syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
وزارة العمل: عقود عمل السوريين في الإمارات ستنظم عبر الوزارة حصرا
الاخبار المحلية

قال مدير العلاقات الدولية في وزارة الشؤون الاجتماعية والعمل فهد نوفل لسيريانيوز إن "أرباب العمل في الإمارات أصبحوا ملزمين بتنظيم عقود العمالة السورية وتصديقها في الوزارة بموجب اتفاقية تنظيم العمالة".


وكانت سورية والإمارات وقعتا الأسبوع الماضي اتفاقية بشأن تنظيم استخدام العمال السوريين في دولة الإمارات، نصت على أنه في حال رغب صاحب العمل في استقدام عمال سوريين عليه أن يقدم طلبا بذلك إلى وزارة العمل الإماراتية على أن يقوم صاحب العمل بإجراءات استقدام العمال بنفسه بعد الحصول على الموافقات المطلوبة أو أن يفوض ممثلا له في ذلك لتتم إجراءات اختيارهم بالتعاون مع وزارة الشؤون الاجتماعية والعمل.

وأوضح نوفل أنه "بعد تلقي الطلبات من وزارة العمل الإماراتية يمكن أن يتم ترشيح أسماء عبر مكتب التشغيل أو عن طريق رب العمل أو وكيله في سورية، لكن حصرا يجب أن يحصل العامل على تصريح عمل من الوزارة وأن ينظم العقد عبر الوزارة".

وبموجب الاتفاقية تقوم وزارة الشؤون الاجتماعية والعمل بجميع الإجراءات اللازمة لتسهيل اختيار العمال وإجراءات الفحص الطبي إضافة إلى تسهيل حصول العمال على جوازات السفر وتصاريح العمل وأن يتحمل صاحب العمل جميع نفقات سفر العامل من سورية إلى مكان عمله في دولة الإمارات والعكس وأي نفقات أخرى وذلك طبقا لإحكام العقد المبرم بين الطرفين.

وحول دور الوزارة في حل النزاعات القانونية بين العمال وأرباب العمل، قال نوفل إن "الوزارة تضمن تنفيذ بنود العقد قانونيا"، مستبعدا أن يكون للوزارة ممثل قانوني معتمد أمام القضاء الإماراتي في حال حدوث نزاع.

ولفت إلى أن "تصديق العقود في الوزارة لن يحمل أي تكلفة مالية وهو يتطلب صورة عن عقد العمل مصدق من وزارة العمل الإماراتية مرفق مع طلب تصريح عمل من وزارة الشؤون الاجتماعية والعمل وتقديمه إلى مديرية القوى العاملة في الوزارة".

يشار إلى أن الاتفاقية تنص أنه في حال انتهاء العقد أو فسخه برضا الطرفين يحق للعامل خلال 30  يوما الالتحاق بعمل آخر في مجال تخصصه بعد تسليم جميع مستحقاته طبقا للأنظمة والقوانين المعمول بها في الإمارات، وفى حالة حدوث نزاع بين صاحب العمل والعامل يتم تقديم الشكوى إلى الجهة المختصة بوزارة العمل الإماراتية طبقا للإجراءات القانونية لتيسير الوصول لتسويته وديا، وإذا تعذر الوصول إلى حل ودي يحال النزاع إلى الجهة القضائية المختصة طبقا للقانون الإماراتي.

وأوضح نوفل أن "ما يخص العاملين القائمين عل رأس عملهم في الإمارات ستصدق عقودهم في وزارة العمل الإماراتية وترسل لوزارة العمل السورية صورة عنها لتصديقها".

 يشار إلى أن عدد العمال السوريين في دولة الإمارات يبلغ نحو 140 ألف عامل معظمهم من العمالة الماهرة والمتخصصة، كما تعتبر هذه الاتفاقية الأولى من نوعها التي توقعها الإمارات لتنظيم استخدام العمال الأجنبية.

رواد بلان - سيريانيوز


2008-12-30 19:45:13
شاركنا على مواقع التواصل الاجتماعي:



شارك بالتعليق
النورس المهاجر2009-10-20 16:04:48
تمديد فترة الاستيداع للمتغربين ضرورية جدا
140.000×7000×12.5=12250.000000ــ طبعا ما فهمتوا شي.هذا الحد الأدني لدخل العمالة السورية في الإمارات، والمفاجئة خلا شهر واحد.كم بتطلع بالسنة؟؟ بتمنى من سيريانيوز تطرح هالموضوع امام مجلس الوزراء.لانو نحنا سوريين متغربين ومسموح ناخذ بس 5 سنوات استيداع من وظائفنا بسوريا.ومنكون مجبرين نرجع بعدهالمدة لانو ما إلنا غنا عن بلدنا الغالي.ياريت يوافقوا على تمديد هالمدة خمس سنوات أخرى.وبالتالي بتتوفر فرص عمل اكثر في سوريا في ظل غيابنا,ونحن مندعم الدخل الوطني كمان.والله الموضوع خطير ومحتاج دراسة.شكرا لكم
سوريا
ابو عبداللة2009-10-20 07:25:56
غريبة
والله الي بيشوف هل القوانبن بيصدق ان حكومتنامهتمة بالمواطن السوري لك اذا كانت حريصةعالمواطن ليش لحد الان ماصرفت دعم المازوت وبدهاتقسم المواطنين الى مستحق وغير مستحق .
-سوريا
مواطن مرتاح2009-01-19 21:15:33
عادي جدا
المواطن السوري رخيص بسوريا وبرا سوريا
-سوريا
سوري بدبي - و حلو عن سماي2009-01-15 06:52:06
إلى سوري بالامارات
يا سوري بالامارات ايمتا كان السوري يمسك سطل عالإشارة بالإمارات. ايمت كان الخليجي أحسن مننا. ازا كنا عم نشتغل هون هاد لانو بلدنا **مو لانو الخليج منيح و هي الأوضاع الحالية عم تثبت فبلاها هالمسوحة بالإماراتية دخيل اجرك أما عالوزارة السورية فلا تعليق و عقدي ما رح صدقو خلي الوزير يجي يصدقو إزا كتير مصر... بالأخير ما عاد حدا يشغل سوري بظل هالتعقيدات . أي شو عم يشغلو واحد كان بناسا. شحاد و مشيرط. يعني ما بكفي مافي شغل للسوريين بسوريا عم تقطعو برزقن برا
-الإمارات
حسين2009-01-08 09:27:23
الله يستر
ياجماعة الله يستر مايجو ويلحقونا عالسعوديةكمان وانتو بالامارات الله يعينكون ويكون معكم
-سوريا
رجاء حار2009-01-07 18:10:11
السيد وزير العمل الاماراتي
رجاء حار من السيد وزير العمل في الامارات نحنا الديمقراطية و الاحترام ما شفنا غير لما اجينا لعندكن فالرجاء ان تحول دون تطبيق هذه الاتفاقية التي ستؤدي الى قتل احلام كل من يعمل او يريد العمل في هذا البلد المعطاء و اعادته الى الروتين القاتل الذي تعود عليه في بلدنا الحبيب سوريا الذي مع الاسف دمرته القرارات الخاطئة و الفساد. و في القلب غصة أن نرى سورياالحبيبة يوما تزدهر و تعمر كما الامارات.
-الإمارات
حمصي متفائل2009-01-06 21:42:12
ليش بس في الامارات!!!!!؟؟؟
رجاء يا جماعة ما حدا يفهمني غلط لانو بدي اعرف ليش بس للامارات ليش مانو قانون يعم لكل المغتربين شو نحن الوحيدين يلي ضايع حقنا... حسبنا الله ونعم الوكيل
الإمارات
سوري بيحب الحكومة2009-01-05 12:11:24
سوري بيحب الحكومة
ياشباب ليش انتو كتير محمومين وهاد البيقول حلو عنا وهاد اللي بيشتم مافي بلد بالعالم الا وفيه محسوبية وفساد ولك اشكرو الله وحمدوه الف مرة انو عندكم بلد قوي متل سوريا ورئيس جبار وقائدعظيم متل بشار الاسد,يعني لو كان الوحد منكم عايش بالعراق او لبنان او افغانستان او مصر كانت عيشتو احسن ... بعدين انا شايف فكرة القرار كتير ظريفة ممكن تعود بالمنفعة على كل الشباب السوري بالامارت وأول شي هو إلغاء الحرمان ...
-الإمارات
love syria but ...................................2009-01-04 15:11:30
الله يسعدكن و يبعدكن
فعلا لهون لاحقينا الحمد الله أحسن معاملة مع الحكومة الإمارتية و مافي حدا بضيع حقو هون بس بدي افهم مين اشتكالكم و غريبي كيف استجبتولو بس أكيد شي ابن مسؤول بعدو عنا و نحني بخير
الإمارات
سوري طفشان2009-01-04 14:27:08
خلص الشغل بسوريا ، فضيولنا
لك طقت لافهم انو شو بيستفيد \" العامل\" من هالشغلة؟؟ الوزير و فهمنا رفع ال \" TARGET\"عموظفينو و نفشت هلجيوب.. نحنا شو اجانا؟ لا رح صدق عقدي ولاني دافع فلس، بس سفروني بدي طلق مرتي و روح اشتغل بدارفور حفار قبور
-سوريا
محمد من حلب2009-01-02 22:59:30
ممكن وضع نص التفاقية رجاء
رجاء وضع نص اللاتفاقية كاملا , رجاء وضع نص اللاتفاقية كاملا ,وضعي حرج جدا لانو وقعت عقد من فترة وعم انتظر
سوريا
محمد من حلب2009-01-02 22:54:32
رجاء وضع نص اللاتفاقية كاملا * الله يسامحهم*
رجاء وضع نص اللاتفاقية كاملا , رجاء وضع نص اللاتفاقية كاملا ,وضعي حرج جدا لانو وقعت عقد من فترة وعم انتظر
سوريا
من الإمارات2009-01-02 11:24:35
لا إله إلا الله ، لاحقينا لهون ؟؟؟؟
بشرفي عيب و أكبر عيب .ارحمو من في الأرض يرحمكم من في السماء إذا ما طفرتوه من سماؤه. يعني هلق بلشت الشنشطة و الشرشحة كل ما بدنا نجدد عقدنا أو نتعاقد بشغل جديد,, و على طوابع و قطع رؤوس و شحادة. لك من هالشي طفشنا..لاحقينا لهون؟؟ كل حكومات العالم بتحمي مواطنيها بدي أعرف وين حمايتنا نحن . قسما\" بالله العظيم ما عم نلاقي مصرياتنا بالطريق، و ما عنا وقت لروتينكم,..
-سوريا
عبد الرحيم2009-01-02 08:34:47
أحســــــــــن حــــــــل
وزارة الشؤون الاجتماعية والعمل مجرد واجهة والواقع هو أن معلومات عملك وراتبك ومكانك وتغيير العمل إلخ يجب أن تكون في إضبارتك عند (الجماعة). لازم تعرف أنه أنت بالمرصاد ورزقك (بأيديهم) في سوريا وفي البلدان الأخرى وكذلك على القمر وبقية الكواكب. أحسن حل لمعضلة كوني سوري هي البحث عن جواز سفر آخر نقطة انتهى.
سوريا
مواطن2009-01-01 14:57:58
قراءة بين السطور
اتعرفون ما هي الفائدة من هذه الخطوة ؟ أنا أجيبكم، بصراحة الفائدة الوحيدة أن وزارة المالية ستقوم بالإطلاع على حقيقة عقودكم ومحاسبتكم وذلك لمنع التهرب الضريبي وتحصيل ضرائب الدخل عليكم فقد غضب الله عليكم ورزقكم بوزارة مالية همهما الوحيد جباية الضرائب وزيادتها.
-سوريا
طافش للسعودية2009-01-01 02:27:51
باب جديد للنصب
يعني الكل بيعرف أن وقانون العمل بالامارات بيحترم الجميع وما في منو. بس يا ريت تتشاطر الوزيرة و تعمل على تشغيل السوريين بسوريا بدل ما تغار من الوزيرة المصرية التي انتصرت لمظلمة مواطنيها بالخارج.يا حيف ع زمن الفشل في كل شيء.
-سوريا
الى وزيرة العمل2008-12-31 14:27:58
اعذر من انذر
لقد قرأت المقال ولم اجد فيها سوى الاذى للسوريين وكأنها عيدية اولمرت لنابرأس السنة نطلب من المدام وزيرة العمل في سورية قراءة تعليقات الناس بجدية والعمل على ايقاف هذه الاتفاقية الرهيبة و الفاشلة والتي ستؤدي الى الغاء وجود السوريين في الامارات وبالتالي نقص حاد في الاموال المحولة لداخل سورية وبكل اسف وبكل جدية نقول لك مدام لاتضطرونناان نقوم بزيارة جماعية(جماهيرية_مفردة سورية ) لمعالي وزير العمل الاماراتي ونشرح له الظلم الخطير الذي سيقع فوق رؤوسنا ورأس كل سوري يرغب العمل في الامارات
-سوريا
ابو فراس2008-12-31 12:08:41
على الارجح
انها حركة لطيفة من الاخوة الاماراتيين الساعين الى تقليل وجود الشباب السوري و خصوصا الخريجين الجدد عديمي الكفاءة و غيرهم من الذين لا يعرفون القيام بأي عمل غير الفهلوة و الشطارة و بهالاتفاقية رح تكون الوزارة عندنا هي المسؤلة عن الترشيح و قبول و رفض الطلبات و التاخير كله طبعا لتغطية النوايا الحقيقية لازم نعترف بالحقيقة الشباب السوري عم يزداد بالتخلف و غير مرغوب فيه بأي مكان و على الحكومة تتحرك و تحسن من المستوى العلمي و التعليمي و الاخلاقي لشبابنا
-سوريا
دمشقي عتيق2008-12-31 11:42:14
سؤال 2
يللي بيحلص عقده و بينتقل لشغل جديد. شو وضعه؟
-الإمارات
دمشقي عتيق2008-12-31 11:24:26
سؤال
يللي بيسافر للامارات و بيحصل شغل هنيك شو وضعه؟
-الإمارات
يائس2008-12-31 10:45:17
حسبة جديدة
والله ياشباب على مايبدوا هلق فتحوا عيونن على تحويل العملة من الدرهم الى الليرة السورية يعني انا باخد 12000 درهم ْX 12.5 يساوي 150000 ليرة فقالوا رح نقص من مصرياتوا شي 50000 الف لانوا هدون زيادة وكل شي زيادة الله مومبارك فيه ( بوجهة نظرهم) ورح نوزعها على جيوب الفاسدين لان حرام ماعندوهم مصاري في عندون افواه جائعة بمكتب العمل
الإمارات
القيصر2008-12-31 10:35:30
الظاهر ما ضل شي مشاكل بالبلد فمشان هيك عم يتوسعو ب
شكراً يا وزارتنا والله انك عم تتعبي معنا وجيبت الموظفين عندك كمان تعبانة الله يعينهون ويعينا . بدون مصخرة : انا بكل ما قريتو من الاتفاقية لاحظت امر واحد جديد انو لازم العقد وتصريح العمل يتصدق من وزارتنا المصون اما عن باقي الاتفاقية فهي تتكلم عن قانون العمل في الامارات واللذي مطبق على جميع الجنسيات العربية وغيرها ولا جديد يعني وزارتنا استفادت بجيوبها ( جمارك المطار بتقلك شو جايبلنا معك - وهدول بيقلولك وين الحلوان )نفس الشي على كل الاحوال انا اصابني شيئ من الجلطة وان شالله بموت لارتاح منكون اي !!
الإمارات
مغترب طفشان2008-12-31 10:34:28
حرمتونا من العمل بالبلد ليش تحرمونا منو برا
يعني مكتب الشؤون والتوظيف حرمنا من فرص العمل بوطننا من خلال الواسطات والمحسوبيات... فهربنا من هالمكتب الظالم الجائر بحقوقنا وامكانياتنا فجينا للإمارات فقدرو أعمالنا واحترمونا واحترمو قدراتنا يللي تخلت عنها بلدنا فليش لاحقينا لهون ما اكتفيتو بأموال الماطنين بسوريا والرشاوي لحتى جايين عالامارات مين طلب منكم هالشي مانحنا هربنا من قوانينكم وجينا لبلد القانون والانسان، خياركم فشل من البداية فدعوا لنا خياراتنا وحرية قراراتنابعيدا عن فسادكم
-سوريا
مواطن2008-12-31 10:15:23
لم يعد احد يريد العمل في البلد وبالتالي يجب على ال
كان المواطن السوري يدفع رشاوي للحصول على وظيفة في القطاع العام، ولكن مع سوء الاحوال للموظفين لم يعد احد على استعداد لدفع رشوة مقابل هذه الوظيفة الكحيانة، فاتجه المواطنون للعمل الحر، فزادت تعقيدات فتح عمل خاص، اتجه الناس إلى تجارة العقارات والسيارات، فتم القضاء على هذه التجارة بسيطرة التنفذين على الجمعيات السكنية وعلى وكالات السيارات، فهرب المواطن ليعمل خارج البلد حتى يعيش، فجاء دور ان يدفع رشوى حتى يستطيع الحصول على عمل خارج البد. يا جماعة نحنا عايشين في سورية ليس في غزة
-سوريا
مقّاول2008-12-31 10:07:12
قرار سيء
السلام عليكم انا سوري و مدير شركة مقاولات بدبي احاول دائما جلب المهندسين والعمال من سورية ومن بلاد عربية اخرى ... لكن بتطبيق هكذا قرار ووضع عوائق لا داعي لها فسنضطر اسفين لتحويل التوظيف لبلاد اخرى مثل الهند والفلبين عوضا عن السوريين لانه كما تفضل الاخوة هناك عشرات وعشرات الجنسيات الاخرى هناو قوانين العمل هنا تضمن حقوق الجميع
-سوريا
سوري طفشان2008-12-31 09:43:22
في مية ايد بحيبي ، زادو وحدة
لك حلوا عن سمانا بقى كني مافي مهرب منكن الا الله ياخد أمانتو ونخلص من هلعمر قال شو \\\\\\\" القائمين عل رأس عملهم في الإمارات ستصدق عقودهم في وزارة العمل الإماراتية وترسل لوزارة العمل السورية صورة عنها لتصديقها\\\\\\\" ولحقو ضرايب بقترح انو كل السوريين بالامارات يستقيلو ويرجعو يقعدو عباب هالوزير لنشوف شو رح يطلع معو
-الإمارات
محمد من دبي2008-12-31 09:30:15
تعقيد و تحكم وزيادة للواسطات و المحسوبيات
وزارة العمل الكريمة بدلا من أن تنظم عمل العمالة السورية في سورية و تحل مشكلة البطالة و تحدد قوانين تضمن حقو العمال خصوصا سن العامل ان يكون فوق 18 سنة تذهب إلى الإمارات لكي تتحكم بالمواطنين هناك و تزيد التعقيد عليهم , لا أدري ما هي الفائدة من هذه الاتفافية سوى أن يضمن من هم محسوبون على المسؤولين في الوزارة اماكن لهم للعمل في الإمارات و هذا بيت القصيد لأن الاتفاقية لا تقدم اي شيئ للعامل السوري خصوصا ان حقوق العمال بكافة الجنسيات مضمونة بالإمارات
سوريا
احمد2008-12-31 09:21:13
وشو مشان الفلسطينية وثيقة سورية؟؟؟
يعني ممكن سؤال يا ترى بهالحالة رح يجيبولنا حقنا كفلسطينية وثيقة سورية ؟؟؟ يلي لهالسبب ما بئا يطالعولنا اقامات بالامارات ؟؟ لاننا وثيقة سورية ولا على نفس الحالة ؟؟؟ بعدين حتى لو حددو الراتب 4000 مين صاحب الشغل يلي رح يطبئ هالحكي ياما في ناس بتشتغل مدراء وبينزلو بالعمل والعمال كاتب ملفات بعدين ليش ما يروحو يجيبو حقوق الموظفين بالقطاع الخاص يلي ما بينعملون لا تامين ولا شي قبل ما يفكرو بالمتغرب ولا شو شغلة وزارة المغتربين هلئ ؟؟؟
-الإمارات
بعرف و ما بعرف2008-12-31 09:17:21
مافهمت شي
لك يا عمي أنا بعرف بقانون العمل و العمال أكتر من وزارة العمل.... بس هل الشراكة مافهمت منها شي ... يعني هلق نحنا قعدنا على الخازوق و لا لسى ؟؟؟؟ يعني الوضع هون بيهوي و شغل مافي و العالم عم تنشحط من شغلها على أقل سبب و فوق كل هاد جاي وزارة العمل السورية الكريمة بجلالة قدرها ترعا مصالحنا و تنزع أيامنا أكتر من الأول ..... لك ليش شو عملناحتى هيك يصير فينا؟؟؟؟ بيقول المثل" الي مالو حظ لا يتعب و لا يشقى "
-الإمارات
حركة حلوة2008-12-31 09:19:15
الاستنجاد بسوريا
يعني مين كان بيتوقع انو الامارات تتنازل وتوقع هيك اتفاقية مع سوريا الا بعد ما اكلت ضربة الازمة الاقتصادية وطلعت كل العالم الاجانب مع مصاريها .الامارات عملو هي الاتفاقية مشان يعبو البلد عالم. وطبعا سوريا ما عندها مانع بهيك قصص وبالعكس بترحب بتوفير فرص عمل لمواطنيها............بس اتاخرتي كتير يا امارات
سوريا
فارس2008-12-31 08:49:20
نيالون على ضلالون
يا اهل الخير ان ما يرتكب هو جريمة في حق الشباب السوري. ان المشكلة هو المنافسة الشديدة على الوظائف في الخليج و المجال مفتوح لكافة الجنسيات فبدل العامل السوري يستطيع رب العمل استقدام اثنين من الهنود بنفس الخبرة اذا مو اكتر. فاجراءات اصدار تصريح عمل في الامارات اصلا يوجد فيها بعض التعقيد فما بالكون ان السوري فقط من بين كل الجنسيات الموجودة بحاجة الى اجراء اضافي .
سوريا
مغترب في الامارات2008-12-31 08:39:04
رد على شبل الأسد
يا أخي والله انت مانك عرفان الله وين حاطك هالقانون الجديد رح يجيب اجلنا وكل هدفه هو تأخير وروتين بلا طعمة وتدخل للحكومة بأمورنا كل واحد يدبر راسو وهالغقد بين الامارات وسوريا الاول من نوعه يعني ما في ولا دولة قبل اكتشفته وعملتو مع الامارات ليش أمريكا أو فرنسا أو بريطانيا أو الهند ما اخترعوا هالاختراع علما أن أكبر جالية في الامارات هم الهنود؟؟؟ حلوا عنا من شان الله
-سوريا
مغترب في دبي2008-12-31 08:31:49
اتركونا وشأننا
نحن هنا في دبي نكره بداية السنة لأننا سنضطر لمراجعة القنصلية السورية من أجل استصدار سند الإقامة، بصراحة نحن نعامل هنا من قبل سلطات الامارات واداراتها ووزاراتها كبشر محترمين اما في دوائر سوريا في الداخل والخارج نعامل كالـ*** ، لقد تركنا لكم البلد لنبحث عن رزقنا اتركونا وشأننا قانون العمل هنا يحترمنا أكثر بكثير مما يحترمنا قانون العمل السوري، لا نريد باب جديدا لعرقلة المعاملات والفساد، نحن هنا حقوقنا مصانة اتركو فسادكم لحين نزولنا في إجازة لا نريد منغصات في الغربة.
-سوريا
القيصر من أبو ظبي2008-12-31 08:27:17
رأي
الأستاذ فهد نوفل هو الرجل المناسب في المكان المناسب فلا داعي للقلق و كل عام و كافة السوريين بخير
-سوريا
سوري2008-12-31 07:43:34
مكتب تشغيل ؟
هاد لازم يسموه مكتب تشغيل الواسطات (حصرا) بكرى ولاد البطة البيضا بيجو علامارات وولاد البطة السودة بروحو علبنان, لي بيعرف بيعرف ولي مابيعرف بيئول شوال دراهم
-الإمارات
جامعي2008-12-31 07:30:49
ماحدا احسن من حدا
معهم حق , لماذا تأخذ المكاتب كومسيون عقود العمل , من الان وصاعدا سيأخذها موظفو الوزارة الذين لامورد جانبي لهم !! التسعيرة " 1- عقد عمل للجامعيين : راتب ثلاث اشهر مقدما 2- عقود العمال : راتب شهر سلفا 3 وهلمجرا ,
-سوريا
محمد2008-12-31 07:13:44
ممكن وضع النص الكامل للإتفاقية
رجاءا وضع نص الإتفاقية الكامل و موعد تطبيقها
-سوريا
مقهور2008-12-31 07:15:29
اخ بس
و الله احترت لوين بدي اطفش من شي اسمو فساد و نصب و احتيال و محسوبيات و لك الله يخليكن و يحميكن و اتركونا بحالنا مو حاجة اخدتو كل احلامي الحلوة بالبلد لسه لاحقينا لهون يا اخي انتو مين استشرتو من المغتربين هون لحتى اخدتوا هالقرار اه
-سوريا
3DExpert2008-12-31 06:57:49
زيادة تعقيد ليس إلا
شي حلو اننا نحس انو بلدنا عم تسأل عننا و تهتم بأمورنا بالغربة! بس بصراحة أنا ما شفت شي جديد بالقانون! و مسألة إذا غير الشغل بيلتحق بعمل جديد خلال 30 يوم مرتبطة بالعقد أصلا و موجودة كمان! من جهة تاني كل الشركات ما بتاخد موظفين بدون مقابلة عمل! هيك زادت الأمور تعقيد و صار لازم يسافر صاحب الشركة أو المندوب الى سوريا ليختار موظفين و هي قليل من سيفعلها! بالتالي ستتجه الشركات الى الجنسيات الأخرى و العترة على من يحلم بالعمل في الإمارات مع أنها لم تعد بلد الأحلام كما كانت في الماضي!!!
الإمارات
ala,a2008-12-31 07:07:59
قرفان
يا أخي بالاول حصلو حقوق العمال السوريين يلي عم يشتغلو بسوريا بالقطاع الخاص وبعدين الحقونا لهون , يعني لا بسوريا بيخلص الواحد منكن ولا اذا طلع برا سوريا
الإمارات
سحبان2008-12-31 06:57:03
إما أنها اتفاقية بمنتهى العبقرية أو أن اللبن أسود.
شوفوا فوائد الاتفاقية (وحول دورالو زارة في حل النزاعات القانونية بين العمال وأرباب العمل، قال نوفل إن \"الوزارة تضمن تنفيذ بنود العقد قانونيا\"، مستبعدا أن يكون للوزارة ممثل قانوني معتمد أمام القضاء الإماراتي في حال حدوث نزاع)يعني ولا شي!!( وفى حالة حدوث نزاع بين صاحب العمل والعامل يتم تقديم الشكوى إلى الجهة المختصة بوزارة العمل الإماراتية طبقا للإجراءات القانونية لتيسير الوصول لتسويته وديا، وإذا تعذر الوصول إلى حل ودي يحال النزاع إلى الجهة القضائية المختصة طبقا للقانون الإماراتي)يعني ولا شي
-الإمارات
11112008-12-31 06:54:58
طولوا بالكم ياجماعة
هذا يعتبر حصرا على المواطن السوري
سوريا
طافش وبشدة2008-12-31 06:47:12
سؤال يا سيريا نيوز رجاءً
هل يسري هذا الاتفاق العظيم على شخص يريد ( فرد واحد فقط) سيحصل قريباً على عقد عمل من الإمارات عن طريق صديق؟ او يسري على الإعلانات العامة والمكاتب التي تعمل على تأمين اعمال للسوريين في الإمارات؟ يعني انا إذا رايح اشتغل بزيمبابواي !! شو خص وزارة الشؤون؟ ما نحن لما منكون هون ما عمنستفيد منها بشي ولا عمنسمع صوتها اصلاً ؟؟ الرجاء الإجابة من اي شخص يعرف او من خلالكم لانو الوضع حرج جداً بالنسبة لي
-سوريا
معن سعيد2008-12-31 06:36:24
الاتفاقية ستقضي على فرص السوريين
إلى ماذا ستؤدي الاتفاقية غير هدر فرص السوريين في العمل؟ جميع السوريين العاملين في الإمارات حصلوا على فرصهم عبر قريب أو صثديق سبقهم. وإذا كانت السيدة الوزيرة تعتقد أن شركات الإمارات ستلجأ للوزارة لتدبير يد عاملة، فهي واهمة. هناك 200 جنسية في الإمارات، وليس هناك واحدة يتعرض أبناؤها لمثل هذه الإجراءات التي في الظاهر تهدف لرعاية حقوق مواطنيهاوفي الباطن للتدخل باختيار العمال، وهو أمر مرفوض سلفاً. خلاصة القول: الاتفاقية بشكلها الراهن ستقفل أبواب الإمارات في وجه السوريين.
سوريا
سحبان2008-12-31 06:18:51
140 الف عامل يعني 1.5%من عمالة الامارات..يعني ولا
لا أرى في هذا الاتفاق اي مصلحة للعامل فانظروا: (لتتم إجراءات اختيارهم بالتعاون مع وزارة الشؤون الاجتماعية والعمل..)يعني ادفع بتطلع- وشوف هي الثانية(بعد تلقي الطلبات من وزارة العمل الإماراتية يمكن أن يتم ترشيح أسماء عبر مكتب التشغيل أو عن طريق رب العمل أو وكيله في سورية، لكن حصرا يجب أن يحصل العامل على تصريح عمل من الوزارة وأن ينظم العقد عبر الوزارة)يعني ادفع لتحصل على تصريح العمل وادفع لكي تحصل على التصديق وكلها سمسرة وفهمكن كفاية وكأن اصحاب العمل بالامارات قاتلين حالهن على هالعمالة الفزززة؟؟!!
-الإمارات
ماجد2008-12-31 05:43:04
يا الخبرة .. يا الشهادة الجامعية
مرة ذهبت للتسجيل في مكتب التشغيل ، والمفاجأة كانت عندما أرفقت شهادات الخبرة مع الشهادة الجامعية ، لأن الموظف الذي تم توظيفه بناءا على الوثيقة الاعدادية اللي بيحملها طلب مني الاختيار بتسجيل شهادات الخبرة ( لوحدها دون الاجازة الجامعية ) أو بتسجيل الاجازة الجامعية ( دون الخبرة ) .. بالله عليكم مكتب لايعرف ماذا يعني أن يتقدم المرء بخبراته العملية التي عمل بها ضمن اختصاص اجازته الجامعية أو الماجستير أو الدكتوراة .. ماذا يمكن أن يؤمل منه..
-سوريا
بدي اتغرب2008-12-31 02:37:57
الله يعينكن يا جماعة
ما فيني قول إلا حسبي الله ونعم الوكيل
-سوريا
محمد من حلب2008-12-31 02:27:58
ارجوالمساعدة help meeeeeeee
ياجماعة انا قرات الخبر اكتر من مرة بس محتاج حدا يفهمني ماا يجب ان افعل الان اناوقعت عقد مع سركة اماراتية عن طريق مكتب في سوريا وهم بدؤا باجراءات القيزا الان بعد الاتفاقية هي في اي سي تغير بالنسبة الي يعني ماا يجب ان افعل ومن اين يجب ان ابدا(المصيبة في الوقت) كمان بالنسبة للكلام ها قصدهم بعد السفر ولاقبله؟؟ \"تصديق العقود في الوزارة يتطلب صورة عن عقد العمل مصدق من وزارة العمل الإماراتية مرفق مع طلب تصريح عمل من وزارة الشؤون الاجتماعية والعمل وتقديمه إلى مديرية القوى العاملة في الوزارة\
سوريا
ابو عدنان2008-12-31 02:00:56
حلو عنا!
اي تاركين البلد وهربانين طفشانين دايئة خلائنا عايفين حالنا من العتت مع مؤسساتنا الحكومية , يا اخي انا مابدي حدا ينظملي شغلة مع اصحاب العمل , حلو عني , مشان الله , مشان النبي , مشان كل مين الو شان , حلو عني , حلو عني !!
-سوريا
للضرائب؟2008-12-31 01:26:30
باب آخرمن المغتربين للضرائب؟
لناباب آخرمن المغتربين للضرائب؟
-سوريا
سوري من امارات الخير2008-12-31 01:15:53
نداء لوزير العمل الاماراتي
نحن السوريين في الامارات نرجو منكم الغاء هذا القرار المجحف نصيحة من اناس تحب الامارات واهلها للامارات حكومة وشعب رحم الله زايد وحمى خليفة سيد البلاد
-سوريا
حسام2008-12-31 00:36:56
يرحم ابوكم
ياجماعة الخير حلوا عن ضهر المواطن طفشنا من هالبلد وعفنا لكم الجمل بما حمل ولاحقينا ......... يستر عرضكم حلوا عنا
سوريا
سوري مغترب ومتفهم2008-12-30 23:53:07
ممتاز إذا طبق منيح
ولله أنوهادا القرار ممتاز وخطوة حلوة لأنو في كتير سوريين عميطلعو على طراب المصاري ويجب تحديدالراتب أيضا كحد أدنى 4000درهم ولازم الوزارة ماتطلع إلا على راتب منيح هيك بكون القرار طبق منيح بس بدون محسوبيات
سوريا
مواطن مفلوش2008-12-30 23:47:01
دعاء مستجاب بإذن الله
الله لا يوفقكن بجاه كل شي عندو جاه عند رب العالمين .. لك حلو عنا بقا .. يلعمى ما بتعرفو كيف بدكن تخنقو الشعب لك حتى بالغربة
-سوريا
شبل الاسد2008-12-30 23:10:33
سلمت يداكم
يا جماعة الخير انتو بكل شي بتاخدوه بهمجية وكل واحد فيكم عاملي فيها فهيم زمانو يااخي عندك شي متضايق منو قولو بس هل ا لقرار كتير منيح والله المعلمين هون بل امارات معوفينا الله وبدنا قوانين تساعدنا متل هيك قوانين كتير منيحة النا شوبكن يا جماعة نتنو بتعرفو اي مشكلة بتصير بينك وبين اربابك اقل كلمة بيقلك ياه بقنصل اقامتك وبحطلك حرمان وبشلفك متل الكلب صح ولا لا وهداك الوقت دبر حالك شو رايكم القانون الجديد كويس ولا لا
-سوريا
مقيم بالكويت2008-12-30 22:48:46
يستر على عرضكم بعدو عن الكويت
الله يعينكم يللي عايشين بالامارات على هالمصيبة
سوريا
المدافع2008-12-30 22:45:57
imperfect
I am a teacher working in the UAE now. Every one knows that the teacher should be in the UAE to make an interveiw and then goes to the Educational Zone ,so how can a teacher find a job in the UAE when he is in Syria. none of the schools here accept to bring teachers from their countries. Frankly, I think that this decision is unfair for the Syrian community however the government design an automatic system by pre-charged cards for the turn. Even though it should exclude the educated ones
سوريا
مغترب و لن يعود2008-12-30 22:26:58
حلو عن ربنا كرمال ربنا
لك هاد الوزير شو بده بهلشغلة يروح يجيب حقوق الناس يلي لساهم بسوريا قبل ما يدور علينا لحنا هون بالف خير طول ما حكومتنا بعيدة عنا خليكم بحالكم و لا كتر الله خيركم ولا خلف عليكم بخير
سوريا
محمود2008-12-30 22:23:12
شي كتيرررررررررر حلووو؟؟؟؟؟
المهم ياشباب باب رزق جديد انفتح على جماعة الوزارة حقهن لا شغلة ولا عملة شو بدن يساوو اخترعوا هالنظام القديم الجديد واحلى ما فيه (بعد تلقي الطلبات من وزارة العمل الإماراتية يمكن أن يتم ترشيح أسماء عبر مكتب التشغيل) وفهمكن كفاية.؟؟؟؟؟؟؟؟؟؟؟
-الإمارات
هادي2008-12-30 22:24:05
عليه العوض و منو العوض
اتركو الناس بحالهم و هم سيكونو بالف خير. حلو عن الشعب و يكفي تدخل في حياته. هذه الطريقه ستقيد الشاب السوري و تزيد سلطة صاحب العمل عليه. يظهر ما في حدا بيفهم في لجان التخطيط في بلدنا.
سوريا
السوري الفحل الطيفش2008-12-30 22:13:23
حلو عن سمانا
ولك حلو عننا ولك حلوووووووووووووووووووو اعننا وعن سمانا لعمى ولو كرمال الف نبي ولك اش مكتب تشغيل وعمل ولك حاج تخنقوه
-سوريا
syrian from Canada2008-12-30 22:12:56
I am Just wondering
كما تعتبر هذه الاتفاقية الأولى من نوعها التي توقعها الإمارات لتنظيم استخدام العمال الأجنبية
-سوريا
المحقق غادجيت2008-12-30 22:00:42
ولو..لوين لاحقينا
طيب إذا أنا من خلال معارفي بدبي أمنت فرصة عمل مع أحدى الشركات، حدا يفهمني شو دخل مكتب التشغيل في سورية بهالقصة، يعني أنا من خلال مهاراتي وتعليمي وكفاءتي اقتنع بي صاحب الشكرة الإماراتي، ليش مكتب التشغيل في سورية ؟؟؟ لحتى يدحش كل واحد قال عن حاولا بيفهم في موضوع اسمه فيه؟ مادام هيك ليش ما بتجبروا أرباب العمل السوريين على مكتب التشغيل؟ منشان الله حلوا عنا لك نحنا قرفنا البلد وبدنا نطفش وأنتوا لاحقينا بالعتت تبعكم؟ قال مكتب التشغيل
-سوريا
طافش2008-12-30 21:59:33
شو اخرتها ؟
والله العظيم مو معقول هالحكي يعني شو مفروض نعمل حتى نخلص ...!!!! لهون السرقة والمحسوبيات والواسطات؟ طبعا انا عم احكم مسبقا لانو المحروق من الحليب بينفخ على اللبن .... هي تركنالكم البلد وطفشنا يعني شو بدكم اكتر حرام عليكم حرام والله حرام حسو بغربتنا وعزابنا ... طيب اعطيتونا فرصة لشغل نظيف وقلنا لأ ..خلونا نشتغل بعيد عنكم يرحم ابوكم .... اعتقونا انتو وافكاركم وتخطيطك البناء يلي عم يرجع البلد من ورا لورا
-سوريا
مقيم في دبي2008-12-30 21:59:59
ارجو عدم قرائتي
الله اكبر يعني الواحد وين ماراح بتموا وراه يا جماعة حلوا عنا وحنا بالف خير حتى لهون ورانا طيب ازا طلعنا عالمريخ يا ترى كمان راح تجوا الواحد وين بدو يروح حسبي الله ونعم الوكيل
-الإمارات
لادقاني2008-12-30 21:50:45
ياسلام
والله هربنا من البلد بسبب المحسوبيات وهلا صرتو رح تدخلو حتى بالهريبه ورح تشتغل المحسوبيات الله لايوفقكم لهون لاحقين الناس
سوريا
واحد مل... مل كتير2008-12-30 21:47:00
شو بدكن
لك من وين طلعتلنا هالاتفاقية.... شو بدكن يعني............. صار بدها هجرة
الإمارات
المدافع2008-12-30 21:47:28
أجت الخزينة لتفرح مالقت لحالها مطرح
نحن هربناالى الامارات من أجل الواسطةوالرشوةوالمحسوبيات التي تحدث من القائمين على مكاتب العمل والتشغيل في سوريا.بصراحةسوريابلدي وأناأحبهاجداوكل ماأخشاه أن تكون الواسطةهي المقياس في سفرالعمال إلى الامارات. شيء مهم لم يتم توضيحه:من هي الفيئات التي يتم ترشيحهامن قبل مكتب التشغيل؟هل أصحاب الشهادات الجامعيةيخضعون لهذاعلماأنهم بسوريالايخضعون لمكتب الدور؟ خلصنامن ضريبةالاغتراب الجائرةفلاقيتو لناباب آخرمن المغتربين للضرائب؟ حبذالو يتم التوضيح ومن هي الفيئات وموعدسريان هذاالأمر؟؟؟؟
سوريا
???2008-12-30 21:45:49
خير الكلام ما قل ودل
يستر عرضكون حلو عنا ونحنا بالف نعمة
-الإمارات
سوري بالإمارات2008-12-30 21:32:37
الناس لقدام واحنا لورى
يا أحبابي طلعنا من البلد وايدينا مرفوعة عم ندعي يارب نرجع وتكون الظروف تحسنت شايف ربنا ما استجاب لنه الدول كلها بتلغي البيروقراطية والمحسوبية الا احنا بكرة بيضطر العامل يدفع ليطلع يشتغل شو هالتقدم والله الامارات عم تحسدنا عليه
-سوريا
فراتي وناطر2008-12-30 21:24:28
ها أنا أطلب المساعدة.... النجدة
سأرضى بجميع القوانين النافذة والخارقة والناتئة والجاسئة.... المهم أناموظف في شركة نفط بسورية حصلت على عقد عمل في الإمارات براتب لم لأكن لأحلم به ومشكلتي أن السيد وزير النفط وضع اسمي على لا ئحة المحرومين من السفر فهل تتفضل وزارة العمل المحترمة بمساعدتي على الالتحاق بعملي الجديد كما ورد في هذا الخبر وكما ورد في الاتفاقية وإلا فما هي المساعدات التي ستقدمها وزارة العمل السورية لأبناء سورية؟؟؟؟
-سوريا
السوري المقهور2008-12-30 21:10:05
قهر
شو يا لسا لاحقينا طيب اعطونا عمل داخلا وروحو انتم خارجا الله يسامحكم على هل الجنسية الغير معترفه بها روحوا منكم لله شكيتكم لله يا .............. ا
-سوريا
سوري بالامارات2008-12-30 21:08:52
انا مع قانون العماله
اؤيد خطوة الحكومه باتخاذ تدابير للعمل في الامارات, يكفي ما نشاهد من شباب يعملون في الشحاده والوقوف على اشارات السير ومعهم سطل وماء وممسحه, عيب عليكم والله وايضا في ر بعض منهم يمتهن السرقه على الموتوسيكلات. شوفوا الامارتيين شو عم يحكو علينا صاروا بفضلوا الهندي والبنغالي عن السوري. لذلك يجب تنظيم عقود عمل لكي يتم القاء القبض على كل من يخالف القانون. القانون وضع من اجلنا جميعا فلا تيأسوا يا اخوتي
-سوريا
خالد2008-12-30 21:12:32
ببلدنا
عغوا من الوزارة لكن أستغرب عندما تقول أن الوزارة ستحصل حقوق من هم في الإمارات- لكن سؤال إذا كنا في بلدنا ومع ذلك وزارة العدل هي أدرى كيف ( لا ) نحصل ع ولو اليسير من حقوقنا وفي تخمين الآجار لكم عبرة ( حيث تدفع كامل المصاري والتي تصل للآلاف ومع أجرة المحامي من - جيبك ) لتحصل على زيادة آجار قدرها 195 ليرة شهريا يبصبح الآجار 1545 ليرة لمحل آجاره الحقيقي 25 ألف ليرة ترى أين هي وزارة العدل من هذا وفق الله المسؤولين لخير بلدهم
-سوريا
fadi2008-12-30 20:54:18
...
بعد تلقي الطلبات من وزارة العمل الإماراتية يمكن أن يتم ترشيح أسماء عبر مكتب التشغيل معناه طريق اخر للرشوة في عاصمة الثقافة العربية حلو عنا ونحن بالف خير
سوريا
أنسي2008-12-30 20:49:14
يا سلام سلم
لهون كمان بدكن تلحقونا خود بكرا والله كمان يفرضوا اسماء على كيفن و تشتغل المحسوبيات والدعم يعني نحنا وظايف بالدولة مو طايلين و و وظايف بالشركات الخاصة يلي هي معظمها للمسؤوليين مو طايليين كمان بدكن تلحقونا على الامارات و الاحلى بكرا يصير تعقيدات يقوم الاماراتيين يبطل بدن عمالة من سوريا و يطفشوا يعني بدكم تعمموا المحسوبيات و الوسايط حتى على المغتربين لك نحنا هربانين منكن .حسبي الله و نعم الوكيل .اللهم الهم مسؤولينا امر رشد و ابدل السيئيين باناس يخافونك على كل المستويات من اصغر موظف لاكبر واحد
-سوريا
Mohammad2008-12-30 20:51:45
a question
Hi Rawad, I shall not be negative like the two pervious comments, but I still have a question that you didn't answer in your article, the question is simply "besidee adding more routin and more unofficial payments in the syrian ministry, what is the benefit that Syrian workers in UAE may gain?", Seriouly: can you please tell us why we should happy for these news?
-سوريا
سوري في دبي2008-12-30 20:43:55
مشكوريين وما قصرتو
شكرا لوزارة الشؤون الاجتماعية على اهتمامها بالرعايا السوريين بالامارات .. والحق يقال ان وزارة العمل بالامارات محترمة ونزيهة ... وكسوري اشعر بالفخر ان بلدي تهتم بأمري وحقوقي ... وبصراحة انا اشعر بنفسي بالامارات كأنني في سوريا ... وما قصر ابو راشدال مكتوم ...
-الإمارات
الطير المهاجر2008-12-30 20:19:43
حلوا عنا
قال" رضينا بالبين والبين ما رضي فينا" هجينا وتحملنا الغربة ولسه لاحقينا لهون ولك وين بدنا نروح على الهونولولو رح يلحقونا اعتقونا واحنا بالف خير
سوريا
سوري جداً2008-12-30 20:15:05
أحلى خبر لجماعة (عطيني الحلوان)
الله لا يعطيكم العافية فوق تعبكم .... يعني ما ناويين تتركوا شيء يمشي بدون واسطات و فساد ومحسوبية ..... عقد العمل بيكون خاص بين العامل و رب العمل ,, من وين طلعتولنا أنتو .
-سوريا