syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
طلبات من دول عديدة لاستيراد سيارة "شام"
الاخبار الاقتصادية

بدأت شركة سيامكو السورية الإيرانية بتلقي طلبات التصدير لسيارتها شام من دول متعددة من مصر والأردن والسعودية واليمن والسودان واثيويبا واوكرانيا..

 


وبحسب ما ذكرت صحيفة الثورة قامت الشركة بتصدير سيارتين إلى دولة قطر (مؤسسة الاتصالات) بناء على طلبها للقيام بإجراء التجارب على هذه السيارة في قطر ليصار بعدها استيراد السيارة (شام) بكميات كبيرة خاصة بعد نجاحها وملاءمتها للأجواء الخليجية ليتم الاتفاق مع الشركة من أجل تصدير الكميات المناسبة لهذه المؤسسة.

ويصل إنتاج شركة سيامكو لتصنيع سيارات شام في اليوم إلى 30 سيارة ومن المقرر أن يصل قريبا إلى 40 سيارة في اليوم، وبحسب الخطة الموضوعة لمصنع سيامكو فإنه سيتم" إنتاج نحو عشرة آلاف سيارة سنوياً وأربعين سيارة يومياً ".

ويبلغ سعر السيارة 575 الف ليرة سورية من سعة 1600CC و 625 الف ليرة سورية للسيارة من سعة 1800CC .

سيريانيوز


2008-09-21 13:33:26
شاركنا على مواقع التواصل الاجتماعي:



شارك بالتعليق
سوري في المانيا2008-09-27 11:47:47
الى سوري في الامارات
شكلها من برا ماشي حالو , احسن من المستعملة ؟؟؟؟ ابوووووه دمك شو خفيف , عن جد يعني الله يعينك شو بدك تسوي بدك تتحمل هالبشر ... بتعرف يعني انت ... مساكين ما حدا طالع على الأمارات و شايف يلي انت شايفو ... على كل حال خير خير ... سلام عليكم
سوريا
سووووووووووو2008-09-25 16:15:58
هههه
مو لتكون سيارة خرج تكون صالحة للتصدير هي سمند جابوا لهون وسموها شام ..روسي على صيني على ايراني بضاعة مثل البسكويت ..............!!!!!!!!!!!!!
سوريا
سوري في الإمارات2008-09-24 12:38:57
كلامكم غير صحيح يا سادة
يعني مع إحترامي للكل يلي عبعلقو على الموضوع و عبيحكو على الدول الخليجية مفكرين كلا ناس هون عندا بي ام ومرسيدس بعدين يلي عبيشتري دايهستو و سوزكي بيشتري السيارة وبصراحة انا شفت من بره شكلا منيح احسن من السيارات المستعملة
سوريا
مواطن شريف2008-09-24 06:06:58
الوزراء رح يركبو شام
ساركوزي بيركب ستروين و بيجو و الالمان بيركبو مرسيدس و بوش يركب الفوردو الهنود بيركبو سياراتون حتى الرئيس الهندي . معناها لانو فخر الصناعة السوريةو مشان تشجعوا التصدير .حاج مصاريف على كاهل الدولة ولازم السادة الوزراء و خصوصا وزير المالية رعاه الله ان يركبوا مثلها و أن يشجعونا . و معلش يفيموها و يعملوا منا مراقفة . و خلينا نقتدي بالدول المتقدمة يللي بتدعم صناعة بلدها .
-سوريا
مواطن اماراتي2008-09-24 06:03:37
ههههههههههه
اي صح انا شفتا من شي سنة هون بدبي و نمرتا برقم دهبي كمان . بس كان راكبا شرشبيل و لاحق السنافر يللي كانو مع أليس يللي جاية من سوريا بلاد العجائب. قال مواصفات خليج . لك حبيبي انا ما رح افرح لانو انا عايش هون و مرتاح من الضرايب يللي عم تزيدوها كل يوم.بقا ليش اكل همكون ازا ربحتو بمعمل السيارة ؟؟ عفكرة رفيقي شافا بألمانيا . بنص برلين
-الإمارات
فيصل العطري2008-09-24 00:48:36
أتمنى
أتمنى أن يتحسن الإنتاج كي يكون منافساً بالسعر والجودة وإنشاء الله منشوف المنتجات السورية بكل دول العالم ولكن أتمنى أن ننظر للأمر من ناحية الرغبة بالتطوير لا أن نقف بمكاننا فيما العالم يسير بسرعة الضوء وأنا واثق أن كل الإخوة الذين انتقدوا السيارة فعلوا ذلك من باب الرغبة بالوصول للأفضل ولشعورهم بأن بلدنا قادرة على صنع الأفضل
-سوريا
شام درايفر2008-09-23 11:09:45
انشالله الله كريم
أنا صرلي سنة وشوي راكب سيارة الشام، وصدقوني يا جماعة سيارة ثابتة ومتينة وموتور قوي وحلوة كثير سواقتها، وممكن انو تكون عملية التصدير ناجحة، لو كن التجميع ادق من هيك وقدر يتخطى الملاحظات يلي دايما عم تحكي الناس فيها ويلي بعاني منها بسيارتي \\\"عيار الابواب، نوعية جهاز الانذار والقفل المركزي..........الخ.) وانشالله كل التوفيق لانجاح عملية التصدير.
-سوريا
سوري من أبو ظبي2008-09-23 10:59:19
رد على الاخ جابر
مع احترامي الك يا اخ جابر شو ماكانت السيارة شام ولا غيرا ...مافي نسبة بين سيارلاات موديل حديث جديدة ونضيفة ومريحة وماراح تحط عليها فرنك للتصليح ,بين سيارات فخمة بس موديلات التسعينات اللي ماعاد ركبا غير المنتوفين مع احترامي للجميع ..شو جاييه للواحد يركب مرسيدس وبي ام بس مو ديل ال90 من بررا رخام ومن جوا سخام ولحقلا مصروف وتصليح واعطال ويافرحتي ....بالالماني
سوريا
مواطن (المواطن هو انسان درجة تانية)2008-09-23 08:52:35
حلوة من علصبح
قرأت الخبر و فكرت حالي لسا نايم, حتى الهنود بالخليج ما بيركبو هيك سيارة بهيك سعر... انا شخصيا ما بركبا ببلاش لانو سبأ و انطعج معي شاسيه السيارة لما ضغطط علي باصبعي , و يللي مو مصدق يجرب , السيارة ابدا مالا امينة على حياة الركاب, و بالخليج السرعات النظامية 160 يعني اذا بيصير حادث لحدا فيها, ما بيعطس اكيد, و بالنسبة للدول الاجنبية, فالسيارات الالمانية عندون بالكيلو, و ماحدا مستعد يموت منشان والله يركب سمند... مافي أمل
-سوريا
علوش2008-09-23 07:27:12
لكل واحد مو عاجبو
نعم سيدي اسمها سمند، لكن السيارة الايرانية التي تجمع في سوريا اسمها شام، وسوريا اليوم تجمع سيارتين، شام من سيامكو، وسابا من سيفيكو، البلدان النامية كلها بلشت بتجميع السيارات بعدين تحولت للصناعة كون مافي بسوريا صناعات داعمة لكن خلال سنوات قادمة رح تكون الصناعات الداعمة موجودة. المهم .. انو التصدير رح يجيب عملة صعبة للبلد، يعني ربح، يعني خير، فلو كانت سيارة تجميع، تصنيع، تخبيص، المهم عم تصدر. ويلي مو عجبو، أخي لا تركب شام ولا تركب سابا، لعمى عل هل الشغلة.
-سوريا
أب سميرة2008-09-23 05:23:30
كتير تخينة!
إذا السيارة عم تتركب عنا, مو معناتها صارت سورية, يعني كل شركات السيارات وكل شركات التصنيع بشكل عام ممكن تطبق وحتى تصنع منتجاتها بدول مختلفة, وبصراحة اللي عايش بالخليج أكيد عم يضحك على فكرة أنو سيارة إيرانية قطعها فرنسية بتقنية أواخر التمانينات مجمعة بسوريا ممكن تنباع بالخليج لأنو هون بيشترو سيارات موديل سنتها بجمارك وضرائب قليلة جداً أو معدومة والبنزين رخيص جداً وحتى سعرها مو منافس!
-سوريا
جابر2008-09-23 04:21:56
موظابطة مع الشباب
اذا كانت سيارة الشام ببلد المنشأ سعرا 12000$ اديه بدها تنباع برا؟؟؟؟؟؟؟ خلينا نقول بنص السعر يعني 6000$ ب الخليج بتركب سيارة مرسيدس شبح بنفس السعر فيا ترا شو رح يختار الزبون شام موديل 2009 و لا شبح موديل 1993 ؟؟؟؟؟؟؟؟؟؟؟؟؟؟؟؟ شو بتختارو انتو؟
-سوريا
مشاري2008-09-23 00:31:53
والله غريب
والله انتم السوريين ماتستحون ان ما صنعتلكم بلدكم مايعجبكم وان صنعتلكم مايعجبكم واش تبون والله غرييييييييييييييييييييييييييييب
الكويت
شامي2008-09-23 00:19:33
آمين
اولا اسمها سيارة سمند! يعني ايران عم تصدر من زمان هالسيارة, وانشالله منصير نصدر لليابان! بحب بلدي موت!! بس خلو سعرها للمواطن معقول شوي!!!
-سوريا
Pierre2008-09-22 19:39:06
i saw it here
انا شفت كذا سيارة شام هون بالإمارات ب دبي
-سوريا
راغب2008-09-22 17:57:33
................!
الله يعطيكن ألف عافية وبتمنى كل الخير لسيادة الرئيس وللوطن الغالي وبتمنى التطوير لسيارة شام مستقبلاً يعني ما تبقى على النفس الموديل وخاصة أنو هلأ صارت للتصدير
-سوريا
HAZ2008-09-22 17:14:19
سيارة , وطنية , 100 %
لمن ينادي بالفخر , والعزة كان الاولى باي مسؤول درجة رابعة ان يركب سيارة وطننا , لكي نشعر انها امنة , ونشعر ان من (]مثلون ) الوطن يحترمون ما يسمى صناعة وطنية , ولكن حسب معلوماتي حتى الان لم يجرأ اي عنصر شرطة او جمارك , وليس ضابط او مشؤول رفيع ان يركب سيارة شام , لان الضحية وكبش الفداء لكل التجارب على مر التاريخ الحديث للوطن هو : المواطن . ثم اي تصدير وباي سعر , يا ليتهم ذكروا سعر التصدير ليرعف المواطن كم تربح منه مؤسسته ( الوطنية ) , وهنيئا لكل فخور بالعلكة والسيارة , وكل فقاعة خلبية
سوريا
mouhnad2008-09-22 14:01:03
وين الغلط
بتحب بلدك؟ (حب صناعتوا)
-لبنان
Omar M2008-09-22 12:39:01
ليش لاء
خلينا نكون ايجابيين شوي و نعطي فرصه لحالنا .. كنا عمنء و نقول ايمتا بدنا نصير متل العالم و نصير نصنع سيارااات .. مو ناقصنا شيييي ... عبتحكوا عن سيارات المرسيدس و ال بي ام .. لا تطلعوا على هالسيارات هلق اطلعوا عليها أول ما اتصنعت و ببداياتها كانت بضحك هي السيارات على قد ما كانت بدائيه و متخلفه و كلا مشاكل .. انشالله بتتحسن سيارة شام العظيمه و بتصير بتنافس باقي السيارات و بفتره قصيره
سوريا
Ahmad2008-09-22 12:37:31
Wait a minute
Everyone should be happy that we have got into a stage where we can export cars to other countries. All respected countries in the world try to encourage their countries own products. Have you ever seen a french president riding a car not Peugeot, although he and all in his country know that Mercedes for example is better quality but this is part of the country\'s PRIDE of their products. I am not asking all Syrians to drive SHAM but at least don\'t be so negative about it
سوريا
د.رامي2008-09-22 10:23:18
مزمار الحي لا يطرب
اخ واحسرتاه على هيك شعب بس شاطر بالنقد الهدام . الجماعة عم يشتغلو ويصدرو سيارات ونحن عم نفكر معقول؟ والجودة؟؟ و و . الى متى سيبقى شعورنا هذا بالدونية .الى متى سنظل نشرب المتة ونحكي على الناس اللي عم يشتغلو وينجحو ..اخ شي بينفخ القلب
-سوريا
محظوظ من يوم يومي2008-09-22 10:10:48
نحنا بنتمنى
يعني الواحد عم بيشوف التعليقات و يلاحظ أنو صار اللي بيمدح السيارة وطني وقومي و اللي بيذمها صار شوية ثانية رجعي و عميل ، يا شباب انا بتمنى بلدي بتغزو العالم بمنتجاتها بس الواحد يكون منطقي صناعة السيارات هي جزء من نهضة صناعية حقيقية شاملة و الكل بيعرف إنو لحد هلأ احنا ماشيين قدما بعملية التجميع بدل من التصنيع من تلفزيونات السيرونكس لسيارات الشام، و برأي انو لازم نقول نحن بنتمنى لصناعة تجميع السيارات عندنا إنها تنافس صناعات التجميع في دول أخرى.و خلينا نتعلم كيف نسمي الأشياء بأسمائها
-سوريا
محمد السوري2008-09-22 07:10:28
سيارة قوية ومتينة
اول ما نزلت سيارة الشام ماحبذت الفكرة بعدين رحت اتفرجت عليها وشفت واحد صاحبي راكبها لقيتها هلوة كتير واشتريت منها وبنصح كل واحد بدو يشتري سيارة حلوة وقوية ومابتصلي يشتري سيارة شام وانا متأكد انوكل مين طلب من هي السيارة لح ير يطلب كمية تانية اعمري يابدي باذن الله
-سوريا
مواطن سوري2008-09-22 03:47:34
مع انو كلام
بعيد عن التصديق بس منقول انشالة . وتعليق بسيط للشباب الي عم يقولو شافو سيارة شام قلبت بحب اقول انو افضل انواع السيارات بتقلب مو شرط انو السيارة تكون سيئة يعني مرسيدي وبي ام وماذدا وكل السيارات بتقلب . والله يوفئ هل معمل ومنكون من مصدري السيارات يا رب
-سوريا
السوري الاصيل2008-09-22 00:04:15
كبيرة يا سوريا انتي وقائدك بشار
ولك والله كل مين يعلق بانكلة ومسخرة على هاد الشي والله اشك بعروبته واشك في انو سوري ولك شو ما كان لازم نفرح الله يديمك ياسورية ويديم عزك ويديم دكتور سوريا بشار الاسد ويحمي انشاءالله ويكون جبل صامد امام كل الاعادي من الداخل والخارج ادامك الله ونحن معك قلبا واحدا لازدهار سوريا
-سوريا
شو؟2008-09-21 23:42:36
سمعو على هل الحكي
ايه رفيقي قلب فيا ع طريق النبك وقرف ربقبته وما بيعرف ليه كل القصه انه كان عم يسوق وبعدين لقى حاله بالمستشفى
-سوريا
مغترب سوري2008-09-21 22:13:18
اه يابلد على شعبه
فرحت بخبر جدا واتمنى اخوتي سوريين ان يفرحو ويكون متفائلين عوضا ما نفرح ونشججع امر بدئتو باتنقاد ان اكبر شركات عالم بدئة صغيره ولاقت جميع انواع عقبات ولكن استمرت ونجحت واتمنى ان تلاقي سيارت الشام القبول وان تكون جديره بثقه وانا عارف انها سوف تمر بعدة ازمات بس ان اتمنى ان تقدر شركه حلها وتدرس مناخ الخليج جيدا من هيكل وتحمل محرك للحراره ومكيف انه عنصر جدا وان تكون اتومتيك جميع هذه امور مهمه جدا جدا جدا ولكم شكر اخوتي في دعم منتاجاتنا
-سوريا
نزار2008-09-21 20:36:56
مشان الله
مشان الله عاقل يحكي ومجنون يسمع مشان ما حدا يزعل
-سوريا
مازن2008-09-21 19:45:40
خبر حلو
هلا الخبر كتيييييييير حلو وان شاء الله يارب بشوف سورية الحبيبة من احسن دول العالم بتصنيع و تصدير السيارات، بس قولكم ما بتسيخ السيارة بالخليج من الشوب؟؟؟؟ و يمكن باوكرانيا تتجمد من البرد!!!! :)
-سوريا
الله يرحمو2008-09-21 19:36:00
مع كل سياره شامكو سياره اسعاف هديه
بكرا بركبوها الهنودبالسعوديه وقطروبتشوف العجايب بلكي بيصيروا يعرفوا يسوقوا وتخف الحوادث لي بيعملوها
سوريا
chaker2008-09-21 19:20:25
سيارة الاحلام (الي هي شام)
بسم الله الرحمن الرحيم انا عندي تويوتا افالون موديل 2008 انا عندي استعداد بدلها بسيارة شام راس براس وبحكي جد ولو بدي ادفشها طول الطريق. لناس بتضحك على صناعة بلدنا وللاسف كلون من عنا.بس معذورين وما بعتب عليهون بكفي انو عنا سيارة صنعت في سوريا وشو ما كانت تكون .
-قطر
n-majar2008-09-21 19:25:44
مبروك لسورية هذا الإنجاز
لاتستغربوا أيها الأخوة المشاركين بالتعليق والله أنا أملك سيارة شام وهي سيارة ممتازة وثابتة على الطريق .... فعجبي على المستغربين... من يحب الوطن يحب منتجه
سوريا
فرنسيس2008-09-21 19:20:46
شام الله حاميها
مع احترامي الشديد لكل من علق قبلي والله ما سمعتها بدل ما تنبسطوا بداتوا تهاجموا السيارة والشركة والله ماعم نصييير بسسب امثالكم ولك هي سيارة شام واللي مو عاجبوا ********وشام الله حاميها
-سوريا
مروان آغا2008-09-21 19:01:46
ليش لأ إن شاء الله
أكيد أن السيارات المصدرة ستكون معفاة من الرسوم الجمركية السورية العالية جداً على إعتبار أنها إعادة تصدير ولهذا سينخفض سعر السيارة لأكثر من النصف حيث الجمارك لدينا للسيارات أكثر من 100 بالمئة وممكن سوريا تبيعها لجهات حكومية خليجية صديقة مثل قطر حيث من سيستخدم السيارة هم الفنيون في شركة الإتصالات والعمال يعني ليس كبار الموظفين ولهذا إذا كان السعر مناسب فممكن تماماً وإنشالله خير لبلدنا بس يا ريت يشيلوا الضريبة عن سيارة الشام للسوريين كمان
سوريا
Ahmad Saleh2008-09-21 18:52:07
ما بصدق !
هادا هو المستحيل بعينو , مقارنة بسيارات الهيونداي و طبعا الهيونداي كشركة مصنعة للسيارات تقبع في أسفل القائمة اذا ما قورنت مع السيارات اليابانية و الأوروبية و الأميركية . accent : less than $ 10000 Elantra : $ 12500 يعني أرخص من سيارة شام خانوم !!!!!!
-كندا
طنبرجي2008-09-21 18:48:07
صاحب سيارة شام
يلا خليهم يستوردوها. والله لياكلو نقفة دين كم,,,,,,, ما أكلوه بحياتهم.
-سوريا
شاهد2008-09-21 17:28:57
ربما
يوم السبت شاهدت سيارة شام مقلوبة وتمكن بعض الشباب من اعادتها الى وضعها وقالوا أنها لاصت فانقلبت وهذا في اوتستراد قرطبة واسألوا دورية النجدة هناك.
سوريا
سوري من قطر2008-09-21 16:50:37
مستغرب
يعني كل القطريين والمقيمين رح يتركو الكروزر+ الفور باي فور + الامريكي ويشترو سيارة بتشبه كل شي الا السيارة؟؟؟؟؟؟؟؟؟؟؟؟؟؟هالحكي مع احترامي فاضي وموصحيح
-قطر
مواطن يحلم بسيارة ولو عتيقة2008-09-21 16:11:24
رح نضل اخر العالم بكل شي
الأكيد انو رح تنباع السيار للسعودية و كل الدول الأخرى بسعر ارخص من الصوق المحلي هاد اذا بدون تظبط الصفقة ورح تضل حرقة بقلب كل مواطن سوري يركب سيارة منيحة بسعر عالمي للأسف .؟....؟!؟!؟!؟!
-سوريا
Je ne suis pas d'accord2008-09-21 16:08:44
Incroyable
Ce n'est pas vrai
-سوريا
عمار2008-09-21 14:55:40
شام إلى الخليج
منيح بوكرا منعمل صفقة متكافئة مع ألمانيا منصدر شام و بفائض القيمة المحققة نستورد ب.أم و مرسيدس يعني كل سيارة سورية ب 2 ألمانية و هيك بصير لكل مواطن سيارة
-سوريا
طماطم2008-09-21 14:43:22
هدا اللي ناقص
الغريب بحسبة بسيطة بيطلع سعر سيارتنا أغلى من سيارة وكالة من الشركات العالمية الثانية بنفس المواصفات ماعدا طبعاً المرسيدس والبي إم وأنواع ثانية لك غريب ولاموغريب؟
سوريا
غريب2008-09-21 14:36:03
مو تخينة شوي
يعني اليمن و اتيوبيا و السودان لو عملولهم تخفيضات اضافية فهمناها بس كمان السعودية و اوكرانيا بدون يشترو سيارة تمنا 12000 دولار و فيها الباب ما بيتسكر
-سوريا
Eng.Ahmad2008-09-21 14:23:45
impossible
آسف جدا بخصوص العنوان(مستحيل).اني اتمنى من كل قلبي ان نبدأ بتصدير السيارات ولكن...؟ هل الجودة تسمح لنا بالتصدير والمنافسة مع المنتجات الاخرى.
-سوريا