syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
كهرباء حلب تحذر من انقطاعات طويلة نتيجة زيادة نسب الاستهلاك..وجدول ساعات التقنين بحلب
الاخبار المحلية

حذر مدير الشركة العامة للكهرباء بحلب زهير الديري "من انقطاعات عشوائية للطاقة الكهربائية قد تصيب مناطق متفرقة من مدينة حلب في حال استمرار الاستهلاك، الذي تزايد بنسبة20% مقارنة مع الفترات السابقة".


وقال الديري لسيريانيوز "الزيادة المفاجئة للطلب على الطاقة أدى إلى ارتفاع كبير في حمولات المحولات، سواء بالنسبة لمحولات الاستطاعة الكبيرة أو الفرعية، كما تسبب بحمولات على خطوط التوتر العالي والمتوسط".

وأضاف "ولا تنسى الحمولات على الشبكة المنخفضة من كابلات تفريع وقواطع".

ويبلغ استهلاك حلب من الطاقة الكهربائية ما مقداره 1450 ميغا واط يومياً، حيث شهد هذا الرقم ارتفاعاً في الأيام العشرة الأخيرة، مع تغيير الأحوال الجوية، ليصل إلى 1750 ميغا واط، بسبب التوجه نحو التدفئة بالكهرباء، في ظل فقدان مادة المازوت وغلاء الغاز بشكل خاص.

وحسب الديري فإنه "بدءً من وقفة عيد الأضحى ونحن نعاني من انهيارات في بعض المحولات، وأعطال في قواطع الشبكة المنخفضة واحتراقات لكابلات التفريع وشبكته".

ورداً على جاهزية الشركة في مواجهة هذه الأعطال "الناتجة عن زيادة استهلاك الطاقة الكهربائية" قال الديري "ورشاتنا تعمل ليل نهار ولا نرضى بقاء منطقة بدون الطاقة الكهربائية، لكننا نتمنى من الأخوة المواطنين الصبر علينا، فهناك بعض الأعطال الكبيرة التي يستغرق إصلاحها ساعات طويلة، إضافة إلى أن كثرة عدد الأعطال العادية تستنفذ طاقة ورشاتنا".

وقسم الديري "مدينة حلب إلى 3 مناطق تبعاً لأعطال الكهرباء فيها: منطقة وسط المدينة والسكن المنظم، وهي نادراً ما تعاني من مشاكل وأعطال بسبب عدم وجود زيادة مضطربة على الطاقة الكهربائية، والمناطق المنظمة التي تدخل فيها بعض مناطق المخالفات، وهي تعاني من انقطاعات أعطال لكنها مسيطر عليها ويتم معالجتها بشكل آني، ولا تستغرق الصيانة فيها أكثر من 4 ساعات على أكثر تقدير حسب حجم وعدد الأعطال".

وأضاف "لكننا نعاني في مناطق المخالفات الكلية، حيث توجد فيها كثافة سكانية عالية، ونسبة عالية أيضاً من الاستجرار غير الشرعي، ما يؤدي إلى احتراق مراكز تحويل احتراق كامل للشبكة أحياناً وهذا يستوجب عملاً لساعات طويلة، كما أن وضع مركز جديد يستغرق أحياناً 10 أيام لحين دراسته وتنفيذه".

ويتجاوز عدد مشتركي الشركة 1.2 مليون، مع وجود عدد كبير من قاطني مناطق المخالفات، الذين يقومون باستجرار الكهرباء بشكل مخالف دون اشتراك، بعد القرار الذي منع الشركة من تزويد مخالفات البناء بعداد كهربائي، ما وصفه البعض في حينه بأنه محاولة "لنصب شركة الكهرباء حارساً لمنع البناء المخالف".

وكشف الديري أن "الشركة، وابتداءً من يوم الثلاثاء، ستقوم بتنفيذ تقنين للطاقة الكهربائية في حلب ولمدة ساعة، قد تمتد حتى الساعتين حسب الاستهلاك، وفق جدول ثابت (للإطلاع أنقر)"، محذراً من "زيادة ساعات التقنين إذا استمر زيادة الاستهلاك على الشكل الحالي".

ودعا الديري "المواطنين وخاصة قاطني مناطق المخالفات إلى عدم استجرار الطاقة الكهربائية بطريقة غير شرعية، لما تشكل من مخالفة دينية وأخلاقية وتتسبب في حرمان الغير من هذه الطاقة"، مؤكداً على أن "الشركة جاهزة لتزويد جميع منازل المخالفات بالعداد النظامي".

وتعتبر الطاقة الكهربائية هي الأخرى من المواد المدعومة من قبل الحكومة التي يكلفها الكيلو واط الواحد منها 5 ل.س، وتقوم ببيعها للمواطن حسب نظام الشرائح لتبلغ قيمة أول 100 كيلو واط 25 قرشاً، والكمية بين 100- 200 35 قرشاً، و200-400 50 قرشاً، و400-600 75 قرشاً، 600-800 2 ل.س.، و800-100 3 ل.س.، 1000-2000 3.5 ل.س.، لتتقاضى عن كل كيلو واط زائد عن كمية 2000 مبلغ 7 ل.س.

وحسب إحصائيات الشركة (انقر للإطلاع) حتى نهاية شهر تشرين الأول فإن النسبة الأكبر من المشتركين يستهلكون بين 400-600 كيلو واط في الدورة الواحدة ما يعني أن النسبة الأكبر من المواطنين يحصلون على الكيلو واط الواحد بسعر لا يتجاوز 65 قرشاً.

سركيس قصارجيان-سيريانيوز-حلب


2011-11-15 19:07:10
شاركنا على مواقع التواصل الاجتماعي:



شارك بالتعليق
عاشق ترابك سوريا2011-11-21 21:29:10
تركيا غير قادرة أنها تقطع الكهرباء
الدولة التركية حاولت أنها تقطع الكهرباء ولم تقدر لأن الكهرباء التي تستجر من تركيا هي من شركة خاصة تولد الكهرباء وضغطت عليها الدولة التركية ولم تستجب ورفضت أن تلغي العقد الموقع مع سوريا
سوريا
وسيم2011-11-17 18:47:39
نشل
سرقة مو طبيعية للكهرباء وقلة مازوت وندرة غاز. الحمدلله
-سوريا
مواطن سوري حر2011-11-16 19:51:13
مسخرة
قمة المسخرة هو ان الدولة تتحدث عن مشكلة كبيرة بمصروف الكهرباء و انه عنا نقص كبير بالكهرباء طيب ممكن افهم ليش كل الشوارع بمدينة حمص في المناطق طبعا خارج التوتر إضاءة الشوارع شغالة ليلا نهار فقط يعني ما بيطفوا اضوية الشوراع بالنهار ولا بالليل، اليس هذا دليل عن غباء و تخبط و تخلف
-سوريا
لمى2011-11-16 10:58:29
الله يكون بالعون
الله يموت بالعون بقى قلتوا الى زياده الاستهلاك .ليش ماتحكوا الحقيقه انه منع تركيا عن سوريا الكهرباء هو السبب.ياسيدى .هلق لاتلوموا بقى الناس اذا طلعوا بالمظاهرات السلميه وطالبوا الحكومه بالاصلاح .لانه للاسف بعد 8 اشهر تراجعنا للوراء بدل مانتقدم صح؟؟؟واللى عنده غير كلام يقول ويكتب.الله يعين الفقير يارب .الغنى عنده لحف ليتدفأ بس الفقير...شو عنده ...
-سوريا
مقضية قهر2011-11-16 10:21:11
مقضية قهر و فتل
اجباري لانو مافي لا مازوت ولا غاز حتى او اذا في مازوت التر ب 22 وكمان الغاز الجرة ب 400 ول احلئ انو المادتين غير متوفرتين فا بتكون الكهرباء اريح من شيل الجرة مع دابو المازوت وفتيل اذا بتفتل وانا بقلك مارح تلاقي واذا مالك مسدقني يا جللة المسؤل انزل الى الشارع وفتيل اذا بتفتل بس بقلك تقل بللبس مشان ماااااااااتبرد وحسبي الله ونعمة الوكيل
سوريا
مغترب2011-11-16 08:53:31
العصر الحجري
نحن هنا بدبي الاستهلاك عشر اضعاف سوريا و ما بصير الكهربا تطفى ثانية انا بس بدي افهم يعني نحنا هون عنا الكهرباء بمصاري و عندكن ببلاش مثلا بس عيب عيب عيب ...
سوريا
حــــــ ســــــوري ــــــر2011-11-16 04:06:13
رد على عاشق ترابك سوريا
لو كان في محاسبة يا اخ عاشق ما كان حدا استرجى يسرق !!! مو لما يلقطو واحد سارق او لاعب بالساعة تنحل مشكلتو الكبيرة كم ليرة للجنة !! المشكلة كلها بالحكومة و مسؤولها لانو قلبهم مو على بلدهم قلبهم على جيبوهم !!! مو عم تقول دول الخليج كانت صحاري و مراعي بس !! طيب شوف هلء وين صارو لك على الاقل اذا بدهم يسرقو بيسرقو بس بيعطو بلدهم حقها !! يعني 5 بالمية من المشروع للجيبة و الباقي للبلد مو العكس !!! مشكلة حسينا فيها بشكل كبير اخر 3 سنين و لهلء ما حلوها كلو كذذذذذذذذذب !!!
-سوريا
حــــــ ســــــوري ــــــر2011-11-16 04:03:38
غريبـــــــــــــة !!!
يعني الغريبة انو مر عشر سنين من الإصلاح معقول ما خطر ببال الحكومة يكون اكتفاء ذاتي من ناحية الكهرباء ؟ لك والله عيب !!! ليه ما خطر على بال هالحكومة و مسؤوليها يلي قلبهم على الوطن ! طول هالفترة و خاصة اخر 3 سنين يحلو مشكلة الكهرباء ؟؟ لك يا عمي بدكم تسرقو اسرقو بس بالمعقول يعني عطو البلد حقها و اسرقو الباقي مو تسرقو كل شي حتى حق البلد !! لك شوفو الدول التانية وين صارت لك يا عمي حتى قطر و الامارات و السعودية فيها سرقة و نصب بالمناقصات و المشاريع لك بس في نتائج ملموسة لك على الاقل ما بتنقطع الكهربا
-سوريا
Elite2011-11-16 01:09:04
حلبي
لك إذا حلب المدعومة لأنها فيها مكولكين و منحبكجية طبعاً كما يدعي النظام هيك شو بهن يقولو أهل حمص و حماة و باقي المناطق الله يعينهن بس مع إني ما بحب تنقطع الكهربا بس خلي أهل حلب يحسو بباقي المناطق لأننا منستاهل.
-سوريا
مجد الشامي2011-11-16 01:05:57
هههه حمصي حر قالها
والله انا فايت قلكون كمان انو تركيا ما بقا بدها تعطيكن كهربا. فكرت ما حدا لهلأ عرفان بس ماشالله كلو واعي عاللي عم يصير. طب ليش الكذب من الحكومة اين الشفافية؟ يعني في حدا بيصدق انو بالشتاء يتم و استهلاك اكبر للكهرباء و مع هذا الركوض الاقتصادي الرجاء الشعب السوري ذكي و واعي لا تستغبوه
سوريا
عاشق ترابك سوريا2011-11-16 00:59:02
لا كل واحد يعمل نفسه ما عرفان شو المشكلة
كل ما قاله مدير شركة الكهرباء صحيح 100% مافي حدا من كل الشباب المتواجدين ما بيعرف حجم التعدي وسرقة الكهرباء في قريته أو منطقته وفي هذه الفترة مع نزول البرد وعدم توفر المازوت أزدادت السرقات ضعف ما كان يسرق سابقاً , ولا دائماً نشلف بلاوينا على الدولة بدها الناس تخاف الله في الدولة ويعرفوا أن استجرارهم الزائد والكبير وإن كان سرقة يحرم غيرهم من الكهرباء
-سوريا
ا حمد ا لمندس2011-11-16 00:54:28
صرنا بالقرن 21 عفكرة ولسا في قطع كهربا ابتسم فانت
هاد هو الاصلاح الموعود ؟؟؟؟
-سوريا
حمصي2011-11-16 00:13:56
شو دخل تركيا
مين قال تركيا؟؟؟ مزبوط بسبب الاستهلاك......... مين قال تركيا أصلا نحنا اذا بدنا بنقطع عنهم المي والكهربا ولك حتى الهوا نحنا لو تلحلحنا
سوريا
حمصي حر2011-11-16 00:02:49
لحمي مر
السبب ياحبيباتي انو تركيا ما عاد بدها تعطيكن كهربا ... خلي الحلبية ياكلو كباب ع ضو الشمعة
-سوريا
حلبي2011-11-15 23:23:11
يا حبيبي
لك لا مازوت ولا كهربا!؟؟بالله ولو شو هالمزح التقيل هاد كيف بدنا نتدفى؟؟
-سوريا
سام خير2011-11-15 23:04:29
شي طبيعي
شي طبيعي يكون في زيادة على أستهلاك الكهرباء بما أنو مافي مازوت بشو ندفى يعني نحرق حالنا مثلا وأحلا شي لما يقول مافي أزمة مازوت؟؟؟؟
سوريا
محمود2011-11-15 22:40:26
فشل
دولة فاشلة ونظام فاشل. مشكلة بسيطة ما عرفتو تحلوها صرلكون سنين. ولأ مستغربين كمان ليش الناس قايمة عليكون
سوريا
مواطن غلبان2011-11-15 22:00:09
مازوت مازوت مازوت زوط زوط
الناس رح تموت من البرد من قلة المازوت ولهيك الناس عم تستخدم دفايات الكهربا وبعدين بتقولو زيادة استهلاك واعطال ورح تنقطع الهربا بالمرة وخلي الناس تطلع تتظاهر ضد الحكومة بحلب لانو ما ناقصو النظام غير حلب تطلع بوشوووو ترقبو جديد الاصلاحات اعطال كثيرة اصلاحات اكثر
-النمسا
يزن2011-11-15 21:53:55
شو زاد الاستهلاك
شو هالصدفة الحلوة .. زاد الاستهلاك فجأة 100% وصار بدها انقطاعات طويلة .. ولا تركيا بدها تقطع الكهربا ... لك إذا ما رح تبطلو كذب كيف بدكون تعملو إصلاح ..؟ عرفتو ليش ما عاد حدا يسدئكون لما تقولو جيبو لجنة مراقبة وعملو قمة عربية؟؟
-سوريا
قيس2011-11-15 21:48:35
ابن البلد
اي أمنو مازوت للعالم خليا تركب صوبيات وتتدفا - هي السنة محدا ناوي يركب صوبيا ويخليا موديل عالفاضي - امنو مازوت لنوقف استهلاك الكهربا
-سوريا
مصطفى2011-11-15 21:39:33
كمان ؟
كمان انقطاع ؟؟؟ يعني كل سنة نفس القصة ايه أي تطوير وتحديث اللي انتو فيه يا كهرباء حلب
-سوريا
ابو حلب2011-11-15 20:56:40
حزورة
مين الشاطر بيعرف مين عمال يسرق الكهرباء بحلب طبعا الشبيحة من العوائل المعروفة التي تشبح في الشوارع ولا فيه مين يحاسب .ازمةالكهرباء بحلب ستجعل الكثير يعيد النظر بمواقفه تجاه النظام. معقول حلب اكبر مدينة صناعية تنقطع فيها الكرباء عن المصانع والاكثر من ذلك لايستطيعون تشغيل المولدات الاحتياطية بسبب ندرة المازوت. والمصيبة اذا تركيا اوقفت تزويدنا بالطاقة الكهربائية
-سوريا
مشعان أبو العلمين حمودة2011-11-15 20:51:44
الله يستر
و الله وضع البلد مبكي. ما حدا عارف وين رايحين. شلون طلاب المدارس و الجامعات سوف يدرسون؟؟؟؟؟ كيف يمكن للمهندس و الطبيب ووووووو أن يعمل بدون كهرباء؟؟؟؟؟؟ كم هي الخسائر الجسيمة الناتجة عن انقطاع الكهرباء؟؟؟؟؟ ليش كل أغلب دول العالم بما فيها الأقل إمكانية من سورية مثل الأردن قد حلت مشكلة إمدادات الطاقة منذ زمن بعيد و سوريا ما زالت تعااااااني؟؟؟؟؟
-إيطاليا
5 سنوات ولم أكوي قميص أو بنطلون ولن أكوي2011-11-15 20:35:24
الأغنياء يخربون العالم والبيئة
مسؤول الشركة يريد أن يقول الفقراء هم سبب انقطاع الكهرباء لأن أحياء الأغنياء منظمة واستهلاكها منتظم! السيد يتجاهل أن استهلاك بيت واحد في المناطق الراقية يعادل استهلاك ألف منزل في منطقة فقيرة. فالغني يستهلك كهرباء في حمام البانيو إلى حلاقة الذقن إلى براد إلى سخان إلى فرن إلى ميكروويف إلى آيباد إلى آيفون إلى تلفزيون إلى كمبيوتر إلى طبخ إلى كوي إلى تجفيف شعر إلى..الخ. الأغنياء هم سبب خراب العالم. اقروؤا كتاب (كيف يدمر الأغنياء كوكب الأرض).تقنين الكهرباء لدى الأغنياء أكثر ضرورة ياسيد مدير الشركة.
-سوريا
شو ما كان2011-11-15 20:35:39
ههههههههههههههههههههههههه
زيادة نسب الاستهلاك, مو هيك؟؟؟؟
-سوريا