syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
إدارة التجنيد العامة تنفي شائعة إعفاء الولد الأصغر من خدمة العلم
الاخبار المحلية

مصادر في الإدارة لـ"سيريا نيوز" لا يوجد أي قرار بهذا الخصوص حتى الآن

نفت إدارة التجنيد العامة في سوريا لـ"سيريا نيوز" "الشائعات التي تم تداولها في الآونة الأخيرة" عن " إعفاء الولد الأصغر بين أخوته من خدمة العلم".


وكانت شائعات تداولها الشباب السوري بقوة مفادها "أنه بمناسبة عيد الأم لهذا العام ... تم اقتراح تنظيم قانون يعفي الابن الأصغر بين أشقائه من خدمة العلم، لأنه من يعول عليه لكي يقوم على خدمة والديه الكبيرين بحكم ان جميع أشقائه قد تزوجوا وكل سار في حال سبيله" وتضيف الشائعة" إن القانون قيد التطبيق وسيكون في حزيران الجاري جاري، وأن الروتين هو العائق الوحيد امام تنفيذ القانون في هذه الايام".

 وتجاوبا من "سيريا نيوز" مع الرسائل الكثيرة التي وردتها من قراءها الأعزاء بغرض التوضيح، اتصلنا بإدارة التجنيد العامة التي تجاوبت مشكورة لحسم هذه الشائعة.

وأفادت مصادر معنية في الإدارة أن هناك "تساؤلات كثيرة ترد إلى الإدارة بهذا الشأن، ونؤكد لهم أن تلك الأخبار شائعات" "إذ لا يوجد أي قرار بهذا الخصوص حتى الآن".

يذكر في هذا الخصوص أن وزيرة المغتربين كانت كشفت قبيل انعقاد مؤتمر اتحاد الجاليات وجمعيات الصداقة السورية الاوروبية بدمشق الشهر الماضي، بأن الحكومة السورية تدرس "حالياً مشروع مرسوم لمحاولة تخفيف خدمة العلم أو الغائها لمن ولد خارج القطر" في خطوة تهدف "لشدهم الى الوطن باعتبار أنهم يشكلون اللوبي المستقبلي لسورية ولعبوا دوراً مهماً من خلال تقديم آراء في المغترب تدافع عن قضية وطنهم".

 

جورج كدر ـ سيريانيوز


2006-04-06 19:38:26
شاركنا على مواقع التواصل الاجتماعي:



شارك بالتعليق
واحد بدو الخير للبلد2006-04-15 00:57:04
اقتراح المختصر المفيد
أنا برأيي أنو بدل مانروح على الجيش و ندفع أموال الطائلة مشان هدايا الضباط....أخي بنعطين المصاري خرج ناشف كما يقال ومنلتفت لمستقبلنا ألي هو مستقبل البلد مشان ناكول خبز و ما ننذل ونصير نحكي و حدا يسمع مشان الله ياجماعة حسو على دمكون بقى
syria
رئيس تجنيد عفرين2006-04-11 15:19:49
رئيس تجنيد عفرين
أهل تدرون بأن غرفة رئيس تجنيد عفرين مكان البواب ............ السبب مكانه ذل بذل ولكن المقابل تفريغ جيوب المراجعين وعرقلة أمورهم من أبسط الأمور الحصول على بيان وضع من التجنيد لعا عراقيل ... اريد الذهاب الى خدمة العلم لعا عراقيل .........زز
-
وطني2006-04-10 16:58:46
بصراحة.....ارجو النشر
صدقوني ومن خلال خدمتي الالزامية معظم المجندين الذين خدمو الخدمة الالزامية باستثناء عدد قليل من التشكيلات العسكرية سيكون عائق اما القيادة العسكرية في حال نشوب حرب مع العدو لانه ما شافو غير الذل والمهانة خلال هالسنتين ونص خدمتهن قضوها بالبيت وسمعتها كثيرا ومن الكثيرين ان الرصاصة الاولى في اي حرب لن تكون موجهة اتجاه العدو وانما اتجاه شخص اخر ؟؟؟؟؟؟؟
-سوريه
وطني2006-04-10 16:49:30
تحديث الجيش
الا ترون معي انه ان اوان تحديث الجيش والانتقال به من الكم الى النوع فكثرة العدد لم تعد المؤشر في قوة اي جيش في العالم وفتح باب التطوع والبدل الداخلي سوف يدر أموال هائلة على الخزينة العسكرية اللي لازم تنفقها في تطوير وتحديث العتاد الحربي والتدريب العالي للمتطوعين لانه جندي واحد عالي التدريب افضل من مئة عسكري من ماركةابو شحاطة
-سوريه
الشهيد البطل2006-04-10 15:58:55
أنا أحب بلدي و مستعد أفديها بروحي ودمي....
بسم الله الرحمن الرحيم ولاتحسبن اللذين قتلوا في سبيل الله أمواتا بل أحياء عند ربهم يرزقون* صدق الله العظيم مافي أحلى من إنك تموت شـهيد بتروح على الجنة دغري لذلك قررت روح على العسكرية حتى لو طلع قرار إعفاء بدي روح وحتى لو مدة الخدمة العسكرية عشر سـنين بدي روح وما في شي بدوا يمنعني من الذهاب مشان دافع وأحمي بلدي الـحـبـيـب ســــوريـة
-ســـورية
حسام مطلق2006-04-09 23:20:50
ادراة التجنيد ليست جهة ذات اختصاص
من الغريب ان تنفي ادارةالتجنيد الخبر ولا تكتفي باقول انها لم تتلقى تعليمات بهذا الخصوص وان الجهة الرسمية لاصدار مشاريع القوانين هي الحكومة او اللجنة العسكرية داخل مجلس الشعب ولا تعدو إدارة التجنيد ان تكون جهة استشارية وبتراتبية اتصال عبر وزارة الدفاع. على موظفي دولتنا ان يتعلموا الإلتزام بالاختصاص حتى عند معرفة المعلومة الأكيدة فهذه هي الحرفية المهنية
سوري مقيم في الاردن - عمان
عزيز2006-04-09 17:54:38
ذل
يكفي بلداً ما ذلاً أن يفكر أبناؤها بتفجير طاقاتهم خارج حدودها
مدهوش2006-04-07 21:02:05
لماذا دول الخليج فقط
قانون بدل الخدمة في دول الخليج قد صدر منذ عشرات السنين حيث كانت دول الخليج وجهةمعظم المغتربين. التعديل المطلوب هو السماح بالعمل بكل أو معظم الدول العربية كحد سواء. الآن يجب علينا العمل في دول الخليج فقط 5 سنوات حتى تسقط الخدمة الازامية و دفع البدل. ما المشكلة لو كان القانون يسمح بالعمل في مصر أو تونس أو السودان أو الجزائر؟ الرجاء التفكير جديا...
-قطر
فتات مواطن2006-04-07 19:03:05
شكرا فراس اتاسي
يسلم تمك يافراس مابعرف كيف فاتتني قصيدتك وماقريتها لشفت تعليقك في هالخبر..اذا لسه في حدا متلي ماقراها بنصحه يقراها http://www.syria-news.com/readnews.php?sy_seq=18947
-فتافيتستان
سوري2006-04-07 18:12:26
كلنا ثقة بالدكتور بشار2
يكون مستهلك..وفي ذلك ارهاق مادي له واستنزاف للدولة ايضاً بهدر طاقات ابناءها...تنتهي السنتين يكره الشاب بلده ويكره الدنيا عندما يجد نفسه امام هموم لاتنتهي..سيدي الرئيس نرجوكم خففوا قليلاً من صغوط الحياة على الشباب...والله ياسيدي هذه الخدمة هي اكبر عقبة..ضعوا بدلاً مقبولاً وليكن 3000دولار لكل الناس..الا يعود هذا بالخير على دولتنا اكثر؟؟؟نتمنى الا تخيبنا
-بهالدني
سوري2006-04-07 18:06:51
كلنا ثقة بالدكتور بشار1
في الجيش معظم اللحم والاكل يسرق من قبل الضباط وماتبقى يطبخ بطريقة مقرفة ولا يأكل منه احد وبالتالي نهايته الى القمامة...(اذن كل مايصرف على الجيش باسم الاطعام هو هدر بحق الدولة)..لايجد المجندين امامهم سوى الندوات التي تقدم مايمكن اكله وباسعار سياحية ويعود ريعها للضباط ايضاً...المجند يرهق اهله بمصاريف خدمته ويضيع سنتين من عمره هدر بدل ان يكون منتج يكون
-بهالدني
ابو الشام2006-04-07 17:57:18
جيش ابو الزلف
يعني لوكانوا ولادنا رايحين ع جيش يخدموا الوطن أو يدافعوا عنو بشي جبهة مومشكلة ويمكن مو يمكن أكيد لح نروح مرة تانية لنخدم هالوطن يلي كلنا منحبوا بس المشكلة انو هالشباب عم يعطلوا أحلى سنتين بحياتون مشان يتمرمطوا ببيوت الضباط على جيب خبز وصل الأولاد ع الروضة وأحلى شي أنا مناوب اليوم روح شوف أذاالمدام بدها شي ماعدا دفع العملة ع سيارات عاطلة متل صحابا
-من هون
amroOoOo2006-04-07 17:50:16
عسكور غرررررر
اخي ما رررررح اخدم جيشششششش لو على موتي لك السفر للسودان بدي سافر ولا ذل نفسي للمعاليم ولك اخخخخخخ انو ليش المرض النفسي موجود عنا بالجيش ليششش بيحبوا تحطيم نفسيتناااااااا
سورياااااااا
PeaceMaker2006-04-07 17:04:55
سمعنا سكوتك منتصر
حبيبي منتصر يستر على عرضك سكوت...... حبيبي شو خمس سنين ...؟؟؟؟ ليش انت رحت عالجيش وشفت العالم شلون عم تخدم عسكرية الله وكيلك ما حدا شاف شي اسمو عسكرية
-
syrian2006-04-07 16:38:34
they dont
believe me if the high ranking officials in this country read the comments they wont be shy, believe me I knwo this kind of people, they will laugh and think that the jokes are funny, but because they are not humans like us they wont feel shy, they will say to them selves, look at the comments of the poor people, as if we care. they are beasts
-UK
NajibTaleb2006-04-07 16:34:58
Take it easy
To all freinds, I am shocked that almost all comments are very negative about our beloved Syria, it would be best to contibute with more positive things or at least have some solutions/constuctive comments,agree with all in getting better qulity army.
-Canada
سوريا يا حبيبتي2006-04-07 16:21:32
انشاءالله خير
يعني شبكن والله هيك قانون ظريف لقنو بالاخير لحنا يلي رح نتكلف كل مصاريف الاخ الصغير لما يروح ع الجيش و اكيد كل العالم بتعرف شو قصدي بالمصاريف من فرز و اجازات و دوام اداري و خضرة و لحمة لبيت المعلم.. ياريت ياسيريانيوز اتابعولنا موضوع تخفيف الخدمة و تخفيف البدل للمغتربين يلي ولدو بسوريا و معن جواز سوري ولا بس يلي معو جواز اجنبي رح يكون مستقبل البلد
-ksa
امل فقط2006-04-07 15:09:11
ليش ما نفرح ولو شوي
يعني بالعكس لازم الكل يفرح لانو بس هيك اخبار ولو حتى اشاعات نقدر نفرح فيها. انا عمري 29 سنة و مهندس من 2003 و استنا توظيف (بس على الله او واسطة)وما رحت عسكرية املا في التوظيف.. وطلعت الاشاعة و فرحت و املت و حلمت وتفاءلت و لكن الحين ندمت و تشاءمت. اي النتيجة معناها انو الحياة بالاشاعات اطيب بكتير في سورية. لحقوني عالجيش بعد شهر. ولدت(انا)ليعيش غيري
سورياااا الحلم الميت
awni2006-04-07 15:22:17
why not?
one question ?in case of twin which one who do the military service hahahaha
belgim
نزيه2006-04-07 15:09:18
إقرأ باسم ربك الذي خلق
لو القائمين على اتخاذ القرارات بيقرأوا هذه التعليقات أكيد كانوا ماتوا من الخجل
--
Feras2006-04-07 14:55:53
قراءة
كتبت عن هذا الموضوع قبلا بصيغة شعرية على الرابط التالي http://www.syria-news.com/readnews.php?sy_seq=18947
Saudi Arabia
المجرم2006-04-07 14:25:31
حمداً لله
يالله منيح اللي طلعت سلبة لأنو والله كنت دبحت أخي الصغير ورحت فيها دبلكة
عسكريسوريا
.........................2006-04-07 14:25:33
هههههههههههههههههه
والله كتير من الناس صدقت الكذبة
-كردستان سوريا
مهتم2006-04-07 14:15:54
نشالله يكون مظبوط هل حكي
الرجاء من سيريا نيوز متابعة الموضوع بشكل دائم لانه يهم شريحة كبيرة من الشباب السوري
-
أحمد2006-04-07 13:05:50
طالب موفد
السلام عليكم أرجو من جريدتكم الموقرة أن توصل هذا النداء إلى الجهات المعنية وذلك بالنسبة لحدمة العلم فالطالب الموفد تصرف عليه الدولة خلال دراسته الملايين حتى يعود مباشرة إلى الجيش بدلاً من الجامعة فينسى كل ما حصله من الدراسة، وينتقل من العز والنعيم إلى الذل والهوان، وأعرف عدة موفدين قرروا عدم العودة لهذا السبب، فابالله عليكم هل هذا ربح أم خسارة!!!!!
-فرنسا
شي مواطن2006-04-07 13:03:00
بيكفي
حاااااج ياجماعة والله بديت اقرا التعليقات واضحك بس والله ماخلصتها الا وانا عم ابكي...وياريت يكون في حدا اله علاقة من فوق عم يقرا الله يكون في عون هالبلد
-من الضيعة الي جنبنا
سوري بس مابدي اروح عالجيش2006-04-07 12:47:54
اقتراح 2
..عندها الشباب العاطل عن العمل سيكون الجيش خيار ممتاز له الجامعي يقدر يدرس او يشتغل بدون عبء العسكرية وشبابنا المغترب بصير موقفه قوي ومابيقدر رب العمل الخليجي يبتزه او ممكن تكون 6 اشهر الزامية والباقي اخياري نفس الطريقة بس طبعا ماتنسوا انو نحنة الجامعيين مخلصين 6 اشهر تدريب جامعي يعني منطلع خالصين شو رايكم؟
-غربة
سوري بس مابدي اروح عالجيش2006-04-07 12:28:49
اقتراح 1
عندي اقتراح بنظري منطقي ويساعد على حل مشكلة الشباب والبطالة ويحسن من مستوى الجيش وسمعته واريد اراء الاخوة وتعليقاتهم الجدية عسى نصل لصيغة مناسبة وترضي الجميع الاقتراح ان تصبح الخدمة اختيارية وممكن مع بدل نقدي بسيط لمن يريد من لجامعيين او الموظفين او اي صاحب عمل يكسب منه وبالتوفير الحاصل تخصص رواتب مغرية لافراد الجيش وتحسن نوعية الجنود على حساب الكم
-غربة
حزين2006-04-07 12:16:21
انا ما عدت من هون
يا شباب يا حلوين لسا ما عرفتوا الجيش وسيلة من وسائل النهب و مكافئة للضباط يلي من عقيد و فوق و فهمكم كفاية و هدف تاني تخريج شباب مكسور راسهم مذلولين و اذا قدروا يعملوهم منحرفين بيكوننوا ادوا واجبهم اكتر و بالنتيجةرح نحافظ على كيان الدولة لان ضمنا شعب مذلول مربى على قولة حاضر سيدي و لو طعماه عسل و كلوا بطاطا و اهانات و 350 ليرة
-دولة ضباط
ابو غضب2006-04-07 12:22:04
نتمنى تقليص مدة الخدمة
نتمنى دراسة حقيقية للموضوع على ان تكون الخدمة الالزامية سنة كاملة 12 شهر فهي كافية ليتعلم اى منا استارح استاعد الى الامام الى الوراء در هذا الانضباط اما السلاح فقد نسينا كيف نفك وكيف نركب يعنى الشغلة بالنهاية كلها مسخرة بمسخرة والسلام افضل الكلام
-دولة التجنيد
شاب سوف ينتحر في القريب ا2006-04-07 12:17:57
المواطن التعبان
شباب يستر عرضكن خلاص هلق بحلوا المشكلة و بخلونا نبطل نغسل السيارات و نجيب خضرة بس ما بحلو مشكلة الجيش
-اه يا بلدي
منتصر2006-04-07 10:17:29
عيب عالشباب هالحكي
يعني نحنا بقرن حروب ومشاكل سياسية بدل ما يكون الجيش خمس او ست سنين بدكون تلغو ما بيصير هيك
-سورية
zak2006-04-07 09:23:18
ذل الخريجين السوريين
اللي عميحكي عن خدمة الوطن يروح يشوف الخريجين السوريين كيف عمينزلو بالخليج و صار الشب السوري اللي عندو عسكرية ارخص من الهنود بس كرمال يمضي هالخمس سنين و يدفع البدل و ولاد المسؤوليين مقضيين العسكرية بسياراتن و بيوتن بس شو بدنا نعمل هي سوريا رح نحط راسنا بين الروس و ندور على عقد عمل_عفوا_عقدمذلة و نبسط يا جيشنا الصنديد
-سوريا
هدول سفل السحارة2006-04-07 08:03:40
آخر العنقود سكر معقود
الوحيد و آخر ولد هنن يللي لازمهم خدمة عسكرية لتنكسر شو كتهم و تخف مياعتهم لأنو يسلموا لأمهم ما أهضم دمهم .
-سوريا
سوري مغترب في حمص2006-04-07 06:12:06
دراسة جدية للجيش 2
انا ادعم فكرة الاخ سمير بأن تقوم syria news بدراسة شاملة ومستعلجة لمعالجة هذه القضية وان تكون الدراسة مبنية على استطلاعات للرأي
-سورية الاسد
ابو الافكار2006-04-07 05:58:52
اقتراح
اقترح على المسؤلين اصدار قرار بان يختار ولي الامر من ابنائه من يخدم ومن لايخدم وهذة مساعدة اجتماعية لرب البيت ليعاقب خلفه غير الصالح ومكافاة الصالح
-
امجد2006-04-07 05:52:05
***********
نداء لشرفاء المسؤولين...وضع الخدمة الالزامية على ماهو عليه جريمة بحق الوطن والمواطن...أكبر بؤرة فساد وأوسع طاقة هدر...وأكبر مصيبة بالنسبة للشباب السوري...نرجوكم ضعوا لها حلاً
--
حائر2006-04-07 05:50:14
ورق ومتة
اريد ان اتعلم لعب الورق وشرب المتة فنصحني صديق بخدمة الجيش
-
سواح2006-04-07 05:27:54
سؤال الى المسؤلين الشرفاء في سوريا الحبيبة
لماذا يوجد 15 مليون مغترب سوري وهل القوانين في سوريا مصنعة لدفع فئة من المواطين للهجرة
-
بشير2006-04-07 05:22:37
خدمة العلم فقط
ياجماعةان خدمة العلم هي واجب وطني على جميع ابناء سورية ولايجوز التمييز فيها بين من يملك المال وبين الذي لايملكه,المشكلة هي في طريقة الخدمة او المعاملةالسيئةخلالهاوذلك بسبب الاستهتار بالقيم الانسانيةوعدم الاحترام السائدين بسبب الامراض النفسية والطائفية,من الافضل ايجاد طريقة جديدة للخدمةالوطنية
canada-quebec
دبابة دبابة دبابة T822006-04-07 05:09:24
دبابة دبابة دبابة دبابة دبابة دبابة دبابة دبابة دب
من المؤسف ومع مرور الزمن وغربة السنين ان وتطور الدنيا ان نقرا دائما عن ثالوث العقد عند المواطن السوري خدمة الجيش والشقة والسيارة هذه العفد التي القت بنصف سكان سوريا في غياهب الغربةمن المؤسف
-
عامرر2006-04-07 04:06:46
معقوله
انو عنجد اليوم اسمعت من عضو مجلس الشعب انو عم يندرس موضوع اعفاء الولد الاصغر وتخفيض الجيش ل سنه ونص وقال انو رح يطبق هالقرار بشهر 6 الجاري اللهههههههه يسمع منههه بجاه حبيبنااااااااا محمد قولوااااااا امين لك ما بدي سافرر بدي ضل هون ببلدي بس ما بدي اخدم جيششششش
سوريا
Oltina Males2006-04-07 03:53:45
do not have any hope
people do not expect anything good from this governemnt.they will increace the age for you to serve in the Army from 54 years to 75 years.if you live 100 years they still want you to go to the Army to serve them. What an Army we have ??
-Syria
سامر2006-04-07 02:50:48
بحلول عام 2009 لن يعود هناك بطالة
بحلول العام 2009 سيهاجر اغلب الشباب من سوريا وستفرح وزارة العمل بسجلاتها التي تبشر بعدم وجود شباب سوري عاطل عن العمل . يعني معكون دكتوراه في تطفيش الخبرات والناس المنتجين والمحبيين للبلد ، وماجستير في قتل الطموح وزيادة الإحباط في قلوب الشباب واللعب في اعصابهم ومصيرهم ، قالكذة اول نيسان ، لك هادا مستقبلنا ، وين راحيين بالزحمة ؟؟
-بلد العاطليين
مشروع مهاجر2006-04-07 02:47:58
السيدة بثينة ... بالله عليك
يعني بمشروعك هذا ستشجعين 30 % من المهاجريين لكي يعودوا و 80% من الموجودين لكي يهاجروا!!! والله العظيم كل القوانين الخاصة بالخدمة الالزامية تشجع على الهجرة ...، إلا إذا كنت تحاولين مساعدة وزارة الشؤون الإجتماعية والعمل لكي يخف عدد الالسوريين العاطليين عن العمل من خلال تهجيرهم!!!
-سوريا
أحمد2006-04-07 02:45:56
لماذا
اين الإشتراكية ، لك حدا يقلي بس ، ليش ابن الضابط أو ابن الغني يخدم عسكريته في المنزل ؟ وهويته بجيبو؟ اين المساواة؟ الرجاء إصدار بدل نقدني لخمة العلم بحيث يكون مقبولاً وتستطيع اغلب فئات الشعب دفعه ، بحيث نقطع الطريق على المرتشين والمستفيدين من التفييش ، وندخل مالاً إلى الخزينة العامة.
-سوريا
واحد2006-04-07 02:42:03
ارجوكم
والله نحن كثر كثر جداً من يعانون من هذه المشكلة ... الرجاء إيجاد حل بأسرع وقت ممكن ، البلد في مرحلة نهوض وتحتاج إلى جميع ابنائها ، هناك خسائر كبيرة في الإقتصاد بسبب الهدر الرهيب في الجيش على عدد كبير وغير نافع ، الجدر ان يكون عدد متطوع ونافع فالجيوش في هذا العصر بعدتها وليس بعددها ، فلا سيوف ولا فرسان ولا جياد، ابدأوا بمحاربة افساد في الجيش
-سوريا
مواطن2006-04-07 02:38:43
مناشدة
اناشد سيادة الرئيس المواطن والطبيب والضابط لان ينظر إلى حالة عدد كبيير وكبير جداً من الشباب الذين يهاجرون بسبب وضع الخدمة الإلزامية وطول مدتها ، هذا عدا انها تؤدي إلى نسيان جميع المعلومات المكتسبة اثناء الرداسة الجامعية وتقطع صلاتنا بأعمالنا التي نمارسها حالياً ، وتوقف كل شيء لمدة عامين كاملين يذهبان هباءً من حياة الشباب المقبل على الحياة.
-سوريا
متألم2006-04-07 02:35:50
وقائع
ايام المدرسة كان في صفي حوالي المئة طالب منقسمين على 4 شعب ( مدرسة خاصة) وأؤكد لكم ان 90% منهم طفشو من البلد بسبب العسكرية واعرفهم معرفة شخصية ، وهم من خيرة الطلاب المثقفين والمتعلميين وقد انهو تعليمهم الجامعي او استكملوه في الخارج .. أليس أحرى بنا احتضان هؤلاء ؟ أم نترك في البلد كل من لا يساهم في نهضة الوطن؟؟
-سوريا لك السلام
بلاغ رقم 12006-04-07 02:31:11
بشرى سارة
نبشركم بكامل الفرح عن استمرارنا بدوراتنا المكثفة والمجانية ( مع راتب كمان) في لعب الورق وغسيل السيارات بأحدث انواعها وشراء الخضرة والفواكه الجيدة للمسؤولين والضباط ، من خلال إلتحاقكم بأحد شعبنا في كافة انحاء القطر لنسوقكم إلى دوراتنا مرغمين .. ودمتم ، للإتصال بنا : ما في داعي نحن منشحطكون شحط
-العسكرية
زياد الرحباني2006-04-07 02:26:26
جاي مع الشعب المسكين
أنا لا اتشرف في إضاعة سنتين من عمري في خدمة اشخاص وضباط ومسؤولين وليس خدمة الوطن ، أؤكد لكم انني استطيع أن اخدم وطني بألف طريقة افضل من إحتراف لعب الشدة وشرب المتة ، وشرب الدخان اللف والمستورد، اناشد سيادة الرئيس بوقف هدر ملايين اليرات من المال العام في الجيش السوري وجعله جيشاً تطوعياً براوتب جيدة فالجيوش الحديثة تعتمد على التقنيات وليس على العدد.
-بلد المواجهة من خلال احتراف التركس
سمير2006-04-07 02:12:26
دراسة جدية للجيش
نرجو من سيريا نيوز عمل دراسة شاملة لموضوع الخدمة الإلزامية في سوريا وتأثيراتها الاقتصادية والاجتماعية، وفائدتها العسكرية بالشكل المطبقة فيه حالياً. وهل الاعتماد على الجيش الاحترافي أفضل أم لا. شخصياً أدعو لجعل الخدمة عبارة عن شهر واحد يتم تدريب الأشخاص فيه على أساسيات السلاح وعلى الدفاع المدني وكيفية التصرف في حال حدوث الحروب أو الكوارث الطبيعية.
-سوريا
قلب سوريا2006-04-07 01:01:44
سوريا
عن جد ياريت تكون اشاعة لك مافي من خدمة العلم على اقل عم تحمي بلدك واهلك من الاعداء ولازم تعرف راسك وراس اهلك على انو عم تحمي بلدك قلب سوريا
George/USA2006-04-07 00:42:03
That's a sham
نرجو من المسؤولين الأكارم دراسة موضوع الخدمة الإلزامية والعمل على إلغائها كليا وجعل الجيش جيشا عاملا مثل سائر الجيوش العالميةالأخرى مثل أمريكا وأوروباوسواها، حيث ثبت أن الجيش العامل هو جيش فاعل أكثر، ويمكن استشارة وتنسيق هذا الموضوع مع مسؤولين في بلدان أخرى. ولا زلنا نتوق لخدمة وطنناولو في ميادين أخرى.
-USA
زين الفينيقي2006-04-07 00:38:37
يه ما احلاهم
اي الله يعطيكون العافية راح الامل والخبز والزيت والزعتر والجوبني على قولة اهل حمص وراح نودعكم بنص الشهر الجاية وبخاطركون
-سوري
Malek2006-04-07 00:03:54
دكتوراه
من أنا وشب مراهق كنت عم احلم فوت عالجيش وساوي دكتوراه بالشدة. خايف يطلع القرار قبل ما يصحللي صير لعيب ورق محترف.
-Dubai
محروق قلبو2006-04-06 23:51:11
سبب جديد
يالله مو مشكلة ، هي سبب إضافي ليخلينا نسافر برات هلبلد خلي هلبلد للمسؤولين وولادون ، أما ولاد الشام الحقيقيين ، باي باي مابدنا ياكون حديث ....
-سورية الحبيبة كتير
ص2006-04-06 23:20:53
حرام
والله حرام أخر ولد يروح على الجيش
-سورية
ابن البلد2006-04-06 23:10:02
طيب ليش
يعني عنجد عيب الوضع القائم من ناحية الجيش .. طيب المغترب بيطلع خارج البلد وبيضل خارج البلد بيترك أهله وبلده وكل منطقة بيحبها فقط لكي يبحث عن مستقبل أفضل نوعا ما وما بيحسن يرجع بس مشان خدمة العلم وعمره فوق الثلاثين .. يعني عنجد عيب مو هاد ابن البلد ولا ابن .... المهم عندما تفتح الدولة البدل لأي شخص ولد في الخارج ان عاش هناك أم لا هو دعم للاقتصاد
-هولند
kolaba2006-04-06 23:10:58
مراقبة
حدا عم يراقب يا شباب ... ايه لكن بطلت سب
--
من هنا2006-04-06 22:57:17
-
كذبة نيسان كانت .... فاجأني فيها أحد المعارف وهي كذبة نيسانية اكيد ومابظنها منطقية, نتمنى بكل الأحوال من سيادة الرئيس إعادة دراسة اوضاع الجيش وإلزاميته لو مو مشاننها (خوش اسمو راحت علينا وبظينا البدل) بس مشان هالاجيال اللي بعدنا. لأن اول سبب لطفيشنا من البلد هو الجيش
-سورية
living la vida loca2006-04-06 22:21:44
living la vida loca
lik Akahhhhhhhhhhhhhhh
-Some where i belong?!!
جهاد2006-04-06 21:51:19
مفيد
بس بتعرفوا كمان الجيش مفيد يعني اذا خدمت جيش بتتعلم من الضباط كافة انواع المسبات و الكفريات يلي بحياتك ما سمعتا بالاضافة الى انك رح تتعلم ع الدخان اذا كنت ما بتدخن و رح تصير حريف بالورق واذا كنت فهمان شوي رح تتعلم السرقة على أصولا
-السعودية
مجنون2006-04-06 21:47:36
منيح
بصراحة كنت بدي دق بخانوقه لأخي وأطلع بروحه إذا ماراح على الجيش ، أما الآن فهذا جيد خلي الضباط تسترزق شوي الله يكون بعونها ، على فكرة من كم يوم صديقي أبو الجماجم أعطى معلمه أربعة آلاف ليرة رشوة . عفواً عفواً زلة لسان عطاه معاشه . تحياتي لجيشنا أبو شحاطة ..!!
-سورية
مغترب متبهدل برا وجوا2006-04-06 21:40:26
من شان الله
دخيل الله حدا سمع شي عن وضع المغتربين في الخليج يعني من شان الله شي حدا يتوسطلنا بركي بيعملو سنين الاغتراب لدفع البدل 3 بدلا من 5 وبيخفضو فيمة البدل (قولو معي امين)
-دبي
جهاد2006-04-06 21:31:12
اعفاء شوو
معقول00 لازم الكبير و الصغير في الشباب السوري ينذل و ينكسر راسو و يشحد و يدين مشان يصلح سيارة المعلم و يشتريلو مستلزمات بيتولا ومو بس هيك وينسب و ينضرب و ينهان اذا ما معو مصاري او حل تاني يروح يتغرب و يتشنطط برا البلد و يتعذب نفسيا و جسديا لحتى يجني فلوس و بالاخير يدفع كل شقا عمرو للحكومة و عمرينو انشاء الله لا يتجوز و لا يشتغل و لا يصير بني آدم ..
-السعودية
rt-yu2006-04-06 21:11:31
yufh
طبعا ما في تخفيض للجيش لانه باب الرزق للضباط ،و ما في حدا بيسد باب رزقه
-rytr
مواطن من المريخ2006-04-06 21:10:11
لوبي؟؟؟
منيح يللي الشباب الطيبة عم بتفكر بشي اسمو لوبي!!!!!!!!!1 هههههههههههههههه في تطور ملحوظ :)
-سوريا
hjk2006-04-06 21:10:06
ghj
تعلموا غسيل السيارات و العمل خدم لاولاد المسؤولين فان في خدمة المسؤولين بركة ****
-fgjty
mahmoud2006-04-06 21:02:45
jhde
يعني هالشباب المسكين اللي ما عم لاقي شغل مشان يعيش يا ريت تفكروا تلاقولوا شغل بدل ما تفكروا تاخذوه على الجيش يتعلم على غسيل السيارات و الخدمة بالبيوت و المزارع ،استحوا شوي
-cfdc
hsen2006-04-06 20:59:00
china
يعني سيادة الوزيرة العبقرية ،اولاد المغتربين الاغنياء ما في مشكلة اذا ما خدموا بالجيش لانهم اغنياء و اولاد الفقراء لازم يخدموا بالجيش ،اقترح تغيير شعار الحزب اللي بتمثله سيادة الوزيرة من وحدة حرية اشتراكية الى وحدة حرية راسمالية ،لان الغني بحسب راي سيادة الوزيرة لا يجب ان يخدم فقط الفقير ،عاشت وزيرتنا المفكرة و انعمت علينا بافكارها العبقرية
-africa
ahmad2006-04-06 20:45:57
shetaton
الاحسن يخبرونا كم ابن مسؤول و تاجر خدم بالجيش ،الا اذا كانوا بيعتبروا اولادهم مو رجال و انما نسوان، بيداوموا على خط النار ،على جبهة الشيراتون و الميريديان مع الراقصات
-meridian
Robn houd2006-04-06 20:32:19
merci
انا اصغر واحد بخواتي الحمد لله لي طلع الخبر كذب لاني كتت خايف مانال شرف المشاركه مع جيشنا لبيرفع الرا س لعم يخدم ممتلكات المسؤلين مو العلم
-France, les cafés parisiens
oaled2006-04-06 20:40:15
khedma
يعني ما في نتيجة بطالة ،شغل ما في ،بس في تروح تشتغل بمعامل و مزارع ضباط الجيش ،بيقنعوك انها خدمة علم ،هي خدمة علم و لا خدمة منازل
-india
magnon2006-04-06 20:37:17
balad
لانه جيش مرتب ،ضباطه يعرفون عن السيارات اكثر بكثير مما يعرفون عن السلاح و الحرب ،يعني شغلتهم شو راح يطلعلهم من هالمجندين و كم ليتر بنزين راح يحصلوا ،و اولادهم شغلتهم التشفيط بالشوارع و الزعرنة ،و بالاخر بيطلعوا بيقلولك ما عد فيه نفط و لازم نرفع الدعم ،و لك اي دعم هذا ،ليش ما ترفعوا الدعم عن هالزعران
-afghanstan
ahbal2006-04-06 20:31:15
geesh
طبعا لن يتم اعفاء لا الصغير و لا الكبير ،لان الجميع يجب ان يخدم ليعمل في مزارع و معامل الضباط و يتدرب تدريبا عسكريا مهما على سواقة مرسيدسات اولاد المسؤولين
-somal
shahad2006-04-06 20:27:25
dola
ابن الفقير هو فقط الذي يجب ان يؤدي خدمة العلم ليحمي مزارع و قصور و معامل اولاد المسؤولين ،بينما اولاد المسؤولين يعملون رجال اعمال بالاموال المسروقة من الدولة ****
-australia
zbal2006-04-06 20:01:47
syria frame
نبشركم بانه لاولاد المسؤولين و التجار ،يعفى من الخدمة جميع الاولاد الكبار منهم و الصغار ،و ذلك رافة باحوالهم الصعبة و تقديرا لجهودهم الكبيرة في تخريب و سرقة البلد
-kongo