syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
الشركة السورية للطيران
مساهمات القراء

في البداية أنا سوري انوي العودة لسوريا بعد ثلاث سنين من الغياب. فرحة لم تتجاوز الدقائق بعد أن حاولت فقط أن احصل على بطاقة طائرة على الخطوط السورية.


فما حدث أعادني إلى بلدي دون أي بطاقة سفر. يعني المصائب كثيرة لا اعرف من أين أبدأ. و لنقل من الحجوزات, فجميع شركات الطيران التي تحترم نفسها وتحترم زبائنها تمنح المسافر مهلة 48 أو 72 ساعة لدفع ثمن البطاقة التي يحجزها. وإلا يلغى الحجز ويبقى المكان شاغراً.

سيريان أير لها نظام هو الوحيد في العالم إذ تترك مهلة الدفع مفتوحة بعد الحجز وحتى ثلاثة أيام قبل السفر. وهنا الكثيرين من يحجز له بطاقة ² انشاالله نسافرالسنة ² و بالتالي إن سافر أم لا فالحجز لا يلزمه بشيء. بينما هناك المئات من المسافرين فعلا الذين لا يجدون حجز (اللهم إلا من كانت له واسطة). و المؤسف أن لحظة السفر تسافر الطائرة أحيانا بنصف الركاب لأن النصف الباقي من ² انشاالله نسافر² إما ولدت زوجته التي نسي أنها كانت حامل حين حجز أو وجد له بطاقة ارخص على التركية أو...أو.. بالتالي ذنب أعوج....

وهذا ليس بشيء إذ أن المسافر على السورية أير لم يعد يأمن على سفره حتى يجلس كرسي الطائرة وهو لا يزال يدعو: إنشاء الله تقلع قبل ما ينزلوني منها.

إذ و هذه ليست حادثة صدفة وإنما مسالة تتكرر دائما : يصل المسافر للمطار يوم سفره ليجد أن حجزه قد التغى وأن البطاقة التي اشتراها لم تعد تنفعه ببساطة لان شخص غيره كان (مضطرا أكثر منه للسفر) فأعطوه مكانه. وهنا الله يكون بعون المعثر يلي ما بيعرفله شي واسطة تلفلف الأمر و تطلعه على الطيارة... و الله شيء مخجل....

منذ فترة أدخلت الشركة نظام البطاقة الالكترونية. أي أصبح بإمكان أي شخص أن يشتري بطاقته بنفسه على الانترنت و من ثم ترسل له بطاقته بالايميل, و الله و الله يبكي الإنسان للحصول على بطاقة دفع ثمنها، في المرة الأولى يرسلون له بطاقة شخص أخر. يتصل بهم ليرسلوا له في المرة الثانية ايميلين الأول فارغ و الثاني يتمنون أن تكون وصلته البطاقة، في المرة الثالثة يتصل بهم ليقولوا له أن الايميل معطل و يطلبون منه رقم فاكس ليرسلوها له..... يا عالم مشان الله سيارة معطله نفهم. بس ايميل معطل بيرسل كل شيء إلا البطاقة و الله صرت عم احكي مع حالي ...

يعني من السورية لسفاراتنا بالخارج لمطاراتنا، يا ناس بتحبوا الله، لا نطلب أن نغير العالم ولن نقارن بدول متقدمة، الجرح كبير وأهلية بمحلية موجوعين منه ولكن فقط شوية كرامة واحترام للإنسان على انه بشر ولا تحولوه لوحش.

سميك


2008-05-19 13:00:15
شاركنا على مواقع التواصل الاجتماعي:



شارك بالتعليق
a.sa.s2008-05-20 00:30:56
هل من المعقول
ياناس انا مواطن مابسافر الا بالسورية لأنو فيها ريحة بلادي رغم عدد الرحلات للي قمت فيها بالشركة عملو معي ضرب عجيب انا احجزت من مصر ذهاب اياب يعني روحة وجية واخدت الokمن مصر ودافع تمن التذكرة رحت قبل بيوم عالشركة حتى اتأكد بس مو منشان شي انا حاجز ومعي okبتقولوا قلبي حاسسني انون بايعين محلي لواحد غيري قال شو اتغيرت الانظمة صرت نظام جديد فجأة
-مصر
بشير2008-05-19 22:32:04
اسمعوا هالقصة 3
طبعا اشتكينا أنا و الركاب لمدير المطار اللي كان جدا ودود ..واحد يحكي الصدقو قام و عطاني ورقة بيضاء نكتب عليها احتجاج... طبعا بيومها كان في طيارة على روما كمان و بودابست و الطيارتين ما كان فيهم محلات لأنه يبدو الطيار عبيحمل ركاب عالخط... رجعنا مبهدلين على بيوتنا و طبعا راح علي حجز الطيارة التالية الترانزيت و حجز الفندق و سافرت بعد تأخير يومين من دمشق..
-سوريا
بشير2008-05-19 22:29:11
اسمعوا هالقصة 2
لما اتصلوا فيني قلت حلو... متحسنة كثير الخدمة و عبيتصلوا بالعملاء...أزف الرحيل و حان الفراق و توجهنا للمطار و عند الوزن قلي الموظف ..للأسف مافي محل.. فكرت عبيمزح لأنه بالعادة الموظفين كثير بشوشين و مزوحين ..بتعرفوا... ضحكت و قلتله بدي أقعد عاليمين قلي عن جد مافي محل و رجع الشناتي و قلي الله معك...ما كنت وحدي.. كان في 25 راكب مثلي مالهم محل
-سوريا
بشير2008-05-19 22:24:22
اسمعوا هالقصة 1
أنا يا شباب حجزت مرة و بس عالسورية من سنتين و ما عدتها كنت طالع من دولة لدولة ترانزيت مشان بس أطلع بالسورية لأنه هي الوحيدة المسموح تنزل بحلب ليش ما بعرف... المهم أكدت الحجز قبل 3 أيام و رجعت طلبت منهم إيضال بتأكيد الحجز و بتعرفوا الانتظار و الجأرة ... رجعوا اتصلوا فيني و قالوا أكيد بدك تأكد الحجز؟؟؟ قلتلهم طبعا و عندي رقم تأكيد الحجز ...فكرت أنه الخدمة
-سوريا
A.A.H2008-05-19 20:56:56
Ture, everything comes with price
I had problems in booking tickets on syria air and finaly i went to air france and it is much expensive for our family but less headache ... as syrian i love to see our airlines improve in customer service but untill then I choose another airline
-سوريا
مجد2008-05-19 19:41:05
الموت لها
خلاص يل جماعة هي الشركة أصلاً ماتت وماإلها أهمية لأن مابيحترمو حدا وبعدين ليش السفر بالسورية في غير شركات أحسن ولا شرط السفر بالسورية؟ أنا بزماني سافرت مرة بالسورية وماعاد عدتها لأني بسافر كتير من عشرين سنة, لأنهم ماحترموني المضيفات وبوش ناشف وأكل شي بأرف وبايت وترفيه مافي, وعلطول بتخرب وعلى تأخير ومائة قصة شو بدي ألكم لألكم..
-سوريا
انسان2008-05-19 19:05:13
منظر حضاري
لاحضتو لما بدكم تسافرو من مطار دمشق انه في باب بيمر منوكل المسافرين وعليه ضابط امن بيعمل تدقيق والناس صافه بالدور يا ساتر وبالوزن تلاقي الناس امم ع السورية والحريكه شبه متوقفه يا مغيث ولما تحط بمطار دوله ثانيه لك ياعيني امم تخرج من المطار بالدقيه وموظفين محترفين واجهزه تفتيش حديثه بحيث ما تتعامل مع اي موظف . امتى نصير مثلهم ؟؟؟؟؟
سوريا
مجروح2008-05-19 18:53:52
النقل الجوي لداخلي
من اربع ايام حجزة من شركة الطيران السورية تذكره داخليه بين دمشق ودير الزور اجيت ع المطار جينا ع الطياره شي عجيب لك هاي تركتور زراعي مو طياره ak40 ركبنا طلعت الطياره ع المدرج استعداد للاقلاق صدر صوت المحركات بقوه وسكتت فجاء طلع الطيار من المقصوره مبتهج وقال (الحمدلله ع السلامه التغت الرحله الجو مش مناسب في غبار) شي بيخزيوالله
الكويت
أبو البشر2008-05-19 18:14:31
مافي حجز من آخر آذار
يا أخي والله شي بيعقد اتصلت بالشركة آخر آذار منشان أحجز بطاقة بتموز فما وجدت غير بنص آب والرجعة أول أيلول2008، وعطوني سعر 750 يورو، وعلى التشيكية على الإنترنيت الحجز وبسهولة والتاريخ يللي بدك ياه السعر 472 يورو؟؟؟ ولا تنسى الاستقبال من الموظف والله كأنه عم يشتغل ببلاش وجاية تشحد منه إن شاء الله تنتبه المؤسسة لهالشي يللي عم يقع كثير زباين
-فرنسا
سمير2008-05-19 17:13:55
يا عيب الشووم
بدي افهم وين بيروحوا بمحارم الورق والعصائر خلال اي رحله. الله الوكيل ما في مرة بسافر بالسوريه وبطلب محرمه. بكل وجه مقتضب بتقول المضيفه خلصوا استاذ,,طيب عطيني عصير ان امكن..بترد وبتقول الرحله ما عليها عصير وهذه رحلة قبرص على سبيل المثال لا للحصر
-سوريا
ميمو2008-05-19 16:55:30
قصة حقيقية
السورية للطيران لا تحترم زبائنها والدليل قصة تقرؤوها على الرابطhttp://www.syrianscholar.com/vb/showthread.php?p=479 فعلا شي محزن
-سوريا
مانشستر2008-05-19 16:29:34
السورية مافي منها
بس مشان الله يرجع خط مانشستر يعني معقولة نضطر للمبيت في لندن بالذهاب والإياب بالإضافة لساعات سفر بالقطارات طويلة إلى لندن وهذا يعني مصروف كبير وضياع وقت طويل نرجو المؤسسة إذا كان يهمها زيادة عدد ركابها ووضع الجالية السورية في بريطانيا إعادة الخط ولو رحلة إسبوعيا .معظم السوريون بدأوا يحجزون على شركات أخرى لأنها أصبحت أوفر و أسهل
-بريطانيا
zako2008-05-19 16:24:38
ايه والله
والله معك حق و بضن الاكتريه العايشين برا بفهموك اخي انزيل عغير خطوط لانو السوريه بدها كتير لتتصلح
-سوريا
light of freedom2008-05-19 15:35:52
-
لاتروح بعيد اليوم شفت عرض من فرانكفورت لسوريا لمدةاسبوع ب 225 يورو ام فرحت كتير دقيت لموظف قام اقلي ب 315 يورو مشان الله يحطوالسعر
-سوريا
سوري2008-05-19 15:25:57
لا أسافر الآن على السورية
العام الماضي 2007 عجزت وأنا أخابر على فرعت فرانكفورت وشركة الطيران السورية هناك ولكن بدون جدوى وعندما يردون يقولوا لك كومبليت مافي أماكن فاضية ولكن وبقدرة قادر أعطاني أحد أصدقائي رقم هاتف شخص أردني فقال لي موجود حجز متى تريد وسافرت ولكن في الذهاب لسوريا أعطوا مقعد صديقي لشخص آخر وفي العودة صدمت أنهم أعطوا مكاني لشخص آخر
-سوريا
fadi2008-05-19 14:31:34
الحق عليك...
حبيبي الحق عليك احجز على اي طيران في العالم ماعدا السورية>> بتحل ازمتك النفسية على الاقل لتوصل على المطار الاعجوبة.
سوريا
مغترب2008-05-19 13:38:20
حطيت ايدك عل جرح
لك شوبدي اتذكر منك يا سفرجل ّّ!! هذا غير استحالة الحجز بأوقات الصيف بشهري تموز وآب, ما بيهمني, الهنغارية(من أرخص طيران العالم) أحسن بنظري رغم التعب والنزول بهنغاريةلتبديل الطيارةوالوجبة الفقيرة, وما بصل لسوريا إلا بعد 15 ساعة بطيارتين بس بيكون راسي مرتاح إنو يللي أولو شرط أخرو نور مو متل السورية للطيران, اي واللهي شي بيشقّ !!!
-فرنسا