syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
"سيرياتيل" و"إم تي إن سورية" تخفضان أسعار مكالمات الخليوي ابتداء من الاثنين
الاخبار المحلية

4.6 عدد المشتركي المستفيدين من التخفيضات ، والقرار لم يشمل المكالمات على خطوط لاحقة الدفع

أعلنت شركتا "سيرياتيل" و"إم تي إن سورية" المشغلتان للهواتف المحمولة في سورية عن تخفيض أسعار بعض الخدمات التي تقدمانها بنسبة 20% ابتداء من يوم غد الاثنين.


وقالت الشركتان إنهما "ستخفضان أسعار المكالمات والرسائل بنسبة 20 % في الخط المسبق الدفع وخفض أسعار الرسائل فقط بالنسبة للخطوط لاحقة الدفع بنفس النسبة" ، فيما لم تطال التخفيضات أسعار المكالمات للخطوط لاحقة الدفع.

وتشير اخر الإحصاءات ان عدد مشتركي خطوط الخليوي في سوريا بلغ 5.6 مشترك ، منهم 4.6 مليون من مشتركي الخطوط المسبقة الدفع ، الأمر الذي يجعل التخفيضات تطال الشريحة الأوسع من المشتركين.

وينموا عدد مستخدمي الهاتف الخليوي باطراد في سوريا حيث زاد بحدود 2 مليون مشترك منذ اول العام 2007 ، فيما يعزي البعض زيادة عدد المشتركين الى دخول اللاجئين العراقيين الذين وصل عددهم إلى ما يقارب 1.8 مليون لاجئ.

وقال وزير الاتصالات عمرو سالم في وقت سابق إن "قضية احتساب التعرفة الخليوية على أساس أجزاء الدقيقة قضية محسومة وموقعة مع الشركات وأن ما يمنع تطبيقها على الواقع هو أنظمة الفوترة التي لا تسمح لك بهذا الأمر و يتم تحديثها حاليا".

وتسيطر شركتا "إم تي إن سورية" و"سيرياتيل" على خدمات الهاتف المحمول في سورية العامل بنظام "بي أو تي"، إلا أن العقد الموقع بين الشركتين والحكومة يسمح بدخول شركة ثالثة لهذا السوق في عام 2008.

وكان سالم أقر بارتفاع تعرفة الخليوي مقارنة بدخل الفرد في سورية, إلا أنه أرجع هذا الوضع إلى عدة أسباب أهمها أن عدد المشتركين بالهاتف الخليوي لا يزال بحدود 25% من السكان وهو العدد القليل مقارنة بالنسب العالمية التي تصل في بعض البلدان إلى 100% ".

وعقب سالم على خبر تخفيض أسعار المكالمات على الخطوط المسبقة الدفع بانه "يخص سياسة التسويق في الشركتين ، مؤكدا بان المستفيد من التخفيض هم الشريحة الاوسع".

واضاف ان الخطوة القادمة باحتساب التعرفة على اساس اجزاء الدقيقة مع التخفيض الحالي سيجعل من تكلفة الاتصال  " مقبولة جدا".

الجدير بالذكر بان شركتي الخليوي سيرياتيل و "ام تي ان" كانت قد طرحتا الشهر الماضي بطاقة تمديد فترة الصلاحية للخطوط مسبقة الدفع لمدة عام كامل.

 

سيريانيوز


2007-10-14 02:16:01
شاركنا على مواقع التواصل الاجتماعي:



شارك بالتعليق
مواطن شريف2009-07-17 22:36:25
انا ما بقدر قاطع
صحيح انو المقاطعة ممكن تجيب نتيجة بس انا ارتباطي مع الموبايل متل الاكل والشرب بس اكتر شي ممكن اساعد فيه الاخوة المقاطعين هو اني اخفف مكالماتي قد ما بحسن
سوريا
أولاد بلدي الكرام2009-06-02 02:44:13
المريخ
البنزين مثلا بجميع الدول المجاورة نزل مرتين او تلاتة إلا عنا لساتو شامخ شو رأيكون نوقف سياراتنا شي اسبوع ونستخدم الباصات الخضر او مثلا نوقف الكهرباء يوم واحد لأنو فاتورتها عبارة عن مأساة أخر الشهر بس أأأأأأأأخ لأيمتى بدكون تبقو ساكتينننننننننن
-سوريا
أولاد بلدي الكرام2009-06-02 02:36:42
المريخ
اولا بترجاكون مو تفكرو انو عم دافع عن شركتين النصب ببلدي الهاتف المتحرك أخترع للضروريات ولقضاء الحاجة وبصفتي رجل أعمال اكيد لما اتصل مع زبون واحكي معو 10 دقايق رح اعمل انا وياه شغل ورح اربح منو ومو كتير اذا اداة الوصل بني وبين هالزبون اخدت م ربحي 40 او 50 ليرة ومارح قول انو المكالمة غالية لأنو كان في مردود منها اما وقت احكي مع صاحبتي ساعاااات اكيد رح اشعر انو المكالمة غالية لأنها بدون مردود المشكلة فينا وبطرق استخدامنا للتكنولوجيا اما عن المقاطعة برأيي في شي اهم من الموبايل في
-سوريا
hala2007-10-20 14:26:22
الى من يهتم بالمقاطعه
الى من يهتم بالمقاطعه تعالوا لنتواصل ونتفق عل توقيت للمقاطعه ولمده محدده انا متاكده انا هذا لم يثمر ولكن منكون عملنا الي علينا بدل ما نضل نشتكي
سوريا
hala22007-10-20 14:13:17
اما ن شان المقاطعه
فالمقاطعه تحتتاج الى عمل منظم يعني مؤسسات وأحزاب والا رح تكون جهود ضايعه ومنشان هيك ما في احزاب بسوريا
-سوريا
hala2007-10-20 14:09:25
لا والله فضلواعلينا
قال شو خفضوا تكلفة المكالمات والله الي استحوا ماتو لاء وقال عاملينلي طرنه ودعايه الها اول ما الها اخر والله عيب وحرام وكفر حق الدقيقه كل هالقد انا رايي كان لازم مو يخفض وحدتين كان لازم يخفها للوحدتين وبضل كتير يتبع
-سوريا
Adolf2007-10-18 15:10:53
شوي شوي
شوي شوي بنصير متل أوروبا يعني هاتخفيضات وهالخدمات لالزم يطالعوها بالقطارة نقطة نقطة مشان كل فترة نحس حالنا بنعمة كبيرة ، آآآآآآخ بس على ماتدخل غير شركات ، لحتى تقاقو ماتلاقو !!!!
-سوريا
كائن غريب في سوريا اسمو الأنسان2007-10-17 02:44:27
الحمد لله على ابتلائه لي بخلقي سوري
لا تعليق
-مبينة
عبد المعين2007-10-17 02:40:58
سؤال ماحدا خطر على باله
انا اسال الوزير وهذا الشيء من حقي تكلفة المكالمة الدولية في الجوال هي عبارة عن تكلفة دقيقة المؤسسة+دقيقة خليوي اي 18 للدول العربية صباحا توازي 24 وحدة +10 وحدات تصبح 34 لكن الم يتخفض تكلفة دقيقة الخليوي فبالتالي يجي ان تكون الدقيقة 32 وفي الجمعة 30 ومساء 28 هذا العدل ولا نطلب فوق حقنا ارجو االاجابة والتدخل
سوريا
مالك2007-10-16 21:31:34
مقارنة
أنا أعمل في السعودية ولمعلومكم يا غوالي يطرح سنويآ عرض في رمضان تشتري بطاقة شحن ب 300 ريال وبها رصيد 450 ريال أي يعطونك 150 ريال مجانآ أي حوالي 1700 ليرة سورية عداكم عن أن التكلفة عالثواني مو القائق وهناك خدمة الأهل والأصدقاء حيث تختار رقمين محليين ورقم دولي بتعرفة مخفضة ولمعلومكن المكالمات مخفضة من 12 ظهرآ يوم الخميس حتى 12 ليل الجمعة متل عنانفس الشي
-KSA
نديم2007-10-16 13:33:22
نعم للمقاطعة
أنا بدأت بضغط نفقاتي وتقليصها ماأمكن ولو وصلت إلى البخل فالأوضاع المالية الشخصية أصبحت لا تحتمل والوضع إلى أسوأ وسأقوم بالضغط الشديدعلى نفسي والبداية كانت من تقليص إستخدام الإتصال الخليوي وصولا لنوعية الغذاءومرورا بكل شيئ فلنقلص مصاريفناونمتنع عن الإسراف ولا نشتري إلا الضروريات فقط
سوريا
شكرا مبرمج2007-10-16 13:09:30
ليس 10000 بل عشرين الف ولانريد راتب خليها لوجه الل
أعتقد انه فيه 10000 مبرمج سوري قادر على تعديل برنامج الفوترة بحيث يعمل على اجزاء الثانية وليس أجزاء الدقيقة وهذه العملية لا تتطلب أكثر من ساعةعلى أبعد تقدير لتعمل بشكل صحيح ؟؟
--
اجمل المقاطعين2007-10-16 10:33:48
مقاطعة حتى اخر وحدة
والله مليناالحكي ياقاطعواوانامعكم قلباوقالبااوخليكم نايمتن وتخورفوا
سورية
مقاااااااااااااطع2007-10-16 01:21:25
نعم للمقاطعة
أخي مبرمج بدنا نستفيد من خبرتك بهالشغلة انتا وخير من المبرمجين بهالبلد واعملونا شي موقع للمقاطعة خلونا نبلش المقاطعة عن طريق النت وبعدها بتنتشر الشغلة بين الجميع
-س
عبد2007-10-15 23:53:58
الله يصطفل فين2
لانو حتى المراكز الصلاة على النبي عما يغبوا الفراطة صارو متل حرمية الدولة تبعوت الصندوء وين ماكان بالبنك والكهربا والمي والطوابع والخ اقتصاد خفي تماما المواطن عما يدفع رسوم الن متل الدولة هلا ما بالامكان اتتمة هادا الشيء معجزة الدفع عن طريق الصراف ولا كمان بكرا بحطو رسم تحويل
-سوريا يا حسرتي
عبد2007-10-15 23:52:34
الله يصطفل فين1
يبعتلا الكسر ايدين طل واحد بغلي البطاقات يازلمي لسا على اساس وفرنا وجبت ام 100 وحدة اجى السمان باعني ياها ب 90بدل سعر 77.25 طيب ليش كل بطاقات الانترنيت بنفس السعر بتنباع الدقيقة حسب التخفيض صارت ب 6 ليرات هلا مع البلوة انفاق استهلاكي و ربح السمانة رجع الدقيقة بنفس السعر انا مع اقتراح الطالب ليش مابتم بيعا عن طريق الصراف بيفروا على حالن 2% لانو حتى
-سوريا يا حسرتي
Abu Jado2007-10-15 20:02:07
الى طارق
اخي طارق ان الشركات عندما وقعت العقود تعلم أنهاBOT وان الملكية ستعود بالنهاية للدولة.ان ما تكسبه الشركتان من احتساب جزء الدقيقة دقيقةيزيدعن8 مليارات سنويا.ألا بغطي هذ كثيرا من مصاريف التشغيل؟عدا عن الأرباح من الاشتراكات و و و.الموضوع أنه لا يوجد منافس يجبر الشركات على الغاء هذه الاحتكارات و يعمل على رفع سوية الخدمات المتدنية عندنا.و فهمكم كفاية.
-Lattakia - Syria
بلا ولا شي2007-10-15 19:36:04
اتركوه لهم.(اليوم وصلني هذا الإميل !!)
جاءالناس إلى عمربن الخطاب-رضي الله عنه- وقالوا:غلااللحم فسعره لنا)فقال(أرخصوه أنتم فقالوا :نحن نشتكي غلاء السعرواللحم عند الجزارين ونحن أصحاب الحاجة فتقول:أرخصوه أنتم؟وهل نملكه حتى نرخصه ؟وكيف نرخصه وهوليس في أيدينا؟قال:اتركوه لهم..صدق الفاروق فأفضل حل لغلاءالاسعارهوالمقاطعة.لو أن الناس قاطعت الرز وغير الرز لمدة 30 يوم فقط لتكدس عندهم بالمستودعات
-لابد من تصريفه ومالهم غير التخفيض
jamal2007-10-15 14:22:06
موظف في MTN
ربما لا احد يعرف ان المؤسسة العامة للاتصالات هي المسؤول الاول و الخير عن سياسة الخليوي في سوريا ... لا تستطيع الشركتان ان تحركان ساكنا الا بموافقتها فهي المستفيد الاكبر من كل الارباح الطائلة التي تجنيها الشركتان !!! على ذلك على المعلقين ان يتوجهوا باللوم الى المؤسسة و ليس الى شركات تعمل تحت الحد الادنى من الحرية المسموح بها في عالم الاتصالات و شكرا.
-سوريا
معلم2007-10-15 13:46:50
النصب هنا اذا انت بسورية
شو قصة هالشركات كل ما بعلم لعند أخي على رومانيا بيروح 128 و حدة هاي بس على التعليمة و كمان احيانا على روسيا بتمنى انو السيد الوزير يبحث على هالشغلة .. نصب + احتيال
-كانوا انا بسوريا
Tareq2007-10-15 13:42:05
الموضوع ليس فقط قبض
ببساطة تمتلك شبكة خلوي ما يقارب ال 2100 برج او اكثر و تتراوح تكلفة انشاء برج التغطية بين 4 لحد 10 مليون ليرة سورية بين معدات و تركيب و تشغيل بالاضافة لتكاليف المقاسم و الخدمات و التي يقارب تكلفة بعضها 2 مليار ليرة سورية و ان اعلم ان المشترك يهمه بالنهاية التخفيض و بالطبع الشركة هدفها الربح بالنهاية لكن الموضوع يحتاج لوقت ريثما تتم البنية التحتيةوهوقريبا
Syria
Tareq2007-10-15 13:41:34
الى الأخ مبرمج
صديقي العزيز انا اعمل في المشغل سيرياتل و موضوع نظام الفوترة ليس بالبساطة التي تطرحها علما ان انظمة الفوترة المتوفرة حاليا تدعم نظام الثانية الا انها يجب ان تتم بالتعاون مع مؤسسة الاتصالات و نظم الفوترة تتطلب انظمة hardware مستقلة و جديدة و هذا الذي يتم و بصراحة الموضوع يحتاج للوقت و من غير المنصف مقارنة شركة عمرها 7 سنوات بشركات عمرهاأكثرمن 20عام.
Syria
Tareq2007-10-15 13:32:11
الممكن هو الأساس و ليس كل ما نتمناه نناله ببساطة
أصدقائي الأعزاء من الممكن ان تكون نسبة 20 % دون التوقعات الا انها الممكن و المشكلة الأساسية تكمن برأي بعقد ال BOT و مشاركة الأرباح حيث ان الخزينة تحصل على 40% من الأرباح الصافية لكلتا الشركتين اللتين سوف تعود ملكيتهما للدولة بانتهاء العقد مما يعني ارتفاع هائل في كلفة تشغيل و انشاء الشبكة و التي هي مرتفعة أصلا
Syria
مهند2007-10-15 13:08:34
يا عيب الشووووووووووووم
والله لا خجل ولا حياء ألا تخجل شركات الخليوي من نفسها عندما تعلن هذا الإعلان ؟ أين هو حيائهم أمام بقيه الشركات في البلدان الأخرى . لماذا التخفيض فقط على الرسائل للخطوط اللاحقة الدفع ؟ فقط لكونهم مصاصي دماء . ماهي الفائده من تخفيض تكلفه الرساءل؟ لاشئ سوى القول شوفوا نحن خفضنا وعملنا اللي علينا والمواطن ستين عمره ومتل الغبي بدو يشترك عنا لأن مافي غيرنا
-سوريا
Abu Jado2007-10-15 12:48:59
عمليات حسابية
ياعتبار أنه يوجد 5.6 مليون مشترك وبحساب لكل مشترك جزء دقيقة كدقيقة كاملة يصبح لدينا مالا يقل عن 5.6 مليون جزء دقيقة محول الى دقيقةتستفيد منها الشركات المشغلة للخليوي , و بعملية حسابية تحصل على ما يلي:5.600.000 *4*30=672 مليون ليرة سوريةشهريا تحصل الشركات كحدأدنى من احتساب أجزاءالدقيقة كدقيقة.فالموضوع ليس أنظمة الفوترة كما قيل.و أنتم خيرالفاهمين.
-Lattakia - Syria
Bassel2007-10-15 11:45:44
إربت تنحل !!!
إربت تنحل !!!؟؟ ... ◙◙◙◙◙◙ لا والله ما رح تنجل بحياتا .. حاجة سرقة ونصب لهالمواطن المسكين
-Syria / Lattakia
سعيد بلا هاتف2007-10-15 11:44:47
أدام الله فضلكم
وكنا نحب من السيد وزير الإتصالات أن يصرح عن سرعة الأنترنيت , الغاء 6ل س في الساعة تأمين الأرضي للجميع الغاء هذا الهبش في الفاتورة من اظهار الرقم 50 رسم انفاق 20 اجرة اشتراك 80 حجب نداء 50 وهذه كل شهر لماذا لاأعرف طابع مالي 30 = 230 ضرب 4 مليون يساوي 920 مليون هذا عدا الإتصالات لتصبح 3 د 1,5 بدل 60 مع الضرائب .
-سورية
سعيد بلا هاتف 12007-10-15 11:42:51
ها ماعندنا فما عندكم
الى leo كلامك صحيح ولكن في اوروبا تأخذ الدولة ضريبة 50 % على مجموع البضاعة مع الأرباح , لكن هذا لايعني عندنا أن تبقي الشركات الخاصة اسعارها مريخية وهذا طبعا نتيجة عدم المنافسة , وثانيا استغرب كيف يصرح وزير دولة عن تخفيض يخص شركة على أساس أنها خاصة والمفروض أن يصرح أحد مدراء الشركة الخاصة عن هذا التخفيض
-سورية
رامي2007-10-15 11:39:05
الرسالة لم تسلم
ارسلت رسالة الى صديقي وكان خطه قد الغي ومع ذلك تم حسم 10 وحدات ووصلتني رسالة بان الرسالة لم تصل اليس ذلك نصب واحتيال
-سوريا الحبيبة
محمد الدوحة2007-10-15 11:01:49
عم تحكوا على النهب تاعوا تفرجوا عنا شلون بيكون الن
ياجماعة الخير انا بعرف متل بيقول كل مين بيمد لحافه على قد رجليه اللي ما معه و ما عم بيصدق هالارقام متل ما قلته ما يشتري بالاساس لا مسبق ولا لاحق و عم تحكوا على النصب والله متل ما بيقول المتل ما بتعرف خيره لتجرب غيه نحن هون بقطر شركة وحدة و احتكار متل الكذب واللي ما عجبه مو سائلين عليه لا تخفيض ولا هم يحزنون فرجاءا بوسوا ايديكون وجه و قفا و سكتوا
قطر
اقتصادي2007-10-15 10:49:35
حسبة بسيطة
5,6 مليون مشترك اي بحساب بسيط شي 5 مليار سوري شهريا صافي ارباح الشركتين يعني اذا خفضوا المكالمات شوي كمان اتوقع يزيد الربح اكثر بكثير لانه معلومكن نسوانا و حتى رجالنا بحبو الحكي عالفاضي و المليان .
-
ماريا2007-10-15 10:22:10
خطي لاحق الدفع وبدي بيعو الله الغني
أنا مع المقاطعة مع المقاطعة مع المقاطعة وعن نفسي واللللللللللللله ما بقى احكي الا أضر الضروري فاتورتي نطت 400 ليرة بالشهر على غفلة ليكون فيه تخبيص الو الموبايل معي 4سنين وماطلعت عن رقم معين والها 3 شهور ناطة 400 شو القصة؟ والله اذا اضطريت احكي موبايل لأحكي من الثابت لو بدي ادفع أكتر بس مانفعهم
-بلد الشلة يلي عم تشفططط الله لايشبعها
أي سوري2007-10-15 09:54:37
يا للسخرية
أسعار الاتصالات في سورية تعد من أعلى الأسعار و تنتمي إلى الشريحة العليا (على مستوى العالم) و إذا ما قارننا سعر المكالمات مع الدخل.. أي ياي ياي.. و الترخيص ليس رأفة بهؤلاء الناس بل لأن أصحاب الشركتين أحسو بأن الناس لم تعد قادرة على الدفع و بالتالي لن تجري الاتصالات المطلوبة لتحقيق أرباحهم فخفضو الأسعار لتزيد المكالمات.
-السعودية
أبو مالك2007-10-15 08:10:07
الى وسيم
مع احترامي الك بس انت مكو مطلع على كثير من الدول؛ عندي بالامارات عدد مشتركي الخليوي هو 6 ملايين و عدد السكان 5 ملايين أي النسبة 120%. و اسأل و تأكد اذا احببت.
-
ابو غريه2007-10-15 06:33:43
مكترين والله
والله مكترين 20% اوووف انا عايش ببلداجنبي دخلي اليومي حوالي6000 ليره وبدفع 1000 ليره رسوم شهريه+3 ليره للدقيقه وزوجتي يتدفع 4 لمسبق الدفع ابني 4 سنوات كمان معوخليوي طبعا للضروره مو للبهوره واحكم ينفسك
-اجانب
فريال2007-10-15 06:05:21
انا بورجيكم
انا بورجين شركات هالعلك المصدي يعني ماتقاطعو قاطعو لنقاطع
-
موظف بشركة منهون2007-10-15 05:28:26
ما حدا فهمان شي
واضح يا جماعة إنو نص العالم إذا مو كلهون ما عم يقروا الفواتير تبعهون. لأنو أول شي الاشتراك صار 400 من شي سنتين ولسه في مشارك بالتعليقات عم يقول الاشتراك 600. على كل مو هادا المهم، المهم هو عدد ومبلغ الرسوم المفروضة على كل فاتورة لأنو لو بتدققو شوي يمكن يطق عقلكون. رفاهية ورسوم مختلفة ومؤخرا طابع الفاتورة هدول بيطلعو بكل فاتورة شي 150 ليرة لحالن واحسبوها
-الشعب النايم
خلبوص المقاطع2007-10-15 04:13:08
انا جاهز و ايدي و ايدكون يالله
وين القبضايات يللا يا جماعة بدنا نقاطعون يعني والله بدنا نقاطعون يالله
-حارة كل مين تلفونو الو
ابو دريد السوري2007-10-15 02:27:03
اذا قاطعناهم شهر!!؟؟؟
بالتعليق الاول كان اضعف تقدير لمدخول الشركتين بالشهر بقى برايكم اذا قاطعناهم شو رح يصير ؟؟؟؟؟؟ واذا تمت المقاطعة والمطالبة بدخول شركة فودافون او اتصالات برايكم مارح نأثر عليهم بتحبوا نحدد الشهر ولا شو؟؟؟؟؟؟
-بيقولوا سوريا
ابو دريد السوري2007-10-15 02:09:22
حسبوها معي
لنفترض انو كل مشترك عم يعبي موبايله ب400 ليرة كل شهر (وهادا اضعف الايمان) بيطلع الناتج يا شباب 2240000000 مليارين وميتين واربعين مليون بالشهر عم تقبض الشركتين من 5600000 صفنوا معي ياشباب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟
-بيقولو سوريا
NAB2007-10-15 01:36:51
سرقة ع المكشوف
طبعا التخفيض لن يصل إلينا (خطوط اللاحقة الدفع) لأننا دفعنا ثمن الخط وانضربنا على قلوبنا وإذا لم يعجبنا الوضع سنبقى ندفع 600ليرة الاشتراك سواء رضينا أم أبينا بينما جكاعة الشريحة فيملكون الحرية لرمي الخط وحرقه واستبداله , وآآآه يا بلد
-سوريا
مقااااااااااااااااااااااااااطع2007-10-15 01:10:42
نعم للمقاطع
يا جماعة ولو مرة وحدة بهالعمر خلونا أيد وحدة وخلونا نقاطع هالشركتين بس يوم واحد على الأقل . نحدد يوم ونقاطعهم بس يوم
-syria
ماهر2007-10-15 01:03:49
بهنيك و بهني سورية فيك على هالفكر النير
من وين جايب كل هالفصاحة و هالذكاء يا أبو تالا تالا
-سورية
مبرمج2007-10-15 00:54:20
إلى سيادة الوزير
أعتقد انه فيه 10000 مبرمج سوري قادر على تعديل برنامج الفوترة بحيث يعمل على اجزاء الثانية وليس أجزاء الدقيقة وهذه العملية لا تتطلب أكثر من ساعةعلى أبعد تقدير لتعمل بشكل صحيح ؟؟
-سوريا
ابو النار2007-10-14 23:44:23
الله يرحمنا
لك أأأأأأأأأأأأه منكم اه كل العروض الي يحكو عنها والتخفيضات عم تكون من جيبنا بحطوعرض يلغوالسابق وكأنهاطميمةوكلويودي على بعضه وتبداالسرقات خصوصا بالمناسبات لمايقولو لم يتم الارسال ويقطعو بهالوحدات على كيفهم ولاحق الدفع مو مبين شوعم ينهبومنالسابدنا كتييييير لنوصل بس الحق على الشعب النايم والساكت عنهم وين المقاطعةوين حتى يقولوان الله حق قلبي عليك يابلد
-سوريا
شامي مزهزه2007-10-14 23:54:03
لك طلب صغير اد الفرتوكة
لك ما بدنا شي بس يحسبولنا الوئت بالثواني لسا ما بتمر ثانية بتنحسب علينا دئيئة خربان بيت لك ما عم اعرف احكي مع صاحبتي ما عم اخد راحتي منيح بضل بالي مشغول متل الموبايل خخخخخ. وبوجه تحية لرامي مخلوف وبئلو كل عام وانت بالف خير انت واهل الشام والقطر السوري جميعا
-سوريا
أبو تالا2007-10-14 23:24:03
كلمة
لكل يلي عبيقول انو هالشركتين عبتنهب و تسرق منكون بحب قول كلمة وحدة : انو ما حدا ضربكون على ايدكون و قلكون اشتروا موبايلات و تقعدوا تقسمو على العالم .. اذا شايفين انو سعر المكالمات و الخط غالي .. فلا تشتروا احسن
-سورية
أبو تالا2007-10-14 23:20:46
كلمة
لكل يلي عبيقول انو هالشركتين عبتنهب و تسرق منكون بحب قول كلمة وحدة : انو ما حدا ضربكون على ايدكون و قلكون اشتروا موبايلات و قعدوا قسمو على العالم .. اذا شايفين انو سعر المكالمات و الخط غالي .. فلا تشتروا احسن
-سورية
خبير2007-10-14 23:15:57
للأسف
ََللأسف كل التعليقات المكتوبة بالخبر تدل على غباء شديد .. هيك شعب بدو هيك شركات .. حمدوا ربكون انو هالشركتين خلت الواحد فيكون يحس حالو بني آدم و علمتكون شي جديد اسمو خدمة زبائن
-حلب
عماد الدين التركاوي2007-10-14 22:30:25
100%
شكرا وزير الاتصالات المحترم تعقيبا لما ورد أود أن أصحح بعض المعلومات فجل من لا يخطىء نسبة 25 بالمئة هي عدد مستخدمين الجوال في سوريا ما هي الدول التي نسبتها 100 بالمئة و هل يحسب بذلك اعمار الاطفال دون العشرة فإذا حسبنا هذه الاعمار لوصلت النسبة بسوريا إلى أكثر من 60 بالمئة حيث أن 30 بالمئة من السكان دون العاشرة و فوق السبعين شكرا لكم
Syria
ميت من الفرحة2007-10-14 22:30:59
عليكم بالمقاطعة شركة الاتصالات
انا اعمل في احدى شركات الاتصالات في قطر وتعاملت كتير مع وفود من شركات اخرى محلية ودولية لم اجد اي شركة من هذه الشركات نظام التعامل فيما يسمى بالوحدات كل الشركات تعاملك بالمبلغ المدفوع بس من شان يتوهه المواطن اسس شي اسمه وحدات وبعدين يعني شو هالمكرمة العظيمة من شركة الاتصالات اتحداهم اذا بيقدرو يعملو عروض متل شركات الاتصالات في السعوديةالله يصطفل فيه. .
-قطر
ماريا حلباوي2007-10-14 22:12:00
جدة - السعودية
كفاكم ضحك على اللحى هذه سرقة علنيةفخدمات VIP غير خدمات المشتركين العاديين كأنهما شركتان مستقلتان (خدمة ال 3g) تعالوا وشاهدوا العروض التي تقدمها شركات موبايلي - الجوال والشركات المصرية مثل فودافون اقوى شبكة في العالم
-FROM SYRIA
مواطن2007-10-14 20:21:06
لافضل لشركتي الخليوي
اصبحت خدمة الجوال ضرورية للحياة ولامنة لشركتي الخليوي بذلك فكل ما قامت به الشركتين هو نقل التقنية من الخارج وامنت لهما وزارة الاتصالات احتكار السوق. نأمل ان تكون الشركة الثالثة فعلا منافسة وليس مؤامرة جديدة على الشعب المسكين
-سورية
نبيل2007-10-14 20:14:43
لصوص الأثير
أولا القرار لايشمل أصحاب الخطوط اللاحقة الدفع (الذين دفعوا سعر الخط 60 ألف و20 ألف و12 ألف). هل تعرفون لماذا ؟ لأنهم ولاد الغسالة بالنسبة للوزارة المصونة(المغلوب على أمرها)وشركات التشغيل النزيهة(!). القرار ليس خدمة للمواطن وإلا كان شمل الجميع. مشغلي الخليوي يملكون ألاف البطاقات مسبقة الدفع ويريدون بيعها. بالتالي هذه الجميلة مردودةعليهم ، لاخجل ولاحياء
-سوريا
طالب2007-10-14 19:35:21
ياحسرة3
الشغلات يلي ائدران عليا متل رسم المسخرة الطابع و الانفاق الاستهلاكي والخ مايلغين وحتى بالنسبة للبطاقات كل سمان عما يسرئنا فوء الشركة هلا مائدر يبعونا ياها عن طريق الصراف يتعلمو من اية بتطبع اسم المستخدم وكلمة السر عن طريق الصراف وما بس ببلاش وانما خصم 10% هلا صاحب الضمير خلي يرد
-سوريا
طالب2007-10-14 19:34:25
ياحسرة2
بس الشغلة يلي ماممكن نقتنع فيا هو انو التاخير لمصلحة الشركتين وحتى تاخير الشركة الثالثة لمصلحتن كل يوم بيمرء عما يدخل ملايين طيب واذا كان الوزير مابئيدو حيلة هاي انا مصدئة يخفض او يلغي الانفاق الاستهلاكي ما الن 40 بالمية من الارباح على الحالتين شو هل المسخرة لسا كل مادفعنا فاتورة بيطلع عليا رسوم اد نصا وحتى الهاتف الثابت ال رسم طابع 20 ليرة اي شو هل
-سوريا
طالب2007-10-14 19:31:15
ياحسرة 1
طالب سوريا يلي ياريت ترجع ل50 سنة لورا ياجماعة انا مع راي المقاطعة هادا الحل الوحيد خصصوا موقع وكل واحد بدو يقاطع يحط رقمه طيب ال يلي مابيجي معك تعا معوا راح ندحش براسنا فكرة انو الفوترة بدا فترة طويلية الظاهر الشباب ماعما يعدلوا البرنامج عما يرجعوا يكتبوا من اول ورايح شو هل السحبة طيب ماشي الحال اقنعنا حالنا
-سوريا
طباخ روحو2007-10-14 18:20:08
الطريقة الوحيدة لتنزيل السعر ب 24 ساعة
لك يا ناس .مرة و بكذا بلد اسمعت انو الناس امتنعو عن استخدام الخليوي يوم واحد لمدة 24 ساعة.مشان تنزيل السعر و مشان الاستجابة لتوفير الخدمات الخليوية.و بعد يوم من المقاطعة.استجابت الشركة و خضعت.بقا ليش مال بتعملوها ؟خليكم زلم لشي مرة وحدة بس
usa
سوري مغترب2007-10-14 18:09:09
السعودية
انا عايش بالسعودية وكل العروض اللي عنا بتطلع اول شي للفواتير، واذا طلع عرض متل اللي كان من فترة هوي اذا بتشحن خطك ب300 ريال بتاخد450 ريال (150 ببلاش) فيني شرج خطي الفاتورة ببطاقة مسبقة الدفع واحكي من من الرصيد واستفيد من عروض مسبقة الدفع واللاحقة الدفع مع بعض قديش بدنا ليصير عنا هيك؟ بركي على الجزء الثالث من باب الحارة ابوشهاب بيتواسطلنا قولو انشالله
-سوريا
ghareb2007-10-14 17:39:19
صاحب حق
اعذروني لصراحتي ولكن هي سرقة ي وضح النهار كيف تحسب الثانية دقيقة يعني اذا تكلمت ثلاثين دقيقة ومع كل دقيقة ثانية سوف ادفع قيمة ساعة كاملة هذا ظلم وانا من منتسبي خدمة الجوال منذ ثماني سنين ومن اول ما نزلت الخدمة وهم يحسبون بالثانية ليش عنا المواطن مهدور دمه دائما باعذار واهية وغبية ولا تمت للحقيقة بصلة الا تكون هذه سرقة ويجب مقاضات الشركة بدون رحمة
السعودية
حكيم2007-10-14 17:24:19
المشغل الثالث للخليوي الشام القابضة
لا تستغربوا التأخير عن أعلان المشغل الثالث لئن شركة الشام القابضة(المشغل الثالث)كان بحاجة الى وقت لترتيب الشركة وفبركتها وقريبا سيعلنون عنها؟؟؟ السؤول هنا لماذا فقط مشغل ثالث ولا يكون العدد مفتوح للعرض والطلب لمصلحةالمواطن أم أن الأحتكار اصبح سمة لهذا الزمن في البلد الذي حارب الاحتكار والمحتكرين طلية 40 سنة
-سوريا
حباب2007-10-14 17:23:30
المشكلة أنو..........
المشكلة يا جماعة أنو اخوانا الوزراء كل واحد من بيناتون سيارتو تحت... فمابعرف مشكلة المواصلات. وموبايلو ببلاش وحتى ما بيعرف شو شكل الفواتير أصلا يني أخونا بالله مالو عرفان عن شو عم يحكي بكل الحوال متل هالوقت سنة3007 أمورنا رح تنحل ان شاء الله ولا يهمكون بس لو بيصلحو سياراتون وبيدفعوا فواتير من جيبون كنتو شفتون عم يزحفو زحف هال....
-أمريكا اليونانية
طارق النذر2007-10-14 17:15:44
لا تعليق
نتمنى ان تكون بادرة خير على الطريق الصحيح وان لا تكون على سبيل الزكاة وان تكون هناك خطوات لاحقة مثل المشاركة الاوسع التي تحقق المنافسة التي تخدم المواطن
syria
متخلفة2007-10-14 17:01:29
بالجكارة
أنا جكارة بالشركتين وبالتالتة يلي عالطريق لهلق ما ماعندي لاخط ولا موبايل وما بتقدروا تتصوروا قديش مرتاحة ......... خيييييييييييييييي
-دمشق
همسة2007-10-14 16:41:05
إن غداّ لناظره قريب
كلنا ننتظر دخول المشغل الثالث في ال2008 و ذلك وفق شروط عقد البي أو تي الموقع مع أم تي أن و سيريتل و الذي يخول بأعطاء رخصة لمشغل أخر للمنافسة ... هل المشغل التالت بأذن الله رح يخلي في شي أسمو منافسة ...يا الله يا جماعة ..هانت بكرة بيدوب التلج و بيبان المرج...وانا مع الأخوة الذي يدعون بالمقاطعة للشركتين...
Shadow land
محمد2007-10-14 16:33:53
ولماذا بعد العيد ؟
يعني أنا توقعت أنو يعلنوا تطبيق المحاسبة على الثانية مع تخفيض المكالمة مثلا إلى وحدتين أو ثلاث وحدات قاموا بعد كل هالوقت طلعولنا بعشرين بالمية ، بعدين قاعدة تسويقية ما في خلاف عليها و هو أن تنزل أسعار الخدمة ثم يزيد عدد المشتركين مو العكس ( وهو اللي صار بالدول التانية نتيجة المنافسة الشديدة ) يلي حتصير إذا دخلت شركة تالتة
-حلب سوريا
طالب جامعي2007-10-14 16:16:19
خطوة غير جادة 2
وأخيراً: أنا مع المقاطة وبتمنى يتم تخصيص موقع الكتروني على الانترنت لمقاطعة شركات الخليوي .ليتم تخفيض أسعار خدماتهم تنبيه : المشغل الثالث للخليوي هو متل شركات الانترنت الخاصة عنا(لا تتفائلوا) كلون متل بعضون ورح يكون المشغل التالت تابع لسيريتل وام تي ان واللي بيأكد هالحكي ام تي ان دخلت السوق السورية مو من زمان وما عملت شي وما رح تعمل كمان
-طبعاً سوريا
ابن الشام2007-10-14 16:12:35
مدروسة
في العام 1998 قال لي أحد المطلعين على الاقتصاد السوري والبنك الدولي أثناء مجريات حديث .. أن بين يدي قاطني دمشق لوحدهم 2.5 مليار دولار كاش .. هل استغربتم أم لم يهمكم الأمر يعني عادي .. حسنا فكروا لماذا يجهدون أنفسهم بمثل تلك الاحصائيات .. فكروا بإتجاه البنك الدولي ولماذا يدحش أنفه بإقتصادنا ؟؟!!
-بلاد آرام
مروان2007-10-14 16:14:02
ياخسارة يابلد
أين مجلس الشعب أين ممثلينا. نحن ضحايا شركة سيرتيل ووزير الاتصالات فكلاهما متفقين علينا كشعب لكن مجلس الشعب غير موجود فياخسارة يابلد. الوزير داعمه صاحب سيريتل رغم آلاف مشاكل الاتصالات وتخلفها والثمن معروف وندفعه نحن. نرجو أن يتدخل السيد الرئيس لحل هذا التحالف لمصلحة الشعب وإلا سنفقد الأمل جميعاً بهذا الوطن
-
طالب جامعي2007-10-14 16:14:44
خطوة غير جادة
أولاً: شكرا لوزير الاتصالات لجهوده تانياً : سيادة الوزير إذا فعلن عندك نية تخفض أجور المكاملات وما عندكون سلطة على شركات الخليوي نقصو شوية من حصة أرباح مؤسسة الاتصالات ورح يمشي الحال ثالثاً : بالنسبة لاحتساب كلفة الاتصال على أجزاء الدقيقة أنا مو مصدق أنو الشغلة شغلة نظام فوترة إذا كانت هيك طيب ليش الأنترنت بالموبايل بيقتطع وحدات حسب حجم المواقع
-طبعاً سوريا
aboud2007-10-14 15:52:46
اي قاطعوا
يلا حلال عليكون ، قاطعوا وفرجونا حالكون ، مو التلكون انتو شعب بس شاطر بالحكي والعلاك ، لك ما حدا منكون خرجوا يقاطع ، واذا حسنتو بتجمعولكون كم واحد ، بس كلو عالفاضي ما بيطلع شي بايدكون بقا حاجتكون مسخرة يا جماعة
-syria
bshar2007-10-14 15:48:37
راس غليص
على فكر هلق تفكر شركات الموبايل انها جايبة راس غليص
سوريا الغالية
Mr tf.....2007-10-14 15:42:39
tfo.....
والله المليارات اللي عم تساويها سيريا تل و ام تي ان من جيوب الناس لازم تعطيهم اقل شي 6 اشهر بلاش حاجة بقى تلبسة على العالم
-usa
wkgunner2007-10-14 15:40:30
ماشي
رح نقول والله صارت سنة الفين و زبط البلد، شو رآيكن يا شباب انو انا عم ادفع ٤٠٠ ليرو بالشهر (رسم توقيف الخدمة) لان انا بلندن!!!! كل هاد مشان يضل الخط لالي يلي جايبو ب ٦٠،٠٠٠ صرلي ٦ اشهر مانزلت و رح انزل عل اخر السنة ولازم ادفع ٤٠٠*٨ = ٣٢٠٠ مشان شووو
-London ,UK
ابو عبدو2007-10-14 15:12:39
الله يخلصنا من هالشركتين
ألم تلاحظو أن هذا التخفيض الهائل سوف يطبق بعد العيد !!!أي بعد موسم التهاني . ُم لماذا هذا التوافق في العروض أشعر و كأنهم متفقون علينا. ألا تشاهدون التخفيضات في مصر و السعودية
-سورية
M!Nε C0DεR2007-10-14 15:09:56
طاير عقلي من الفرحة 2
"وأن ما يمنع تطبيقها على الواقع هو أنظمة الفوترة التي لا تسمح لك بهذا الأمر و يتم تحديثها حاليا" معناها نظام الفوترة عنا فاشل !! لأنو نظام الفوترة لازم يكون مرن و بيقبل أي تغييرات او تعديلات جديدة !! أي نظام فوترة بيتم تصمميمه بحيث نقدر نعدل أي خيار فيه بدون ما نضطر لاستبداله... الشغلة شغلة خيارات و بس و الموضوع ما بيحتاج تحديث شي !!!
-!N Uя Pc
فهمان ومكشوف عنو2007-10-14 15:03:27
منطلق
يا اخوان انا فهمت ليش التخفيض بس للخطوط المسبقة الدفع انتو فهمتو؟؟؟؟؟؟؟؟؟؟؟؟؟؟؟ طيب رح فهمكن يا شباب اغلب اوكامل العراقيين بالبلد معهن خطوط مسبقة الدفع وكذلك كل سائح صومالي سو ف يحمل خط مسبق الدفع اذا000000000 هذه الخطوة الذكية؟؟؟؟؟؟ظ لدعم العراقيين ومشكورين يا اخوان انا ذكي مو هيك
-سووووووووووووووو ريا
M!Nε C0DεR2007-10-14 15:03:24
طاير عقلي من الفرحة 1
"وهو العدد القليل مقارنة بالنسب العالمية التي تصل في بعض البلدان إلى 100%" معناها هالدولة كل سكانها بتتراوح أعمارهون بين ال 15 و ال 65 سنة و ما في عندون أولاد صغار و ختايرة !!! أي ليش لا ؟؟ بتصير كتير !! طيب و دولة متل البحرين و الفاتيكان اللي ما بيطلع عدد السكان 5 مليون ما فيهون خليوي ؟!
-!N Uя Pc
kjhg2007-10-14 15:06:49
,mn
صح النوم.بكير
-
مهندس حواسيب2007-10-14 14:48:44
ساعدوني نرغمهم على التخفيض
قمت ببرمجة برنامج يحول الـ missed calls الى حروف ،يعني رسائل ببلاش ،وهو حالياً يعمل للنوكيا فقط ،اسم البرنامج Tawfik Dialer ... للتجريب أو المساهمة بالبرمجة ، حمله من موقع www.getjar.com .
سوريا
مواطن مقهور2007-10-14 14:30:23
عوجة رغم كل الوعود الوهمية
انا خوفي ان تكون شركة الاتصالات الثالثة تابعة في ملكيتهالنفس الشخص الذي يمتلك الشركتان السابقتان يعني ( رامي مخلوف )بيكون مطرح ما......شنقوه.. وبعدين شو هالتعديل في النظام الذي يحتاج لأكثر من سنةمن اجل احتساب اجزاء الدقيقة ارجو نشر الخبر من اثبات الحرية في التعبير عن الرأي وشكرا
-السعودية
أم كامل2007-10-14 14:37:47
مشاركة الهواء
عندما كنت صغيرة كنت أسمع من جدي مشارك الماء لا يخسر وشو بدو يقول اليوم لوطلع من قبرو مع مشاركة الهواء
-سوريا
اكثم2007-10-14 14:23:21
لازم يخفضوا اكثر بعد
يا جماعة اني عايش ب روسيا ! والله ما بتصدقوا رخص اسعار الاتصالات: سعرالsms بالعملة السورية: 45قرش سوري والاتصال كمان! وجميع هالخدمات متوفرة واسعارها جدا معقولة!
-روسيا
الشيخ مرعز2007-10-14 13:37:50
حسره عليها وحسره عليها
الخط هون بدرهم عند شركة du والحكي بالثانيه والعالم مو عاجبه بتقول انه التغطيه مو كويسه لذلك عم يدللوا وبيدفعوا زياده وياخدوا خط شركة اتصالات مع انه الحساب بالدقايق بس مع ذللك رخيص وخصوصي بالنسبه لدخل الفردومع انه تغطية du احسن من تغطية التسعينات من القرن الماضي 93/94/95/خشبه وتسعين
-امارات العز
بلا ولا شي2007-10-14 13:38:10
أنا مع السيد المقاطع
أضم صوتي للاقتراح الذي تفضل به السيد المقاطع ... شوو رأيكن نقاطعهن بس شهر و شوفو كيف بيصيرو .. لنشوف مين المحتاج الثاني اكثر ..بعدين و الله يعني فرحناا كثير بالخبرية, يعني ضاربينا منية؟مثل المنشار بيشفطو على الروحة و الرجعة.والظريف انواول مااسمعت الاسم الجديد ام تي ان تبادر لذهني فوراً تي ان تي .....يعني تي ات تي للجيبة فعلاً .
-سوريااااااااااا
صبحي2007-10-14 13:40:28
الى السيد الوزير
هل تدفعنا الى الاعتقاد بان شركات الاتصال في بنغلادبش تحاسب على الدقائق وليس على اجزائها, ام ان القرار هذا خارج الصلاحية, الخبراء السوريين الحقيقيون خارج الوطن وأنت أكثر العارفين بهذا الشيء
-سوريا في العطلة الصيفية
مستغرب2007-10-14 13:37:22
شلون هيك ؟
كل شركات الاتصالات بالعالم بتدلل مشتركينها القدامى واللي عميدفعوا اكثر من غيرن،بقا شلون عنا حابين ينفروا الزباين المحرزين؟انا بقلكن شلون،لانو الخطوط لاحقة الدفع بتمثل اكتر من 50% من ايرادات الشركتين(حوالي مليون خط)،اما النسبة المتبيقة من الايرادات فيسهم بها 4 مليون مشترك مسبق الدفع،فعلى اساس مشان يخفضوا لاكبر شريحة مشتركين،بس هدفن انو ما تتاثر الايرادات
-الشام
aboud2007-10-14 13:29:37
حاج بقا ..........
اصلا انتو شعب ما بيلبقلقون شي ، لك وحياتي محل هالشركات لا بخفض ولا شي لأنكون شعب غرار وعالفاضي وأصلا منون مضطرين الشركات يخفضولكون الاشتراك واللي ما عاجبوا السعر يبطل اشتراكوا ولا يعلك عالفاضي ، كتر خير الوزير عمرو سالم ، أصلا هو يمكن احسن وزير عدا لعنا بسوريا .
syria
شكري2007-10-14 13:21:00
حضارة السحفاة
نحن وأخيراً الدماغ إشتغل شوي وحضارتنا تمشي على خطـى السلحفاة لبين ما نوصل للمطلوب راح يطلع العالم للقمر ونفرح ها ها ها ها
-
سوري من روسيا2007-10-14 13:03:43
مسخرة حتى اشعار آخر
نظل ف آخر الركب حتى يوم القيامة احيانا تدور نص البلد ولاتعثر على تلك البطاقة التي تدفع سعرهافكيف لو كانت ببلاش؟ هنا في مكان في الشارع في المحلات والاسواقق ليلا نهارا يمكنك تعبئة تلفونك اما عن السعر فحدث ولاحرج
-Russia
فادي2007-10-14 12:53:17
شكرا جزيلا .. الهوا صار بمصاري
ياسيدي الكريم، في سؤال واحد للسيد الوزير، هل تدفع عذه الشركات الضرائب؟ في الدول الأكثر تقدما يعتبر ياسيدي الوزير قطاع الخليوي بنفس اهمية قطاع النفط لا بل أفضل لأنه لاينضب. و رأي أن تكون الإستفادة من هذا القطاع 100% لكافة شراح الشعب السوري و ليس لبعضها عندما ـامم الدولة هذه الشركات الإحتكارية الناهبة للإقتصاد الوطني.
-ألمانيا
ثبت الجنان2007-10-14 12:49:53
نهب وقهر المواطن
لسا الشباب ما فكروا بحساب الوقت عالثانية معقول يعني ليش ؟خلي هالمواطن يموت ، بعدين قال أنو عدد المشتركين 25 بالمية مشان هيك الأسعار مرتفعة يا سلام على هالتحليل اذا سألنا ولد صف اول وقلنالو ليش نسبة المشتركين منخفضة بقلك لانو الاسعار عالية انتو خفضو الاسعار وشوفو كيف بترتفع النسبة ولا كل شي بالمقلوب ببلدنا وكلو اعوج ؟؟ آه من القهر آه
-
طقو موتو2007-10-14 12:37:23
طقو موتو
انا بالمانيا عندي خط 700 ليرة بالشهر مع موبايل بي سي بوكت مع شبكة وي في وبرنامج تحديد المواقع جي بي اس مع خطين ارضي وموبايل ومكالمات على كل التلفونات الارضية بالمانية ب2ليره بالدقيقة وفرجونا شو لح تسووا تخفيضات
-.
MUOATEN2007-10-14 12:36:58
SECONDS
أغلب دول العالم تتبع نظام الثواني و قد مللنا من التعليق و ذكر هذا الموضوع ـ تصطفلو
-OUT OF SYRIA
محمد2007-10-14 12:35:35
لن تكون تكلفة الاتصال مقبولة جدا ياسيادة الوزير
لايزال هناك العديد من الخطوات اللازمة ليصبح السعر قريبا من اسعار البلدان المجاورة لعل الشركة الثالثة التي ستدخل السوق تجبر الشركتين على مثل هذه الخطوات اذا كانت الوزارة مخلصة للشعب وحقوقه
-سورية
محمد2007-10-14 12:32:14
خطوة قصيرة جدا ومتأخرة جدا
لايزال اما شركتي الخليوي ووزارة الاتصالات الكثير من الخطوات المشابهة من اجل الوصول لكلفة عادلة للمكالمات الخليوية
-سورية
طبيب2007-10-14 12:26:38
تعرفة الخلوي
وجاء الرد لايمت للشكوى بصلةوانحصر حول ان الشركات تحسن خدماتها ومابعرف شوكمان يعني شي بيجنن وبعد قليل سارسل لكم نص الشكوى القديمة الجديدة مرفقا برد السيد الوزير مع احترامناالشديد له ولسيريانيوز
-سوريا
مستغرب ثاني2007-10-14 12:21:30
بالمقلوب
الغريب انو بكل العالم منطق ال"البزنس " بيقول أنه الزبون اللي بيدفع أكتر بيتدلل أكتر و بيحصل على امتيازات اكتر من غيره بس عنا بالعكس , كيف ؟؟ أنا اشتركت وقت كان بعشرين ألف ( يعني هدول دفعناهم سلبطة ) و فاتورتي ما بتنزل عن الف و خمسمية ليرة بالشهر بينما المشترك بالمسبق الدفع بيحصل على مزايا أكتر مني مع أنه دفع ثمن الخط مائة ليرة فقط. مو عجيبة هي
-سوريا
طبيب2007-10-14 12:12:23
تعرفة الخلوي
ياحبيبي والخطوط من شو بتشكي ليش الكيل بمكيالين متل الامبريالية يلي طول عمرنا بنكرها وبنحاربها ثم وين العدل والمصداقية حتى الشبكة مش هالقد 0والعام الماضي قدمت شكوى مفصلةلمجلس الشعب السابق حول احتساب اجرة المكالمة ع اساس اجزاء الثانية طالما هناك عدادات اسوة بكل خلق الله وانه كم هناك غبن للمشتركين ع الاحتساب الحالي وتحولت الشكوى للسيد الوزير واخيرا جاء ال
-سوريا
عمرو سالم2007-10-14 12:18:11
نعيد ونؤكد
قضية احتساب التعرفة الخليوية على أساس أجزاء الدقيقة قضية محسومة وموقعة مع الشركات وأن ما يمنع تطبيقها على الواقع هو أنظمة الفوترة التي لا تسمح لك بهذا الأمر و يتم تحديثها حاليا".
-سوريا
Leo2007-10-14 12:09:45
تأكدوا تماما
لو سمحتوا ...رح خبركم شي أنا متأكد منه لأني بشتغل بإحدى الشركتين.... أول شي حاج يقول وزير الاتصالات انو موضوع التخفيض وتعديل الاسعار هو أمر متعلق بسياسة التسويق بالشركتين.. قولوا له: لأ يا حبيبنا..المؤسسة العامة للاتصالات والتي تعتبر ممثل الدولة في شراكتها مع الشركتين لها 40% من صافي أرباح الشركتين وهي طبعا مو حاطة شي برأسمال الشركتين(يعني شريك مضارب)
-سوريا
مسافر2007-10-14 11:56:03
وين التانين
المسبقة الدفع خفضوها يكتر خيرٌٌٌُ ولاحقة الدفع إمتى يعني هنو الزناكيل رحت على امريكا لاتصلات هنيك ياشباب بتنحسب باالسنت يعني على عملتنا بالفرنك السوري
-سوريا
سنفور2007-10-14 11:42:58
100 ب 100
مع الاحترام البالغ لكلام السيد الوزير ,, بس ممكن يذكرنا الدول التي يصل فيها مستخدمي الخلوي 100 ب 100 يمكن نستفيد من خبرتهم و نعمم تجربتهم على مجتمعنا ,,بس خايف من طفلي ما يعرف يستخدم الموبايل لان عمره سنه واحده
-سيريا
سوري مقاطع2007-10-14 11:33:38
المقاطعه هي الوسيله
ان افضل وسيله لاجبار السشركات على تحسين خدماتها و تخفيض اسعارها . هي مقاطعه الشركات ولو لمده شهر واحد وسوف ترون كيف ستسعى هذه الشركات الى تقبيل ايدي المواطنين لشراء البطاقات وباسعار معقوله و تتطابق مع الدخل ,, فلماذا تشتكي ولا تستطيع ان تفعل
-سوريا
أبو علي الواحاوي2007-10-14 11:32:26
ماع ماع
يا جماعة شركات الخليوي بهالبلد عم يتعاملوا معنا وكأننا قطيع من المواشي يعني كل ما بيشعروا أنو الناس ماعاد ألن صبر على فواتيرهن بيرمولنا شوية فتات من التخفيضات الوهمية
-سوريا الأسد
فرحان المهاجر2007-10-14 11:04:18
طقو موتو
أنا بفرنسا بدفع 10 يورو بالشهر وعندي مقابلها موبايل آخر صرعة و انترنت على الموبيل 24 ساعة باليوم و مسنجر و اذا بحكي بحسبولي على الثانية و الدقيقة بخمس ليرات
-فرنسا موبل
abu sham2007-10-14 10:40:01
اين المنافسة
السؤال المهم هنا اين قوانين حماية المستهلك وقوانين منع الاحتكار. الاسعار في الشركتين واحدة والخدمات المقدمة واحدة, اذا اين المنافسة
-Denmark
مستغرب2007-10-14 10:35:55
حجة ربع عدد السكان مستهلكة و مستهجنة
في مصر عدد السكان 80 مليون و المكالمة تحسب على الثانية مع العلم أن عدد مستخدمي الموبايل لا يصل لعشر عدد السكان - و لا ننسى أن مصر صنفت أرخص بلد عربي بخدمات الانترنت السريع التي ما زلنا نحلم بها - ملاحظة أخيرة كان ينبغ مع بداية عام 2008 أن يكون مشغل ثالث و لكن نضع مليون إشارة استفهام على ما تم من تأخير متعمد ينبغي أن تتم مساؤلته من قبل مجلس الشعب
-سوريا
وائل2007-10-14 10:29:36
الخليوي رافد الاقتصاد
انا بضم صوتي لسماح واطالب شركة الخلوي بمكافئة السيد الوزير
-سورية
Abu GhaZi2007-10-14 10:22:51
نيالنا
وبالنسبة للتخفيضات أنا قلت بدون يشغلوا الثواني او تصير بليرة او ليرتين الدقيقة او عالقليلة الـ400 ليرة اللي عم تروح لإخواننا بفلسطين مدري العراق الللللله أعلم يشيلوهابس تاري الفرحة أكبر من هيك شالولنا ليييييييييرةةةةة ... حق مسكاية يعني فرقت معنا بالشهر أكتر من 50 ليرة بالشهر.. يا سلااااام شو هالنعيم يا شباب احمدوا ربكن على هالنعمة هلأ صار فيكون تتزوجوا
سوريا
سعيد بلا بشر2007-10-14 10:19:15
آطعوا الله يئطعكون
حاجتكون تعليقات بلا طعمة ( بدل ما تقلها كش اضربا اكسرلا رجلا ) بدل ما تسم بدنك بالتعليق خفف استعمال الموبايل أو قاطع , كل عيلة عندها عشرين موبالات وعم يعلقوا ومزعوجين , كيف بدا الشركة تخفض وانتو هاجمين متل النحل على الموبايلات , هيك شعب بدو هيك شركات ! أنا مقاطع ومطلبي الأول الغاء ال 400 ل ولا أحب الوحدات في الموبايل طبعا !!
-سورية
Abu GhaZi2007-10-14 10:21:07
انتبهوا
يا أصدقائي الأعزاء في شغلة يمكن ما حدا عم يدير بالو عليها.. لما نروح ندفع الفاتورة عم يقلولنا 2590 فرضا عم يقطعوا 2600 صح ؟ بقى هال10 ليرات فاتت عالصندوق واعتبوا بس 2000.000 مشترك دفع الـ10 ليرات اذا مو أكتريعني عنود بالصندوق في عشرين مليون ليرة مو الون..نحنا عطيناهون ياهون بشهر بس يعني هي النصبة عينك عينك انتبهوا منيح ولا تعطوهون زيادة وكتروا فراطات
سوريا
مذكرات وطن2007-10-14 10:01:24
كل عام وانتم بخير
طالما ان الاحتكار موجود فستبقى الامور سيئة والخدمات ادنى من باقي الدول والاسعار مرتفعة جدا
--
علي2007-10-14 09:19:02
كلام غير دقيق
هناك دول عدد سكانها لايتجاوز مليون وعدد المشتركين فيها لايتجاوز 1.5 مليون بما فيها الوافدين ولديهم حساب بالثانية. اذن الكلام غير دقيق حول حجم المشتركين. كما أن تركيب اي نظام فوترة لاتحتاج لأكثر من ثلاثة أشهر وبالتالي السيد الوزير مع الشركتين وليس مع المواطن. تماما كما فعل بتاخير دخول المشغل الثالث سنتين ولم يعلن حتى الآن اكراماً لعيون سيريتل وليس لمصلحة
-
20 بالمية ..رقم يوحي بالرعب. !!2007-10-14 09:15:53
عيب عليكم ( سرقة تل+أريضة)...
عند اللي بيجو ع حالن وبسيفئوك منية انن خفضوا ..بتصير الوحدة الواحدة إلها قيمة عظيمة ..وعند اللي بتنضرب ع قلبك وبتحكي دقيقة وثانية ..بتطير الدقيقة التانية..والتعامل كله بحزم من ال( عشرات) من الوحدات ..هلأ صار يسقئونا منية على الوحدة الواحدة وصار لها قيمة..ياعيب الشوم بس مو الحق عليكم ..
-ومعروف بالقطارة ..قال وحدتين قال!!
كرمو2007-10-14 09:15:24
السيد الوزير
ياريت السيد الوزير ان يستطيع!!! ان يسهل دخول احدى الشركات التي تصنف بالعربية ( مثلا\" اتصالات )ليشوف بعدها كيف تكون التخفيضات و الخدمات!!! التي تتغنى بهما اليوم سيريا تل و م ت ن!! **
-دمشق
حدا2007-10-14 09:08:06
حاجججججججججججج
لك انتوا ما بتقدرو ابدا، لك بصير تخفيض ولسا ما بعجبكون شي، خيو على مهلكون اشوي اشوي، دايما تاخدوا موقف الهجوم. طيب معقول حدا يخفض من اول مرة 80%، هي المرة 20% واشوي اشوي للأحسن. يعني بس الخليوي هلا غالي ليش ما بتحكو على كيلو البطاطا اللي سعرها 50 ليرة؟؟؟؟؟ بعدين عنا كل شي غالي مو بس الخليوي، منشان هيك روقوا يا جماعة
-Syria
كرمو2007-10-14 08:29:01
السيد الوزير
كنت اتمني لو ان السيد الوزير شاهد في القنوات الفضائية العربية لدعيات الهاتف المحمول و للميزات الكثيرة التي طرحت بالاونة الاخيرة. من جهة الخدمات و الميزات الحديثة التي طرحت و ان من جهة الاسعار التي تنهار بسرعة و التي هدفها جلب و جذب اكبر عدد من المشتركين!! علما" ان دخل الفرد في تلك البلدان لا يقارن معنا" بتاتا"!!! بكل الاحوال المشكلة عندنا أصبحت مكشز
-دمشق
محمد2007-10-14 08:30:04
النسبة في بعض البلدان 100 بالمئة
هذا يعني ان كل السكان لديهم اشتراك في شبكة الموبايل حتى الاطفال الذين يرضعون .... ان النسبة في أحسن الدول لا تتجاوز ال80 بالمئة في دول مثل اليابان و لوكسيمبورغ
-سوريا
رحمونة2007-10-14 07:39:51
متل المنشار
نحنا بالعيلة منتعامل مع كل شركات الاتصالات جوة وبرة ...والنتيجة وحدة ..ضحك على اللحى واستخدامنا الموبايل ضرورة موترف .يعني الناس مشتركة مو مشان المزايا ..
-سوريا الحب
باسل2007-10-14 07:24:05
غير معقول
يجب ان تجبر الشركات على المنافسة بخدمة المشترك وليس الاتفاق ضد المشترك وبعدين نظام الفوترة على اساس الثواني مطبق في معظم دول العالم فشو يا وزير الاتصالات؟؟؟!!!كفى استهتارا بالمواطن
-سوريا
مراقب مستقل2007-10-14 07:13:49
خجلانين يقولوا الحقيقة
يبدو أن التخفيض لايشمل الرسم الشهري، وما خفي أعظم، لذلك لم يتم الإعلان عنه بشكل واضح
-Syria
anas2007-10-14 06:15:00
كتر خير لله
الحمد لله يلي صار عنا تخقيضات مع انو العالم كلو عم يغلىوما في اي شي عم يرخص بكل العالم الا المواطن العربي، بس كانو شعبا شو ما صار تخقيضات بيضل بينق بدو ياها ببلاش مع انو الموبايل بسوريا ارخص دولة عربية مو نفطية
-syria
محمد2007-10-14 05:44:35
حزوره-- بس الجواب صعب كتير
يا حزركن, من هي الشركه اللتي سوف تدخل السوق العام القادم؟؟؟؟؟؟و مين بكون صاحبها؟؟؟؟؟؟؟؟؟
-Ro
سماح2007-10-14 05:39:52
وزير رائع
شكرا للسيد الوزير دعمه اللا محدود لاحدى روافد اقتصادنا الوطني وبما انو رح يستمر كما عودنا دائما بهذا الدعم فانا اطالب بمكافئته على جهوده لأنو لازم نقدر انو وزير متميز عن بقية الوزراء
-بريطانيا
بشرى2007-10-14 05:28:30
هه هه هه هه ,, عنجد !
يروحو يشوفو شركة موبايلي والجوال شلون بيعملو التخفيضات بعدين يعلكو ويقولو تخفيضات الله يخفضن لقرار جهنم على هالنصب وبس متل وقت شالو 200 ليرة من الاشتراك الشهري وشالو معها ال 50 دقيقة المجانية واريضا بقى حاج ضحك عالعقول يا ريت تجي اتصالات او موبايلي ياخدو عقد الاتصالات بسوريا ونخلص من التشليح بقى حسبي الله ونعم الوكيل وبس !
-سورية بالسعودية
Blue System2007-10-14 05:10:18
كيف بدنا نتمسخر عالعالم مين عندو شي فكرة .. تخفيض
يعني المواطن الطبيعي بيبعت باليوم رسالتين كمعدل يعني خفضوها لحملة الخطوط اللاحقة ( الزبائن الدائمة) بمقدار ليرتين يوميا ما بتستحو والله ما بنستاهل والله نحنا اشرف شعب ليش هيك حرام والله حرام والله لو يعرفو رجال واحرار سوريا القدماء انو لهون بدا توصل ا لحكاية ما كان في كاتب حكي عن باب الحارة؟ عم يتمسخرو علينا ونحن اشرف شعب وطني
Tartous-Syr
الطنعشري2007-10-14 04:39:53
زعلت من قلبي
"وكان سالم أقر بارتفاع تعرفة الخليوي , وأرجع هذا الوضع إلى أن عدد المشتركين بالهاتف الخليوي لا يزال بحدود 25% من السكان وهو العدد القليل مقارنة بالنسب العالمية التي تصل في بعض البلدان إلى 100% " يا حرام بس 25% ؟؟ شباب لازم كل واحد منا يشتري لجدو وستو وأولادو وأحفادو موبايلات حتى تصير النسبة 100% وترضى علينا شركات الخليوي . شدو الهمة منشان يلحقنا تخف
-سوريا
بطاقة مسبقة2007-10-14 04:35:26
شو بدنا أكتر من هيك
نزلت دمعتي من الفرحة
-عالم الوحدات
مغترب سابق2007-10-14 04:29:53
وهم 2
وماسر عدم وجود عروض على الخطوط؟ فمثلا خط الزائر يختلف في تسعيراته عن خط الطالب الذي يختلف بدوره عن خط رجال الأعمال فمنهم من يتصل على الأرضي أكثر ومنهم من يتصل إلى الشبكة الأخرى أكثر وهكذا. لماذا لا يوجد إغراءات من شركة معينة تجذب مشتركي الشركة الأخرى أليها؟ لماذا سعر الدقيقة ضمن الشبكة لايقل عن الدقيقة إلى الشبكة الأخرى؟؟ هل من مجيب؟
-سورية
مغترب سابق2007-10-14 04:23:48
وهم 1
يخيل للمواطن الواعي أن وجود شركتين خاصتين للخليوي في أي بلد يسكنه البشر الأسوياء يؤدي إلى حصول منافسة في العروض والأسعار تصب في النهاية لمصلحة المستهلك.. ماسر عدم وجود هذه المنافسة بين شركاتنا؟؟ ولماذا الاهتمام البالغ باحتساب أجزاء الدقيقة في حين أن تكلفة الدقيقة الواحدة مازالت أعلى من أي بلد آخر غني أو فقير - متطور أو متخلف؟
-سورية
Game Over2007-10-14 04:25:12
شهرين وبيمضو
لك كلن شهرين وبيمضووأول شركة اتصالات خليوي رح تنزل عالبلد رح اشتري من عندا وسلمكن خطكن اللاحق الدفع ببلاش مابدي ياه دافع حقو 20000 الله يسامحكن فين لك حيلا شركة انشالا بكون اسما هوب هوب رح اشتري من عندا
سوريا
محمد مرعشي2007-10-14 04:20:05
يكتر خيركون والله
يعني على حد علمي بان كل شركات الاتصالات العالمية تكلفة ال text هي الى حد ما شي رمزي الا شركاتنا تسعيرة المسج فيها هي اغلى من المكالمة العادية ....فيا لها من بادرة جميلة بتخفيض هذه النسبة 20% متشكرين جدا
syria
محمد2007-10-14 04:01:38
ممتاز
قال خفضوها 20 % يافرحتنا اي بكرا بيرفعوا ضريبة الانفاق الاستهلاكي ال10 بالمية يعني بيعطوك باليمين بياخدو منك باليسار خبر كتير حلو يعني نحن انفتقنا من الفرح
-
لحظة رواق2007-10-14 03:59:39
شو هلمسخرة
معقول يخفضوا التسعيرة على الخطوط المسبقة و ليست اللاحقة !! عن جد شي مقرف و الله صرت أتقزز من دعاياتهم بالشوارع هنن وهلعالم تبعين سنان بيض علفاضي .. بعدين هللأ 4 ملايين و نص مشترك مامعبيين عين وزارة الاتصالات !! و الله شي بيزعج
-سوريا
ابن سورياا2007-10-14 03:58:59
للاسف ,,,,,,,,,,,,,,,,,,,, مافي اهتمام من الدولة
هادي قرارات فاضية متفق عليهاا بين الشركات ولا قرار في شركات الخليوي من وئت يلي وضع في سوريافاد المواطن والدولة كافة نظر عنهم شوووووفو شركات الخليوي في مصر الدقيقة في مصر بي ليرة سوري ومن بعد الساعة الثانية ليلا مجانا مجانا ونحناا شركات الخليوي عم تتفق على المواطن والدولة عم تتفرج لكان ليش هي دولتنا مو مشان تحمينا من الابتزاز الاقتصادي.....
-هارب من الاحباب
محمد2007-10-14 03:59:21
عكس عكاس
نسبة المشتركين منخفضة لأنو الأسعار مرتفعة مو بالعكس!!
-سوريا
ابو العبد2007-10-14 03:48:28
وهو كذلك
يا حبيبي خللي الي عندو ملحق الدفع يطالع الفرق منو الشركة
syria
الأدعشري2007-10-14 03:44:51
له له كتير هيك
يعني هيك كتير والله خجلتونا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما بنا منيتكون رخصو لشركة تالتة حقيقية متل اتصالات حتى تورجيكون العروض علا أصولا وهلأ لح روح ألو لأبو شهاب مشان يعطيون رخصة وازا ما رضي لح ألو لأبو عصام يقنعو
-وجهان لعملة واحدة بدنا شركة تانية مو 3
باسم2007-10-14 03:37:15
زبون طيار
اصغر تاجر بالعالم (( لك ابو البسطة )) بيعرف يميز بين الزبون الدايم (( لاحق الدفع )) او الزبون الطيار (( مسبق الدفع )) وطبعا الزبون الدايم لازم يستفيد من كل العروض . انا من جهتي لا تعملولنا اي حسم بس شيلولنا هال 400 ليرة السلبطة يلي ما بعرف شو طعمتها ولوين رايحة
-سوريا
عاشق الزفت2007-10-14 03:38:30
مسخرة
شهيتونا الشحادة... تخفيض بهوي
--
أحمد بركات2007-10-14 03:28:22
دائما سيرياتيل" و"إم تي إن سورية
دائما الشركتان سيرياتيل" و"إم تي إن تتخذان نفس القرار في نفس اليوم ونفس اللحظة والتخفيض فقط للخطوط مسبقة الدفع يعني ياشباب اللي مشتري خط لاحق الدفع فورا بيعوا واشتري مسبق الدفع يعني على اساس مشتركي الخطوط لاحقة الدفع جيوبهم مليانة مصاري والله شي عجيب
-دولة اللاسلكي
unlimited2007-10-14 03:27:29
يا سلام
وليش ما في عالفواتير تخفيضات ما استفدنا شي عالفاضي
-القامشلي
طرطوسي عالعضم2007-10-14 03:18:17
عيدية حلوة
عيدية حلوة عيدية حلوة عيدية حلوة عيدية حلوة عيدية حلوة عيدية حلوة عيدية حلوة بس يا ريت تدخلو خدمة الأنترنت بشكل متل الخليج يعني مين مننا بينسى دعايات موبايلي كونكت و سبعة فاصلة تنين أنشالله نشوفها عن قريب و أنا برأيي أنو القرار كلو ما كان في داعي لألو (لو طبقو النظام عالثانية كان أحسن )
-سوريا الأسد
العربي السوري2007-10-14 03:14:10
ليس هذا فقط
ليس المهم ان تنزل تعريفة الاتصال فقط 20بالمئة ولكن الاهم ان يسرعوا في عملية ادخال النت على الهواتف النقالة وبسعر مناسب ليس فقط لدخل المواطن ولكن مناسب لدخل الطالب المعتر
-سوريا
matador2007-10-14 03:08:55
الخط اللاحق الدفع
شكرا جزيلا على هذا التخفيض الذي لا يشمل الخطوط لاحقة الدفع ، علما بأن أصحاب هذه الخطوط هم الذين دفعو المبالغ الخيالية لسعر الخط بدءا من 60 ألف وحتى 1500 ، لذلك هم لا يستحقون هذا التخفيض لأن المصاري طفحانة على قلبن، هي لسا ما حكينا بالاشتراك الشهري ...ممكن توضيح عن سبب هالتفرقة، عالأقل رجعولنا الدقائق المجانية ... لحتى ما نروح للمشغل الجديد، والله عيب
-حلب-سورية
حسام عيال2007-10-14 03:12:16
BLAH BLAH BLAH
BLAH BLAH BLAH
-ما تبقى من اللاذقية
محمد الحلبي2007-10-14 03:10:38
أن تصل متأخرخير من ان لا تصل
كل يوم جديد يبرهن وزير الأتصالات عمرو سالم أنه خير وزير مر على سوريا وليس فقط في مجاله بل كما رأينا أمس في كافة المجالات وأهنئ الرئيس بشار الأسد على أختياره الموفق الرجل المناسب في المكان المناسب وأناشد سيادة الدكتور بشار أن يكثر من أمثال هؤلاء الرجال خطوة موفقة أدامك الله ذخرآ للوطن والسوريين يا أمل الأمة العربية وكل عام وأنتم بألف بخير ودمتم
سوريا الأمل
وسيم2007-10-14 03:00:45
لماذا يقدم الوزير تبريرا لشركات الخليوي
للأسف التخفيض دون الطموح ولا أفهم لماذا لا يشمل الخطوط لاحقة الدفع... للسيد الوزير, لا أظن أنه يوجد بالعالم كله بلد نسبة حملة الخليوي فيه 100 %الا اذاكان أطفال الخمس سنوات يحملون الخليويات !. أما اذا كان المقصود نسبة من يحملون الخليوي بالنسبة لمن تجاوز ل 18 سنة فأتحدى أن تصل النسبة في أي بلد لما ذكره الوزير بتبريره لجشع شركات الخليوي.
-سوريا
أبو الفـــــــدا2007-10-14 03:09:29
ياريت بلا هيك قرارات فاضية !!!
يعني التخفيض بس للخطوط المسبقة الدفع , والخطوط اللاحقة الدفع بستين جهنم ؟؟ بحب أذكر شركتي الخلوي إنو نحنا جماعة خطوط ال60000 ل.س إلنا الفضل بإنطلاق الشركتين ولازم كل التخفيضات و العروض تسري علينا أول شي قبل باقي الخطوط , روحوا شوفوا و تعلموا من الدول الأوروبية كيف بيعملوا عروض وتعوا نفذوها عندنا يا أصحاب التخفيضات الهائلة, بلاها أحســـــن !
-دولـــــة حلـــب
انسان2007-10-14 02:53:15
شيء مخزي- عروض شركات الخليوي تشبه الشحادة
عندما نقرأ خبر كهذا,ينتايني شعور بالاحباط من الطريقة التي تصدر فيها هكذا قرارات, يشعر الماطن فيها بمنية و فضل و بعد دراسة العرض يكتشف أن الموضوع مو مستاهل , شكرا للسادة أصحاب شركتي الخليوي على فضلهم و سنرى ان صاحب المشغل الثالث في عام 2008 هو أحدهم بدعايات و ألوان أخرى. والله ملينا...
-لندن
السعيد الحزين2007-10-14 02:53:17
بدون تعليق
ما رح احكي شي كلتكون تعرفوا الخليوي عنا شركتين لشخص واحد بتعرفوا شو مصايبو وشو مشاكلو*********مش هيك مشان هيك مش مستاهلة احكي شي وفهمكون كفاية
-دير الزور