syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
طريق دمشق ضاحية قدسيا
أخبار القراء

الرجاء من السيد محافظ دمشق وريف دمشق زيارتنا


سيدي محافظ دمشق وسيدي محافظ ريف دمشق نرجو زيارتنا لاننا نعاني يوميا عند عودتنا من عملنا الى المنزل.
فالمأساة هذه يوميا تبدأ من الربوة وارتال السيارات الواقفة على جانبي الطريق امام مرئ دوريات ودراجات شرطة المرور وفي دمر البلد يوجد باعة فواكه جانب كازية دمر مستملك الرصيف كله وجزء من الطريق وفي قدسيا المأساة اكبر ازدحام كبير والشرطة تتفرج فنرجو من المحافظين بزيارتنا والاطلاع على وضعنا لاننا من هذا الوطن ونعاني للوصول الى المنزل مساءا اكثر من ساعة نرجو الاطلاع ونريد الانصاف وانشاء الله حل قريب لان لايوجد شي مستحيل اذا كان هناك ارادة .

 

ابو زيد
 


2006-08-08 08:56:23
شاركنا على مواقع التواصل الاجتماعي:



شارك بالتعليق
ابو انس2006-08-12 10:35:37
الحل
الحل بطريق جديد إما من خلف قاسيون أو بشق طريق في الجبل وهو أفضل الحلول أو وصل الضاحية بمشروع دمر.والسؤال عن المشروع الشبابي ماذا حل به؟ كان الأمل غير هيك!!!!
-دمشق
gh2006-08-11 14:34:27
الى عاصمتنا الحبيبة
الحالة تعبانة يا شام .. خدمة مافيش انت فقيرة يا شام .. ونحنا ال... "مديح بالمسؤولين"
-سوريا -طرطوس
أمجد2006-08-11 00:57:16
تركوا مشروع ممر بحالو
بحب قلو للسوري التعبان انو مو ناقصنا بمشروع دمر يصير ترانزيت لضاحية قدسيا بكفي صاير طريق لمساكن الحرس وشوارع دمر مو اتسترادات هي شوارع مساوية لتخدم ضاحية سكنية يعني بشان حضرت ترتاح تعجقلنا مشروع دمر هاد يلي ناقص والله
syr
المسؤل أبو ناصيف2006-08-10 15:52:52
أذا أنتهت المشاكل أنتهينا
المشاكل على جميع الأصعدة الداخلية والخارجية وبكل أنواعها يجب أن تستمر نحن نستطيع حل كل هذة المشاكل وبسرعة لكن أذا أنتهت المشاكل أنتهـــــــينا .....
--
حسام2006-08-10 15:52:06
تاني طابق
بس بدي اسئل سؤال للناس اللي عمتفش قلبة--هل في حدا بيقرا هالشكاوي- خبروني - اذا في حدا لنتشجع ونكتب- بس انو هيك نشتكي لبعضنا, منكون عمنضحك على حالنا
-
مواطن سوري للأسف2006-08-10 14:49:07
مسؤولين نور
بقص ايدي اذا بتصير هالبلد
-
سعيد2006-08-10 09:06:12
جمعية القطاع الصحي
يا حبايب قلبي بضاحية قدسيا و جمعية القطاع الصحي خصوصاً بالجزيرة سي واحد قبضوا ثمن الخدمات من حوالي ثلاث سنوات ( تزفيت و ترصيف و تشجير الحديقة ) و المبلغ المقبوض هو شي ثمانمائة الف ليرة و إلى الآن لم يبدأو بشيء و لا نزال ننتظر و نرجو من بلدية الضاحية النظر بعين العطف
-
قائل الحق2006-08-09 16:27:47
الإزدحام السكني
بالإضافة إلى أن سادكوب لم تعطي رخصة لأي بائع مازوت ليبيع في ضاحية قدسيا الأمر الذي يجعلك تبوس إيد بياع المازوت وتعطي 500 ليرة ليعبيلك مازوت ويسرق منه, حفريات أبنية معلقة منذ سنوات ولا حياة لمن تنادي... وحتى أنني مازلت أتمنى أن أرى دورية أمن أو شرطة في الضاحية بل كل ما نراه بناء كامل الرفاهيه لقسم الشرطة وهو خالي حتى من حراسه وقابل للسرقة أيضا"
-ضاحية قدسيا
قائل الحق2006-08-09 16:23:26
الإزدحام السكني
كما قلت الحق عن السكن الشبابي فأنا اضم صوتي لقاطني ضاحية قدسيا في مسألة إهمال المرافق العامة والطرقات في الضاحية... الازدحام إزداد بشكل غير طبيعي فمثلا" أسكن في بناء مؤلف من 16 شقة عام 2000 كنا عائلتين فقط واليوم 16 عائلة ولدينا نفس الصعوبات" الازدحام- القمامة - الحدائق المنهوبة من قبل المطاعم - مخالفات الأبنية الجديدة وإلغاء الوجائب - الكلاب الشاردة".
-ضاحية قدسيا
قائل الحق2006-08-09 16:18:52
السكن الشبابي
الحق يقال ياجماعة بأن هناك من يرمي إشاعات عن السكن الشبابي.. أن أسكن في الضاحية من قبل مشروع السكن الشبابي وبصراحة المشروع شارف على الانتهاء وبسرعة عالية ويمكن لأي شخص أي يرى أن البناء انتهى وبدأت الكسوة الخارجية وحتى أن هناك أبنية انتهت من الكسوة الخارجية فاطمئنوا يا شباب اللذين سجلتم في هذا السكن أن المشوع يسير بخطوات سريعة جدا فلا تقلقوا من الشائعات
-ضاحية قدسيا
واحد اجدب2006-08-09 14:33:48
مجنون يحكي و عاقل يسمع
لك معقول يا ناس بلدة متل قدسيا يكون فيها هالازدحام معقول السيارات بالالاف و مافي غير بالصدفة غير شرطيين مرور لا حول لهم و لا قوة امام رشاوي اصحاب المحلات لهم لحتى يسمحوا للسيارات توقف امام محلاتهم لانهم زباينهم و باقي الناس تعاني و تتعقد من الزحمة معقول كل هالتفرعات تصب على طيق لايتسع الا لسيارتين ذهاب و اياب نظرة واحدة على ساحة قدسيا من الساعة 7 مساء ح
-
لؤي2006-08-09 14:27:37
واحكومتاه
اكتب اسمك يا بلادي عالشمس الي ما بتغيب لا مالي و لا ولادي عن حبك ما في حبيب اين المحافظون اين اولي الامر اين المسؤولون انقذونا نحن اهالي قدسيا السوريون نستصرخكم من الازدحام و غلاء الاسعار و الزبالة في كل مكان و تحكم اصحاب المحلات بالارصفة و الطرقات و التفلت و الزعرنة و تشفيط السيارات و الموتورات في كل مساء اليس لقدسيا دولة مسؤولة عنها تحاسب المحاف
-
صبحي المطاميري2006-08-09 14:26:43
موقف باص
هل يعقل في هذه الضاحية صيفاًً وشتاءً لا يوجد موقف باص واحد الأحرى أن يوضع مواقف باصات مؤقته لحين البت بنظام مواقف مناسب ودائم . وشكراً
سورية
مضطر2006-08-09 13:54:09
جداً
السكن الشبابي بالمناسبة ماهي أخبار السكن الشبابي وهل من المعقول ان ننتظر عشر سنوات ثم أنه أليس هو منحة من اليابان كما سمعنا أو على الأقل من الرئيس ثم وبما أنه تمت الموافقة على الكل لم لم يكن الدور حسب ترتيب التسجيل إذ أن المضطر للبيت كان قد امن الدفعات بشق الأنفس بينما التجار والموسورون تريثوا لأخر فترة التمديد للتسجيل حتى سجلوا حيث أنهم غير مضطرين بل سجلواللمتجارة.
-دمشق
مخدوع2006-08-09 13:20:02
ضاحية قدسيا
ارادت الاسكان تشييد مجمع تجاري مقابل البناء الذي اسكن فيه ولايبعد عنا سوى سبعة امتار وقدمنا شكوى ولبى السيد عمر غلاونجي مدير المؤسسة طلبنا واجتمع معنا ووعدنا ان يبعد السوق عن بنائنا كي تدخل اليه الشمس وكي لاتصبح بيوتنامكشوفة للجميع ..واذ بنا نرى الجرافات تعمل واقاموا المجمع وسألنا السيد غلاونجي عن الوعود فضحك..باختصار لقد ضحك علينا.مافي حدا يحاسبو؟؟
سوريا
سمير2006-08-09 11:54:45
مشاركة
الشيء بالشيء يذكر المواصلات الى جديدة عرطوز البلد سيئة جدا والسائقين يخرجون من الكراج المقرف ممتلىء ولايهمهم الموجودون على الطريق وخاصة اتوستراد المزة وتجد الناس كتار تحلم بسرفيس الى الجديدةوالحل بسيط الدولة تسير باصات الى الجديدة بس المحافظ موفاضي ولازم بالظروف الصعبة التي تمر بها المنطقة ان يفكروا المسؤولين السوريين بمواطنيهم
-سوريا
T.B2006-08-09 10:38:08
توضيح
يا ليت توضحلنا الجهات المختصة مستقبل طريق ضاحية قدسيا و مكان عبوره و خاصة أن نسبة السكن لم تتجاوز 40 % و الأزمة كبيرة جدا
-سوريا
A.H.2006-08-09 09:03:27
لطفا بالحكومة
صراحة انا مستغرب من بعض الأخوة الذين يجدون في مثل هذه المشاركات متنفس لهم للتعبير عن امتعاضهم البلد مطغوط بالعراقيين و اللبنانيين و هذا ظرف طارئ و الحكومة مو مسؤولة عنه. خلينا نحس بشوية قومية وحاجتنا انانية مفرطة.
-سوريا
--عمار--2006-08-08 21:29:43
يا حبيباتي
الله يخليكم بعدو عن مشروع دمر و بلاها هالمقترحات دوبنا نافدين بحالنا والله و نحنا عم ننعجئ هالايام هاد عدا طريق الربوة و لاتنسوا انو التوسع كل مالو عم يكبر ولا تنسوا انو اهل مساكن الحرس كمان طريقن من عنا ونحنا الشارع الرئيسي عنا بيمشي سيارة سيارة يعني اكتر من صف واحد ما بينمشى فيه بئا لا تقربوا على طريئنا ابداً ابداً مالكم غير التكسي الجوي.تقبلوا تحياتي
-سوريا
غسان عليا2006-08-08 18:01:40
أسهل منها مافي
سيدي المحافظ(دمشق وريف دمشق) أسهل منها مافي ،وصل الضاحية بمشروع دمر يخفف الضغط بشكل كبيرعن قدسيا المكتظةأصلا" بشكل لايمكن تحمله،فكروا جيدا" أن ضاحية قدسيا أصبحت مدينة كبيرة من الصعب على قدسيا تحمل سيلها المروري الجارف ولابد من فتح أو شق طريق من الضاحية الى مشروع دمر ........شو رأيكم دام عزكم ؟؟؟؟
syrie
سوري وطني حر2006-08-08 17:46:51
ابتسم .. فأنت تنعم بالإصلاح
السيدكاتب المقال:لاتتعب نفسك لتخاطب السادةالمحافظين فهم أكبرمن ذلك والدليل هوالزجاج الغامق والستائرفي سياراتهم حتى لايوجعواراسهم بهالترهات يللي عم تصيربالبلد.قدسياأصبحت مستعمرةعراقيةلبنانيةوأصبح السوريين فيهاأقليةغيرأنهامرتع للأوساخ والأكشاك والأتربةوالمخالفات والحفروالمطبات وسوق الأحد(الصرح الاقتصادي)والطرطيرات والزعرنات بالليل وآخرشي ممكن تشوفه هوشرطي
-سورية - قدسيا
مواطن من الضاحية2006-08-08 16:53:52
نداء استغاثة
المخالفات في ضاحية قدسيا كثيرة و كبيرة و مشينة أين تطبيق القانون!صاحب مطعم ضم حديقة عامة الى مطعمه تحت بصر البلدية و وضع بها الطاولات و الكراسي لزبائنه! وهناك مواطنون ضموا حدائق عامة الى حدائق بيوتهم أو فتحو بها محلات تجارية و اني كمواطن أطلب فقط تطبيق القانون فهل هذا مستحيل.ان الحدائق العامة وجدت لكي يتنزه بها المواطن العادي كمتنفس للضاحية و لجماليتها
-سوريا
سوري بامتياز2006-08-08 16:03:57
المحافظ مانو فاضي
كتبنا مرارا عن القمامة في ضاحية حرستا وكان الجواب الأخير ان الموضوع صار عند المحافظ والأمور في سوء دائم والمحافظ مانو فاضي الا لملذاته الشخصية واموره الخاصة (( ونحا الزبالة رح تاكلنا ))
-سوريا
محمد2006-08-08 15:50:12
ياعين صبي دمع
ياجماعه ما فيه متل رؤوساء البلديه المتعاقبين على قدسيا وضاحية قدسيا الجماعه من اهل قدسيا وما ادراك ما اهل قدسيا ...والرؤوساء تبع البلديه المتعاقبين عليها ايراداتهم الشهريه تقارب من خمسة مليون ليرة شهريا.. رشاوي وعلى عينك يا تاجر والمشكله انو رؤوساء البلديه هنن ومجلس البلديه الموقر عم يبلعوا كمان لحتى ما حدا يحكي معهون بس الصراحه اخر رئيس بلديه طحش الكل
-سوريا
هاني2006-08-08 14:26:29
ساعة و نصف الى ساعتين فقط
تحت جسر الرئيس الى الضاحية أكثر من ساعة ونصف انتظار و ساعة طريق هذه المشكلة تبدأ من 8 مساء حتى الواحدة، سمعت من امرأة تونسية تشبه الناس بالدجاج هناك. ماذا عن الجسر الذي تعملون به من سنوات و ماذا عن حل مؤقت بتخصيص باصات دولة لا تمر بقدسيا و انما من مفرق صحارى و ماذا و ماذا...صدقوني شخص عادي جدا يقدر على حل هذه المشكلة فأين المهندسين و الوزراءو و وو .
syria
مواطن صالح2006-08-08 14:17:07
سوريا
يجب ان تجدوا حلا سريعا للطريق بين دمشق وضاحية قدسيا..المسافة 13 كم هل يعقل ان نقطعها ب 60 دقيقة ؟في كل مكان يوجد زحمة .طريق الربوة او طريق الجندي المجهول بالاضافة الى ربع ساعة في دمر البلدكي نمر بطريق طوله 200 متر والاصعب قدسيا؟؟؟؟نصف ساعة حتى نمر من ساحة قدسيا؟؟شرطة المرور تهتم بسيارة سكودا مو حاطط حزام امان مشان تاخد 25 ليرة وتترك السيارات تعاني
سوريا
ماهــر2006-08-08 14:16:19
جواب وسؤال
الحل بطريق جديد إما من خلف قاسيون أو بشق طريق في الجبل وهو أفضل الحلول أو وصل الضاحية بمشروع دمر.والسؤال عن المشروع الشبابي ماذا حل به؟ كان الأمل غير هيك!!!!
-دمشق
ساكن بالضاحية2006-08-08 14:10:26
ضاحية قدسيا
السادة المسؤولين.غريب يلي عم يصير فرحنا لاننا سنبعد عن المدينة وضجيجها وتلوثها وازدحامهاولكننا فوجئنابالذي يحدث في ضاحية قدسيا حيث يشيدون بين البناء والبناء بناء حتى لم يعد هناك متنفس .البناء العشوائي والغير مخطط من اجل الكسب المادي بالاضافة الى وعود السيد غلاونجي مدير المؤسسة بتلبية طلباتنا بعدم التعمير مقابل سكننا واكتشفنا بالنهاية انه يضحك علينا
سوريا
قلب محروق2006-08-08 14:04:51
حبيبتي قدسيا
انا من سكان قدسيا التعبانين. و الله لو بسيرك مو هيك الامور غير نظامية و الاسعار نار و ارتفاع بالعقارات.بدي استأجر محل صغير و مو طالع بايدي لأنو العراقيين استولوا على كل المحلات و رفعوا الاسعار . ايه معون مصاري كتير مو متلنا. مشان الله حدا يتفرج و يشوف صار التواجد السوري قليل بقدسيا و ما بتقدر البنت تطلع بالليل من زعرنات الشباب بالموتورات و السيارات
-سوريا -من قدسيا تحديدا
ابو سامر2006-08-08 12:59:13
فعلاً مشكلة كبيرة
لا أسوأ من تخطيط المدن وخصوصاً من قبل المؤسسة العامة للاسكان. عدة مدن بنيت وتضاعف عدد السكان المخدمdk عبرطريق الربوة ولم تجد المافظة أي حل. هناك الطريق الذي يمر بجانب قصر الشعب وهو أحد أهم الحلول، فبدراسة جيدة ومنطقية لتنظيم السير بحيث لا تؤثر على متطلبات الأمن تحل مشاكل مشروع دمر ومساكن الحرس وضاحية قدسيا وقدسيا دفعة واحدة.
-
جود2006-08-08 12:52:50
عن جد لغوا؟؟
عن جد لغوا المشروع تبع السكن الشبابي الي عم ندفعلو من أربع سنين؟؟؟ والله عن جد؟؟؟ شو قولك (مواطن) قللي الله يخليك!!!
-SAUDI ARABIA
همام2006-08-08 12:21:18
طريق سريع
الرجاء ثم الرجاء ثم الرجاء ان يتم انشاء طريق سريع ( اوتستراد ) يربط بين ضاحية قدسيا و مركز المدينة لانه اصبح ضروري جدا في ظل التطور الكبير و الحضاري الذي تشهده الضاحية و ازدياد الاسر القاطنة فيها و الرجاء العمل على ربط الضاحية بالمدينة بقطار او مونويل
-سوريا
فادي2006-08-08 12:23:35
اضافة الى ما ذكر
اضافة الى ماذكره كاتب المقال نرجو من سيادتهم التوجه الى تحت جسر السيد الرئيس مساءً وتحديداً منذ السابعة والنصف وحتى الحادية عشرة ليلاً ليروا بأعينهم صعوبة تأمين الركب بسبب الزحام الشديد وعدم تقيد سائقي المكروباص بالوصول الى الموقف المحدد وعدم تواجد اي عنصر من عناصر شرطة المرور لتنظيم السير و و و و ..... ولكن لا حياة لمن تنادي
-قدسيا
مواطن2006-08-08 12:16:29
خلوا الطابق مستور
الى سامر بالنسبة للمساكن الشبابية تم الغاء المشروع وسوف يتم اعادة المبالغ في اقرب وقت مشان هيك لا بقى تنتظر انل واياك والاف الشباب اكلنا مقلب ومارح نتجوز يعني انسى
-سورية
سوري تعبان2006-08-08 12:07:57
طريق الضاحية
سمعنا عن طريق جديد يصل مشروع دمر بالضاحية ماذا عنه؟ وإذا أمكن إحداث خط ميكرو يربط ضاحية قدسيا بدمشق عن طريق مشروع دمر مرورا بمساكن الحرس الجمهوري.
-سورية
سامر2006-08-08 11:45:26
دمشق
السيد محافظ نرجو منك اطلالة كريمة على المساكن الشبابية لتشد همة القائمين على المشروع و ما اخر المستجدات للتسليم مع الشكر
-سورية الحبيبة