تحيات عطرة لكل متصفحي الموقع في هذه الفترة ، بانتظار مشاركاتكم وآرائكم التي تغني على الدوام موقعكم...

هناء

بالصور .. انتخاب ملكة جمال الكون المكسيكية هيمينا نافاريتي
شركات اسبانية تتقدم لتنفيذ التصميم الأولي لمترو دمشق بـ 8.5 مليون يورو
عزف منفرد داخل ظلمة مطبقة .. الطفل الكفيف (دلان) يتخطى حدود "قدره"


مصادر وزارة الكهرباء : "لن يدوم الإنقطاع الكهربائي أكثر من ساعة في اليوم"
الاخبار المحلية

أعلنت وزارة الكهرباء أن" تحسناً كبيراً سيطرأ على واقع التيار الكهربائي بدءاً من يوم السبت المقبل مع اقتصار ساعات إنقطاع التيار الكهربائي على ساعات قليلة جداً بحيث انه لن يدوم غياب التيار في كل المناطق السورية لأكثر من ساعة في اليوم وقد يتجاوز التحسن برنامج ونظام التقنين الحالي"


ورأى مدير المؤسسة العامة لتوليد الطاقة الكهربائية هشام ماشفج انه "مالم يعمل بإجراءات معينة بشكل جدي وعلى التوازي فسيصبح التقنين جزءاً من حياتنا ".
وأكد رئيس مجلس الوزراء المهندس محمد ناجي العطري في كتاب وجهه الى وزير الكهرباء محمد خالد العلي في جلسة مجلس الوزراء المنعقدة في الثالث من الشهر الجاري بحل مشكلة الانقطاعات الكهربائية خلال المدة المحددة سابقاً والمحددة بـ 15 يوماً في وقت رأى الوزير العلي إنه" لايمكن الحديث عن حل للازمة قبل شهر أيلول المقبل"وذلك بسبب "خروج بعض محطات التوليد من الخدمة".
وقال فنيون في وزارة الكهرباء حسبما نقلت عنهم صحيفة تشرين المحلية إنه" مع بداية آب القادم سيتم إستثمار مجموعات جديدة لتوليد الكهرباء في الخدمة ستؤدي بدورها إلى زيادة كمية الطاقة المولدة كما ان إجراءات تحسين واقع الكهرباء ستتوالى من خلال إصلاح الأعطال في محطات التوليد ووضع مجموعات جديدة إذ إنه في أيلول القادم لن يكون هناك أي تقنين ". ‏
وتعكف وزارة الكهرباء حاليا على إقامة ثلاثة مشاريع جديدة ستضيف 450 ميغا واط إلى الشبكة قبل نهاية شهر آب المقبل تتوزع في مناطق الناصرية وزيزون و المحطة الحرارية في بانياس .
وتكشف الارقام الرسمية لمعدلات الاستهلاك الطاقي انخفاض كفاية استخدام الطاقة خلال السنتين الاخيرة وارتفاع متوسط كثافة الاستهلاك الذي بلغ 8% مكافئ نفط/ دولار من الناتج المحلي الاجمالي بما يعادل 2.5 مرة المتوسط العالمي.
ويعزى ارتفاع قيمة هذه الاستثمارات الى تسارع النمو في الاستهلاك العام للطاقة والذي يقدر بنحو 10%.
وارتفع انتاج الكهرباء من 770 مليون ك.و.ت عام 1970 الى 30 مليار ك.و.س عام 2005 وبما يعادل 38 ضعفاً ومن المتوقع أن يبلغ الطلب على الكهرباء عام 2010 نحو 44 مليار ك.و.س وحوالي 70 مليار ك.و.س عام 2020.
وقال ماشفج في تصريح لصحيفة الثورة المحلية إن "تلافي النقص في الاستطاعة المتاحة لا يمكن تأمينه ما لم يتم إنجاز كافة مشاريع محطات التوليد الجديدة وهي مشروع الناصرية 150 ميغاوات ومشروع زيزون 150 ميغاوات ومشروع دير علي 750 ميغاوات, إضافة إلى إنجاز دراسة المشاريع الجديدة المعلن عنها وهي إضافة عنفتين بخاريتين في محطة توليد بانياس باستطاعة 2*150 ميغاوات, وتوسيع محطة تشرين الحرارية بإضافة بلوك دارة مركبة باستطاعة 450 ميغاوات, ومحطة ديرعلي بإضافة 750 ميغاوات.. فضلاً عن الإعلان عن المشاريع الجديدة وهي توسيع محطة تشرين البخارية بإضاة مجموعتين 2*200 ميغاوات, وتوسيع محطة الناصرية بإضافة بلوك دارة مركبة باستطاعة 470 ميغاوات, وحل موضوع محطة دير الزور ".‏
وحيال بدء أي عد تنازلي لإنهاء الأزمة قال ماشفج ما لم يعمل بهذه الإجراءات بشكل جدي وعلى التوازي ف"سيصبح التقنين جزءاً من حياتنا," مرجعاً أسباب التأخير في تنفيذ تلك المشاريع إلى "عدم تقديم العروض".
ونقلت صحيفة تشرين المحلية عن مصادر وزارة الكهرباء قولها إن" إنتهاء الوضع المناخي الاستثنائي الحالي المتمثل بالارتفاع الكبير لدرجات الحرارة المتوقع انحساره مع غروب شمس اليوم سيؤدي بدوره إلى حدوث تحسن كبير على واقع الكهرباء على اعتبار أن الارتفاع الكبير في درجات الحرارة يؤدي بدوره إلى ضياع جزء كبير من الطاقة التي يفترض توليدها من نفس كمية الوقود المخصصة لأي محطة توليد وكذلك بالنسبة للشبكات."
ويؤدي إرتفاع درجات الحرارة إلى فقدان حوالي 10% من الطاقة الكهربائية التي يفترض أن تنتجها أي محطة توليد إن كانت تعمل على الغاز أو الفيول..
وأدى ارتفاع الحرارة الكبير وغير المألوف في سورية بحسب المعنيين في وزارة الكهرباء إلى انخفاض كمية الطاقة المولدة في إحدى المحطات من 600 ميغاواط إلى حوالي 450 ميغاواط اي ان اعتدال الحرارة من شأنه زيادة كمية الطاقة المولدة. ‏
وعزا ماشفج مشكلة الكهرباء الى توسيع استطاعة الشبكات الداخلية إلى 800 ميغاوات وصعوبة توفير هذه الاستطاعة الواجب نقلها من الشمال إلى الجنوب مشيراً أن الشبكة التركية لم تربط بعد بشكل كامل مع الشبكة السورية وإنما تم الربط مع محطة برجيك المائية في تركيا والتي يتم عزل بعض مجموعاتها عن الشبكة التركية وربطها مع الشبكة السورية وفيما يتم حالياً تخفيض الاستطاعة التي يتم ضخها من هذه المحطة إلى الشبكة السورية إلى نحو 100 ميغاوات.
وتوقع ماشفج ربط الشبكتين السورية والتركية بشكل كامل بعد انجاز ربط الشبكة التركية مع الشبكة الأوروبية نهاية العام.‏
وكشفت وزارة الكهرباء مؤخراً عن مشروع لتعزيز شبكات الربط الحالية على التوتر 400 كيلو فولت بحيث تتمكن من تمرير 800 ميغاوات من شمال سورية إلى جنوبها لجهة إستقرار ووثوقية الشبكة, وتوفير الاحتياطي الدوار علماً أن أزمة الكهرباء الحالية تعود في جزء كبير منها إلى عدم وجود استطاعة احتياطية متاحة في الشبكة.
وتوقع ماشفج إنجاز مشروع إعادة تأهيل مجموعتي توليد بانياس الأولى والثانية ومجموعتي محردة الأولى والثانية نهاية الشهر الحالي ما سيؤدي إلى زيادة الاستطاعة المتاحة. ‏

سيريانيوز
2007-07-30 11:33:25



شارك بالتعليق
2007-08-05 14:50:53
ayman king
وقفت على الكهرباء
انقطاع الكهربا عندنا في الها فتوة بس مجال الاتصالات !!!!!!!!!!!!!!! شو مشان صرلي سنة كاملة مقدم على بوابة adsl وكل يوم بقولولي بكرة تحياتي للاستاذ علي علي........
دار فور
-

2007-07-31 12:35:57
أعوز بالله من الشيطان الرجيم
بسم الله الرحمن الرحيم
(إن جهنم كانت مرصادا للطاغين مآبا لابثين فيها أحقابا لايذوقون فيها برداً ولاشرابا إلا حميماً و غساقا جزاءً وثاقا انهم كانو لا يرجون حسابا وكذبو بأياتنا كذابا وكل شيء احصيناه كتابا فذوقوا فلن نزيدكم إلا عذابا) . . . ..صدق الله العظيم اللي فهم من هاي الآيات شي خلي حافظو بعقلو بجوز يلزمو يوم القيامة لازم يعرفو بالوزارة انو يامحلا شوب الدنيا....
خليهم يتحملو هنن جهنم
-

2007-07-31 09:19:10
علي
أمنيات
كنت أتمنى أن أرى تقرير لوزير الكهرباء يبين فيه أسباب هذه الأزمة بموضوعية و شفافية و الأسباب التي تتخذ لتلافيها مع تقديم تاريخ حقيقي للانتهاء من الأزمة حالياً مازال الانقطاع أربع ساعات و نخاف أن يزيد و نسأل أنفسنا أنشتري مولدة أم لا هل نفذت المولدات من السوق عندما تنفذ تحل أزمة الانقطاع
SYRIA
-

2007-07-31 03:51:07
حالم
استقالة
السيد وزير الكهرباء , يرجى تقديم استقالتك . انتهى
سوريا
-

2007-07-31 02:34:18
fatima
ماهذا المصدر الموثوق
الخبر معكوس اظن الصح أن نقول لن تدوم الكهرباء اكثر من ساعة هذا الأسبوع بالذات و اليوم خاصة انقطاع في الكهرباء دام عشر ساعات بالضبط والشي المؤسف و المضحك المبكي أننااصبحنا بلا ماء و لا كهرباء و لاهاتف ايضا لماذا؟سؤال وجيه أردنا أن نتتطور واستبدلنا خط الهاتف بأخر isdn ومعلومكم يحتاج هذا الى كهرباء فأصبحنا لا هاتف و لا كهرباء و لاماء.
-
فحسبي الله ونعم الوكيل وصبرا جميل وبه نستعين

2007-07-31 02:04:00
مشروع
السياحة الجديدة
فعلن السياحة مزدهرة في سوريا بدا من هذا الموسم مع هذة الحكومة اذا اهل البلد طفشو الى الدول المجاورة و السياحة ارخص و بدون انقطاع الكهرباء و المغترب رجع الى المغترب و ماعد يعيد الرجعة الى الوطن و المستثمر هرب معن حق شو ما قالو عنا وعود من الحكومة وقررات فاشلة استقيلي بقا عيب بس مافي حس مين سمعان اذا ليبس نظارة سودا و حطط سده بدانو انفو وبصيف خارج القطر
سوريا 2007
-

2007-07-30 23:54:05
فيليب العربي
تزيد الاستثمارات و لا تنقص
سيد ماشفج انت واستثماراتك..شوبهمني إذا بعز دين الحريق ماني قادر شغل مروحةأوكوندشن,والمضحك انو كل أجوبة مؤسسة الكهربا للرد على الانقطاع انو من الحر,علماً انوالتقنين بالمي والكهربا بدي قبل موجة الحر,وكنت حابي أعرف إذا حضرتو كان قاعد بدون مولدة و كوندش..شخصين هون ماتو طقيق من الشوب و الخافي أعظم ...الله يجازيكن على قد نواياكن..
هوني بسورياوين يعني بدي كون
-

2007-07-30 23:55:33
desertrose
ووالله هل وزير فيه الخير
بالله هلئ يلي منعرفو نحنا انو وئت وزير بيفشل بيئدم استقالتو؟لعمى ؟هون لا بيتشبث اكتركل يوم عم يزيدو الساعات؟؟؟يوم2ويوم3و يوم5وبكرة طول اليوم لا وبيجي التفزيون السوري الكريم؟شو بئلك ساعدونا؟ئليلو من تشغيل الكهربا ولا تشغلو الغسالات لبعد الساعة11لك على مين عم ضحكو؟اه اذا المي بتنئطع الساعة9لعمى لك ساكنن حد بيت مسؤل هو عم يتنعم بل كهرباونحن عم نفتس
بل مريخ
-

2007-07-30 23:46:30
ehsansaadedeen
معقول
معقول يكون هالحكي صحيح يعني ماعد في قطع كهرباء على ما يبدو المولدات المستوردة خلصت
syria
ehsansaadedeen@hotmail.com

2007-07-30 23:41:55
حمص
محافظ حمص ..هيك صار
امتهان كرامة الإنسان و أدميتو بيفترض من رئيس الحكومة اقالة وزير الكهربا و كل معاونيه . الكهرباء في 26/7الحميدية - حمص انقطعت من 10 صباحا و حتى 11ليلا و باستفسار المواطنين من المحافظة كان موظف اسمو (ي.أ) عم يرد بكل وقاحة و عم يتبلى المواطنين لارعابهم وقلب الإستفسار إلى أفكار سياسية **** فهل من محاسب لهذا ال*** المتملق
,,,‌‌‌لر
سوريا

2007-07-30 23:36:19
أسامة جرّوس
نتيجة موضوعية
نسبة الزيادة في كثافة الاستهلاك قريبة من نسبة النازحين العراقيين بالنسبة لعدد سكان سورية. من الطبيعي أن البنية التحتية في سورية غير مستعدة لهكذا زيادة مفاجئة في الطلب. لا بد أن نتذكر الضغط على المصادر المائية و المواد الغذائية و السكن. ٍسورية بشعبها لم تقل في تاريخها لا للاجئ, أتمنى من الجميع الصبر, فما من شرف أسمى من إيواء لاجئ و إعانته في أزمته.
سورية
oussjarrouse@gmail.com

2007-07-30 23:42:17
سوري
انتظروا وزير السياحة
لسه كله كوم وبكره تصريح وزير السياحة المنتظر كوم..بكرة بيطل سعادتو وبيشرح لنا كيف حققت سوريا طفرة سياحية هالصيف وكيف انو الهدف بالالفين وعشرة نجذب وخطين تحت نجذب 3 ملايين سائح!هلأ فهمت ليش الرقم كان متواضع والزيادة هي فقط في عدد السوريين الجدد الي رح يطفشوا ويجوا زيارات بالصيف كمغتربين..يعطيكم العافية رفعتوا راسناويكتر خيركم فضلتوا علينا
سوريا
-

2007-07-30 23:35:17
سوري حقو فرنك
و الله بلد سياحي بجد
انا بدي اسال رئيس الحكومة المكرم ووزير سياحته المطنطن و كهربائه اللي بدون كهرياء وين حضراتكم من هذه المشكلة و كانو انقطاع الكهرباء نزل علينا من السماء اين التخطيط و التنظير اللي منشوفه كل يوم من وزرائنا الفهمانين في البلد , اذا كانت الحكومة ليست قادرة على حل مشكلة بسيطة مثل الكهرباء ليشس حضرت مجلس الشعب لا يقيل هذه الحكومة الفاشلة الله يجازيكم .
سورية الاسد
-

2007-07-30 22:56:34
زهير فتيح
هنالك حزيرة
ياحبيباتي فكرو مين وراء الموضوع ، مين الشركة المنفذه لتطوير المحطات الكهربائيه ... وليش المتاقصات يتم البت بها خلال عام أو أكثر ... والوزير مو قدها مو طالع بأيدو شئ...بس **** له
موسكو
-

2007-07-30 22:44:02
مواطن محروق
كان عنا كهربا انتو لسه متذكرينها شي؟
لقدقال السيدوزيرالكهرباءبأن الكهرباءلن تنقطع في اليوم أكثرمن ساعةولكن الكهرباءكانت تنقطع ساعتين ثم4ثم12ثم15ساعةومازال الخيرلأدام لذلك أناشده بأن يشعرولوبذرةمن الاحساس بشعورشعبه الذي يموت من الحروذلك بأن يطفئ مكيفات قصره المكيف24ساعةولو لمدة 10د وأودأن أشكره بحيث أنه قدجعلنانعودإلى مايقارب40سنةإلى الوراءمن التخلف في أيام لم يكن الشعب يعرف ماهي الكهرباء
سوريا العظيمة
-

2007-07-30 22:50:43
أحمد
تعا اضحك علي عقلي
إيه ،، حاج بقا ،، التقنين غير مقبووول أبدا ،، أنا يلي بتمناه التالي ،، أن يقدم وزير الكهرباء استقالته ،، و بما إنك عم تحلم يا أحمد ،، فأنا أقترح أن يتم عقد جلسة لمجلس الشعب و يتم اقفال الأضواء و المكيفات لمدة ثلاث ساعات ولا يطلع ولا وزير قبل الثلاث ساعات و التصوير شغال على عينك يا وزير ،، لازم يحس الوزير بوجع المواطن ،، يا ريت الرئيس يأمر بهيك جلسة
سوريا الأسد
-

2007-07-30 22:43:07
متسائل
ليش ما في برنامج واضح للتقنين
يعني بدي بس افهم ليش ما في برنامج واضح و محدد للقطع او التقنين.هل هو سر عسكري ما لازم حدا يعرف به ام ماذا.ابوس ايدكم فسروا لي.القطع و رضينا فيه، ليش ما في برنامج محدد و تاركين كل شيء على التوكل؟؟
syria
moutasael@yahoo.com

2007-07-30 22:23:20
شعلاوي
قالو رح تقطع ساعة بس , زادت ساعتين !!!!!
على أساس التصريح يقول أنه بس ساعة رح تصير تقطع باليوم اعتبار من يوم السبت بس الظاهر صارت تقطع أكثر من أول , يعني كانت الكهرباء بدرعا تقطع ساعة ونص باليوم وبعد التصريح بهاد الخبر صارت تقطع ثلاث ساعات ههههههههههههههههه لك مشان الله رجعونا متل أول وما بدنا منكن شي , لا حول ولا قوة إلا بالله
لك بدنا ندرس كمان ومافي كهرباء !!
جو متل النار والكهرباء مقطوعة !!

2007-07-30 22:17:36
نجوى
الموعود مو محروم
يعني ليكون القصد اهنا تجي باليوم ساعة لان صارت عم تزيد مدة قطعها مو عم تنقص
سوريا الاسد
najwa_zen@yahoo

2007-07-30 22:10:04
روعـــة مــوصــلــلــي
عـيـش يــا كــديــش
هناك مثل قديم كانت تردده جدتي رحمها الله, كلما وعدها جدي بأشياء غير ممكنة, أو غير قابلة للتصديق قائلة : عيش يل كديش تاينبع الحشيش! وهكذا نحن في هذا البلد. وعود, ثم وعود, ثم وعود, ثم حالات استثنائية, ثم حالات طوارئ. من أولى أيام طفولتي, أعاني مع عائلتي مختلف الممنوعات واللوازم الحياتية البسيطة. وفي كل صباح ننتظر ونأمل غدا أفضل. لا يأتي أبدا.
الـــلاذقــيــة
روعــة مــوصـلـلـي

2007-07-30 21:42:11
مواطن بيحب الصراحة
المصادر المولدات لم تعد تكفي
المصادر التي يتم استيراد المولدات منها من قبل شركاء المتنفذين المسؤولين عن الأزمة الحالية لم تعد تكفي لذلك في أمل عندك ياشعب أنو الكهرباء تتحسن
سوريا
-

2007-07-30 22:07:34
آخر همي
روقوا يامشوبين يامعصبين
كبرها بتكبروصغرهابتصغر..القصة ومافيها بماانناشعب بنحب تراث الأجداد فرجعونا لأيام الشمعة بدل الإنارة والحكواتي بدل النت وكركوز وعواظ بدل التلفزيون والعصا لضرب الغسيل على مجرى النهر بدل الغسالة والماء ساخن من عند الله بدون سخان والسهر على ضو القمر رومانس ..روقوا مو مستاهلة التعصيب في متل الأصالة شو بدكم أحلى من هيك فروقوا
-
-

2007-07-30 21:51:12
حلمو
ساعة فقط بدون كهرباء
هل هذا يعني ان الفرق الحضاري بيننا وبين الدول المتقدمة هو ساعة واحدة. ام يعني ان الفرق بيننا وبين العصر الحجري 23 ساعة كهرباء.. اكيد الثانية هي الاصح. ما يعجبني بساعة الانقطاع هو اننا سنكون اقل تعرضا لسموم الفضائيات وحضاراتها لمدة ساعة كل يوم. اتمنى ان تكون هذه الساعة وقت اذان الفجر.
usa
-

2007-07-30 21:29:49
سوري يانيالي !!!!
مؤامرة !!!!
قطعوا الكهرباء .. قطعوا الماء .. وعنا مشاكل الحقيقة المشكلة إلي عنا هو وزير الكهرباء وهذا الماشفنج هدول على الأقل لازم يتحاكموا لأنهم دمروا السياحة وعطلوا شغل الناس وخربوا بيوتها ويعني لسه نقول عام 1970 كان الاستهلاك كذا وهلق صار كذا لعلمك عام 1900 كنا ما بنستهلك كهرباء يعني قمة الاستهتار والتخلف العالم بالعام 2007 نسي قطع الكهرباء ونحن عنا تقنين
سورية
-

2007-07-30 21:30:43
حازم
ما في كهرباء
يعني هالحكومة كلها مسؤولة و تسأل عن انقطاع الكهرباء بدليل ان الوضع الحالي هو تراكم من سنوات سابقة باعتراف الوزير
سوريا السد
-

2007-07-30 20:55:36
هلكتونا
آآآآآخخخخخخخخخ
لك آآآآآآآآآآخخخخخخخخخ... ما رح نخلص من هالمصيبة ؟؟؟ الكهرباء صرلها أكتر من 50 سنة بتنطفي.. وما حدا بيعرف ليش.. فطسنا من الشوب يا عالم .. حرام عليكم..
بلد بلا كهرباء ولا مي
-

2007-07-30 20:38:03
مواطن بلا كهربا
مسلوء بدني
لاأدري بعد هذه التعليقات التي قرئتهامن قبل الشباب الذين سبقوني مالذي سأقوله، فقد كفووو ووفوو وكتر خير كل واحد قال كلمة بهاالمهزلة والمأساة التي تعيشها بلادنا، لكن ماجاء في المقال أعلاه استفزني بدل أن يثلج حر هذه الايام الحارقة، أتمنى على من ذكر هذه الاحصائيات الرائعة أن يحسب لنا "حسبة عرب" الخسائر المادية الفادحة الناتجة عن انقطاع التيار المتكرر ودمتم
سوريا المطفية
-

2007-07-30 20:16:16
روح الاصالة
ما بتعرف خيرو
و الله يا جماعة الله يرحم ايامك يا صايم الدهر و الله ماظبطت الكهرباء بسورية الا على ايامو الشغلة مو شغلة مولدات الشغلة شغلة ادارة يا ترى المشكلة بالغسالة و لا بالمسحوق ؟؟؟؟؟؟؟؟؟؟؟
سورية و بس
-

2007-07-30 19:47:14
مشاوب كتير !!!
عيب و الله عيب
بصراحة بدي اعرف شو مهمة الوزير في سوريا حسب فهمي يجب ان يقوم بالتخطيط و المتابعة لتفادي اي اخطاء (قاتلة)و اتفادي المشاكل قبل حدوثها وهل من المعقول باننا في عز الصيف و الموسم السياحي يتم قطع الكهرباء 6 ساعات يوميا !!!و الله لازم ان يستقيل وزير الكهرباء ومعه رئيس الوزارء لفشلهم الزريع في موضوع الكهرباء الذي يؤثر على مصالح الناس بشكل كاما من صناعة و تجارة
حلب -ضاحية الاسد
-

2007-07-30 19:50:41
مواطن وياعيني على المواطن
مابين الكويت وحمص
هل تعلمون ان الكهرباء مقطوعة بحمص من الامس الساعة العاشرة مساء والى الان يعني 20 ساعة فهل هذا تقنين ام تجنين يعني والله رح نجن ونهستر ان لغيت اجازتي وراجع على الكويت على الاقل هناك ورغم الحرارة الشديدة بس في كهرباء وفي تكييف اه ثم اه ثم اه والله الواحد رح يجين بهالبلد
kuwait
almagnonkter@yahoo.com

2007-07-30 19:44:19
المقطوع
تبهدلنا مع المرا
انا من ناحيتي انعكس وضع انقطاع التيار الكهربائي سلبيا على نفسيتي وتجلى ذلك في ادائي الجنسي وانا في الخمسين لم اعد مقنعا لزوجتي مع انني كنت فتاشة قبل شهر وانا مقتنع بأن النفسية المضطربة تعكس فشلا جنسيا لكن زوجتي تطربني دائما بكلمة تضرب شو بتشتغل حضرتك عالكهرباء فأرجوك يا مسؤول حط حالك محلي شو بتعمل
-
-

2007-07-30 19:38:23
المقطوع
نرجو التوضيح يا سيريا نيوز
السيد مشافج هل هو نفسه السيد ماشافج حاجة في مسرحية عادل امام وما درجة قربه من السيد ماسمعج حاكم هالايام كلنا ماشافج وماسمعج حاجة نرجو تحنيط السيد المسؤول عن الانقطاع لتزوره الاجيال المقبلة في القرن الثاني والعشرون اذا انحلت المشكلة
-
-

2007-07-30 19:33:40
مشوب سوري
أموات الكهرباء
والله هل العالم إلي ماتوا بسسب الإنفطاع كلهن في رقبة وزير الكهرباء وكل من يقف إلى جانبه ويا هل ترى هو بتنفطع الكهرباء في بيته ولا مركب مولدة لحالو
سوريا
-

2007-07-30 19:16:36
الغيور
الك اذا بدهم يقطعو شي بيطرشونا بالاعلانات بالمصعد
اول شي ياريت انو الكرباء ما تنسرق سرقة اذا مراقب العداد حرامي شو ظل بدك من الشعب //// مراقب عداد الغاز في بلد اعيش به خلال اقل من دقيقة بيقرأ العداد وبيخصم الاستهلاك وبيضربهن وبيكتب كم لازم ندفع ( طبعا ستخصم من البنك مباشرة ورح يبعثو فاتورة بالبريد ) لا وبكون داق باب الشقة الثانية وبطير عليها بحاتها عندنا ما صارت ولا رح تصير
خارج حدود الوطن
-

2007-07-30 19:21:28
usama fakeh
لا تعليق
لا تعليق
saudi arabia (aleppo)
u.fakeh@alrassam.com.sa

2007-07-30 19:14:01
عادي كتيير
مع السلامة أبو خالد
هل كلف السيد الوزير نفسه و تساءل عن سبب طفشان اكتر من 15 مهندس من محطة حلب خلال مدة لا تزيد عن سنة , لعلمكم السيد هشام ماشفج يعرف السبب بالدقة الكاملة و شكراً
فوق سطح القمر
-

2007-07-30 19:11:13
الغيور
يا ناس يا هو منغيب منغيب وبتظل مشاكل البلد مثل ما
والله مسألة انقطاع الكهرباء من زمان ما عاد سمعنا عنها بذكر مرة انقطعت الكهرباء في دبي ست ساعات رغم انه عطل مفاجىء بالمحطة الرئيسية قامت الدنيا وما قعدت وقتها طارت روس ومهندسين وشغلات ثانية لا ومو هيك بعد ما رجعت الكهرباء ما اكتفو بهالشي قررو ربط دبي بإمارة ابو ظبي قال شو تحسبا الى اي عطل مفاجىء اي عطل اذا نحن عاطلين عاطلين عاطلين
خارج حدود الوطن
-

2007-07-30 19:10:00
robert
لك قال في بخشيش كمان و جوائز
لك قالو بدا تتخسن قام صارلون هال اليومين بيقطعوا تقولو هيك باقصد يا جماعة والله حسيتا انا كأنون عبوزعو علينا جوائز و بكراانتظرو المفاجئات اليوم و امبارح 5 ساعات و بكرا الله و يعلم لك عبفيق من النوم تقولو كنت نايم بالصحراء لسا ما غسلت وجي بوجي حمام سريع والله شو بدي اعمل ما عبعرف انشالله قال يوم السبت بدون ينقصوا ايه عيش يا كديش
-
-

2007-07-30 18:58:49
الاستقالة هي الحل
الاستقالة للحكومة فورا
ارجو من الجميع المطالبة باستقالة الحكومة الحالية واستبدالها بحكومة شابة تواكب الرئيس الشاب لان هؤلاءالوزراء الختايرة مايزالون يعيشون في ايام العصر الحجري ولا يعرفون شيئ اسمه كهرباء .صدقا لا قيامة لسوريا بدون وزارة من الشباب وما اكتر هؤلاء من ذوي الخبرة في بلدنا فارجو فتح ابواب الوزارة امامهم فهل من مجيب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بلد رئيسه شاب ووزرائه ختايرة فكيف التقدم
دولة طرطوس البعيدة عن كل مراقبة وحساب

2007-07-30 18:58:14
مغلوب على أمره
المواطن الخانع
ليش هالبعبعة وطق الحنك؟؟صار في سيريا نيوز وصرتو تحكوا ؟؟ كونوا متلي عم أكل هوا وساكت لأنو بعرف انو مالي صوت وسيريانيوز تنفيسة وبس .. الوزير باقي ,اعضاء مجلاس الشعب الذي وعدوا بالمحاسبة باقون ولن يتخلوا عن مصالحهم ومرسيدساتهم لاهم ولا عائلاتهم . مين بدوا يحاسب مين ؟؟ومين نحن حتى نطالب باستقالة مسؤول؟؟ ** على العمل وعلى السواح ولالي ولالي ولالي .
سوريا
-

2007-07-30 18:40:43
zorba
أكتر من مزري
والله لأطفش من هل البلد,لك ما فيها شي بيخليك ترفع راسك وتقول أنا سوري,لا التعليم ولا الطابة ولا المي ولا الكهرباولا السياحة ولا الأقتصاد ولا الزراعة لك لأيمت
آسف أنا سوري
-

2007-07-30 18:35:45
نقاقين
سوريا
يا لطيف السورين شو بينقو بدهن كل شي كهرباء وماء ورواتب انا صار الي 5 سنوات عايش بالسعودية والله على ما اقول شهيد كل ما بنزل اجازة وبفكر بدي ارجع لبلدي بعد للمليون قبل ما اخطي ها الخطوةوصدقوني في مرة لغيت الاجازة ورجعت للسعودية
السعودية
-

2007-07-30 18:39:04
سوري للعظم
الكهرباء مابتنقطع بالمقبرة
في اغنية عراقية قديمة مطلعها من كذبك نشفت الشط(النهر)وجبت المطر بعز الصيف والحكيم تكفيه الأشارة
-
-

2007-07-30 18:32:19
منير
هـــــــــــــــــــــــــــــــــــــــــــــــــ
شباب بس بحب انوه لشغلة انو الساعة عند شركة الكهرباء ماهي متل باقي العالم الساعة عندن 255 دقيقة يعني اليوم انقطعت الكهرباء من الساعة 8.30 الى الساعة 9.45 يعني صباح الخير ومن الساعة 2.00 الى الساعة 5.00 يعني مساء الخير طبعا هادا الشي في ارقى الاحياء في حلب ماهو بشي قرية عنجد عنجد يــــــــــــاي يلعن ابو الساعة الي اخترعوا فيها الكهرباء
سوريا
-

2007-07-30 18:24:07
ghost
دقة في المواعيد
ننتظر يوم السبت على أحر من الجمر وخاصة أن إنقطاع الكهرباء جعلنا مثل الفراريج المشوية بالفحم أفكر أن ألف نفسي بالقصدير هكذا أكون ألذ وأطيب فالشوي أطيب من الطبخ
سوريا ياحبيبتي
-

2007-07-30 18:19:23
ابو ريان الحلبي
اقطعو الكهرباء عن سيادتوااااااااااااا
ارجومن سيريا نيوز ارسال هذه التعليقات الى السيد الوزيز وياريت تقطعوا عليه الكهرباء من الساعة 12 و حتى الساعة الرابعة عصرا بعز الحر علشان يشوف معاناة شعب يأكمله و للمعلومية في اطفال رضع و في مرضى و في و في ارحمو من في الأرض يرحمكم من في السماء ياسيادة الوزير
السعودية
awad550-@hotmail.com

2007-07-30 18:19:04
مرايا
حديث الناس
والله العظيم وكانة مسؤولين سوريا عم يتفرجو على مرايا ويطبقو على ارض الواقع
السعودية
-

2007-07-30 18:17:13
ابن البلد
ارحمو من يسكن في الريف و المدينة
نوضح لكم بأن الكهرباء تنقطع ساعات طويلة في الريف "معضمية الشام" و كلما سألنا أجابونا " إن أجابو بعد صبر طويل " الله و أعلم !! أرجوكم إرحمونا قدر الإمكان و إن كان لا بد من الانقطاع فليكن بحده الأدنى و العادل و وفق أوقات معلنة مسبقاً ، فبيونتا يسكنها بشر ، طلاب و أطفال ، مرضى و عجزة .... نرجوكم ارحمونا
سوريا
-

2007-07-30 18:10:28
الشريف
الغباء
صدق او لا تصدق ان اوروبا كلها تستفيد بما يسمى بمزارع الكهرباء وهي عنفات تحول طاقة الرياح الى كهرباء وفتحة حمص هو المكان الملائم ناهيك عن الطاقة الشمسية ما يشاع بين الناس ان الوضع هو حصار اقتصادي وهذا الموضوع قديم لكن من المعيب ان تكون لدينا كل هذه البدائل ونضع يدنا على خدنا ونقول لشعبنا حصار اقتصادي هي كلمة واحدة تخلف
-
-

2007-07-30 18:10:38
أبو سفيان
أشكر حكومتنا بعيدة النظر
أريد أن أشكر الحكومة وعلى رأسها مسؤولي الكهربا لأن لهم بعد نظر وتخطيط طويل الأمد الشباب المواطنين ماعم يفهموا بأنكم بقطع الكهرباء العفوي اللي عم يصير في عز الحر عم تساووا للشعب دورة تدريبية يعني اذا مافات على الجنة فيكون قد عمل دورة أغرار للمكان الثاني اشكركم وأتمنى أن نلتقي هناك........ دمتم
DEUTSCHLAND
-

2007-07-30 17:59:28
ناسداك
بالمنطق
الله يديم النعم علينا مع انو في بلدنا يمر أعظم نهر في الشرق الأوسط وهو نهر الفرات المبارك والمذكور في القرآن مع ذلك نعاني من نقص في الكهرباء طيب وين بتروح حصيلة الضرائب ؟ ابنوا محولات كهرباء !! استثمروا فتحة حمص في بناء مولدات كهرباء بالرياح تكفي حمص وحماه لو كنا بدون أي نهر في سوريا شو كان صار ؟ عجبي كيف تركيا تعيش بكهرباء ليل نهار ولا تمر فيها الأنهار
حلب
-

2007-07-30 17:48:09
آب طافش
تابع سيخ كباب
لك مو بس القط مادد لسانو..كل افراد العيلة صارت مادة لسانا والانكا من هيك عندي حجة مريضة ..ولما عمتنئطع البطيخة عمنلتم حوليها ونعود نهويلا والانكا من هيك بيطلع السيد فاروق البحرة(صديقي) بيئلك لا يمكن الحديث عن حل للازمة قبل شهر أيلول المقبل..يعني هاد في حال ضلينا عايشيين واقبل ايلول المقبل علينا
syria
besous@gmail.com

2007-07-30 17:12:27
آب طافش
سيخ كباب
محسوبكون اب طافش ساكن بملحق .. درجه الحراره بتوصل عندي للمليون سيليزيوس بالظل..الحئيئه بمناسبه هالمكرمه الحلوه مكرمة الانقطاع التياري بهني شعبنا العظيم وكل الحبايب..والله يسترنا من عيون الاجانب والحاسدين اولا صرت ادرك شعور حبة البن لما تتحمص على مهلا.. اثناء النوم صرت ادرك شعور سيخ الكباب لما بيتئلب عالمنئل..ونسئو هيك بالخبزة عندي بس مسكين..الله غضب
syria
besous@gmail.com

2007-07-30 17:33:41
عاتبة على بلدي
والله اسم على مسمى
السيد ما شفج الحقيقة انه ما شفج حاجة واللي ما شاف ما شاف واللي ما سمع ما سمع
سوريا المسروقة ليل نهار
-

2007-07-30 17:21:39
lieth
les grands voleurs de syrie
هذا هو عصر التطوير و التحديث انقطاع التيار انكهربائي في عام 2007 ارجو لنشر
france
lieth80@hotmail.fr

2007-07-30 17:21:32
george
حرام
حرام عليكم تسوا هيك ببلدنا الحبيب سورية والله حرام
ARGENTINA
-

2007-07-30 17:18:55
مواطن
شوب
حبيبي يا سيادة الوزير يعني حجة حرارة الجو مو زابطة ويعني وزارات الكهرباء في دول الخليج شو بيعملو بحالون وعلى علمك بدول الخليج مابنقطع الكهرباء ابدا ودرجات الحرارة فوق 60
-
-

2007-07-30 17:09:26
محروء قلبي على هالبلد
مدرجات الجامعة تحولت الى استوديو افلام رعب !
صارو الطلاب يفتحو عيونهم هالأد كرمال يشوفو بالعتمة !!! وكتير منهم صار يتسأءل انو هالوقت محسوب ولا لاء ؟ و واحد يقول غيرو القاعة !! مع تطمينات من المراقب انو ان شالله بترجع !! صارت وراق الاسئلة و الاجوبة مراوح للشباب و الصبايا العرقانة هههههه والله حسيت حالي بالكاميرا الخفية .. اخيرا بعد وقت اجى قرار انو يتوزعو الطلاب على قاعات تانية..
سوريا
sada2006sada@hotmail.com

2007-07-30 17:05:06
محروء قلبي على هالبلد
مدرجات الجامعة تحولت الى استوديو افلام رعب !!
صارت الاضواء تخف و تقوا مع ( جعرة ) المولدة !! ( ما بعرف من اي سنة هالمولدة ) و صارت تتطلع اصوات متل حدا عم يحاول يخلع باب و صوت المكيفات !! ( عفوا المراوح ) صار يعن و يعن ... لك شو هدووووء و ظروف امتحانية بحتة !!! الله لا يطعمها لحدا !! بعد شوي رجعت انقطعت الكهرباء !! الو شو المولدة ( ماتت ) !!! ههههههه والله شي بضحك و كلو صار يمسح عرقو..يتبع
سوريا
sada2006sada@hotmail.com

2007-07-30 17:05:26
الدمشقية
دمشق
المصيبة اننا مبليين بمسئولين معدومين الاحساس و الوطنية و طول ما هم عايشين بالتبريد و راكبين المرسيدس (FUME) منين بدن يحسوا بالاخرين نحنا في نظرهم قطيع من النقاقين اللذين لا يعجبهم العجب اقسم ان هناك طابور خامس عم يخرب بالبلد عامدا متعمدا و لا تقولوا نظرية المؤامرة لانها صحيحة و الاشرف ان تستقيل الحكومة و خاصة وزراء الكهرباء و السياحة و المياه كفاية بقى
مواطنة طافشة
-

2007-07-30 17:04:14
محروء قلبي على هالبلد
مدرجات الجامعة تحولت الى استوديو افلام رعب !!!
بعد ما خطيت اول خطوة بالمدرج لانو عندي امتحان تفاجأت انو انقطعت الكهربابالمدرج !!! رجعت خطوة لورا خفت كون دعست على شي زر بالارض و طفيت الكهرباء !!! تفاجأت انو التقنين لاحقنا حتى على مدرجات الجامعة و بوقت الامتحانات كمان !!! للاسف !!! والله شي بخجل !!! ما اختلفنا المهم شغلو الشباب المولدة و اهم شي كلمة مولدة و عينكم تشوف الزلزال و الضجة .. يتبع
سوريا
sada2006sada@hotmail.com

2007-07-30 16:55:07
فــهــمان
شو ها الحكي
لك شو هالسحبة هي لك ياشباب وااه بوزارة الكهربا الجماعة بناديق لأن ألكون السبت المقبل فأي سبت الله أعلم يعني يمكن السبت من القرن الجاية ياريت تطلبو منو المرة الجاية يحدد التاريخ بالرقم أحسن مهيك
ســـــــــوريا الله حاميها
-

2007-07-30 16:51:28
مغترب
جد ??????????????????????????
ليليليليليليشششششششش ان شاء اله الوزارة تصدق هل مرة ,والله قلوبنا متعلقه سوريه واهل سوريه وان شاء الله يطلع الحكي صح
italy
-

2007-07-30 16:37:46
أية شيء (قرفنا)
حاجة مسخرة
يعني معقول يا سيادة وزير الكهرباء ما بتعرف في وقت مبكر انه في عندك محطات توليد رح تخرج عن الخدمة، ليش في عندك مهندسين و ليش في عمر افتراضي للمحطة هذا اذا جايبين محطات بعمر كامل مو منسقة و منتهية من دول اخرى يعني بالمشرمحي شحادة و بسعر الجديد
سورية المنكوبة
-

2007-07-30 16:22:31
ابو حلب
زمن العجائب
الكهرباء عندنا لازم تكون من عجائب الدنيا السبع وبقلك ساعة واحدة مع طلب استرحام مافي احلى من الشمعة في كل الدول انقرضت الا عنا الحمدلله اليوم بس اربع ساعات نعمة وهلق انقطعتتتتتتتتتتتتتتتتتتتتتتتت
سوريا
ahmad1982@extra.sy

2007-07-30 16:03:21
طير حر
محاسبة كل الفاسدين
ان القائمين على الكهرباء في بلدنا يجب محاسبتهم لانهم اساؤوا لسوريا و شعبها ، الناس قرفت منهم و من كذبهم ، هل يعقل ان تنقطع الكهرباء بلا مواعيد محددة لا بل هل يعقل ان تنقطع اصلا ؟ لماذا انتظروا الى الان ليكتشفوا ان المحطات بحاجة للصيانة او انها لم تعد تكفي حاجات الاستهلاك ؟!!خسائرنا هل يستطيع وزير الكهرباء تعويضها ؟؟؟؟؟
سوريا
-

2007-07-30 16:00:35
أمجد الرز
منافقون
لك ياأخي شفطوا مصاري قد مابدكون بس جيبو لنا الكهرباء رحمة بالاطفال والمرضى والشيوخ !!!ألايوجد في سوريا واحد فيه روح انسانية . روح وطنيةبحب هذا البلد !!!
سوريا
-

2007-07-30 16:01:31
ساسا
عوجا
ياناس ياعالم ارجوكم حدا يدلني على دولة ينقطع الكهرباء عندهم او المياه والله شيء لا يحتمل الوزراء عندنا الله يخليهم مو شاطرين الا بركب السيارات الحديثة والذهاب للمطاعم الفخمة .والله سيسالكم الله عنا.عن الاطفال الذين ينشوون في هذا الجو الحار وعن معاناتنا في كل شيء المواصلات +الكهرباء+المياه+ الرشاوي +الفساد+ الاحباط +++++++++++++++++++++++++++++++++++++++
-
-

2007-07-30 15:45:26
مواطن مصدوم من تعليق الفهمان ماشفج
بكل****قالها ؟
***** قال السيد ماشفج أن التقنيين سيصبح جزء من حياتنا ؟؟؟؟؟؟؟؟؟؟
سوريا
-

2007-07-30 15:22:40
مغترب
مصائب قوم عند قوم فوائد
كل ما بسمع ارتفاع الحرارة ببلدي الحبيب سورية و بنفس الوقت بزعل على الانقطاع الدائم للكهرباء بيخطر على بالي السؤال الدئم \"ايمتا بدنا نستفيد من مصادر الطاقة البديلة \" الله عطانة طاقة شمسية موجودة على مدار السنة ,يعني ايمتا بدنا نفكر بالطاقة الشمسية بشكل جدي اوتوليد الطاقة باستخدام الرياح يعني شو بيصير اذا بدئنا نبني هيك محطات بشكل تدريجي
Germany
-

2007-07-30 15:18:23
كأنه هنا !
كأنه خبر !!
للأسف .. ومما يؤسف له .. وما يستدعي الخجل .. أن تكون هكذا بلدي في عام الـ2007 .. يا حرام بس عليكي يا سوريا
دمشق
-

2007-07-30 15:15:17
مواطن
ظاهرة الكذب
قام السيد مدير كهرباء دمشق بنشر اعلان في جريدة تشرين يحدد فيها أوقات اتقنين و مناطقه ، و بالرغم من عدم ذكر مناطق المالكي و أبورمانة في خطة التقنين مراعاة لساكنيها من أبناء طبقة اللصوص الكادحة و الرأسمالية المتوحشة ، فان السيد مدير الكهرباء لم يلتزم على الاطلاق باعلانه و بالتالي فنحن لا نستطيع الوثوق بما ينشر أو يكتب بسبب تفشي ظاهرة الكذب
سورية
-

2007-07-30 15:10:02
سوري وافتخر
شر البلية ما يضحك
انا عندي سؤال بسيط يا ريت سيادة الوزير والمستشاريين معه يجاوبو عليه .... لو كانوا طالعين بالمصعد وقت الدنيا شوب وانقطعت الكهرباء فيهم وانحبسوا جوا شوبيكون موقفهم ؟؟؟هههههههههههه بس اتوقع انو عندهم ما بتنقطع الكهرباء ولذلك مو حاسين بالشعب والله عيب اللي عم يصير بهالشعب حرام عليكم
-
-

2007-07-30 15:03:46
محامي سوري
احالة وزير الكهربا الى التحقيق
أن ما حصل ويحصل في موضوع الكهربا بات على ألسن الكبير والصغير وحيث أن التزامن بين القطع والشوب ارتفاع الحرارة يثير التساؤل لذا فان من حق الشعب أن يطلب من الجهات القياديةأو مجلس الشعب التحقيق مع وزير الكهربا ومن هو في موقع المسؤليةبما يخص الكهرباومن ثم احالته الى القضاء لأنه لايوجد لديه أي تبرير خاصة وأن ذلك أساء لسمعة البلد من حيث التطوير والتحديث
-
.

2007-07-30 15:05:44
امير الشام
لانريد كهرباء ولا ماء
لانريد كهرباء ولا ماء نريد استقالة الوزراء. لم يعد ينفع شيء ، فات الفاس بالراس وخلصنا. الحل الوحيد استقالة الوزارة دفعة واحدة، واحضار طاقم وزاري من الكونغو للبلد
الكونفو الديمقراطية
-

2007-07-30 14:59:34
أبو عبدو الحلبي
يحدث في العالم الآخر
شباب هل سمع أحدكم بقصة المياه الملوثة في الأردن والتي أطاحت بوزيرين ومدير عام .. أليس الأولى والأشرف بالسيد وزير الكهرباء المقطوعة والذي شل بلداً بأكمله بأن يستقيل من منصبه مادام غير قادر على حل المشكلة التي تزداد كل يوم ... وتأكيداً على أن الأمور في تحسن قام سيادته بقطع الكهرباء البارحة بعد منتصف الليل لمدة ساعتين عدا حصص القطع الصباحية
كهبراستان
It is nothing personal

2007-07-30 14:56:44
جبلاوي
اي شو هاااااااااد
اي شو هاااااااااد قال لسه بدنا ننطر ليوم السبت المقبل يا عيني والله ملا وزيرررر لك لا و قال شو "مالم يعمل بإجراءات معينة بشكل جدي وعلى التوازي فسيصبح التقنين جزءاً من حياتنا "و عم يهدد الاخ كمان ههههه يعني يا بتقعدو عاقلين و بلا نق يا اما رح يقطع الكهربا كل يوم ههههه لك ما بعرف ليش اناحاسس انها رح اتضل مقطوعة من اليوم و ليوم السبت ههههه
جمهورية التقنين و الانقطاعات
جبلاوي آت جبلة دوت آس واي

2007-07-30 14:58:40
سورية
ضحك عالدقون
قال السبب "عدم تقديم العروض" أبوس ايديكن حاج تضحكوا عالعالم، الظاهر العروض تقدمت بس الجيوب رفضتها لآنو بدهن عروض دسمة أكثر. هالسيد ماشفج ماعجبني أبدا أبدا
سورية
-

2007-07-30 14:53:44
Alaa
Dam
أنا واحد من الناس يلي ما عندي ثقة بأي كلمة عم تنحكى والله اذا بشوف بعيني ما رح صدق لأنه ابصر شو رح يكون ورا هيك مرحلة. الجميع امتهنو فن الكذب. بعدين شو مشان كبولة كهربا فيها تبريد زيت جواتها ولا بتخف السرقة اذا جبتو شغلة نوعية بتريح الراس
syria
alaa@alaa.alaa

2007-07-30 14:57:25
حمصي
ضحك على اللحى
اليوم في حمص القصور إنقطعت الكهرباء أربع مرات منذ الساعة الثانة صباحاً و حتى الثانية بعد الظهر، مجموع ساعات وجود الكهرباء.. لا يتعدى ساعة واحدة. فما هذا الإعلان العظيم الذي جاء به وزير الكهرباء
-
-

2007-07-30 14:45:08
بنت البلد
انشالله صدقتوا؟؟
حكي وكلام مصدي ع الوعد ياكمون سامحونااا
بلاد الله الواسعة
-

2007-07-30 14:34:37
من عمار
تفاؤل كهربائي يشوبه الحذر
نقرأ كثيراً ولكن مساحة التفاؤل لدينا تبقى صغيرة وآفاقها غير واسعةمشكلتنا ضعف الثقة بين المواطن والمسؤول والوعد بحل المشكلة خلال 15 يوم أكبر دليل إذا لم يكن العطل بيد أحد ولا مسؤولية على أحد فيه لم لا يتم تقديم الأعذار عن هذه الانقطاعات وتقديم الاعتذار للمواطن في مؤتمر صحفي حضاري يشرح فيه وزير الكهرباء ما يحدث بصراحة وعلى جميع الفضائيات قولوا إن شاالله
-
www.syria-news.com

2007-07-30 14:34:12
souri
واضحة
يعني ما بدها شي، الكهرباء تم تقنيننها و اعطاء الكميات التي نتجت من جراء التقنين للمنشآت السياحية الكبيرة، من أجل الموسم السياحي لهذه المنتجعات، و باقي الشعب أمره لله
الغابة السورية
thesouri@gmail.com

2007-07-30 14:28:24
haniba3l
ماشي..
انتو بس طلعو على تصريح وزارة الكهربا نفسا .." لن يدون الانقطاع الكهربائي أكثر من ساعة باليوم" شي عظيم..
في المغتَرَب
خطأ

2007-07-30 14:18:51
حنظلة
مثل المعلقين الرياضين في بلدنا
كم اضحك و اضحك عندما يحلل المحللون الرياضيون مباراة أوربية و كأنهم معلمون و الفريق الأوربي فتية بحاجة إلى تدريب و استغرق بالضحك عندما يقول المحلل كان عليه أن يفعل كذ و كذا ...و اقترح على المحللون الكهربائيون عندنا أن يحللو لنا واقع الكهرباء في العالم ... حتى نضحك من فضلكم حللوا حللوأ ...حلوا عنا
سوريا
-

2007-07-30 13:47:18
فراس
تجربة أهل القبور
أنا ساكن تحت الأرض بطابق/قبو ثاني/ عندما أستيقظ على إنقطاع الكهرباء أحس بنفسي ذليل وكأني من أهل الكهف أو كأنها تجربة للحياة الثانية ما بعد الحياة التي نعيشها إذا هيك بدكون الشغلة بسيطة بروح بشنق حالي وبخلص من هالعيشة أنا ورفاقي أهل البلد... عفوا أهل الكهوف الكهرباء والماء ثم المازوت والبنزين ثم الخبز أراكم عندها بشي كهف أو على شي شجرة جنب البومة
كهفستان
-

2007-07-30 13:49:18
وائل
بيروقراطية.محسوبية.روتين.فساد
لازم نشوف وين الغلط و من مين و يتحاسب لكن طول ماأنو مافي رجل مناسب بالمكان المناسب بسبب المحسوبيات رح يضل في فساد و رح تعتم اكتر
الامارات
-

2007-07-30 13:38:57
اللبان
نفس الحكي
كل مرة منسمع نفس الحكي ورح عللق كمان بنفس الحكي.. التطوير والتحديث يحتاج إلى فعل وفعل كبير كتير وهدا الشي ما بيصير بالحكي والوعود الخللبية يللي منسمع فيها, لأن التطوير مانه عملية آنية وحسب ما تكون المشكلة يللي نحنا فيها, التطوير يحتاج إلى تخطيط على المدى البعيد وتنفيذ هذه الخطط لتجنب الوقوع في أي مشكلة. وللأسف لسه ماعناحدا بتهمه البلد وشو بيصير فيها.
مغترب ورح ضل مغترب
-

2007-07-30 13:35:25
TareQ
الله يعطيكون العافية
يا جماعة ياللي عم ياكل العصي مو متل يللي عم يعدها يعني انا متأكد انو الفنيين و المهندسين بمنشآت الكهرباء عم يشتغلو ليل نهار ليوفرا الكهربا بس العوائق دايما موجودة و يللي عم يتفزلكو لو كان بموقع المسؤولية أنا متأكد انو ما كانو شالو الزير من البير و خلونا متفائلين و نشالله أزمة و بتمر بالتوفيق لكل مين عم يشتغل و يتعب منشان البلد.
Syria
-

2007-07-30 13:32:16
سوريا
شريك الوزير
اصبح الشخص اللي كان جايب مولدات للعراق و ما نباعة معو في العراق تقريبا باع جزاء كتير كبير في سوق سوريا يا رب ينفق مشان ترحع الكهرباء
سوريا
-

2007-07-30 13:15:44
شامي
فساد فساد
أااااه والله شي بطفش وبَيأس فسادصار نتعشش بالوزارات والنضيف بطيرهدا أزا وصل أنا بد اعرف اي سائح بدو يزور بلد كهربا بتنقطع فيه وين التنشيط السياحي الله يعين هلشعب المعتر يللي صرت تشوف البؤوس بوجه. همسة:التحديات الخارجية لازم ماتوقف محاربة الفساد, لأنو صدقوني يللي حيدافعو عن البلد بس الشرفاء والانتهازين حيهربو ويسلمو متل ما صار بالعراق
مغترب ببلد مابتقطع فيها الكهربا
-

2007-07-30 13:22:26
معاوية الحاج عساف
خليكون صادقين معنا لو مرة
أقيم في حلب سيف الدولة وكل يوم تنقطع الكهرباء أكثر من 4 ساعات في ذروة الحر والمياه تننقطع مساءً ما فينا نتحمم ونحن دراويش ما عندنا مولدات أو امكانية لنتحمم بمية بقين والنظافةفي الشوارع سيئة حرام عليكن دبحتونا ولسا كل يوم بنسمع تصريح جديد انه الأزمةرح تنحل وتخف كل مسؤول بحلب ساكن بالموكمبو وراكب مرسيدس سودا وما بيعدي بحارات الدراويش والبلدتنزف الجراح
سورية حلب
-

2007-07-30 13:16:36
سليمان
ما شاء الله
يا جماعة التقنين مطلوب يعني بكرا رح يجي رمضان وكلكن مفهوميةالكهرباء مالها داعي من الصبح للمغرب فجهزوا حالكن لأنو الحكومة ناوية على رمضان تخلينا ننبسط اخر بسط. بس لا تزعلو اهم شي باب الحارة رح يكون وقت تجي الكهرباء عيشوا بهالنعيم
السعودية ( ولا مرة انقطعت هون ) والحرارة 55
-

2007-07-30 13:16:29
اب عدنان
حكي
مو صحيح هالحكي .. رح تضل تنئطع حتى بالشتوية .. ومنذكر بعض .. شو مامنعرفهون يعني .. ولا اول مرة بيوعدو ... لك كوسا وبندورة .. مو عوجة بس .. آآآآآخ
بلاد الغرب أوطاني انا التاني
-

2007-07-30 13:13:13
رسلان
عوجة
سيادة رئيس الوزراء عطري المحترم: نرجو من سيادتك التفضل بإجراء مؤتمر صحفي وشرح الوضع للشعب السوري لأن الشعب وصل لدرجةالانهيار و عدم الثقة، سياة الوزير الشغل واقف و البلد واقفي والله حتى السياح لعنو الساعة قدومن على سورية ما معقول لا كهربا ولا ماء و لا انترنت هدول الشغلات صارو من البديهيات ، أقسم بالله حاجتنا ذل
سورية
-

2007-07-30 13:12:35
عطوان الكحلي
لايعترف احد بخطأه
في كل دول العالم عندما يحصل هيك ازمة يستقيل الوزير وتستقيل الحكومة ؟ الا في بلدنا يخزي العين شو متواضعين ؟ حدثني احدهم من حمص عنده مكتب سياحة ان انقطاع التيار عندهم من الساعة الحادية عشر صباحا الى الساعة السادسة مساء . قلت له اغلق مكتبك وهاجر الى بلد اخر !!!!!
سوريا
...............

2007-07-30 12:55:43
مدشقي عتيق
الله يخزين
يعني ليش يصير الانقطاع أصلا. فعلا قد ما ساوينا بنضل ورا الشعوب. صرنا بسنة 2007 و عم نحكي بالتقنين و بتنقطع الكهرباء. الامارات يللي عايشن فيها نسبة استجرار الطاقة اعلى بكتير من بلدنا بسبب و ما صار فيها انقطاع نهائيا. لا حول ولا قوق الا بالله. بعدين وين الشبكة المشتركة مع دول الجوار؟ حاجة مسخرة و بتمنى بنشر هاد التعليق. و دمتم
UAE
-

2007-07-30 12:55:37
حلبي
أسمع كلامك يفرحني أشوف فعالك استعجب
حرام عليكم تخدير المواطنين بهذا الكذب المكشوف, هذا الذي يصرح لم يجرب أن يعيش و التيار الكهربائي و المياه مقطوعة عيب عليكم طفرتونا
syria
-

2007-07-30 12:51:49
حلبي
كهربا
ساعة الصبح! ساعة الظهر ! ساعة المساء! ساعةبالليل! ساعة الفجر! المجموع خمس ساعات!؟
سوريا
-

2007-07-30 12:44:14
anas
!!!!!!!!!
ياله من خزي وعار بحق الحكومة السورية انقطاع الكهرباء ل6ساعات في اليوم احيانا بحجة التقنين,تقنين أم سرقة؟الكل بات يعرف قصة المحولات الايرانية النص عمر لك عيب عليكون صرنا كاشفينكون.لا وبيصرعونا كل صيفية بالجرايد والله اجتمع المحافظ مع اللجنة الفلانية من اجل الموسم السياحي بدي افهم وين السياحة ببلدنا!اذا اليمن اللي هي اليمن عم تعمل دعاية بالفضائيات للسياحة
كنت بسوريا وهربت عالسعودية من الشوووووووووب
-

2007-07-30 12:47:52
king
عنا شغل يا ناس
كرمال لله ايمتى الواحد بده يشتغل طول النهار ما في كهرباء وعندي شغل لفوق راسي اذا صار شغل مافي كهرباء واذا ما عنا شغل في كهرباء مسخرة ولله
سوريا
-

2007-07-30 12:45:25
علي
حلول
إنو يعني بدي أفهم ليش حكومتنا مصرة اصرار وماسكة شغلة التوليد بالفيول حنبلية, لك عنا منطقة حمص, هي أفضل منطقة رياح دائمة, وعنا صحراء بطول وعرض, اعملو طاقة شمسية يا أخي, عملو طاقة رياح يا أخي, وزعوا لوحات تسخين شمسي على المواطنين بأسعار رمزية...امنعوا استيراد اللمبات المهدرة للطاقة...إلخ
سوريا
-

2007-07-30 12:42:21
هشام ماشفج حاجة
يحيا النضال
يا جماعة شفتو لما بتصير مشاكلنا موضوع الساعة والكل بيحكي وبتململ منها شلون المسئولين بيرجفو أصب .. الله يكون بعون وزير الكهرباء وان شاء الله عبال عند وزير النقل لما الكل بيحكي بمشكلة النقل الداخلي والخطط خربيش يلي مرة بنئلو فيها كراجات للسومرية , ومرة بيكزبو عالعالم بموضوع الميترو , ومرة بيغيروا خطوط السرافيس بس العالم لسا نايمة...فيئو يا هوو
والسنة الجاية بيكون عندكون قطار محمول
عملو متل ما عملتو بموضوع الكهرباء

2007-07-30 12:40:34
تعبان المنتوف.
تخلف
والله شوف حاولت اقرأ المقال ومن تاني سطر توقفت عن القراءة والسبب هو الملل من هذا الكلام الفاضي .....يمكن اختصار كل هالأخد والعطا نحنا مطمورين بالتخلف نحنا مطمورين بالحياة لأ ووزير المالية بدو ياخد المصاري من يلي مابيستحقوها ويعطيها لجيبتو اللي بتستحقها.
طبعا سوريا
-

2007-07-30 12:39:14
memo
also
اعطاه مهلة 15 يوم والا شو ؟
also
-

2007-07-30 12:40:10
سووووووري
يا نيالي
ما بيستحي على حالو يقول لسا مارح تنحل المشكلة قبل إيلول ,,, موسم السياحة هالسنة طار بدل ماكان لازم نستغل أوضاع الدول المجاورة ونجذب السياح لعنا رحنا قطعنا الكهربا عنهم و فطسناهم من الشوب يلي هن هربانين منو بس الله لايوفق يلي كان السبب
-
-

2007-07-30 12:37:36
اخضر الوكويك
انت يلي عم تقرأ المقال مشان الله انشرو لان عوفتني
يا زلمة لك كل ما اقرأ مقال عن وعود لاحد الوزارات بحس حالي حقير لان عم انق كتير يا زلمة صيغة المقال بتححس ان الموطن هو يلي عم يخلي الكهربا تنقطع يخرب بيتكون على هل صيغة مقال دولة من الطراز الاول لك و الله حسيت حالي مو مواطن سوري اكيد انا من سوسيرة // روح حاج كذب ما هديك المرة عطتو الوزير مهلة اسبوعين ام صار يقطع عن الشعب و يغزي المسؤولين
دولة الواه الواه الديمقراطية الشعبية
ياما قنطق ياما كهرب @ كهربا في سورية مقطوعة . اكلو

2007-07-30 12:37:20
rim pierre
ملعوبة
يعني لايلول حتى تنحل الازمةز لانو بايلول الطلب على الكهربا بطبيعة الحال بكون خف الشوب خف والسياحة خفة والى اخره شكرا للوزارة العطيمة
كندا
مو ضروري

2007-07-30 12:34:06
ميســـاء
شو هالثقة!!!
لك يستر ع عرضكن بلا مزح عند هالصبح!!!
استراليا المضيئة
-

2007-07-30 12:27:13
الفهد
مارح نصدق
ياما سمعنا منكم كلام و وعود وما تنفذ شي
syria
-

2007-07-30 12:24:42
مواطن سوري
لنشوف
يعني نحنا الشعب الوحيد الي شبعان من شغلة وحدة بس هيه الحكي وكلو حكي بحكي بس بنتامل خير مع انو تعلمنا أنو ماكل مايقال ينفذ على كل حال أنشالله بتنحل هل المشكلة الي سمع فيها العالم كلو وعرف انو سورية لهل اليوم هاد بتعاني من الكهربا وأكيد الخسارة كبيرة بالنسبة لهل البلدمن موسم سياحي مضروب لناس نخربت بيتها من جراء انقطاع الكهربا ودمتم
syria
adad@yahoo.comj

2007-07-30 12:24:35
مواطن
فقدنا الثقة فيكن
الحاق الكذاب لورا الباب، وبكرا نطلع الحيطة ونسمع الزيطة
سوريا
-

2007-07-30 12:25:07
مواطن سوري
تصحيح عنوان المقال
المقصود من المقال أنه لن نرى الكهرباء سوى ساعة في اليوم وشكراً لمؤسسة الكهرباء ونرجو أن لاتأتي فاتورة الكهرباء كبيرة كما تأتي بالعادة
Syria
maninlovesee@hotmail.com

2007-07-30 12:25:01
أبو دياب
الواقع السوري
أطلب من الحكومة أن تكون واقعية مع الحرامي؟؟ أي أن تسمح بسرقة الأموال العامةوبشكل نظامي من خلال شراء محطات التوليد (المستعملة) ؟؟؟ على أساس أنها جديدة ولكن بشرط أن لايزيد عدد المحطات المستعملة عن 50% من المحطات؟؟؟ أحسن من أن لا تسمح بالسرقة وبالتالي يتم شراء جميع المحطات مستخدمة على أساس أنها جديدة؟؟؟ وهذا هو سبب أنقطع الكهرباء
الكويت
-

2007-07-30 12:22:32
HANNIBAAL
DYSFUNCTIONALITY
WITH ALL THESE SHORTCOMINGS ,AND ABHORRENT PERFORMANCE BY PUBLIC SECTOR; I SAY ONE WORD ; GOD HELP AND BLESS OUR SYRIAN PRESEDENT
U.S
-

2007-07-30 12:03:19
Moe
should we wait alot of ages
O I see, I guess we need to wait ages till we sort out our electric problems. should we wait and wait hundred of years till they get to know that those people must be sacked or kicked out, coz they are not taking any responsibilities.
UK
ao_1@aol.co.uk

2007-07-30 11:59:10
عاتبة على بلدي
خلي التقنين حتى يخرب البلد كله بقى
أأأخ في زمن يمكنك المشي فيه في شوارع الامارات كلها ليلا وتشعر انك في عز النهار من كثرة اضاءة الشوراع وعلامات المدنية والحضارة ما زالت بلدي تعاني من نقص في الكهرباء الضرورية للحياة وليس للشوارع؟؟؟؟؟؟؟؟؟؟؟؟؟؟؟ أي تحديث وأي تطوير والوزير ما زال على كرسيهوكأن من المحرمات مناقشة اقالته وكان من المسلمات بقاؤه في الوزارة؟؟؟؟!!!!
سوريا جوات جوات لكهف
-

2007-07-30 11:55:12
R.M
والعكس صحيح
الحقيقة كل ما يطلع تصريح جديد بتحسن الاحوال .. منحط ايدنا على قلبنا يكون العكس ..ليس لأننا متشاءمون لكن فقط لأننا تعودنا من تصريحات الوزراء ان تكون عكسية دائما ..على كل ان شاء اله خير ..!!؟؟؟
syria in my heart
-

2007-07-30 11:49:18
مواطنة حلبية
فطسنا
يعني شي مو معقول فطسنا كنا قبل نعرف حالنا من كذا ساعة لكذا ساعة بتنقطع بس هلق صرنا ما منعرف شي والشكر للله الناس عم بموتوا ما عم بيطلعو من بيوتهن لك ومن اجل الصدف بس بالصيف بتنقطع علوه تنحل مو بس حكي (كالعادة)
سوريا الحبيبة
-


تكنولوجيا واتصالات


أدخل بريدك واشترك معنا بالنشرة الإخبارية



Content on this page requires a newer version of Adobe Flash Player.



 

  
All rights reserved © Syria-news.com 2010
Powerd By:Syria news IT