syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
تعالوا نتذكر برامج التلفزيون السوري من 20 سنة ... بقلم : محمد عقيل
مساهمات القراء

بينما كنت اقلب بين آلاف الفضائيات الموجودة حاليا والتي تزيد يوما بعد يوم , عادت بي الذاكرة الى أواخر الثمانينات والى برامج التلفزيون بالذات في تلك الفترة


كان النشيد السوري يليه القران الكريم ثم برامج الأطفال من مغامرات السندباد وسندي بيل وساسوكي وغرانديزر وعدنان ولينا الخ

صدقوني كانت برامج الأطفال كتير حلوة وبريئة

ثم تبدأ البرامج التقليدية كما يلي :

برنامج طلائع البعث وفيه رواد القطر ونشاطات الطلائع سابقا

برنامج نحن الشبيبة وفيه النشاطات الشبيبة البناءة

برنامج حماة الديار وفيه لقاءات مع القطاعات العسكرية المتنوعة والتي كانت تظهر دائما سرورها وسعادتها وجاهزيتها واستعداداتها للدفاع عن الوطن

برنامج أرضنا الخضراء وفيه تفوق القطاع الزراعي والتحدث عن الجمعيات الزراعية وجودة الانتاج ومشاكل الفلاحين البسيطة

برنامج اضواء على الاحداث وفيه يسلط الضوء على الأحداث الهامة وان كان تسليط الضوء جاء متأخرا

برنامج من الألف الى الياء وهو برنامج ثقافي منوع

برنامج الثلاثاء الرياضي ويرحم ايامك يا عدنان بوظو وايامها كان ياسر علي ديب مساعد لبوظو وكان مصطفى الاغا ووجيه شويكي للعوزة

وكم راحت علينا مباريات محلية وأجنبية بفضل تقنية النقل الموجودة

بس الظاهر المشكلة مستمرة الى الآن

برنامج ما يطلبه المستمعون وما يتوفر من أغاني قديمة ونادرا أغاني جديدة

برنامج الشرطة في خدمة الشعب وغالبا ما كان فيه لقاءات مع أصحاب قضايا وسوابق كانوا دائما نادمين ويصرفون قيمة مسروقاتهم على الملذات الشخصية

برنامج مجلة التلفزيون كل خميس وانا شخصيا كنت احبه جدا لأنه يعرض مقطع صغير جدا من افلام أجنبية جديدة

برنامج نادي السينما على القناة الثانية وفيه وصف وشرح ونقد للفيلم الذي سيعرض

برنامج لا اذكر اسمه للاستاذ توفيق البجيرمي بأسلوبه وعرضه الممتع وصوته المميز

برنامج للأستاذ توفيق حلاق يتحدث فيه عن حالات انسانية واشخاص مميزين

برنامج سحب اليانصيب الاسبوعي كل ثلاثاء

كما رأيتم كانت البرامج كثيرة وكنا مجبرين على متابعتها ولا نملك الخيار الا في بعض المناطق التي كانت تستقبل محطات لبنانية ممتعة وقوية او أردنية جيدة

وفي حلب بدء الناس يضعون المقويات لاستقبال محطات تركية ورغم اننا كنا لا نفهم شيئا الا انه كان من الممتع رؤية تلك المحطات

اذكر انه يوميا كان هناك مسلسل يعرض من السبت الى الأربعاء في سوريا وكنا نعيش على أعصابنا لحتى يطلع قد ما يتقطع عرضه وخصوصي لما يكون في مناسبة وطنية وحتى كنا أحيانا ننسى شو صار

كانت دائما نشرة الأخبار قديمة وبعيدة عن الواقع

كنا نعيش بعزلة اعلامية مظلمة وقد ساعد وجود الفيديو لمن استطاع ان يقتنيه من التخفيف قليلا من سلبيات هذه العزلة

سبحان مغير الأحوال

كيف أصبحنا اليوم نحتار ونقلب بين القنوات المختلفة

ولكن بين الحين والأخر اذهب الى القناة السورية واضحك كثيرا عندما أرى بعضا من البرامج القديمة ولكن بأسماء جديدة


2007-11-01 09:20:18
شاركنا على مواقع التواصل الاجتماعي:



شارك بالتعليق
lolo2014-05-07 14:50:58
شارة افتتاح القناة الثانية الارضية
مرحبا لو سمحتو في اغنية أعتقد انها هندية كانت الموسيقى تبعا تطلع بشارة افتتاح القناة الثانية الساعة 6 المسا بالثمانينات ماعم اعرف شو اسما وكيف بدي لاقيها لو سمحتو مساعدة
سوريا
يوسف 2014-02-05 03:42:40
للذكرى
أريد وبشكل جاد عنوان البرنامج التعليمي للغة الأنكليزية وهو بالأبيض والأسود لمن يذكره وكان يبث مع البرامج التعليمية .
السويد
لولو2013-06-25 23:45:33
مين بيتذكر
ياجماعة مين بيذكر أفلام كرتون اسمو متي ووينغي كان يطلع يوم الجمعة الصبح. فتلت الانترنت كلو مالقيت شي . حابة كتير أعرف اذا إلو اسم تاني.هوي من شخصيتين وصامت ويمكن وحدة منن حلزون أو بزاقة.
سوريا
تميم 2013-03-27 01:16:57
تلفزيون سوريا قديما
ايام المحطات قديمه اجمل وامتع سؤال لقد حاولت ان اتذكر رقم المحطه الثانيه ؟ ماهي رقمها اتذكر رقم القناه الاولى 7 كانت تأتي على تلفزيون الاردني . من يذكر القناه الثانيه لتلفزيون السوري
-سوريا
سوسن2011-02-13 23:02:27
اييياااام زمااان
الله علبكم ذكرتوني بشغلات زماااااان ما حدا متذكرها من اصحابي مثل جوووورجييييي بحبها كتييير عدنان ولينا كنا نلعبها انا وبنت عمتي صديقة الطفوله (انا عدنان) متذكرين العين تسمع؟ كنت اموت منها وكانت وراها الصياد الصغير وكتيير افتتاحيات بلرامج اللاطفال الي كانو يغيروها كل 5 سنين انا وصلت وانا ادور على برنامج التلفزيون والناس وفاجأتوووني والله زمان غييير
-سوريا
هشام2010-04-06 04:44:58
الافلام الروسية
يا اخوان انا كنت من المتابعين للقناه الثانية للتلفزيون السوري (كان الانتين يلقطها في عمان)، عمومن ذكريات حلوة خصوصا الكرتون، في كان كرتون بعلم القتصاد بطريقة بسيطة كان رهيب و نفسي ارجع الاقي. بلنسبة للافلام الروسية وجدت على وكيبيديا اسم الشركه الام (http://en.wikipedia.org/wiki/Soyuzmultfilm) إيفان (http://en.wikipedia.org/wiki/The_Humpbacked_Horse_%281947_film%29) سلام
-الأردن
شادي2010-03-15 15:34:32
السويد
انا والله كان عندي عقدة من الفلم الروسي تبع يوم الأحد وكنت اكره يوم الأحد مشانه
-سوريا
محمد2010-02-15 07:50:39
الله يرحم تلك الأيام
نسيتو فرديناند المهرج يلي عنده عربة فيها كل شي مروحة بتولد كهرباء و معلق بسكليت في آخر العربة و كل حلقة كانت تختلف عن الحلقة الأخرى يمكن كانوا يحطوه يوم الجمعة و نسيتوكمان أفلام الكرتون الروسية الذئب و الأرنب عندما كان يقول الذئب "أرررررررنب أين أنت يا ملعون" بلغة عربية ركيكة و نسيتو الأخبار يلي كانت تقدمها فاطمة خزندار و مهران يوسف يلي كان يخفف دم و يقول أحيانا والآن "مع فطمة"وكانت تنئرء منه و نسيتو كمان برنامج المسابقات الألماني "تيلي ماتش" سو بدي أتذكر لأتذكر
-سوريا
سوري عتيق2009-04-30 00:21:04
وين نسيتو الفترة الصباحية
ليش الفترة الصباحية يوم الجمعةعند كانت تكون الكهرباء مقطوعة واضطر انام عند اقاربي حتى اشوف مسلسل بن بن (الكلب اللي بيدور على امه)
-سوريا
منى2008-05-23 02:19:38
إلى الأخ quasar
أنا كمان صرلي سنين عم دور على موسيقى الشارة تبع غداً نلتقي.. من وين جبتا؟؟ أو شو اسم الآلبوم؟ بتمنى تساعدني حبيب لأني رح موت عليا..زكريات :-)
سوريا
طارق2008-03-05 12:33:25
ليش اتغيرت هل البرامج
بحكم اني مالي عايش بسوريا وما عم شوف القناة الأرضية بس بظن انو اغلب هل البرامج لساتها موجودة ...
سوريا
حسام2008-01-19 22:26:03
ياريت
ياريت مو بس تفتقولنا جروحنا وبس ياريت تدلونا على شي موقع فيه كل أفلام الكرتون الطويلة القديمة وإذا ما في ياريت تلغو الموضوع لأنه القلب ماعاد يتحمل
سوريا
شامي دمو حامي2008-01-01 13:48:06
أحلى تعليق
طيب مين بيتذكر بعد الأخبار وبعد البكلوريا شو كانو يحطو دعايات ؟؟؟؟ أول شي دقة ثورية بعدين بادر بالانتساب إلى الكلية الحربية كنت حسي دمي عم يغلي من قوة الحس الوطني تبع الدقة تتت تا تا تا والله حلوة يا ترى لهلأ بيحطوها
-سوريا
مجد2007-12-28 23:35:23
احلى شي مايطلبه الجمهور
كان احلى شي ما يطلبه الجمهور كنا ننتظر حتى نسمع اغنية مصورة بس ماكانو يعرضوا منها الا ثواني لانو البرنامج كان عشان المذيعة تبقى ساعة كاملة على الشاشة ههههههههه
سوريا
مازن2007-11-11 03:09:58
الله يرحم إيامك يا عبسي
اييييييييييييييه الله يرحم أيام زمان لما كنت اتفرج على توم سوير ورفيقو عبسي وفلونة والسيدة ملعقة وجزيرة الكنز وعمو سيلفر القرصان اللي كنت حبو كتير ولبيبة والمرحوم الحاج بابا سنفور وسنان وجورجي اللي كنت معجب فيها ... بلا حواليكن بنت حلال متل جورجي نخطبها بزمن البوكيمون ؟ كانت برامج الأطفال ساعتين بس هي الشغلة الوحيدة اللي كنت حبها بالتلفزيون السوري
-سوريااااا
mona2007-11-05 12:48:44
لالا
لابالعكس غدا نلتقي بالنسبة لبرامجنا كان سابق عصره
-
اب جرجي2007-11-05 00:47:44
ايييييييييييييه ذكريات
لك نسيتو "غدا نلتقي" كانت تقدمو عزة الشرع و كان بيعصص القلب و لما كانت الساعة متأخرة كانو ما يطالعو ههههه و شو مشان الدعايات مبيض لوريس و هونالين ههههههه ايام
-حلب
وحدة2007-11-03 23:48:08
اوسكار
نسيتوا اوسكار وماري انطوانيت
-فرنسا
imad2007-11-03 17:58:37
لاتنسوا البرامج التعليمية !!!
نسيتوا البرامج التعليمية والله كانت عقوبة بس تطلع . وبرنامج الالعاب الحصن ؟
-germnea
mona2007-11-03 12:51:25
الاخت سورية وايفان
على اعتقد انك بتقصدي الفيلم الروسي الطويل يلي بيحكوافيه العربي ممطوط تعااال يااا ايفان والملك يلي بدو يرجع صغير وبينزل بالماء السخن الاخ طارق السيوفي من مبارح عم اضحك من تعليقك شكرا للاخ محمد للتعليقات الرائعة
-سعودية
سورية2007-11-03 11:19:05
أين أنت يا ايفان
كتير انبسطت لأن في حدا تذكرو لايفان لأنو مو معقول قديش اساتو عالق بذهني و يا ريت فيني احضرو مرة تانية هلق, بالنسبة للمناهل و أبو الحروف هاد تبع اقوى من الشدة و أطول من المدة . ليش الدعايات حدا بيتذكر هي تبع الغاز""فتاح الشباك و الباب و ع الكهربا لا لا تقرب"" و لا دعاية يانصيب المعرض.
-أرض الله الواسعة
الأخ طارق السيوفي2007-11-02 22:25:34
قرأت تعليقك عن مكانك راوح
شي اكتر من خمس مرات و صوات ضحكتي صرعت الدنيا عن جد تعليق حلو... للاخت سورية من ارض الله الواسعة, /ان انت يا ايفان/ مو هادا يلي كان كل مرة بيحكي حكاية مختلفة و اغلبون واحد كان عندو بقرة نزل ع المدينة حتى يبيعها او يبيع الحليبات?? طيب حدا بيتذكر تبع "لو كانت عجلات العربة مربعة كيف كنا سننقل البيض الى المدينة" افتح يا سمسم ولا المناهل?
-USA
محمد عقيل2007-11-02 19:29:15
ما صدقت
كان عشقي التلفزيون وكنت يوميا دور على شي محطة جديدة ولو مغبشة كتير ضل حاول و حاول لحتى مره طلع معي القناة الثانية وطار عقلي ما صدقت وخبرت كل اصدقائي الله على ايام زمان , الصديقة لودا انا حاليا بدبي , وشكرا لكل التعليقات الحلوة
syr\dubai
ميساء2007-11-02 03:10:39
برنامج السالب والموجب
وما بيفرق عنه كتير مسلسل الأجنحة لسلمى المصري ..... برنامج الصيداوي اسمه اللغة والناس ومع إني كنت صغيرة شوي بس ما بنسى بدايتو لغة إذا وقعت على أسماعنا كانت لنا بردا على الأكباد ستظل رابطة(كنا نقول رابضة) تؤلف بيننا فهي الرجاء لناطق بالضاد!!!!! عفكرة يا أستاذ عقيل أنا كمان كنت حب مجلة التلفزيون لنفس السبب... وكمان نجوم وأضواء تبع الأغاني الأجنبية
-Österreich
لودا2007-11-02 02:33:01
ريمي
نسيت احلى مسلسل وهو ريمي
-حلب
quasar2007-11-02 00:59:48
موسيقى غدا نلتقي
هذه الموسيقى في أواخر السبعينات (واستمرت سنوات كثيرة) مع مشاهد النوارس على البحر هي أشد ماعلق بذهني منذ أول وعيي بالتلفزيون (الظاهر بحب السهر من صغري). أحبها كثيرا وعلقت بذهني لدرجة أني حاولت الحصول عليها من الانترنت أعوام ولم أفلح لأني لا اعلم اسمها (جوجل شو؟؟) . هذا الصيف خطرت ببالي فكرة فذهبت لمحل تسجيلات كبير ووصفت له الوصف اعلاه فأعطانيها على شريط.
--
البراغماتي2007-11-01 23:12:42
برنامج العلماء الصغار
كان من إعداد الاستاذ عبد العزيز القوادري رحمه الله
-syria
عادل نادر2007-11-01 22:21:59
سقى الله ايام زمان
على ايامنا كان في برنامج اسمه" العلماء الصغار" يتكلم عن المواهب العلمية للاطفال باشراف الاستاذ... تذكروا معي ياشباب
-EU
Lina2007-11-01 22:16:26
الىsyrer
بفضح حريشك مزبوط اسمها زهرتي يا زهرتي بتتذكر قديش كانت تذاع يوميا وكأنو ما بقي غيرها بالتلفزيون. وكمان تذكرت السيد سرديني يللي كان عنده برنامج مسابقات بوقتها وكان سرديني يلعي اكتر من البرنامج...بتتذكر !! وبوقتها ماشاء الله على المذيعات كل وحده بكسم بقزز وديكور التلفزيون كان شكلو مو حلو منوب
-سوريا
loda2007-11-01 21:42:10
mr.akil
it is really interesting article...thanks mr.akil...by the way ...r u now in dubai or in syria?
alep
Syrer2007-11-01 21:37:51
كان يا ما كان
وهل تذكروا أول جزء من كان يا ما كان مع سامية الجزائري مان فعلا حلو و لبيبة لبيبة إسألوا لبيبة , كابتن ماجد الهداف هايدي جورجي أسماء محفورة و لا تنسى فعلا العلم في الصغر كالنقش على الحجر
- Syrien
Syrer2007-11-01 21:22:12
تصحيح إلى لينا
الأغنية هي زهرتي يا زهرتي
- Syrien
لينا2007-11-01 20:03:50
ههه تذكرت الاستاذ صيداوي بنكته
قال الصيداوي لما مات. وكانوا اخدينوا للتربه وفي الطريق سأل احد الاشخاص الذي كان يشاهد مراسم التشييع فقال : من المتوفى فقال أحد المشيعين الأستاذ صيداوي ..مات. فما كان من الاستاذ الصيداوي ان رفع رأسه من نعشه وقال الصيداوي توفي وليس مات.
-سوريا
لينا2007-11-01 19:58:26
وردتي يا وردتي !!!!
لك نسيت تكتبنا عن اغنيه وردتي والتي بقيت تذاع لمده سنتين أو أكثر لفتاة لا يتجاوز عمرها ال15 ربيع. وكا مطلع الاغنيه يقول .وردتي ياوردتي انتي أجمل مهجتي وهكذا.وكانت تبث يوميا اكثر من عشرين مرة وقد سئم المشاهد منها وقت ذالك اتذكرون ذلك ؟؟؟؟؟
-سوريا
دمشقية2007-11-01 19:11:32
حنين
ههههه كتير حلوة هالمشاركة رجعتني سنين وسنين لما كنت اتسلل لحتى شوف التلفزيون وكانوا أهلي يقولوا لي صار وقت النوم لأنه كان محدد مع نشرة أخبار الساعة 8,30 شكرا كتير أستاذ محمد عقيل
-اليابان
ذكرى2007-11-01 18:39:52
طفولة
نسيتوا هايدي مع جدها بجبال الالب وكمان بيل و سيباستيان!! بعدنا كتير بس راجعين
-فرنسا
fadi2007-11-01 18:34:55
نسيتوا كم شغلة كمان
احلى شباب و الله ذكرتوني بالطفولة المعذبة بس نسيتو التقرير الجوال و سورية اليوم ونشرة الاخبار المنزلة الي كان تقطع كل حدث شو ما كان يكون كان يا ما كان
-سوريا الاسد
محمد عقيل2007-11-01 17:06:47
شكرا لمشاركتكم
شكرا لكم وللطفكم بالمشاركات الجميلة الحلوة , انا متذكر كل البرامج وحتى اسم برنامج طرائف من العالم بس حبيت اختبر ذاكرتكم وما شاءالله ما بينخاف عليكم متل الحديد, ما لازم ننسى الماضي بكل ما فيه من حلو ومر
syr/dubai
باحث عن طفولتي2007-11-01 16:53:18
أفلام روسية طويلة
شباب على حب النبي: حدا بيعرف اسماء الأفلام الروسية للأطفال ومنين فينا نلاقيهون !!! إذا حدا عندو ياهن على حب النبي يحطون على اليو تيوب ومع الشكر الجزيل
-سوريا
من برات البلد2007-11-01 16:46:17
لا تلحقني مخطوبة
أخ محمد، برنامج البجيرمي كان اسمو "طرائف من العالم" و كان يطلع كل أثنين الساعة 7.30 ، وشكرا
-لفت بلانك
أغيد2007-11-01 16:36:11
و مهران يوسف؟؟
ياسيدي مقالك رجعني 15 سنة لورى, بس ياشباب كيف ممكن تنسوا ذكر "مهران يوسف" و بإطلالة "سحنتو" يللي مافارقت التلفزيون السوري لمن شي سنتين يمكن؟؟ و طريق النجوم تبع سمير حلمي و ابراهيم جودت؟؟ مقالك ناقص يا عزيزي, ماذكرت كلشي "قرف" بالتلفزيون السوري!
-الدنمارك
مو كتير مهم2007-11-01 16:18:11
برنامج ماريا ديب
برنامج ماريا ديب كان اسمو ما يطلبه الجمهور يعني لا ما يطلبه المستمعون ولا ما يطلبه المشاهدون ولو حلكون تنسوا
-سوريا
ABDULDAIEM2007-11-01 16:13:31
IYAM ZAMAN
المقال والتعليقات خلت الدمعة تنفر من عيني.. انا بالغربة باحن على ما يبدو لبلدي ايام زمان اما هلق ياخسارة.. نسيتو برنامج غدا نلتقي وبرنامج توفيق حلاق تبع رجل المستقبل واغتية "حلوين بنات الحتة" بين شوطي مباريات الدوري وبالنسبة لبرنامج الاستاذ موفق الخاني باتذكر مشهد طيارة الكونكورد بالمقدمة وبيطلع بعضها أصوات غريبة كأنه صراصير بتتذكروها؟ ما في شي بيدوم
-السعودية
Syrer2007-11-01 15:51:59
Gute Idee
والله فكرة حلوة و تذكرت أفلام كرتون قديمة شي أحلى من هالمسخرة أظن لم يعد لأفلام كرتون وجودا و برامج الأحد الرياضي و كان يا جماعة في شي بيشبه مسابقة اغاني اسمه طريق النجوم و كانوا يغنوا و يلعبوا كرة سلة والله نسيت حدا يذكرنافعلا كانت أيام جميلة خاصة طرائف حول العالم بصوته و لكنته الجميلة ىه على أيام زمان أيام المدرسة و بدون أي هم
- Syrien
الرقيب2007-11-01 15:26:34
تصحيح
كان اسم البرنامج ما يطلبه المشاهدون وليس المستمعون لمقدمنه ام عمار ماريا ديب .ولا تنسى من الألف الى الياء وبرنامج يوم الجمعة صياحا للجبان
--
سورية2007-11-01 15:01:10
الله يرحم أيام زمان
لا تنسوا المسلسل البدوي اللي كان يطلع كل نهار جمعة الضهر ما كنا نصدق نرجع من المدرسة لنحضرو, بالأعياد كانو يحطوبفترة برامج الأطفال فلم روسي طويل ما بعرف اذا حدا بيتذكرو \" أين أنت يا ايفان \" بلهجة عربية ركيكة و كنت دايما قول لحالي ليش الروس ليعملو افلام بالعربي, و كنا نشهي نحضر شي فلم أجنبي على القناة التانية ما بعرف اذا اساها لهلق.
-أرض الله الواسعة
لحظة رواق2007-11-01 14:55:18
الى البراغماتي حلوووووووووووة
هههههه ملعوبة كتير طلعت معك خصوصي الكلمات بين قوسين دليل على وقف و اخد نفس !! لازم ينحط تعليقك ضمن التعليقات المتميزة !!
-سوريا
DAMAS_SON2007-11-01 14:29:18
الله الله شو كانت ذكريات ممتعة
نحنا خصوصا جيل 1980 يمكن كنا محظوظين اكتر من غيرنا نحنا تلابينا على شجاعة الرجل الحديدي وشهامة غرنديزر وبطولة الكابتن ماجد ما مننسى اكيد حنية ساندي بل يلي انا كنت احلم اتجوزها بس عنجد مو احسن من جيل هلأ جيل البوكيمون يلي مو عارف هوة بهالدنيا ليش ويمكن استبدل الكرتون بروبي وهيفا عنجد نحنا جيل محظوظ.......دمتم
SYRIA
Hani2007-11-01 13:47:51
بناة الأجيال
كمان كان في البرنامج المفتوح يوم الجمعة والمجلة الثقافية مع مقدمته عواطف الحفار اسماعيل يوم الأربعاء و سو رية اليوم الثلاثاء ولا تنسوا بناة الأجيال و اللغة و الناااااس
-France
sally2007-11-01 13:36:29
خضرة يا بلادي خضرة !!؟
يعني ليش قبل 20 سنة ماهو نفس الوضع ولاتغير في شي بس الله يسامحك نسيت ام عمارومايطلبه المشاهدون!؟ولما بيطلع واحد عم يقراالاهداء ولايذكر اكثر من 50000اسم!وفي بريد الاطفال!كانت مشاهدته بمثابة عقاب بالنسبة لي!ونشرة الاخبار كانت بمثابة فيلم رعب بالصوت والصورة!وتوم وجيري يعيدو نفس الحلقة!بس هلق زاددعايات العلكة متل شطوروهمتارو
-قمعستان
كوكو2007-11-01 13:35:28
كش بدني
لك ايييييييييييع...ما بطيق الذكريات
-
سوري قومي2007-11-01 13:22:41
يا ريتا ترجع ..أيام زمان
...البرامج السياسية كانت على علتها منظمة بشكل جيد و بمهنية عالية ....من يتذكر كيف كانت شارة الأخبار في الثمانينات ..أو أغنية هذه الشارة...أود أن يتذكرها معي من هم من جيلي الذي عاش أحلى أيام طفولته في تلك الفترة.....تحيا سوريا...ولسوريا دمي و روحي ...وشكرا
-سوريا
سوري قومي2007-11-01 13:19:19
يا ريتا ترجع ..أيام زمان
أما عن عبارة البرفسور توفيق البجيرمي فكان يقول دائما بعد نهاية كل حلقة : ولله في خلقه شؤون ..أو فتفرج ..يرعاك الله...هذا عدا منمنماته الشعرية التي كان يوصف فيها الصورة من وحي التاريخ ..برنامج الأستاذ مروان صواف ( قناة7) ..كان تحفة فنية رائعة ...منى الكردي بلقاءاتها و جولاتها عبر دول العالم..وعن طريقها فقط أحببت اللغة الإنكليزية التي أصبحت أستاذا لها الآ
-سوريا
سوري قومي2007-11-01 13:18:00
يا ريتا ترجع ..أيام زمان
يا الله يا أستاذ محمد..شو زكرتنا بأمور كانت تشكل جزء من روتين يومي...ممل حينها ولكن له مفعول السحر لنا جميعا أبناء جيل الثمانينات ...كم من مرة كنت أركض فيها مسرعا بإتجاه البيت بعد المدرسة لكي أتابع ساندي بل...و أوسكار ...أحلى الأيام...جونكر ...غراندايزر...ساسوكي...جزيرة الكنز..ويالها من جزيرة جزيرة عجيبة و كنزنا فيها..
-سوريا
Batistuta2007-11-01 12:54:42
للتوضيح بس
بنامج الرياضة يوم الثلاثاء كان اسمو محطات رياضية ,أما بالنسبة للبث الضعيف للمباريات كان افضل من هلئ لأنو هلئ حتى الدوري السوري ما عم نقدر نشوفو من الاحتكارات اما من زمان كنا نشوف كأس العالم وكل البطولات الكبيرة عالقناتين الاولي والتانية بس وقتها كان عدنان بوظو هو يلي يدبر هالشغلت بينما هلئ ما حدا لحدا
-
رند2007-11-01 12:23:57
رزق الله عل العربيات
موضوع حلو كتير ذكرتنا بأيام زمان بس لاتنسى أهم برنامج غدا نلتقي يلي كنا نتأخر على المدرسة بسببو والتلفزيون والناس تبع عبد المعين !!!
-شام شريف
البراغماتي2007-11-01 12:21:18
عن الدكتور البجيرمي
حدثنا عيس بن هشام قال " ويحكى أنه كان هناك موقعا الكترونيا اسمه سيريا نيوز اصبحت مدمنا عليه مثل آغاني فيروز وعندما يتعطل لساعات تراني مع الناس ضاربا( بوز ) ويحسب الناظر إلي أني فاقدا كم ( فيوز ) وعندما أقرا مساهمات رواده أشعر أني شابا لاعجوز وكأني شربت عصائرا باردة من الكوز . أدام الله رواده وإدارة سيريا نيوز
-syria
محمد أبو جاسم2007-11-01 12:21:28
أووف شو قديمة
أحلى برنامج كان غذا نلتقي اللي كنت انتظره على احر من جمر وأفضل مذيع كان عدنان بوظو وأفضل مذيعة هيفاء يونس رحمهم الله
-كندا
فادي2007-11-01 11:51:21
الله يرحم أيام زمان .....................
بكلامك الجميل استحضرت ماضينا وحاضرنا بين الامس واليوم بقيت الذكرى الجميلة فقط , مع استذكار كل برنامج استرجعت تكوين نفسي التي عاشت لحظة بلحظة مع هذه البرامج , ولم نكن ندري اننا في يوم من الايام سوف تصبح هذه البرامج المملة في وقتها كما قلت ونقول نحن ايضا, ألى ألية ووسيلة حمت ماضينا وركزته واثمرته كانت كلها مفيدة وكانت صورة عن بلدنا الحبيب سورية. شكرا لك
-
هادي الغنام2007-11-01 11:51:17
تكريم مذيعي التلفزيون القدامى
مذيعينا القدامى بدءًا من أم عمار وماجدة زنبقة وهيفاء يونس وأمية أسطواني ومروان صواف ووووو... صحيح بعض برامجهم كانت متل العقوبة وما نفهم أولها من آخرها ونحنا صغار بس كانت مهرب لنا من الدراسة بتذكر أيام كنت اتفرج على مع العمال وأرضنا الخضراء مشان ما ادرس وخصوصاً لما تتشوش قناة الأردن. مو لازم حدا يكرم هالمذيعين يلي شكلوا جزء من حياتنا؟ ولو بموقع على النت؟
سوريا
هادي الغنام2007-11-01 11:47:14
نجوم وأضواء
أول برنامج وعيت فيه على هالدنية كان نجوم وأضواء تقديم منى الكردي ومن وئت ما وعيت لصف التامن ضلوا يعيدوا ويفتئوا بنفس الأغاني الأجنبية الئديمة من السبعينات على العكس من البرامج المشابهة على القناة الأردنية. هلأ عم نترحم على أيام نجوم وأضواء ونستنى اللحظة يلي نشوف أغنية من أغانيه.
سوريا
رنا2007-11-01 11:40:10
طرائف من العالم
فتأمل يا رعاك الله
-حلب الحديثة
SIBA2007-11-01 10:58:29
OLD DAYS
و الله زكرتني بأيام زمان و ما قدرت الا علق على الموضوع .............و على فكرة برنامج توفيق البجيرمي كان اسمو طرائف من العالم و كنا ننطرو مناطرة , كان في جملة شهيرة بالبرنامج يا ريت حدا يتزكرا كان يقولا المقدم بنهاية كل فقرة بس جاي على بالي اسمعا . بالإضافة لبرنامج السالب و الموجب يمكن للحلاق ما كتير زاكرة ......
-SYRIA
عربية سورية2007-11-01 10:20:05
حلو
موضوع حلو وبرامجنا القديمة كانت احلى تزكرو معي برنامج اضواء ونجوم لمنى كردي وبرنامج مروان صواف ومجلة الشعب لمحمود الخاني وبرنامج دائرة الضوء لنزير عقيل والسالب والموجب كان حلو كتير بس وبرنامج الشبيبة كان كتير حلو اليوم عم نقلد اللبنانيين وياريت عم نفلح عم نطلع نسخة مشوهة
-سوريا
سوري اه يا نيالي2007-11-01 10:03:26
كلام سليم
كلام سليم كانت البرامح روتينية ومملة بس والله احلى من برامج الوقت الحاضر لانو بالماضي كانت الهوية السورية واضحة اما اليوم فبرامج التلفزيون وخصوصا الصباحية منها نسخة عن البرامج اللبنانية وبنفس الاسلوب حتى اللهجة عم يحاولو يحكو لبناني مالي فهمان شو لهجتن احلا من لهجتنا؟ لا والله
-سوريا
طارق السيوفي2007-11-01 10:00:53
مكانك راوح
نسيت برنامج الأيدي الماهرة يلي كان يستضيف الصناعيين الكبار ويلقي الضوء على نهضتنا الصناعية من تصنيع بواري الصوبيات والراحة وطواق الخرز والمسابح....الخ.
-دمشق
حمزة2007-11-01 09:59:37
برامج
برنامج توفيق البجيرمي كان اسمو "طرائف من العالم" بس طمان نسيت برنامج الصيداوي تبع اللغة العربية
-سوريا
ابو حسان الطرطوسي2007-11-01 09:47:11
-
البرنامج طرائف من العالم وهو مستمر ونسيت برنامج مع الاسرة لامية الاسطواني وما يطلبه الجمهور عبر الرسائل وبرنامج البحث عن القبطان غراند والمذيعين هيفاء يونس ومروان زرزر وغيرهم
--