syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
ليل وأوضة منسية ... بقلم : ابن الضيعة
مساهمات القراء

ليل ... و أوضة منسية

وورد الجوري معبَّا الدار


والقمر يطل عليِّ

جايب من عندك أخبار

 

هيدي نجمة مضوية

والنجمة من عيونك بتغار

ع بالي ... بهالسهرية

يغيبوا بجبنك لقمار

وضل بأوضة منسية

ملبَّك بعيونك محتار

وجرب طعم الحرية

وأعمل من صدري إعصار

وضمك بين إيديِّ

وشتي ع خدودك أمطار

وتبقى الليلة سحرية

وشو تحكيلي عن أسرار

عنِّي كانت مخفية

ونرجع متل ولاد صغار

نجمِّع ورد البرية

من الوردة إعملك تاج

وقلبي بالمعصم إِسوار

وتضل الأوضة منسية 

وجنبي تضلي شو ما صار


2009-06-18 13:00:43
شاركنا على مواقع التواصل الاجتماعي:



شارك بالتعليق
شوية مطر صيفي2009-06-20 03:05:35
عمت وردا
فجأة ....تحلق عصافير.....وتتفتح ازهار تفاح......وينتثر ندى....حين نقرأكلماتك.....عمت وردا
سوريا
عصام حداد2009-06-19 15:58:51
شكرا لك
فعلا اشتقنالك واشتقنا لكلماتك الجميلة .. لاتطول الغيبة .. شكرا لك .
-سوريا
محمد محمد المرجي2009-06-19 02:55:49
يا سيدي
كلماتك جميلة ورائعة سيدي وان كانت هناك بعض التعليقات الغير مهذبة لازم اصحابها يكونوا على مستوى اعلى من الفهم؟؟انت تكيب مانشعر به وتكتب كما نحب ان نقراء واذا في حد غيران فهذا شئنه الخاص لك تحياتي
سوريا
nader2009-06-18 20:46:26
له يا هيثم له
أكتر من 5 من 10 ما بتاخد على هالشعر يعني وسط . يعني بدك لسا كتير
-سوريا
مغترب إجباري عنو2009-06-18 18:24:09
سلملي على علي الديك وأمتالوا....
بداية الله يعطيك العافية على المحاولة, كلمات حلوة.... معاني مقبولة . بس حبيبي الي بدو يكتب شعر"على أساس" على الأقل يحترم القافية, لك التفعيلة, لك أيا شي ممكن ينظم القصيدة, والا فليكتب نثراً أو خواطر وهذا يكفي, أنو حاجتنا تكسير بلغتنا الحلوة, والله التعن أبو أبوها. عمي ممكن هالمنين,أو المؤدين بالأصح, أمثال الديك والصوص وغيرو وغيراتو يعملولك هية غنية ونسمعها بس نكون راكبين السرفيس رايحين على تدمر مشوار. بس على كل الأحوال الله يعطيك العافية , بس شوية اهتمام وشكراً
-المكسيك
بسمة2009-06-18 18:19:06
...
كلماتك بسيطة و عفوية وقريبة كتير .. بس ياترى هالأوضة المنسية رح تصير حقيقة ولا بتبقى خيال .. مشاعر حلوة كتير .. بتمنالك كل خير
-سوريا
يوسف بحصاص2009-06-18 17:58:32
كلام حلو
اشتقنالك .. يا صديقي , الكلام من تمك بياخدنا أحلى مشوار .. بحس أني شب وبنسى اني ختيار . الف تحية لك
-سوريا
مي خلوف2009-06-18 16:27:11
حب حقيقي
ابن الضيعة كعادتك كلمات حلوة رقيقة رائعة تنساب من بين الشفاه كما ترفرف الروح مع نسمات الحب الصادقة شكرا لك وانشالله بتضل جنب المحبوبة تتبادلو الأسرار وتحكوا أخبار مدى العمر والحب يكون معبى الدار
سوريا
بنت تشرين2009-06-18 15:53:04
شكرا ..
كلامك عفوي وبريء وبعبر عن الحب بشكل رائع..بتمنالك الخير والحب
-سوريا
ناقد جدي2009-06-18 15:20:16
أكيد عم تمزح معنا
يعني لا وزن، ولا كلمات جديدة، ولا شي إلو علاقة لا بشعر ولا بأغنية.. حايالله قافية مصطنعة، وتجميع عبارات مستهلكة من هون وهون
-سوريا
هشام2009-06-18 15:18:54
فيروز
ليل واوضة منسية وسلم داير من دار ..... وبتعرف الباقي
-أستراليا
بسام البني2009-06-18 15:03:51
يسلم هالتم
بن الضيعة الغالي يسلم تمك يارب، كتير حلو هالنص، تحياتي..
-روسيا الاتحادية
محمد بسام مصطفى البني2009-06-18 14:07:34
تحياتي لشعورك
السامي ، ليتك تدعوني لزيارة تلك الأوضة لأجوب ربوع احساسك ، و اقرأ مفردات حبك ... رائع أنت دائما يا سيدي مع كل الحب
سوريا
حسام سلمان بركي2009-06-18 14:03:41
ليل وعلية
ليل وعلية وشوية حكي مع نسمة برية ولعبة بكي ... يمكن وشوشة هالغيمات يمكن صوت هالنجمات أو حتى رنة خلخال على الدرج متكي ... الله يعطيك العافية صديقي على شعرك العامي الحلو ...
قطر
Rima Aflak2009-06-18 13:58:52
هوية خاصة
تمتلكها مذ عرفناك..هوية ساحرة مزيجهاالطبيعة والحب والحنين..جميل كل ما تقدمه..لكَ مودتي وتقديري ابن الضيعة
سوريا
أسامة حمود2009-06-18 13:52:09
ابن الضيعة
ساحرة هي الكلمات حين تكللها العفوية الصادقة صدق الأرض ، الدافئة دفء الحب ، الممعنة شوقاً ومحبة .. دمت بألق عزيزي .
سوريا
غاردينيا2009-06-18 13:48:52
حلوة وبسيطة
كتير كلماتك حلوة وناعمة بتشبه نسمة الهوا الباردة بيوم صيفي وعالبحر ......... يسلمووووون
سوريا
خلودهاشم2009-06-18 06:27:11
جمبل جداااااا
رائع كعادتك, متفرد في لون محبب , بل ومتربع على عرشه, لك خالص تحياتي.
-كندا
ابن المدينة المنورة2009-06-16 19:38:04
شكرا ابن الضيعة
كلماتك بسيطة عفوية صادقة، تشعر وأنت تقرأها بالتفاؤل، وأكرر: لتهنأ من وجهت إليها هذه العبارات..بعض كلام الغزل يتمنى المرء لو يسمعه من صاحبه ولا يكتفي بقراءته فقط..الله يعطيك العافية
السعودية