syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

متسلطة ونكدية و أنانية ولم اعد أطيقها و أريد أن أطلقها ...ساعدوني ؟
اسأل مجرب

وجه بشوش متسامحة معطاءة  مرحة .. الخ هكذا يريدها دائماً ويحلم بها كشريك يستطيع معها بناء حياته والعيش بمستقبل مشرق و من دون عقبات .


يخبرنا صاحب المشكلة مطلقاً على نفسه اسم بائس  " لدي زوجة متسلطة وتجعل أجواء البيت كئيبة بسبب انانيتها وعلى وجهها دائماً علامات النكد واكاد لا أطيق العودة الى البيت ولا تعرف كيف تخلق جو المرح ولم اعد اطيقها"

ويتابع "البائس" " علما أني غير مقصر بأي واجب مادي او معنوي. وطبعا متسامح.لدرجة أني أشتهي ان تمازحني حتى ولو مجاملة" .


2012-08-15 12:05:26
شاركنا على مواقع التواصل الاجتماعي:



شارك بالتعليق
باسل2012-08-18 22:36:52
أم علاء
يعني عم تهددي أبو كرم إنو يا أما بيتحمل قرف ونكد مرتو يا أما رح يصير ببناتو نفس الشي ... على فكرة هي الاسطوانة المشروخة ما بقى حدا يخاف منها وإذا بدك الكلام الصح أنا بقول إنو لما أبو كرم تصرف صح متل ما عمل يمكن رب العالمين رح يبعتلو أزواج صالحين لبناتو ... فيمثل بقول المرأة شر لا بد منه ... أنا بقول إنو المرأة شر لكن بالنسبة إنو لا بد منه فأنا بقول إنو تووووووووووت بأحسن مرأة بهالدنيا وإنشاء الله بموت لأشبع قبل ما أتزوج
-سوريا
باسل2012-08-18 19:01:32
الدكتور أسامة
أنت أهملت أهم أسباب النكد عند الزوجين وهو أن الزوجة لديها تقلب دائم في مستويات الهرمونات لديها وذلك يجعلها كل ساعة بعقل وكل ساعة بطبع وكل ساعة بتفكير ويجعلها تنزعج وتصاب بالجنون من الأشياء التي لا ينزعج منها أحد عادة وبسبب أنه زوجها فهي تجد أنه موجود لكي يتلقى الضربات النفسية منها الواحدة تلو الأخرى وهي لاتعتذر عن ذلك أبداً لأنها تعرف أن ذلك من طبعها ومن طبيعتها وهي لن تعتذر عن طبيعتها وطبعها ... وبالنهاية ليش الشباب بتتطلع بالبنات ولااه ما بعرف
-سوريا
من ام علاء ..الى ابو كرم....2012-08-18 16:17:02
الدولاب قلاب والدنيا دوارة.
الاخ ابو كرم بتمنى بعد يلي عملتوتكون مرتاح الضمير لانو عمرك ما رح ترتاح وواضح من تصرفك بعد ما اخدت الاولاد انو انت مالك لئيم ابدا!!!وبحب خبرك تربي بنتك منيح وتعلما انو لازم تتحمل تفعيس وتنغيص زوج المستقبل وتتنازل عن حقوقا اذا كان زوجا مزاجي وبلا ضمير من شان ما يرجعها الك زوج المسفقبل ويطلب منك اعادة تربيتا!! والدنيا دوارة يوم الك ويوم عليك بترجعلك بنتك او اختك لينعاد تربيتا ومشكور على النصيحة !!!!...
-سوريا
مستغربة2012-08-18 12:10:15
باسل
والله يا باسل اذا بضل عموقفك انا بحييك وبشد على ايدك بس يلي بستغرب في ليش وقت حدا بيتجوز منفرحلو مع انو المفروض العكس
-سوريا
باسل2012-08-18 04:17:14
مستغربة
بعدين يا ست مستغربة لو شفتي يلي أنا شفتو كنتي بتعرفي إنو هادا الشر ممكن الواحد تتغير أفكارو اتجاهو وممكن إنو يستغني عنو بكل معنى الكلمة ... يعني مو شرط إنو ((لا بد منه))
-سوريا
باسل2012-08-18 04:14:49
مستغربة
أنا إذا تزوجت رح يكون هالشي لسبب واحد وهو إنو الدين بيطلب منا الزواج وإلا أنا ما لي نفس اتطلع ببنت
-سوريا
م . حازم ضيا2012-08-17 21:01:44
الى الدكتور اسامة.
اغنانا الدكتور اسامة في تعليقه بما ذكره عن اهم اسباب النكد بين الزوجين واضيف الى ما ذكره من اسباب ايضا: سبب لا يستهان فيه وهو تدخل الاهل السافر بين الزوجين مما يفضي في نهاية المطاف الى ابشع النهايات مالم يتم تداركها
-سوريا
قتيبة2012-08-17 19:39:29
مشكلة تواصل
ممكن طبعا انك تكون انت مشارك من غير وعي بزناخة مرتك وممكن يكون طبعها هيك وحاولت تخبيه عنك لحتى أتجوزتك وبعدين كشرت عن نيابها. في نسوان متل في رجال طبعهن زفت وهادا بيعود لانه ما تعلموا يعبرو عن احتياجاتهم ورغباتهم والأشياء يلي بتنرفزهم بطريقة واعية راقية ومنفتحة. يعني مرتك عم تحاول تبعتلك رسائل غير مباشرة عن الاشياء يلي ناقصتها بعلاقتكم . مشان هيك لازم هي تتعلم انه تعبر عن نفسها بطريقة تانية والا انت بحياتك مارح تفهم شوبدها وراح تتحول العيشة الى جحيم. اذا ماتحسنت بعتها وجيب موديل اجدد.
-سوريا
منار2012-08-17 15:40:00
لكل نتيجة سبب
من بعد قراءة مشكلتك لاحظت انو في شي ناقص ف الله يخليك حط ايدك على عينك متل ما بتوجعك بتوجع غيرك فاعترفلك بشوية علل فيك وصلت مرتك لمواصيلا .
-سوريا
مستغربة2012-08-17 15:08:40
الى باسل
والله يا باسل بتكون عملت زينة العقل بس هاد شر لا بد منه يعني بكرى لح تتجوز وتقول شو عملت بحالي
-سوريا
هههههههههههههههههههه2012-08-17 12:20:11
ههههههههههههههههههههههههه
ههههههههههههههههههههههههه يا جماعة التعليقات كتير حلوة وبتضحككك ... الله يسعد اهل سوريا وتكون بخيييير
-الأردن
mawaten2012-08-17 08:51:33
mawaten
طلقها
-الإمارات
باسل2012-08-17 08:32:45
مستغربة
أنا خطبت وانفسخت الخطبة ... وكلامك بأكد إني تصرفت صح ... الحمد لله إنو ما بدي اتزوج بالمرة
-سوريا
ابن البلد 2012-08-17 05:51:56
عدم العودة للبيت
بصراحة التعليقات جميلة - و بعضها مصحك جداً . النقطة الاهم بنظري أن الزوج لم يعد يرغب بالعودة للبيت - من هنا نرى أن الموضوع قد أخذ مداه . لا بد من تجريب الأبتعاد عن بعض شهرين ثلاثة أو حتى سنة , قبل الطلاق .
-السعودية
ابو الورد.....2012-08-17 04:35:26
أيو
??? ايه هو في ايه.. أفهموها بقا يا رجاله بطيخه.. بطيخه .. بطيخه ...يا احمر.. يا أقرع اللي عاوز يتنييل ويتجوز هو كده........وسلمتها ام حسن....
-مصر
متفاعل غير متفائل2012-08-17 03:15:43
فـ بعتذر
بما إنك خدت قرارك وناوي تطلقا؟ بشو فينا نساعدك نحنا؟ لاك, أنا بمعاملات الطلاق ما بفهم شي, فبعتذر.
أوغندا
ابوكرم2012-08-17 00:26:06
بوجها لبيت اهلها
والله يا اخي انا عندي نفس الوجع ؟؟ لقيمة ونكدية وعنيدة وغير اجتماعية . عن نفسي من بداية رمضان بعتها عند اهلها ليعاد تربيتها من جديد ولكن مع الاسف اهلها غير مبالين . عموما اخذت الاولاد معي وانا الان عايش مع اولادي ومبسوط من غير نكد ومشاكل . ولو ظل الحال كما هو الطلاق لابد منة . الانسان بعيش حياة واحدة .ليش يعيشها بقرب ونكد ومشاكل ...
-سوريا
مستغربة2012-08-16 23:15:51
ما بدها كل هالقد
ما بعرف شبك انت كل لرجال بشوفو نسوانون بعد لجواز متل ما انت وصفت مرتك شو الغريب بالموضوع هاد الزواج هييييييييييييك
-سوريا
الزير2012-08-16 21:43:31
نفس التجربة مرت معي
طنشها ولا تحكي معاها ولا كلمة وشوف النتيجة بعدين هي بتجي لعندك ركض
-سوريا
يا مال الشام2012-08-16 20:40:06
شو بدك
ههههه قال ساعدوني ؟؟؟؟؟ اي شلون يعني بنساعدك انت بدك تطبقها مثلا وبدك شي حدا يريحلك ضميرك ويقلك عيفها حالها وكرهها عيشتها خليها تتركلك البيت ...وبدك حدا يقلك علقها بالهوت ودخلها محاكم ولاتعطيها حقوقها ومهرها منشان تريح ضميرك اللي بعمرو ما رح يرتاح ....ولا بدك حدا يقلك تجوز عليها
-سوريا
البحر2012-08-16 20:37:18
نصيحة
قال الحيط للمسمار يش عم تشقني ..قلو اسأل اللي عم يدقني؟؟؟؟ بئى بنصحك تراجع نفسك وشوف ليش صايرة مرتك هيك؟؟؟ الظلم مر وخراب البيت مو سهل ....راجع نفسك
-سوريا
نور الدين2012-08-16 15:48:26
كلهن هيك
بتفتح الباب وبتقلا وراء دور امام سر بتجاه بيت اهلك رملا سر
سوريا
واحد مستغرب2012-08-16 13:57:53
شوف مرايتك
نفس قصة اختي....مع اعترافا الكامل بانهاكتير صايرة نكدية ونفسيتا تعبانة ببيت زوجا بس الامر هون انو زوجا ابدا ما بينطاق وما بينشرب مع المية العكرة ويامنتراه داير من محل لمحل عم يدعي عدم التقصير باي شي ويشكي انو مرتو نكدية ومسكر مخو ومو راضي يعترف انو هو موصل مرتو لحالتهاّ!! فيا ترى عزيزي صاحب المشكلة ما ذكرتلنا شو سبب نكد مرتك؟؟؟؟؟
-سوريا
ام احمد2012-08-16 13:42:13
الى د . اسامة المحترم:
دكتور اسامة المحترم بشكرك على مرورك الكريم لانو لازم يشوف صاحب المشكلة اي حالة هو ومرتو من الحالات يلي كتبتها حضرتك ويحاول يدارك الوضع واذا ما في حل يروح يطلق لانو من الاخر شكلو مو حابب يحل المشكلة او انو بدو مرتو تتقبل الواقع مع زوجها على علاتو من دون كلام!!
-سوريا
أبو المجد2012-08-16 13:52:48
ليش ماقطعت راس القط من اول ليلة
يعني ماخطبطها قبل ما تتجوز هلق اكتشفت انها نكدية بدي اسالها عنك واسمع رايها فيك كمان وبعدين بعطيك نصيحة بس من طرف واحد لايمكن الجزم انو هاد الواقع كل واحد فينا صاير مابشوف الا عيوب غيرو وعيوبو بينساها
سوريا
مراقب2012-08-16 13:40:52
الضمير الحي
اخي الكريم واضح انو هالوضع ناتج عن تراكمات سلبية مو بالامر السهل حلهاومو بليلة وضحاها صارت مرتك نكدية اكيد في سبب ورا نكدها حاول تعرف الاسباب وحاول تكون عادل ومنصف في علاج السبب بس كاني شايف انك مو حابب تعالج المسالة الا على طريقتك يعني بدك مرتك ما تنكد عليك حتى لو ما حليت مشاكلا وهاد مو عدل .
-سوريا
غاردينيــــــــــا2012-08-16 12:14:09
حتى الساعة المتوقفة تكون صحيحة مرتين في اليوم
كل هالعيوب اللي ذكرتها وما فكرت تذكر شي منيح فيها وكمان متزوجها عن حب مو خطبه أهل يعني بتعرف طبعها,ولا هي تغيرت بعد الزواج؟وياترى هالعيوب بس معك ولا هيك تعاملها مع كل الناس ؟اذا حضرتك شايف حالك ملاك ومو مقصر بشي وهي بهالطباع السيئة !!! لشو متحمل حاول تتفاهم معها تصلوا لحل لانو هيك عيشة ما بتنطاق وحط أهلها بالصورة كاااملة.مع إني برجح أنو يكون في تقصير منك بس يظهر أنك مفتح عيونك 10 على 10 على عيوبها ومغمض عيونك عن كل عيوبك لأنك لو كنت عادل كنت عالأقل اكتشفت تقصيرك بشي ناحية ,وخياركم خياركم لنسائهم
-سوريا
ريم من الاردن عاشقة سوريا 2012-08-16 11:43:59
حلين فقط لا غير
الحل الاول : خدها مكان جديد ورومنسي بعيدا عن الروتين مع كلام صريح وواضح عن سبب تصرفها في هذة الطريقة .. الحل الثاني : اذا لم تجد النتيجة ( عاملها بالمثل ) الى ان يصل احدكم الى حل .. موفقك :):)
-سوريا
ربان السفينة الضائعة2012-08-16 10:48:33
تزوج وحدة تانية
الواحد بيتزوج لينبسط , مو لينكد عيشته عليه , ضحكني تعليق مجرب وقرفان ))
-سوريا
سوبر سريعةةةةةة2012-08-16 07:53:42
نكديةةة هيك عبث يعني ؟؟!!
فتش بحبش بحالك عن مصايبك وشوف هيي كيف بتصير سنفورةةة مرحةةة وربي يسر
-سوريا
سامحونا2012-08-16 04:30:57
على الحارك
اللي في طبع ما في يغيرو روح طلق وخلاص أي شو هاد الله يكون بعونك والله أنا تنكدت
-سوريا
JONATHAN2012-08-15 22:09:26
LET HER GOOOOOOOOOO
SHE WILL NEVER CHANGE; DIVORCE HER. SELFISH PEOPLE ARE DISGUSTING.
الولايات المتحدة
روز2012-08-15 20:08:29
ترکنا بقی ولو
عقوله جوده لآ ولو ای شو مفکر حالک مافی متلک لوماکنت مقصر معاها ماکانت تنکدت بوجهک ولا لازم عطول الحق یطلع عالمره لیک هالامه الظراطه لیک
سوريا
محمد2012-08-15 18:00:07
شي غريب
متسلطة ونكدية و أنانية ولم اعد أطيقها و أريد أن أطلقها ...ساعدوني ! طيب اذا كل هاد شايفو على زوجتك شو ناطر مساعدة المعلقين !!!اي ما تركت للصلح مطرح بس انا بشوف انو ما في دخان من دون نار ولا تقللي انك مو مقصر بشي لا مادي ولا معنوي لانو نتيجة عدم تقصيرك واضحة جدا!!!!!
-سوريا
مداح حالو2012-08-15 17:52:29
واجب مادي او معنوي!!!!
يا هل ترى شو تقييمك اخي المحترم صاحب المشكلة لمدى عدم تقصيرك تجاه زوجتك وخصوصي من الناحية المعنوية لانو يلي واضح انو في تقصير لحتى واصلة الامور بينكم لمواصيلا وبحب احكي انو ما في شي من عبس وتقبل مروري...
-سوريا
متفاءل كتيير2012-08-15 17:25:25
وجهة نظر عن كثب
بصراحة انا من خلال تقييم حياة ومعيشة بعض التجارب الزوجيةلاكثر من حالة شفت انو ما في شي الا بسبب في بيت الزوجية, فمثلا الاسرة السعيدة هي نتاج تفاهم واحترام متبادل بين الطرفين ولا مكان للنكد اماتجربة زوجية تعيسة رايتها: فكانت تعود في الغالب إلى نشأة احد الطرفين منذ الصغر حيث يكون قد تربى في بيئةقاسية ترى الأبيض أسود والعكس وغالباجعلت منه شخصا يميل إلى التشاؤم أكثر منه إلى التفاؤل فيظن ان الذين من حوله هم اساس النكد
-سوريا
abdul2012-08-15 17:49:53
قلة عقل
اي طلقها مين ماسكك شو كل هالقد قضية معقدة وبدها انترنت، شو قلة هالعقل
-سوريا
د. اسامة :2012-08-15 17:00:38
اهم مسببات النكد على الاطلاق:::
الخصام المتكررواستقلال أحد الزوجين بمعيشته رغم تواجدهما تحت سقف واحد ..إفشاء أسرار المنزل إلى الأهل والأصدقاء ولو من باب أخذ النصيحة.. إشراك أى طرف ثالث فى المشكلات التى تنشأ بين الزوجين..افتقاد الحب وغياب التعبير عنه بالوسائل المختلفة..عدم احترام الآخر أو التسفيه من قدراته..غياب النقاش المتحضر بين الزوجين لان النقاش يحل امور عالقة و يوضح مسائل قد تكون غائبة عن ذهن الزوجين او اتفهمت بالعكس ..واخيرااهم سبب للنكدهو:التهديد المستمر بالطلاق او الانفصال سواء من الزوج للزوجه او العكس .
-سوريا
الى مو مهم2012-08-15 16:46:18
!!!؟؟؟
انا مع كلامك 100 بالمية بس الطامة الكبرى انو اخر المطاف الزوج يعرف اسباب نكد مرتو وما يهتم لعلاج هالاسباب خصوصي اذا بتتعلق باخطاء من طرفو او طرف اهلو تجاه مرتو ومتل ما اسلفت ما في فعل بالحياة الا وقابلو رد فعل ....
-سوريا
عاشق الشام2012-08-15 15:32:21
مابدها
طلقها اذا وصلت معاها لطريف مسدود اي كم عمر رح نعيش
-سوريا
apo lujean2012-08-15 15:00:54
syria
أنا برأي طلق فورا لبنات على افا مين يشيل بس خود مرة ومعها مرة تانية مجانا عن طلق لانو هيك صنف من نسوان هيك بدون
-سوريا
سامر2012-08-15 14:01:29
الله معها
يا اخي طلقها وحنا ملنا الله
سوريا
مجرب و قرفان2012-08-15 13:52:33
لا تستنى
حط رجلك بضهرها و ادفشها على بيت اهلها خليها تتنكد على اهلها , و يعيدو تربيتها من جديد
-سوريا
مو مهم2012-08-15 13:42:15
شوف عيوبك بالأول
بتوقع لما اتزوجتوا ما كانت نكديه بقى شو اللي اتغير؟ هون لازم تفكر وتلاقي حل لأنه اللي عم تعمله زوجتك هوه رد فعل بدأ تلقائي وعفوي واتحول لشكل مستمر.... بيجوز انت خيبت أملهابموضوع معين متل الجنس مثلا، في سر بالموضوع وأنا بشارطك لو صحلك تسمع اللي بقلبها كنت غيرت رأيك وغيرت من حالك. المذلوب جلسة صراحه وانت بلش واسأل إذا عم تلبيها جنسيا أو ماديا أو معنويا، المشكله مافي زوجه رح تحكي الصراحه بسبب الخوف من الطلاق وانعدام الشعور بالأمان ودمتم
-سوريا
حباب2012-08-15 12:40:21
ما بدها يا رجل
نكد عليها وخليها تجرب كيف شعورك واذا ظليت نفس الشي طلقها وعيش حياتك
-سوريا
شامي2012-08-15 12:35:53
رأيي
برأيي حاكيها بصراحة وعطيها مهلة محددة واطلوب منها أنو تتغير بهالمهلة وإلا لح ينتهى كلشي بيناتكم ، ساعتها يا اما مشيها ومليااااان غيرها بنات رايقين ولذيذين ، وخليها تروح تلتئم بالحيطان ، يا أما بتصير عال العال وكلها رواق
-سوريا