syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
إلغاء ترخيص جريدة "الدليل" الإعلانية والحلاق ينفي علمه بالقرار
الاخبار المحلية

ألغى مجلس الوزراء يوم الثلاثاء ترخيص جريدة "الدليل" الإعلانية التي كانت توزع بشكل أسبوعي دون أن تعلن أسباب هذا الإلغاء, فيما نفى صاحب الجريدة مأمون الحلاق لـسيريانيوز علمه بالقرار.


وجاء قرار الحكومة إلغاء ترخيص الصحيفة خلال الجلسة الأسبوعية لمجلس الوزراء, وبعد خمس سنوات من الترخيص لهذه الصحيفة تحت اسم "دليل الأعمال" التي أصبحت أول صحيفة إعلانية يلغى ترخيصها في سورية.

ونفى صاحب الصحيفة مأمون الحلاق لـسيريانيوز علمه بقرار إلغاء الترخيص مشيرا إلى أنه لم يتبلغ أي قرار بهذا الشأن وأن الجريدة تصدر بشكل طبيعي.

وتوزع صحيفة الدليل كل يوم سبت بشكل مجاني في دمشق وحلب والمنطقة الساحلية وبعدد صفحات يتجاوز المئة وعدد نسخ يصل إلى 600 ألف نسخة وتعتبر اكبر الصحف الاعلانية في سوريا.

ورفض الحلاق التعليق على أسباب إلغاء الترخيص معتبرا أن السؤال في هذا الشأن يجب أن يوجه إلى مجلس الوزراء.

وكانت أمانة السجل التجاري بدمشق أصدرت قرارا في تشرين أول الماضي بشطب السجل التجاري لمؤسسة المأمون الدولية، وذلك لقيام مأمون الحلاق "بتزوير شهادات باسم وزارة التربية الأميركية", الأمر الذي نفى الحلاق حينها.

وربط بعض المراقبين بين إلغاء ترخيص الصحيفة الإعلانية وبين الإعلانات التي تنشر فيها عن مركز المأمون الدولي الذي لا يزال مستمرا بالعمل رغم إلغاء السجل التجاري.

يعقوب قدوري - سيريانيوز


2008-08-12 17:32:07
شاركنا على مواقع التواصل الاجتماعي:



شارك بالتعليق
ليبرالي2008-08-22 00:11:09
شو هالبلد الغريبه العجيبه
يللي العمل الناجح فيها يلغى والعمل السيء يثبت
-سوريا
قارئ سوري2008-08-20 20:29:43
نرجو عودة الدليل
جريدة الدليل جريدة مجانية والعديد من الناس وكبار السن لايستطيع قضاء اغراض كثيرة من خدمات مختلفة الا عن طريق الدليل وجريدة لم تضر احد نرجو عودتها وان كان لها منافس ليكن جريدتين بدل الواحدة ما المانع بس لا توقفوا الدليل من فضلكم
-سوريا
بشار2008-08-20 11:03:59
أرجو الفصل بين المواضيع
تعقيب على موضوع جامعة ساندرلاند للمزيد من المعلومات يرجى الاطلاع على الموقع:http://www.sunderland.ac.uk/international/studycountry/centre-in-your-country/syria/ و أرجو أيضاً عدم خلط المواضيع ببعضها المقال كان عن الجريدة بعدين فتنا بالمؤسسة بعدين فتنا بالجامعة و الله أعلم لوين رايحين
-سوريا
مستثمر قرفان2008-08-19 17:56:29
خلينا وراء العالم
هكذا نحن وهكذا محاربة النجاح وبهذه الطريقة لن نتطور ابدا وكل انسان ينجح بشئ ويحاول تطويره نحو الافضل تكون هيك النتيجة غريبة قال استثمار قال ابقوا قابلوني اذا في حدا رح يتشجع ويحط دولار او يورو واحد في سورية
-سوريا
ديبو2008-08-19 15:34:54
حرام
يعني هاد الشي حرام والله هالعالم اللي عم يشتغلو بالجريدة شو رح يصيصر فين ولا مالنا غير شاطرين غير بالقرارات العشوائية بس مامون حلاق ما بينخاف عليه ورح يرجع باذن الله وبقوة
-سوريا
مستغرب2008-08-19 15:16:21
قصة غريبة
ارحموا من في الارض يرحمكم من في السماء الله لا يضر مخلوق ورمضان كريم وانشاء الله ربنا يساعد الجميع ويعودوا لوظائفهم ويعملوا ويستطيعوا الدراسة ومصاريف رمضان والمدارس القوية ولاحول ولا قوة الابالله
-سوريا
حصة2008-08-19 10:50:08
انشاء الله تعود الدليل
السلام عليكم انشاء الله يكون الكلام صحيح وتعود الدليل والله زعلانة على الموظفين ما يبقوا دون عمل الله يرأف بالحال ويعين الجميع وييسر الامور قولوا امين
-السعودية
جوزيف ملص2008-08-19 10:23:43
مواطن سوري قح
أول شي بقدم أحر التعازي لكل متضرر من ورا هالقرار , تاني شي أنا بتوجه بالكلام لكل مستثنر سوري كان أم غير ذلك أنو يتوجه بمشاريعو خارج سورية الحبيبة فنحن لسنا أهل لهذا , فنحن سورية الحبيبة بلد الماضي العريق فقط لايوجد مستقبل وان شاء الله على يد الشباب الطيبة يلي ورا هيك قرارات لح يمحو الماضي كمان بعمايلهون , انا بشوف انو نسافر برا هالبلد أحسن شي ونرتاح *
-سوريا
متفائل شوي2008-08-19 02:54:09
إن شاله أنحل الموضع
بحب بشر كل المهتمين أنو الجريدة رح تعاود شغلهاوترجع أقوى مما كانت قبل نهاية الإسبوع بس ممكن تصدر بإسم تاني وبترخيص جديد بس خلينا جنبها وجنب مأمون الحلاق وندعي لهلجريدة بالتوفيق لأنو هية الأولى بسوريا بدون منازع ومابتخيل يمر يوم سبت وفتح عيوني الصبح بدون ماشوفها
سوريا
المغتربين2008-08-18 14:58:51
الى الاخوة المغتربين
الى جميع المستثمرين السوريين المغتربين اللذين يفكرون بالعودة الى سورية اي الى الوطن للاستثمار في اي مجال العدل عن قرارهم بعد ان قرانا ما حصل بجريدة الدليل الاسبوعية المجانيةوشكرا يا مغتربين استثمروا مكان وجودكم نصيحة لكم
-ألمانيا
طلاب جامعة2008-08-18 11:40:25
ماصدقنا وجدنا عمل بالتوزيع
يا ناس يا عالم البطالة شئ فظيع وان تجد عملا مسألة ليست بسيطة ونحن طلاب والجامعات على ابواب الافتتاح وعم نشتغل ونطلع بعض النقود تفيدنا في دراستنا الجميع يعرف الغلاء واهلنا صاروا عاجزين عن دفع مصاريفنا صرنا نحن ندرس ونساعد اهلنابعملنا والله اعلم بالحال نرجو عودة جريدة الدليل لنعمل والله بدل اتباع اساليب السرقة فالحاجة ستؤدي الى السرقة صدقوني
-سوريا
موزع2008-08-17 22:13:29
بكرة بترجع
أنا موزع بالجريدة أتصلوا معي الجمعة مساءً وقال في عطل بالمطبعة وتأجل التوزيع
-سوريا
مغترب2008-08-17 10:59:24
ياحرام عليكم
ياحرام.... على هل الموظفين وقت فتح المدارس ورمضان على الابواب لاحول ولاقوة الابالله
-قطر
مغترب من 25 سنة2008-08-17 08:45:55
سمعت ان بلدي سورية مكان للاستثمار الان
لأ لأ لأ اذا هيك الموضوع خليني بغربتي بلا مشاريع بلا بطيخ
-السعودية
م ب2008-08-16 23:40:18
الله يطيون العافيه
نشكر الحكومه على ما تقوم به من جهود وأننا نعرف حكومتنا إذا أتخذت أي قرار فهو عن دراسه .
سوريا
مستثمر سوري مغترب2008-08-16 17:31:37
الحمد والشكر لله
الحمد لله كنت سأحول اموالي لعمل مشروع في سورية وبعد قراءتي للمقال اشكر الله وأحمده انني لم احول اموالي وبلا مشاريع اذا كانت هذه هي النتيجة؟
-السويد
دعاء2008-08-16 11:29:53
الصبر مفتاح الفرج
ارحموا من في الارض يرحمكم من في السماء
-سوريا
رجاء2008-08-16 09:24:49
نداء للدولة
يا مجلس الوزراء حرام عليكم فكروا بالناس يلي عم تاكل من ورا الجريدة الدنيا رمضان وأيام فضيلة بلا دعاوي الناس المظلومة بيكفي أنه المأمون بتشغل الناس بلا واسطة وبلا رشوة مين بدو يعطيهن رواتب وبكرة بترفعوا الاسعار كمان فكروا ب2500 موظف ولسامابدكم سرقة ومابدكم تسول تسول
سوريا
زعلان كتير2008-08-15 21:14:08
شئ مؤسف ما يحصل
ناس تريد ان تطور البلد والعلم قولوا لي من لم يستخدم جريدة الدليل في شراء اوبيع منزل او بحث عن وظيفة او حتى رحلة اوعمرة بس فعلا شئ غريب هذا الاغلاق الفاجئ
-سوريا
مغترب2008-08-15 20:44:10
عيب والله عيب ما يحصل
تقولوا تعالوا يامغتربين واعملوا مشاريع عيب مايحصل
-سوريا
مواطن سوري2008-08-15 16:48:33
العصر الأخر
العالم كله يعيش بزمان و نحن نعيش بزمان اّخر لم نعرف مدى صحة ترخيص الدليل الا بعد مضي 5 سنوات و هكذا هي حالنا لانعرف صالح البلد الابعد مضي حقب علينا و مع ذلك ندعي التقدم و عدم التخلف وكل شئ تمام يكفي احتيال ونصب يا دولة التقدم
سوريا
kareem mona2008-08-15 15:50:48
فعلا تشجيع المستثمرين بعدم القدوم الى سورية
اين هو تشجيع الاستثمار وعمل المشاريع في سورية لتشغيل العدد الاكبر من المواطنين مانراه هو العكس تشجيع عدم القدوم الى بلدنا وعدم عمل اي مشروع صغير او كبير وخلي الفقر يزيد والبطالة تكثر والتخلف بدل تشجيع والتسهيل على المغتربين لفتح مشاريع صار كل واحد يخاف ان يغامر ويعمل اي شئ ويشغل الموظفين عنده
-أستراليا
حصة2008-08-15 12:14:42
ماهذا الخبر ولماذا
السلام عليكم ماهذا الخبر ؟جريدة الدليل جريدة معروفة وممتازة وصاحبها انسان محترم ونحن درسنا في مؤسسته ونعمل هنا لماذا التضييق عليه بهذا الشكل لنجاحه ؟يريد ان يطور بلده.. عليكم شكره لا اغلاق جريدته
-السعودية
قرفان والله2008-08-15 04:06:36
والله كتير قرفان
مو مشكلة يا فخامة مجلس الوزراء بتاخدو قرارات عشوائية بدون دراسة بس هاد يلي بتقدرو تتشاطرو عليه القصة واضحة وفي عالم ورا هالقرار على كل حال بكرا لنشوف إذا سكرت الجريدة يا ترى سائلين يا فخامة الأعضاء على العائلات يلي لح تتضرر من هالقرار بركي بتشغلوهون بالدولة عندكون بعد مايقدمو طلباتون بشي 6 سنين براتب يفوق ال 9000 ليرة بالشهر... الدليل بريئة من كل هالقصص بس إذا بهالبلد رجل الأعمال ماشارك واحد من الكبار فهاد يعني أنو أيامو معدودة
سوريا
أحمد أبو أحمد2008-08-14 20:30:30
الدنيا دولاب
كان في قبل جريدة إعلانية قبل الدليل اسمها الوسيط ومابعرف كيف صارت اللعبة بس بقرار خنفشاري تم إغلاق الوسيط، وبالصدفة البحتةوببراءةشديدة صدرت الدليل في الإسبوع الذي تلى إغلاق الوسيط وهي مملوءة بالإعلانات، كنا نعمل في الوسيط فقطعولنارزقناواليوم يذوقون من نفس الكأس
-سوريا
قراء الدليل2008-08-14 17:29:39
نريد جريدة الدليل
ايتها الجريدة الحبيبة نريد عودتك نحبك وننتظرك بفارغ الصبر صباح كل يوم سبت وفنجاني القهوة لن اشربه الا معك عودي الينا يا حبيبتي وحسبي الله ونعم الوكيل على أعدائك
-سوريا
منار قنوت2008-08-14 16:13:08
ضريبة النجاح
هاد مصير النجاح في سوريا شطب السجل التجاري و إغلاق الجريدة معقول وهادكلوا مشان مصالح البعض شايفين كل هل المخالفات وغاضين بصر ، وكأنوا الغلط كلوا من الدكتور مأمون حلاق لأيمت هل حاله . أنا أدعوا أصحاب العلاقة بالعدل ودعم هذة الشركة الناجحة وذلك لأجل بناء سوريا لا من أجل مصالح المفسدين للبلد، لنتعاون لأجل سوريا
سوريا
ذكية2008-08-14 14:34:08
واضحة
واضحة مشان الوسيلة والصفحات الخضراء والزرقاء والحمراء وبكرة البنفسجيةلغوا الدليل لأنها الأنجح بس النجاح عليه ضريبة
سوريا
طالبة2008-08-14 14:19:53
حاجة ظلم وعيب الكذب
حاجة تظلموا مؤسسة كبيرة بس لأنه نجحت درسنافيها وشهاداتنا مو مزورة وعم نشتغل بس ليش يا طلاب يلي درستوا بالمؤسسة وتعلمتوا عم تحكوا لمجرد الحكي الفاضي نسيتوا فضل المؤسسة عليكم وعيب الكذب
سوريا
مغترب2008-08-14 11:38:26
قال استثمار قال شئ بيضحك خلي مصراتي في الغربة أحسن
شايفين يا مغتربين هذه هي نتيجة الاستثمار في سورية
-السعودية
طالب2008-08-14 10:58:26
ما صدقنا وصار في سورية جريدة مثل العالم
فرحت جدا عندما وجدت في سورية مثل تلك الجريدة الاعلانية كما في كندا ولكن الظاهر لايليق بنا فلذلك تم توقيفها وهذا تشجيع لاصحاب رؤوس الاموال من الخارج لعمل مشاريع في سورية وهذه هي النهاية لو السيد مامون هنا في بريطانيا ويشغل هذا الكم من العمال لاعطي جائزة صدقوني العديد تخرجوا من الجامعة ويتابعوا هنا الدكتوراه قابلتهم شخصيا جزاه الله كل خير يريد رفع مستوى العلم في سورياوتشغيل اكبر عدد ولاسيما في هذا الغلاء وياتي قرار اغلاق الجريدة لماذا؟؟؟؟؟؟؟؟؟؟؟؟؟
-بريطانيا
عبير2008-08-14 10:14:28
عيب والله عيب ايها المستثمرون خليكم غي غربتكم
هذا هو مصير كل من يريد الاستثمار في سوريا انسان يشغل الناس بدل البطالة والسرقات وموظفين يعيلون اسرا فعلا من جد وجد هذه هي ثمرة أتعابه اغلاق الجريدة الاعلا نية لانه يضع اعلانانته فيها؟ انسان مثل الدكتور مأمون علم ويعلم جيالا في مؤسسته هل الغيرة والحسد لاادري بدل تكريمه وشكره على مايقوم به عجبي درسنا في المؤسسة ونعمل والحمد لله ونشكر الدكتور مأمون وحسادك كثار
سوريا
من موظفي الجريدة2008-08-14 04:08:32
خافوا الله (بناء على رأي زميلي أبو علي)
والله يا جماعة الخير يعني نحنا من لما سمعنا الخبر ما بتتخيليو كيف وجوهنا والله العظيم يا جماعة مو لأنو نحنا موظفين بس كتير عم تظلمونا وكلامكم ما عم يكون موضوعي بتحدا أي واحد فيكم ما يكون مستفيد من الدليل ولو بشغلة صغيرة وغير هيك نحنا كيف بدنا نعيل أسرنا ومع العلم أنو كل شخص عم يعيل أسرتين وتلاتة أحياناً.. وما عنا مورد تاني وصرلنا سنين طويلة بهالحالة.. ونحنا يلي منعرف وما عم نجامل أبداً فكونوا شوي محترمين وموضوعيين وفكروا شوي بالموضوع لحتى عالأقل تعرفوا شو يلي عم يصير وشو القصة يلي ورا الموضوع
سوريا
غياث قطان2008-08-14 01:00:14
***
يالطيف على الحسد و الغيرة, من هشي رح إنضل متخلفين, يعني واحد بشتغل و بتعب هيك بجي واحد ركيك ضعيف بيحكي, يا مواطن ماشفت إنو العدد ألف محكي من موظفي الصحيفة, ماشفت كم عينة من خريجي المؤسسة التعليمية صاروا أصحاب عمل و موظفين بشركات عريقة في سوريا و بالخارج, المفروض إنشجع هيك عالم و نكافئ كل واحد حط بصمة على هالبلد ورفع المستوى بمجالو, بس ياحيف علينا
-سوريا
syrianlover2008-08-14 00:11:16
]دعاية مضحكة
أطرف مافي هذا الخبر التعليقات الواردة حوله، الواضح أن 99% من التعليقات قادمة من مصدر واحد وربما شحص واحد في مؤسسة المأمون للتعليموالطب وقيادة الطائرات وقص الشعر وتصليح الموبايلات..إلخ. الكل يجمع أن الدكتور مأمون أشرف شخصيات الله على الأرض، والكل بيعرف أنو المأمون بيشغل بالتحديد 1000 موظف، والكل بيعرف الخلفية العلمية الفذة للسيد حلاق، والكل بيعرف أنو اتفاقياته المزعومة ليست وهمية. أود أن أقول للسيد مأمون استثمر أموالك المسروقة من أبناء الشعب في بلد تاني، هذا إذا لقيت بلد يتقبل أكاذيبك المزعومة..
سوريا
مواااااااااااااااااااااااااااااااااااااااااااااااا2008-08-13 21:38:01
كيف ماشية هالبلد الله اعلم
هل هذه الاصلاحات التي ننام ونقوم عليها؟! هل هكذا نشجع رؤوس الاموال للاستثمار في بلدنا؟! هل هكذا نكافح البطالة؟! هل هكذا نشجع المهاجرين للعودة ليستفيد بلدهم منهم؟! اتمنى من السيد مامون الحلاق ان يغلي استثماراته هنا ويخرج للاستثمار باي بلد اجنبي اسوةً بغيرك لانو نحنا فعلا ما بنستاهل
-سوريا
زعتر2008-08-13 21:30:12
موضوعيا
ان اتخاذ مثل هذه الاجراءات في حال المخالفة كانت موجودة ضروري جدا للحفاظ على مستوى عال من الاداء الاعلاني و لبعث رسالة بجدية التعامل مع مثل التصرفات مماقد يشجع مؤسسات تعليمية أخرى للقدوم الى سوريا اما بالنسبة لفرص العمل فان الجرائد الأخرى ستنمو بالتاكيد وستحتاج عمال او ستظهر جرائد اخرى
سوريا
أمجد درويش2008-08-13 21:18:19
الى سامر الحلو
مين هي جامعة سندرلاند بتلاقيها غرفة فيها طاولة وعليها فاكس وفتحت مخصوص مشان تعترف بجامعة المأمون على فكرة انا ممن تعرضو للنصب بقضية الشهادات المزوره من قبل حضرة الدكتور ورفضت استلم الشهادات المزورة بعدما تأكدت انها موقعة من مجرد محامي في امريكا ولم اجد أي اسم للجامعة الامريكية الوهمية بين الجامعات الامريكية المعتمدة وعند ما يثبت صحة كلامي - أرجو النشر سيريانيوز -.
السعودية
الصناعي المهاجر2008-08-13 21:15:28
الحمد لله أنا هاجرت من زمان
الحمد لله الحمد لله الحمد لله أنا سافرت من زمان خارج سوريا و خلصت من ابتزاز التموين و موظفين الدولة و القرف و الوساخة ..... الحمممممممممد لله
-سوريا
علي حاج حسين2008-08-13 20:43:14
ماهي الأسباب
نود أ ن نعرف الأسباب. ومجلس الوزراء ان كات عتده ما يقنع باقفال هذه الجريدة فليصرح بها لان الشعب يجب ان يعرف كل شيء وذلك تطبيقا لمبدا الشفافيةالذي رفعناه شعرا. مجلس الوزراء مطلب بالكشف عن مبررات هذا القرار والا فانه قرار لا مبرر ويجب العودة عنه
سوريا
سورية دبي2008-08-13 20:27:01
ضد الشعب
تم الغاء ترخيص الجريدة بجلسة مجلس الوزراء حرام عليكم فكروا بارزاق العالم اللي عايشة من وراء هذه الجريدة واللي راح تقطعوها بجرة قلم و بدكم الناس تستثمر في بلدنا و مين عنده ثقة اذا كانت القرارات تتخذ بهذه الطريقة
-سوريا
بسام عبد الحي2008-08-13 20:11:21
الدليل
يعني مابتلاقو شغلة ناجحة وبتفيد الناس حتى تلغوهاشيى عجيب !!!! ما سبب الالغاء يا ترى؟؟؟
سوريا
abdullah2008-08-13 19:31:19
قطع الأعناق ولا قطع الأرزاق
ما أرحمك يارب بعبادك . في التشريع الاسلامي لا يوجد عقوبات مالية ولا إغلاق محلات بالشمع الأحمر ولا الأخضر . العقوبات الربانية بعباده عند ارتكابهم مخالفة لا يمكن بأي حال أن تصل لأرزاقهم . فاتقوا الله يا عباد الله في خلق الله .
سوريا
موزع منحوس2008-08-13 18:01:09
يالي مالوحظ لا يتعب ولايشقى
ياجمعة الدليل قدمت خدمات للكل والكل استفاد من خدماتها وبيكفي انها قدمت 1000 فرصة عمل للبلد وهاد ماعدا الناس الي عم تشتغل يوم السبت وكلهم طلاب جامعيين وطلاب مدارس وساعدت بتأمين فرص عمل لكل واحد عم يقرا الجريدة وياريت حاج الناس تحكي طالع نازل وع فكرة المأمون شخص محترم جدا وماحدا بيعرفوا قدنا نحن الموظفين معوا ارحموا من في الارض ولا تزيدوا همو هم
-سوريا
مواطن سوري2008-08-13 18:06:19
منطق
إن منطق الأمور يقتضي التدرج بإجراءات كهذه بدءاً من لفت النظر إلى إجراء التصحيح المطلوب أو مطلبته بعدم نشر إعلانات محددة تحت طائلة المساءلة في حال عدم الالتزام أما القرارات الفورية كهذه فهي خطيرة التأثير على مناخ الاستثمار فما الضمانة لأي مستثمر أو رجل أعمال بعدم اتخاذ أي قرار مفاجئ وفوري كما لفت نظري من تعليق البعض بالتعبير عن ذلك والعدول عن الخطأ فضيلةّ لا سيما في ظل الانفتاح الاقتصادي ومناخ المنافسسة
سوريا
مواطن سوري2008-08-13 17:14:47
فرص عمل
للسيد رئيس الوزراء قالها عندما زار للبنان واستمع للصحفيين فكان رده رد المؤمن إذ قال "حسبنا الله ونعم الوكيل" نناشده أن يتق الله في أرزاقنا وأرزاق أولادنا و عائلاتنا لاسيما أن بعد غد ليلة النصف من شعبان وفيها تقسم الأرزاق والأعمار ونسأل الله أن يبارك الله في أمتنالاسيما أن معظم العاملين ممن لا يعلقون على الاستثمارات الخارجية والأجنبية الكثير من الآمال على الأمدالقصير فمن أين لنا بفرص عمل
سوريا
مواطن سوري2008-08-13 17:12:20
فرص عمل
نرجو من المسؤولين مراعاة عدد العاملين الذي يكسبون رزقهم من هذه الجريدة وكم هي البيوت المفتوحة بسبب العمل فيها لاسيما أننا على أبواب العام الدراسي وشهر رمضان وفصل الشتاء. دائماً القرارات من وجهة نظر واحدة وبغض النظر عن الشماتات والتطاول والسفسطة على الطريقة اللبنانية نرجو الأخذ بالاعتبار مصالح العامة ومراعاتها في هذه الظروف المعيشية الصعبة. هذه الجريدة ليست كالصحف الأخرى تعتمد على الإداريين بل على الموزعين ومراكز الاستعلام. نرجو رحمة الناس العاديين وعدم الاستماع إلى الوشايات فقط
سوريا
سوري مسطول2008-08-13 16:51:13
واضحة
انا برأيي الامور واضحة جدا يعني على ما يبدو الحلاق رفض يشارك واحد من الكبار برزقو فبكل بساطة اعلن الحرب علي يا دكتور مأمون بدك حل سريع شاركو يا اخي كل سوريا صارت الو ما فرقت عليك
-سوريا
reo2008-08-13 16:44:16
Sunderland University
i'm student in Sunderland university in syria in mammon center the certficate is very good and it's like in UK in the campuse so please Dont Say any thing and the ranking for the university in the world is 750 and uk is 30 Regards any one
-بريطانيا
أب سميرة2008-08-13 16:38:52
اقتراح تاني!
طيب منعوه ومنعو غيرو ينشر إعلانات عن مؤسسة المأمون وسكروها بالشمع الأحمر, بس ليش لتلغو ترخيص النشرة؟!! وليش لهلق ناطرين إذا كان من السنة الماضية ساحبين سجلو التجاري؟!
-سوريا
سامر الحلو2008-08-13 16:02:17
إلى د.أسامة
إلى د.أسامة و الدال دلاالة على **, الجامعة هي صرح ثقافي كبير و تعلم آلاف الطلاب لحياة أفضل, التعاون بين جامعة سندرلاند و المأمون قائم و موجود و الدليل إنو في زيارات متوالية بين الطرفين وإسم جامعة المأمون مدروج بقائمة العلاقات الدولية لجامعة سندرلاند على الشبكة وهي من الجامعات العريقة ببريطانيا, فرجاءً عدم التخبيص و نشر الإشاعات بشغل الأخرين لأنو و الله الشعب و الطلاب كلو مل من هيك قصص.
-سوريا
مجئومة2008-08-13 15:05:56
بلا دليل بلا بطيخ
يلي عم يدافع عن الدليل ... روح فتاح جريدة الدليل على قسم ( فرص العمل ) وشوف فرص العمل الكتيرة على رقم هاتف واحد مكرر عدة مرات أشهرها ( 2221122 ) ... وبتتصل فيه اما مقفول أو مشغول أو ما برد عليك .......... حاج ضحك على عقول الناس عيب قال دليل قال ..ايه بلا دليل بلا بطيخ !
سوريا
د. أسامة2008-08-13 13:44:11
تعيش وتاكل غيرها يا \
الحقيقة إنو جريدة الدليل كانت تستخدم في معظمها للدعاية لمؤسسات المأمون \"الدولية\" ولجامعة المأمون وهي تسوق الكثير من الأضاليل حول شهادات دولية والتعاون العلمي مع جامعة السندرلاند وشكرا كتير للحكومة على هذا القرار ومن لا يصدق فليسأل عن شهادة الدكتوراه للدكتور المهندس مأمون الحلاق ودمتم سالمين
-سوريا
someone2008-08-13 13:17:03
أبصر
الهيئة في جريدة جديدة بدها تنزل لشي حدا مدعوم مشان هيك حبو يئلولو باي. بأي بلد بالدنية بيطلع قرار من رئاسة مجلس الوزراء بدون تبرير. آل شو بيئولو بدنا استثمارات والله الخبر اكتير علينا.
-سوريا
عامل2008-08-13 12:57:48
له يا حكومة لا تقطعي رزق العالم
هذا لا يشجع الاستثمار بدل ما تساعدي القطاع الخاص وتقومي بدعم القطاع الذي يقوم بتشغيل الناس وخاصة الدليل الجريدة الاولى الناجحة باعتراف المواطنين حسبنا الله
-سوريا
بيفهم2008-08-13 12:08:08
معلومة هامة
لك يا شباب كلن يومين وبترجع بكرة بيقول خطئ مطبعي او انون كانوا شاكين بس *بكونوا بلعوا يلي في النصيب
-سوريا
ارحمونا2008-08-13 11:21:16
ارحموا من في الأرض يرحمكم من في السماء
لا حولا ولاقوة إلا بالله العلي العظيم، إنا لله وإن إليه راجعون، حسبي الله ونعم الوكيل
-سوريا
نسمة2008-08-13 11:18:47
زوبعة و بتروح
ياشباب بسيطة ان شاء الله ، احتمال تكون مشكلة بسيطة و بتروح لحالها ، وبالنسبة للموظفين صدقوني بتلاقوا احسن ....
-سوريا
أبو وسيم2008-08-13 11:15:55
قرار لمصلحة منافس
بصراحة المؤسسة ككل سيءة ككل مؤسسات بلدنا التي تفتقر لخدمات الزبائن ولكن كلمة الحق التي يراد بها باطل شيء مقزز, فمنافستها للدليل الوسيلة والتي معروف من صاحبها تحاول منذ سنوات طق برغي لها وهذه منافسة غير شريفة على الرغم من علات الحلاق *
-سوريا
\\\'طالبة بالمأمون2008-08-13 11:12:21
مؤسسة عريقة
أنا طالبة بالمأمون وعم أدرس فيها وما لقيت أي صعوبة بالتعامل مع الشهادات يلي أخدتهن منها وهذا بدل على مصداقية الشهادة أما الدليل أنجح جريدة بسوريافليش ما شافو المخالفات لبعد خمس سنين من النجاح.
-سوريا
حقاني2008-08-13 10:51:57
كلمة حق
على مدى السنوات الماضية أثبتت جريدة دليل الأعمال أنها من أنجح وسائل الإعلان في سورية سواء بالنسبة للترويج للمنتجات أو بالنبسة للخدمات التي تقدمها للمواطن ولأصحاب الأعمال الصغيرة والكبيرة فالجميع يترقب صدورها كل السبت ليبحث عما يهممه، عدا ذلك فهي توظف الكثير من أبناء الوطن وبرواتب ممتازة فأين يذهب هؤولاء لذا أعتقد أن الكثيرين سيتضررون من هذا القرار فآرجو العدول عنه لثبوت نفعية هذه الجريدة لأبناء الوطن.
-سوريا
HARIRI2008-08-13 10:51:31
هم وراك وراك يا دكتور مأمون
بحب قول انو في عالم كتير ما حابين النجاحات الي حققا الدكتور مأمون بسوريا من جريدة الدليل الى معاهد المأمون وخصوصا الجامعة الخاصة الي هي بالفعل صرح ثقافي كبير بالوطن يعني دائما في اشاعات عن الجامعة غير معترف فيا وبدى تسكر او تشمع وكانو عبحكو على بسطة صغيرة مخالفة بس هي الحسد وديقة العين بالاخير مأمون حلاق رجل قدم شي للبلد احسن من كتير عالم ما قدموا شي
سوريا
تعليق2008-08-13 10:50:15
الشجرة المثمرة ترمى بالحجارة
مؤسسة المأمون تاريخ عريق واللي بيقول شهادات مزورة نسي انه المأمون علمت كتير ووفرت 1000 فرصة عمل للشباب الجامعيين والدليل من 5 سنين عم تتطور بس مالازم ننسى أنه الشجرة المثمرة ترمى بالحجارة دائما
سوريا
From Ipsos2008-08-13 10:43:15
Its OK
أنا بحب طمن موظفي الدليل أنو الأرزاق على الله سبحانه وتعالى، وأكيد رح تلاقوا شغل أحسن من حيث المردود والراحة النفسية. ذكرتونا بشركة ابسوس لما تسكرت هيك بين يوم وليلة، بس الموظفين كانوا الوحيدين المستفيدين لأنوا الكل لاقوا شغل أحسن وأفضل وأوزن
سوريا
واعي2008-08-13 10:03:26
تكريم الجريدة
المفروض تكريم هيك جريدة و شكر صاحبها على رفع مستوى الإعلان بسوريا, أول جريدة بتوصل لمية صفحة بالعدد و ليس إغلاقها, بس شوف شلون الدنيا بدور بسوريا و العالم الرابع, المواطن يعمل متل **** بيكبر و بشوف ثمرة شغلو وبفيد البشرية, بكون في واحد صاحب قرار بيحط عينو على شغل واحد تعبان بفرطلو يا و بتوازعو الشباب الطيبة, و ختامها مسك ويلي بعدو.
-سوريا
واحد زهقان من هل الاحوال التعبانه2008-08-13 09:48:29
دمشق
مؤسسة الاعلان مو شاطره غيرتكون اقويه على الناس انا بحب قول انو الدليل فعلن عليها ضرايب على المؤسسة بس بكره بيلاقولى فتوا بالمؤسسة ويبرجعو بيفتحوها مو رايحه غير على يلي مالو ضهر يسند بهل البلدفي متل هل الجريدة جريدة ناجحة بالبلد بس الحمد لله المؤسسة مو تاركتها بهمهاايه على الله تصريف العباد العاطلة والسلام
سوريا
عابر سبيل2008-08-13 09:44:04
القرار فعلاً غريب جداً
الجريدة رقم 1 بسوريا و الخدمات ممتازة, القرار فعلاً غريب جداً, ما كان المفروض تبليغ صاحب العمل قبل إصدار القرار وإعطائه مهلة لتصفية العمل علقليلة, ** مالأو غير أكبر جريدة ليسكروها, **
-سوريا
مأمون2008-08-13 09:24:40
يجب منع الاعلانات المخادعة
قرار جيد .. يجب منع كل من تسول له نفسه بخداع المواطن بالاعلانات الكاذبة سواء كانت عن جامعة او مؤسسة او اي منتج او خدمة .. ** ارجو من الحكومة ان تحمي المواطن من عمليات النصب و الخداع بحجة العلم
-سوريا
أبو زين الدين2008-08-13 09:17:08
عاصمة ريف دمشق/دومــا/
لا تحزنو يا أخواني القراء يوجد جرايد كثيرة في دمشق وفي ريفها، وخاصة عاصمة ريف دمشق ((دومــا))،وهي جريدة ((/إضـــاءات/))الخاصة بحافظة ريف دمشق ، أنا أحترم هذه الجريدة المجانية التي تصدر كل يوم سبت، بصفحاتها القليلة،حيث كنت قي وقت من الأوقات موظف فيها بصفة مُـراقٍـب خط توزيع مدينة دوما(( للموزعين والمندوبين)) والحقيقة أنني أستمتعت كثيراً بالعمل بهذه الجريدة.. شكرا ً لسيريا نيـــوز...
سوريا
الرائد2008-08-13 08:53:48
طولو بالكم شوي
طولوا بالكم على جريدة الدليل شوي انا حاطط اعلان فيها لازم يطلع هذا الاسبوع.. ودافع عليه 150 ل.س بالتمام والكمال بقى خلي اعلاني يطلع بعدين شو بدك تساوو فيها ساوو
سوريا
سوري عايش بقطر2008-08-13 08:28:52
بس بدي رد على المهندس سمير
انا من طلاب جامعة المامون ومن خريجي الدفعة الاولى بس بتمنى انو يلي درسو بالمؤسسة او بالجامعة انو مايخربو اسم مامون حلاق بالعاطل طيب مافي ولا شهادة مزورة شو نحن وين عايشين لسة كل فترة بينط واحد وبيقول انا شهاتي مزورة والله عيب وبعدين لاكل واحد يتفزلك على كيفو عيب ياجماعة وين الاحترام انا ماشفت هيك ناس بحياتي غير بسوريا معن معن عليهن عليهن وين شخصية المواطن السوري واذا حدا عندو تعليق يراسلني على الايميل
قطر
Nice2008-08-13 02:27:53
He is not honest man
I taught in his center and he deserves to be revoked from practicing in our country. he is dis-honest man and has very bad reputation between his students and employees ..yes the degrees were fake and his books are all copies from original books w/o trade marks. he is solfish and un partiotic and I am proud of the goverment to do the right thing.
-الدانمارك
حسين حصل2008-08-12 23:51:14
ديروا بالكم يا شباب
انا متل كتير من الشباب السوري انخدعت بالماكينة الإعلامية لمؤسسة المأمون و على مبدأ دفاع و حصل اذا بتحصل الله يصطفل فيهم
سوريا
عمار الحمصي2008-08-12 23:30:07
بكرى بيدفع
انو الظاهر حدا بدو مصاري منو هي الجريدة أقوى جريدة بالبلد حرام تتسكر ولصاح مين صحيح انو المأمون مو متل أول كمعهد بس جريدتو ممتازة
-سوريا
مفلس2008-08-12 23:15:50
سمعت انو
يلي سمعتو انو الدليل عليها لمؤسسة الإعلام مبلغ مرقوم جدا جدا جدا بيجوز مشان هيك حذفوها
-سوريا
مهاجر2008-08-12 22:50:36
تشجيع الهجرة
يعني شو هالقرار المفاجئ يا وزراء ** ؟؟؟؟؟؟؟؟؟؟؟؟ والله عيب انو مابصير مواطن من عامة الشعب يكبر بدونكم!!!!!!!!!! نيال كل واحد هاجر وانشاء الله ماحدا بيرجع ..
-سوريا
أبو حسام2008-08-12 22:48:55
...
بكرة بيرجع إصدار الجريدة متل ما رجع السجل التجاري ....
-سوريا
ابو فاتن2008-08-12 22:45:14
جامعي لكن لا افقه شيء
حقيقة انا حصلت على شهادة جامعية من مؤسسة المامون..لكن وكنقد ذاتي اعترف باني اكبر ** .. وافقه بكل شيء في هذا العالم عدا مجال اختصاصي..والاعتراف بالخطا فضيلة اخطات باختياري هذه المؤسسة للتعليم
سوريا
Foreign Investor2008-08-12 22:02:38
What about FDI
According to this decree I prefere not to invest my money in Syria, surely this will not encourage me and other investors of potentiality of such decree when one's could reach the top success without justifications or previous notice to the owner. IF the government does not care about Syrian investors how could care about foreign one It had better the government prove its transparency with such important decision
-الولايات المتحدة
موظف في جريد الدليل2008-08-12 21:52:23
ارحموا المواطن قبل التاجر
شو أعمل و منين طعمي أولادي شو المجلس ما فكر فينا و أناشد اتحادنقابات العمال تلحق مصالحنانحن العاملون منذبداية هذه الجريدة و يلي الغائها سوف يخرب بيتنا قبل السيد مأمون الحلاق يلي موهية باب رزقه الرئيسي وخصوصاً إنا عم نعيل أولادناوهي باب رزقنا الوحيد
-سوريا
فتى دمشق2008-08-12 21:41:08
بيقولوا عن صاحبها انو شويه ايده ماسكه
وهذا طبعا خطأفي بلادنا لازم الانسان يكون كريم ويكون عنده شىء لله وءالا بدوا يجيه يوم لاينفع فيه الندم رغم النجاحات المتلاحقه وركوب المرسيدس
-سوريا
ناصح نصوح منصوح2008-08-12 21:06:19
شريك حماية
ولله لو عنده شريك ما كان حدا حاكاه شو ماكان صاحب الجريدة يفهم اللعبة من أيام يلي سبقوه على الفكرة بجريدة *** يلي التغيت ثم رجعت .... يمكن مؤسسة الاعلان ماعاد بدها فلوس و طوفرت معها الحكاية بس شو ذنب يلي فاتحين بيوت من المشروع هل بيعوضهم مجلس الوزراء أو صاحب الجريدة يلي لليوم صحيت الحكومة للمخالفات فيها... مع الشراكة ينتعش الاقتصادالوطني!!ّ
-الدانمارك
مواطن سوري2008-08-12 20:12:18
ستعود الدليل كما عاد سجل المؤسسة
ان كان هذا القرار صحيح فسوف يتضرر منه الكثير من المواطنين وابناء العاملين في هذه الجريده وانا متأكد من ان القرار شبيه بقرار شطب السجل التجاري لمؤسسة المأمون قبل اشهر والذي صدر بدون سبب وتم اعاده السجل لثبوت نفعية هذه المؤسسة لابناء الوطن
سوريا
احمد علي2008-08-12 18:38:12
ضايعة الطاسة
ما عندنا نعرف من نصدق بهذه البلد الحكومة ام الشعب الله يرحمك يا ايمن زيدان قبل ما تموت عوجة
-سوريا
طالب مفلس2008-08-12 18:23:34
اكيد السبب وجيه
اتمنى ان يكون هناك اسباب منطقية لالغاء الترخيص لان الجريدة وبكل صراحة تقوم بخدمة اجتماعية ممتازة من ايجاد فرص العمل الى الاعلانات التجارية المميزة و المفيدة وكان الاجدى منع الاعلانات لصالح مؤسسة المأمون فقط
-سوريا
متضرر2008-08-12 18:24:34
الله كبيييررر
الله مافي اكبر منو انا اكثر المتضررين من هذه الجريدة كنت اعمل بها لمدة ثلاثة سنوات تم فصلي تعسفية بدون سبب وانا الان من غير عمل ووالدي مريض الحمد الله على كل حا اللهم لا شماته بس انشاء برجعو لانوا في عوائل وناس طيبين بعملو في هذه الجريدة
سوريا
سمير مهندس2008-08-12 18:19:10
من ضحايا المأمون
الله لا يردو...... زورلي شهادة و عطاني ياها و طلع مالها أساس من الصحةوأخذ مني 15000من 5 سنين يعني اليوم كان أخد 125000
سوريا