syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
ساحة تشبه النصب التذكاري للـ "هولوكوست" في برلين تثير الجدل في حمص
تحقيقات

أثار تصميم ساحة عامة في حمص الجدل بين أهالي المدينة ، هذا الجدل امتد إلى خارجها من خلال النقاشات عبر الانترنت ورسائل البريد الالكتروني التي وصل الى سيريانيوز العديد منها،


تتحدث عن " إقامة نصب تذكاري لمحارق اليهود ( الهولوكوست ) في ساحة الملعب البلدي في حمص".

ما يلفت الانتباه حقيقة ومن خلال الصور المرفقة هو التشابه الكبير بين التصميم المنفذ في ساحة الملعب البلدي وبين نصب تذكاري افتتح في برلين العام 2005 بمناسبة الذكرى الـ 60 لاستسلام المانيا في الحرب العالمية الثانية يقع مقابل الريخستاغ ( الرئاسة الالمانية النازية سابقا ) ومقابل مبنى مجلس النواب الالماني ( البانديساغ ).

قصة النصب في ساحة زكي الارسوزي :

تبدأ قصة النصب المنفذ في ساحة زكي الارسوزي او ما يعرف بدوار الملعب البلدي من خلال تبرع رجل الاعمال المعروف عصام انبوبة باعادة ترميم وانشاء الساحة ، حيث تم تكليف المكتب الهندسي التابع للمهندس خالد معصراني في حلب على تصميم الساحة والاشراف على تنفيذها.

يقول انبوبة في حديثه لسيريانيوز " بطلب من السيد المحافظ ومجلس المدينة كان لابد لنا من تلبية الطلب والمساهمة بتقديم تبرع لانشاء هذا الدوار ، حيث تم الاتفاق مع مكتب هندسي من حلب على التصميم المقدم وتم الموافقة عليه من قبل الجهات المعنية".

يضيف السيد انبوبة " ثم بدأت الاتصالات والإزعاجات من قبل اشخاص محددين اتضح انهم اناس لا يفعلون شيء سوى الضجيج والتشهير بكل من يحاول تقديم الافضل لهذه المدينة"

ويؤكد انبوبة " بأن اوجه التشابه بين العملين ( دوار الملعب البلدي و نصب الهولوكوست ) غير موجودة والتصميمان مختلفان كليا"

حيث يرى السيد انبوبة ان تصميم الساحة نابع من فكرة " موجة اصطناعية من الرخام على شكل مكعبات لا ترمز الا لحركة المياه ومخيلة هندسية تنبع منها النوافير ويحيط بها الزرع".

ويكشف بان هذا العمل " كان مخصصا لمدينة حلب و أوقف لاسباب مالية بينما تم إنشاء نصب الهولوكست في العام 2005 " ، معتبرا ان الحديث عن التشابه هو مجرد " ادعاءات وافتراءات".

يؤكد المهندس الذي وضع التصميم خالد معصراني ما قاله المهندس عصام أنبوبة " كان التصميم أصلا مقرراً وصمم لساحة الموكمبو في حلب في العام 2003 ، بينما النصب التذكاري للهولوكست افتتح في العام 2005".

ويوضح " النصب التذكاري لمذبحة اليهود عبارة عن 2711 كتلة وضعت على ارض منحدرة غير مستوية في تموج نمطي شبه موجة يعطي الزوار الشعور بعدم الامان وهو بمساحة 19 ألف متر"

ويضيف "الاختلافات جوهرية بين التصميمين فجوار حمص هو مربعات منتظمة لا ترمز للبناء والتكتل بينما في النصب اليهودي مستطليلات ليرمز الى المقابر .. نصب برلين ذات أسطح مستوية بينما مكعبات دوار حمص ذات سطح مائل وهذا يغير فكرة التصميم".

ويتابع معصراني في شرح الفروق بين النصبين " الفرق هائل في الحجم والعدد وهذا يجعل من كتل دوار حمص عبارة عن موزاييك والقصد منه أن يرى بزاوية يستوعبها الناظر بالمجمل ، بينما في برلين يضيع فيها الزوار وقد تعمدوا ذلك ، المكعبات في حمص عبارة عن موجات حبيبية منتظمة رياضية الفكرة بتناغم الحياة بينما نصب برلين عشوائية تدب فيها روح الفوضى والرعب .. "

ويختم حديثه الينا قائلا " حتى الاشجار زرعت هناك عشوائيا كما في المقابر هذا يؤكد الاختلاف الكلي والجذري بين العملين".

 

راجعنا موقع النصب التذكاري لمذابح اليهود على الانترنت للحصول على بعض المعلومات عن النصب التذكاري للهولوكست وتأكدنا من ان المشروع بالفعل قد تم افتتاحه في العام 2005 ، ولكن كما قرأنا في الموقع فان التصميم مقرر منذ العام 1999 وقد اقر من خلال البرلمان الالماني في الـ 25 من حزيران من العام ذاته حيث خصصت ميزانية 35 مليون يورو لانجازه.

ويتضح من موقع النصب في برلين بانه كان معداً منذ العام 2002 وتظهر صورة امام الأرض المخصصة لبناء النصب تضم التصميم الذي نفذ لاحقا وتم افتتاحه في العام 2005 كما ذكرنا.

نصب حمص لا زال يثير الجدل وليس كل اهالي حمص يرون النصب كما يريد ان يصوره مصمم العمل.

المهندس رياض زيد قال لنا " من الواضح التماثل في الفكر في التصميم ان السطوح العلوية للاعمدة البيتونية للنصبين ، مشكلة من سطح فراغي وهمي متبدل ، ناتج عن تركب حركة موجتين احداهما طولية والاخرى متعامدة عليها".

يقول زيد " ان التصميم برأي الكثير من اهالي حمص يفتقد للحس الجمالي ، وقد مثلوا عليه بمقبرة جماعية وآخرون لم يقدم النصب لهم أي انطباع".

يتابع زيد " كان الدوار مغطى بالعشب الاخضر ومحاط بسياج نباتي منسق جميل نغطيه اشجار النخيل المعمر وعددها اكثر من 25 شجرة ، وبحجة تعديل مقاييسه ادخلت الروافع والبلدوزرات وجرى اقتلاع الاشجار ، وسط موجة احتجاج عارمة عمت المدينة يومها ، حيث تم جرى اقتلاع كل ما هو اخضر هناك".

بسام علي - سيريانيوز - حمص


2006-11-27 03:21:01
شاركنا على مواقع التواصل الاجتماعي:



شارك بالتعليق
معماري شاب2007-02-22 16:59:47
فكروا معي شوي
انا من ناحتي عجبتني الساحه بغض النظر عن منشاها... يعني بصراحه نحنا عنا مهندسين شباب عندن القدره على تصميم شي احلى من هيك ...بس للاسف ما عندن المجال ليوصلوا افكارن وازا كنتوا معارضين الفكره من اصلا(تخليد ذكرى الهولوكوست)او افترضنا انو هي قصه حقيقيه.هون صار لازم نعمل تصويت جديد,مين بايد هيتلر ومين بعارضو. بدي اعتزر بس انا مواطن عربي وبضل هادمستوى تفكبري
-سوريا
شادي بالأمارات2006-12-21 06:30:22
التصميم ناجح وجميل جدا
التصميم كان لدوار مقابل مول الموكامبو بحلب وانا كنت مع خالد لما وضع التصميم لدوار مقابل مول الموكامبو عام 2003 وكنت عمبشتغل مخططات التنفيذية للمول وهو كان مسؤول على الدوار وكانت فكرة التصميم تبع خالد عبارة عن موجة من الماء منفذة بمواد محلية تشتهر فيها مدينة حلب يلي هي الحجر . وخالد من المهندسين العباقرة بمدينة حلب وياريت يتعاون مع مكتبنا بالامارات
uae
rasha2006-12-15 06:12:33
رد على ز.س
يا ريت يكون نقاشنا أرقى من هيك. المواطن السوري بعمرو ما تأخر عن دفع المال من أجل بلدو سواء كان تبرع أو ضرايب ولا ترابية ولا رسوم ولا خدمة مطار ولا ....إلخ وبعدين اللي بيبني ساحة، أكيد مو لوجه الله ، لأنو لو مدور على الثواب كان راح بنى مسجد أو تبرع فيهم للفقراء أو دور الأيتام. السيد معصراني تبرع للدعاية ولهيك لازم هو يتحمل خطأه، مش المواطن المقهور
-Syria
ز.س2006-12-13 02:38:31
القصة ما قصة رمانة .. القصة قلوب ...
ولك ضيعان المنيحة بأهل هالبلد .. و أنا محل عصام أنبوبا بهدم الساحة على حسابي .. و بتركها خرابة .. و خلي اللي عم يتفلسفوا تفرض الدولة عليهم مساهمة قيمتها 500 ليرة ما أكتر..ليعمروا الساحة و بعدين بنبقى بنشوف رأيهم .. كيف بدو يتحول .. و بدعها بتصير الساحةأجمل مكان بالعالم ..
-
rasha2006-12-11 20:18:49
مهندسة
إذا كانت الأخت مهندسة معمارية حمصيةتقول أن التصميم مسروق فأرجو من المدافعين عنه أن يحترموا رأيها. بدوري أستطيع أن أؤكد أن التصميم مسروق حتى دون العودة إلى صورة نصب الهولوكوست. أنا القضية فقد أصبحت أمر واقع مثل كل المواضيع التي تمس حياة الإنسان في بلدي الحبيب. أهم شيء ما يتبرع حدة بإعادة بناء مسجد خالد بن الوليد.
-Syria
عباس العربي2006-12-10 16:38:59
حدا بيقول عن زيته عكر..الى معصراني
أنت لست بفنان ..أترك الفن للأهل الفن,ولا تمدح عملك.. دع الناس يبدون رأيهم؟؟؟!!!وقد أبدوه فعلا
-
عماد2006-12-10 10:38:09
ملاحظة 2
أيضا لمن استغرب أن تكون كلفة تعديل تصميم الساحة تبرعا من أحد رجال الأعمال أقول بأن هذا امر سائد في كثير من الدول الغربية والعربية حتى الغنية منها وذلك يكون عبارة عن دعاية لهذه الشركة أو الشخصية العامة وهذا ليس عيباً. الآن في حلب تم تعديل تصميم وبناء كثير من الساحات بتبرع من شركات ورجال أعمال معروفين واضاف جمالية لهذه الأماكن
-حلبي مغترب
عماد2006-12-10 10:34:48
ملاحظة بسيطة
للاسف لاحظت أن أغلب التعليقات من أهل حمص انتقادهم للعمل بسبب أن المهندس من حلب. بينما كان من الممكن الاعتراض على إزالة العشب الأخضر واقتلاع الشجر. ثانيا لمن يقول بأن بناء الساحة الجديدة هو هدر للمال العام أقول بأنك لم تقرأ المقال للأسف حيث تم التوضيح أن التكلفة تبرع من رجل الأعمال المذكور.
-حلبي مغترب
hos2006-12-08 22:01:56
فكرة جهنمية
معظم المشروعات العامة يستقتل منفذوها من اجل وضع دراسة ناقصة ليتم التصحيح عن طريق اضافة مشاريع مسلوقة و بدون دراسة مع التهويل من نقص الدراسة إلخ و هنا انا اشتم رائحة غير نظيفة لمخطط بتصحيح المشروع فيتم صرف مبالغ بالسرعة الكلية و تتم السرقة على اكمل وجه و الموضوع ليس فيه خيانة و لكنه ليس نظيف تمامًا
-syr
خالد معصراني2006-12-06 11:06:06
تتمة
والي مو قريان المقالة عاجبو الدوار كتير والي بدو يحكم على الدوار يروح يشوفو عالواقع ويحكم.. لأنو الصورملعوب فيها ليبين الدوار كتلة حجرية غليظة مع أنو كلو مياه ونوافير ضخمة ونسبو ناعمة وقوية بنفس الوقتومالو علاقة بالهلوزفت.. بس الي قرا تعليقات الصحفيين الخدومين طبعا رح يغير فكرتو عن الدوارلأنوربطولو يا بأكتر المواضيع حساسية بالنسبة ألو.. هادا الموضوع مت
syria
خالد معصراني2006-12-06 10:57:04
تتمة
مستغرب من شغلة يا جماعة هاد الموضوع الي يعتبر بصراحة سخيف بينزل بست مواقع أنترنت وينطبع بجريدتين ويحتل لمدة 8 أيام أكثر المواضيع قراءة على السيريا نيوز متلو متل أهم موضوع سياسي .. ويلم أكبرعدد من التعليقات على موقع العربية .. يعني بصراحة ما عم أعرف شو ها الأعلام الي هو السلطة الرابعة في المجتمع ولا شعبنا الرايق الفاضي الي همو كلو هو دوار ولارح يقدم ولا
syria
خالد معصراني2006-12-06 10:50:42
خير يا جماعة
أول مرة شتغلت فيها تصميم فريد ومميز قوبلة بعاصفة من الأنتقادات.. و القليل من التشجيع.. وها الحكي من 7 سنين...... بس بذكر كلمة دكتور عذيذ على قلبي..(مو من دكاترة جامعتنا).....قلي: الي بدو يشتغل ويبدع بدو يتحمل تعب شغلو المضاعف .....ويتحمل أكتر تعب محاربة الناس ألو..وأحد أصدقاءي الأطباء مرة قلي :أنو جسم الأنسان بيرفض العضو الجديد الي مزروع فيو يمكن لأنقاذ
syria
متصابية2006-12-04 17:23:05
مكتب استشاري
لأنو ماعمل المخططات بمكتبنا الاستشاري والي بضم خيرة المهندسين منهم رئس فرع النقابةورئس لجنة المكاتب ونحن نعمل عقودبالتراضي كمافي المنطقة الصناعيةالجديدةونعمل المخططات بأقل من عشرالمبالغ و الرسموم متل مخططات الجامعة السوريةالافرنسيةالتي نقوم
-سوريا
من حمص2006-12-04 02:05:54
ياريت لو
ياريت لما بتتبرع اي شخصية معروفة ببناء دوار أو اي شي تاني لحمص انهم يعلنوا عن مسابقة لأجمل تصميم من ابناء البلد مقابل جائزة مالية معينة.. بهالطريقة منشجع هواة الرسم والتصميم .. وياريت يكتر الخضار بحمص لترجع متل قبل حمص الحلوة
-homs
من حمص2006-12-04 02:02:14
الى وائل عبد الله
مزوء .. باين عليك مزوء... هلأ هالساحة ( بعيداً عن انها نصب يهودي ) حلوة ولطيفة برأيك ؟؟؟ من إيمتى صار الحجر الطف من الشجر والعشب الأخضر.. والله انها سخيفة ومو حلوة ومالها طعمة وخسارة هالأموال إلي اندفعت لانشائها...وحرام هالشجر إلي انخلع وانرمى
-homs
MR.NT2006-12-03 22:52:48
سوري حمصي تعب من العي
مع الاحترام للجميع بس بصراحة الموضوع أخد أكتر من حجمو وبصراحة أكتر أنا كل الدوار ماعجبني شكله مو لأنو متل النصب التذكاري"للهولوكوست " بس القديم كان أحلى شو بدنا بالحكي أحلى يعني محافظنا ورئيسة البلدية المبجلين عندهم عقدة من الشجر ........!!!!
الدكتور2006-12-03 13:18:12
مهلا أهل حمص
أحبائي هذه المكعبات ماهي الا قواعد لبناية سوف يمتلكها أحد القبضايات ولكن يقوم ببنائها شوي شوي وذلك لضرورة اجراءات وضع اليد وستكون مفخرة حمص الهندسية.....لماذا التبرع ابحثوا عن السبب ..... وتصبحوا على خير... عوجا
-كان في حمص
وائل العبد الله2006-12-01 13:41:00
إلى المهندسة المعمارية الحمصية
حاجي تضحكي على حالك ويا ريت تلتفتوا لشغلة أهم من تحليلاتك الفنية الغريبة والتي لا تخلو من لمحة ذكاء ما شاء الله وتركو هالساحة لأنها ساحة لطيفة وفرجينا ابداعك بغير ساحة شو رأيك.....
حمص
مهندسة معمارية حمصية2006-11-30 14:32:24
حاجي نضحك على بعض
بعتذر من المهندس المعصراني وبقولوا معلش ياليت ماتستغبي لأنو في مهندسين شايفين وبيقدروا يفهموا ويحللو ويعرفو أنو التصميم نفسو وأنو التعديلات اللي حضرتك أضفتها عالتصميم الملطوش لاتلغي جوهر الفكرة .... بس حضرتك تورطت باللطشة بدون ماتعرف الخلفية الاجتماعية والسياسية للنصب الملطوش ...
-
ام سامر2006-11-29 10:22:57
ساحة في حمص
شر البلية ما يضحك شاهدت الساحة المذكورة,وللاسف وجدتها اقبح مما كتب عنها،ولم أعرف من أين أتت فكرتهاللمصمم،وتذكرت المهندس المعماري (هاشم دلة)الذي صمم معظم ساحات حمص وقامت بتنفيذها مؤسسة الاسكان العسكرية في بداية الثمانينات,وكانت بسيطة وجميلة في ان واحد,وانا انادي فناني حمص العودة اليهاوتجميلها اين انت ياربيع الاخرس لم لاتساهم في تجميل حمصوساحاتهاواين0000
-سورية
وائل العبد الله2006-11-28 14:10:52
والله عيب
الغريب أنو في كثيرين تحاملوا على الساحة وعلى الفكرة لأنو نظرية المؤامرة معششة بأدمغتناطيب ماالنجمة السداسية كانت جزء من فن العمارة الاسلامي شو منتهم التاريخ المعماري الاسلامي بأنو متعاونين مع الهولوكست؟؟؟بعدين كتر خيرو الزلمة طلعت شغلة كتييييييييييير حلوة ومرتبة انشا الله بتشبه الكنيست ... عيب بس الحماصنة ما عندن غير اللت والعجن والحكي على بعض وما بيعجب
-حمص
فخور بالمعرفة و العلم2006-11-28 10:54:55
إلى سام,كنت مو ناوي رد عليك
بس بذمتك , مقتنع بالحكي اللي عم تحكيه , يعني من كل عقلك ..؟؟؟ بس عن جد تعبت حالك مشان هيك تعليق على قول أبو عنتر , مالو لا فكاهة ولا مازية ..!!! على كل حال, حبيبي مهما صار , بضل في ناس قلبها عبلدها و بتحاول تصلح ولو بكلمة , بركي الكلمة بتصير عمل , وهالعمل بيكتر , وبترجع بلدنا بترفع راسها بأولادها, واللي بيتفاءل بالخير بلاقيه , بس نحناحاجتناتطنيش وتشاؤم
-يرجى النشر مع جزيل الشكر لجهودكم
SAM2006-11-28 10:34:53
شجر.... شجر
دخيلكون صار كل واحد بدو شجر ويحب الشجر لك تسلمولي العالم بتنسى حالها كيف بتكون باللاذقية على نار ووسخ بالغابات هلأ صرتو بتخافو عل الشجر, بعدين ولو صار الدوار شجر رح يصير مكب نفايات لأوساخ الناس متل أي محافظة يا جماعة حاجتنا دجل ونفاق وبصراحة نحن شعب ما بيلبقلو شي وأنا ماني مع التصميم لأن كان من الممكن أو يأتوا بتصميم أجمل ونقطة انتهى يلي صار صار .
-Syria
عمار2006-11-28 10:00:32
خلاص
اي خلص بقا يعني ثلاثة أرباع الابنية والانشاءات بالبلد تقليد واضح للابنية في دول ثانية وقفت على شقفة تصميم مسروق؟ وكل الشعب بيسرق وبيزور وبيروح عالحج وبيدعي الله يسهلوا، وقفت على مستثمر
-خارج الزمن
arch4arch2006-11-28 01:47:42
مهندس معماري-جزء ثاني-
يعني مهندس واجا مستثمر،ومهندس أعمالو معروفة في البلد،بتجو هيك بتحكمو ،وين وجه التشابه انتو عم تطلعو على الصور روحو طلعو على التصميم ، الصور ما بتبين شي ..حرام حرام تدمير المهندسين بهالطريقة حرام ..في اعتراض على التصميم ممكن يتعدل ممكن يتطور بس مو بتنقدو من عدم دراية وخلفية شوفو العالم وين صار ونحن لسا من صغر من حجم المهندسين المعمارين والفنون ليش؟؟؟
-حلب
المحامية ز.س2006-11-27 22:58:21
عصام أنبوبا مشهود له بالسخاء
إن المهندس عصام أنبوبا واحد من رجال المال و ألأعمال الغيورين على مدينته حمص و من المعيب بعدما أنفق ما أنفق لأتمام الدوار أن يكافأ بالتشكيك و النكران. و لا ينسى الحمصيون أنه هو في العام العام من أضاف لمسة جمال و حياة على المدينة في فترة أعياد المسيحين و المسلمين . فكانت حمص يومها تشع بريقا و حضارة . شكرا لهكذا رجال ..
-
مواطن حمصي سوري2006-11-27 19:22:45
والله خجلتونا يا حماصنة
لك ما بينعتب علينا نحنا الحماصنة .......ولو شيو يعني هولوكوست اصلا ما بنعرف شو يعني هولوزفت؟ لك ليكون؟ مؤسس الحركة الشيوعية؟ او المدري شو ؟ دخيلكن فيدونا يا سيريا نيوز
-
المهندس بلبل2006-11-27 18:22:25
سيدي الرئيس
سيدي الرئيس اطال الله عمرك المرسوم الذي اصدرتموه بتعيين 4 محافظين كنا نتمنى ان يكون بتعيين 14 محافظا ليس منهم اي من امحافظين السابقين وان يتبعه مرسوم بتغيير 250 مدير عام واولهم المجدير العام للشركة العامة للدراسات والاستشارات الفنية هذه رغبة وتمني من قلب محروق ونرج الاستجاب ولو للطلب الاخير ودمتم
-مزرعة صفوان العساف
أبراهيم المسلماتي.باريس2006-11-27 17:32:41
هدر المال العام دون حسيل ولا رقيب
لا أرى أي شكل يهذا التصميم الهندسي حتى لو كان المهندس متخرج من المانيا أو غيرها لأن لأهل سوريا ذوق لا يتطابق مع غيرهم لو وضع بحرة وقليل من الأشجار والحشائش لشكروك أهل حمص على فعلتك مع من أستشرت هل أنت والمحافظ تفررون دون الرجوع لسكان الحي الذين يقطنون أمام ساحتهم المشوهة نطالب بمسائلتهم لهدر المال العام وتشويه الساحةوأن يكونو أمرهم شورى بينهم لأي عمل
-فرنسا
شهير2006-11-27 17:12:05
وين الدم الكرماوي
اذا ما حكينا هيك ما بنكون حماصني يعني شو لازم نربط كل شغلي بالإمبرياليي و الموساد و بعدين الك بالعمل الفني و العملي مفيد ولا لاء كبر عقلك يا عفش المهم انو عم بنغير ليش الناس بدا تضل متقوقعةانا ما رح البس جينز لانو يهودي بيلبسو بس انا طبعا ما رح البس كنزة عليها نجمة داود رغم انو كتير من الشباب بيلبسو كنزات عليهاعبدةالشيطان الحاصل كان لازم يكون كرماوي
-البحرين
مازن تلو2006-11-27 17:15:49
شو هل الشغلة يعني؟؟
يالطيف شو أنو شعبنا **** ويتطلع على الشكلييات وحتى لو كان يشبه الهولكست فإن كان جميلا فماالمشكلة
-سوريا
ابنعيم2006-11-27 17:02:12
مؤامرة انبريالية دنيئة
الحس الوطني عدادو زيادي عنا شوي لدرجة اننا نحسب كل صيحة علينا يعني لإيمت بدنا نكسر الاشياء الحلوي و نقول امبيالية وموساد الموساد كان مانو عرفان كيف يقولو لانبوبا بدي اعمل هل عمل كبرو عقلكن صرح اللالونا اخطروأوقح بكتير من يلي عم تحكو في قدام جامع عمر ينعمل اللالونا ومعروف الشيخ محمود دالاتي و دورو بمجتمع حمص وحب اهل حمص الو بس نحني ما بيهمنا غير السخافة.
-UK
حمصي حزين2006-11-27 16:55:00
شو هالكرم المفاجئ
يوجد قانون بالدولة أنه من يتبرع للدولة بنصب أو دوار أو مشروع عام فأنه يعفى من الضرائب عن أملاكه لمدة سنة فالسيد الذي تبرع لبناء هذا الدوار و **الذي تبرع لبناء دوار الحمراء يملكان معامل ومصانع و مشاريع تصل ضرائبها الى عشرات الملايين سنويا ولم يكلفهم بناء كل دوار سوى كام مليون وهذا يفسر الكرم المفاجئ
-USA
-2006-11-27 16:26:03
-
أخي الموضوع بسيط، الزلمة الباشمهندس (استوحى) التصميم من مشروع آخر و تورط و هلأ تم الانتهاء من التنفيذ، يعني تبديله سيكلف أضعاف مضاعفة، أساساً مين بالبلدية أو المحافظة سائل على رأي المواطنين من الناحية الجمالية أو عندو قدرة يميز بين الجمال و القبح- دمشق اجمل المدن تحولت لمزبلة و مدينة غاية في البشاعة على ايدي اشاوس المحافظة فضوها سيرة حبيباتي
-UK
اش ما بدك2006-11-27 15:27:46
كفانا هذيان
با أخي اذهبوا الى حمص وانظروا الى الساحة....هذه الصور مأخوذة من زاوية معينة..ولكن اذا نظرتوا اليها في صور اخرى فهي لا تشبه بتاع الهولوكوست الذي تتكلمون عنه....اذهبوا لحمص وتفرجو عليها...لا تشبه تذكار الهولوكوست أبداً
-سوريا
NO ONE2006-11-27 15:13:55
WAKE UP
هناك شيء مهم جدا لم يتتبه اليه احد المهندس بدفاعه عن تصميمه واختلافه هو حقا يدين نفسه الوقت تاخر ويجب ان انام لكن غدا صباحاطبعا بتو قيت البلد هنا ساخبركم عنه انشاء اللة
-australia
Jawad2006-11-27 15:05:38
Greetings
تحية لعصام انبوبة و لكل انسان بيتبرع لتطوير البلد
-Australia
Auslander2006-11-27 14:50:17
Take it easy
اقترح ان تقوم بلدية برلين بازالة النصب اليهودي لاذالة سوء التفاهم
-deutscland
سورية مغتربة2006-11-27 14:26:27
الاحساس بالجمال؟؟؟
أنا ما شفت الدوار بحمص بس عنا بحلب الصناعيين كل واحد تعهد دوار على قدو وعمل فيه نصب صغير مع شوية خضار ونوافير بس بالأصل الدوارات كانت صحرا مع حجار وحسنوها بقى ليش التاجر الحمصي قلب الآية ودوار بلأصل مرتب وحلو شو خطرله يحوله لصبات اسمنت وشو عجبه بهيك تصميم ان كان هو ولامسؤولين المحافظة ولا حتى الاحساس بالجمال صار معدوم ببلدنا
روسيا
ماهر2006-11-27 14:33:38
الاحترام يا عالم
ولله ما بعرف شو بدس قول يعني كل واحد من المعلقين مفكر حالو دكتور بالهندسة المعمارية ونازلين مسبات بالمهندس المصمم ياخي الواحد بدو ينتقد ينتقد بأدب يعني السيد المهندس معصراني اقل شي قاعد شي 5 سنين عم يدرس هندسة عيب هالاهانات بس من شان الله يا د محمد من المانيا ليش هل الكلام المهين (حماقة التصميم)ياخي انت مهندس بتعرف قديش بيتعب المهندس بالمشروع
-دمشق
ماهر2006-11-27 14:13:18
hghpjvhl dh uhgl
ولله ما بعرف شو بدي قول يعني كل واحد من المعلقين مفكر حالو دكتور بالهندسة المعمارية ونازلين مسبات بالمهندس المصمم ياخي الواحد بدو ينتقد ينتقد بأدب يعني السيد المهندس معصراني اقل شي قاعد شي 5 سنين عم يدرس هندسة عيب هالاهانات بس من شان الله اقرو تعليق دمحمد من المانيا هذا تعليق دكتور وفي المانيا ايضا؟؟؟بس نحنا فعلا ما نطور يوجد تتمه
-
حمصي زكي2006-11-27 14:13:29
فهموناااااا
هلأ التصميم وأجى بالصدفة وبلعناها؟؟؟ بس خشب الشجر تبع شارع الغوطة ودوار الملعب لمين باعوها ؟!؟!؟!؟!؟
-دولة حمص
زيد2006-11-27 13:25:32
حل
باعتبار ان هناك تشابه غير مقصود بين التصميمين والفن مدرسة عالمية فيها التقاطع والتشابه بين التصاميم وارد،ولكن باعتبار ان هناك جدل حاصل وبعض الناس لا يمكن اقناعهم بالعكس ممكن للمهندس المصمم اضافة بعض العناصر الهندسية المتناسبة مع التصميم وذلك لتغيير المنظر العام للتصميم وتحل المشكلة دون كل هذا الجدل العقيمويتم ارضاء جميع الاطراف
-uae
فخور بالمعرفة و العلم2006-11-27 12:40:06
إلى من لم يجد بالموضوع مشكلة...!
تكفينا مصيبة هذه الجملة"كان الدوار مغطى بالعشب الاخضر ومحاط بسياج نباتي منسق جميل نغطيه اشجار النخيل المعمر وعددها اكثر من 25 شجرة ، وبحجة تعديل مقاييسه ادخلت الروافع والبلدوزرات وجرى اقتلاع الاشجار ، وسط موجة احتجاج عارمة عمت المدينة يومها ، حيث تم جرى اقتلاع كل ما هو اخضر هناك"...! يجب قلع هذا المسخ وإعادة الشجر, 100شجرة عن كل شجرة قلعت ,بحمص, وغيرح
-يرجى النشر مع جزيل الشكر لجهودكم
قرفان تعليقاتكم2006-11-27 12:26:15
اي حاجتكم بقا
اي حاجتكم بقا يعني هلق كل واحد بيطلع و بساوي شي حلو بالبلد بتتهمو بالتشبه بالغرب و ليهود و ما بعرف ش والزلمة فنان و الفن مالو حدود بقى حاجتنا تعقيد و عقد
-المعهد السوري للمعقدين وكتل العقد
مع الحق2006-11-27 12:26:07
هذا استغباء للبشر
يعني في تشابه طيب ليش اعتمد المشروع آه مشان شهرة المكتب واستغباء البشر صنعة هذه الأيام إيه والله صنعة
-سو ر يا !!!
شاهد عيان2006-11-27 11:39:26
التشابه مذهل
أناطالب و أدرس في برلين و رأيت نصب الهولوكوست على أرض الواقع في وسط برلين والحق يقال أن تصميم ساحة حمص المذكورة يشابه كثيرا مقبرة الهولوكوست نحن لا نريد التشكيك و التخوين لكن لا بدمن إزالةالخطأمن ساحة زكي الأرسوزي
-ألمانيا
دبور2006-11-27 11:39:03
سامية..هي
\سامية\ هي أخت العم سام..ويمكن أمه,يعني بصراحة ,حسنات هذا التبرع أضاعه هذا المكتب من خلال سرقة هذه الفكرة البشعة\توارد خواطر\ ,وقتله للشجر..وتحويل حياتنا الى مستطيلات \مموجة\ ميتة
--
ديك الجن الحمصي2006-11-27 11:35:33
تعليقات مميزة
أعجبتني تعليقات كل من ( أبو الطيب المتنبي وأبو فراس الحمداني من حلب )، وأنا أضم صوتي لهما وضرورة أن تزال هذه الكتل الخرسانية البغيضة من مدينة حمص ، وعمل مجسم جمالي تكلف به كلية الفنون الجميلة أو مسابقة يشارك بها فنانو القطر ، فأنا ساكن أمام مقبرة الهولوكست وكرهت بيتي وأريد بيعه ما لم تزال هذه المهزلة !!!
-!!!حمص/ من أمام مقبرة الهولوكست!!!
-2006-11-27 11:33:18
-
بعيدا عن التشابه او عدم التشابه مع الهولوكوست فهذه نقطة ثانوية ولا ارى إي عيب بذلك ان كان صحيح ولكن فانا اتحدث عن الذوق العام فإن هذا التصميم براي غريب وكل شيء غريب لا يعجبه الإنسان ولكني لست منفر منه كثيرا على الرغم من انه يشبه مقبرة ما
--
أبو شمينتو2006-11-27 11:23:49
أزمة إسمنت أم أزمة مخ
على علمي في أزمة إسمنت وغلاء بأسعارو، يا ترى كم طون راح بهالنصب التذكاري بلا طعمة؟ مو أحسن لو كان عملناها شجرية
-سوريا الرمادية
سوري جدا2006-11-27 10:43:29
عريقون بسرقة التصاميم الهندسية
الى من خانته الذاكرة فتصميم جامع الرحمن بحلب هو التصميم الفائز بالدرجة الاولى لكنيسة بفرنسا عام 1974 مع فرق علامة المعتقد من الاعلى 0 وقد قبض المكتب الهندسي انذاك كامل اجور التصميم
-
الآنسة فضيحة2006-11-27 10:21:31
سامية
يا شباب يا حلوين يللي أيديكم ناعمين (بسبب البطالة وقلة الشغل طبعا)لا تنتقدو كتير هالعمل مشان ما يتهموكم بمعاداة سامية؟؟(مين هي سامية؟؟؟),وللسيد أنبوبا بقول أنو بثمن كل كتلة أسمنتية بتقدر تجوز شب وبنت بالحلال مشان يخلفو ولاد يدعولك طول عمرهم,بس بعملك هاد ما بعرف مين رح يعطيك (الحسنات) ومنين رح يكون مصدرها؟؟
-
Mohamed2006-11-27 10:15:43
سؤال إلى أهل القرار
لماذا لا تؤخذ آراء الناس في شئ يفترض أن يكون جزءا من حياتهم اليومية ??? أما إذا كان المصمم والمنفذ يستهتر برأي الناس فلا يحق لهم فرض رأي شخصين على مدينة كاملة أم أن قراقوش لايزال حيا في حمص !!!!
-Finland الداءرة القطبية الشمالية
لؤي العجيلي2006-11-27 10:20:55
شبه
شبه كبير ..يبدو ان المصممين من الاخوة الصعايدة....يكفينا دجل وكذب ورياء ..هل هذهى احد الشراكات الاوربية المتوسطية
-كولومبيا
حمصي2006-11-27 10:05:06
تبرعوا بما تحيون
فهل يقبل المصمم وضع هذه القبور أمام بيته؟ أم هو ماسوني قصدها هولوكوست ؟ أم أنه لا يفقه من الذوق شيئا ؟ وهنا مسؤولية المحافظة أن تعيد الأمور إلى نصابها
-سورية التي يقل جمالها
ساندهان2006-11-27 09:57:41
التشابه مع برج إيفل
عندما بني برج إيفل انتفض الباريسيون بمن فيهم شخصيات معروفة عالميا، و ثاروا على "الكائن الحديدي المتوحش" الذي شوه وجه باريس عاصمة الجمال.. وتم توقيع عريضة لإزالته ..اما اليوم فإن من أهم الرموز الفرنسية على الإطلاق هو الكائن الوحشي الحديدي،اعتقد اننا بحاجة إلى مزيد النتاج المعماري والحضاري الذي يحمل قيم جمالية بقدر وربما اكثرممما يحمل من امكانية استخدام
-...
ساندهان2006-11-27 09:54:38
الهوية المعمارية
جزأ مهم من أي ثقافة بأي عصر مهما كان الانحدار،لست من أشد المعجبين بالسيدانبوبة ولكن يمكن تصنيف مبادرته في باب البرجوازية الوطنية،لا يعيب الاعمال المعمارية و التصميمية التشابه مادامت قادر على الدفاع عن فكرته و شرح معانيها
-...
د محمد المانيا2006-11-27 09:50:44
ومين عصام انبوبا لحتى يتبرع لحمص؟ ليش ما في
الغريب اولا حماقة التصميم انا مهندس وحمصي واعيش في المانيا ؟ ثتنيا ؟ لماذا التبرع؟ يا اخي وكأننا فقراء؟ ثالثا؟ الحمق مقبول لكن لهذه الدرجة رابعا ؟ والله لا اعرف ماذا اقول عندما اتذكر هذه الساحة الرائعة وكيف اصبحت الان؟ يا اخي مين هاد المهندس يعني وليش من حلب ليصمم دوار لحمص؟ وليش كتل بيتونية؟اخ؟
-
سهيل2006-11-27 09:40:56
المحاطة بالحساد
لماذا العجب من التصميم ابتسم فانت في حمص مدينة الحضارة والانفتاح المحاطة بالحساد والساخرين غيظا
-usa
علاء2006-11-27 09:44:37
إلى متبرع على قدو
إيمتى رح نخلص من الحقد الطبقي لبعض الناس..لك أذاما اتبرعوا بيقولوا ما عم يتبرعوا و إذا اتبرعوا بيقولوا ليش اتبرعوا....يا أخي انت شو بيهك شو المقابل؟..المهم انو اتبرعوا و ساهموا بتجميل المدينة..مو أحسن ما ينتظروا البلدية عدة قرون لتجمل؟
-حلب
Ayad2006-11-27 09:41:55
????
السيد محافظ حمص يجب ازالة هذا النصب فورا وثانيا يجب التاكد من نوايا المتبرع والمصمم والتاكد من اصولهم وثالثا يجب اعادة زراعة الاشجار في هذا الدوار وشكرا
syria
حازم2006-11-27 09:36:52
شهد شاهد من اهلها2
فهذا دليل قاطع على أن المهندس والمتبرع قاسمان مشتركان بالتصميمين(هنا وهناك)ويكون اعتراف منهما بصدقية الهولوكوست . وياسيدي المهندس.إنك تعرف أوجه الشبه والاختلاف انت والمتبرع.تعرفون جيدا أن هناك سيحصل لبس .فإن كانت لديكم حسن النيه (وأنا اشك بالاخيره)فلماذا توقعون أنفسكم بهذا.وأطلب من أهل حمص الكرام. التفاهم مع المتبرع بالحوار . أو أن المعاول تعمل عملها
-الوطن العربي
حازم2006-11-27 09:31:30
شهد شاهد من اهلها
الرجاء من الاخوه قراءة نص ماقاله المهندس وان كلامه أيده المتبرع.(لاحظوا)أنه يعرف نصب الهولوكوست حتى بالميليمتر.يعني أنه يعرفه جيدا.وملم به جيدا جدا.ومتمكن من حتى معرفة المقاييس بالتحديد.ويعرف حتى عدد الاحجار.(أليس هذا دليل على ان التصميمين توأم)إن كان هذا قبل أوذاك(إن كنت لاتدري فتلك مصيبة وإن كنت تدري فالمصيبة أعظم)وهو على دراية كاملة بالهولوكوست
-الوطن العربي
متبرع على قدو2006-11-27 09:17:18
ملاحظة:
هل يعلم أحد لماذا يتبرع التاجر بانشاء نصب و تزيين الدوار او بأمور أخرى؟ هل التاجر لا ينتظر مقابل تبرعه ؟
-
دبور2006-11-27 08:51:41
لا تشكيلي..ببكيلك
ولماذا المكتب الهندسي هوالذي يصمم..؟من قلة فنانينا التشكيلين والنحاتين العاطلين عن العرض ,والذين ينتظرون فرصة لعرض أعمالهم المدفونة..!!أهذا ما تفتق به العقل الهندسي!!مستطيلات ومكعبات؟مالبلد كلها مستطيلات وأشباه منحرفات..ولم يعد مهما أن يكون يشبه أو لا!!المهم بأنه خالي من الحياة التي قصفتوا عمرها..الى غير رجعةو ياخسارة الذوق..ويخسارة الشجر..!!
--
سليما ن الحلبــــــــي2006-11-27 08:51:33
!!! الأهرمات بمدينة حمص !!!
أقترح على السيد المتبرع بالعمل أن يحول هذه المقبرة الهولوكستية إلى أهرامات مثل أهرامات مصر،وذلك بجلب روافع ضخمة وتركيب هذه المكعبات على شكل أهرامات عملاقة تذكرنا بالفراعنة القدماء ، وتصبح حمص تنافس القاهرة باهراماتها ، وتحية لك يا عروس العاصي ...
-حلب
Faster2006-11-27 08:56:35
والله برافو ..
لفت انتباهي أكثر ما لفت في هذا المقال , درجة الاحترافية العالية التي يتمتع بها .. تحية غيبية إلى المحرر بسام علي من أرض الشام ... وبالفعل .. برافو ...
سوريا الأغلى
**2006-11-27 08:30:29
*
ليش عم تنقرض الطبيعة بالساحات أديش حلو لو كانت هالساحة مزروعة بشي أخضر، ساحات دمشق مثلاً ساحة العباسيين وساحة الأمويين مثلاً ليش ما عاد فيها ولا شجرة ولا نبتة ولا خضار أبدا هلأ الحجر أد ما كان جميل وتاريخي ومعبر عن شي محدد إذا دخل معه الخضار ما بيصير أجمل شو رأيكن
-***
طارق -جدة2006-11-27 08:05:44
كان دوار
نامل و نتمنى من كل المسؤولين ان لا تستبدل الأشجار و الخضرة بالكتل الإسمنتية كان دوار رائع كله حيوية و خاصة قطرات الندى في الصباح تشعر به و كأنه بستان من كثرة تنوع المزروعات فيه بالرغم من صغر مساحته لا اقول اٌٌٌٌلإ الله يكسر يد صاحب الفكرة
-
ihabisk2006-11-27 08:03:09
طبعا الاحجار افضل من الاشجار
على الاغلب ان المهندس لطش التصميم من الواقع والانترنيت ولا يعرف عما يدل هذا النصب وطبعاالاحجار افضل للبيئةمن مائة شجرة ؟؟؟؟؟؟؟؟؟؟؟
الحفار2006-11-27 07:56:29
ساحة العباسيين دمشق
من يتابع ما يحصل في هذه الساحة وكيف كانت سابقا من اجمل ساحات دمشق من حيث الاشجار والخضرة والالوان الجميلة ومن يراها الان الزحف الباطوني ومقدار ما سكب بها من باطون ويوضع بها عوارض حديدية الان ليحسب بان برج ازاح الساحة وحت مكانهالا ادري كيف ستعود الخضرة اليها
-حبيب دمشق
سليما ن الحلبي2006-11-27 07:56:21
؟؟ تعدي على حقوق التصميم ؟؟؟
يؤكد المهندس ( معصراني ) بأن تصميمه عمل أصلاً لمدينة حلب عام 2003 ، بينما نصب الهولوكست ببرلين عمل عام 2005 ؟؟؟ هل يعني بأن أحد الرسامين بمكتبه سرب التصاميم وسرقها منفذو نصب الهولوكست ببرلين ؟؟ وتعدوا على حقوق التصميم ؟؟؟
-حلب
أبو الطيب المتنبي2006-11-27 07:48:39
لا (هولوكست) بعاصمة الثقافة حلب
يقول السيد(معصراني)،صاحب التصميم الذي أقيم بحمص،بأن تصميمه كان مقرراً لمدينة حلب بساحة(الموكامبو)عام 2003 !!! فالحمد لله بأن أهل حلب الذواقين بالفن والعمارة والغناء، لم ينكبوا بهذا العمل الفاشل!! وعزائي لأهل حمص الأحباء بمقبرة(الهولوكست)التي زرعت بقلب حمص أجمل المدن،وعزائي للسيد(أنبوبة)الذي شرب مقلب التصميم وأضاع فلوسه هباء ، وشوه مدينته حمص !!!
-حلب
أبو الطيب المتنبي2006-11-27 07:40:19
الفنان (وحيد استانبولي) وتمثال الخصب
في مدينة حلب،أقيم قبل نحو 40 عاماً، تمثالاً عند مدخل المدينة من ناحية دمشق،على شكل إمرأة فارعة الطول والجمال سمي( تمثال آلهة الخصب )،من إبداع الفنان ( وحيد استانبولي )على ما أذكر، ما أن يراه الداخل لمدينة حلب حتى يشعر بروعة العمل ، والراحة النفسية والحنين لحلب !! أما أن يعمل بحمص مكعبات(الهولوكست) فهو والله لأمر مخجل !!!
-حلب
أبو الطيب المتنبي ( 2 )2006-11-27 07:31:26
؟؟؟ ماذا ينقصكم يا مهندسي سورية ؟؟؟
تابع(1).. الحلبي الأصفر بنفس نقوش مئذنة جامع المهمندار، وتم ذلك،ويمكن لأي قارئ التأكد من هذا،مئذنة مات مصممها منذ مئات السنين من أجدادنا المعماريين الفطاحل،ثم يأتينا مهندسو اليوم ليعملوا لنا مكعبات قبيحة وغبية بمدينة حمص،ماذا ستقول الأجيال عنها؟؟ نرجو من نقابات المهندسين وكلية الفنون الجميلة وجمعية العاديات التدخل وإزالة هذه المهزلة من حمص عروسة العاصي
-حلب
أبو الطيب المتنبي ( 1 )2006-11-27 07:23:21
؟؟ ماذا ينقصكم يا مهندسي سورية ؟؟
عجيب أن يأتي هذا التصميم من مكتب هندسي بحلب للسيد معصراني؟؟هل انتهت الأشكال الجمالية لتضع مكعبات الهولوكست؟؟،وهناك قصة ظريفة حول فندق الميريديان بحلب،فقد احتار يومها مهندسونا حول إكساء عمود دائري ضخم وسط(اللوبي)، فجاؤوا بمهندس فرنسي،طلب منهم مهلة كم يوم وراح يلف بحلب،حتى وقعت عينه على مئذنة جامع المهمندار قرب السويقة،وطلب منهم إكساء عمود الفندق بالحجر..
-حلب
مواطن2006-11-27 07:22:06
ذكرني
بالكبة بصينية اللي بتسويها امي ايه شو طيبة بتقطعها مربعات مثل هالنصب يمكن هالنصب مستوحى من الكبة بصينية !!
-سوريا
ديك الجن الحمصي2006-11-27 07:10:28
نداء عاجل للسيد محافظ حمص
نرجوكم إزالة المهزلة التي أقيمت في مدينة حمص وحيث أنها هبة من السيد(أنبوبة)،فلا داعي لمحاسبة أحد عن التكاليف،وأقترح على السيد المتبرع نقل المكعبات بشاحنات لإحدى مدن الساحل لإستخدامها( كواسر أمواج ) للبحر وعمل متنزه بجانبها،تصميم وفكرة مهزلة بكل معنى الكلمة فلا يقول المصمم(تناغم..تموج نمطي..)،تصميم يرفضه المهندسون والفنانون وحتى المواطن البسيط !!!
-حمص
khaled2006-11-27 07:06:26
m
هلأ تركتو الدنيا كلها يا أهالي حمص وقاعدين عم تفكروا بدوار ايا كان شكله فهو لا يضر ولا ينفع , هنالك ما هو اهم من ذلك بكثير ....
-syria
Omar2006-11-27 06:21:00
Very nice
I like it a lot.. it is very artistic and it does NOT look like the holocost memorial in Germany.
-USA
حسام2006-11-27 06:13:20
محافظ حمص والأشجار
غريب قصة محافظ محمص وعقدته من الأشجار، فمنذ استلامه إلى الآن وهو لا يزال يصدر القرارات باقتلاع الأشجار والمعمرة منها بشكل خاص، ابتدأ بشارع الغوطة، ثم بالفكرة العبقرية للحفاظ على المياه الجوفية لحمص عبر قطع أشجار الكينا، وهذا دوار الملعب البلدي قام بإزالة أشجار النخيل الجميلة والتي كانت تعطي الدوار منظر رائع واستبدلها بكتل بيتونية.!!!!
-سوريا
م. عبد الرزاق التركماني2006-11-27 03:41:26
حسرة حمصية
ان ازالة دوار الملعب البلدي زرع في قلبي الحسرو و اللوعة اذا طالما احببت رؤية اشجار النخيل الباسقة التي ترسمه فتبعث في نفسي البهجةو السرور. كلما رجعت من الغربة وجدت المحافظة او البلدية قد ازالت جزءا من ارثنا الحمصي الذي لا يعوض بدءا من ازالة حي الاربعين الى العبث بشارع الغوطة الى...... يا جماعة ارحمونا و خلو اختراعاتكم برات حمص .. عنجد خلونا متا ما
romania