syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

سأصل قريباً إلى كندا ومشكلتي أنني لا أعرف أي سوري هناك ...ساعدوني
اسأل مجرب

الغربة وما تحمله معها من مشاكل حتى قبل الوصل اليها .


يقول صاحب الرسالة " سأصل الأراضي الكنديه(مونتريال) قريبا ولكني لاأعرف أي شخص يعيش هناك .. كيف يمكن التعرف على أصدقاء سوريين هناك...ساعدوني "


2012-09-03 14:38:06
شاركنا على مواقع التواصل الاجتماعي:



شارك بالتعليق
بسام2014-07-08 04:28:46
الموضوع قديم نحن اﻻن في عام 2014
انا صارلي في كندا 7 سنوات :انا سوري من الرقة كانوا كل اهلي معارضين سفري وانا كان كل همي وصل كندا وسافرت من تركيا الى كندا وفي الطيارة تعرفت على عربي وعدني انو يستقبلني في منزله وعند وصولي مطار كندا ابو عرب تركني بالمطار وراح .. جلست في المطار ابكي واتذكر اهلي وامي اكثر من ساعة: صدفة كان هناك عامل نظافة في المطار قال لي انت عربي وسكنت في منزله ووجت عمل في مطعم نحمد الله
-سوريا
Radwan Alsabbagh2012-09-09 09:29:01
Take it easy!
الأخ الكريم، التعميم بان العرب سيضروك غير صحيح و لكن وجود السورين او العرب بقربك يطمأنك نفسياً فقط. ممكن يفيدوك بالتعرف على المدينة و بعض الأماكن و المحلات العربية. لكن لا انصحك بالاعتماد عليهم كثيرا لانهم بيحكوا كتير و ما بينفذوا الا القليل!! اتكل على الله و لا تخاف، الناس بكندا لطفاء و بيحبوا المساعدة و اذا عم بتدور ع بيت او شغل انصحك بالبحث بهل الموقع: http://montreal.en.craigslist.ca/hhh/ تمنياتي لك بالتوفيق و اتكل ع الله و حالك فقط و خلي ابوك و اموك يدعولك الله يجمعك بناس تحبك و تصدق
-الولايات المتحدة
عباس القاري2012-09-08 17:06:56
كيف استثمر في كندا
دخيلك باعتبارك طالع ولأصحاب الخبرة , كم المبلغ المطلوب لبداية حياة مستقلة في كندا ؟ وماهي مجالات الاستثمار البسيط في كندا؟ مطعم مثلا أو كافيه أو سوبر ماركت ؟ يعني من الآخر مبلغ 200.000 دولار يعتبر مبلغ جيد للبداية ؟
-سوريا
فادي2012-09-08 15:21:15
الي Maya
الانسة مايا اشكرك على النصيحة ولكن الهدف من الزيارة هو طبي لا للسياحة، اما كون تواجد الجالية العربية نادرة هناك هذا ليس بالامر المهم بالنسبة لي فالاهم هو الحصول على معلومات عن المنطقة والايجارات الى ماهنالك اذا كانت لديك معلومات كافية عن المواقع الالكترونية التي تتيح عرض شقق فندقية شهرية للاجار اكون لك من الشاكرين وايميلي متاح لهذا الغرض ..اشكر لك لطفك واهتمامك
سوريا
مغترب فيي الواق الواق 2012-09-08 12:19:11
هيا يا سوريين انا واحد منكم بدي محشي طوسا
يا ذاهب الى كندا يا مغترب اذا اردت ان تتعرف على سوريين هناك نصيحتي ان تضع اعلان في الجريده و تقول انا السوري مشان الله بدي اتعرف على سوري مثلي مشان الله يا سوريين ان غريب في هذا البلد الديموعواجي الحقوقانساني
-سوريا
بسيطة2012-09-08 02:18:21
بسيطييييي
مثل ما قال أحد المعلقين من وصلتك عالسفارة السورية أو القنصلية بيلاقولك شغلة بتتجسس فيها عالسوريين، هذا إذا ما كنت رايح لهالشغلة! روح اقرأ شو عميعملوا موظفي السفارات!
-سوريا
واحد2012-09-07 21:13:35
كمان واحد
ابعتلي فيزا لعندك هيك منصير 2 و مندور على 2 كمان منلعب طرنيب
-سوريا
أبو فراس2012-09-07 16:20:46
خدمات في كندا
أخي الكريم نحنا عندنا مكتب متخصص للمهاجرين لكندا ومنساعدهون كتير ومنقدملهون خدمات متنوعة وخصوصا أن النصابين والمحتالين كتار كتير هناك ، إذا بتحب اي مساعدة راسلنا على الإيميل
سوريا
سوري مغترب2012-09-07 08:54:39
Success is what matters
عمي..انت مانك موضح شو سبب اغترابك..بكل الاحوال..كلمتين ورد غطاهن ونصيحة من شخص شاف بالغربة كتير..لا تدور على حدا خلي الناس هي تدور عليك..لانو متل ما خبرك كذا شخص هدفك فوق كل شي..الناس فيها المنيح وفيها السيء عرب او غيرو بس المهم تحقق النجاح لانو هاد هو المقياس اللي بيحدد اذا كان اغترابك بمحلو او كان علاك وتسلاية وتضييع وقت ينتهي بك بالجلوس بالقهاوي مع الجالية العربية العظيمة والتحسر على الماضي الكئيب. كلمة اخيرة..من لحظة وصولك لكندا تذكر هي من اخوك السوري المغترب..الوقت من ذهب
-الولايات المتحدة
ماجد 2012-09-06 23:10:59
مونتريال
أخي الكريم، الغربه مثل صفوف المدرسه حيث ترى طلاب الصف الواحد جميعا أصدقاء فلاتستغرب إذا شعرت بصعوبة في الانخراط مع القدماء من المهاجرين، حاول أن تجد أصدقاء من أمثالك حيث لكم نفس المشاكل والتساؤلات والطموحات وعندها ستنتقل مع هذه المجموعة خطوة خطوه. والله الموفق
-كندا
مواطن غلبان2012-09-06 11:25:39
الغربة
خود معك سي دي في تسجيلات لاصوات الرصاص والتفجيرات والقصف واصوات الاستغاثة وحوامات الهليكوبتر واسمع السيدي كل يوم وهيك ما بتحس بالغربة بنوب
-سوريا
risa2012-09-06 11:00:48
طيب خلص
طيب خلص لا تروح اذا ما بتعرف حذا
-سوريا
عمر2012-09-06 08:44:08
وزعــــــــــــــــــــــلان؟
أنصحك بألا تعرف أي سوي. صدقني لن تحصل منّا نحن السوريين إلا على المشاكل ووجع الراس. ستخرج من سوريا (مبروك) تنفذت بريشك.. هذه البلد أجمل بلد في الكون ولكن أهلها لا يستحقوها.
-الإمارات
فراس عبد الكريم2012-09-06 07:41:30
عرض مساعدة
السلام عليكم.. اخي الكريم انا موجود بمونتريال و جاهز لاستقبالك في المطار و تقديم المساعدة حسب المتاح .. حاول التواصل معي على البريد الالكتروني و الله يقدم اللي فيه الخير.. لا تاكل هم ان شاء الله امورك بتكون بخير
سوريا
ICEMAN2012-09-06 07:30:26
نارة يا معلم
نزيل خدلك نفس ارجيلة بواحدة من قهاوي (Downtown, St Laurent, Laval) ولح تلاقي العربان حوليك من المحيط الي الخليج
-كندا
m2012-09-06 01:10:02
mm
this is the best thing for you, kepp away from any arabic guys, plz don't try to know any of them and you'll be on pace, just go and do what you are going for,
-سوريا
Lives in Halifax 2012-09-05 22:19:38
God be with you
يا اخي الكريم, بلاد الغربة بتخوف. في ناس ضلوا ع دينون و ناس انحرفت و صار الها مشاكل كتير هونيك.. المهم انو انت تلائي الناس الطيبين لانو صراحة اغلبية العرب وحوش و خصوصي ازا كان معك مصاري رح ياكلوك بقى دير بالك على حالك و انت قرر ايا يلي تصاحبو ويلي ما تصاحبو شي تاني, انو مونتريال مقاطعة فرنسية بقى ازا كانت لغتك فرنسي ضل فيها. بس ازا كانت لغتك انكليزي حاول تنتقل ع مقاطعة انكليزية متل Toronto, Ottawa or Halifax .والله يوفقك يارب و الله يبعتلك ولاد الحلال وين ما كنت .
-كندا
ميدو المشاكس 2012-09-05 21:53:18
الله ييسرلك
باينتك أنت من النوع يلي مابيحسن يعيش وإلى وحبايبو معو أو ناس من ريحة البلد , ـخي العزيز السفر صعب والغربة صعبة , حاول قدر الامكان أنو تتواصل مع ناس غير سوريين وسوريين بنفس الوقت يعني عاشر أهل البلد ونخرط فيهم , هاد اقرب حل أنو تنسى الغربة شوي , زمع الوقت بتحس حالك ببلدك التاني . تحياتي ألك وثق تماما أنو في كتير ناس عم تقلك نيالك :)
-سوريا
دمشقي عتيق2012-09-05 16:40:51
تعليق
باستغرب من الناس يللي بينزلوا من قيمتنن. لك الاجانب بيحتقرونا لانه منكره بعضنا. يا عيب الشوم عليكن. لك انا الي رفقات من سوريا المندس و المنحبكجي و الصامت و من كلل الملل يللي ببلدنا و نحب بعض و منحترم بعض و منطلع و منأرغل سواو منساعد بعض ولو بالنصيحة. .بس رب العالمين بيبعت للانسان على هوى نيته متل ما قال احد التعليقات. يا اخي لا ترد على حدا بس كون حريص بالنتقاء لاصدقاء. الله يسرلك
-سوريا
derar2012-09-05 16:08:14
لا تقلق
لا تقلق انا كنت بنفس ظروفك اول ما اجيت... راسلني rezek_301@yahoo.com جاية كطالب ولا شو وضعك؟
كندا
أبو جانتي 20202012-09-05 14:32:33
بسيطة
الحل سهل وبسيط وواضح , من وصلتك بوشك على القنصلية السورية بمونريال وهنيك بتحس حالك بين اهللك وحبايبك .
-سوريا
فريزر 2012-09-05 10:58:41
..
مافائدة التعرف؟ غير وجع راس وأضرار متنوعة.. تزوج بترتاح، وذلك قبل أن تنغمس بملاهي الحياة لاسيما وأنك تبحث عن علاقات ما، وكلو بنفد عبعضو.. الزواج إلك ضرورة وحصانة فافتح هالحصالة.
-الإمارات
مغترب2012-09-05 09:34:56
نصيحة عن تجربة
نصيحة عن تجربة وباختصار شديد ما بفيدك هنيك غير مصاريك ولغتك لأنو هدول إيديك ورجليك بالمرحلة الأولى من غربتك لحتى تتمكن من البلد فحضر حالك من هلأ أنو يكون معك مبلغ كبير وتكون لغتك ممتازة وهيك بتكون مالك بحاجة لحدا لأنو يلي رح يخلوك تمشي و المعارف تأتي بعدين لأنو مافي حدا لحدا هنيك وما حدا فاضي لحدا فنصيحة كتر مصاريك وقوي لغتك وتوكل على الله وطلاع وغير هيك ما تطلع
-الإمارات
ابن الشام2012-09-05 07:50:20
تواصل معي
انا من سكان مونتر يال عملي ادد ع الايمل واي مساعدة انا جاهز abdalrahman@hotmail.com
-كندا
مغترب آخر بأميركا 2012-09-05 02:44:35
إلى مغترب بأميركا
هههههههههههههههههههه لك أنت حكيت درر !! الضربة على ياللي يفهم !! :D ههههههههههههههههههههه
-الولايات المتحدة
صاحب المشاركة2012-09-05 01:13:13
في مكان ما
في البدايه أتوجه بالشكر الجزيل لكل الأخوة المعلقين وخاصة الأخوة الذين تركوا أرقام هواتفهم للتواصل. لقد دونت الهواتف وان شاء سأتواصل معكم في المستقبل.
-سوريا
فاعل خير 2012-09-04 23:43:08
كندا
انا جاهز في الخدمة و لا يهمك بس توصل بسلامة انشاء الله على مطار دورفال في montreal اتصل بي على هذا الرقم 5148344482 لاني ساكن في ال west island في montreal
سوريا
محمد2012-09-04 23:11:02
كتير بسيطة
أخي في كل بلد هنالك جالية عربية أنت فقط اسأل عن مكان تواجدها وبإمكانك أن تسكن في منطقتهم ....
سوريا
sam2012-09-04 23:08:31
u may contact me
I live in Toronto you may contact me if you like, my e-mail address is : jaboursami@hotmail.com
-سوريا
M.S2012-09-04 22:40:24
wish you the best
افضل شي تعملو انك تلاقي شي بنت كندية و تحاولو تعيشو مع بعض...رح تتعرف على عادات البلد و لغتها و كل شي بيخص البلد من خلال هالبنت ..بالأضافة انو رح يكون معك شخص بيهتم فيك..... اغلب الأحيان العلاقة هي ما رح تكون مثالية و رح يكون في الها رواسب او مشاكل..... بس بعد ما تكون اتعرفت عالبلد رح تصير بوضع بيسمحلك انك تاخد القرار الصح ....موفق
-فنزويلا
وائل2012-09-04 20:26:49
الى عابرة سبيل
بما انك عابرة سبيل شو عيشك بالكيبيك انا مو مصدق كيف خلص دراسة من جامعة لافال لروح على مونتريال وبالنسبة للأخ السائل أول شي أمن مكان تنام فيه وبعدين بتتيسر امورك شوي شوي واذا كنت جاية ببرنامج هجرة بتتصل بالحكومة بعد فترة لأنها مجبورة تظبطلك أمورك ولا تنسى تسجل بدورات الفرنسي
-كندا
مغترب باميركا2012-09-04 20:02:47
مافي داعي تكون بتعرف حدا
بما انك طالع وما بتعرف حدا سوري .... فهي اول خطوة نحو النجاح . موفق حبيبنا
-الولايات المتحدة
مغترب قرفان2012-09-04 19:40:00
الا العرب
نصيحة اعتمد على حالك , لانه شعبنا كتير بشع برا بالغربة. ويلي عم بقلك انه مو هيك الوضع , كذاب بعينو . لا تقرب عالعرب , لا تقرب على العرب .. كل الجنسيات مو بس السوري .. لا تقرب على العرب . مشان الله والله خطيتك برقبتي و بكره بتشوف . اللهم اني قد بلغت اللهم فاشهد
-إسبانيا
غريب2012-09-04 18:14:55
السلام عليكم
صارت معي بباريس و انصحك عندما تدخل الى اي تجمع قل لهم السلام عليكم و ستجد من يجيبك و يساعدك فوراً
-سوريا
عابرة سبيل2012-09-04 16:59:44
بلا عنوان
اخي الكريم ما دامت وجهتك هي مونريال فلا توجد مشكلة لانه تقريبا اصبحت مونريال محتلة من العرب والجالية الشامية تجدها بكل مكان, لكن قبل الذهاب يجب الاستعداد لذلك جيدا (الايجار, المواصلات, خريطة المترو والباص) انصحك تراجع موقع montreal.kijij.com ستجد كل انواع الاعلانات وانصحك بقراءة جريدة صدى المشرق اكتب في الغوغل صدى المشرق و ستجدها هي جيدة من حيث الاعلانات عن خدمات متنوعة ممكن ان تقدم بالعربية, اتمنى لك التوفيق, كندا بلد جد جميل وناسه محبوبين,انا اعيش بمدينة كيبيك سيتي.
-كندا
عماد2012-09-04 16:27:21
نصيحة ذهبية
نصيحتي لك. تحتاج أن تجد أحد قبل قدومك إلى كندا\مونتريال ليستأجر لك مكانا تقيم فيه عندما تصل. و باقي الأمور تحصيل حاصل. من خلال الردود قرأت ردين أو ثلاثة من مونتريال يعرضون فيها المساعدة لذلك تواصل معهم بشكل جدي و اتصل بهم منذ الأن واسألهم بأن يجدو لك مايدعى روميت سوري أو غيره لأن المشكلة الأولى أن تجد مكان تنام فيه لأانه من غير اممكن ان تبقى بالفنادق لفترة طويلة أما بقية المشاكل من البحث عن عمل و التعرف ألى الناس فمكن أن تقوم بها بنفسك بعد أن تجد المكان الذي تستقر فيه. مع تمنياتي لك بالتوفيق.
سوريا
مغترب بمونتريال2012-09-04 16:36:22
عيب
عيب على كل واحد بيقول لاتتعرف على عرب وبعد عنهون... والله ياعيوني كل واحد بيلاقي صحابو يلي متلو .. ويلي عم يعلقو انو العرب بيغدرو برا وبعد عنهون هاد لانهون هنة سيئين متل يلي اتعرفو عليهون. ومن الاخير على قد نيتك الله بيبعتلك واهم شي تكون مرضي من ربك ومن امك وابوك وشوف التوفيق كيف بيجيك مع احترامي للجميع السلام عليكم
-كندا
ابن الشام2012-09-04 16:36:37
أهلاً وسهلاً
أهلاً وسهلا فيك يمكنك الاتصال بي على البريد التالي titonexus7@gmail.com كلنا جينا على هلبلد وما منعرف حدا واتعرفنا على ناس بترفع الراس أو بتوطي الراس.... بس المهم أنك تكون أنسان محترم وترفع أسم بلادك وأهلك
سوريا
Maya2012-09-04 16:11:54
الى فادي
سيد فادي اذا كنت طالع زيارة ع تورنتو وماعندك أصدقاء ما بنصحك أبدا تسكن هونيك لانها منطقة بعيدة وغالبية الناس اللي بتطلع ما بتستأجر فيها متل ما قلتلك لبعدها اولا وعدم توافر المحلات العربية تانيا وتالتا هيي أغلى من غير مناطق من ناحية الإجارات
-سوريا
مغترب2012-09-04 15:50:47
أحسنلك ما تشوف ولا واحد سوري أو عربي
أخي الكريم أنا تقدمت بأوراق هجرة لكندا من خمس سنوات تماماً و لحد الآن ما اجاني شي من سنة و نصف اجتني منحة لدراسة الدكتوراه باحدى الدول المتقدمة فأنا حالياً مغترب عم ادرس و بعد تجربة سنة ونص بالغربة اكتشفت انو أفضل شي ما تعرف حدا عربي بالمرة أفضل بكتير و أريح و بتتوفق أكتر لذلك اعتمد عحالك الله من فوق بكو معك العرب ما فيهن غير المشاكل و الحسد و الطمع و التكفير أنت رايح كندا لازم تصير كندي و تنسى العرب واذا غير هيك لا تروح .. راح يجعك راسك اذا التقيت عرب هناك .. بالتوفيق
-النمسا
عزيز اللزيز2012-09-04 15:31:58
كل شي لزيز مع عزيز
بسيطة كتير حبيبي,,, بتوصل على كندا بتنزل إعلانين بالجريدة, الأول أنك مستثمر سوري عندك راسمال و حابب تشغل مصرياتك و عم تدور على شريك سوري مقيم بكندا و بيعرف بقوانين البلد لحتى يساعدك تبلش مشروعك (يفضل يكون طبيعة صناعية أو ورشة...يعني المطاعم بلاها) و بتحط رقم تلفونك.... و التاني انك لاجئ سوري و خلصوا مصرياتك و الحكومة ما عطتك لجوء و بدك مساعدة من أهل الخير...و هيك يا حبيبي بتتعرف على كل نصابي كندا دفعة وحدة... و بالتاني يمكن تتعرف على واحد او اتنين بتعملهم اصحابك
-سوريا
بائع احذية 2012-09-04 13:53:39
وضع السوق
السوق كسدان ما عاد حدا من الصحفيين اشترى حذاء وصارو كلهم متل الهنود لك ما عادو انهرو الاحذية ومتظر الزيدي عمل طفرة كم يوم وخلصت القصة لك فردة الصباط يلي انشلف فيها بوش عم تنباع بملايين يلا.... اختي اوعك تطلبي مساعدة عربي ..اياكي .... شوفي شي واحد يكون ايريش وبتلاقي حالك كانك بين اهلك اصلا العربي لو كان قدران يساعدك كان ساعد حالو وما سافر برات بلدو العرب كحيانين ..... وليش لتسافري وتطلب مساعدة ..... شو صاير عليكي هون
-سوريا
syria2012-09-04 13:28:14
سوري حر
اخي بغض النظر عن شو هي ديانتك او معتقداتك..افضل شي ترووح عالمسجد القريب في الحي اللي راح تسكن فيه واسال عن السورييين, بالانترنت ممكن تدور عليه او اذا شفت اي شخص مسلم او مسلمة بالطريق ممكن تسأل.. طبعا اذا شفت الناس شوي ناشفيت او ماكتير اهتموا فلا تتحسس وتنزعج هادا عادي ولاتنسى بالوقت الحالي يمكن تلاقي شوية ناس خايفيين وبدهم يتعودو عليك او ناس بطبيعتها ما من اول مرة..
-سوريا
مهاجر2012-09-04 12:21:36
مقدم اوراقي للسفر
مرحبا اخي وانا كمان متلك قمت بتقديم اوراقي للسفر الى كندا هجرة الى كيبك مونتريال ( برنامج عمال مهرة) منذ سنة ونصف ولكن حتى الان لا شئ وانتظر الرد ارجوا منك ان تضيفيني لكي استفسر منك وممكن نتقابل هنيك وتخبرنا شو الوضع.
سوريا
قتيبة2012-09-04 12:12:08
روح قهاوي
يجب عليك الاعتماد على نفسك من البداية فالغربة والسفر الى بلاد الله الواسعة تجربة رائعة سوف تغنيك فكريا وانسانيا. انصحك بالاختلاط مع السكان الاصليين اذا فتحوا لك المجال لذلك . اما عن العرب في الغربة فلا داعي للبحث عنهم لانك سوف تجدهم منتشرين في القهاوي على رأس كل شارع.؛)
-سوريا
فدوى2012-09-04 11:22:49
الجماعة كفو ووفو
ثق تماماازا بدك تنجح بهدفك يلي رايح مشانو سواء دراسة او شغل و استقرار ما رح تنجح الا ازا بعدت عن العرب لا تثق فيون ابدا ابدا ابدا
-سوريا
الطير المغرد2012-09-04 10:58:20
الاحلام السرابية
أخي الكريم- نصيحة وبعد خبرة وتجربة: اذا أردت حياة الثرثرة والمشاكل والخلافات والغيرة والكذب والنفاق واللف والدوران والغرق حتى أذنيك والتعصب الديني والقومي والعنصرية والشوفونية ! فما عليك الا الأنغماس بمجتمع العربا والباقي مفهوم!!!!!!!!!!!!!!!!!
الولايات المتحدة
فادي2012-09-04 09:34:43
الى السيد alber
السيد البير الشيء يالشيء يذكر فضلا وليس امرا ، هل الايجارات في ترونتو بمنطقة Oakvill غاليةحيث انني بصدد زياراتهامع نهاية العام انا وزوجتي ولمدة شهر او اكثر. وبماذا تنصح؟ ولك الشكر
سوريا
عبود2012-09-04 09:28:40
مافي داعي تتعرف على سوريين
كندا البلد الوحيد يلي غالبية الناس فيها وشها بشوش وقت تتطلع بأي شخص ببتسملك دغري واذا كشر بوشك عريف انو اصلو عربي ... لو انك رايح على كالغاري كنت عرفتك على قرايبين ورفقات هنيك كتير طيبين وخدوميين.. بالتوفيق يا رب وإن شاء الله بتصل بالسلامة.
-قطر
bassam abbas2012-09-04 06:37:25
تكرم عيونك اذا اجيت على اوتاوا
اخي الكريم اذا كان قدومك على العاصمة اوتاوا ففينك تتصل معي ونحنا السوريين كلنا لبعض وكل واحد بيقول غير هيك شو بدك منو اتصل فيني على الرقم 6136976688 bassam420175@hotmail.com
كندا
جرجس محمد الحسين 2012-09-04 05:11:06
انتبه من الخوازيق لان السوريون ارانب وما بيساعدو ب
مشان ما حدا يضحك عليك اذا كنت لاجئ فاتصل بالجهات المختصة فهنن بأمنولك سكن ومساعدة القادمين الجدد اذا كنت طالع فيزا هجرة فعندك صراحة نحكي اذا كنت مسيحي فاتصل بأي كنيسة لبنانية فعندن برنامج مساعدات واذا كنت مسلم فنزيل على جامع مونتريا ل وطبعا في للشيعة كمان حسينيات والله يسترك من العين
-سوريا
nina2012-09-04 02:17:25
العرب أكرم الناس
بتمنى انك تلاقي عرب ومن اي جنسية كانت لان العرب في الغربة بيساعدو بعض كتير وبيوجهو بعض منيح ..لا تسدء حدا يحن عليك ويساعدك غير العربي .. وهيدا الكلام عن تجربة..
سوريا
سامر 2012-09-04 02:13:55
طلعني
طلعني لعندك وبوعدك اني ابقى معك ليل نهار وكون لك صديق صدوق
-سوريا
ألماني في هامبورغ2012-09-04 02:09:32
نيالك
لك نيالك..قبل ما تروح...أحذر من العرب والمسلمين...لا تتخالط فيهم..ابتعد عنهم...أدخل في الاجاني فقط..لأان من ذكرتهم لك كذابين أفاقين دجالين..وأسألني أناعنهم....عيش الغربة بلا ما تخالطهم يا أخي ورح تتذكرني على هالنصيحة...لأنهم بركة وحل اذا دعست فيها ما عاد تقدر تطلع منها الا بعملية قيصرية
-سوريا
feras2012-09-04 01:52:07
Montréal
اهلا و سهلا ..راسلني عل ايميل اذا لزمك شي نحنا ولاد بلد وحدة ...
كندا
عايف حالو2012-09-04 00:04:06
العب لوحدك بتكون مبسوط
بصراحة مالي متعود علق على شي بس لفت نظري يلي عم دور عليه!! عرب وسوريين!!بكل الأحوال هالقصص تحصيل حاصل بكرا بتهرب منهن بس لتشوفن. ما بيفيدك غير قرشك. آسف اذا قلتلك شكلك غشيم!!
-سوريا
........2012-09-03 23:27:43
الله يوفقك بولاد الحلال شو ماكانو
توصل بالسلامة .. وانشا الله ما تشوف غير ولاد الحلال شو ماكا جنسيتن أو دينن ، وبتصور بالغربة الدم بحن وبلم وإلا ما تلتقى وتتعرف على السوريين ... بس سؤال كيف قدر تطلع أنا عم دور مشان دراستي عأي قبولو فيزا بس شكلو يستحيل ... ويا ريت كل شي مسافر أو ناوي يطلع يشاركنا بخبرتو وموفقين جميعاً
-سوريا
سورية مغتربة2012-09-03 23:09:36
قال مابيعرف حدا؟؟
اخي لشو بدك تعرف حدا ؟؟شو صغير ؟؟ليكني تجوزت وعشت ببلد عربي ومن فترة انتقلنا لأوروبا وبكل محل أوصل ماكنت اعرف غير زوجي وولادي ههه|!!وبعدين شوي شوي بتاخد رجلك ع البلد..شو كيميا! بس ع قولة الأغلبية لا كتير تملى ايدك من العرب أو حتى السوريين . الناس أجناس.وكتير مرات الاجانب احسن من العرب. لأنو صريحين وماعندن لوفكة. بس خود حذرك من كل شي واسأل .. اللي بتمو لسان مابيضيع! لو انك خايف فعلا مابتروح اصلا عالغربة!!
-سوريا
مؤيد2012-09-03 22:14:38
توكل على االله
اخي الكريم ان شاء الله توصل بلسلامه ومافي داعي تشوف حدا سوري او عربي هنيك ازا كنت راضي ربك واهلك لحالها بتتيسر معك سدقني
سوريا
alber2012-09-03 21:36:09
أنا بتورينتو
لما بتوصل عالمطار فيه سلسلة فنادق فرنسية اسمها F1 سعر الليلة فيها 36 يورو فيك تحجز فيها مدة أسبوع و بهالفترة بإمكانك تشوف المكاتب العقارية (immobilier) موجودة بكل شارع و كل حي و بتعرض خدمات التأجير مقابل عمولتها يلي إجمالاً هي أجار شهر واحد .. بمونتريال الأجارات مش غالية بتلاقي استوديو 20 متر بحدود 300 دولار كندي بالشهر... ممكن يطلب منك صاحب العقار ضمان أجار شهرين (بتستردهن لما بتترك العقار) .. بعدين بس تستقر بتدور مباشرة على prefecture مشان تعمل بطاقة إقامة .. لست بحاجة للسوريين
-سوريا
الباشا2012-09-03 20:14:23
توكل على الله ولاتخاف
انت اكنك خايف لاتخاف الدنيا بحر سبح يابتفوش يا بتغرق انت وشطارتك علا كل حال الله يوفئك اذ بدك مساعدة انا في السعودية حكيني بساعدك
سوريا
الياس 2012-09-03 20:06:25
وجهة نظر مغترب من زمان كتييييير
مكنك أن تتعرف على كثيرين من السورين عن طريق السفارة أو أن تبحث قليلاً في الإنترنت عن الرابطة أو الجمعيات السورية هناك. أنا أنصحك بأن تهتم قبل كل شي بهدفك الذي ستتغرب من أجله. إذا كنت لاجئ فهناك مكان محدد وبرنامج ثابت وخاصة في البداية من طرف كندا. وذا كنت طالب فيجب أن تكون دراستك هي هدفك الأول وذا كنت متجهاً للعمل هناك فلابد أن تهتم بعملك لإجتياز فترة الإختبار. في فترة وجودك هناك سوف تقابل تتعرف على كثيرين هناك. ولك كل التوفيق
هولندا
ابن حلب المغترب2012-09-03 19:25:36
stay away from arabs
حبيبي نصيحة لوجه الله أوعك تتعرف على عرب بالغربة ما بيجيك منهم غير وجع الراس والمشاكل وخصوصا ولاد بلدك كل مصيبة بتنزل على راسك من وراهم يعني خليك بعيد عن العرب نهائيا
-سوريا
Ghassan2012-09-03 19:22:55
ابعد عنهم بقدر استطاعتك
مغترب من عشرين عاما ولا اعف غير بائع الطحينة هو لبناني فقط وهذا هو المهم لا تبحث عنهم اندمج في الحياة الغربية وعيش كما هم يعيشون اذا اردت ان تنجح في حياتك وتبني مستقبل لك حتى الزواج منهم افضل لك اتمنى لك التوفيق
فرنسا
أبو صطيف2012-09-03 18:13:45
إحذر
إحذر من العرب و خصوصا السوريين. لا تثق بأحد. أنا صرلي مغترب عشر سنسن و بنصحك هالنصيحة. العرب رح يحبطوك و يضيعولك وقتك. خلي يكون إلك هدف و إسعى إلى تحقيقه بدون ما تختلط بالعرب أو تشاورهم. إذا كان مصر أنك تتعرف فحاول أنك تختلط بالناجحيين و بعد عن العايشين على حساب الدولة و مقضين وقتهم بالقهاوي لأنو رح يقنعوك أنو الدنيا سودا و مستقبلك مظلم. أهم شي يكون إلك هدف و تسعى لتحقيقه و وقتها ما رح يكون عندك وقت للعلاك الفاضي و القهاوي
الولايات المتحدة
ولايهمك2012-09-03 17:43:00
ولايهمك
ان شاء الله بتوصل بالسلامة انا صرلي مغترب هنيك 12 سنة على كل الاحوال بس توصل هنيك اتصل فيني انا معروف هنيك كتير قلون وين رامي دغري بدلوك
-سوريا
سوري مغترب2012-09-03 17:34:53
نعمه
عليك بسجود الشكر والتسبيح بحمد الله ... لان السوريين في الخارج مثل الذئاب المفترسه ...وهاد القانون لم اكن مقتنع به الا ان اغتربت ...
-السعودية
MAZEN2012-09-03 17:32:06
I can help you
CALL ME 438-993-7371,I AM SYRIEN LIVE IN MONTREAL AND I CAN HELP YOU
سوريا
فراس 2012-09-03 17:01:50
نيالك
يا أخي نحنا بسوريا عم ندور على فرصة للسفر و لكندا تحديدا و اللله نيالك أنا بدي سافر لكندا إذا بتحسن تساعدني راسلني
سوريا
عزيز اللزيز2012-09-03 17:02:01
كل شي لزيز مع عزيز
يعني انت مهاجر من سوريا مشان تتعرف على سوريين؟؟ روح انطلق من القمقم و تعرف على أجانب خليهون يغيروا فيك و تغير فيهم
سوريا
مايا2012-09-03 16:54:20
مشكلتك بسيطة
عندك حلين الاول هو انك تكتب بغوغل الجالية العربية في مونتريال (بالإنكليزي طبعا) او انك بس توصل تنزل ع داون تاون مونتريال ورح تلاقي العرب هونيك متل الهم ع القلب سواء من موظفين بمحلات تجارية او ناس عم تتمشى او من خلال القهاوي والمطاعم العربية اللي معبية الدنيا،بالتوفيق يا صديقي ....،
-سوريا
ابو عزيز 2012-09-03 16:44:48
امنياتي
امنياتي لك بالتوفيق , فقط توكل على الله , وستجد من يعينك على شقاء الغربة . لو تنطرني شي سنة كنا رحنا سوى ، لقد سافرت الى السعودية وكنت اعرف مالايقل على 50 شخص من بلدي ,وللصدفة من ساعدني تعرفت علية بالمملكة .
-سوريا
نسونجي2012-09-03 16:20:32
روح على الجامع
ما في أسهل منها روح على أقرب جامع وهنيك رح تلاقي سوريين أو اللي بيعرف سوريين أو عرب , ما بدها كتير تفكيرواذا ما بتعرف ولا جامع اسأل السنترال لأنو هنيك الجوامع الها تلفونات بتتصل وبتندل واذا كنت مسلم وصليت لا تنسى تدعيلنا وتدعي لهالشعب المظلوم وتدعي على اللي ظالمه.
-سوريا
احلام2012-09-03 16:10:19
نصيحة 1
يا اخي مونتريال ممتلئة بالسوريين رح تشوف : مثقفين ,جهلة ,موظفين مرموقين ,مجرمين بعصابات كبيرة , نصابين ,معارضين و مؤيدين و حتى مخبرجية هههه بس كل فصيل بيجتمع لحاله....المهم السوريين داخلين كتير بالجالية اللبنانية لدرجة انو بعضهن بيقولوا لبنانيين. اللي لازم تعرفوه انو ما تتعرف خوش بوش عليهن و ما تروح بالغلط ابدا. وتأسس حياتك على اساس صادق. كمان الناس مشغولين كتير و العلاقات مو متل بسوريا الوقت الو تمن.ادرس او اشتغل و لا تقعد عاطل ابدا. اخي اتكل ع الله و مرات الاجنبي بيصير متل الاخ.
سوريا
ran2012-09-03 16:06:28
لاتتعزب
باعتبار موضوعك مو جنسي فماحدا رح يرد عليك
سوريا
سامح2012-09-03 15:50:16
ممكن مساعدة
ممكن تقلي كيف دبرت فيزا لكندا؟ أنا عم حاول أمن فيزا بالخليج وبأمريكا وما مشي الحال...
سوريا
باز2012-09-03 15:45:47
بعيد عن الشر وغنيلو
نصيحه مني لا تتعرف على اي عربي اذا حابب تعيش حياة سعيده بالغربه
أستراليا
مو مهم2012-09-03 15:20:50
اسمع مني
السوريون كما كل العرب يأخذون عقدهم معهم إلى بلاد الاغتراب ولهذا أنصحك بالابتعاد عن كل العربان، أما إذا كنت مصرا فعليك بالفيسبوك.......قم بعمل بحث عمن يعيش في كندا واطلب الصداقه والنصح ولكن احذر ثم احذر فهناك الكثير من النصابين.
-سوريا
Yasser2012-09-03 15:15:11
كندا
هناك اكثر من 25 الف سوري في مونتريل. ما هو نوع المساعدة المطلوبة؟ أنا أعيش في ضواحي مونتريال وعليه لا يوجد لدي اي مشكلة في مساعدتك.
كندا
dany2012-09-03 15:09:46
from ontario
lucky you. you will find a lot of arabic pepole over there and sorry for that im living in canada but in ontario so i can not help you in that but. truth me you will find a lot of friends and try to visit syrian and arabic center and visit immgration centers as well the ganna help you\regards
-سوريا