syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الاقتصاد: انخفاض أسعار السلع في سورية لا يتناسب مع انخفاضها في العالم
الاخبار الاقتصادية

قالت مديرة الأسعار في وزارة الاقتصاد وفاء الغزي إن الانخفاض في أسعار بعض السلع في السوق المحلية مثل الحديد والأرز و والزيوت والسمون والسكر والخبز السياحي لا يتناسب مع انخفاض أسعارها عالميا.


ونقلت وكالة الأنباء السورية (سانا) عن الغزي أن وزارة الاقتصاد "تتابع هذه القضية بشكل دائم ومستمر
وبالتنسيق مع الجهات المعنية لتكون أسعار هذه المواد والسلع متناسبة مع واقع أسعارها الفعلي".

وكانت الوزارة عممت على مديرياتها في المحافظات لمخاطبة التجار والصناعيين من أجل تخفيض أسعار المواد بعد أن انخفضت أسعارها في العالم.

وشهدت سورية في العام المنصرم سلسلة من ارتفاعات الأسعار عزاها المعنيون حينها إلى ارتفاع الأسعار وأزمة الغذاء العالميتين, إلا أن انخفاض الأسعار في العالم وخاصة في ظل الركود الاقتصادي لم يشهد نفس الانعكاس في السوق المحلية.

وأشارت الغزي إلى أن الوزارة "تتابع واقع السوق المحلية وخاصة من حيث توافر المواد وانسيابها وعدم وجود اختناقات ومدى مطابقتها للمواصفات وضبط أسعارها مع التشدد في الإعلان عن الأسعار وتداول
الفواتير بين حلقات الوساطة التجارية".

 وأضافت أن وزارة الاقتصاد "تعمل على ترويج سياسة التسوق المسبق من قبل المستهلك وخاصة خلال المواسم والأعياد تلافيا لزيادة الطلب على العرض ما يؤدي لارتفاع سعر السلعة المطلوبة".

وشهد موسم عيد الأضحى في وقت سابق من هذا الشهر ارتفاعا في الأسعار مترافقا مع ركود وإحجام عن الشراء من قبل المواطنين, الأمر الذي عزاه اقتصاديون إلى ارتفاع الأسعار وضعف القوة الشرائية لدى المواطنين.

وقالت مديرة الأسعار إن الوزارة تعمل على توفير السلع بأسعار أقل من السوق من خلال مؤسسات الخزن والتسويق والاستهلاكية وسندس والجمعيات التعاونية الاستهلاكية, وذلك ضمن مفهوم "التدخل الإيجابي" في السوق.

سيريانيوز


2008-12-20 16:06:52
شاركنا على مواقع التواصل الاجتماعي:



شارك بالتعليق
المدافع2008-12-23 22:31:39
النساء أكثر رأفة بحال الفقراء من الرجال وخاصة المس
في السعوديةاليوم طن الحديد حوالي 16 ألف ليرةوفي الامارات حوالي 24 الف ليرة سورية فكم هو في سوريا؟ المهم كل هذا الكلام فاضي فرأي وهو الاصح هنا فبدلا من الكلام والتبجح لاسماع التجار لكم والمجيئ لمراضاتكم ياسادة كنت أتمنى أن يكون هنا قرارا شبه يوميا او أسبوعيا يحدد أسعر السلع الغذائية؟ شبعنابس موطعام شبعناكلام وتنظير منك ومن غيرك وأنتو ماعما تفهموا علينابس أنا بصراحة كبيرةفهمانكم فهناك أشخاص في البلد ماسكينهامن أولها لآخرها وماحدا طالع بغيدوعليهم لأنهم بيطروكم كما طيرو أسلافكم خسسسسسسسسسسسسسسسسا
سوريا
مواطنة سورية2008-12-21 16:26:27
توقعات تتمة
و بالنسبة للتوقعات الفلكية لعام 2009 فان اسعار كل المواد الاخرى سترتفع ايضا في الدول المجاورة منعا لتهريبها لسورية
-سوريا
مواطنة سورية2008-12-21 16:21:46
توقعات
نظرا لكون سعر المازوت قد اصبح اغلى من دول الجوار فاننا نتوقع ان تقوم دول الجوار برفع سعر المحروقات لمنع تهريبه لسورية .
-سوريا
أبو عرب2008-12-21 15:04:32
أسعار على نزول
لسا مالح تنزل الأسعار لحتنهاربس عطوها وقت من هون لتلت شهور. لافي قوة شرائية ولا في تصدير..لسة بكرا ليبوسو ايديكم مشان حدان يشتري..
-سوريا
أبو يزن2008-12-21 14:38:15
سكان المريخ وسكان الأرض
طبعا لحنا بالمريخ وليس لنا علاقة بالأرض ليش مستغرب يالمواطن .......بالمريخ الأسعار غير أسعار والمازوت غالي ......والرز كمان واللبنة ليش.........لأانو لحنانستورد من الأرض ولحنا بالمريخ...في مسافة كبيرة بين الأرض والمريخ
سوريا
واحد تاني2008-12-21 14:06:58
ماذا عن أسعار الوقود
لن يكون هنالك إنخفاض فعلي في أسعار السلع ما لم تنخفض أسعار الوقد ... و كما يعلم الجميع فإن أسعار الوقود في سوريا تفوق أسعار الوقود في معظم الدول المجاورة مع الأخذبعين الإعتبار أن متوسط دخل الفرد في سوريا هو أقل بكثير تلك الدول. أن رفع سعر المازوت بهذا الشكل الجنوني كان له الأثر الأسوء على أسعار كافة المواد بدون إستثناء ... و هذا ما يجب إعادة النظر فيه بشكل جدي جداز
-سوريا
مغترب2008-12-21 13:08:33
عنا الشباب شكلين ما بيحكو
يعني الاكل والشرب والمازوت كل شي غالي يعني ارتفع مستحيل ينزل كلمة وحدة
سوريا
عماد2008-12-21 12:37:07
تجار التموينات قبروا الفقر
حبيباتي من وقت رفعة المازوت وهذا البلاء الاعظم يلي صار فينا كله غلي اللبن والاجبان والبيض والى اخره يعني (يا اقتصاد) اعترفي بانك غير قادره على ضبط الاسعار التموينيه الناس كرهانه عيشتها وحالها من كتر الكذب والنفاق والغش ولهلئ وزارة كاملة مو عرفانة تضبط كم عونطجي من تجار الاغذية يلي كان مخبي رز بس رز قبر الفقر لولد ولده ومتل واكتر بس بيتشطارعلى البقالية وما بيتشاطروا على الكبار ويا ترى ليـش الجواب عند وزارة الاقضتاديعني لعشرين سنة المواطن غير قادر يرفع راسه ليحقق طموحاته
-سوريا
وسيم2008-12-21 12:06:22
تجار جشعين
يا جماعة تجارنا ما بيهمنا الا المكسب والمكسب السريع المريح شو متوقعين من تجار العلكة والمنظفات تجارنا للاسف لم يشاركولا بعملية تنمية حقيقية للبلد ولا بنهوض مستوى الصناعة والاقتصاد المحلي المتخلف جدا شاطرين باحتكار المواد ايام الازمات لبيعها باسعار عالية او استيراد استوكات البضاعة من الخارج لبيعها في السوق المحلي طبعا يساعدهم الفساد المستشري في مفاصل الدولة للاسف
-سوريا
مهندس محمد2008-12-21 11:33:40
رد عالمغترب الاوكراني
وأكبر دليل ع صحة كلامك \"يعني نحن نعيش في دولة اكرانيا وهي دولة متوسط دخل الفرد فيها اقل بكتير من سوريا والاسعار هون أغلى بكتير \" انو حلم كل أوكراني هو الهجرة والعيش في سوريا , لك مجنون يحكي وعاقل يسمع , لكن صارت سوريا جنة بالنسبة لاوكرانيا!!!ع مين عم تضحك يا اخي ؟؟؟ بما انني اعتمد العلم كمعيار اقتبس من موسوعة ويكيبيديا ما يلي : \"الناتج القومي للفرد في اوكرانيا 7200 دولار , الناتج القومي للفرد في سوريا 5600 دولار \" يا أخ مغترب رجاءً لا تنشر معلومات غير متأكد من صحتها مع م
سوريا
محروق قلبو2008-12-21 10:56:49
مابدها كتير فهم وزكا
بشكر الاخ محمد على هالتعليق بس للتنويه انو مؤسسة حماية المستهلك صارت تبعت الدوريات التموين مشكورة لضبط اسعار السوق بس للاسف يعني لضبط سعر السكر من روح لعند السمان يلي عندو كم كيلو سكر عم يترزق منو ومنترك بزورية الزبلطاني تسرح وتمرح على كيفها ومتلها متايل يعني لامتى مبدنا نضل نلحق الصيصان ومنترك الضباع تاكلنا و تستاكلنا بدها وقفة استفهام مع العلم ان الضرر لاحق كل المواطنين يعني اريب 17 مليون نسمة باستسناء هالكم الف يلي مابحسو بارتفاع الاسعار او نزولها الله يفرج..........!!!!!!!!
سوريا
صالح سلمان2008-12-21 10:21:51
أين مؤسسات الدولة لحماية المستهلك من جشع التجار؟
إذا كانت مديرة التسعيرة في وزارة الاقتصاد تتساءل أن الأسعار في السوق لا تتناسب مع انخفاضها عالمياً فماذا تفعل ازاء ذلك ؟ ويعني أن التجار هم الذين يتحكمون بالسوق وليس لوزارة الاقتصاد أي دور في تأمين السلع بالسعر الرخيص حالياً وأين المؤسسة الاستهلاكية التي تديرها الدولة من الحفاظ على السعر العالمي؟ هل التجار هم الذين يمولون الاستهلاكيات بالمواد وإذا كان هذا فلماذا هذه المؤسسات ولماذا وزارة الاقتصاد؟ هل لا تستطيع الدولة الشراء بنفسها من السوق العالمية لتأمين المواد بالأسعار الرائجة؟
سوريا
كمال الدين طرطوس2008-12-21 09:54:16
مو معقول
مو معقول انو اسعار الخضار والفواكه في صالات البيع المخصصة للمؤسسة اقل من سعر السوق وصالة بيع ضاحية الاسد تتكلم؟
سوريا
خلف الرياش2008-12-21 09:48:10
مكافكة الفساد
يحتج المسؤولين بان رفع اسعارالمحرقات في سوريالمنع تهريبهالى الدول المجاورة لكن من يهرب المحروقات خارج البلدهل هو المواطن الذي لايقوى على فعل أي شئ
-سوريا
محمد2008-12-21 09:25:34
شركاء في التنمية
كيف ستنزل الاسعار اذا كان مسؤلينا وتجارنا شركاء للعظم في كل شيء نحن المواطنين كومبارس في المسرح الذي ابطاله التجار والمسؤلين وكل هذه التعليقات والمقالات جزء من التمثيلية الايستحي المسؤلين منتصريحاتهم هذه نحنا صرنا نستحي نعلق لاننا نحس بقيمة قدرنا كمواطنين وان لا مكان لنا في خارطة الوطن الذي للاسف نراه مهملا كبستان لا صاحب له اخ واه
سوريا
MtH2008-12-21 09:01:11
كيف يعني ؟؟
بس بدي افهم كيف وزارة الاقتصاد بتتأمل من التجار انون ينزلو أسعار البضائع وأسعار المحروقات ما نزلت ؟؟ يعني كل البلاد المجاورة اللي بتستورد مشتقات النفط نزلت عندا أسعار المحروقات الأردن صار سعر العشرين لتر يعني التنكة بـ400 ليرة .... الا نحناليش ما عم اعرف .....؟
-سوريا
ماركوس2008-12-21 08:55:51
حاميها حرميها
من زمان ولليوم كل البضائع المستوردة أسعارها نار نار. في جميع الدول العربية المجاورة لسوريا والتي تستورد نفس هذه المواديمكنك شراءنفس المواد بنصف السعر الموجود في سوريا و ذلك لأن التجار السوريون أصحاب ضمير حي ووجدان و لأن القائمين على وزارة الاقتصاد حماة للمواطنين من جشع التجار وليسوا شركاء للتجار في نهب المواطن المعتر. ومع استمرار الوضع على ماهو عليه سيستمر السوري بالتمتع بالنعيم و ستصبح سوريا حلم كل أوربي و أمريكي وليس العربي فقط.
-النروج
بشير سلام2008-12-21 08:58:33
فلتبدأ الدولة بتخفيض الأسعار
أليس من المعيب أن دولة مستوردة للنفط مثل الأردن خفض سعر تنكة البنزين والمازوت إلى 450 ليرة بينما في سورية 800 ، 500 ليرة? والآن كل السلع الغذائية المستوردة في الأردن سعرها الآن أقل من سورية وهذا دليل واضح على احتكار يجري في سورية. إن خفض سعر المحروقات وخاصة المازوت بات ضروريا جدا لأن كثير من الأسر باتت تعتمد على الكهرباء للتدفئة لأنها باعت قسام المازوت لتنفق على نفسها، وهذا أدى إلى تقنين في الكهرباء . البارحة انقطعت الكهرباء لأكثر من ساعتين ونصف في دمشق وريف دمشق. ليس هذا معيباً؟
-سوريا
سمير الاغا2008-12-21 09:04:33
مجنون يحكي
وكانت الوزارة عممت على مديرياتها في المحافظات لمخاطبة التجار والصناعيين من أجل تخفيض أسعار المواد بعد أن انخفضت أسعارها في العالم. وهل اصبح السادة التجار موظفين لديه حتى يطلب منهم التخفيض ثم اين النشرة التموينية أو اين التموين نفسه هل اتقرضت دوريات التموين الت لانراها الافي الاعياد ولكن ليس لضبت الاسعار بل ......
-سوريا
عاشقة سورية2008-12-21 08:55:05
كالعادة
رواتب اشتراكية!!اسعار راسـمالية و كثرة حرامية الله يكون بعون هالمواطن التعبان
سوريا
مهندس محمد2008-12-21 08:48:50
خلي الدولة تبدا بحالا بعدين تلزئها بالمواطن
يعني الأولى بالدولة تخفض أسعار المحروقات بعدين تحط الحق عالتجار وغيرون , يعني معقول ينزل النفط من 200 دولار لل 34 دولار من دون ما نزل سعر المازوت ولا فرنك مع انو المواطن عم يجمد من البرد , بعدين أي تدخل ايجابي بتحكولي عنو ازا كل هالمراكز ما بيتجاوز عددها أصابع اليدين , يعني معقول أطرق مشوار شي 60 كيلو متر منشان وفر كم ليرة بسعر شي مادة؟؟؟طبعن رح كون حطيت أجرة مواصلات دبل الفرق , آل اقتصاد السوق و اقتصاد اجتماعي آل , أوووووووووف أووووووووف
سوريا
جمال السباعي2008-12-21 08:41:54
كوكب تاني
أشعر وكأننا نعيش على كوكب آخر غير كوكب الأرض .... فما عندنا مختلف عن غيرنا وفهم الحاضرين كفاية ....
-سوريا
مصعب2008-12-21 07:53:24
اذا كان صاحب البيت بالطبل ضاربا
اذا كان صاحب البيت بالطبل ضاربا فشيمة أهل البيت الرقص على الأقل حسب ما ذكرتم ان التجار خفضوا الأسعار ولكن ليس كما يجب فلم لم تخفض الدولة اسعار المحروقات ابدا وهل ستأخذ بعين الاعتبار تخفيض الضرائب عن التجار الذين اضطروا الى تخفيض اسعارهم حسب السوق مع ان كلفتهم عالية ، هل من يعوضهم عن خسائرهم. لا تتهموا التجار بالجشع فالكل جشع لكن حسب توافر الظروف . اجار سيارة الشحن من اللاذقية الى دمشق 35000 ل س خفضوا المازوت وبعدين احكوا
-سوريا
عاشق سوريا2008-12-21 07:46:56
القدوة
السلام عليكم يا جماعة من طول عمره الصغير بليحق الكبير بتمنى من الدولة انها ترخص اول شي المازووت و البنزين و تشتري احتياطي من النفط حاليا في ظل الاسعار التدهورة للنفط و بعد ذلك فيها تجب التجار على انهم كفوا نهش بالمواطن الفقير لان و الله الفقر بجيب مشاكل المرة بدها و الولد بدو و الاب ما في معه اكيد المرة بدها تقاتل جوزها والولد ممكن ينحرف لان العين بصييرة و لايد قصيرة الله المستعان يا جماعة الله يرحمنا برحمتوا . ارحموا من في الارض يرحمكم من في السماء . يا رب ترحمنا .شكرا
-الإمارات
علي2008-12-21 07:09:42
عليكم بسياسة المقاطعة
ياجماعة المعادلة بسيطة جدا وهي ان تجارنالن يخفضوا الاسعار وذلك لتعويض خسائرهم في الاستثمارات العالمية والتي يسعون كعادتهم لتعويضها من المواطن السوري الذي يفتقر لقوانين الحماية المحلية والحل الوحيدالوحيد هو سياسة المقاطعة
-سوريا
مغترب2008-12-21 06:21:05
سوريا الله حاميها
أهلنا في الوطن الحبيب.يعني لو صار كيلو الرز ب ليرة كان الشعب صاح وقال ليش الدولة ما توزعه ببلاش من عائدات النفط..يعني نحن نعيش في دولة اكرانيا وهي دولة متوسط دخل الفرد فيها اقل بكتير من سوريا والاسعار هون أغلى بكتير .راح اعطيكم لمحة عنها:بندورة 250ليرة-رز200ليرة-خيار 230ليرة-لحمة 1700-لتر مياه للشرب 45 ليرة- يعني احمدوا الله وادعوا لسوريا ...والله والله نحن عنا بلد ما في منه في الدنيا...ونحن مو راضيين..بس الانسان مابيعبي عينوا غير التراب.
أوكرانيا
wafi2008-12-21 06:00:32
صح النوم
كل شيء في العالم له ديناميكية إلا السوق السورية يلي بيطلع غير رب العالمين ما بينزلو مثلا أسعار السيارات وأسعار المحروقات وأسعار العقارات وشوبدي عد لعد......ويا ريت يلغو هالجمعيات الأستهلاكية ويتدخلو بالسوق بطريقة أيجابية أكتر يعني فتح باب المنافسة الشريفة والتخلص من البيروقراطية
-سوريا
maher2008-12-21 05:38:12
canada
the price of litter of gas "benzeen in canada now is 23 lera sori and in syria 40 lera sori,but in canada an employee for company or govrnment makes between 3000 to 5000 dollars a month and in syria 6000 to 12000 lera a month
سوريا
souriii2008-12-21 02:16:36
عيش ....
إذا كانوا التجار والصناعيين هن نفسون اللي عم يتهربوا من الضرائب فهل يعقل أن يقوموا بتخفيض اسعار السلع والمواد الغذائية وغيرها عن طريق مخاطبتهم بسبب التعميم المذكور بضرورة مخاطبة التجار لخفض الاسعار... أشك في ذلك والوضع سيبقى على ما هو عليه .
-سوريا
مبسوط بهالعيشة2008-12-21 00:52:58
تقييم اقتصادي
يا شباب لازم نبوس ايدنا وش وقفا لانو بكفينا انو مستوى المعيشة و الرفاهية التي يتمتع بها المواطن السوري افضل منه في غانا كما قال سابقا احد جهابذة الاقتصاد عندنا و الغني عن التعريف
-سوريا
مغترب2008-12-20 18:31:47
يعني كيف
سؤال: كيف ممكن تنزل الاسعار وجشع التجار الكبار بيزيد يوم بعد يوم طيب خلونا بنبدأ بالمواد النفطية بنزين مازوت............الخ شو رأيكمخاصة بعد ما صار البرميل 34 دولار
-سوريا
مغترب2008-12-20 18:28:54
معقول يصير رخص
والله الظاهر انو عندنا اللي بطلع عمرو ما بينزل وإذا نزل فا بينزل لفوق كمان الله يكون بالعون وسبحان العناية الإلهية
-سوريا
ابو اسامة2008-12-20 18:26:11
وين الدولة
لازم الدولة تنزل سعر المحروقات مشان الغير يقتدي حرام والله هالشعب ما بيستاهل كل هالظلم؟؟؟؟؟؟؟؟؟؟؟!!!!!!!!!!!!
سوريا
تاجر2008-12-20 17:10:50
لهو العالم
هذا الكلام عم يلهي العالم عن المازوت والبنزين يلي صرنا من الدول المرتفعة اسعارها بتطلع ومابتنزل والغلا للمواد بيلزقوها بضهر التاجر وبيبهدلوه انو حرامي وخارب الاقتصاد
-سوريا