syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
تخفيض سعر الدقيقة لخطوط ياهلا شباب وMTN شباب لمدة ثلاثة شهور
الاخبار المحلية

الاتصالات: التخفيضات تأتي ضمن السياسة التسويقية، وهناك دراسة لتخفيض معقول ودائم

وافقت المؤسسة العامة للاتصالات على تخفيض أسعار اتصال الخلوي عبر خطوط مسبقة الدفع، ياهلا شباب و MTN شباب، حيث يصبح سعر الدقيقة في خطوط مسبقة الدفع 6 وحدات من بعد الدقيقة الثانية، ومن الساعة السابعة صباحا حتى العاشرة صباحا، ولمدة ثلاثة أشهر فقط، بالإضافة إلى إطلاق عدد من الخدمات الجديدة.


وتبلغ تكلفت دقيقة الاتصال عبر خطوط مسبقة الدفع 8 وحدات أي نحو (9.8 ليرات)، في حين ما يزال احتساب الدقيقة في سورية لا يتم على نظام الثواني المتبع في معظم دول العالم.

وقال معاون مدير المؤسسة العامة للاتصالات رؤوف العيد لـسيريانيوز إن "التخفيضات الجديدة تأتي ضمن السياسات التسويقية"، لافتا إلى أنه "المؤسسة تقوم بدراسة تخفيضات دائمة على تكلفة اتصالات الخلوي، وأن المؤسسة مع وجود تخفيضات متوازنة ومعقولة لكن قانون السوق والمنافسة هما من يقرر".

وحول إمكانية احتساب سعر الاتصال على أساس الثواني، أوضح العيد أن "ليس كل الدول تعتمد نظام احتساب المكالمة على الثواني، فلكل سوق ظروفه"، مشيرا إلى أن "تعرفة الخلوية في سورية تأتي في مرتبه وسط بين أسعار التعرفة المعتمدة في الشبكات العربية".

وعن قلة العروض المقدمة على الاتصالات الخلوية مقارنة مع أسواق الخلوي في دول الجوار، أشار العيد إلى أن "حصة المؤسسة في كل من شركتي الخلوي هي 50%، وهذه إحدى الأسباب التي تقيد حركة العروض المقدمة للمشترك".

كما وافقت المؤسسة على منح الخطوط مسبقة الدفع، ياهلا شباب و MTN شباب، ميزة تخصيص رقم بسعر مخفض للخطوط مسبقة الدفع على غرار ميزة الأهل والأصدقاء للخطوط لاحقة الدفع.

وتسمح هذه الخدمة للمشترك اختيار رقم خليوي معين بحيث تكون دقيقة الاتصال على هذا الرقم 6 وحدات بدلاً من 8 وحدات، ويتم إضافة هذه الخدمة من قبل المشترك مجاناً، ولمدة ثلاثة أشهر أيضا.

وأقرت المؤسسة كذلك تطبيق التخفيض التنازلي لسعر الدقيقة للخطوط لاحقة الدفع بحيث تصبح التعرفة بعد الدقيقة الثانية 3 ليرة سورية بدلا من 4 ليرات ولمدة شهر واحد فقط من تاريخ تصديق القرار.

وشملت الموافقة تخفيض دائم على سعر الرسائل القصيرة بنسبة 50% لكل من الخطوط لاحقة ومسبقة الدفع بعد إرسال عدد من الرسائل القصيرة خلال الشهر الواحد على النحو التالي، خطوط لاحقة الدفع يصبح سعر الرسالة ليرتان بدل من 4 ليرات بعد إرسال أول عشر رسائل، أما خطوط مسبقة الدفع فسعر الرسالة يصبح 4 وحدات بدل من 8 وحدات بعد إرسال خمس رسائل.

وفيما يخص الخدمات وافق مجلس المؤسسة على إطلاق عدة خدمات جديدة لشركتي الاتصال الخليوي (سيريتل، MTN) حيث تم الموافقة على طرح خطوط مسبقة الدفع جديدة بصلاحية أولية مقدارها 90 يوماً "تراكمياً" وفق الأسعار المعتمدة ولمدة ثلاثة أشهر على ألا يشمل العرض خط ياهلا شباب وMTN شباب.

كما تم الموافقة على إطلاق خط مسبق الدفع جديد "الاتصالات المحددة" بسعر 500 ليرة سورية يضاف إليه الرسوم والضرائب بدون وحدات، محجوب عن الاتصالات أو الرسائل الدولية، وبمدة صلاحية ستة أشهر قابلة للتمديد يتم التحكم به من خط أخر مسبق أو لاحق الدفع ولا يتضمن الرصيد الأولي لهذا الخط على أية وحدات.

ووافق مجلس إدارة المؤسسة لشركة سيريتل على إجراء تخفيض دائم على سعر الرسالة القصيرة ضمن المجموعة المغلقة ليصبح 2 ليرة سورية بدلاً من 4 ليرة سورية، وتخفيض الحد الأدنى لمستخدمي خدمة المجموعات المغلقة ليصبح خمسة مستخدمين ضمن المجموعة الواحدة بدلاً من عشرة.

وإطلاق خدمة الدليل السياحي على الرقم 1555 لقاء تعرفه تبلغ 125 ليرة كرسالة قصيرة لخطوط لاحق الدفع، و167 وحدة كرسالة قصيرة لخطوط مسبق الدفع.

وطرح خدمة الانتقال بين البطاقات المسبقة الدفع وبطاقات ياهلا شباب وبالعكس، حيث يمكن للمشترك الانتقال في أي وقت مقابل 200 وحدة كرسم انتقال، كما يمكن للمشترك الانتقال مجاناً بعد مرور 30 يوم على تاريخ آخر انتقال له (أو تاريخ بداية استخدامه لإحدى أنواع البطاقات) ولا تطلق هذه الخدمة إلا بعد نجاح التجارب بين إدارة الترابط الشبكي وشركة سيرتيل بمحضر نظامي.

كما تمت الموافقة على إجراء تعديلات على بطاقة 600 وحدة مع صلاحية 45 يوم بنفس السعر الحالي (450 ليرة سورية + قيمة الرسوم والضرائب)، والموافقة أيضاً على طرح بطاقة شحن إلكترونية جديدة فئة 300 وحدة بسعر 225 ليرة سورية لجميع المشتركين (يضاف إليها الرسوم والضرائب) مع 20 يوم صلاحية.

وأوضح القرار إلى أنه في حال شحن مشتركي ياهلا شباب خطهم ببطاقة الشحن الجديدة فئة 300 وحدة فيتم توزيع رصيدهم كما يلي، 50 SMS محلية، 5 MMS محلية، 2.5 ميغا بايت GPRS، و225 وحدة.

يشار إلى أن شركتي سيرتيل وMTN هما الشركتان الوحيدتان المشغلتان لخدمة اتصال الخلوي في سورية، وكانت ترددت في الفترة الماضية أنباء عن قرب دخول شركة ثالثة كمشغل جديد للخلوي إلى السوق السورية.

رواد بلان - سيريانيوز


2009-05-27 19:20:46
شاركنا على مواقع التواصل الاجتماعي:



شارك بالتعليق
raso2009-05-31 09:21:37
ما بيلبقلنا
شو يا عالم نحنى من النوع يلي شو ماصار معنا منقول عاطل والله كان اشرف انوا شركات الاتصال ما تخفض شيي كانت هيه حتضل ربحانه وانتوا حتضلوا تدفعوا ومن تم ساكت يا حلوين بيقول المتل شي منوا ولا كلوا يعني الحمد لله يلي من الممكن يصير تخفيض وانا بنصح يلي موعاجبوا لا يستعمل الجوال ويتركنا نحنا نستفيد ما بقول انوا هالشركات ملائكة بس نحنى عيب نعلك بكل شي الموضوع انوا بنحكي لانوا مو حدا شايفنا بس لما بيجينا شي مندوب من الشركات منصير نلحمسلوا على شي بطاقةفعيب ويلي عندوا كلام ضد البلد يسكت
سوريا
ام اسماعيل2009-05-30 23:39:42
السكوت من دهب
اذا كان الكلام من فضة فالسكوت من ذهب !!!!!!!!!!!!!
-سوريا
متصل2009-05-30 19:09:23
حاج حكي فاضي
شو هاد كل الاجتماع على وحدتين والله عم يتعبوا هنن ووزارة الاتصال انا رايي يكون التخفيض نص وحدة مشان الميزانية تضل تمام لو مو عاملين شي أحسن والله والله والله مسخرة
سوريا
Basbees2009-05-29 12:40:20
دخيلكون طلب عاجل
أرجوكم حطو مصاري عالتعليمة لأنو حرام عم تروحو ثروة من بين أيديكم
-سوريا
سيريتل2009-05-28 17:54:50
mtn
لك حاج ولووو شفنكون فوق وشفناكون تحت شفناكون على اليمين وشفناكون على اليسار ؟؟؟!!! **
-سوريا
yazan2009-05-28 17:39:56
يعني والله ما بيعرف الواحد شو يحكي
طيب بتعرفو أحسن شي بلا موبايل و بلا بطيخ كل واحد ينتع معو سلك هاتف ثابت وين ما لآنو هيك أريح شي من الفواتير و كل شي آل تخفيض آل أي و ربي خفضو الله يعطيهون العافية يلا بلكي التخفيض الجاي بيكون عأجار حلاقة الدقن
-سوريا
ابن ركن الدين2009-05-28 16:51:43
ولا احلا من هيك
شو هااااااااااد يا جماعة نعما فرد مرة حنو علينا بتنزيل وحدتين ولي شو هاد خايف عليهون انون يخسروا لك بس بقى شو هل المسخرة وربي مسخرة ياريت سيرا نيوز تسكر الموضوع لانو بجد مسخرة وال ايمت التخفيظ الساعة 7 للعشرة يعني الناس نايمة مافي غير الموظف الي اكل هوا هههههه وبدو يفيق على شغلو
-سوريا
RAM2009-05-28 16:44:37
بظن
بظن إنو لو الأسعار ارخص رح يكون في اقبال أكتر على الاتصال وبالتالي زيادة الأرباح........ ما هيك؟؟؟؟ طيب ليش كل هايدا الشي.. والله عيببببببببب
-سوريا
جساس الحمصي2009-05-28 15:43:34
شو النا عند الجماعة
يعني الجماعة عميخفضو ويعملو عروض بس نحنا نئائين الوحدات بتروح و بتجي يا جماعة المهم الصحة بقترح ع سيريا نيوز تسكر هالموضوع لانو بيرفع الضغط آل تخفيض زكرني بيلي ضيع عشر جمال و حلف ازا بيلائين رح يبيعن بدرهم و لما لائاهن حط حدن هرة و سعر الهرة بعشر الاف دينار و حلف ما يبيعن الا سوا
سوريا
أب سميرة2009-05-28 15:43:46
رحمونا يا عالم
الناس اللي عم تحكي عن الاتصالات بالكويت, في نقطة كتير دقيقة ومو مبينة بنوب وأنا بعبقريتي الخارقة انتبهتلها وهي: ترررررررررررررر تن أنو الدخل بالكويت كذا ضعف الدخل بسوريا! إلا إذا الجماعة اللي عم يحكو, بيشتغلو شوفيرية ميكرويات على خط ركن الدين - الحولي فهي قصة تانية!
-سوريا
جساس الحمصي2009-05-28 15:41:29
مزراب دهب
يعني واح عندو مزراب دهب ما رح يسكرو بايدو
سوريا
أب سميرة2009-05-28 15:32:52
كتير هيك
اي شو هالكرم الحاتمي هاد؟! ما عرفتكون! وحدتين فرد مرة! ومن الساعة 7 للساعة 10 صباحاً! كتير هيك, كنتو عملتوها من الساعة 4 للساعة 5 الصبح مو أحسن؟! هي الذروة لأنو, وبعدين 3 أشهر كاملين, بس خايف هالقرار يعمل أزمة اقتصادية لأنو أكيد كتير مغتربين رح يرجعو مباشرة على البلد أول ما يسمعو هيك خبر مذهل!
-سوريا
ابوفراس2009-05-28 15:28:41
تخفيض
مع احترامي لمعاون مدير الاتصالات كلامه غير صحيح بالنسبه للدول المجاوره ف الأسعار اقل بكثير وهناك عروض تعطيها الشركات لاتقارن مع اسعارنا ادخلو شركة اتصالات منافسه وشوف الأسعار كيف بتصير
-سوريا
عمر2009-05-28 15:05:13
مهنددس سلبق في أحدى شركلت الخليوي
هذا كذب وذر الرماد في العيون والكل يعلم أن البنية التحتية للشركة الوطنية على الأقل متهالك وبدائي واغلب التجهيزات هي صينية وخصوصا تجهيزات الجيل الثالث...أي لا يوجد تكلفة وجودة مثل باقي الشركات العالمية لذلك أنصح بالأضراب
-سوريا
حسسسيب2009-05-28 15:06:20
اسوتاً بالدول المجاورة
على سيرة المجاورة: متوسط دخل الفرد عندون 10 اضعاف عنا...سعر الدقيقة بالخليوي عندون 10 اضعاف عنا ....شبكن والله الشعب ضعيف بالحساب.عنا..فكرو فيها منيح ....60ثانية عندون=دقيقة عندون بينما 1ثانية عنا =دقيقة (عنا) شو رأيكن عندون أحسن ولا عناااااااااااا
-سوريا
موبايلجي2009-05-28 14:46:49
انا مع المقاطعة 1 حزيران
اغلب العالم حاملين الموبايل منظر او للطوارئ او لكل عزيز وغالي و ميسكول بس عنا وازا بدو يحكي في كأنو حدا لاحئو بعصاية مو متل صاحبنا بالسعودية رافع رجليه على المخدة وعم يحكي دولي 5 ساعات ...وعنا ازا بدن يطلعو بقرار في أزا للمواطن بنفزو متل الموبايل بخطين فورا انمنع اما اما شركة سيريتل صرلي من 5 سنين بسمع انو هي اخر سنة لأنو عقدا خلص ورح تنزل شركة جديدة وعيش يا مواطن لينبت الحشيييييييييييييييييييييش
-سوريا
غبي2009-05-28 14:28:05
ياسلام
لهالدرجة شايفين الشعب (حمار)؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!
-سوريا
hmsho2009-05-28 14:25:29
لاء عنجد..؟...؟؟
شو ه المسخرة ليش الاتصالات بكل العالم ارخص من هون قال شو شباب كلو عم يطالعوه لاء وبيرجعوه زيادة يعني ب ه الكم رسالة عم يعملو شي مني اسا ناقص التعليم يصير بوحدات مو معقول بس للأسف لا حياة لمن تنادي
سوريا
جورج2009-05-28 14:04:33
معقول
شوفوا الخبر يا شباب وشوفوا هالتخفيض التعجيزي والمسخرة - اولا التخفيض على الخطوط المسبقة الدفع ومن بعد الدقيقة الثانية ويصبح ست وحدات --وايضا ومن الساعة السابعة صباحا حتى العاشرة صباحا، ولمدة ثلاثة أشهر فقط،شايفين هالشروط ولازم كمان تكون الشمس مشرقة وان تقف في الظل وان تكون مرتديا نظارات وبنطلون جينز حتى يشملك التخفيض --واللع عيب عليكم وحرام السوريين هيك روحوا شوفوهم ببلاد برى افهم ناس واذكى ناس -- حاج بقى تتذاكوعلى هالشعب ما عاد شي مخبى --عيب بشرفي عيب تقولوا تخفيضات
-الإمارات
سرقاتيل...و نهيبا2009-05-28 14:15:47
مسخرة......
عيب عليكم .....على مين عم تضحكو ؟؟؟؟؟ اخجاو من حالكم انتو و هيك عروض......لسا ماشبعتو مصاري......اللي بيشوف العروض على المحطات ببقية البلدان بيعرف قيمة النصب اللي عم ينصبوه علينا.....عن جد مسخرة ....!!!!!!!
سوريا
Brayn2009-05-28 14:05:07
سعر الدقيقة
شكراً موقع سيريا نيوز على الموضوع المثار لكن أظن انه يجب أن تكون المعلومات المكتوبة صحيحة حيث ان سعر الدقيقة في الخطوط المسبقة الدفع هي حوالي 6.5 ليرة وليس 9.8 ليرة وشكرا ....
-سوريا
فراس2009-05-28 13:49:12
بلا هالمنية
يعني متل يلي عم بيقطع الواحد بالمعلقة عواض السكينة، لسا بلاها أشرف، بعدين الطرح مالو موجه للأشخاص دون الوسط بل موجه للأشخاص يلي بيحكي كتير، يعني تجارة مو حسن أخلاق
-سوريا
وئام2009-05-28 13:10:47
ولك اخخخخخخ
يا عيني عليكو يا هيك التخفيضات يا بلا تعو وشوفو هون بروسيا الموبايل ارخص من الارضي
-سوريا
مواطن2009-05-28 12:52:01
تلت تشهر
سمعنا في نخفيض بداية الشهر للاتصالات الدولية بس يبدو اتراجعوا على هل المسخرة الافضل يحفظو ماء وجهن ومايطالعول هيك تخفيض التعامل معنا على مبدا الغنم بطل من زامن
-سوريا
منى2009-05-28 12:02:23
ياريت ما عذبتو حالكم
بعد طول انتظار طلعوتلنا بهل القرارات مو حرزانة ياريت ما عذبتوا حالكون لحد الأن و انا بمنطقة أبو رمانة و ففروض في تغطية كويسة و مالي بقبو بيطلع الخط خارج التغطية أنا فكري بلا الموبايل كله أحسن
-سوريا
سوري من الكويت2009-05-28 11:37:32
للأمانة ودقة النقل
كمانة مشان الأمانة.. لح نقلكن أنو هون بالكويت كمانة بيحاسبونا بالموبايل بالدقيقة مو بالثواني.. يعني تتكلمة دقيقة وثانية.. بيحسبوها عليك دقيقتين.. ويا سلام لما بتكون المخابرة دولية.. يعني منقعد منحكي دولي والساعة قدامنا وعم نراقب عقرب الثواني مشان ما لما بدنا نسكر ما يكون مبلش بالدقيقة الجديدة ويتخوزق المواطن السوري في الغربة. لذلك هي هون الكويت بسعر الشام بيحاسبو على الدقيقة مو الثانية. واتحمل يا مواطن بااااي
-الكويت
سوري أصلي2009-05-28 11:30:52
لأ هيك بدكم تطولوا بالكم
يعني شو هالكرم هادا ... هههه ما عم بعرفكون ... أفحمتونا بهالتخفيضات ... وعذبتوا حالكون ع الفاضي ... ما كان بدها من الأساس هالتخفيضات وتعقدوا حالكون وتقعدوا تحسبوها ... وكل هالشي كرمال شهر أو تنين أو تلاتة ... يعني هلق المشتركين ما عم يقدروا يعبروا عن فرحتهم بهالتخفيضات هههههههه ... تمالكوا أنفسكم يا مشتركين ما بدنا زلاغيط ولا بدنا دموع الفرح ههههههه
سوريا
محروق2009-05-28 11:34:43
اين الشركات المنافسة ولماذا الاحتكار
لابد وان تكون هناك شركات منافسة حتى يستطيع الشخص اختيار الشركة التي يرغب بها واذا صار في شركات خاصة رح يصير في تنافس ورح تنزل سعر المكالمة وليش في احتكار عنا من شان ما حدا يستفيد غير شركة سيرتيل وMTN والله حرام عليكون الشعب السوري محروم من كتير شغلات موجودة بالغرب من الناس المفسدين بالبلد اتمنى ان لا تكون خدمة الاتصالات حكرا على احد وان يسمحو للشركات بالدخول الى الاراضي السورية ابن سوريا المحروق على بلده موسكو
-سوريا
خبز يابس2009-05-28 11:27:23
ريتك يا ابو زيد ما غزيت
لازم يتم اختراع ابجدية لعدد الرنات او التعليمات يعني : مرحبا : رنة وحدة وين انت ؟ رنتين متواصلات اني جاي لعندك :3 رنات شو الغدا اليوم : 4 رنات : يعني بين كل 2 ينعمل شيفرة للكلمات والله اذاني صاروا يرنوا سالوا لفرعون يا فرعون مين فرعنك قاللهم ما لقيت احد يردني ويمنعني عوجة عوجة
-سوريا
شامي عتيق2009-05-28 11:23:58
آه .. كيف .. شلون
بقترح على شركات الاتصالات المحترمة توزيع دليل استخدام للخدمات مشان نعرف كيف عم نوفر .. ولا قلكون بلاها ... صرلي 5 سنين فاتورتي 2200 ... و مرة طلع 2300 لأنو كنت متعرف على صبية ...هههه مع تحيات سنالكو
-سوريا
ريحو راسكون2009-05-28 11:23:35
رح استغني عن الموبايل
وكأنني أقرأ قرارات للقطاع العام الذي يعقد الأمور حتى لا يفهم أحد القانون ويضيع المواطن وينتشر الفساد , يعني صار بدنا كتّيب صغير نحملو معنا لنعرف قديش بحقلنا رسائل وكم يوم وكم دقيقة وأول دقيقتين إي شو نحنا مافي براسنا غير الموبايل أنا قررت استغني عن الموبايل وانشالله عمروا مايكون
-سوريا
اي بكفي مسخرة2009-05-28 11:23:22
يعني انا بمصر وما الي علاقة بالتخفيض اي ما سدقت انو في تخفيض طلع مسخرة 3 ساعات باليوم وبعد الدقيقة ؟؟؟؟ اي هون عم احكي دولي ومحلي وفاتورتي ما عم تطلع نص فاتورتي بmtn سوريا وناهيك عن نسيان ظاهرة علمتلك ليش ما تصلت >>العرض هون احكي دقيقتين وما بعد ذلك مجانا طول الليل او مضاعفة الرصيد و5 ميغا بايت مجانا يوميا والف عرض اخر وكل هاد بدون صلاحية.. الله يعين المواطن السوري شو بدو يستغل ويسكت ....
سوريا
محمد ابو عمر2009-05-28 11:10:54
حرمية
ياجماعة الخير سمعو هل نكتة انا بتصل على العراق و الاردن و السعودية من اكثر من سنتين المهم انو احيانا لم اتصل بتلاقي عداد موبايل فتح معنو ما حدا يرد علي اتصلت للشركة قال هذا من مقسم الدولي و انو عيحلو المشكلة سافرت للاردن ما صار معي شي من هل كلام رجعت بس رجعت مشكل اكبر صار دائما يفتح اتصلت قال استاذ نحنا كمان عم نتكلف يعما قلتلو انا يلي عم ادفع فاتورة قال و نحنا عم ندفع لشركة الاتصالات قلتلو بس انتو عم تدفعو مني أم سكت تصورو ا فتح خط 35 ليرة و الحسابة بتحسب
-سوريا
الطير الحر2009-05-28 11:11:20
لما تكون الناس نايمه
يا جماعة شو هالكرم هاد من السابعة حتى العاشرة لما تكون الناس نايمه هههههههههههه
-سوريا
salam2009-05-28 11:02:11
حاج مسخرة وضحك علينا
ليش عم تروحوا لبعيد شوفوا الاتصالات بالاردن والله العظيم شي خيال من كتر الرخص العالم ما عا عندا تلفونات ارضية ايه نحنا مندور اذا واحد عندو تلفون ارضي مشان نحاكيه بقى حاج مسخرة واحتكار وخلي شركة تالتة تدخل عسوريا ....... والسلام
سوريا
تعقيد2009-05-28 11:02:56
تعقيد
اي شو هل التعقيد هاد
-سوريا
Muhammad Shahwan2009-05-28 10:54:46
كم نقطة
أول شي : سعر الـ8 وحدات شي 7 ليرات إلا شوي لأنو سعر الوحدة أقل من ليرة مو اكتر من ليرة (كل 1000 وحدة بـ800 ل.س تقريباً) تاني شي.. قصة الرسائل دائمة إنو بعد عاشر رسالة بتخف التكلفة ولا كمان 3 شهور (شم ولا تدوق) تالتاً متل ما قال 6are2 الواحد بدو يعد يشوف أديه الساعة وشو نوع خطو و و و ومشان يعرف التكلفة!! مو منطق!
سوريا
معصب2009-05-28 10:48:02
حاسس انو هالشركات عملوا هيك مشان يقولولنا شفتو هي خفضنالكم.. يعني دخيلن على هل التخفيض من ال 7 الصبح لل 10 الصبح . دخلكن مين من بطاقات الشباب بيفيق بهل الوقت . و اذا فاق يعني رح يحكي ؟!؟!؟؟!؟!؟؟!؟!؟؟!
-سوريا
شامية2009-05-28 10:46:41
يمل
والله يمل منهن ومن عروضهن السخيفة
-سوريا
سوري من الكويت2009-05-28 10:41:50
EECE
تعليق على سامر: الكويت كمانة غالية مثل الشام وأكثر. تصحيحا لما قلته عن الكويت .. إليكم يا ناس المعلومات التالية: الدقيقة من الموبايل حوالي 7 ليرات سورية. والدقيقة من كويت إلى الشام عم تكلفنا حوالي 33 ليرة وما في وقت للتخفيض الدولي. أما الشام بالنسبة للمكالمات الدولية أرخص بكثير. فهي من الشام للكويت 22 ليرة ووقت التخفيض بالليل بتصير 17 ليرة. لا تنسى أنه الناس بالكويت كثييييييير مستائين من زين والوطنية.. شي بتهوي الاتصالات هون. بس على الأقل التغطية ممتازة.. مو مثل الشام
-الكويت
kabten2009-05-28 10:39:03
روحوا ع السعودية
اخي حكا معي من سعودية وصرت شوف عداد الثواني وكان دقيقة و3 تواني فانا انزعجت كتير ولما حكا مرة تانية معي قلتلوا ولك طلع على عدادك طبعا هاي الظاهرة معروفة عندنا خوفا من الدخول الدقيقة التانية فقال حبيبي نحن نظام ثواني فكرهت حالي ومرة اتصل معي وانا كنت بالشارع تصوروا رجعت ع البيت ونشف ريقي من الحكي لحتى انطفا موبايلي طبعا لانو خلص شحن البطارية فقلت الي عندنا بيخلص الوحدات ع الطاير من نظام الثواني مو يخلص شخن البطارية, شي بيخجل عروضناعروضنا
-سوريا
طفران2009-05-28 10:20:16
فضلتو ع راسنا
مسسسسسسسسسسسسسسسسسسسسسسسسسسسسسسسسسسسخرة عمين ع بتضحكو الخبر اول شي بيشجع بعا بنكتشف انو بيموت من الضحك
-سوريا
karo2009-05-28 10:20:36
شي خيال
ياعالم رح خبركون شو عم يصير بالسعودية لأنو في مثال واقعي هو اخي بالسعودي: طبعا في 3 شركات بالسعودية وهي جوال واتصالات وزين فطبعا صار في منافسة فنزل الجوال بعرض وهي بعد دقيقة 5 تصبح المكالمات مجانية اكيد اخدين الميزة من عندنا(نظام الثواني) فإجا اتصالات شوعملوا قال خيو احكو شو مابدكون ورح يكون التخفيض 50% طبعا هاد الشي زعل جماعة زين فقالوا عبي شقد مابدك ونحن رح نعبيلك متل ماعبيت وطبعا نحن اكبر عرض عندنا هي مدة صلاحية اكبر فعيب عليكون والله عروضكون بتخجل
-سوريا
ابو الزووم2009-05-28 10:20:26
كتير و الله كتير
شو هالحكي وحديتن ولمدة ساعتين باليوم و لتلاتة اشهر شو هاد اي حاتم طي ما عملها يعني بالفعل ياالشعب غبي يا ما بيفهم شو هاد .. و عفكرة اذا دخل مشغل تالت رح يكون متلون .. اذا رادو بيجيبو عشر مشغلات مو تلاتة ورح يبقى كل شي على حالو هههههههههههههههههههههههههههههه
سوريا
عاشق يارا2009-05-28 10:03:47
شي بضحك
يا جماعه اقسم بالله شي بيضحك وبيخجل ... لعمى بعيونهم شو انهم حرامية ونصابين .. الناس طلعت المريخ ونحن ع سطح البيت مو قادرين نطلع .. عم يضحكو ع الشعب ضحك ... ال شو ال تخفيض وعروض .. لك تعو شوفو الاتصالات هون بالسعودية كيف ... والله لتكرهو شي اسمو جوال عنا بسوريا والاحلى من هيك ( من ال 7 صباحا للـ 10 صباحا ) ههههههههههههههه لك استحو ع حالكم
السعودية
محــــــــامـ2009-05-28 10:03:52
يا فرعون مين فرعنك
قلوا : ما لقيت مين يردني ، عزيزي المشترك اتبع النصائح التالية : رنة واحدة يعني أنك قادم ، رنتين من العمل يعني أنك اشتقت لحبيبتك ، ثلاث رنات يعني أنك في مأزق ، أربع رنات يعني أنك تحتضر و قد جاءت المنية ، خمسة يعني خالص سلمت أوراقك و طالع لفوق ........... أه يا نيالي ...... شكراً للنشر و لقاؤنا يوم الحشر يوم لا تنفع تعليمة و لا بلوتوث
-سوريا
feras2009-05-28 09:52:49
الاتصالات....
في اي موضوع تكون الاتصالات طرفا فيه فهو فاشل بامتياز وعندي الاثبات: الانترنيت في سوريا اسوأ انترنيت ممكن ان تجدها على الارض حتى في دول العالم المتخلف تجد ان حلول الانترنيت موجودة ونحن نحب السرقة ثم نقول لا نستطيع حل المشكلة... الموبايل..بما ان المؤسسة تضع الرسوم والتعرفة فما فائدة ان نقول ان الموبايل شركة خاصة....وكيف سيكون هناك تنافس اذا كان كل شيء بيد الدولة... *
-سوريا
سوري متشائل2009-05-28 09:49:43
حرام
لازم الحكومة تفتح مجال لأي شركة بدها تدخول عالبلد .. لأن مفروض يصير منافسة بين هالشركات .. وهالشي ما بيصير الا اذا دخلتو شركتين كمان عالبلد
الإمارات
مواطن يبحث عن الوطن2009-05-28 09:47:43
كفوووووووووووووو و الله
اي هاه من زمان هل الخيرات تهل علينا و شرطك بس ع يا هلا شباب و MTN شباب و من الساعة 7 الى الساعة 10 صباحا اي شو هل الخير و باقي الختياريةحدهم البلي ذكرتوني بالمثل القائل كلون عندون سيارات و جدي عندو.... و فهمكم كفاية
-سوريا
LORS2009-05-28 09:46:18
خليك يا حنا سكرن
بعد ما وصل صديقي الالماني من سوريا ..اول كلمة حكاها و نحن راجعين من المطار ..بلدكم خارج التغطية!!!! العمى كل اللي كان هنيك 4 ايام عمل كيف لاحض ..و المشكلة كان بالشام فندق محترم و سيارة هاي لاي ..فعلأ قليل اصل ..او نحن قليلي مخ ..صابرين على الفاسدين و المنافقين .. رجعوا البلد عقود آناري ... ليش يا شام ليش؟
-السلفادور
نصيحه2009-05-28 09:41:20
نصيحه
للجميع روحو اشترو خط من زين أو من فودافون وعملوه تجوال دولي وجيبو معكون على سوريا أو خلو حدا يبعتلكون ياه ما رح يمشي الحال غير هيك...سلام
-سوريا
6are22009-05-28 09:35:44
تحفيضات (بالحاء )
يعني جد يعطيكون العافية على هالتخفيضات الروعة يعني معقول لما بدي فكر أحكي مكالمة لازم تكون هالجريدة قدامي وبلش احسبها اذا حكيت قبل الساعة 10 قديه برحلي واذا حكيت مع شخص معين اديه برحلي ... بقترح لشركات الخليوي توزع كتيب تعليمي يشرح ساعات الذروة (الخورفة ) وساعات التخفيض لكل مشترك ... لك اكسولي ع كل هالتخفيضات يلي بلاطعمة وحاسبونا عالثانية بئااا وانعدو شوي من انفلونزا تخفيض اسعار الخليوي بالدول المجاورة ...
سوريا
متعلم2009-05-28 09:33:59
جايرين على حالكن
والله كتير جايين على حالكن حرام ..وحدتين كتير يعدين بتخسروا كتير ياالله شو شو عم تعملوا مشان هالشعب مستعدين تخسروا كتير مشانو..أرباحكن رح تنزل باليوم الواحد 10 ملايين من أصل 10 مليارات(ياحرام)بينزعل عليكن ...حاج استخفاف بعقولنا..لازم مبدأ الثواني والدقيقة مو أكتر من نصف ليرة وبدون اشتراك ولواحقو(شو هاد)والشركة الجديدة رح يفرضوا عليها قوانينون..
-سوريا
مجنون يحكي وعاقل يسمع2009-05-28 09:25:15
شكرا\
أنا أطول مكالمة بحكيها 55 ثانية وشريحة كبيرة من الشعب نفس الشيئ يعني إذا ما بيصير الحساب على الثانيةوألغاء أو تخفيض رسم الأشتراك يلي هو سرقة علنية من جيبة المواطن ما حدا رح يستفاد شيئ يعني عم يعملو حسابهم أنه المواطن مايستفاد ولا بليرة... شكرأ\" يا أغنى شركتين بالبلد
-سوريا
Mera2009-05-28 09:23:23
شي بيضحك
يعني هاي بتسموها ميزات؟؟؟؟ ولا مفكرين عاملين عروض وشو 3 أشهر ووحدتين
-سوريا
موبايلي2009-05-28 09:11:04
موبايلي
بالسعودية نزل عرض بعد الدقيقة الخامسة مجانا دولي طبعا .... حطيت الموبايل بالشاحن ورفعت رجليي ع مخدة وحكيت من ال 9 المسا لل 7 الصبح وكلو مجاني
سوريا
محمد2009-05-28 09:01:54
ضحكتوني
و الله العظيم شي بضحك، لعفاااااا وين عايشين هدول بالمريخ، يمكن بالمريخ صارت التخفيضات أحسن من هون ههه
-سوريا
سوري مو بسوريا2009-05-28 08:42:52
يعني ليش بكل الدول غير ما عنا
الله يعطيهم العافية طولو كتير بالتفكير لطلع معهم هاد الشي . يعني على قولة المتل "صام صام وبعدها فطر على بصلة""ليش بكل دول العالم المكالمة تحتسب بالثواني والأكتر الرسائل بتكون شبه مجانية؟؟؟؟
-سوريا
حسام2009-05-28 08:43:07
حاجة تضحكو علينا بهيك خدمات... مسخرة قال شو بعات مليون مسج منعملك تخفيض ليرة و نص على اخر رسالة
-سوريا
سوري2009-05-28 08:34:48
يعني احنا نقدر نحكي اكثر من دقيقتين
اذا احنا مانقدر نحكي اكثر من دقيقتين يعني ماراح نستفيد من التخفيض فهموني ياشباب
سوريا
sighofsoul2009-05-28 08:33:08
كل دول العالم بتطور لقدام الا نحنا بنطور لورا
انا عايش بأوكرانيا صرلي 6 سنوات وهون في تقريبا 9 شركات للموبايل وكل شركة بتنزل عروض ولا احلى من هيك مثلا شركة lifeهاي احسن شركة بس مطلوب من المشترك انو يعبي بطاقة شحن 200 ل س تقريبا و احكي 24 ساعة ببلاششش بس ايمت بدنا نطور
-أوكرانيا
سامر2009-05-28 08:02:47
لن أطبل به إلا وانت نائم
هادا العرض مش معقول .. بالكويت اختار رقم واحكي مدى الحياة مجاناوتخفيض على المكلمات الدولية 25% لرقم من اختيارك وعلى طول مو 3 شهور وفترة الصبح، في السعودية شهر عليك وشهر عليناإنشالله بتتصل عالزير سالم، السعر بالثواني، بتحكي من أرضي إلى موبايل ببلااااااااش، عفكرة سعر الدقيقة بالكويت 50% عن سعر أرخص دقيقة بسوريا، الحل بشركة منافسة ثالثة، الحل بشركة مثل زين
-سوريا
zeos2009-05-28 08:10:13
يرجى توخي الدقة
8 وحدات يعني 6 ليرات وليس 9.8 يرجى توخي الدقة
-سوريا
سوري بالإمارات2009-05-28 07:53:26
إلى من يقول أن سوريا الوحيدة التي تحسب بالدقيقة
يا جماعة كل واحد قاعد بالبلد و مانو شايف شي و بقول مافي غير سوريا بتحسب بالدقيقة ليكو بالإمارات ما بيحسبو غير بالدقيقة و إزا بتحكي دقيقة و ثانية بتنحسب دقيقتين مشان هيك كل واح يتأكد قبل ما يحكي
-سوريا
مضيع موبايلوا2009-05-28 07:35:58
لحكومتنا الابية
في كل دول العالم يتم الحساب على اساس الثانية ما عدا سوريا من قارة المريخ تحتسب الثانية دقيقة هيك عينك كنت عينك وعلى عينك يا تاجر وروح يا مواطن بلط البحر واحمض ما عندك طبخوا . شو هالمسخرة هي .
-سوريا
مواطن سوري عم ينضحك عليه2009-05-28 07:30:57
للحكومة
شو هالمسخرة رجعنا لقصة بعد الدقيقة التانية والتالتة لك انت على مين عم تضحكوا.على حالكم والا على الشعب . انا حاسس انوا سوريا مو موجودة بالكرة الارضية موجودة بالمريخ. كل الحق على الحكومة كيف بتسمح بالضحك على الشعب بهذه الطريقة. لبنان أللي هي لبنان أللي طالعة من حرب وفايتة بحرب والصومال وبنغلاديش ومصر أللي عدد سكانها 70 مليون وضع شركات الخلوي عندهم احسن من عنا.
-سوريا
يا عيني على الكرم2009-05-28 07:26:34
قلة من يستخدمون بطاقات الشباب
شو دخلنا بهاي البطاقات تبع الشباب يلي مخصصة للمراهقين - نحنا بدنا تخفيض عام و شامل
سوريا
ابو السعود2009-05-28 03:41:19
مو راضيين
يا حبايب هالاسعار ما بترضينا واحتساب المكالمة على الدقيقه كمان ما بدنا بدنا عالثانية متل معظم دول العالم مع انه مستوى لدخل عنا شي بيهوي .. وشكرا لسيريا نيوز
سوريا
محب للوطن2009-05-28 02:55:39
تعليق على الاتصالات الخلوية في وطننا العزيز
بتمنى من يلي قايم على هل الوزارات بما انن عم يطلعو ويبعتو بعثات للبلدان الاجنبية انن يلاحظو انو في شي اسمو تطور في اسمو رفاهية في شي اسمو تقدير للانسان؟ معقولة انو بسوريا عم يدفعوننا ثمنن الذبذبات الهوائية؟ في دولة فقيرة اسما اوكرانيا بتعبي اول الشهر ب 250ليرة سوري وبتحكي ببلاش معقولة خسرانة اكيد لأنن بيحتموا الانسان,,عيب بقا مانو الشعب غبي ..
سوريا
lolo2009-05-28 02:31:23
شو هاد
عم يضحكوا عالعالم .. يعني الواحد ما بيعرف شو بدو يقول ليقول
-سوريا
Ala2009-05-28 01:43:59
الانتقال إلى المشغل الثالث
اول ما يجي مشغل ثالث سانتقل إليه مباشرة وساترك هاتين الشركتين .. بس ان شاء الله ما يكون المشغل الثالث لهم كمان... قولكم بتصير؟
سوريا
يائس جدا2009-05-28 01:36:25
هادا اللي طلع معكن بالاخر \ وحدتين تخفيض بس
بس بتمنى انو الشعب السوري يستعمل بس الخط الارضي و ينسى الموبايل مشان ما يضحكو علينا بوحدتين
-سوريا
Abooozzz2009-05-28 01:13:20
شي غريب
يعني شي غريب،نحنا البلد الوحيد بالعالم بيعمل عروض غريبة يعني ليش ابتداء من الدقيقة الثانية لينزل سعر الدقيقة و شو لشهر واحد بس!!!!!ومن بعد 10رسائل لتصير سعر المسج2ليرة!!!! حاجة تضحكو عالعالم...بدول مجاورة بيعملو عروض بتجنن و بشكل مستمر،أبسطها مثلا عبي رصيدك ب1200 وحدة و خود 400 وحدة مجانا (انتبهو هاد أبسط و أسخف عرض)، مثال تاني ازا حكيت تلفون دولي فمن بعد الدقيقة الخامسة بتكون مجانا (دولية مو محلية)... الخ (بخلو الناس تحكي غصبن عنها)، عدا عن هيك نظام الثواني يلي ماكان و لا رح يطبق هون...
سوريا
الشيخ أمين2009-05-28 01:11:16
تصور
تصور شركتان يعلنان عن تخفيض في نفس الوقت تصور التخفيض 3 ساعات تصور التخفيض بعد ان تتكلم دقيقة انا متأكد انه حاسبينا صح وهو تخفيض من اجل مردود اكبر للشركتين(تخفيض تجاري بامتياز) وحتى لو دخلت شركة ثالثة ورابعة وووووووووو كلهم سوااااااااااااااء
سوريا
سوري مغترب2009-05-28 00:59:43
سنقاطع حتى يتم استجابة مطالبنا المحقة
أنا وجميع من أعرف من أصدقائي سنقاطع في 1 حزيران حتى تتم الاستجابة لمطالبنا المحقة واحتساب المكالمة على الثواني بدل الدقائق كما هو الحال في كل بلاد العالم .. وعلى فكرة 99% من المكالمات تتم من بعد الوقت القصير الذي تمن علينا الشركة به .. هل يستغبون الشعب السوري إلى هذا الحد عيب عليكم ؟؟!!
سوريا
مو مغترب2009-05-28 00:56:02
شركة زين
الشركة الجديدة هي زين لأنو في اعلانات عنها عالتلفزيون السوري
-سوريا
الضحك على الشعب2009-05-28 00:51:44
يا شعب سوريا العظيم جاء دورك
ساهمو معنا في الحملة الوطنية للضغط على شركات الاتصالات لتخفيض الفواتير اسوة بكل البلدان المجاورة ساهمو معنا لكي نقول كلمتنا ساهم معنا وكن فعال والقرار قرارك إذا اقتنعت باهمية الفكرة ساهم معنا وانشر الخبر ليصل الى اكبر عدد ممكن
-سوريا
يعني ما فهمت شي2009-05-28 00:51:31
يعني ما فهمت شي
قال مقسوم لا تاكل و صحيح لا تقسم و كول لتشبع شو معاجزة بلاها هل المسخرة قال دقيقة اولى و دقية تانية و3 اشهر اللعمى ما عاد حدا استحى ط..............-------ظ بهل العيشة شو هاد
-سوريا
roonym2009-05-28 00:48:48
عقبال عنا
ان شاء الله الف مبارك ل اللي طالهم شي من العرض وعقبال عنا باليونان .... لانو عنا عرض هون عقبال عندكم كل سنة 2009 خطوط الشحن بتدفع 1 واحد يورو بالشهر بصير عندك 1000 دقيقة و 1000 رسالة مجانا لاي هاتف من نفس الشبكة ودمتم سالمين
اليونان
مسخرة2009-05-28 00:51:38
لانا
شو الميزات هي !! عم يضحكوا عالعالم ، ليش بكل الدول العربية بيحسبوا عالثواني ، ما بقا يكفين ربح شركات الموبايل بسوريا، شو هادا ياه ، مفكرين العالم مسخرة
-سوريا
هم لحالها2009-05-28 00:47:15
حررررام
الواحد لما يكون خارج البلد لا يأكل هم فاتورة الهاتف او الجوال. اما هنا فإنه يحسب الف حساب للمكالمة نظرا لغلاء سعر الدقيقة وسعر الخدمات. بالاضافة ان الخدمة لدينا داخل البلد الى الآن لا تعتبر خدمة
-سوريا
لا للموبايل2009-05-28 00:39:57
الحملة الوطنية لمكافحة الموبايل في واحد حزيران
قاطعوا الموبايل في واحد حزيران 2009 ساهموا معنا في الحملة الوطنية للضغط على شركات الاتصالات لتخفيض الفواتير أسوةً بالبلدان المجاورة ساهم معنا لكي نقول كلمتنا ساهم معنا وكن فعّالاً ،أغلق موبايلك يوم الاول من حزيران دون ان تجري اي اتصال او ترسل اي رسالة وليوم واحد فقط. القرار قرارك إذا اقتنعت بأهمية الفكرة ، ساهم معنا وانشر الخبر ليصل إلى أكبر عدد ممكن أغلق موبايلك في الاول من حزيران....
سوريا
يوسف2009-05-28 00:47:35
غالي ومازال
نتمنى من شركتي الخليوي يحنو على الوزارة ويتعملوا بمبدأ المحاسبة على الثانية والأيام المفتوحة وبنتمنى من الأتصالات تعالج بطئ الأنترنيت صرنا بل 2010وكلو وعود هل المطلوب انتظار قرن كامل
سوريا
ام الزوز على سن ورمح2009-05-28 00:44:03
ما اجا دورنا لسا
طيب نحنا جماعة اليا هلا ختايرة شو استفدنا من القصة؟؟؟؟؟؟؟؟؟؟؟؟؟؟؟
-سوريا
zen phoenician2009-05-28 00:38:12
ضحك ع اللحى
انو عرفوا انو في باول الشهر مقاطعة وراح تلحقها مقاطعات كتير قامو ضحكوا علينا بتلات شهور تخفيض وكمان تخفيض بعد مدري كم دقيقة وكم رسالة شوفو مصر كيف صارت والسعودية بس انو اعلان جميل من سيريا نيوز ضد حملة المقاطعة
-سوريا
عامر2009-05-28 00:39:52
قتلوه لحاتم
ايه ايه...هلأ سمعت انو حاتم الطائي انتحر..
سوريا
المحامي قيس ابن الرقة2009-05-28 00:37:30
ليش البعزقة
اكتر من 90 % من الشعب عايش ع التعليم/علملي برنلك/طيب احسبو وحدات ع التعليمة
سوريا
محمود عدّاس2009-05-28 00:35:25
سؤال هام للمعنيين
وفي هذا الوطن قليلون هم المعنيين، على من تضحكون ؟؟ بعقول من تستخفون ؟؟ بمن تستهزؤون ؟؟ ما هذا يا مفكرين ؟؟
سوريا
tammam2009-05-28 00:30:53
حاجة بقا
ما في غير سورياالبلد الوحيداللي لسا بتحسب بالدقيقة شو هالتخلف هاد بس بعتقد هذا ما أسمه تخلف هذا أسمه سرقة.
السعودية
ابن بيو2009-05-28 00:25:17
عم يضحكو علينا..
اي شو عم يضحكو علينا بتلت شهور.. وبس تلت ساعات بالنهار التخفيض.. اي وبعد تلت شهور بيرجع الغلا متل ما كان.. اي شو استفدنا.. الحملة الوطنية لمقاطعة الموبايل بواحد حزيران انشالله مستمرة..
سوريا
soori2009-05-28 00:23:05
wow waq waq
as if the "ITTISALAT" has got anything to do with the pricing... it is privately owned companies without competetion..
-سوريا