟
-سوريا
رامز2011-05-22 16:13:58
الله لا يحوجنا لحدا
بناكل تراب ببلدنا وما بدنا حدا يتفضل علينا.... خير الله وخير بلدنا عم على هي الدول..الأميركان كان عددهم أكتر من الكويتيين أنفسهم... ومع ذلك أصابهم الخرس والطرش..والآن يتشدقون بكلام مشبوه عن السوريين..خسئوا..وكل دولة تتخذ مواقف من شعب سوريا على الحكومة السورية أن تعاملهم بالمثل وكلنا نعرف حجم الكويتيين الذين يمتلكون عقارات في سوريا...على كل حال... إن غداً لناظره قريب
سوريا
جنة2011-05-22 15:54:45
بلدنا جنة
أيها الشعب السوري الأبي، لنقف جميهاً بيد واحدة ضد التخريب والفتنة، لأننا شعب غير كل الشعوب، ونرد على كل من يسىء إلينا بأننا شعب واعي، ونحب بلدنا، ولا نستغني عن أرضنا الحبيبة، أرض الكرامة والعزة والكبرياء، نحن من نرفع رؤوسنا بالخارج ونقول لهم سورييون حضاريون متعلمون مثقفون، حضارتنا من آلاف السنين، ولا نريد أن نطلب من أحد ليستقبلنا بلادنا جنة وستصبح بلدناجنةالوطن كله، انتظروا لا أحد يستطيع تخريب سوريا العظيمة،وسيخسر المراهنون
-فرنسا
مغترب 992011-05-22 15:53:27
الخليج أحسن
انا سوري اعمل بالخليج والله اننا نأخذ حقوقنا واحترامنا اكثر مما نأخذه في سوريا لذلك بتمنى ماحدا بيحكي على اهل الخليج والي موعاجبينوا بظل بسوريا ماحدا جابره يسافر
-سوريا
العربي السوري2011-05-22 15:41:38
شو القصة
ماني عارف ليش التهجم عالخليج وعاللي ساكن بالخليج اقل شي بالخليج الخير موزع عالكل بس عننا موزع عاللي بالي بالكم خليكم هيك حبابي ما بيعجبكم العجب ونفس حامضة واللي بيقول ايران روح خلي ايران تشبعك مو لتشبع شعبهااول شي لعلمك بدول الخليج مليان ايرانين
-الإمارات
محمد يحيى2011-05-22 15:32:28
هذا هو الفرق
اظن انه بدأ يتتضح الآن حتى للعميان كيف ان سوريا هي قلب العروبة النابض .الأن وأمام اول أزمة يمر بها الشعب السوري أغلقت الحكومة الكويتية أبوابها بوجهه ..ترى لو تبادلنا الادوار و كانت الكويت هي من تتعرض لهذه الازمة أهكذا كانت ستكون ردة فعل سوريا بقيادة القائد العربي الوحيد بشار الاسد . نحن السوريين نكذب لذلك عليكم أن تسألوا الفلسطينيين والعراقيين و اللبنانيين ووووووو
سوريا
باسل 2011-05-22 15:27:22
المعاملة بالمثل
اتمنى من حكومتنا الموقرة بالعمل بالمثل ودخول كل خليجي بفيزا الى سوريا ولا تعطى من الحدود السورية بل تاخذ من سفارة الجهورية العربية السورية - وهذا ليس طلبي فقط بل طلب كل السوريين لن اكتب اكثر من ذلك الكل يعرف معاملة دول الخليج لما نلاقاه وغيرنا من جنسيات اخرى من تعقيدات من دخول اراضيهم وارجوا عمل استفتاء على هذا القرار والنتيجة من الا 100% مع قرار الفيزا للخليجين وخصوصا الكويتين -لقد نسوا ايام حرب الخليج الدعم المقدم لهم انهم ناكرون الجميل حمى الله سوريا وقائدها وشعبها
سوريا
شامي2011-05-22 15:25:09
الى سعودي وافتخر
الى سعودي وافتخر , سوريا بلدك , والصدر الك والعتبة النا , اهلا وسهلا فيك وبتشرفنا , والى كل واحد عم يعلق تعليق سخيف ومالو طعمة , السوري محبوب ومرفوع راسو وين ماراح , بس طالما انو في هيك نفسيات أرفانة , بحياتنا مابنصير زلم , الله يرضى عليك يااخي السوري , تصرفاتك برا محسوبة عليك اكتر من ماتكون مواطن بألب بلدك , دير بالك على تصرفاتك ورفاع راس بلدك برا , وماتحكي حكي فاضي مالو طعمة !
-سوريا
متعب العنزي2011-05-22 15:21:30
التفائل مطلب
انا متفائل جداً بإتحاد يجمع عرب اسيا مستقبلاً يجمع كل البلاد العربيه في اسيا خاصه الممتده مع الجزيرة العربيه، كالأردن وسوريا ولبنان مع دول الخليج فإن شاء الله يرى هذا الإتحاد النور في الوقت القريب ، مسألة وقت لا أكثر ولا أقل
السعودية
سورية2011-05-22 15:14:53
الى حمصي حر
لا عيني الخبر مضبوط بقى حاج تكذب وتلف وتدور ولا انت من جماعة الاحرار تبع الاسطح عجيب ما شفت الظاهر انت من فئة شاهد العيان يلي بيحكي من دون ما يشوف شي يعني شاهد ما شفش حاجة اعلنوا امارة بباب السباع وتسلحو وطوقو منطقة وسكروها بجدران حجار والخونة رفعوا علم اسرائيل بقى حاج توزع وطنيات وانت مو عارف شي نحنا اهل حمص مو من الفضاء الخارجي جاين مو شرط اذا اسمك حمصي حر تكون عم تحكي من حمص نفسا عيني؟؟ وبالنسبة للتاشيرات مو بس الكويت حتى الامارات والخبر اكيد مية بالمية ما في تاشيرات للسوريين
-سوريا
شامي 2011-05-22 15:02:02
ههههههههههههههههههههه
يعني على اساس قاتلين حالنا لنروح للكويت االي درجة الحرارة فيها بتوصل لل 55 درجة بعدين هنه اهل الكويت هربانين من الكويت وما بعتقد انوا في مجنون بيروح للكويت وبيترك الجو اللي عم يحسدونا عليه اهل الخليج /المضحك المبكي/
-سوريا
محمد ‏2011-05-22 14:58:25
سوريا ياحبيبتي
الى الأخ سعودي وافتخر كلامك صحيح وأحنا أخوة بأذن الله رغم عن أنوف الحاقدين وبتمنى نضل هيك وما نتأثر بالحكي اللي عم يصير
-سوريا
eyad 2011-05-22 14:52:10
نسيتو انو فتحنا بويتنا لنتسقبلكم بالتسعين و حاربنا
نسيو الكويتيه مين سوريا ؟ نسيو مين يلي حارب معهم ضد ثدام نسيو انو كل المدرسين يلي عملموهم هنن سوريين نسيو المثقفين و الفنانين يلي علموهم شو يعني كلمة فن الكويت دولة غير محترمة للأسف .... و ما بدي احكي اكتر من هيك لأنو العرب بيضلو اخوة بس سؤال لكل كويتي ... نسيتو بالتسعين مين استقبلكم بسوريا ؟ لك يخرب بيت فهمكم .. معقول ما بتستقبلو الاهالي للناس المقيمين عندكم على الاٌقل
سوريا
سورية فقط2011-05-22 14:51:45
لسنا عربا
بصراحة نحن سوريون فقط و لم نكن يوما عربا هذه بلاد الشام سوريا الكبرى من فلسطين جنوبا الى الاسكندرون شمالا و سكانها كنعانيون و ليسوا عربا العرب جاءوا مع الفتح الاسلامي من الجزيرة العربية لذلك اطلب من الحكومة ان تعيدتا الى جذورنا واغلاق الباب في وجه كل من يغلقه في وجه سوري و كفانا مذلة و دعونا نبني بلدنا بايدينا و لانريد هكذا عرب اصلا هم من اوصلوا امتهم الى حضيض الذل والمهانة و كفى يا سيريانيوز عدم نشر
-سوريا
بالناقص من حمار2011-05-22 14:50:16
وبلا جحش بهالقطيع مو أريح ؟؟
الموضوع بسيط يجب على كل السوريين الموجودين في الكويت تقديم استقالاتهم وسنرى إن كانوا سيقفون بدون العمالة السورية في الكويت (غير الشقيقة ولا حتى الصديقة) والله يرحمك يا صدام مع أني ما بطيق سيرتك. بس ﻷنك فرجيتهن قيمتهن هههه مسخرة
-سوريا
مواطن سوري2011-05-22 14:42:11
الى السيد سوري قرفان
مو العراق وقفت التأشيرات للسوريين ...الكويت هي اللي وقفت التأشيرات للسوريين والعراقيين وبقية الدول المذكورة...بس حبيت اوضحلك هالفكرة يمكن انت ما انتبهت عالخبر منيح
-سوريا
سوري سعودي مخلووط 2011-05-22 14:39:17
رد على علي الناصر الكويتي .... سوريا بلد الأمان
علي الناصر سوريا من يوم يومها بستقتبل عراقيين وكويتين وسعودين وصوماليين و..و...و..,و وبدون أي تأشيرات أوصعوبات وبحرب وبدون حرب بعدين نفسي أقولك على شغلة أنو صدام حسين هوة يلي عملكن دولة وأنتو ما بتطلعو جزئ من أي محافظة بسوريا وصدقني البترول مو دايم أبدااااا لا للكويت ولا غيرها مع أحترامي للشعب الكويتي وكل شعوب الخليج يلي هما أهلي وناسي بس صدقني نحنا لما نتخلى عن أهل الشام يعني نحنا مو عرب ولا تنسى أنو دمشق لها أفضال كتير علينا أدخل وكيبيديا الموسوعة الحرة بتعرف ... حبيبتي سوريا
السعودية
الأمبراطور2011-05-22 14:30:02
سوري وأفتخر
أفتخر وأعتز وأرفع رأسي بأن السيد الرئيس بشار الأسد هو رئيسي ومعلمي وأقسم بالله ستكون أجسادنا درع له سنكون أوفياء له حتى النهاية((( ياابن الأسد لقد رأيت فيك روعة المعبود))) حماك الله بابشار
سوريا
Sweety2011-05-22 14:24:18
عادي
الى الاخ جمال أنا متأكدة لو هلء اجتك فرصة عمل بالخليج لتركض ركض بعدين ايران شوعندا شغل نسبة كتير كبيرة من الإيرانيين بيشتغلو بالكويت والإمارات بعدين لو كان في شغل ببلدنا ما كنا تغربنا عن أهلنا بيكفي هون كرامتنا محفوظة
-الكويت
الامبراطور2011-05-22 14:23:18
سورية أكبر منكن يادول الخليج
بالناقص منكن ومن فيزكن نحنا مو بحاجةسياحتكن ولا شوفتكن اصلا س نشوفكن منتشائم
سوريا
واحد واعي2011-05-22 14:16:34
طولو بالكم
مو يمكن في حدا رايد للعرب ينزلوا ببعضهم مسبات لحتى ينهوا مفهوم القومية العربية؟ ما بين الشعوب يختلف عما بين الحكومات. تعميق الأخوة بين الشعوب هو الرد على كل العمالات.
-سوريا
بنت البحر2011-05-22 14:10:51
الى سوري حمصي حر
على ما يبدو انك كنت نايم بالعسل حتى ما سمعت باللي صار بباب السباع لما اعلنو امارة اسلامية ورفعوا رايات سود والممسحة الاسرائيلية --لما كانوافراد هالامارة الزعران عم ينادو بالفاظ نابية وشعارت طائفية ويجعروويعيشو اسرائيل --بنصحك تضل نايم ويا ريما الله معنا وبالنسبة لمنع التاشيرات للسوريين مو غريب هالتصرف من الخليج كانن عم يتسابقو مين بيطعن جسد سورية أكتر بس سوريا شمس وما حدا بيطالها باذن الواحد الاحد "وظلم ذوي القربى أشد مضاضة"
سوريا
مقهور سوري2011-05-22 14:06:29
إجراءات أمنية
أتمنى أن لا يبقى باب بلادي مفتوحاً على مصرعيه أمام الوافدين العرب، أرجوك يا حكومة بلادي ، هؤلاء العرب لم نرى منهم إلا المصائب والفتن والقتل، يجب على سوريا أن لا تكون الأم الحنون الحاضنة لكل العرب كما كانت ، ياجماعة سوريا طعنت بالظهر كثيرا، أبكي عليك ياوطني
-سوريا
ممدوح 2011-05-22 13:34:06
تأكيدا على كلام الاخ سعودي وافتخر
كلام الاخ السعودي صحيح، السوريين ما يزالوا بدخلوا على السعودية عمرة وعمل وزيارة وانا عملت لاهلي زيارة وتم إستخراج التأشيرة خلال أسبوع واحد. السعودية حكومة وشعب طول عمرهم مع الشعب العربي وخصوصاالشعب السوري والمصري ومافي داعي لذكر هذه المواقف.
السعودية
ابو وديع2011-05-22 13:17:00
الموضوع صار موضوع كرامة
سيدي الرئيس بشار الاسد ..هل اصبحت كرامة السوري تهان بالطريقة الوقحة من العربان التي طالما كان المواطن السوري هو من قدم الخبرات لتلك البلدان .. لمتى الاستاهنة بكرامتنا .ارجو من سيادة الرئيس اصادر امرا مباشرا وحازما لحكومتنا .. بعدم الدخول الى سوريا الا بفيزا .. المعملة بالمثل ... اما لو استمرينا على هازا الحال ...فسوف تقوم الهند والسودان وغيرها بمنع دخول السوريين ..اااخ يا بلدي شو صااار فيكي
سوريا
ميدو مشاكل2011-05-22 13:30:59
عادي
ليش زعلانين ؟؟؟ عادي .... والله العظيم شو مابيصير بدول الخليج قليل عليهن ... بصراحة ما لازم نزعل ... هنن حقهن يعملوا اللي بدهن ياه .. حرين ببلدهن ... بس لازم الرد يكون من عنا ... لازم نعاملهن بالمثل ... البلوشي بيجي عل الإمارات والإيراني وخلال كم سنة بياخد الجنسية ... وفي ناس متل حالتي مولودين ومقيمين أكتر من 35 سنة وكل 3 سنين بدو يجدد إقامتو .... روحو الله لا يباركلكن
الإمارات
سوري يعشق تراب الكويت2011-05-22 13:07:34
الله يحميي سوريا والكويت واسدها وصباحها
لاتفهموا القرار حسب مزاجكم ياجماعة افهموا شو المقصود بالقرار وبعدين علقوا ؟؟ الكويتيون يحبون سوريا اكتر من السوررين واذا في كم واحد كويتي غير شريف ولايحب العروبة وعامل نفسو اخونجي لايعني ان كل الشعب الكويتي سيء ابدا الشعب الكويتي شعب راقي لاتشوفوا يلي بينزلوا على سوريا وبيروحوا على الملاهي هدول اسوء نوع من الشعب الكويتي ؟ روحوا شوفوا الكويتيين الحضاريين شعب مثقف وفهمان ويحب سوريا ؟ هل وصلت الفكرة
سوريا
السوري المتابع2011-05-22 13:07:08
رد على سوري قرفان وعلى علي الناصر
يا اخ سوري قرفان فهمت الخبر بالعكس.. الكويت هيي يلي منعت الفيز للسوريين والعراقيين والافغان والباكستانيين مو العراق يلي منعت الفيز... ثانيا يا اخ علي الناصر الهاتف معروف في سورية منذ ايام الانتداب الفرنسي صحيح الكويت وسعت لنا شبكة الهاتف يلي موجودة بالاصل ...
-سوريا
سعودي وأفتخر!2011-05-22 12:51:22
بعض المعلقين يكذبون عينك عينك
السعودية لم توقف منح الاشقاء بسوريا تأشيرات الدخول سواء عمل او زيارة او عمره والسوري كرامته محفوظه بالسعودية واسألوا اي اخ سوري مقيم بالسعودية. اتمنى تحري الدقة والمصداقية في بعض التعليقات التي لا تفيد اصحابها ولكن تسبب زيادة التفرقة بين الشعبين الشقيقين رغم انف الحاقدين. ان شاء الله ترجع سوريا مثل ما كانت واحسن. واتمنى ان يفهم البعض ان زيادة التفرقة بين الشعوب لايخدم الا اعداء الامة العربية فقط وراح نصيف انا وعائلتي بسوريا بلدي الثاني وبين اشقائي واخواني وفي بلد الامن والامان.
السعودية
Soriano2011-05-22 12:55:33
اللي ما بيعرف لا يحكي
تقدمت بتأشيرة عائلية منذ أقل من أسبوع لأحد أفراد عائلتي كي يزورني في قطر وتم اصدار التأشيرة بأقل من 12 ساعة، يلي ما بيعرف لا يحكي ويزايد. ما بيكفي المغترب تارك بلدو وأحبابو ومريح الدولة من تأمين فرصة عمل وطبابة وتعليم لأولادو وعم يحول كل شهر مصاري تعيش من وراها عائلات وفي ناس ما بتعرف هالشي وعم تحكي وهيي نايمة بالعسل ويلي عم يقول ارجعوا عالبلد اشتغلو بقلهن يلي في البلد عم يدورو عالسفر، يعني من كتير ما الحكومة مهتمة بتأمين وظائف مثلاً ولا الرواتب يلي ما بتكفي اسبوع؟؟؟
-سوريا
Mano2011-05-22 12:51:44
uae
عادي ممكن لأسباب امنية وممكن مشان ازا حدا سرق من سوريا ما يطلع برا ليش اللي عندو اقامة بالامارات او غيرا بيقدر يجددها وما حدا بيحكو معو شي ؟؟؟ المشكلة باللي بدو يجي من سوريا في كتير عالم عم تسرق وتهرب
-الإمارات
samra2011-05-22 12:36:38
الأشقاء العرب
يا أيها الشعب العربي الشقيق, حلو عن ربنا نطلب معاملة العرب عفواً الأجانب بالمثل من قبل السوريين
سوريا
سوري قرفان2011-05-22 12:30:22
لعمى
يعني الكويت ممكن نبلعها، باكستان وأفغانستان لا أهمية لهم ومالهم وجود على خارطة المواطن السوري ، أما العراق فهذا عيب وألف عيب على المالكي الذي كان عايش في سوريا، مافي ولا سوري أصلا بيفكر يروح العراق، عنا مشاكل ولكن في أمن أكتر من العراق عيب، لسا في مليون عراقي بسوريا، هذا القرار ينم عن طائفية وبغض وحقد للسوري
-سوريا
شامي عتيق2011-05-22 12:05:54
إلى السيد علي الناصر
السبد علي المحترم، لا أحد يمنن الكويتيين وهم أخوتنا وللسوريين والكويتيين تاريخ طويل من المشاركة والدور الكويتي مهم في دعم سوريامنذ زمن طويل. لم يقصد من التعليقات إهانة لأي كويتي أو حتى للحكومة الكويتية ولكن الخبر أتى بمثابة عقوبة إضافية للسوريين والشعب السوري متحفز الآن بنتيجة الهجوم الدولي لكسر سورية.
سوريا
مأمون 2011-05-22 12:27:58
المعاملة بالمثل مطلوبة
عيب على اشقائنا الخليجيين ان يتعاملوا مع السوري بهذه الطريقة لانه شرف كبير لاي دولة في العالم ان تدوس عليها اقدام مواطن سوري ،السوري كريم شريف حر متميز وليس من اللائق ان يساوم الاشقاء عليه بارخص الاثمان..فلتمنع سوريا كحكومة الاشقاء من دخول سوريا من مبدأ المعاملة بالمثل ..من يزور سوريا يرى انها جامعة للدول العربية بكل معنى الكلمة وارضها الطيبة الطاهرة تضم كل العرب بكل اطيافهم ..وليتذكر الكويتيين كيف كانت سوريا الحضن الدافئ والملاذ الآمن لهم يوم دخل صدام الكويت ..
سوريا
flowers2011-05-22 12:04:10
بلناقص
بالناقص منهم ومن بلادهم بس بدي قول لا يلي عم يقول هل شي صار سببو الاعلام السوري بسبب المسبات على دول الخليج بحب قلك من ايمت اهل الخليج ياخدوا على خاطرهم لا عيني هاد يلي عم يصير مخطط امريكي للضغط على سوريا اي بلناقص وياريت الدوله تعامل بلمثل وقتها شوفو انو هما يلي رح يتأذو مو السورين ياريت مابنزلو بتبضعو من سوريه وبيجو يتعالجو بلعيادت السنيه لانو هون ارخص وبياخدو كل شي لاانوارخص اي رح يندمو وكتير كمان بكفي نحنا عنا صناعه وطنيه وزراعه وما ناقصنا شي
-سوريا
ابو عبدو الريحاوي2011-05-22 12:08:56
المعامله بالمثل
منتأمل من الحكومه السوريه الكريمة تتأخد نفس الأجراء مع دول الخليج كلها وتعيد حساباتها معهم وتطبيق مبدأ المعامله بالمثل على القليله من شان ما كل من هب ودب يجي يشرفنا بزيارته .... بلا شوفتهم بيكون احسن واريح
-سوريا
أحمد2011-05-22 12:03:40
تصحيح
يا أخي انا صارلي 4 سنين بالكويت ومن يوم جيت عالكويت وفيزة السوري خصوصا صعبة جدا أو شبه مستحيلة إلا بالفلوس يعني بالله العظيم دفعت لأخي شي 170 الف ليرة سوري لأجل الفيزا وأمس رفضوها من أمن الدولة و راحن علي لفلوس(لفلوس قسم منهن رشوة وقسم رسوم) ماني عارف الواحد من وين بدو يتلقاها ...من بلادو الواحد ولا من الغريب ..الكل بشوط فينا..........
الكويت
من حمص2011-05-22 12:01:13
للأسف
إلى سوري حمصي حر...نعم لقد تم رفع العلم الإسرائيل بحمص و يلي إستشهد و غطا دمو العلم و مات فوقو لهالعلم هو من أقربائي يلي شالو ورماه على الأرض وإجو قنصو مع شب تاني كان عم يحاول يأسعفو . عيب عليك هالحكي. وكل حمص سمعت ودريت بالقصة و سكان المنطقة شافو العلم وما تزعل كانو علمين و ردو رفعو بمنطقة الوعر...على أي حال مارح تمرق على خير يا مدعين الإسلام
سوريا
سورية دبي2011-05-22 12:02:17
جميع دول الخليج و ليست الكويت فقظ
ابشركم ان هذا الاجراء ليست الكويت فقط من طبقته حتى الامارات لا فيزا الان للسوريين و الليبيين
-سوريا
زكي الأرسوزي2011-05-22 11:46:48
القافلة تسير و...
مين هاي الكويت ومين هؤلاء النواب الكويتين الذين يطالبون بطرد السفير السوري من الكويت . نحن السوريين لا الكويت ولا الخليج ولا كل هذه الدويلات تهمنا .. خيرات سوريا مكفية وموفية وعم تطمر الكويت وغير الكويت . لما بتقول سوريا كل الدنيا بتهتز . ولما بتقول كويت ولا قطر ولا ..... ما يقولوا مين دول اللي كل واحد بيتطاول عليهن وما عندن لاحرية قرار ولا استقرار اذا سمعوا انوا ايران تكلمت كلمه وحدة بيهتز الخليج كلو ..
-سوريا
عــــــلاء2011-05-22 11:51:36
الرجاء من الحكومة
نحنا كشعب منطالب الحكومة بمعاملة كل دولة حسب معاملتها معنا يا أخي ماعاد بدنا لاسياح يجوا لعنا والله غنانا عن مردود السياحة أصلا نص وجع هالراس بسبب هالتساهل عالحدود وخاصة مع العرب بس خلي يعرفوا هالمتظاهرين إذا خربوا هالبلد ماحد حيستقبلن حتى لو أقرب الناس وهاد أكبر دليل لسانا بخير وهيك صارت الدول تعاملنايعني حيخربوا عحالن شو ماعندن لاولاد ولا نسوان يخافوا عليهن
-سوريا
سوري2011-05-22 11:38:10
الجيش الوطني
كنا نأمل بموقف سياسي كويتي قوي من كل أعضاء مجلس نوابهم يقف الى جانب الجيش السوري الوطني , ان هذا الجيش هو نفسه الذي ساعد بتحرير بلدهم, ونأسف من تصرفات بعض نوابهم اللا مسؤولة و المتناسين لذلك.
-سوريا
سمير2011-05-22 11:45:28
إلى جمال
السوريين اللي بالخليج، عندهون كرامة وعم يتغربو عن بلدهون واهلهون، وفوق هيك عم يفيدو اقتصاد البلد بالمصاري يلي عم يحولوها عالبلد ..
-سوريا
فلسطيني سوري2011-05-22 11:49:16
الأعراب
الأعراب أشد كفرا و نفاقا صدق الله العظيم
سوريا
سوري محروق دمو2011-05-22 11:46:03
الى ينبوع الكرامة - جمال -
يعني يا جمال ما شاء الله عنك كل السوريين اللي في الخليج اعتبرت ما عندن كرامة يعني شو دخل هي بهي ناس عم تشتغل وتترزق الله وخليك بحالك احسنلك
-الإمارات
سوري حمصي حر2011-05-22 11:35:46
رفعنا علم اسرائيل؟؟؟؟؟؟
هاي الفهمانة اللي عمتدعي أنو رفعنا علم اسرائيل بحمص وأعلنا امارة اسلامية؟شلون ظبطو مع بعض ماعم بفهم؟؟وصدقيني متل كلامك وكلام الاعلام السوري هو اللي عم يخللي الأمور تتأجج أكتر وتثير الشباب اللي عم تسمع هيك تفاهات ,وذكرتيني بالبشمركة العراقية اللي بالي بالك...
-سوريا
سوري محروق دمو2011-05-22 11:31:09
بالناقص
وبالنااااااااااااقص منكن لأنو كل واحد بيعمل بأصلو وكما تدين تدان طولو بالكن الرزق على الله بس بتمنى من الحكومة انو تعاملهن بالمثل ليعرفو مين سوريا ومين هني السوريين والله يحميك يا بلدي
-الإمارات
هنا2011-05-22 11:22:12
شو هالحكي؟؟
ليش مين قلهم نحنا رح نترك بلدنا ؟؟؟ والله اذا فيه مشاكل بكم مدينة بسوريا معناها كل الشعب السوري بده يفكر يترك اصلاً أقربائي يلي ساكنين بحمص ويلي المتظاهرين (السلميين ) كسرولهم سياراتهم ما تركوا بيوتهم ولا طلعوا من حمص عالضيعة حتى يروحوا عالكويت وبعدين ((خلصت  ))..
-سوريا
علي الناصر2011-05-22 11:25:01
لا تمنينونا
الكويت بلد محترم وليس بحاجة السوريين . ونسيتوا ياسوريين انوا ماصار عندكم هاتف الي الا بفضل الكويت . لما ساعدتمونا في طرد صدام كان كل شيئ بثمنوا قبضتوا الثمن غالي . بالله عليكم تكفون كفوا عن التمنين ثانية والكويت مفضله عليكم ليوم القيامة
-سوريا
علي 2011-05-22 11:09:45
يا عيب الشوم
فعلا يا عيب الشوم عليهم نحنا ذهبنا ندافع عنهم ايام الغزو العراقي و الرئيس الخالد ارسل جزء من جيشنا للدفاع عنهم لكن ماذا نقول سوى انهم قليلين اصل....و للسيد الذي يقول يلي عندو كرامة لازم يرجع من الخليج ...اقول هؤلاء ابناء بلدك ولا يجوز ان تتمادى و تخرج عن حدود التعليق فأنت لست سوري أكثر منهم ومن غيرهم ..علينا بحب و احترام بعضنا لبعض هكذا تبنى الأوطان
-سوريا
الحلبي2011-05-22 11:08:01
إلى المدعو جمال
يعني حضرتك قررت بضغطة زر أن أكثر من 3 ملا يين سوري بالخليج ما عندهم كرامة!!!! بعدين أنا مستعد أرجع لبلدي و أعمل بنصف راتبي هنا بالإمارات ولكن المشكلة أن العمل من أساسه غير موجود ولا بربع الراتب فرجاء روح لحالك على إيران ولا تتفزلك
-الإمارات
حمصي2011-05-22 11:01:20
يتركونا بحالنا
سيدي يتركونا بحالنا ونحنا بألف خير .. وشفنا رد الجميل منهم تجاه سوريا شو هوي الله يحمي سوريا وقائد سوريا من كل شر
-سوريا
الى جمال2011-05-22 11:00:18
ليش الايرانيين معهم ياكلو
الاستاذ جمال عم يطالب الشعيب يرجع من الخليج يمكن الاستاذ جمال مابيعرف انو نصف العمالمة الايرانية الخارجية بتشتغل بدبي لوحداها بقى ياريت توفر نصائحك لنفسك
-سوريا
سعيد الخال2011-05-22 10:49:11
هذا ماتريدونه
قال اللي عندوا كرامة يرجع من دول الخليج ... الحكي سهل كتير بتعرف يا أخي أنو عددهم يفوق المليون شخص ... يعني اذا رجعوا عالبلد بتعرف شو الخسارة ... أولاً فقدان أهم مصدر للقطع الأجنبي .. بعدين زيادة عدد العاطلين عن العمل ... وربما انضمامهم للمتظاهرين
-سوريا
حسن صالح شعبان - ألمانيا -2011-05-22 10:40:23
محالٌ أنْ يكونَ الخبرُ صحيحاً
َالخبرُ بصيغتهِ الحاليّه خاطئ، فمتى كانَ للكويتِ كلمةً أو قرارْ. هذه الإمارةُ ولِدَتْ أصلاً مُشَوَّهَةً خرساءْ، ولهذا بقيَ القرارُ في لندن وواشنطنْ، ولكنْ أنا على يقينٍ بأنَّها رغمَ ذلكِ كلِّه ستندمُ يوماًَ وستدفعُ الثَّمنَ باهظاً **
ألمانيا
سارية2011-05-22 10:44:43
شكرا للسيد دشتي
شكرا للسيد عبد الحميد دشتي من الكويت والى كل كويتي عربي حر وشريف وقف مع سورية في محنتها هذه..إلا أننا نحن الشعب السوري نقول الى كل دول الجوار والدول العربية الاخرى لم ولن نترك هذه الارض الطاهرة هربا أو هجرة من الأحداث التي تجري فبها الآن لأننا متجذرون وملتصقون في أرضناوسندافع عنها لآخر قطرة دم فينا وسوف نأكل التراب فيها ونموت ولن تروا أحدا منا على الحدود ريحوا حالكن ياعربان لن يحصل ما تحلمون به لأنكم لحد الآن لم تعرفوا الشعب السوري وعزة نفسة سوريا بخير بس حلوا عنا مابدنا منكم شي...
سوريا
سميرة2011-05-22 10:33:27
المعاملة بالمثل
** نرجومن السلطات السورية اصدار قرار يمنع بدخول الكويتيين الى سورية ، من باب المعاملة بالمثل ،
-سوريا
كرهان بن عمرو 2011-05-22 10:31:33
زيادة الضغط
بتمنى يكونو المتظاهرين مبسوطين كتير ، وهذا نصر جديد إلهن ، زيادة العزلة الدولية لسوريا ، و زيادة بتثقيل الإقتصاد الوطني ، والخير للأمام ، هي هي نتائج الثورة السورية اللامباركة ، طبعا الكويت بدأت بعمل ذلك و ستتبعها دول الخليج و الحبل على الجرار ، و خلي المتظاهرين يصلو الجمعة و يطلعو من المساجد يهتفوا بإسقاط النظام خليهن ، لسع ما شافو شي رح تجي أيام سودا على سوريا متل الكحل بسبب هؤلاء المخربين ، آخ بس آخ على شعب متخلف أعمى
الدانمارك
عربي سوري2011-05-22 10:28:30
يا عيب الشوم
عندما أحتل صدام حسين الكويت وقفت سوريا إلى جانب الكويت و بقي الأخوة الكويتين في سوريا بدون قيود و بدون دفع رسوم على السيارات إلخ. الحمد لله على أن الوضع في سوريا لا يستدعي النزوح كما تصوره وسائل الإعلام و الحياة طبيعية و الأمور بخير و لكن هكذا قرار يستدعي وقفة و إعادة النظر في دخول العرب بدون فيزا.. من هذه الأزمة نعتز أن قائدنا كبير و وطننا كريم عزيز.. شكراً كويت
-سوريا
ريما2011-05-22 10:23:05
مظاهرات
ولك بيكفي تقولوا مظاهرات حرية وإصلاح .. هذا إرهاب وقتل وتمثيل بالجثث .. في حمص أعلنوا إمارة إسلامية ورفعوا العلم الإسرائيلي !! هل تصدقون ؟؟؟ هذه حريتهم وهذا نفاقهم . يوم الجمعة 20/5 حاول أحدهم رفع العلم فتصدى له شاب بطل اسمه رامز عكاري لمنعه وأطلق عليه قناصون النار واستشهد مع زميل له يدعى مهند إبراهيم اما البارحة فقد أعلنت الإمارة الإسلامية ورفع العلم الإسرائيلي فيها.هل هذا هذه الحرية ؟؟ هل توافق المعارضة الشريفة على هذا الوضع ؟؟؟؟ الله يحمي الجيش وينظف البلد من هالأرهابيين ..
-سوريا
أبو لطفي 2011-05-22 10:21:35
الامارات
أخواني البلد اللي بحترم حالو بطبق المعاملة بالمثل , يعني لماذا السوري بتشحطط ليأمن فيزا حتى فيزا سياحية بس حكومتنا فاتحة البلد للكل!!! شو يعني الخليجي عراسو في ريشة !!!
-سوريا
أبو أيمن2011-05-22 09:56:50
يا عيب
يوم الغزو العراقي للكويت هرب الكويتيون وعائلاتهم لكل انحاء العالم وسورية استقبلت العديد العديد منهم، ناهيك عن وقفة سورية مع الكويت ضد العراق بحرب التحرير.. هذا هو رد الجميل.. إذا كنت بتشتعل بالكويت وحبيت تجيب أهلك لعندك لتطمن عليهم فهذا الشي ممنوع عليك لأنك سوري.. لو كنت أجنبي من أي دولة حتى لو كنت من حثالة تلك الدولة فأهلا وسهلا بك على الرأس والعين.. 120 ألف سوري بيشتغلوا بأقصى ظروف الطقس الكويتي.. عمروا البلد اللي استفادت من خبراتهم وحتى خيراتهم (رسوم ومصاريف). شكرا يا كويت
ألمانيا
مغترب2011-05-22 09:35:22
إضافة
بحب بس اضيف للموضوع ... انو بسبب الأوضاع السائدة في البلاد .... و المظاهرات اللي مالها طعمة ... التأشيرات لمواطني سوريا ممنوعة في الأمارات - قطر - الكويت - السعودية بالأضافة إلى عدم منح اي تأشيرة للسوريين الراغبيين في السفر إلى دول أوربا و امريكا الشمالية .... انا بس بدي افهم اللي عم يطالب بالحرية ... الم تنتهي حريته عندما تجاوز حريات ألالاف المغتربين... الم يشبع من تجاوز حريات ملايين السوريين بعدم استقرار اوضاع البلد ... الم يكتفي بسفك دماء 850 شهيد حتى الأن .... لك حرام عليكون خربتو الدنيا
-سوريا
محمود 2011-05-22 09:33:49
قصة قديمة
للعلم ان الاقامة في الكويت و منذ اكثر من خمسة عشر عام لا يمكن الحصول عليها بسهولة و يجب دفع رشوة الى احد الكويتين بمقدار 7 الاف دولار لتحصل عليها و لكن منذ سنتين لم يعد بالامكان الحصول لا على اقامة و لا كرت زيارة و انا لدي عمل هناك و منذ سنتين لا استطيع الذهاب على الرغم من انني املك اقامة مستثمر في الامارات فقط لانني سوري الجنسية و العجيب ان الكثيرون حاولوا الحصول لي على كرت زيارة و لم يفلحوا و كما نقول اريح
الإمارات
و نحنا بسوريا؟؟2011-05-22 09:32:31
فاتحين بوابنا
(الأمر الذي لا توافق عليه السلطات الأمنية في الكويت حتى لا يكون باب البلاد مفتوحا على مصراعيه أمام الوافدين العرب".) الله يرحم إيام هجرت الكويتين بعد احتلال صدام إلها...بعتقد لازم حكومتنا تعيد النظر بالسماح بدخول ( العرب) إلى سوريا ...لأن الكويت صارت أوروبية و ليش نحنا ما بنصير كمان؟ 4 مليون عراقي عنا و العراق بيبعت سلاح للمخربين بسوريا؟ شو ألله جابرنا نتحملهم؟ نفتح مياه للأردن!! و شامنا عطشانة و تحت التقنين؟؟ أرجو التفكير بمستقبل شعبنا في سوريا و ترك العرب لمصيرهم الأسود
سوريا
سوري2011-05-22 09:37:21
خلصت
له له له ليش هيك عملو مالون حق شو عملت سوريا الله على الظالم
-سوريا
سوري مقهور2011-05-22 09:31:44
يجب المعاملة بالمثل
هذا هو رد الجميل لوقوفنا مع الكويت أثناء الغزو العراقي وارسالنا جنودا سوريين للدفاع عن الكويت !! يجب المعاملة بالمثل واخضاع الكويتين لطلب تأشيرة دخول مسبقة فسورية ليست مشاعا للعرب ليدخلوها متى شاؤا بدون تأشيرة
-سوريا
سوري مقيم بالكويت2011-05-22 09:20:59
السوري مظلوم
صح النوم هذا القرار صدر منذ شهر و نصف . اما التضيق على السوريبن فله اكثر من سنه ونصف . طبعا حكومتنا لم تحرك ساكنا على العكس تشجع الكويتين . يااخي نحن لا نطالب بالتشديد عليهم بس بس ان يدافعوا عنا. لله الشكوى ظلم في الداخل وظلم بالخارج
-سوريا
جمال2011-05-22 09:26:20
عادي
عادي بنروح نشتغل بايران اصلا لازم كل السوريين اللي عندهم كرامه يرجعوا من الخليج
-سوريا
مواطن سوري2011-05-22 09:07:51
مطلوب المتابعة
لست هنا بصدد تذكير الإخوة الكويتيون ماذا فعلت سورية لهم كدولة وشعب خلال الغزو لهم. ولكنني أرجو من الحكومة السورية العتيدة متابعة هذا الأمر والعمل مع الحومة الكويتية لإلغاء هذا القرار الظالم بالنسبة للسوريين حيث أنه من حقنا كشعب أن يشعر ويفخر بأن وراءه حكومة تدافع عن حقوقه ومصالحه في الداخل والخارج أسوة بكل حكومات العالم الأخرى. أنا أريد أن أذكر بأن الحكومة الللبنانية كانت قادرة على إلغاء قرار مماثل في البحرين بوقت قياسي وشكراً
سوريا
المتغطرس2011-05-22 08:58:21
السن ب السن .....
ولكن هذه المرة اشد ردا على المتغطرسين الخليجين ونعاملهم بالمثل السن ب السن .....
-سوريا
ياعيب الشوم بس 2011-05-22 08:44:23
بناقص
لك اخ بس الله يرحمك يا حافظ الاسد يا كبير اول شي نحنا مو بحاجه تاشيراتكم تاني شي ازا الكويتين نسيو لحتى نزكرون انو لولا الله سبحانه وتعالى ومن ثم المرحوم حافظ الاسد كنتو لهلاء مشردين بين الدول 000 للذكرى فقط 000 وبعدين شو هل الكويت يعني شي بي
سوريا
محمد 2011-05-22 08:40:59
قديمة
ههههههههههههههههههه .. من يوم ما وعيت عالدنيا والكويت خصوصا ما بتصدر تصريح عمل أو أي تأشيرة لأي سوري إلا بطلوع الروح بألف واسطة ومليون منية ومرات بدفع مصاري ، والله والله هادا الكلام صحيح 100% .. وين الجديد بالخبر ؟؟
-سوريا
mh2011-05-22 08:35:49
هل نسيت الكويت استقبال السوريين لا ابنائها اثناء ا
لقد زهلت بقرار الكويت بعدم منح السوريين فيزا في هذه الظروف. لقد نسي الكويتيين بأن ابواب دمشق كانت دائما مفتوحة أمامهم لا سيما أثناء غزو صدام لهمز و اطلب من الحكومة السورية بالمعاملة بالمثل.
-سوريا
mamoun2011-05-22 08:34:10
atention
هاذا ليس جيد فالجمع يعرف إن ما فعلته الكويت هو تتمة لمشروع عزل سوريا إقليميا وعربيا ودوليا وسوف تقوم دولا اخرى بالمثل بحجة امنها القومي, ولكن ماذا سيكون الرد السوري بعد ان فتحت سورية حدودها مشروعة لـ ** .. هل ستعيد هذه السلطات النظر في هذه المسألة ومرافبة جهاز الجمارك و الموظفين الذين خربوا البلد, صدقوني يا أصحاب الرأي,لقد ضاق صدر الشعب بالمقولة: من ضربك على خدك الأيمن فدر له الأيسر وأصبح يؤمن ب العين بالعين و السن بالسن والله و الموت للبادئ
الدانمارك
سوري2011-05-22 08:34:47
المعاملة بالمثل
يجب على الحكومة السورية احترام شعبها عن طريق اتباع مبدأ المعاملة بالمثل، وللتذكير فإنه وخلال احتلال الكويت قامت سورية باستقبال كل من يرغب من الكويتيين بدون أي شرط ودون الاخذ بمقولة الاعتبارات الامنية
سوريا
عربي2011-05-22 08:21:34
ياريت نتعلم من هدول الاعراب
(( حتى لا يكون باب البلاد مفتوحا على مصراعيه أمام الوافدين العرب )) ياريت نتعلم من هدول الاعراب بالخليج انو فعلاً البلد مو باب مفتوح كل مين هب ودب بيفوت لعنا والتأشيره ببلاش بياخده الواحد من المطار((فلسطيني وعراقي ويمني وصومالي واريتيري ومغربي وجزائري)) كلها جنسيات تم القبض عليها تقوم بأعمال تخريب عناوالسؤال هون كيف دخلوا؟؟ طبعاً بتأشيرة دخول من المطار ببلاش لأأنو هاد البلد بابو مفتوح للكل لحتى يخربوا ويقتلوا ناسوا أو على الاقل يشاركوا العالم رزقهم ووقت الجد مافي بلد بيستقبل السوري
-سوريا
مقيم في الكويت2011-05-22 08:20:53
غريبة
بالامس كانوا عايزين يدخلوا مساعدات لدرعا وزعلولان سفير سورية بالكويت قال لهم درعا ليست بحاجة لمساعدات. واليوم يسكروا ابواب بلدهم بوجه الناس التى تبحث عن الرزق . بحجج واهية.الله يحفظ بلدنا ويكثر خيرهاولا يحوجنا لبلادهم الحارة. ونسوا ام تناسوا ان سورية والشعب السوري استقبلهم واكرمهم اثناء مشاكلهم مع العراق.ليش . اصلاا تصاريح العمل من الاول مسكرة على السوريين فعليا. سؤال ليش ما سكروها على اليمنين او المصريين . ام ان بلدانهم امن وامان.
-سوريا
حازم 2011-05-22 08:19:35
الله يرحمك يا ستي
كانت ستي تقول : المال يليي مو ببلدك مانو الك و لا لولدك . الواحد ما الو غير بلدو ينتج فيها و يشتغل فيها احسن بمليون مرة من دول الخليج
سوريا
مغترب بالكويت 2011-05-22 08:06:54
يجب إصدار قانون يمنع دخول الكويتيين إلى بلدنا
العين بالعين و السن بالسن و البادي أظلم ... أتمنى من حكومتنا الموقرة بقيادة السيد الرئيس بشار الأسد حفظه الله و أدامه فوق رؤوسنا أن يصدر قانونا يمنع دخول الكويتيين إلى بلدنا.
-الكويت
JouJou2011-05-22 07:25:48
They are worried
Guys the people in the Gulf countries are worried from some citizens from other countries to talk about freedom, about liberty and right to govern. That's will affect his highness power and why his highness' family is controlling and pocketing the country's wealth
-سوريا
فادي2011-05-22 07:17:49
ما جبتو شي جديد
كل عمرهم السوريين ممنوعين من الدخول الى الكويت ، واحيانا بيفتحوها شي شهر كل سنتين تلاتة مرة بس ما حدا بسوريا سائل ولا سفارة ولا خارجية
الكويت
Oltina Males 2011-05-22 06:55:30
God bless Syria
they forgot that Syria stand next to Kuwait when Saddam attacked the them and Syria open up her border for them. How bad is the Government of Kuwait. God bless Syria and her President
-الولايات المتحدة
سورية دبي2011-05-22 06:49:24
افيقوا يا سوريين قبل فوات الاوان
و ليش ما منعوا اليمنيين و لديهم مشاكل امنية اكبر بكثير من سوريا على كل ارجوا ان نكون قد فهمنا الرسالة جيدا و هو ان غير بلدك لا احد يلمك وعلى فكرة ليست الكويت فقط بل كل دول الخليج و هذه خطة للمزيد من الضغوط علينا وصحيح صدق المثل ان اكرمت اللئيم على كل نفس المشهد يتكرر عند حرب العراق منعوهم من دخول دول الخليج ولم شمل العائلات حين كان الذبح بقيادة حامية حقوق الانسان اميركايجري يوميا افيقوا يا سوريين وحافطوا على يلدكم والله الجميع مستعد ان يبيعنا من اجل مصالحه وخدمة لاسياده
-سوريا
سوري وبفتخر2011-05-22 06:26:50
راحت علينا
انا سوري وبفتخر انو رئيسي بشار بس ياجماعة انا تبهدلت لاني بشتغل بشركة شغالة بدول الخليج يعني كل ما يحاولو يعملولي فيزا عالكويت بتجي مع الرفض ليش لاني سوري. انصحونيييي
-الإمارات
Sam Star2011-05-22 06:30:02
الفرق واضح
عندما تكون هناك مشاكل في دول عربية، تفتح سورية ذراعيها لاستقبال الأخوة العرب ولتكون لهم مأوى حنونا. لكن السوري حظة قليل عند الدول العربية..
-سوريا
عمر2011-05-22 06:04:44
نعم
سوريا لما دخل الجيش الامريكي للعراق فتحت الحدود للعراقيين ليحتموا فينا ولما تم الغزو الصهيوني للجنوب تم فتح الحدود للجنوبيون وقاصمونا رغيف الخبز انا برئي لازم سوريا تقدم استفالتة من جامهة الدول العربيه وحاجي تبح صوتا لانو كل العالم خربوها وقعدوا على تلها والله سوريا مظلومه بمواقفها القومية يارب نعمل مجلس التعاون التركي البناني الايراني العراقي والله لح يصير تجمع قوي لانوا سوريا لوحدها والله يعينها ويعين الشعب المقاوم بس يارات يخفضوا السيارات من شان نقهر الخليجين كرامه وسيارات يارب
-سوريا
ابو شهاب الديراني2011-05-22 05:56:56
دول الخليج
يا جماعه بعد كل المسبات اللي عم نشوفها على اعلامنا السوري تجاه دول الخليج متوقع يصير اكتر من هيك...يا اعلامنا المسؤول هل تعرف عدد السوريين في دول الخليج كم وهل تعرف عدد العائلات المستفيده من الخليج؟؟؟
-سوريا
سوري 2011-05-22 04:58:30
عقبال عنا ، اشالله
ياريت نحنا بسوريا نغير سياسة الباب المفتوح اللي ما عم يجي منو غير الريح و العواصف يعني خلصنا كل واحد عم يجي بلا فيزا و بلا شي و بصير باكل هوا بالبلد على كيفو ، حاجتى سكروا هالحدود بقا.
-سوريا
aiman2011-05-22 04:40:04
الله لايحيجنا الكم
الله لايحيج الشعب السوري الكم... واللي بيته من قزاز مابيضرب الناس بالحجارة.. وياريت الحكومة السورية تعاملهن بالمثل وتردنا بعض كرامتنا!!
سوريا
Amr2011-05-22 02:46:05
اخ يا زمن
يمكن تناسى الكويتيون وقت اجتياح الكويت و آويناهم و اسكناهم ووقفنا بجانبهم ، نحن بغنى عن العربان ، نحن سوريون و السوريون اشرف منكم و من كل الخونة العرب صدقت يا رئيسنا وقت خطبت بأشباه الرجال سقطت الاقنعة و بقي قناع عروبة و مقاومة سوريا ان لم تجدي يا سوريا عرب رجال ستجدين اولادكي اكبر الرجال
-سوريا
mazen hatmal2011-05-22 02:20:19
ملا دول عربية والله
العمى بقلبن الفرق بين سوريا القومية الحاضنة لكل العرب حتى في احنك الظروف و بين الدول العربية المتواطئة و بخاصة دول الخليج ... يلي استحو ماتو ..تفوووو على هيك دول
سوريا
سورية2011-05-22 02:11:08
بناقص
بنافص منكن ومن الكويت تبعكن مو لازمة اي كل الكويت ما بتطلع قد محافظة بسوريا وبدا سكان من الهوا ووافدين بقى حاج تكذب وتلتعن وتضحك علينا تروح تضحك بغير حارة كل كفاءات عندا من الوافدين والاجانب حاج نفاق
-سوريا
محمد2011-05-22 02:09:47
حلوة الوحدة العربية
هؤلاء هم العرب و هذه هي الوحدة العربية بأجمل أشكالها! هؤلاء هم من ساعدهم جيشنا ووقفنا معهم عند الغزو العراقي!
-سوريا
محمد علي 2011-05-22 02:00:50
بلادي
ياسيدي ليس لدى السوريين أي مشكلة من الذهاب للكويت ولكن الرجاء من سورية القيام بالمعاملة بالمثل ورفض أعطاء المنح والتأشيرات للكويتيين حتى أشعار أخر مصر قامت بالمعاملة بالمثل مع بريطانيا عندما رفضت بريطانيا منح تأشيرات للمصريين ولكن ماأتمناه أن أرى سوريا من الدول اللتي يحلم الأجانب بالقدوم أليها وبإذن الله هذا اليوم ليس بعيد و حتى ولو كان بعيدا المهم أن نصل عشتي ياسورية ياحبيبتي أنت و شعبك
الولايات المتحدة