syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
ما هو حل الإجازة بلا راتب
مساهمات القراء

أنا مهندس في إحدى الشركات التابعة لإحدى الوزارات الخدمية الهامة والمنيرة ومنذ فترة سنحت  لي فرصة عمل جيدة في إحدى الدول العربية


وكون وضعي المادي غير جيد وأقطن بالأجار وعندي عائلة قررت أن أسافر كي أحسن وضعي المعيشي وأؤمن ثمن بيت على الأقل ثم أعود لأتابع في وظفتي وقام قريبي بتأمين فيزة لي وأصبحت جاهزا للسفر بأي لحظة .. ( وكونه في قانون العاملين الأساسي يحق لكل موظف خمس سنوات إجازة بدون أجر قررت تقديم إجازة بدون راتب ) وهنا بدأت مشوار استمر شهرين من العذاب و الشقاء .. قدمت أول طلب فجائني الرد شفهيا روح قدمه للسيد الوزير مباشرة .. فجهزت طلب جديد وذهبت للسيد الوزير فقال لي مدير مكتبه طلبك إجازة بدون راتب لن يوافق السيد الوزير عليه فلا داعي أن تقدمه فقلت له هذا حقي قال لي لا تعزب حالك انتو هيك بتجو بتكسبو خبرة وبتهربو قلتلو انا ماني هربان بدي سافر اشتغل وارجع لوظيفتي قال لي بنصحك لا تقدم طلبك وتتعذب لأنه راح ينرفض .. فخرجت تعسا وسألت بعدها أحد أصدقائي قال لي روح أمن واسطة كبيرة قلت له ليش صار حقي بده واسطة للأسف .. المهم أمنت واسطة وعلى أساس انه الوزير وافق وكتب على طلبي كتاب لمديري لبيان الرأي .. فأخذت الطلب وردت ادارتي على الطلب بأنه  يمكن الاستغناءعني خلال اجازتي ونقترح الموافقة على إعطائه اجازة بدون راتب ففرحت كثيرا وقلت الحمد لله تيسرت ودخل كتابي بالبريد وكانت الصاعقة أن الرد جاء من السيد الوزير مع عدم الموافقة كونه الوزارة بحاجة إلى مهندسين .. فأصبت بالإحباط وأخذت أسال يا ناس شو الحل قام قالو لي دبر واسطة أكبر أو استقيل قلت ما عندي واسطة أكبر وليش لأستقيل ما أنا رايح وراجع وما حدى بيعرف شو مخبى بالغربة راح نتوفق أو لا الله أعلم ..

فمنشان الله شو الحل يا جماعة .. نأمل من السيد رئيس مجلس الوزراء ومن الجهات المعنية ايجاد حلول لنا فنحن الموظفون أكرمنا السيد الرئيس بقانون العاملين الأساسي الذي ينص في إحدى مواده على حق الموظف بإجازة بلا راتب لخمس سنوات .. فلماذا التعقيد إذا ... نرجو المساعدة ..

وانوه أن زميلي في نفس الدائرة وأنا وهو بنفس المرتبة والشهادة تقدم بطلب إجازة بلا راتب بعدي بحوالي اسبوع وجاءه الرد مع الموافقة .. نياله على واسطته .. شوفو المفارقة


2008-09-01 23:00:20
شاركنا على مواقع التواصل الاجتماعي:



شارك بالتعليق
مهندس2008-09-06 03:39:26
الله يعينك على هالعلقة
الله يعينك ويصبرك على هالعلقة . أنا معك 100 % واكيد اكيد اكيد أنه مشكلتك هي مع وزير الكهرباء .. بنصحك اذا شغلك مأمن استقيل من الوظيفة ( هي اذا قبل الوزير استقالتك ) وابحث عن مسقبلك وكساب خبرة الخليج وأمن حالك ورجاع فتاح مكتب هندسي واشتغل راسك من حالك ما حدا بيأمرك وما بتحتاج منية حدا .. والله يوفق جميع المهندسين لأنه بالفعل المهندسين عنا مظلومين فالمهندس الموظف ممنوع يفتح مكتب طب عاطوه بدل تفرغ مثل دكاترة الجامعات طب عاملوه مثل الطبيب الموظف .. آخ دنيا . والله يحمي بلدنا ويصونها .
-سوريا
كاتب المقال2008-09-06 03:34:05
والله ماني أناني ولا بدي البيضة وقشرتا
يا جماعة بشكر كل شخص علق على موضوعي وتعليقاتكم كتير هامة .. وبدي قول اني والله العظيم ماني اناني بس هيك وضعي تعبان كتير وبدي قول كمان أنه موضوع البطالة هو مشكلة بلد وليس أنا سببها بس هناك فرق كبير كتير بين واحد مسافر يأمن مستقبله وبين ناس عم يقبضو رواتب بدون دوام ( يعني بطالة مقنعة اللي هي سبب كتير من العلل ) انا طالع أمن على الأقل ثمن بيت أسكنه وارتاح من الأجار وأنوه اني ما رحت لا دورة ولا بعثة ولا سفرة ووزارتي ما صرفت علي أي مبالغ اي ما عندي اي التزام وشكرا
-سوريا
مهندس ينتظرالعمل2008-09-02 16:03:50
بدك البيضو واشرتا
والله طرح غير موفق يعني بدك تروح وتأمن حالك بيت وسيارة وعمل وترجع تشوف مكانك محجوز وآلاف المهندسين العاطلين عن العمل في بلدنا عم يتفرجوا عليك ماهذه الأنانية , إذا بدك تروح الله يهنيك ويرزقك لكن تروك لغيرك هالمحل يشتغل ويفرح قلبوا ويتجوز , أظن أنها الأنانية فقط مع الإعتذار منك وأطالب بدوري إلغاء الإجازة بلاراتب لمن يريد أن يعمل خارج القطر فقط وهذا مطلب جميع العاطلين عن العمل .
-سوريا
محمد من سوريا2008-09-02 12:31:08
مالك غير فيتامين ميم
فيتامين ميم مو واو، فيتامين واو ما بيمشي حالو بدك فيتامين ميم فهمت ولا لسا بابا و أا لم سافرت بشكر الله ماكت موظف بالدلة لأني واحد بعرفو دفع ميم كبيرة من 4 و 5 بعدون حتى جاب الميم بتعف مفقود الميم بهل الأيام
-سوريا
عاطف2008-09-02 12:23:19
الإجازة ليس حقاً مفروضاً، ولكن...
زميلي العزيز، أنا مهندس أيضاً، ولكن أمتنى أن يعي جميع العاملين في الدولة أن الإجازة ليس حقاً مفروضاً على المؤسسة يحق للموظف استخدامها متى أراد، ولكنها سقف سماحية المؤسسة. لكن المشكلة الفعلية هي في إنتقائية الموافقات واستخدامها للإثراء غير المشروع من خلال بيعها دون النظر إلى حاجة المؤسسة أو طبيعة عمل طالب الإجازة.
-سوريا
بنت حلب2008-09-02 12:19:50
مثلك مثايل-نصيحة
انامهندسةوزوجي سافربسهولةوأمنلي فيزااناوبنتي ومضطرةروح,ومع اني بمديرية خدميةومافي الاشغل قليل وفي وحدةنفس اختصاصي ماقدرت اطالع الاستيداع الابطلوع الروح وميةواسطةوأبي هلك رايح جايةعم يحوص لبين أمنها,نزلت أجددهانفس المشكلة,بكل حال ,نصيحتي الك روح سافر وانقطع عن الدوام فجأةولبين يرفعواعليك دعوى بالمحكمةبيكون بين معك اذارح يمشي حالك بالغربةأولا,ساعتهايابتحكي للقاضي اللي صاروبتقدم استقالةاذاماعادبدك,اوبتقول للقاضي اضع نفسي بتصرف الادارةبتاكل انذاروبترجع لشغلك وربنا الموفق بس اوعك تتخلى عن فرصةالسفر
-سوريا
Malel2008-09-02 10:41:02
very funny
انتو هيك بتجو بتكسبو خبرة وبتهربو!!!!!!!
-سوريا
lمطر2008-09-02 10:07:54
وأسفاه
كل ما دخلت لوزارة أو دائرة يقولون لك لا واسطات ولا استثناءات ولكن عندما تتقدم بطلب بسيط ويكون حقك ولا تجاوز فيه تتفاجأ بالرفض أعتقد تطبيق القانون على الموظفين مثل اللعب بالغميضة يا بيلاقي القانون الشخص واله يساعدوا اللي بيحكم حظو عليه يا بيمرق على القانون الكثير من الأمور والتجاوزات وبيكون ضرب الحظ ضربتو
-سوريا
ابن الوردي2008-09-02 09:32:16
!!!!!!!!!!!!!!!!!!!!!!!!!!!!!!!!!!!!!!!!!!!!
بدك تدفع يا أخي الموظف ...بدك تدفع عرفت بقا شو بدك تعمل ؟ على مين جاي تضحك ..شو بفكرك مو عارفين ليش بدك تاخد الإجازة بلا راتب ..هه...أكيد مو رايح تعمل سياحة برا وتفت مصاري ؟ و أكيد مو رايح تتعالج ..؟ انت رايح تجيب مصاري والشباب بدن حقن ؟ هدا حقن ها مو حرام ..؟ فعلا عيب ناس مو ملاقية وظيفة وقت بيجي واحد يترك بيتمسكو فيه ..وبيتعربشو عليه وبيقلولوا الشركة بلاد بتوقف واقتصاد الوطن بينهار بلاك ..؟!!!!!!!1
-سوريا
أمينة2008-09-02 07:52:55
الهرب من الواقع
المشكلة إنو يلي بيضطر الشباب يسافروا الراتب القليل والفساد المستشري متل الفيروس ويريدون للعقول السوريةأن لاتهاجر وتفيد البلد كيف؟ والحال للأسوء مع غلاء الأسعار وأزمة السكن كيف يزيد الإنتاج وأحوال الناس للأسوء يعني الشيء الوحيد يلي بنقدر نعملوا هوالدعاء.
سوريا
fatima2008-09-02 07:40:48
أنا ضد السماح للمهندسين الذين اكتسبوا خبرات
واوفدتهم الدولة بعثات خارجة و أنفقت عليهم مافتح ورزق من أموال و نالوا أعلى شهادات الخبرة في مجال اختصاصهم وعملهم أن تسمح الدولة لهم بالمغادرة بعد ذلك .. ومن كان يفكر بتحسين ظروفه خارج هذا البلد كان عليه أن يترك فرصة هذا التدريب لغيره و يسافر هو يختبر الحياة خارجا .. أما أن يكسب الخبرةويرحل بعد ذلك 5 سنوات أخرى ويترك مكانه شاغرا ينتظره متى ماعاد اليه فهذا حرام ولايجوز .. يجب تفعيل دور الرقابة جيدا لمنع تسرب الخبرات وعدم السماح لمثل هذه الواسطات ومحاسبتها بشدة وهي موجودة بكثرة للأسفالشديد ..
-syria
سوري متغرب2008-09-02 04:33:22
نيالك اذا بيوافقو على استقالتك
المهم انو رحت طالعت جواز غير موظف ودفعت المعلوم وسافرت اترزق ربي . وبعد الحمدلله خلصت عرفت انو انا من القلائل اللي حالفني الحظ وقدرت اهرب لانو المدير العام اللي مابيخاف الله كان متجبر ومابيخلي اي موظف يترك حتى لو بدو يتقاعد وكان اي موظف بينتهي ارتباطه بمؤسسته بوفاته , المهم انا من شدة احترامهم لم يتركوني بحالي ورفعو بحقي دعوى ترك عمل وتم صدور حكم سجن بحقي مع غرامة مالية قرابة \ 100000 \ليرة.ياسيدي اللي مو مصدق يروح يسأل عن مؤسسة معامل الدفاع بحلب حتى يتأكد بنفسه. وشكرا
-سوريا
سوري متغرب2008-09-02 04:30:09
نيالك اذا بيوافقو على استقالتك
والله لو بحكيلكم شو عملو معي لما سافرت راح يطير عقلكم من راسكم. انا كمان مهندس منتوف موظف سابقا بمؤسسة حكومية بحلب , وقررت اسافر لأحسن وضعي وتقدمت بإجازة بلا راتب لمدة سنة تم رفضها مباشرة من مديري المباشر لانه لا احد يجروؤ على مجرد التوقيع عليها, المهم شهور ومافي نتيجة , قررت الاستقالة واخذت حسبي الله وايضا تم الرفض مع العلم انو كنت بمؤسسة واقفة مافيها اي شغل ولاتظننوني شي خبير حتى لانو كنت بعدي موظف جديد, اخيرا قررت اخد ثلاث شهور بلا راتب وبالواسطة قدرت احصل عليهم وطالعت جوازغيرموظف يتبع
-سوريا
الهوى الشمالي2008-09-02 03:41:15
اي بيعينك الله
وهدول يا صديقي اللي بيبيعونا وطنيات وكلام معسول وبيطلوا عالمنابر وبيصرحوا انو عم يعملوا لمصلحة المواطن, لك يا صديقي هدول بيحددوا شو لازم تاكل وتشرب والهوا اللي لازم تتنفسوا والكلام اللي لازم تقولو, لك يا صديقي هيدا البلد ما منو امل لا البارحة ولا اليوم ولا في المستقبل والله يستر من القادم, نصيحة قدم استقالتك وروح سافر والله كريم وما بيقطع حدا وبالتوفيق لك لكل شبابنا
-سوريا
سنفور غضبان2008-09-02 03:16:17
انا اكره الاجازة
كلشي ولا تكون مهندس زراعي اذا هيك معون حق ؟؟؟؟؟؟
-الإمارات
طبيب جراح2008-09-02 02:29:32
هج أحسن لك
يا عزيزي خذ حسبك الله, ونصيحتي استقيل ولا ترجع , لأنو الوضع بيشجع الناس على الهجرة وترك الوطن فورا فالسيد الوزير أثار حفيظتك و حقدك , وجعلك تفكر بعدم الرجوع أبدا, أنا طبيب و راجعة التـاهيل والتدريب من أجل تعييني في مشفى لا يوجد فيه اختصاصي وهم بحاجة ماسة إلي, فقام عملي ياها مثل اختراع القنبلة النووية وقال : شو مفكر الشغلة على كيفك, هيك شغلة بدها دراسة ومعاملة طويلة عريضة, هيك ناس بتخليك تفكر "تهج" وما ترجع
-سوريا