syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

للمشاركة في هذا الباب الرجاء ارسال بريد الكتروني بالصور و تعليقاتكم الى العنوان pac@syria-news.com

ساحة الروضة بدمشق في الستينيات
صورة وتعليق

ساحة الروضة في دمشق ستينيات القرن الماضي ، من منكم لم يأكل "الصبارة" هنا يوماً ؟


من كنوز سيريانيوز

https://www.facebook.com/Knooz.syrianews?ref=ts


2012-09-22 03:47:03
شاركنا على مواقع التواصل الاجتماعي:



شارك بالتعليق
دمشقي عتيق2012-10-18 11:35:22
ظاهرة صحية
عم لاحظ بعض التعليقات تحتوي على الاعتذارات اذا شخص اخطاو الاعتذار يقبل من الاخر و هاد شي جديد و ايجابي. و ياريت نشوف هالظاهرة عم تزيد حتى نوصل لمرحلة تفهم و تقبل اراء الاخرين. يا ريت نبعد عن لغة التخوين و السب و الشتيمة يللي زرعها فينا النظام و نكون اوعى, الله يحمي بلدنا و يحي شعبها العظيم
-سوريا
ولدين بكفي2012-10-04 01:57:08
الاخ ابراهيم
ماعندك مشكلة ممكن نزيدهم الى 3 او حتى 4 بس مو 45 واقسم لك ان احد السوريين ذهب الى السفارة السورية في احدى دول الخليج وسجل ابنه رقم 45 اخي الكريم حاليا التطور التكنولوجي يعوض اعداد العمالة اخي الكريم الزيادة الكبيرة غير المتناسبة مع النمو الاقتصادي لاي بلد في العالم يوقع البلد في دوامة تنمية البنى التحتية مثل المدارس والمشافي ولا يسمح لها بالانتقال الى مرحلة ما بعد الانتهاء من البنية التحتية وتقبل تحياتي وشكرا لحوارك الراقي واتمنى من الجميع ان نبقى نحترم بعضنا حتى لو اختلفت الاراء
-سوريا
maya2012-10-02 21:56:57
راجعين
وحياة اللي صف الياسمين على ترابك راجعة تتعمري غصب عن اللي بيرضى واللي مابيرضى انتي النا النا وبس ؟ انتي وكل بقعة من ارض سوريا
-سوريا
ابراهيم الديري2012-10-02 11:45:04
إلى ولدين بكفي (2)
لغاية ما يتباطأ نمو الاقتصاد العالمي عموما وهالشي ما جيد للبشرية عموما , بكل حال أنا أكيد ماني مع أنو العائلة تجيب 20 ولد بشكل غير منطقي بس كمان ماني من أنصار ولدين بكفي لأنو فعلا ما بكفي ,على الاقل لحتى نحافظ على النوع البشري بشكل سليم ومستمر لمئات السنين وخاصة بوجود الحروب اللي رح تستمر بشكل أخطر مع وجود اسلحة الدمار الشامل ومع استمرار القتل بشكل همجي وبدون رحمة من بعض الأنظمة متل اللي عنا بسوريااللي صار قاتل أكتر من 30 ألف ومشرد مئات آلاف العائلات وهالشي رح يأثر على الانجاب والتزايد السكاني
-سوريا
ابراهيم الديري2012-10-02 11:38:16
إلى ولدين بكفي (1)
أن بتفق معك تماماً أنو الصين بعد عدة سنوات رح يتباطأ نموها بس بختلف معك بجوهرية الأسباب وخاصة مع تطبيق قانون الولد الواحد بمعظم مناطق الصين , الشي اللي فهمته من كلامك ان كل الدول اللي بتطبق شعار الولدين رح تتحسن حياتها بس رح تتراجع بعدين بسبب عدم القدرة على المنافسة مع باقي الدول , معناها لو فرضنا جدلا أنو الدول كلها طبقت نسبة ولادات قليلة كتير رح تتحسن لفترة بس رح ترجع تتباطأ من جديد لأنو رح يبقى منافسة بين الدول باعتبار أنو ما كل الدول عندها نفس الظروف من التقدم لغاية ما يوقف الاقتصاد .. يتبع
-سوريا
جورج2012-10-01 20:08:57
وين الشبيحة
وين الشبيحة تبع الطقوم السود تبع ملبوسات 400؟ خي قبل أيام حكم عائلة الأسد
-سوريا
الى الاخ ابراهيم2012-10-01 02:15:53
نعم كوريا سوف تتحول الى عجوز
اخي الكريم نعم سوف تتحول كوريا بعد عدة سنوات الى عجوز واليابان بدأت بذلك لعدم القدرة على منافسة الصين والسبب الرئيسي انه في العشر سنوات الماضية دخل حولي 3مليار انسان على خط المنافسة العالمي كالصين والهند والبرازيل وروسيا لان اي دولة تمر بمرحلة نمو قوية يكون السبب الرئيسي هو اجور العمالة وقوانين الضرائب والبيئة وبعد عدة سنوات يتحسن مستوى الدخل ويبدأ العمال بالمطالبة بزيادة الاجور وتفرض الدولة ضرائب فتصبح منتجاتها غير منافسة كما يحدث حليا في الصين واذكرك ان الصين بعد عدة سنوات سوف يتباطأ النمو في
-سوريا
شامي 2012-09-30 15:29:18
ســـــــوريـــــــا جنة الله على الارض
ياشباب طولو بالكم شوي ... شوفوا على الغوغل ساحة العباسين هلئ وساحة الاموين كيف هي هلئ شوفوا شارع حلب ... دوار البيطرة كيف صار حديقة تشرين ... وخاصة وقت معرض الزهور ساحة الروضة هلئ شوفوها كمان شو ماصار لازم ما نشوف بلدنا غير بجمالها الحقيقي الي بيؤل انو بلدو مو حلوة بنوب فهو اعمى شو دخل النظام بساحة الروضة بحرة باطون ......؟؟؟!!! الصورة ايام الستينات ثورة الثامن من اذار عام 1963 للعلم التفجيرات هلكت سوريا الله يحمي البلد من عدو ومن كل خائن ايا كان يكن
سوريا
ابراهيم الديري2012-09-29 14:02:42
إلى ولدين بكفي
لو افترضنا جدلا أن كلامك صحيح وأن كل الكوريين ملتزمين بفكرة ولدين بكفي فهالشي رح يخليهن يتحولو لأوروبا عجوز جديدة بعد 10 أو 20 سنة القادمة ورح يضطروا يفتحو باب الهجرة لغير الكوريين لأنو ولدين لكل عائلة ما رح يكون كافي لتشكيل اقتصاد قوي وخاصة إذا حطيت بالاعتبار الوفيات الناتجة عن الأمراض أو الحروب أو عدم الزواج ببعض الحالات , صدقني المشكلة أبدا ما بعدد السكان أو نسبة الولادات وإنما بسوء الإدارة والنهب والسرقة وقلة الوجدان والضمير والتشبيح.
-سوريا
ولدين بكفي2012-09-29 04:58:00
الى الاخ ابراهيم
الى الاخ no and no شكرا لك . ام الاخ ابراهيم مساحة كوريا الجنوبية 100,210 كم صحيح اصغر من سوريا وعدد سكانها يقارب 50 مليون حاليا لكن نسية الزيادة السنوية محدودة اما تطورها الاقتصادي فهو ناتج عن السياسة الامريكية اثناء الحرب الباردة ومعظم شركاتها العملاقة هي بالحقيقة امريكية فتخيل لو ان الزيادة في الصين بنفس النسبة كما هي في سوريا لبلغ عدد سكان الصسن اكثر من 7 مليار نسمة اي ليس المهم هو عدد السكان لكن المهم نسبة الزيادة السنوية
-سوريا
ابراهيم الديري2012-09-27 09:20:20
إلى ولدين يكفي
أن بجد مستغرب من اللي بحطو فشل التنمية ببلدنا بضهر زيادة عدد السكان, نظرة وحدة على كوريا الجنوبية بتعرف أنو عدد سكانهم 50 مليون نسمة داخل كوريا الجنوبية ومساحتها حوالي تلت مساحة سوريا فقط وثرواتها شبيهة بثروات سوريا ولكن بدون نفط وغاز وآثار وماس وموقع استراتيجي ورغم هيك تعتبر دولة متقدمة, أما اذا عم تحكي عن النوعية فبحب قلك أنو النوعية بسوريا كانت أحسن قبل ما يجي هالنظام المجرم وينهب ويدمر هالبلد وهالشي بيعرفوه كل الكبارية وعاشوه فياريت توسع ثقافتك ومداركك ويكون نقدك منطقي أكتر.
-سوريا
شكيب2012-09-26 18:34:22
دمشق كانت اجمل؟؟
لا يا شباب بدكون تطولو بالكون..القصة وما فيها انو الصورة الاصلية بالابيض و الاسود و قد تم تلوينها اصطناعيا..يعني بجوز العشب يكون يابس او البنايات كلياتا غبرا بس ما رح تبين بهيك صور..
-سوريا
ماشي حالي وعم دفش2012-09-26 17:55:33
عم أتسائل ؟؟؟؟؟؟؟؟؟؟؟؟؟؟؟؟؟؟؟؟
بعهد أنو رئيس هي الصورة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وحاجتكون فصاحة !!!!!!!!!!!!!!11
-سوريا
مساء2012-09-26 17:28:40
کانت سوریه
سوریه راحت ضحیه لشهوات و رغبات الحکام العرب
إيران
ابن الخمري2012-09-26 11:10:34
و احترام لـ no and no
لاعتذارك . اللي بيخلينا نتعلم كيف لازم نتعامل مع بعض . و احترام ل" ولدين بيكفي " لأنك مربى و ابن ناس
-سوريا
ابن الخمري2012-09-26 11:03:28
يا سيريانيوز
شو رأيكن تحطولنا صور من الوقت الحالي لتفرجو جماعتكن أنو بلدنا كمان اليوم حلوة ولازم ما نحرقها يا شاطرين .. وشو رأيكن ما ترجعو للماضي كتير لأنو بحسب علم النفس .. العودة للماضي دليل إحباط من الحاضر وهروب من مواجهة المرحلة . وهي هيه لب الردة الرجعية للسلف الصالح تبعكن . يالله كمان خلونا نكره بلدنا الحالي أكتر ونحرق بعض أكتر .
-سوريا
ابن الخمري2012-09-26 10:56:18
أفلاطونات يا بعدي
كل واحد منكن مفكر حالو موسوعة تاريخ وفلسفة وسياسة .. أولاً - من الستينات لليوم ازداد عدد السكان عشر أضعاف .. - بسبب النظام المجرم ؟؟ - . تانياً قبل "ثورتكن المفحمة من ريحة البارود" كنا نسافر من شمال سوريا لجنوبها .. ومن شرقها لغربها وما حدا يطلب الهوية .. وجود الأمن والجيش مشكلة ما ؟؟ بس وجود المسلحين عادي . هي اليوم قبعتوها لساحة الأمويين تفجير .. روحو انبسطو بهالجيش الحر تبعكن . بالمختصر .. أنتو جماعة إخوان مسلمين لا أكتر ولا أقل .
-سوريا
ابن الخمري2012-09-26 10:51:24
يا عماد يا عماد
شوي شوي على حالك يا عماد ...
-سوريا
عماد2012-09-25 15:11:03
هيك أحلى
مافي شبيحة ولا حواجز والساحة خضار مو بركة مي وباطون ... ويسقط النظام (هي عالماشي)
-سوريا
no and no2012-09-25 13:25:38
ولدين بكفي
اخي الكريم انا آسف فعلأ ..جل من لا يخطئ (تقبل اعتذاري ) لست من يخون او يصنف و لكن الاحداث تجعل تحرك العاطفة اسرع من حكمة العقل.
-سوريا
مواطن سوري حر2012-09-25 11:17:50
و ستبقى سورية زهرة الشرق
اخ يا بلدي كم انا مشتاق لاقبل ترابك الغاليه الله ينتقم من هالنظام المستبد اللي حرمنا اياك و ستبقى بلدي زهرة الشرق
-سوريا
ولدين بكفي22012-09-25 03:17:18
الى الاخ no and no
اما بالنسبة اني جبت الخبر من تلفزيون الدنيا ام غيره انا شخصيا اتابع جميع القنوات السورية والعربية والاجنبية واقسم لك انه لا توجد محطة واحدة في العالم نظيفة او محايدة واتحداك ان تذكر لي محطة واحدة في العالم تعمل بمهنية اعلامية فقط بما فيها المحطات الاوربية والامريكية واخير اخي الكريم اتمنى منك ان تقرأ جيدا ما يكتب قبل ان ترد بعصبية وحقد لان الذي اوصلنا الى ما نحن عليه عدم تقبل اراء الاخرين
-سوريا
ولدين بكفي 12012-09-25 03:01:03
الى الاخ no and no
العدد جبتوا من خطاب الرئيس شكري القوتلي عندما تنازل عن الرئاسة لجمال عبد الناصر عام 1958 وقال له مازحااسلمك3,5 مليون رئيس دلالة على عدد السكان سورياهذا من ناحية اما جماعتي فحضرتك كيف عم تحكم علي من مجرد تعليق على صورة واعتقد اني فهمت قصدك بكلمة جماعتك لكن اقسم لك اني لست كما تظن وبحكمك علي لمجرد تعليق على صورة ما الفرق بينك وبين الشبيحة فكلاكما تعملان على مبدأ واحد من ليس معنا فهو ضدناوهنا اضطر ان اذكرك بقول احد المعارضين في القاهرة اذا كانت هذه ديمقراطيتكم فمرحبا بدكتاتورية بشار
-سوريا
no and no2012-09-24 13:29:33
ولد واحد بيكفي ..لينهب 23 مليون
حجة المؤيدين الابدية ..عدد السكان ! من وين جبتها هي ال 8 اضعاف؟..من الدنيا ولا من الوطن ؟ عدد سكان سوريا بالسبعينات حوالي ال7 ملايين و اليوم 23 !! و هاي تركيا عدد سكانها بالسبعينات 13 مليون و اليوم حوالي ال70 ..يكفي نفاق مشكلةبالبلد مش ب 99% المشكلة بال 1% من حرامية جماعتك
-سوريا
ولدين يكفي2012-09-24 05:23:54
عدد بدون نوعية
طيب هل يمكن ان يذكر لي احد منكم بلدا واحدا في العالم غير سوريا زاد عدد سكانه 8 اضعاف خلال 50 عاما
-سوريا
مِن سكان ساحة الروضة وما يحيطها2012-09-23 20:34:43
بصراحة ...
هي أجمل بلا شبيحة .
-سوريا
واحد سوري2012-09-23 14:55:53
مغترب جوا البلد
أنا مع رأي الأخ مناف كمان
سوريا
مغترب بدو يرجع للبلد بالنهاية 2012-09-23 09:55:18
انا مع رئي الاخ مناف
والله هيك صور بتجرح وبتدمي القلب
-الصين
Munaf2012-09-22 21:32:07
ياحرام !!
والله كأن هالصورة ببلد أجنبي راقي . بلاد العالم كلها بتصير أجمل و أحلى مع مر السنين والتطور وهالبلد الحزين كل مالو لورا . رجاء سيريانيوز لاعاد تفتؤولنا جروحاتنا بهيك صور وخلونا نايمين .
-سوريا