ارحب بكل من انضم الينا في هذه الفترة التي ساقضيها معكم واتلقى مساهماتكم وتعليقاتكم .. اهلا بكم

عفراء

عن الإسلام والمسلمين وأشياء أخرى ! ... بقلم : يوسف بحصاص
المسلمون بين الأزمات والحلول ... بقلم : يوسف بحصاص
هذيان سوري على مدرجات المونديال *
بحث سريع


وزيرة المغتربين : حجم تحويلات المغتربين السوريين إلى سورية بلغ 2 مليار دولار
الاخبار المحلية

قالت وزيرة المغتربين بثينة شعبان إن حجم تحويلات المغتربين السوريين العام الماضي بلغ نحو ملياري دولار.


وأضافت شعبان في ندوة حول "دور وعلاقة المغترب السوري مع وطنه الأم" أن "المغتربين السوريين يشكلون رافدا لكل القطاعات الاقتصادية والاجتماعية والتنموية في سورية".

واعتبرت شعبان أن التشريعات التي صدرت في سورية خلال السنوات الأخيرة "أسهمت في استقطاب المغتربين وأبنائهم وبناء علاقات اقتصادية واجتماعية وعلمية مع وطنهم الأم".

ويزيد عدد المغتربين السوريين عن 18 مليون مغترب في مختلف أنحاء الحالم, وتسعى الحكومة السورية إلى إعادة ربط هؤلاء المغتربين بوطنهم الأم.

يذكر أن مبلغ 2 مليار دولار يشكل 16.7% من ميزانية سورية البالغة 12 مليار دولار (600 مليار ليرة سورية).

سيريانيوز
2008-03-18 01:30:48



شارك بالتعليق
2008-03-27 00:23:56
أبراهيم الطرابيشي المسلماني.باريس
وزيرة المغتربين المحترمة
هل تعلمين أن ثمن تذكرة طائرة من باريس الى دمشق على السورية خلال شهر السابع بالصيف سعرهاحوالي 660يورووأذا كانو عائلة4 أربعة أشخاص=2640 ألفان وستمائة وأربعون يورويعني ما ينزل لسوريا غير صاحب الأمكانيات وتعرفين تراجع القوة الشرائية بفرنساالذي يعرف الوزير حصل على خصم وكثر خير سيادة الوزير والذي لا يعرف الوزير الله يكون بعونه نرجو تخفيض التذاكربشكل رسمي
فرنسا
IBRAHIM57@FREE.FR

2008-03-19 01:34:36
مرحبا سوريا
له له له له له له لاااااااااااااااااااااااه
بعد قرار دولة الفلبين احترام رعيتها في الخليج و تحديد حد أدنى للأجور و بعد تحقيق القرف التام من العمالة البنغالية في الخليج و نظرا لوجود وفر هائل في اعداد السوريين الهاربين من وطنهم (ههه) لذا تقرر مساعدتهم بتشغيلهم بأدنى الأجور و في أكثر المهن ذلا لعدم قدرتهم على إيجاد عمل في بلادهم على الرغم من وفرتها الهائلة و تقبلوا فائق الاحترام
سوريا
-

2008-03-18 22:53:26
مغتربة
وزارة المغتربين
قال وزارة المغتربين لا لازم يكون اسمها وزارة الطفشانين المنفيين ويا ريت توصو المطار مو كل ما وصل مغترب يجردوه بالمطار وتسعيرة العرباية 50 ليرة بيقولولنا 50 دولار واللي بيطلع من خاطرك كتير منيح اذا بنحكي من هلئ لبكرى ما بنخلص لك عوجااااااااا
سوريا
-

2008-03-18 22:25:40
عبد الخالق معين العاجزين
سعادة وزيرة المغتربين و المسؤولين
نحن السوريين في الخارج متروكين بدون دولة انا اعرف الكثير من الجنسيات الاخرى يحبون وطنهم و يثقون به و عند حدوث مشكلة يذهبون لسفاراتهم و سفارتهم تساعدهم و يمكن ان يذهب السفير للخارجية بنفسه او يخاطب الجهة ذات العلاقة لحل المشكلة الا نحن السوريين لا احد يسال فينا و هذا يعكس محبة المسؤول لوطنه و لمواطنه و الحب متبادل المواطن يبقى مخلص لوطنه .
سوريا
-

2008-03-18 19:57:20
سوري مغترب
الرسالة الاخيرة من قلب محروق على واقع المغتربين
الغربة متل الثلاجة اول 5-6سنين بتقول لامن البيت او ادفع بدل الجيش تاني 4 سنين بتقول لامن شي دكان و تالت 6سنين بتقول لامن شي راس مال مشان ارجع لبلادي و افتح شي مشروع و هيك بتكون افنيت كل عمرك بالغربةهي اذا مشي كلشي متل ما مخطط و بأحسن الاحوال و اذا توفى احد من اهلك و انت بالغربة و بعيد عن اهلك شي راح يحرقلك قلبك و راح تبكي دم
الإمارات
-

2008-03-18 19:40:55
ابو مازن
المغترب المظلوم
و اكثر واحد مظلوم هو المغترب يعامل على الحدود او السفارات و كأنه حيوان بدون رحمة او شفقة
الإمارات
ww@ww.com

2008-03-18 19:11:42
مغترب سوري
رسالة الى السوريين الذين يفكرون بالسفر
يا شباب و الله سورية مافي احلى منها و اغنى من كل دول الخليج و ارقى منهم بس نحنا هلأ عم نمر بمرحلة صعبة و انشاء الله بتفرج بتمنى تخلوا السفر اخر حل لألكن اذا ما حصلتوا شغل ببلدكن
سوريا
-

2008-03-18 19:00:51
سوري مغترب
رسالة الى صبايا بلدنا الحبيب
عندما رجعت إجازة الى بلدي سوريا لم ارى في حارتنا اي من الشباب الكل سافر و ما باقي غير البنات لذلك بلدنا امانة بين ايديكن و مشان العرسان شباب كلها سافرت بسبب الاوضاع المعيشية و صايرين عم يتزوجوا بالغربة فلبينيات و روسيات و مغربيات و جنسيات اخرى للاسف و تركوا بنات بلدهن للاسف
الإمارات
-

2008-03-18 18:57:07
سوري مغترب
رسالة الى المغتربين السوريين
و خلونا نكون ايد وحدة بالخارج ما متل ماني شايف هلأ للأسف محد بتعرف على التاني و صرنا مشهورين بدفع الرشاوي و النصب و ....الخ شغلات كتيرة بظن معظم السوريين المغتربين بيعرفوها
الإمارات
-

2008-03-18 18:52:57
مغترب سوري
رسالة الى السوريين المغتربين
يا جماعة شو صاير عليكن عم ترضوا بأي رواتب و الله السوري تبهدلت سمعتوا بالخارج و صاير بس بدو يسافر و عم يشتغل اي شي و الله ما كنا خجلتونا
الإمارات
-

2008-03-18 18:30:51
Narada
الرقم مبالغ فيه
أعتقد أن هذا الرقم يأخذ بالاعتبار ذوي الأصول السورية في امريكا الشمالية والجنوبية علماً أن جزءا كبيرا منهم لا يعرفون عن سوريا إلا اسمها وقدانفصلوا ثقافيا وعاطفياواندمجو كليا بمجتمعاتهم لذلك لا أعتقد بصحة اعتبارهم سوريين مغتربين وينطبق هذا على اللبنانيين..
سوريا
-

2008-03-18 17:47:35
حسن أبو نخلة
بالمقابل....؟
و ماذا عملت الوزارة الموقرة كرد جميل و كبادرة حسن نية تجاه من أفنوا عمرهم و هم يحلمون بتقبيل تراب الوطن؟؟؟ يا حيف يابلد!!!
إيطاليا
-

2008-03-18 17:30:01
محمد
وماذا عملت وزارة المغتربين ؟؟؟؟
أنا مغترب و أسأل السيدة الوزيرة ماذا فعلتم بشأن معامالات تثبيت الوزاج التي يجب أن تمر على جميع فروع الأمن في الكرة الأرضية؟؟ و ماذا عملت وزارة المغتربين بشأن تأمين رحلات جوية ل 18 مليون مغترب و لا يوجد شركات طيران مباشرة بين أوروبا و دمشق و حلب و اللاذقية و الشركات الحالية سوف تقطع رحلاتهابسورياحسب وكالات الأنباء!!
النروج
-

2008-03-18 16:38:12
George
military service
to Alsayeda Buthina shaaban i hope that you try to help & do more& wave the military service for us who missed it & been out of syria for years so we can go & come when we want & posibly do more bisness in syria,and thank you.
الولايات المتحدة
-

2008-03-18 16:36:53
مذكرات وطن
؟؟؟
صراحة الغتربين ما قصرو ويعطيهم العافية ... بس وين الحكومة الي ما عبتقدر تحقق ابسط شي يضمن الحياة الكريمة للمواطن ؟؟؟ الحكومة بتحاول تعمل كل شي من خلال الضغط ع الشعب والله يعين الشعب
سوريا
-

2008-03-18 16:29:10
مراقب عن بعد
-
ما هو تعريف المغترب بنظر وزيرتنا المحترمة؟ هو فقط كمن يملك المال ! الطلاب والعمال وغيرهم دائماً منسيين. الموفدين يذوقون الويلات حتى يحصلو على رواتبهم والطلاب الغير موفدين هم غير موجودين أساسا وغير مهمين لأن معظمهم لا يملك من المال إلا حاجته! فلذلك يسقطون سهوا من كلمات وزارتنا وزيرتنا الموقرة! ارجو من التحرير النشر ضمانا لحرية الرأي والحياد !
ألمانيا
mata21@web.de

2008-03-18 16:29:06
محمد
تاخذو و لا تعطو
سعادو الوزيرة لطالما كل هذا مدخول من المغتربين ما هي الخطط لديكم المحفذة لهم بس شاطرين تاخذو مصارينا و لا يوجد اي خدمات من قبلكم . يعني انا مهندس لم احصل على خدمات التامين التقاعدي بسبب انني مغترب حلو والله هذا الكلام اتقبلون به سعادتكم ؟؟ على الاقل جمعية سكنية يا سعادة الوزيرة او تامين تقاعدي او اي شيء ممكن ؟؟؟؟
سوريا
-

2008-03-18 16:13:21
صقر الصحراء
الشعب المسكين
أنا بعتير الشعب السوري شعب مسكين ، 80% من عدد سكان سوريا مغتربين وهنن معيشين السوريين يلي بالبلد طيب شو دورها الحكومة إذا شرطي تنظم سير الاموال من الخارج للداخل ،أن شخص بعرب كل بيت في حارتي يوجد شخص مغترب من عائلته يعيل عائلته كاملة ،والكل بيعرف هذا الشي ، يعني يلي عايش بالبلد 20 % بس من خير هل البلد
سوريا
-

2008-03-18 15:55:03
ابو اللول
أمنية كل مقيم سوري بالخليج
المشكلة يللي عم نعانيها هون بالخليج انو لما بصير أي مشكلة بينا وبين الكفيل ومنروح على السفارة لحتى يساعدونا بقولولنا نحنا مامنحسن نعمل شي روح اشتكي بمكتب العمل وطبعا القانون هون مع الكفيل ابن البلد وبالتالي حقنا عم يروح بين الرجلين فياريت يكون للسفارات دور فاعل بهيك أمور
قطر
-

2008-03-18 15:54:33
عفيف سليمان
المهندس المغترب
نرجو من الوزيرة بثينة و نحن كلنا ثقة بها بان تعطي الاهتمام الى المغترب المهندس الذي عاد الى البلد و لم تحتضنه نقابة المهندسين(المعلوماتية)املينا بتحقيق رغبة الدكتور بالالتفات الى المعلوماتية في تطوير البلد و ليس على النقابة لانه اصبحت حكرا على بعض الاختصاصات
سوريا
info-net@aloola.sy

2008-03-18 15:56:39
السوري
شي بفرح
يعني شي بيفرح يكون نص شعبنا برات البلد لو كان باالامكان نبقى بالبلد ماكنا طلعنا من هل البلد روح اهتمو بالبلد لما راح يبقى مغترب برات بلدو
مدغشقر
-

2008-03-18 13:03:37
مغترب 12
طلب إعادة العمل بجواز السفر الجماعي
إذا كان الأمر كذلك و أظن أنه أكثر من ذلك فنرجوا من السيدة الوزيرة أن تتوسط لدى المسؤولين لإعادة العمل بنظام جواز السفر الموحد للعائلة و أن يجدوا لنا طريقة أخرى بحيث لا تخسر الدولة و لا نخسر نحن و خصوصاً المقيمين بالسعودية حيث ندفع 200 ريال لكل تأشيرة خروج و عودة و عليكم الحساب إذا كان عندنا خمسة أو ستة أولادو يسافرون عدة مرات في السنة !!!
السعودية
-

2008-03-18 13:02:30
محمد
...
فعلاً لم يجد السوريين هذه المبالغ في الداخل فجابوا الأرض وقتلوا سنوات حياتهم في سبيل إدخالها إلى بلد لا تكن أي إحترام لكيانهم ... حسافة ...
سوريا
-

2008-03-18 12:37:47
سيمون المنذهل
عدد المغتربين
يزيد عدد المغتربين السوريين عن 18 مليون مغترب في مختلف أنحاء العالم!!! لعاد مين بقي بالبلد ؟ فيكن تدبرولنا فيزا للشغل بسوريا ؟ شكلها ما عاد فيها غير المسؤولين وهالكم أخ عراقي ولهيك فرص العمل لازم تكون متوفرة وخاصة لأني نص سوري
السلفادور
sami2000@yahoo.com

2008-03-18 12:06:06
محب لوطنه
ياليت
نرجو من سعادة الوزيرة مساعدة المغتربين(المشحرين)برفع ايدي الجمارك عن رقابهم أثناء الخروج والدخول للبلد......والعمل على تحسين مداخل الحدود(لأنها والله ليست واجهة للبلد)
السعودية
K.DI.EH@HOTMAIL.COM

2008-03-18 12:07:34
Reese
المبلغ الحقيقي اكبر من ذلك بعشر مرات
المبلغ الحقيقي اكبر من ذلك بعشر مرات,معظم المغتربين في اوروبا وانا واحد منهم لانحول المصاري عبر البنك و انما غالبا ندخلها الى سوريا كاش.
سوريا
reese2040@gmail.com

2008-03-18 11:50:59
مغترب
ارحموا من في الارض
فعلا اتمنى من السيدة الوزيرة ان تهتم قليلا بمشاكل المغتربين وليس فقط بكمية التحويلات التي يرسلونها الى سورية وخصوصا الطلاب كمثال نحن كطلاب في المانيا ندفع حوالي 500 يورو ثمن بطاقة طيارة الى سورية مما يؤدي الى عزوفنا الى الفر في الاجازة الى سورية
ألمانيا
gamil-1979@hotmail.com

2008-03-18 11:35:14
المغترب
سوريا
من اين اتيتم بهذه المعلومات انه يوجد 18 مليون سوري مغترب ماشاءالله معناها نصف سكان سوريا خارج الوطن-أنصح السيدة الوزيرة بتصحيح معلوماتها ولاتصدق ماتبلغ به من دون التأكيد-أوكد لكم ان المغترب الذي عاد للوطن منذ فترة قصيرة لم يستطع التأقلموان واح منهم لأني قررت العودة قريبآلبلد الغربة بعد 25 عام بلغربة
سوريا
-

2008-03-18 11:16:24
Syrian Helten
فهمتوا القصة هلأ ياشاطرين؟
بقا فهمتوا القصة هلأ ياشاطرين؟ فهمتوا ليش الحكومةوالمسؤولين عم يطفشوا الناس من البلد؟ لأنو مرابح وفوائد هائلة متل المنشار طالع واكل نازل واكل من تحويلات ماليةوعينيةوبدلات خدمةنقدية وضرائب اغتراب ورسوم مغادرةورسوم معاملات مضاعفة ووو والأهم بيخلصوا من عبء و طلة الشباب البهية ومتطلباتهم خاصة المتعلمين ولسه بتقولوا حكومتنا مابتخطط وتفكر مظبوط؟؟شكراللناشر
سوريا
-

2008-03-18 11:17:54
اخ تعبان
حسد ولا ضيقه عين
انا بالنسبه الي يا شباب يلي رح جمعو بغربتي رح يكون لبدل العسكريه يعني الى جيب الحكومه اعزها الله لا يلي بره سلمان ولا حتى يلي جوه
سوريا
-

2008-03-18 10:53:24
الجوكر
تايم آوت
بمعنى آخر لولا تحويلات المغتربين لكانت الجالية السورية في سوريا قد ماتت من الجوع
سوريا
-

2008-03-18 10:25:49
اسامة
بس بهمكن التحويلات
منتمنى من الحكومة ان تنظر بيعين الاهتمام للمغتربين السوريين ومافي ضرورة لتعكير علاقاتنا مع الدول العربية والاجنبية لانو صرنا على كل تحويل مبلغ او انشاء نشاط ما في دول الخليج نتعرض لكتير من البيروقراطية الي غيرنا معفى منها
سوريا
mm998_6@hotmail.com

2008-03-18 09:59:02
dr bassam al-khouri
أرقام غير مؤكدة....
أرقام غير مؤكدة ...لو كان اغلب المغتربين مفلسين ذي حالتي فلا اعتقد أن بامكانهم تحويل 2000 مليون دولار ...فالغلاء اصابت عدواه المغتربات ....ناهيك عن تكاليف السفر للوطن ....
سوريا
alkhouri@gmx.de

2008-03-18 08:19:45
منتظر
وين عمال يروحو هالمصاري
أين يذهب هذه الـ 2 مليار .. وهل يفرض عليها ضرائب ...
سوريا
-

2008-03-18 08:17:35
Yassooor
Syria...
No Comment...This is my Country :)
الإمارات
quad@microsoft.ae

2008-03-18 07:39:15
مغترب
ارحمونا
اكيد هالرقم مو قليل بس انا متاكد انو المغترب السوري يملك اقل دخل مغترب بالعالم وبتعرفوا شو السبب . السبب الضغوط الهائلة المطبقة على الشاب السوري والتي تدفعه للهجرة باي ثمن وصارة ميزة الشاب السوري بالخليج انو بشتغل بشو ما كان والسبب كلنا منعرفو الرواتب التدنية جدا في سوريا وخدمة الجيش يلي بتستقبل الخريج السوري بالاحضان والله بكفينا لازم تنحل
سوريا
-


تكنولوجيا واتصالات


أدخل بريدك واشترك معنا بالنشرة الإخبارية



Content on this page requires a newer version of Adobe Flash Player.




 

  
All rights reserved © Syria-news.com 2010
Powerd By:Syria news IT