syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
وفاة ثلاثة أطفال دون الرابعة اختناقا في حريق تسببت شمعة
الحوادث

توفي ثلاثة أطفال دون الرابعة من العمر اختناقاً إثر حريق شب في منزلهم ليلة السبت تسببت به شمعة أثناء انقطاع التيار الكهربائي .


وقال مصدر في الشرطة لسيريانيوز "توفي ثلاثة أطفال أشقاء كلهم دون الرابعة من العمر اختناقاً بدخان حريق صغير تسببت به شمعة أثناء انقطاع التيار الكهربائي عن منطقة طريق المطار شرقي مدينة حلب ".

و أضاف المصدر أن " الأطفال المتوفين "باسل و محمد و بشار – ج "هم أشقاء وأعمارهم تتراوح بين عام وثلاثة أعوام وقد أمر قاضي التحقيق بتسليم جثثهم لوالدهم لدفنهم أصولاً ".

و بدأت شركة كهرباء حلب الأسبوع الماضي تقنيناً للتيار الكهربائي بسبب ارتفاع الطلب على الطاقة الكهربائية المترافق مع أزمة في المازوت الذي يعتمد عليه السوريون في التدفئة، في حين تلوح تركيا بقطع إمدادات التيار الكهربائي عن سورية .

سيريانيوز – حلب 


2011-11-21 07:07:04
شاركنا على مواقع التواصل الاجتماعي:



شارك بالتعليق
علاء2011-11-23 20:15:08
إلى جميع من رد
التقنين موجود قبل هلق صحيح بس هاالشي بسبب قلة المحروقات مو عقوبة للشعب، و كمان اذا بدكن تقولو انو الحكومة ساهمت بقتلن لانها قطعت الكهربا ففيني فول ان المتظاهرين ساهموا بقتلن لانهن مين سبب العقوبات و خلى عنا ندرة بالمازون اللي عم نستخدمه بتوليد الكهرباء. أما بالنسبة للاخ المحلل الموضوعي فبقلك نعم لسة في لهلق مين ماعنده كهربا ولا مي، شوف ضيع الشيعة في السعودية، و ضيع الاكراد في تركيا، و حتى بعض الضيع بصعيد مصر. أكيد مافي منية من الدولة لمن بتخدم مواطنيها بس كمان لازم نشوف الواقع. تحياتي.
-سوريا
محلل موضوعي2011-11-23 14:39:54
إلى الاخ علاء
رح يكون تعليقي موضوعي شوي لا مع النظام ولا ضده فقط أثارني قولك قبل الرئيس حافظ ماكان في كهرباء ولا ماء ولا...يعني بدك تقارن عام 1969 مع 2011 لك يا حبيبي ليش ضلت بالعالم غير يمكن بغابات افريقيا ما في ماء وكهرباء وهاتف العالم اليوم بعصر الاتصالات والنت وتكنولوجيا الفضاء والذرة والطاقة النووية ولسى عم تحمل المواطن السوري منية بالكهرباء والمي حبيبي هي واجب على الحكومة والدولة مو منية من حدايعني إذا العالم كلو عم يتغير ونحن بنفكر بعقلية السبعينات والثمانينات تعى شوف براوبعدين قارن الخدمات
-النمسا
ana2011-11-23 14:35:21
السيد علاء
إذا مشينا مع النظام خطوة لقدام وعشرة لورا مو معناتو تطورنا ياعزيزي الكهربا اللي وصلت عالضيع كانت رح توصل مع النظام وبدونه لانها صارت ضرورة ومع كل هالشي بتعرف انو لهلأ في قرى بدون كهربا؟؟ من سنتين احدى الطالبات كانت من الاوائل في امتحان الشهادة الاعدادية ولما عملوا معها مقابلة سألوها شو امنيتك قالتلون توصل الكهربا لبيتنا ماعمننكر بعض التطور اللي صار بس كمان لازم مانغطي الشمس بإصبع ونشوف السيئات
-سوريا
سوري طفشان2011-11-23 14:10:45
الله يرحم هل الطيور بالجنة
و الله العظيم لو صار هل الموضوع بشي بلد غير سوريا كانت طارت فيها رقاب و صقطت حكومات بس للأسف عنا أرخص شي هل الإنسان المعتر و كل هل الشي مشان كرسي الواحد لما بيموت ما بياخد معو غير قماشة و شقفة قطنة بس بدك مين يتعظ...حسبي الله و نعم الوكيل
-بريطانيا
محلل سياسي2011-11-23 09:12:06
الى علاء
عزيزي علاء وكأنك تتكلم ولا تعيش على الاراضي السوريه فلنرجع الى ما قبل 15 اذار ولنرجع الى العام الماضي..الم يكن هناك تقنين؟ الم تقطع الكهرباء بالصيف يميا لمده ساعة او اكثر ؟ فلنفرض انه تم قطع الكهرباء قبل عام وتم تشغيل الشمعة وشب الحريق ؟ّ اذن حكومتك ساهمت في موت هؤلاء يعني كلام غليون صح 100 بالميه .. تقبل مروري
-سوريا
علاء2011-11-23 00:02:55
الى ana
قبل ما تستعجلي و تقولي السوري طول عمره ابن عز بقلك انه قبل حافظ الاسد أغلب الريف السوري ماكانت واصلته الكهربا (كنا نقعد عالفانوس) ولا شوارع (كنا نركب عالدواب انتي اكبر قدر) ولا مية شرب (كنا نعبي من البير) ولا صرف صحي (مارح قلك شو كنا نساوي). و حتى الاكل ماكنا نشبع. هلق مافي ضيعة بسوريا مافيها كهربا أو مي أو مواصلات أو صرف صحي. لك يا عالم كنا نستورد القمح و هلق عم نصدره. الشغلة مو دفاع عن شخص أو حزب بس الحق لازم يقال. واللي عم يندب هلق سوء المعيشة يشوف كيف كانت البلد قبل الأسد.
-سوريا
علاء2011-11-22 23:46:42
إلى المحلل السياسي
و ليش ما تقول انو المتسبب بقطع الكهربا هنن الفورجية اللي عم يطلعوا و بحجتن عم يحطوا العقوبات على سوريا؟ لا تقلي بدهن حرية و من هالعلاك، عايشين بالبلد و منعرف و خصوصي بحمص. أصلاً و أنا موجود عن قرايبيني هنيك شفت كيف طلعوا كم ازعر كلهن مراهقين و بلشوا يهتفو. و ياريت وقفت هون. صارو يقطعوا الكهربا عالبنايات (و من بينها البناية اللي كنت فيها) فلا تقول سلمية و وما بعرف شو. منعرف القصة كلياتها.
-سوريا
zander2011-11-22 16:10:12
..
صح ياشاطر.. /رغم العتب/.. هذه حلب أم الدنيا، لهلء لسا بتحكي بالشمعة! لازم الهدف يكون الكهرباوالمازوت ولأجلن نسعى ونشتغل، مو الممانعة ولأجلا كلشي بيرخص.. هنيئابهيك حكومة فاشلة..
-الإمارات
ana2011-11-22 14:41:08
إلى عاشقة سوريا
أولاً: كلنا عشاق سوريا ثانياً:بحب تتذكري انو قطع الكهربا والتقنين مانو جديد عالبلد يعني سبب قطع الكهربا لا المظاهرات ولا المعارضة , من 30 سنة بتنقطع الكهربا عن الشعب السوري وبتنباع لغير بلاد (إن كنت ناسي أفكرك) في ظل نظامك اللي عمتدافعي عنو صرنا مواطنين درجة عاشرة مع انو السوري كل عمرو ابن عز
-سوريا
سراج2011-11-22 13:26:41
وين الغلط
أول شي الله يرحمهم و يصبر أهلن بس نصيحة يا جماعة يلي بدو يشعل شمعة يعمل أحتياطات , مثلا يحطها ضمن زبدية و على صينية معدنية نصف قطره أطول من الشمعة بحيث إذا وقعت تجي على الصينية و ضروري تكون عالية ما يطولها الطفل و ما يكون في أي أحتمال أنو يقع عليها شي أو فوقها على مسافة قريبة شي قابل للاحتراق ( خشب , برداية قماش ... )و دمتم سالمين , و رغم أني معارض ما بلوم الدولة بهذه الحادثة بالذات لأنو هذا قضاء و قدر
سوريا
سورية2011-11-22 13:21:56
لك آخ من العقوبات الاقتصادية شو ساويت بالشعب السور
يعني هدا الشي يلي بدها تصلو أمريكا أنو الشعب يشتكي من الحكومة مع أنو كل هالأزمة سببها العقوبات الاقتصادية الي فرضوها علينا الغرب بس الشعب السوري لازم يكون أوعى و يعرف يميز بين سوريا قبل الأزمة و بعد و الله يرحم هالأطفال المساكين بس الحق على أهلهم يلي ما انتبهوا عليهم و بدي قول لهيلاري كلينتون داعية حقوق الانسان شكرا على مساهمتك في قتل هالأطفال المسكاكين و رح تبقى سوريا قوية لو مهما صار
سوريا
Muhammad Shahwan2011-11-22 11:31:03
طائفتي : معارض
في ناس بتفوت عالموضوع وحاطة ببالها إنو بدها تنق على الوضع بالبلد وبس بدنا جنازة لنشبع لطم , مننتقل من حادثة محزنة إلى سيرة المازوت مشان نوصل لأنو الحكومة هية السبب!!
سوريا
عاشقة سوريا 2011-11-22 11:21:31
الصبر و السلوان للأهل
الرحمة لطيور الجنة و الصبر لأهلهم. ولمن شكر الحكومة السورية و سوريا الأسد بشكل استهزائي أقول له أن هذا ما جلبه لنا دعاة الحرية و الديمقراطية الكاذبة. سعى رئيسنا بكل ما استطاع لتحسين الوضع المعاشي للمواطن و تخفيض الأسعار ولو تحملت الدولةأعباء قاسية.و لكن هناك أشخاص لا يريدون الخير لهذا الوطن و ما زالوا يصرون على تخريب اقتصادنا و المتضرر الحقيقي في النهاية هوالمواطن. لا عتب على الحكومة و هي تفعل أقصى طاقتهاللحفاظ على مستلزمات المواطن و لكن ماذا تفعل في ظل هذا التكالب عليها؟؟ نحنا السبب
-سوريا
سوري معتر2011-11-22 10:05:57
الله يحميكي سوريا من أهلك قبل الأعداء
الله يرحم الصغار ويصبر أهلهم يعني إذا مافي مازوت العالم بدها تلجأ للغاز والكهرباء للتدفئة وإذا انقطع الغاز والكهرباء ستلجأ بعد فترة للحطب والحطب غالي ولا يتوفر بكل الاماكن يعني بعد فترة سنشهد غياب للغابات بسبب القطع الجائر للخشب لاستخدامه للتدفئة وكل أزمة تولد أزمة أخرى والبلد يغرق بين فساد المسؤولين وتقاعسهم وبين طمع التجار واحتكارهم والتموين والجمارك وحماية المستهلك تغط في نوم عميق وكاسك يا وطن
-الإمارات
محلل سياسي2011-11-22 07:10:09
الى علاء
بس لنرجع لورا قليلا بسبب حكومتنا الجليله تم قطع الكهرباء وبالتالي تم تشغيل الشمعة وبالتالي حكومتك ساهمت في قتلهم يعني كلام غليون صح 100 بالميه.. تقبل مروري
-سوريا
شيء من التور2011-11-22 02:57:18
why we died
الله يرحمهم ويصبر اهلهم لانو فعلا فاجعة كبيرة لهم وخلينا نحس بالناس واوجاعهم من دون ما نذكرمازوت و غازوبنزين لان الموت ما هيك بينقاس واللي عندو المازوت كمان راح يحزن بس مواطن ما فينو يحل ازمة كبيرة الله يساعدامهم ويعوضهم بالخير
-سوريا
سوري حلبي2011-11-21 21:19:15
حماية المستهلك
تتحمل حماية المسنهلك كامل المسؤولية فسعر الشاحن الصيني من شهرين كان ب60 ليرة اليوم ب 350 ليرة اذا لاقيت بعدين و التموين و حماية المستهلك من سعر المازوت يلي تجاوز 30 ليرة لليتر هناك قطاعات يجب التخلص منها فهي تعمل بدور سلبي أو ليس لها دور نهائيا و تستهلك من الدخل الوطني على الفاضي (1 مجلس مدينة حلب و قصصه و رشاويه بالبناء المخالف 2 حماية المستهلك 3 التموين 4 دوريات الجمارك التي لم تحرك ساكنا ازاء تهريب المازوت)
-سوريا
زينة2011-11-21 20:49:52
الله يعين الحكومة
عزيزي " المواطن " المزعوج كتير من نقص المازوت و تقنين الكهرباء ... بيسلم عليك هل جندي السوري الواقف تحت المطر و بعز البرد و بيقلك و انت عم تعبر عن انزعاجك بلكي بتمر على اهلي و بطمنهم أني بخير !!!!!
-سوريا
-2011-11-21 17:13:01
الى مواطن
اهلهم كانوا يبحثون عن المازززززززززززززوت اكيد وزير الكهرباء استقال لانه بسبه مات الاطفال
-سوريا
علاء2011-11-21 16:37:47
الله يستر
بس يا خوفي ما يطلعلنا غليون بكرا و يقول انو الشبيحة هنن اللي قتلوهن.
-سوريا
Syrian2011-11-21 16:14:10
شكرا
شكرا وزير الكهرباء . شكرا سوريا الاسد
-سوريا
che2011-11-21 12:54:11
بالنسبة لبكرا شو؟؟؟
الله يرحمهم ويصبر اهلهم , بس ممكن نسأل اذا المسؤولين بيتطبق عليهم نظام التقنين , يعني فيه مسؤول بتنقطع عنده الكهربا او بصف على الطابور مشان يعبي مازوت
-سوريا
مواطن2011-11-21 08:28:06
غريب &عجيب
لكن مقصوفة الرقبة امهم وينها....اطفال يختنقو اكيد بالليل(مشغلين شمعة) والكل دون الثالثة ابوهم وامهم وين كانوا عنهم
سوريا