syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الفصل وتخفيض الأجور احد أهم تداعيات الأزمة المالية على العمالة السورية في الإمارات
تحقيقات

باحث: هذا سيؤدي إلى انخفاض التحويلات إلى سورية, وسيتأثر المستوى المعيشي للأسر التي تعتمد على التحويلات بشكل مباشر

أثرت الأزمة المالية العالمية بشكل كبير على العمالة السورية في دولة الإمارات, حيث تم تخفيض أجور بعضهم, وفصل بعضهم الأخر من عمله, الأمر الذي سيؤدي إلى انخفاض التحويلات المالية إلى سورية, فيما قال باحث اقتصادي إن انخفاض التحويلات سيؤثر بشكل كبير على الأسر التي تعتمد عليها بشكل مباشر.


وقال هاشم .أ يعمل في شركة مقاولات لسيريانيوز انه" تم فصل عدد من الموظفين في الشركة, وبينهم العديد من العمال والموظفين السوريين", لافتا إلى أن "الشركة قامت بتخفيض راتبه إلى النصف على الرغم من أن للشركة عقود سابقة في مجال البناء والتشييد".

وكانت مصادر اقتصادية قالت إن أكثر من 1500 تصريح عمل وتأشيرات مرتبطة به تلغى يوميا في إمارة دبي, وذلك بسبب التأثيرات السلبية للازمة المالية العالمية, فيما لم تنف وزارة العمل الإماراتية هذا الموضوع.

وأضاف هاشم أن "عددا كبيرا من الشركات أصبحت تقوم بابتزاز الموظفين لتخفيض رواتبهم, وذلك من خلال تخيريهم بين ترك العمل أو القبول بالراتب الجديد".

بدوره, قال شادي ج يعمل في احد شركات الإنشاء العقارية في ابوظبي إن "العمل تراجع بإمارة ابوظبي بدرجة كبيرة", لافتا إلى أن "هذا أدى إلى تراجع راتبه, خاصة وانه قبل الأزمة كان هناك عمل إضافي يقوم به وذلك لزيادة راتبه, أما الآن فانه لم يعد هناك عمل إضافي يذكر".

وكان القطاع العقاري في دولة الإمارات من أكثر القطاعات تأثرا بالأزمة المالية العالمية, حيث تم إلغاء وإيقاف مشاريع تجاوزت قيمتها 300 مليار دولار.

من جهته, قال ثائر ج موظف يعمل في احد البنوك انه "تم تسريح عدد من الموظفين السوريين في البنك, فيما تم نقله لقسم آخر بسبب إغلاق القسم الذي يعمل به, بعد أن تم تخفيض راتبه", لافتا إلى أن "التسريحات شملت الموظفين الإداريين ذوي الدخول العالية".

وكان عدد من الموظفين والعمال قالوا لسيريانيوز إن عدد العمال السوريين الذين فقدوا عملهم في الإمارات يقدر بنحو 50 ألف شخص من أصل 150 ألف, فيما لم يتسن لسيريانيوز التأكد من هذا الرقم من مصادر رسمية إماراتية.

وكانت مصادر إعلامية مصرية أشارت إلى أن نحو 150 ألف عامل مصري يعملون في دولة الإمارات فصولوا من عملهم جراء الأزمة المالية, لافتة تلك المصادر إلى أن هذا الرقم قد يتضاعف في الأيام المقبلة. 

من جهته, قال عمر أ مهندس يبحث عن عمل في دبي إن "فرص العمل قليلة جدا في الإمارة وذلك بسبب تداعيات الأزمة", مشيرا إلى أن "الشركات والمؤسسات عند إجراء أي مقابلة معها تسألك أولا عن حجم الراتب الذي يمكن أن تعمل به, قبل النظر إلى المؤهلات وغيرها, وذلك على خلاف المعايير المعمول بها في السابق".

وأضاف عمر أن "الأجور انخفضت بشكل كبير وهي لا تتناسب مع الوضع المعيشي في الإمارة, خاصة وان أجور السكن مرتفعة جدا, وذلك على الرغم من تراجعها بفعل الأزمة".

بدوره, قال الباحث الاقتصادي أيهم أسد لسيريانيوز إن "الأزمة المالية العالمية ستؤثر سلبا على ميزان المدفوعات في سورية والذي تشكل تحويلات المغتربين السوريين والميزان التجاري وتدفقات الاستثمار الأجنبي المباشر أهم مكوناته".

وأضاف أسد أن "تحويلات المغتربين السوريين ستنخفض بسبب الأزمة", لافتا إلى أن "تأثيرها سيكون كبيرا على المستوى المعيشي للأسر التي تعتمد بشكل أساسي على هذه التحويلات".

وفيما يخص تأثير انخفاض التحويلات على الاقتصاد السوري, أوضح الباحث الاقتصادي انه "يصعب على الاقتصاديين تقدير انخفاض تحويلات المغتربين على الاقتصاد السوري, لصعوبة تقدير الأهمية النسبية لهذه التحويلات في ميزان المدفوعات", لافتا إلى أن "السبب في ذلك هو أن هذه التحويلات لا تتم كلها عبر الجهاز المصرفي العام والخاص في سورية".

وكانت الحكومة السورية قالت في وقت سابق أن حجم التحويلات المالية للمغتربين السوريين يبلغ نحو 2 مليار دولار في عام 2007, فيما أشار تقرير للبنك الدولي أن التحويلات لم تتجاوز حاجز 850 مليون دولار لنفس العام".

وحول استمرار تأثير الأزمة المالية على العمالة السورية في الخارج, قال أسد إن "المؤسسات الدولية تتوقع أن يستمر تأثير الأزمة المالية على الاقتصاد العالمي في السنوات الخمس المقبلة", لافتا إلى أن "ذلك سيؤثر بدوره على العمالة السورية في الخارج بما فيها تحويلاتها المالية".

 

هيثم جودية- سيريانيوز  


2009-03-22 23:16:04
شاركنا على مواقع التواصل الاجتماعي:



شارك بالتعليق
خلدون2009-03-31 00:44:32
-
المراقب التعبان في عندك شي اسمو google بامكانك تتأكد من كلامي .. وبالنسبة للي ضد فكرة السفر للخليج بحب قول : بيكفي انك بالخليج بتشتغل كتير بس بتكبر و بتصير شغلة .. أما هون بتشتغل بتشتغل و بتضل فقير
-سوريا
bassel2009-03-30 09:15:14
الى سامر
الله يحمي السعودية والامارات ؟؟ ليش يا حبيبي عم تشتغل ببلاش - ولا حابينك -- وشو مشان البلد الي علمتك - وداوتك - وصرفت عليك - انا لا اتكلم لاتكلم بس انا مغترب مثلي مثلك مثل كثير من شباب الوطن ولا اطيق انتظار لاعود الى الوطن بدون شكر لا للسعودية ولا للامارات لان لا احد يعمل ببلاش
سوريا
المراقب التعبان2009-03-30 07:46:40
-
إلى السيد خلدون : الله يهنيك على عيشتك لكن من اين أتيت بأن العين ثاني أجمل مدينة بالعالم ؟؟؟!!! نورنا من نورك واعطينا مقياس التثنيف فلربما على حسب تصنيفاتك هذه أن تكون دكا عاصمة بنجلاديش ثاني أنظف مدينة في الكون .
-سوريا
تحسين2009-03-29 20:09:05
ماذا ستفعل الحكومة السورية
بعد عودة السوريين من الخليج؟؟؟؟؟ هل ستؤمن لهم عمل أم ستنتف ريشهم وهم الذين كانوا يدرون مليارات الليرات على سوريا سنويا؟؟؟ الى الآن!!! الحكومة مو هون ولا يهمها الأمر لا من قريب ولا من بعيد طالما أن """ بلعهم """ على حاله ولم يتغير أو يتبدل.
-سوريا
خلدون2009-03-29 01:06:56
حاجة تضحكو على حالكون
لك حاجتنا بقا نضحك على حالنا..أنا صرلي 18 سنة بالامارات..الحمدلله حالتي ممتازة و مبسوط و بيكفي عايش عيشة كريمة بمدينة العين تاني أجمل مدينة بالعالم.. والقانون بيحمي الحق للكل..بقا حاجة عبارات رنانة واللي بيصحلو يطلع لا يقصر
-الإمارات
mouna2009-03-28 15:55:21
الى hassan
كارلوس منعم مسلممن دير عطية ومرته من بيت جمعة ذكرت هالشي بمقابلة لها حتى دفنت ابنها عالطريقة الاسلامية
-سوريا
بروكر سوريا بالامارات2009-03-28 11:12:35
بلا فلسفة وقوميات فاضية
يعني بدي اسال هالشباب اللي عم ينصحوا العالم بالغربة ليش انتو ما بترجعوا لبلدكن طالما شايفين الغربة هيك والامارات هيك؟؟؟ ولا بس شاطرين بالتفنيص؟؟ الله يديم علينا غربتنالولاها كنا تشردنا من الفقر والركودة ورا وظايف الحكومةوالوسايط....بئاالاولى فينا وخصوصي السوررين اللي بالامارات انو يكون عندن شوية عرفان بالجميل لدولة الامارات اللي عطتنا فرصة نكبر وعيش ونتعلم سلامو
سوريا
سوري2009-03-28 07:36:14
نطلب الرحمة
نحن المغتربين نحب وطنن،ومااعتربناعنه إلا بسبب الحاجةالمادية،وبما أن تحويلانتا المالية تشكل داعمامهماً للاقتصاد السوري ؛فلماذالا يلغون سقف الإجازة(5)سنوات أسوة بالأشقاء في مصر والأردن ،أويرفعونه إلى (10)سنوات على أقل تقدير؟خاصة وأن الأزمة المالية العالميةلا بد أن تؤثرعلى بلدنا الحبيب وبذلك تصبح تحويلاتناالمالية أكثر أهمية من ذي قبل.فالسوريون دائماً حائرون هل يستقيلون من وظائفهم في سوريا(فيخسرهم الوطن ويخسر خبراتهم ويخسرون وطنهم)أم يستقيلون من المغترَب(فيخسرون المال ويخسرالوطن)نريد حلاً ياحكومة.
-سوريا
ســامـر2009-03-28 00:58:39
قل خيرا أو أصمت
يا مغتربين ,,,,قولوا خيرا أو أصمتــوا ,,,,بعض المغتربين السـوريين عبئ على الجاليـه السوريه في دول الخليج العربي ,,,,الكثير منهم وخاصتا الأجيال الجديده التي لاتعرف الأصول وأدب الغربه أساءت بتصرفاتها الى سمعه السوريين ,,,الله يحمي الخليج العربي والسعوديه ويديم عزهم ,,,لأنهم ضبوا عشرات الألوف من السورين ومن عشرات السنين ,,,فرجاءا : اللي عنده تجربه فاشله بالغربه مو ضروري يسمعنا ياها ويرويها على الطريقه الجاهله والحقوده .
-سوريا
سيف السوري2009-03-27 23:54:17
المنافقين
انا سوري وافتخر بس يامغتربين هذه ازمة اقتصادية عالمية يعني بكل الدول وبعدين احمدو ربكم على العيشة بدولة الامارات يكفي انها قدمت اشياء كل واحد فيكم بدولتكم ما كنتو تحلمو فيها (بتركبو احلا سيارات 2 انضف شوارع حقوق محفوظة الامان بكل مكان يكفي بتدخل اي دائرة حكومية او غير حكومية وبتخلصها بسرعة وبكل احترام مافي رسوم بدون وصولات وانتو يا اصحاب التعاليق خلكم واقعين بدون منافقات كل واحد فيكم باس الف صرماية ليجي حتى لو بس زيارة
سوريا
جونز2009-03-27 23:15:32
إلى أبو كرم
بكير !!! كنت خليك شي 13 سنة تانيين و بعدين فكر ترجع عالبلد. هلأ لحتى عرفت إنو البلد كلها هنود؟ هلق لحتى عرفت أنو بلادك أولا فيك و هي الأم العطوف . طالما هيك ليش مارجعت من الأول. بتمنى بس ترجع تخبرنابعد سنة من هلق شو رأيك ونحنا بالإنتظار
-الإمارات
ابو كرم2009-03-27 10:54:52
انا عايش بالامارات ولا الهند ؟؟
بصراحة انا منفيم بالهند ..قصدي الامارات من 13 سنة والوضع العام زفت للبلد غلاء وضرائب ورسوم ومخالفات .. لاانصح احد بالاقدوم الى الامارات ..العايشين والمتاحين هم الهنود الذين يشكلون 60% من تعداد السكان بالامارات بينما الامارتيون لايشكلون اكثر من 20% من الشعب الوضع مقرف لااخر درجة والتفنيش شغال واغلب اصدائي ينتظرون انتهاء المدارس للعودة الى سوريا بكرامتهم وعاشت سوريا وعاش اسدها العظيم بلادنا اولا بنا وبخبراتنا وهي الام العطوفة لنا ...
سوريا
Mr.Angel Stephain2009-03-27 01:13:20
...
ياريت الوضع يتنظم بسوريا و تظبط البلد ( اذا في امل ) و الواحد ما عد يفكر بالغربه , بس للاسف الواحد بيحس انه مواطن خارج بلده و غريب من وقت ما يجي من المطار , اما الوضع بالامارات فهو اسوء فلا جنسية و لا يحزنزن و تبقى معاملتك كحامل اقامه فقط
الولايات المتحدة
سوري حر2009-03-26 15:42:36
الى مغترب في ابو ظبي
ليش انت هيك عم تحكي عيب عليك كلامك كلام انسان غير عارف بشي
سوريا
شام الله حاميا2009-03-26 14:51:42
القناعة
القناعة كنز بس شوبدو يحكي الواحد بسوريا الكل بيقوم من النوم الساعة 9 او10 ويوم موجاي ع بالي اشتغل ويوم تعبان بس بالغربة اجلك متل الكلب بيقوم قبل الجاج لو كل واحد بيشتغل بسوريا متل مابيشتغل بالغربه فرجت عليه ولي ع حظي سوريا احلى جنة على الارض بكل مافيها
السعودية
طرطوسي بالامارات2009-03-26 14:34:23
من وين
والله ياجماعة انا الي سنه ونص بشتغل بالامارات وكل مانا الحاله لورا كلشي غلي والمصاريف زادت بس انا بستغرب من شبابنا اللي بيطلعو على دول الخليخ منشان يدفعو بدل الجيش وبيروحو من عمرن 5 سنين يعني هيك هيك اكلينا ان ارجعنا لبلدنا ولا بقينا هون
سوريا
مغترب في ابوظبي2009-03-25 22:50:38
----------
اللي مافيه خير لبلدو مافيه خير لحدا معقول كل ها العالم هربانة من الخدمة العسكرية ياعيب الشوم بعمرا العسكرية ما اكلت رجال وبعدين مو كتير على بلدكون تعطوها سنتين من عمركون ولا بس بتمصوا خيرها بدون ما تعطوها
-سوريا
الاغر2009-03-25 22:44:29
مهما كان لوين بدنا نرجع
يا جماعة الخيرعم تحكو انوفي استفزاز من الشركات بدبي لكن شو بدو يحكي الواحدعن اصحاب الشركات بسورياليش شو بتتوقعو احسن راتب ممكن ناخدو بسوريا انا مثلا هلق عم اشتغل بطيران الامارات وراتبي الحمد الله جيديا ترى طيران السوريةبيقبل يشغلني عندوبدون واسطة متل ما عم اشتغل هون وبراتب محترم لهيك مهماسوو شركات دبي ما حدا يلومهم هيدا كاس على كل الناس
-الإمارات
سوري حر2009-03-25 16:46:35
غريب امر المراقب التعبان
استغرب كلامك حول من يكرب الحمار والسيارة ؟ ماذا تقترح على السوري في دبي ان يركب بدل السيارة ؟ دراجة مثلا او سرفيس الدوار الجنوبي؟؟ الى متى ستبقى عقدة السيارة مسيطرة ؟ وعن اي رفاهية تتكلم السيارة والشقة اساسيات لتستمر بعملك وبحياتك ومن اراد ان يرفه عن نفسه فهو حر ويعرف امكانياته ويجب ان لاغيظ ذلك احدا تحياتو
-السعودية
hassan2009-03-24 21:26:23
to Ghassan
أبو و أم كارلوس منعم هم من المسيحيين من بلدة دير عطية و ليس من المسلمين كما ورد في تعليقك
-الأرجنتين
شادي2009-03-24 14:45:52
اجهزة الاعلام
انامتأكد من انو اجهزة الاعلام ساهمت بتضخيم الموضوع واستغلاله كالعادة والمتابع جيدا لاخبار الاقتصاد وتصريحات خبراء الاقتصاد الذين بدأوا يؤكدون ان انتعاش الاسواق سيبدأمن الربع الثالث لهذا العام يرى ان جو التشاؤم الذي نشره الاعلام مبالغ فيه واليوم بالذات حققت بورصات امريكا اكبر مكاسب لها من خمسة اشهر وكذلك بورصات دول الخليج التي اسأنف العمل ببعض المشاريع الكبيرة فيها وخصوصا مشاريع البنى التحتية وهذا كلام ناتج عن ارقام يمكن لمتابعي الاقتصاد معرفتها بسهولة.
-الإمارات
عبد الرحمن2009-03-24 13:23:42
سؤال للأخ غسان
ما هو مصدر الأرقام التي ذكرتها؟ مع الشكر
-السعودية
GHASSAN2009-03-24 10:13:42
للعلم فقط 6
هذه الاحصائية بعددالافراد السورين الحاملي الجنسية و الغير حامليها:سوريا21.000.000 لبنان800.000 الولايات المتحدة8.000.000 كندا4.000.000 المكسيك600.000 كولومبيا1.500.000 فنزويلا1.500.000 اوروغواي500.000 تشيلي1.750.000 البرازيل13.000.000 الارجنتين6.000.000 استراليا100.000 الكويت500.000 السعودية700.000 الإمارات150.000 ايطاليا100.000 فرنسا450.000 ألمانيا1.200.000 بريطانيا650.000 الصين500.000 اسبانيا5.000.000
سوريا
GHASSAN2009-03-24 10:02:32
للعلم فقط 5
عدد السوريين الموجودين في العالم ككل يبلغ 73.000.000 فرد ، منهم الذين فقدوا هويتهم السورية ( المنصهرين ) ويقارب 35.000.000 ، اما عدد السوريون ممن يحملون الجنسية السورية فيبلغون حوالي 38.000.000 سوري ، 21.000.000 منهم يعيشون في سوريا ، والباقين موزعين في اقطار العالم.
سوريا
GHASSAN2009-03-24 10:00:31
للعلم فقط 4
ويقدر عدد الاسبانيين الحاملين لاصول عربية نصف عدد سكان اسبانيا ، اما السوريون فيشكلون خمس المنصهرين العرب، والسبب الرئيسي معروف وهو انحدارهم من اصول اموية هجينة ، وما زال المنصهرون في اسبانيا يفتخرون بالاصول العربية الأموية حتى يومنا هذا. جميع التقارير من جميع المنظمات الدولية والحكومات العالمية ، تشيرالى حسن السيرة والسلوك للمواطن السوري بشكل عام ( مع وجود بعض المخالفات طبع)، وتتمتع الجاليات السورية في البلاد العربية والاوربية والامريكية بالسمعة الحسنة والسلوكيات القويمة المحترمة
سوريا
GHASSAN2009-03-24 09:59:50
للعلم فقط 3
حتى ان الرئيس الارجنتيني السابق ( كارلوس منعم ) ترجع اصوله لسوريا ( جده وابوه وامه سوريون ومسلمون ) ، اما السوريون المقيمون في امريكا الجنوبية فهم من فئة التجار وأصحاب المهن الرفيعة. اكبر جالية سورية في العالم تقيم في البرازيل وعددها 7.000.000 ( من غير المنصهرين ) وتعود اصولهم لمدينة حمص واللاذقية، تليها الجالية في الارجنتين والولايات المتحدة. بالنسبة لاسبانيا فالسبب في العدد الهائل للمنصهرين ( عددهم 5 ملايين ) ، هو ان معظم الاسبانيين متوالدين من العرب اللذين كانوا يحكمون الاندلس
سوريا
GHASSAN2009-03-24 09:56:26
للعلم فقط 2
في امريكا الجنوبية ( والحديث هنا طويل ) يقدر عدد السوريين الفاقدين لهويتهم وجنسيتهم والذين ذابوا في المجتمع الامريكي وتجنسوا بجنسيته ( انعدموا من سوريا لكنهم م زالوا يحتفظون بولائهم لسوريا ) ما يقارب 19.000.000 فرد ، بينما الذين ما زالوا محتفظين باصولهم السورية وجنسيتهم يبلغ عددهم 11.000.000 سوري ، والسبب في هذا الاختلاف يرجع للهجرات القادمة منذ عام 1820 م ، والكثير من هؤلاء المنصهرين من المسيحيين ، وقد تمكن المنصهرون من الوصول لارفع المناصب واعلاها ،
سوريا
GHASSAN2009-03-24 09:53:12
للعلم فقط 1
يقدر عدد السوريين ( ومن له اصول سورية ) المقيمين في الدول العربية ( ما عدا سوريا ولبنان ) ما يقارب 2.750.000 سوري ، كما يقدر عدد السوريين ( ومن له اصول سورية ) المقيمين في الدول الاوروبية ما يقارب 5.000.000 سوري. في أمريكا الشمالية ( كندا والولايات المتحدة ) ينقسم السوريون لقسمين : الاول : الذين تجنسوا بالجنسيات الامريكية وانصهروا في المجتمع الامريكي ، وفقدوا الهوية السورية ، وهؤلاء يقدر عددهم بـ 8.000.000 شخص ، كما يقدر عددالسوريين الذيم مازالوا متمسكين بجنسيتهم ومحافظين على اصولهم 4.000.000
سوريا
باحث عن وطن2009-03-24 07:34:09
مستني الفرج
والله انا كل طلعتي عالخليج كانت منشان الخدمة الالزامية لاني كنت خاطب وكنت حابب اتزوج بسرعة ومااستنى لخلص جيش فطلعت عالامارات وبعد سنة تزوجت واجت زوجتي لعندي وكان عندي طبعا سيارة وبيت هون يعني كانت الاحوال ممتازةيعني الواحد شو بدو احسن من هيك بس هلق بعتت مرتي على سوريا بسبب ضبابية الاوضاع هون.والله انا حابب ارجع على بلدي بس انا الي سنتين ونص بس هون ولسة قدون منشان البدل وخصوصا هلق صار عندي بنت يعني انو كتير صارت صعبة عليي شغلة اخدم جيش لهيك انا ناطر الفرج بلكي تتخفض المدة ل 3 سنين
-الإمارات
المراقب التعبان2009-03-24 06:33:33
إلى ( دبي وبس )
لم أدعو إلى العيش بحالة من التقنين ولكني دعوت بعدم العيش بسخاء في غربة فلوسها من البنوك يعني أن تستدين من البنك وتصرف على رفاهيتك هو الجنون بعينه وخاصة في بلد كالإمارات ليس فيها قانون ولايحزنون وأكبروافد بأكبر شهادة وبأعظم خبرة يستغنون عنه بين ليلة وضحاها وكأنه لم يكن ..... هذا ما قصدت من كلامي وبالنسبة للاستوديو في المارينا نصيحتي أن تبيعه باي ثمن الآن والخشارة الله بعوضك أفضل لك أن يأتي اليوم الذي تتضاعف فيه خسارتك لأن المور ياصديقي عما تتراجع أكثر وأكثر .
سوريا
وجدي2009-03-24 05:08:28
يا حكومة
يا حكومة لو بتوفري شغل لالنا ما حدا بيترك سوريا دبرينا شغل فورا منرجع بالنسبة الي انا ما تاثر زيادة
الإمارات
مهندس في الإمارات (2)2009-03-24 03:13:56
تتمة
كيف تساهم التحويلات في دخل البلد؟ فهل أنا أحملها في جيبي و أذهب بها إلى سورياأم أنني أدفعها هنا لشركة الصرافة ويقوم أحد المتعاملين مع الشركة في سوريا بإعطاءالنقود لأهلي و الشركة سوف تضع النقود التي دفعتها أنا في حساب هذا المتعامل في الإمارات بعد أخذ عمولتها وبذلك لم يدخل أي شيء للبلد!!! أخيرا\"أتمنى لكل الذين فقدوا عملهم (يمكن أن أنضم لكم)أن يحظوا بالأفضل بإذن الله فلا تكرهوا شيئا\" عساه خيرا\" لكم.
-الإمارات
مهندس في دبي (1)2009-03-24 02:24:19
مبالغة رهيبة
بالتأكيد يوجد أزمة وخاصة في دبي لأنها تعتمد على الإستثمارات بشكل كبير وطبعا" توجد تفنيشات ولكن الأرقام مبالغ بها جدا".فبالنسبة لعدد المصريين المفنشين, اليوم في جريدة البيان الإماراتية هناك تصريح للسفير المصري ينفي هذا العدد الكبير ولا ينفي وجود تفنيشات طبعا". وهذا ينطبق على السوريين أيضا".أما بالنسبة للحياة اليومية فهي نفس الزحمة أو أقل بقليل وذلك بفضل الأنفاق التي فتحت مؤخرا" وإذا ذهبت لتشتري من أي متجر فإنك سوف تنتظر حوالي ربع ساعة لتدفع الحساب. بالمختصر يوجد أزمة و تفنيشات و لكن مبالغ ف
-الإمارات
نائل poetman2009-03-24 01:08:59
نداء عاجل للحكومة السورية 1
ويا سيادة الحكومة السورية ما بدها تفكير كتير الأزمة المالية واضحة المعالم وشايفين شو أثرها على الناس يعني ما بدها غير انكم تحطوا وضع هالمغتربين ضمن جدول أعمال شي جلسة للوزارة وتطلعوا بقرار اسعافي لوضع الشباب السوري الذي لم يتم الخمس سنوات في الخليج يعني فوق ما الأزمة المالية خنقتنا معقول تشاركوها بخنقناوالله حرام حسبي الله ونعم الوكيل شهر سبعة جاية ورح تسمعوا شو رح يصير بالامارات بشتغل ببنك وبعرف
الإمارات
نائل poetman2009-03-24 01:03:09
نداء عاجل للحكومة السورية
ندائي إلى الحكومة السورية بأن تدرس بشكل جدي وسريع وضع الشباب المغتربين السوريين في الامارات والذين لديهم بعض الوقت لاتمام الخمس سنوات في الخليج ليتم دفع البدل فأنا كما العديد من زملائي وأخوتي السوريين هنا في دبي نعاني الأمرين بسبب الأزمة الاقتصادية فأنا أعمل في بنك ولي في دبي أربع سنوات وكنت سابقا أؤجل الخدمة على أساس الدراسة يعني عمري 31 سنة والله حرام لأني متوقع اني ما اقدر كمل الخمس سنين بسبب الأزمة
الإمارات
دبي وبس2009-03-23 23:46:30
الى المراقب التعبان
ضروري ان يعيش السوري حياة التقنين التي منذ الصغر دعوا الناس تعيش لتركب افخر السيارات وتعيش في اجمل البيوت طالما هناك امكانية مادية وانا واحد من الناس كنت اسكن شرينغ واركب سيارة مستعملة حتى حظيت بفرصة عمل براتب اضعاف ماكنت اقبض في السابق فاشتريت افخم سيارة طالما حلمت ان اركبها وسكنت لوحدي واشتريت بيتا في دبي وبشان الله في حدا بدو يشتري استوديو في المارينا خسرت عملي وعدت لبلدي الحبيب من ستة اشهر والى الان المشاريع المتوفرة لاستثمرها لا تؤمن ماكنت اقبض في دبي بدون راس المال والله تعبان
-سوريا
مغترب بعد الاغتراب2009-03-23 23:36:27
العلم اولا
انا مغترب بابو ظبي والحمد لله خدمت الجيش وتغربت بالامارات بصراحة يلي استفدت به من الامارات كثير وكان لها الاثر كبير قي مجرى حياتي فخلال سنتين ونصف درست هندسة ديكور في لندن و استفدةت كتير في مجال الهندسة واشتريت منزل و حتى ورشة نجارة بسوريا واليوم تمام طالبت بزيادة الراتب وقد تم الموافقة عليه بصراحة يلي عمبيتفنشوا اكيد كانت الشركات العقارية ليست بحاجة لهم ابو ظبي بلد الاحلام يلي بيعرف يفكر
سوريا
أبو الطيب المتخفي2009-03-23 21:44:03
مواطن في الغربة و غريب في الوطن
لأن مدة إجازتنابلاراتب قليلةاستقلناو كلماحاولناالعودةأغلق وزيرالتربيةالباب في وجهناوكأنه يقول:ليس لكم في وطنكم نصيب،ثم إن تحويلات السوريين في الإمارات والعالم تدخل سوريابطريق تهريب غير قانوني لمصلحة بعض هوامير الحكومة المقنعين دون أن تستفيد الحكومة أو يطمئن المغترب لسلامةوصول تحويلاته بعكس كل الدول الأخرىالتي فتحت فروع لمصارفهافي الاغتراب لتكسب وتوصل الأموال بيسر و أمان إلا سورية،بعدين ياريتهاما كانت وزارة المغتربين لأنوماأفادتنابشي ،والوطن الذي لا يعز أبناءه يصبح بيئة طاردة للكفاءات
-سوريا
mahmoud2009-03-23 21:30:24
والله دخلت اليوم بالحيط
اليوم ياشباب استلمت رسالة من الشركة بانهاء خدماتي وشو بدي اعمل ما بعرف...... ومعي شهر كامل؟؟؟؟ اللي عندو حل يساعدني
الإمارات
alisk2009-03-23 19:14:28
تعليق على الفقر بالوطن غربة
بدي اسالك سؤال انت باي كوكب عايش!انت لقيت الاحترام بدبي! انت بتدفش اكبر باب برجلك !!!!!!!!!!!!!!!!! حاجة مبالغة **** لا تسيء لبلدك مهما كان يا اهل الخير بكفي تنظير وكلام بلى طعمة اوسخ بلد بالتعامل مع الوافدين بعد السعودية هي الامارات وما في قانون بيحميك والحق دوم مع المواطن الاماراتي مشااااااااااااااااااان الله بكفي اساءة لسوريا لك والله خبزة وبصلة بسوريا بتسوى كل اكل الامارات فيقوا من نومكم وحافظوا على سوريا لانها الخير
-الإمارات
مدرس سوري بلامارات2009-03-23 19:12:50
الحقونا
ياناس نحن المدرسين مابيقدرو يستغنو عنا بسهولة بس المشكلة من قانون العمل الموحد الحقونا ومددو اجازاتنا وساونا بلمصريين والاردنينين والسودانيين لكي نستطيع الاستمرار نحن اجازتنا بس خمس سنين شو السبب ماحدا عارف مئات الشهادات بسوريا ليس لها وظيفة ياخي مددو الاجازة للمدرسين بدل 5 سنين خلوها 10 نحن بلنتيجة عم نفيد بلدنااذا استقلنا رح يجيبو بدلنا اردنيين او مصريين الحقونا خلونا نحسن نقرر نتستمر ولا بنستقيل
-الإمارات
دوشيش2009-03-23 19:10:53
صدق أو لاتصدق
أن عدد السوريين المغتربين أكثر من 20 مليون ....... وأن المغتربين يدخلون ألى سوريا سنويا أكثر من 7مليار ليرة سورية ....وهل تعلم بأن وزارة المغتربين متل قلتها.... وهل تعلم أن 90% من المغتربين ينتظرون الأصلاح والسلام بالمنطقة حتى يدخلوا أموالهم للبلد ....
-سوريا
سوري حلبي بدبي2009-03-23 19:09:12
دبي دبي
صارت دبي حديث العالم و كانها مغارة علي بابا و قد استنفذت كنوزها، لكن الخبر فيه مبالغة بعض الشيء فلا اعتقد ان 35% من السوريين خسروا وظائفهم،قطاع البناء تاثر بشكل كبير كذلك قسم التجزئة في البنوك و يبدو ان الاوضاغ ستتحسن فيما عدا هذين القطاعين انشاءالله خلال 6 اشهر، لن تعود دبي و لا الخليج و لا العالم الى عصر الازدهار المقنع في السنوات الخمس الماضية لكن على الاقل ستنزاح الغمامة السوداء التي تظلل نظرة الكثيرين الى المستقبل، تفاءلوا بالخير يا جماعة شدة و بتزول انشاءالله
-سوريا
immigrant2009-03-23 18:44:36
think..think..and go for challenge
انا باميركا عزابي ومبسوط..علمي وشهادتي حاميتني...اتمنى من السورين وضع العلم في اولويات اهدافهم..وليس الززززوااج.والاكل والتنبله....
-سوريا
مروان2009-03-23 18:38:33
سورية و بس
الف الحمد لله،بعد خمس سنين غربة رجعت اشتغل ببلدي سورية وبراتب ثلاثة اضعاف واستطعت احصل على مستوى وظيفي ما حصلتو لا بالخليج ولا غيرو، الله يحميك سورية
سوريا
مدرس مغترب2009-03-23 18:14:17
نناشد سوريا نيوز
اني اناشد سوريا نيوز المحترمة من اجلايصال مطالبنا للمسؤلين وذلك من اجل النظر في تمديد اجازات المدرسين السوريين المغتربين في الخليج من اجل انا نبقى هنا في عملنا كمدرسين ونحن مطمئنين
-الإمارات
ابو احمد2009-03-23 18:09:07
نحن في صراع
المدرسين المغتربين في الخليج نطلب من العاملين في سوريا نيوز المحترمين ارسال صوتنا الى المعنيين في سوريا من اجل تمديد الاجازة الخاصة بدون اجر ومساوتنا مع الدول المجاورة ليتسنى لنا من تمديد الاجازة والاستمرار في عملنا كمدرسين حيث اننا نعيش في صراع بين الاستقالة والاستمرار وفي هذه الحالة نستطيع الاستمرار ونحن مطمئنون ودمتم سالمين
-الإمارات
حسن المسافر2009-03-23 18:08:11
الرجاء لفت النظر
باسم جميع المدرسين السوريين المغتربين في دول الخليج وخاصة بلامارات وهم اجازة بدون راتب من سوريةولمدة خمس سنوات نرجو من وزارة التربية ورئاسة مجلس الوزراء النظر في مدة الاجازة المسموح فيها وتزويدها لتصبح 10 سنوات بدلا من خمس وذلك لكي نتمكن من البقاء في وظائفناالحالية(مدرسين ليس علينا خطر التبديل ولكن الخطورة تأتي من بلدنا الغالي سوريا الحبيبة) حيث ان قوانيننا لاتسمح باجازة اكثر من 5 سنوات نرجو مراجعة القرار وتعديله لكي نتمكن من الاستمرار بعملنا هنا مع العلم ان الاردني او المصري يحق له
-الإمارات
أبو العبد2009-03-23 17:46:42
ارحمونا يرحمكم الله
إننيمغترب بالإمارات منذ8 سنوات و أعمل في شركة مقاولات كبيرة بدبي شركتنا سرحت كتير ناس و حاليا ما بنتجرأ ننزل اجازة لنشوف أولادنا لأنو اذانزلنا تفنشنا و الحياة صعبة و الله يخليكم حاجة تنظير و اللي بياكل العصي مو متل اللي بيعدها نرجو من الدولة النظر في حالتنا المأساوية و السماح بإدخال السيارات و العفش برسوم بسيطةلأننا مهما حصل نبقى أبناء سورية الأوفياء لبلدنا
-الإمارات
سنفور عبقري2009-03-23 16:29:26
بدل الخليج اشتغلوا بكندا واحصلوا عالجنسية.
لأنو بلدنا ما في أمل منها والخليج مارح يحافظلنا على كرامتنا. قدمت هجرة لكندا وفعلاً خدمت عسكرية و سافرت بعد 4 سنين. طبعاً في أزمة بكندا. بس تخفيض الرواتب ممنوع. وإذا طالعونا من الشغل الدولة بتصرف علينا. بس الحمدلله الشغل تمام, وخلال سنتين اشترينا بيت عالعضم بالشام. وسنة كمان إنشاللة بيكون مكسي. وسنة بعدها مناخد الجنسية. وباعتبار السيد الدردري قال إنو مافي أزمة بسوريا أنا رح صدقوا وأرجع بعد الجنسية على شغلي بالدولة. بكندا عملنا مصاري و جنسية و اشترينا بيت. أحسن من الخليج بمليون مرة.
-كندا
سوري مشرد2009-03-23 16:36:37
اشبعنا ذل
ملينا من الذل يلي عم لاقيه ببلادنا و ببلاد الغربة
-سوريا
ماهر2009-03-23 15:47:30
تخفيض مدة بدل العسكرية
الرجاء ثم الرجاء ثم الرجاء من الحكومة الموقرة دراسة واصدار قرار بتخفيض مدة بدل العسكرية من الخمس سنوات الى سنتين او ثلاثة لان الوضع جدا سيئ وذاهب الى الأسوأ ولكم جزيل الشكر
سوريا
الفقر في الوطن غرب والغنى في الغربة وطن2009-03-23 15:31:27
دبي
إذا مابيبقالي راتب وبيروح بيتي اللي مستأجرو وسيارتي بتحترق وبقعد شحاد وبلا أكل ولاشرب مالي راجع بتعرفو ليش لأنيهون حسيت حالي انسان لقيت الاحترام اللي حارمينامنو ببلدنا بيكفي انك تكون صاحب حق بدبي لحتى تدفش اكبر باب برجلك والي قاعد خلف الطاولة بيفز بيوقفلك بس حراااااااااام ياشام الله لايوفق اللي كان السبب وغربنا عن شامنا والله منحبك ياشام سامحينا بس اللي عايشين فيكي بعدو بينا كل حبي واخترامي لسوريا والشام وليس لحكومة سورية ومؤولين الشام
-سوريا
حسبي الله2009-03-23 15:04:57
حسبي الله على هالمقال
١- اذا بدنا نتجوز بيقولو ما منعطي عالغربة ٢- الجيش ٣- الاهل اعتادو على ارسال الحوالات ٤- مقالات عنا السؤال : هل نحن ظاهرة لهذه الدرجة؟؟ او دواب الله خلقنا للخدمات؟؟؟ ولما يوقع الفأس براسنا كلو شمع الخيط
سوريا
حــمـــــ حلب ـــود2009-03-23 15:02:46
خلصنا ال5 سنين والحمد لله
ولله يا جماعة عم شوف عالم ببو ظبي بس بدهم يحطو اقامة شو ماكان الراتب شو ماكان الوضع الأزمة حلت على الجميع والكل تأثر انا بالنسبة الي بقي شهرين ان شااءالله وبدفع ال5000$ ورح ارجع على بلدي لو كان مابيحترمني احسن مااتبهدل برا أو اعمل مثل 90 % من العالم الي هون اعيش بالحرام على الكرديت والقروض والفايدة وبالآخر اطلع خسران تحياتي / محمد
سوريا
ضريبة السفر2009-03-23 14:56:56
مديووون
اطال الحكومه بدفع ديون المغتربين لستطيعوو العوده الى البلد :) اكيد امزح كل ما نطالب به ان تخفض مدة الاغتراب و تخفيض البدل 5000$ يعني بعد كل الازمه يجيك السوريمديوون لبرا و جوا و صاير بدووون جواز
-الإمارات
مغترب مو بكيفووو2009-03-23 14:47:41
العسكريه
يعني بعد كل هل الارقام و ما زال المسؤولين يتناسون مشكلة الشباب العائد بعد سنين من العمل متجاهلين خبراتهم للعوده للحياة العسكريه الالزاميه, يعني مو حرام خبرات شباب في بنوك و شركات تامين و بورصه من سنه الى اربع او خمس سنوات الا كم شهر يعودووون الى خدمه الزاميه لسنتين
-قطر
سوري مشحر2009-03-23 14:40:55
البدل الداخلي
أرجو من الحكومة تعمل قانون البدل الداخلي بقا عشان هالشباب يرجع ويخدم بلدو
سوريا
المراقب التعبان2009-03-23 14:40:43
2
والجميع يعيش على القروض والبطاقات الإئتمانية وعندما تقول لأحدهم : أمعقول إن سعر الشقة في هذه الصحارى تفوق ثمن فيلا في الزبداني إذا يوجد خطا في الوضع ؟؟ يبدأ سلسلة تبريرات لاتقنع طفلاً ... على كل حال أرجو أن تكون هذه الأزمة مليئة بالدروس والعبر لمن طغى وتجبر في الماضي وعلا واستكبر وليعلم الجميع ( دوام الحال من المحال ) فأرجو من الجميع إعادة ترتيب البيت الداخلي وجعل أكبر الأهداف إن الغربة وبلاد الخليج خاصة لاأمان لها ولااستقرار دائم بها في ظل قوانينها التعسفية الخاضعة لأمزجة أشخاص جهلة
سوريا
عبود2009-03-23 14:29:54
الم يحن الوقت بعد
الم يحن الوقت بعد وتقوم حكومتنا باصدار قرار البدل الداخلي نحن اطباء ومهندسين لانستطيع السفر بسبب وكل من يحاول السفر لايستطع فلايوجد عمل في الخارج كفانا زلا في الغربة نريد البقاء في بلدنا سوريا الحبيبة انا من المهندسين الكثر الذين يرضون بمبلاغ صغير على مبلغ كبير نسبيا عن مبلغ البلد لذلك نرجوا النظب بقرار البدل الداخلي وكفا شبابنا هم العسكرية كفا
-سوريا
المراقب التعبان2009-03-23 14:24:19
1
أصبح اللي بحياته لم يركب حماراً يريد ان يركب أحدث سيارة في دبي وطبعاً بواسطة البنوك والدين وأصبح الذي لم يكن يجد مكاناً للنوم في سوريا يريد أن يسكن في شقة إيجارها السنوي بثمن بيت في سوريا واصبح الذي لم يجد يوماً سريراً للنوم عليه يفرش بيته على أحدث طراز وطبعاً كله من البنوك .. واصبح المهندس نافخاً ريشه مثل الطاووس وفقط لأنه عليه طلب وهو في سوريا لاعمل له والجميع يمدح بدبي ويتوقع لها أن تكون عاصمة الكون بعد كم سنة وكله يسبب عدة ابراج لاتغني ولاتسمن من جوع ..
سوريا
عزت بحري2009-03-23 14:17:21
يحدث هنا أيضا
هذا الشيء يحدث داخل سوريا أيضا في القطاع الخاص
-سوريا
الغربة خارج وداخل البلد2009-03-23 14:03:19
الخدمة الالزامية والأزمة العالمية
أرجو من المسؤولين الكرام النظر إلى حال المغتربين بقليل من الحكمة وخصوصا للأشخاص الذين لديهم التزام بخدمة الوطن إذ أنه ليس من المعقول أن يخسر الشخص عمله في المغترب ليعود إلى غربة داخل بلده ونتسبب بضياع المال والخبرة والوقت سدى فيرجى إما تخفيض مدة دفع البدل أوإيجاد حل بديل للخدمة الالزامية وخصوصا للخريجين الجامعيين.
-عمان
محمد محسن2009-03-23 13:58:11
أرجوا المساعدة من وزارة المغتربين ...
كما قرأتم في الخبر فالوضع في الامارات بات سيئاً للغاية.. و كذلك في باقي دول الخليج ولكن بمعدلات أقل. أرجوا ارسال ندائنا الي وزارة المغتربين بأن يحاولوا العمل على ايصال صوتنا و لعلهم يساعدوننا في ايضاح الوضع الصعب لشبابننا اللي يعتل هم العمل و الغربة و طبعاً البدل النقدي الذي يلزم الشاب بالتغرب لمدة خمس سنوات و للعلم ان اقامات دول الخليج تمنح مدة ٣ سنوات فقط. اننا في وضع لا نحسد عليه. ولكن يبقى الامل..
-سوريا
ابودرويش2009-03-23 13:45:15
الله يستر
موبس هيك كمان طلعنا أحد السادة الوزراء ويطرح تخفيض قيمة الليرة السورية منشان ماعاد فينا نقدر نأكل أولادنا وبتصير السلعة سعرها مضاعف فهل يعقل مثل هذا الطرح ياسيادة الوزير والحق معك أنت فين ونحنا فين موشايفنا بنوب بس أملنا بالعقلاء والعارفين بأمور الأقتصاد من المسؤلين بأنهم لن يوافقوا على مثل هذا الطرح لأننا سوف نأكل بعضناولو كان من الأفضل دعم الليرة وخليها تشتري وترجع لقيمتها سابقاً ويدعم التصدير من الدولة بأعفاءات جمركية وضريبية للمواد الأولية
سوريا
شب حلبي من أبوظبي2009-03-23 13:26:00
الوضع باختصار
القصةإنوالناس مفكرةأبوظبي لسا فيا شغل! إي من الأساس أبوظبي عرض الشغل فياقليل وأكبر دليل روحوعلى موقع بيت دوت كوم وشوفو وظايف دبي دائمااكتر ب 300وظيفة من ابوظبي بس هلق اي دبي نزلت فياالنسبة بس ابوظبي نفساتقريبا.الفكرةانووقت منحس انو بلدناعبيحفظلنا كرامتناوبيخفض بدل العسكريةل 3 او4 سنين وقتا منبزق بالخليج كلو ومنرجع..بس مربوظين هون وعببعتولنا اهلنامصاري من سوريا لبين مانخلص المدة الباقية للبدل..يعني معقول هيك نصير ملطشةبالامارات!مع انوعناوطن نرجعلو مو متل بعض الجنسيات ما بيقدرو يرجعو عوطنن!
-الإمارات
للأسف سوري2009-03-23 13:29:03
آخر الأخبار
اليوم صدرت القائمة السوداء من البنك المركزي الاماراتي و هي أن السوريين على رأس الجنسيات التي تأخذ قروضا من البنوك ثم تهرب, نعم للأسف وهذه الاحصائية لم تعتمد على فترة ما بعد الأزمة بل إحصائية لسنوات مضت وبنك دبي الإسلامي كان قد وضع السوريين على رأس القائمة السوداء منذ سنوات و توقف عن إعطاء أي تسهيلات للسوريين وكان البنك الرائد في تلك الاستنتاجات والآن سيصبح حلما للسوريين أن يحصلوا على تسهيلات بنكية في الامارات
-سوريا
ابن البلد2009-03-23 13:23:00
ارجعوا عبلدكم اشرف لكم
قرات في الغارديان البريطانية انهم يتوقعون ان تكون دبي مثل مدينة ديترويت الامريكية-قريبا -خرابات تعبث بها الريح وشوارع خالية الا من الفقراء والشحاذينز والسبب يعود برايهم الى ان 80% من سكانها عابرو سبيل حقائبهم جاهزة للسفر دائما-انا برايي من الاشرف والاجدى للمغتربين العودة الى الوطن والعمل على تاسيس اعمال مشتركة بشكل شركات مساهمة او اي مشروع اخر حتى ولو كان مطعم على اساس مشاركة حتى تنتهي الازمة لان بقائهم في تلك البلاد سيفقدهم كل ما ادخروه وبلدنا لسا فيها خير وبتقدر تطعمي ولادها
سوريا
ابن الشام في قطر2009-03-23 12:47:11
الحمد لله
انا الحمد لله بشتغل هون في قطر ومع انه اصحاب الشركة سوريين وعرفانين بموضوع العسكرية بس الله يجزيهم الخير فعلا اول السنة عطونا زيادات كثير محرزة يعني ما كمشونا من الايد الي بتوجعنا الحمد والشكر لله
سوريا
traveler2009-03-23 12:36:53
let us face it
yes things are bad,,and I hop our principal face this and say we have problems till now you hear from Goverment ministers that things are good and we are not effected!!!what do they think???do we live in island !!!we get the indirect effect
سوريا
KOKO2009-03-23 12:13:38
WORSE STILL TO COME
أنا كمان كنت بشتغل بشركة كاسيو للالكترونيات 20 واحد منا خسر الشغل بليلة ما فيها ضو قمر ومن شهرين لهلا ما عم لاقي شغل والله ما خليت طريقة ما ساويتا وما خايت شركة ما أدمت عليها بس مافي فايدة و هلاء بلش البنك بتهديدي كمان و خليا على الله
-بريطانيا
مغترب في السعودية2009-03-23 12:06:47
قال حكومة قال !!!!
عيني وقلبي المغترب : لاتفكر بالرجعة حتى لو اشتغلت ببلاش ؟ لانك رح تخسر آخر شي تملكو وهو كرامتك وللي يطالب بالسماح بادخال سيارات المغتربين بدون جمارك خليه يعرف انو اشرف مسؤول بحكومتنا لو طلب منو يألف قصة خيالية وفيها تدخل السيارات او اي شي لهالمعثرين بدون جمارك لرفض كتابها. **
-سوريا
wish can come back, but they do not want us to2009-03-23 11:35:26
what shall we do !!!
after i graduate as communication engineer i went back to Syria to start my career there but unfortunately every thing was not going well that time form the permissions to the customs etc. so i decide to go somewhere that i can work in my field and Dubai was the perfect place. but now !!! what shall i do? all my experience based on technologies not available in syria ! and even so !! are they gana support us to set up new company in syria or still every thing is forbidden
سوريا
متأزم2009-03-23 11:33:25
أزمة
والله مانو خبر منيح بس منيح بنفس الوقت بركي بترخص أسعار البيوت بسورية شوي ومنصير منقدر نشتري شي بيت ننستر فيه الله منعندو يوصل الأزمة العالمية أكتر لسورية في قطاع العقارات خصوصا وبتصير أسعار العقارات برخض التراب آآآآآآآآآآآآميييييييييييييين
-سوريا
مغترب بالطول والعرض2009-03-23 11:25:42
قصيدة بلادي
بلادي إن جارت علي ليست عزيزة , بلادي إن لم تحترمني لا تستحق احترامي. أنا اعمل في قطاع الصحافة هنا , حتى الآن لم تتاثر المؤسسة التي اعمل فيها , لكن في الصيف سيقل مردود الاعلانانات ورح ناكلها على ما يبدو. السوريين هون يعملون في مواقع جيدة , وكل واحد فيهم عم يغطي مصورف عشرة أشخاص فس سوريا , انا كنت أعيل أسرة من سبعة أفراد بشكل كامل. لكن منذ فترة لم أرسل شيئا لهم لأن السكن أصبح أغلى كما هناك غلاء في المواصلات بأبوظبي , إضافة إلى المزاج السيء الذي يتسبب به كل هذا مما يكلفني الكثير من المال
سوريا
Jack2009-03-23 11:17:03
لاتقرأوها لأن مخيفة
اللي رح قوله انو الوضع مو بس بالخليج ياجماعة القصة عم تصير بسوريا كل يوم ,بنك **صار مقلع أكثر من 50 موظف بحجج وهمية أنا الي أصدقاء تقلعوا من بنك ** بعد ما تركوا اشغالهون السابقة ليلتحقوا فيه ,أكتر من 6 شهور وللأسف ما حدا سائل ,وين وزارة الشؤون الاجتماعية وين الحكومة؟؟؟؟؟؟؟
-سوريا
شامي وافتخر2009-03-23 11:14:21
طبعا كلام صحيح ومدروس
بس اللي غايب عنا انو ابوظبي مومتأثرة هالتأثير الكبير متل دبي علما بانو اغلب مشاريع دبي اشترتها حكومة ابوظبي لتسد العجز المالي بدبي يعني صح ابوظبي فيها خير ولسا ما اتغير علينا شي ولا رخص شي ولسا الغلا موجود بس بقول الله يجيرنا من شي اعظم لانو بجد اللي جاية اعظم من اول السنة بسمع كلشي بدو يرخص ولهلئ مافي شي يذكر سماع وسطح بس سبب تخفيف التحويلات عسوريا انو الواحد مابيعرف حالو ايمت بيودع وبيطير لذلك عم يضب قرشو الاسود ليومو الابيض بركي العراقيين بسوريا بيروحو وبنرجع
سوريا
الودق2009-03-23 11:09:28
مأساة أطاحت بسبل رغد العيش
ونشأة بالعراء منها مقابر للإرادة وأنشطة الأعمال وتردي الأحوال بكل مناحي الحياة .. لمؤسف من تلك الآثار التي أطاحت فجأة بالأحلام والآمال التي لم تكن مختصرة على أمة واحدة أم شعب واحد وإنما مسها المقت طغى على شعوب الأرض كالجسد الواحد مضت فيه الكارثة ما إن اشتكى منه عضو تداع لأجله باقي الجسد نسأل الله هذه المحنة أن تعدي على السريع مع أقل ما أمكن من أضرار سلبية تمس من قارعت بخطبها المباغت
-سوريا
مغترب new2009-03-23 10:38:15
بدي حل
انا بصراحة صرلي مغترب سنة ونص وما عندي بدل ولا جيش ولا هم يحزنون بس بدي اعرف ليش ماعم اقدر ارجع على سوريا بصراحة التاس هون بتفكر غير بتتعامل غير بتحترم العالم وبيحترموك بتنام مبسوط وسائل الحياة العادية متوفرة لافقر الناس بسوريا متمني انو لاقي الاحترام ببلدي ولو 10 % اللي بلاقي بالامارات انا محتار وضعي بالبلد جيد حاليا بس بدي ابني حالي يا دولتنا العزيزة نحنا ناقصنا الاحترام بالبلد خلو السوري يرفع راسو برا والله مافي اي شي بيرفع الراس ببلدنا
الإمارات
dr bassam khoury2009-03-23 10:44:40
المديونين ممنوعين من السفر بأمر من بنوكهم
سمعت بأن المديونين ممنوعين من السفر بأمر من بنوكهم ...الله يعينهم ...بدون عمل ...لايستطيعون العودة...لايملكون المال لسداد ديونهم ...
-سوريا
mohd.homsy@gmail.com2009-03-23 10:35:06
الى الطير المهاجر
الى الطير المهاجر يصح ما تقوله عن أبو ظبي ولكن في الوقت الحالي العروض في ابو ظبي استغلالية بكل معنى الكلمة بمعنى أن المرتب لا يتناسب اطلاقا مع كلفة المعيشة او الارباح التي تدخلها الشركات وكل هذا ناجم عن زيادة العرض عن الطلب فكل من جرى الستغناء عن وظائفهم يمموا شطر ابو ظبي واختصروا الطريق .بالمناسبة اذا حواليك شغل لمهندس مدني خبرنا
-سوريا
صديق المغترب و مغترب كمان....2009-03-23 10:30:57
مو بس ااااااااااااه و ااااااااااااااااااااااخ
مو المهم تسالوا اربعة و لا خمسة اسألوهم وين و مع مين كانوا عم بيشتغلوا او انو اسالوهم مع مين بيشتغلوا هههه و الله شي بيضحك رح تتفاجؤوا انو الجواب مع ولاد البلد الي طلعوا من زمان و على قولتهم طلعوا الدرج درجة درجة و كونوا حالهم و بديوا يتشئطعوا و يتمئطعوا بولاد البلد على اساس انو عم بيلموهم من الشارع و ماسكينهم من الايد الي بتوجعهم يا بتشتغل يا رجاع عالعسكرية يا الله لشوف و لك الأزمة بتبدا بعقوا العالم الي صار معها مصاري و ماعادت شافت قدامها متل المانو مصدق شو صاير معو بيعين الله
-الإمارات
السوري الحمصي2009-03-23 10:34:12
100 بال100
الوضع في دبي كارئي حيث خسرت العديد من الشركات التمويل من البنوك وبعض الشركات اصبح وضعها مأساوي المشكلة ان اصحاب الشركات في أبو ظبي استغلوا الوضع واصبحت عروض المرتبات نصف ما كانت عليه انا من الناس اللذين خسروا عملهم وقد تبقى لهم تسعة شهور لانقضاء الخمس سنوات (بدل الجيش) اشتريت فيزا واعلنت التقشف وانتظر بفارغ الصبر نهاية هذه الأشهر او ايجاد فرصة عمل وهو شيئ شبه مستحيل هذه الايام
-سوريا
معترب بالامارات2009-03-23 10:25:53
ارحمونا
لك رحمونا مشان الله رحمونا نحنا هون بالامارات من غير أزمة كنا عايفين حالنا ويالله يالله عايشين كيف هلئ تعو شوفو شو صاير لك صرنا ملطشة للعالم والجنسيات التانية ... حنوا علينا شوي وخلونا نرجع عبلدنا نعيش بكرامتنا حاجتنا شنططا والله نحنا بنستحئ نعيش ببلدنا عيشة هنية الخليج والامارات مانن احسن من سوريا بلد الخير يارب تفرجا علينا
سوريا
سوري بالإمارات2009-03-23 10:15:12
هاد الشيء اللي همكم اكثر شي
يعني والله شو بدي قول ما بعرف؟؟؟ يعني اللي فكرتو فيه حضراتكم يا اقتصاديين هو التحويلات المالية لسورية! ما فكرتو بوضع هل الشباب المشحرين اللي عم يعوفوا حالهم برا البلد.. ما فكرتو بوضعهم .. شلون مسدودة بوشهم برا البلد وجوا البلد.. ما فكرتو بالحلول لهل الأوضاع السيئة لشبابنا المكافح المعتر اللي ترك اهلو وحبايبو .. وبشي طريقة لتغنوهم عن البهدلة جوا البلد وبرا البلد.. بزمتي عيب وحرااااااااااااااااام
-الإمارات
Mazaya2009-03-23 10:09:07
دبي
طبعا الكلام في شي كبير من الصحة لكن الوضع بأبو ظبي أحسن من دبي و لسه ما تأثر بالشكل و بالصورة اللي وردت ,انا مهندس بشركة استشارات هندسية و بالفعل تم تعليق جزء كبير من مشاريع الشركة,و المدراء عنا مستوعبين فكرة انو بسورياعنا جيش و كانو متعاونين لأبعد الحدود معنا صار في تخفيض رواتب متفق عليه و هلق عم يخططوا للاجازات الاجبارية لكن بالنسبة للاقامات رح تبقى سارية و ما رح ينهوا عمل حدا و الله يستر من اللي جاي,طبعا الوضع بسوريا سيء جدا و ما في فرص للعمل متل هون حتى مع انخفاض الرواتب
-الإمارات
مغتلرب بالامارت 22009-03-23 10:01:46
اااااااااااه ورد على الطير المهاجر
بسبب الازمة لازم اقل شي تسويه حكومتنا الرشيدة انه تسفر هل 2 مليون عراقي من البلد ليتسنى لشبابنا المنكوب بالخليج عامة انه يجد عمل له لدى عودته لبلده وانت ياطير المهاجر فيك تخبرني كم واحد متلك مستقر بعمله وبعدين ابو ظبي مين قلك ما تاثرت وانت بتعرف انه دولة الامارات دولة واحدة يعني برايك مين بدو يساعد دبي غير ابوظبي؟ومين عم يساعدالبنوك غير ابوظبي؟ والبترول الى متى رح يبقى معيل مع العلم انه التجارة متعثرة الله يخليك لا ترش على الميت سكر لانه الموت ما بيحلى يالسكر شو ما صار
-الإمارات
sam2009-03-23 10:07:25
والله محتار
والله ياجماعه الوضع صعب بدبي صاير و بدلي بدفعو بشهر 8 بس والله محتار عيش بفقر ببلد محترمهالانسان و لا عيش ببلدي فقير من دون قيمه او احترام مالي عرفان معقول بعد خمس سنين ارجع اتشحطط بالمكاري لزباله ولا دور على شغل ب 15000 ولا ولا ولا والله الوضع ماساوي و صعب كتيير بدنا حكومتنا تعمل شي تتحرك تفيق تصحصح والله حاجه حاجههههه
-سوريا
الجوكر2009-03-23 10:09:11
مساعدة إزا سمحتو
يا جماعة وين بدنا نهرب لكان؟؟؟ حدا ينصحنا مشان الله... في حدا معو فيزا شي؟؟؟
سوريا
مهندس مغترب2009-03-23 10:00:56
الوضع مستقر في السعودية
في السعودية الوضع أفضل بكتير...أنا تركت شغلي بقطر من سنتين براتب 6000 ريال وجيت عالسعودية براتب 5000 يعني أقل بمبلغ معقول...بس لأنو كنت حاسس بعدم الاستقرار بالبلد...والآن راتبي أصبح 8000ريال بينما زملائي بقطر الآن شغالين ب 4000 ريال بعد ما نقص راتبهم....يا سبحان الله...أنصح الشباب بالتوجه للسعودية والأوضاع لأحسن والوضع الاقتصادي رائع...والمعيشة هون أرخص من سوريا للي بيحسبها صح..بيكفي أنو لتر البنزين أقل من نصف ريال...يعني أرخص من المي
-السعودية
خالد (( وأشتقت لهوا أسكفتا))2009-03-23 09:52:42
لله الحمد والفضل والمنة
ياجماعو أنا أعمل بالسعودية ولله الحمد عملي تمام التمام وأهم شي هو الصلاة الشكر لله عز وجل وبعد هذا كلو بهون
السعودية
الرفاعي2009-03-23 09:46:44
قالوا عني غبي
لما اجيت الامارات اشتغلت بشركة مقاولات وبعد 6 شهور صارلي وظيفة بالحكومة باقل من الراتب الي كنت اقبضه ولكوني بدي اتزوج قررت اقبل عمل الحكومة رغم قلة الراتب نسبيا ولكن لله الحمد بعد شهر زاد الراتب 70% وصرت اداوم من8 الى 2 وبرجع على بيتي بكير لا عندي صب المسا ولا عندي اية مشكلة وتفنيش ما فيش اما بعض اصدقائي على ايام ما كان المهندس مرغوب ومطلوب كان يغير شغله كل 4 شهور مشان زيادة الراتب ولكنه الان في سوريا لانه اخر مهندس بالشركة واول مفنش
-الإمارات
مراقب اقتصادي2009-03-23 09:10:18
الوضع سئ جدا
حسب الاحصائيات شبة الرسمية من وزارة المغتربين فانه يوجد حوالي المليون سوري بدول الخليج و مليون اخر في بقية دول العالم و على فرض ان نصف هؤلاء يعمل و البقية اما زوجات لا تعمل او اولاد بالمدارس و بعضهم فقط بالخارج و عائلته بسوريا و هم المعيل الوحيد للاسرة بسوريا-متوسط عدد افراد الاسرة السورية هو 5 اشخاص فان ما لايقل عن 5 مليون سوري سوف يتاثر بهذة الازمة و اذا عاد ربع هؤلاء فقط فالوضع سوف يصعب كارثي على الاقتصاد و الدخل السوري وخاصة وضع العمل و الاقتصاد الحالي سئ جدا
-سوريا
DU2009-03-23 08:54:46
DU
باي باي للسفر كان في امل واحد يلاقي فرصة عمل بس بعد هالأخبار اللي بتبل الريق (مع السلامة يا حمامة) مو هيك بس)
-سوريا
حبيبنا2009-03-23 08:42:31
لماذا يضطر المواطن الشريف للمغادرة
السؤال الذي يفرض نفسه بقساوة لماذا تضطر العمالة السورية بالإغتراب ؟؟؟ أليس من الممكن بقاءها في سورية ورفع الكفاءة والرقي لهذا البلد المعطاء؟!!! لماذا دوماً يغض الطرف على أكبر مشكلة تواجه أكبر شريحة في سورية الحبيبة؟؟!!؟؟ لنبدأ بخطوط عريضة: 1- الخريج الجامعي المصير الوحيد الذي يجب عليه أن يواجهه هو الخدمة الإلزامية العسكرية 2- الأسعار الخيالية لكل شيء (دون استثناء) من السكن واللباس والحركة والطعام...الخ 3- الإحترام وهو الأهم
-سوريا
معلم مغترب2009-03-23 08:41:56
رجاء
نرجومن الحكومة و وزارة التربية بالذات تمديد فترة استيداع لمدة تزيد عن الخمس سنوات حتى لا يضطر المعلم المغترب الى العودة بعد انتهاء هذه السنوات فنكون الدولة قد خسرت التحويلات الخارجيةونافس معلم اخر على مكان عمله
-سوريا
سوري2009-03-23 08:26:29
انا سوري اه يا نيالي
له له له والله مو خبرية هالخبرية المساكين هربو من بلادهن مشان يلائو معيشة أفضل طلعت كلها متل بعضها أنا أنصح بالسفر لأفغانستان لا أزمة عالمية ولا شي وأكيد أحسن من هون :D
-أستراليا
عماد2009-03-23 08:14:47
رقم
50 الف اذاالسوريين كلهم مابيطلعو 100 الف تاكدو من الرقم بعدين الاربع عمال يلي سالتوهم مابكفو الانو وضع السوري احسن من ناس كتير اما بالنسبة للمصريين فهو اكتر من 150 الف حسب احد المصريين
-سوريا
سوري2009-03-23 08:10:04
العمالة السورية
للأسف أن الوضع ينطبق أيضاً على العمالة السورية بدولة قطر , ليس بنفس النسبة التي في الإمارات , ولكن حقيقة تم تفنيش عدد من السوريين بسبب الأزمة المالية و خاصة الموظفين في قطاع البنوك و الإنشاءات. نأمل أن يتم استيعاب هذه الخبرات في بلدنا الغالي سوريا
-قطر
خلدوووووووون2009-03-23 08:05:00
مغترب
صح النوم يا شباب بس بدي ضيف شغلة إنو الوضع في دبي أصعب من هيك بكتير والوضع ناااااااايم عند الكل ولا السوري ولا غيرو عم يقدر يتحمل هالأزمة يلي في دبي وأنا واحد من الناس خسرت كل الناس يلي بعرفها لأنهم تركوا بيوتهم وسياراتهم وهربوا من البلد لأنو كل الناس عليهم قروض وبطاقات إئتمانية ومافي حدا عم يقدر يدفع ؟؟؟ وبصراحة الواحد يهرب على بلده أحسن ما يتبهدل بدبي
سوريا
همام2009-03-23 08:06:06
أبو ظبي
أنا حاليا بأبو ظبي غيرت عملي 3 مرات من ستةأشهر وكل التغييرات نتيجة خفض الراتب والآن أصبحت مستويات الرواتب الجديدة لاتتناسب مع مستوى غلاء المعيشة وأتوقع أن يتم تحويل الأموال من سورية للامارات لإعانة السوريين الموجودين هنا والغالبية بسبب مضطرين للبقاء بدون عمل بسبب خدمة العسكرية ليدفعو البدل بعد خمس سنوات إن أمكن تحصيله -وسيصبح مستحيلا- تجميع 5000 دولار -وشهدت مآسي شباب حائرين والديون تغمرهم سامحونا فهذه هي الامارات
الإمارات
الحوت2009-03-23 08:00:21
علقة أعور بزاوية
الشباب علقانين بين مطرقة الازمة بدبي و سندان العسكرية بالشام... و الاحلى من هيك أن معظم أصحاب الشركات بيعرفو هالشي والابتزاز شغال على أصولو....
-الإمارات
راجع راجع عن قريب2009-03-23 07:46:54
الله يستر من يلي جاي
الله يستر من الأعظم المشكلة أنو أكثر العائلات في سوريا تعتمد على مساعدة الأبناء الذين يعملون في الخارج جميع دول العالم وأنا من الأشخاص الذين يعملون في أبوظبي وأنا من حاوالي سنتان ونصف لم ينزل لي ذيادة في الراتب وعندما ذادوني قالوا لي نرجو المعزرة بسبب الأزمة العالمية نمنحك ذيادة 500 درهم فقط مع العلم أن أذيد 1800 درهم فقط وأصبح الحال مسبحة في لسان أصحاب الشركات أزمة عالمية مع العلم بأن الشركة التي أعمل بها تعمل لحد الوقت هذا 24 ساعة مع ضغط كبير في العمل الذي لا يحتمل الله يحسن الأوضاع يارب
-سوريا
iyad2009-03-23 07:37:54
مظاهر وبس
الحمدلله الازمة غير موجودة اطلاقا في السعودية بالرغم من الازمة المالية في العالم لكن هنا ازدادت الاستثمارات والبناء والشركات وفرص العمل ونقول لكل من كان يرفض العمل في السعودية ان يغير رايه ولا ينقاد وراء المظاهر الكذابة.
السعودية
بسام الاحمد2009-03-23 07:27:11
مشكلة
هاد الكلام سليم وانا اعمل في مجال المقاولات والوضع كتير خطير وهناك ابتزاز واضح من الشركات لمحاولة التخفيض من العمالة مغترب بالامارات
-سوريا
مغترب بالامارات2009-03-23 07:17:06
اااااااااااه
انا اعمل بالامارات بشركة ليس لها اي علاقة بالمقاولات ولا البناء انما اعمل بشركة تجهيزات طبية وامس بالتحديد اخبروني بصريح العبارة اعتبارا من 1\4\2009 سيتوقف راتبي وساعمل معهم بنظام العمولة انا وحوالي 15 شخص كلنا سوريون. تصورا بعد 12 سنة من العمل بالامارت تكون هذه هي المكافأة ماذا افعل انا واولادي بالعمولة ناهيكم عن الالتزامات المادية ان كان عاد لسوريا 50 الف شخص توقعوا بشهر 7 بعد انتهاء المدارس سيعود لا يقل عن 50 الف شخص اخرين لا يسعني الا ان اقول حسبي الله ونعم الوكيل
-الإمارات
ابو كنان2009-03-23 07:07:20
هاد المهم عنكن بس
يعني هاد يلي بيهمكن مصاري المغتربين برا اما انه تامنو فرص عمل كل سوري داخل سوريا اخر همكن مو عرفانين انه الناس برا عم تاكل هوا حتى تامن لقمة العيش و انتو عم تدورو على مدخول للبد من ورا ضهر هالشعب لك الله يعين هالشعب شو بده يتحمل مو ملاقينها لا من البلد و لا ان تغربنا بنخلص طوول عمرها عوجة
الإمارات
طافش من البلد2009-03-23 06:38:20
إلنا الله
بس يا عيب الشوم على هالبلد اللي مخليي ولادها يتشنططو بالغربة بدل ما تامنلن فرص العمل بين أهلن لا وفاتحين عينن كمان عم يحسبو تحويلات المغتربين ومعتبرينامن الدخل القومي
-سوريا
غسان سليم2009-03-23 06:31:41
الامارات
نرجومن حكومتنا الموقرة مد يد العون للعائدين الذين خسروا وظائفهم في الامارات وذلك بالسماح لهم بادخال سياراتهم بدون جمارك ولكم جزيل الشكر والتقدير
الإمارات
واحد من هل 150 ألف الموجودين بالامارات2009-03-23 06:43:33
بالغربة ضاع العمر والشوق فيا دابح
يا جماعة الكلام يلي قريتوه صحيح وعنجد الحياة هون صارت بتقرف انا بدي انصح العالم حاج يفكروا يطلعوا ويسافروا لانو لو مهما صار معك بيبقى الواحد ببلدو لك شو الواحد بدو يحكي غربة ومافي مصاري كمان يعني شي بيقرررررررررررف
سوريا
مغترب2009-03-23 06:33:16
اسألوها
بالله عليكم ياسيريا نيوز اسألواحكومتناالرشيدة لماذا لم تمدد إجازات المعلمين الذين يعملون في الخليج فوق خمس سنوات رغم أن الاردن مددت لأبنائها لأكثرمن عشرسنوات وصدر القرارخلال أسبوع نحن 44مدرس جئنامنذ2004وسيضطرأغلبناللعودةالسنةلنحافظ على وظائفنافهل تضمن الحكومةأن يأتي سوري مكانناقلوبنا تحترق لشدةالقوانين الظالمةالتي تطبق عليناوالمصريين والاردنيين يبقون سنوات طويلة ثم يعودوا لعملهم ببلدانهم أهذا الرقم 5سنوات مقدس نزل من السماءياحكومةأحرقتم قلوبنا به ولاحول ولاقوةالابالله الرجاء ياسيريانيوزالنشر
-سوريا
الطير المهاجر2009-03-23 06:18:06
مبالغة
الموضوع مبالغ فيه يا جماعة انا من المهندسين العاملين في شركة عقارية في ابو ظبي الراتب ازداد والمكافئة قبضناها وعندنا مشروع اخر لمدة ثلاث سنوات والوضع جيد في ابو ظبي ولا داعي للمبالغة الازمة موجودة وتاثيرها على دبي كبير كون الشركات العقارية تعتمد على البنوك في التمويل عكس ابو ظبي اعتمادها على عائدات البترول وليس البنوك الغربيةالوضع مختلف في ابو ظبي
الإمارات
Free Citizen2009-03-23 06:18:02
الكل تأثر
حتى من هو قائم على رأس عمله ، و يتعامل بالبطاقات الائتمانية أو حاصل على قرض من البنك .... فهذا أيضاً تأثر بشكل كبير بسبب إرتفاع الفائدة الجديد التي قامت به البنوك لتغطية خسائها على حساب الموظف المسكين ..... فمن كان يدفع 50% من راتبه للقروض ... الآن سيدفع 65% من راتبه للقروض و بالتالي ال 15% الزيادة كانت تحول لسوريا .... و الآن توقفت .... و الله يستر
-سوريا
moh.d2009-03-23 06:07:04
نعم
هذه الأمارات بأبراجها وعمرانهاوتطورها تنحني لأضخم أزمة أقتصادية على أبواب القرن الواحد والعشرين,فالوصول الى القمة صعب وحفاظك على القمة هو الأصعب.
سوريا
عبيدة2009-03-23 05:49:48
المشكلة الأكبر العسكرية
لاأدري صحة هذه الأرقام لكن أنا مقيم في الامارات و ألاحظ أثر الأزمة، المشكلة في الشباب السوريين الذين تبقى لهم 6 أشهر أو سنة لدفع البدل و الان سوف يضطرون للعودة و تضييع كل مدة الاغتراب. ارجو من المسؤولين مراعاة هذا الموضوع و تخفيض المدة لأربعة سنوات منها لتسهيل أمور الشباب و ايضا وارد آخر لخزينة الدولة
الإمارات
مغترب2009-03-23 05:34:16
بلادي
بلادي وإن جارت علي عزيزة ....
-سوريا