syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مزودات إنترنيت تحمل سوء خدمة ADSL لمؤسسة الاتصالات
الاخبار المحلية

مزود خدمة خاص: المؤسسة وزعت لنا بواباتADSL  تعاني مسبقا من مشاكل إدارية وتقنية

مؤسسة الاتصالات: المؤسسة تعامل المخدمات الخاصة كما تعامل مخدمها  

أرجعت مزودات الإنترنيت الخاصة عدم قدرتها على تقديم خدمة ADSL للمواطن بأسعار مناسبة وجودة مرتفعة إلى تقييدها من قبل المؤسسة العامة للاتصالات بأسعار ومقاسم محددة، في حين قالت المؤسسة إن الأسعار توضع بالاتفاق مع المزودات مع مشاركتها في كل المقاسم، ولكن بنظرة اجتماعية تجارية.


وقال إداري في أحد مزودات خدمة الإنترنيت الخاصة اـسيريانيوز إنه "تم توزيع بواباتADSL تعاني مسبقا من مشاكل إدارية وتقنية على المزودات الخاصة، وفي مناطق منعدمة الطلب تقريبا، مثل ريف دمشق وريف حلب حيث معظم قاطنيها من الفقراء".

إلا أن معاون مدير المؤسسة العامة للاتصالات رؤوف العيد قال لـسيريانيوز إن "إعطاء بوابات ADSL للمزودات الخاصة تم بهدف توسيع القاعدة المخدمة للمواطن"، لافتا إلى أن "المزودات الخاصة ستأخذ حصة من البوابات في كل المقاسم الموزعة على القطر والبالغة عددها 110 مقاسم".

وأضاف العيد أن "المشروع سيستكمل في الأول من شهر تموز المقبل، حيث سيوزع نحو أربعة ألاف بوابة على المزودات العشر العاملة في السوق السورية".

وكانت مؤسسة الاتصالات وزعت 33 ألف بوابةADSL منحت منها نحو 359 بوابة كمرحلة أولى لكل مزود موجودة في تسعة مقاسم، هي دوما وجرمانا والتل والزملكة (ريف دمشق)، والثورة والقابون (دمشق)، والأنصاري وجسر الحاج والسليمانية (ريف حلب)، على تسعة مزودات انترنيت خاصة تعمل في سورية.

وحول وضع التنافسية في السوق، قال مسؤول مزود الخدمة الذي فضل عد الكشف عن اسمه "نحن لا نمتلك الحد الأدنى من المنافسة مقارنة مع مخدم تراسل (قطاع عام)، لا من حيث الأسعار ولا الجودة، بسبب امتلاكه انتشار أوسع وبالتالي عدد مشتركين أكبر"، موضحا أن "المزود الخاص وضمن الأسعار المفروضة عليه مضطر إلى اعتماد نظام تشاركي 1/8 إو1/4، ما يخفض السرعة بشكل واضح في وقت الذروة".

ولفت إلى أن "أسعار المخدمات الخاصة أعلى من أسعار القطاع العام، والجودة أقل في كثير من المقاسم، لأن القطاع العام يمتلك البنية التحتية وحرية الحركة".

بينما قال مدير التجارة في مؤسسة الاتصال نور الدين الصباغ لـسيريانيوز إن "المؤسسة تعامل المخدمات الخاصة على أساس مبدأ التعامل بالمثل، والأسعار واحدة على الجميع"، موضحا أن "الإنترنت بشكل عام تشاركي ومخدم المؤسسة يطبق هذا النظام، ولكنه يراعي عدد المشتركين واستطاعة المخدم".

ومن جهته, قال طارق كناي، من مزود الإنترنيت إلكوم، لـسيريانيوز إن "منحنا بوابات ADSL هو نوع من الترضية، فهي في مناطق نائية"، مضيفا أن "الأرباح من هذه البوابات لا يتعدى 2% فقط"، مبينا أن هناك بوابات شاغرة في كثير من المقاسم الممنوحة لنا مثل جسر الحاج والسبب الفقر الشديد الذي يعيش به الناس في مثل هذه المناطق".

في حين، قال المدير التجاري في المؤسسة إن "هدفنا هو خدمة الزبون في كل المناطق ولكل الشرائح الاجتماعية، وهذا ما دفعنا لمنح المزودات الخاصة بوابات ADSL في جميع المقاسم مع معرفتنا بأن هناك تفاوت في الطلب بين المقاسم".

وبين الصباغ أن "الأسعار وضعت على أساس تجاري وبالاتفاق مع المزودات الخاصة، حيث أن أرباحهم مقبولة وهي تزيد عن 12%، لكن التاجر يبحث عن الربح بشكل دائم ويريد الزيادة بشكل دائم".

بينما اعتبر كناي أن "المؤسسة لا تمتلك خطة تسويقية أو دراسة للسوق، في حين نحاول نحن مساعدتها على معرفة السوق ومناطق الطلب".

الأمر الذي حدا بالصباغ إلى القول إن "المؤسسة تعمل على دراسة السوق واحتياجاته بشكل دائم، ولكنها تبني برامجها التسويقية على أساس اجتماعي تجاري، وليس ربحي تجاري فقط".

وأشار كناي إلى أن "خدمة ADSL متوفرة في الدول المجاورة بجودة أعلى وأسعار أقل، لقدرة القائمين عليها توفير البنية التحتية المناسبة"، لافتا إلى أن "البنية التحتية لخدمة ADSL في سورية تعاني من مشكلات كبيرة منذ أربع سنوات ولم تحل إلى الآن".

في الوقت الذي اعتبر فيه الصباغ أن "المؤسسة تعمل على تطوير البنية التحتية لشبكة الإنترنيت، لكن هناك معوقات كبيرة ضمن العمل وجهات كثيرة تشاركنا العمل، فالمسألة بحاجة إلى الوقت ونحن مستمرين في العمل لمواكبة الاحتياجات المتجددة للسوق".

وأشار الصباغ إلى أنه "ضمن معطيات السوق خفضنا أسعار ADSL في شباط الماضي نحو 40%، كما سيتم إعادة النظر في الأسعار الحالية مع بداية العام المقبل، فتقديم السعر المناسب مع الخدمة الأفضل هو هاجس العمل الدائم لدينا".

وعن ميزات المخدمات الخاصة عن العامة، لفت كناي إلى أن "ما يميز المخدمات الخاصة عن مخدم الدولة هو الروتين الممل في أروقة المؤسسات العامة وامتلاكنا ثقافة احترام الزبون وهذه الميزة هي الوحيدة التي نمتلكها".

وحول مشكلة الروتين، لفت الصباغ إلى أن "المؤسسة رغم ثقافة الروتين التي تسيطر على الموظفين، تعمل على تخفيض الإجراءات الروتينية، حيث أطلقة نظام خدمة الزبائن في معظم مقاسم دمشق وريفها ودرعا والسويداء في طريقه إلى كل المحافظات، حيث يصبح تعامل المواطن مع موظف واحد يخضع كل الخدمات لجدول زمني، يحاسب على أساسه كل مقصر أو متباطئ في خدمة المواطن".

يشار إلى أن المؤسسة العامة للاتصالات تتبع لوزارة الاتصالات و التقانة مهمتها توفير خدمات الاتصالات وتقنية المعلومات كما تتمتع بحق الحصر للاتصالات السلكية واللاسلكية في جميع أنحاء الجمهورية السـورية.

رواد بلان - سيريانيوز


2009-06-12 20:43:13
شاركنا على مواقع التواصل الاجتماعي:



شارك بالتعليق
عدنان2013-04-03 18:27:52
النت
النت بسوريا للاسف بطيئ ويعود ذلك للطمع من قبل المؤسسة والمزود رجعتونا 50 سنة لورا والحق أخير على المواطن ... لو كل مواطن ترك الخدمة شهر واحد فقط ساعتها المؤسسة والمزود لح بيبوسو الأيادي بس السؤال الذي يطرح نفسه ؟ الدولة أين هي عن قطاع النت على اساس سورية متطورة تكنلوجيا ؟؟؟؟؟
-سوريا
موظف في خدمة الدعم الفني لمزود تراسل2011-12-04 12:27:05
الرد على سنفور
نحنا منوافق على الغاء الخدمة عندك (الخدمة يلي انت مو عاجبتك وعم تتكبر عليها) لانو في 100 مشترك غيرك عم يبوس الايادي كرمال نعطيه بوابة لذلك ناخذ منك البوابة ومنعطيعها لشخص مالو متكبر على هل الخدمة يعني نحنا مامنضيع ملايين الليرات على المؤسسة
سوريا
عبدالرزاق زوزو2010-03-11 08:36:44
adslجبلة العظيم
يعني معقول من الشهر الاول حتى الآن وانا منتظر حتى يصلحوا الأرضي على خطي الهاتفي من اجل adsl العظيم يعني والله كرهت حالي قد ماعطوني ابر مخدر ببريد جبلة العظيم3 أشهر وأدفع اشتراكات عالفاضي معقول نعم معقول بجبلة كلشي معقول.يعني لهلق ماحدا عميفهم علينا طيب مين بدنا نراجع لنراجع دلونا. نصحونا يا شباب بنلغي هالاشتراك التحفة ومنقلب على surf بس يا خوفي يصير فينا متل اللي راح من تحت الدلف لتحت المزراب jeblawee
سوريا
هارون2009-08-10 22:42:29
شو رأيكم باللي بيجبلكن حل جذري
و الله يا شباب أنا بعد التمحيص و التدقيق في كل أحوال العباد بدءا من الانترنت مرورا بالرواتب و الشوارع و أزمة السكن و نضوب النفط و نفاقم عجز الموازنة و الازمة العالمية الاقتصادية المؤقتة و الأزمة الاقتصادية الداخلية الدائمة طلعت بحل جذري و ظريف و حلو و حباب .............الهجرة و خاصة إلى كندا أو إلى استراليا
-سوريا
Funny2009-07-19 18:16:26
الموت
الموت للمؤسسة العامة للاتصالات الموت لكل من تسول له نفسه التخلي عن تقدم الامة و الشعب من اجل مصالحه الشخصية و ملذاته الشخصية الموت .........الموت..........الموت إلى الجهاد إلى الجهاد و إنشاء الله تكون بخير
-السلفادور
مستخدم إنترنت2009-06-29 13:05:01
البروكسي
كنت من زمان فكر أنو المشكلة عنا بضعف البنية التحتية للشكبة، بس من فترة وبعد ما قفعت معي من كتر المواقع المحجوبة بطعمة وبلا طعمة (أمازون، حتى الصور من ويكيبيديا، وكل شي يحتوي كلمة blog) قررت غير البروكسي، بس المفاجأة ما كانت أنو المواقع صارت تفتح وبس، المفاجأة هي أنو سرعة التصفح صارت بتهبل! شي ما بيتصدق. فتخيلوا حجم العطلة اللي عم تتسبب فيها الفلاتر المطبقة بمخدماتنا وبدون أي فائدة أمنية.
-سوريا
kamal2009-06-17 00:02:27
و الله عيب على المؤسسة العامة للإنترنت و البطيخ هه
حللللللللللوه منك جيت بالموسم حتى البطيخ غالي بالمقارنه مع اسعار النت لعمى بقلبهم
سوريا
محمد2009-06-15 13:35:31
الى amr.h
أخي هذا يدل على مدى ضحالة العقلية للعاملين في مؤسسة الاتصالات محسبين الانترنت رفاهية . مثلا خذ دولة عربية فيها خدمات الانترنت يعني ليست مطورة مثلا اليمن هناك اذا تريد أن تأخذ خط دي اس ال محدود مثل يلي عندك ( تأخذ يعني تأخذ بعد 3 أيام من التسجيل للخط ) بسرعة 256 السعة بتكون 7 غيغا و ب 600 ليرة و انا عم أحكي عن اليمن مو الخليج و ألمانيا
-سوريا
syriansomewaye2009-06-15 12:19:17
تقنية حجرية..
كيف بدو يصير في عنا تقدم وتخديم بمستوى متقدم ؟؟؟؟ لك اذا المسؤول بشكل مباشر عن طلبات وخدمة الانترنت بمقسم التل شخص ما بيعرف الفرق بين كابل الانترنت وكابل اللاقط ؟؟ ما بيعرف الفرق بين خدمة ADSL وISDN هاد التقدم ؟وبالنسبة لخدمة الانترنت عنا بسوريا هي اسوء خدمة بالمنطقة كاملة وقد توازي سوء الخدمة الموجودة بالعراق !!! على كل حال الله يقدم الي فيه الخير ما فينا الا نقول إنا لله وإنا إليه لراجعون ..
-سوريا
سوري2009-06-15 11:07:12
لول
انا لن اتكلم عن الانترنت في المانيا او الامارات لانه اصلا لاتجوز المقارنة بسبب اختلاف حكومات هذه البلدان. ياجماعة في ليبيا!! "ليبيا" بتعرفو شو يعني ليبيا؟ قسما بالله صعقت لما رحت على ليبيا و اكتشفت انو الانترنت عندهن احسن من عنا! طيب ليش يعني بدك بلد متخلف اكتر من ليبيا؟ سوريا.
-سوريا
مو مهم الاسم2009-06-15 10:27:29
كل شي بسوريا حلم و معجزة
يا جماعة كل شي بسوريا حلم بتحلم انو يكون عندك بيت بتحلم انو يكون عندك سيارة بتحلم انو يكون عندك شغل محترم بتحلم انو الموظف باي دائرة كانت ما يتسلبط عليك بتحلم انك تاخد اي نوع من الخدمات بشكل جيد بتحلم بكتير شغلات و اذا تحقق الحلم باحدى هذه الاشياء بيكون بقدرة قادر فما وقفت على الانترنت
-سوريا
سنفور2009-06-15 07:51:26
عدم احترام الزبون
في مراكز الهاتف لايوجد ثقافة احترام الزبون من مدراء المراكز حتى الموظفين فإذا كنت تريد الغاء اشتراك دارة ADSL نتيجة سوء الاتصالات يتم الموافقه عليها فوراً ويستغنوا عن دفع المواطن للمؤسسة الاشتراك الشهري 1500 ل س اقل شيء من كل داره وقس على ذلك بدل أن يقوموا بحل المشكلة فهؤولاء لا يتميزوا بشيء عن الذي يسرق ويرتشي لآنهم يضيعون على المؤسسة مئات الملايين سنوياً
-سوريا
محمود2009-06-15 07:37:00
تعليق الاخ مواطن مغدور أحلى تعليق بشوفوا
والله عجبني تعليقك كتير، انا دارس هالاختصاص بس والله بحياتي ماشفت هالكم الهائل من المصطلحات الانترنيتية هههههههههه بالعربي. اما بالنسبة للموضوع فلا تعليق لانو ما بيستاهل التعليق علية. كل يوم نفس الحكي والمبررات وكأنو معضلة غير قابلة للحل... معون معون بيصير
-الصين
خارج نطاق التغطية2009-06-15 06:53:43
معجرة النت في سوريا
فعلاً يا لسخرية القدر صار الحلم بانترنت سريع بسوريا معجزة سماوية والاسعار في بلدنا العزيز تفوق سعر النت في كل دول الجوار وطبعا لاننسى أنو الخدمة أسوأ بكتير من الكل شو حلم ولا معجزة يصير عنا نت متل العالم والخلق
-سوريا
ابو سمرة2009-06-15 00:38:11
لك أأأأأخ
لك أأأأخ وين نحنا ووين الحضارة..والله شي بيقهر,, لك ياشباب كني المشافي الخاصة متعاقدة مع الاتصالات..مشان الواحد منا تجيه الجلطة من ورا خطوط الانترنت اللي بتهوي وفورا لاقرب مشفى خاص والعمولة بالنص
سوريا
hazemsyria2009-06-14 23:26:25
اعصار كاترينا سببه مؤسسة الاتصالات
الموبايل مؤسسة الاتصالات الانترنت مؤسسة الاتصالات تسونامي مؤسسة لاتصالات بتعرفو شو الحل ؟ كل حدا بيصحلو سفرا برا هل بلد يحمل حالو ويهرب احسن ما بكرة تصير مؤسسة الاتصالات تنشر انفلونزة الخنازير الاتصالية لا لا وشو اربح مؤسسة بالبلد هي مؤسسة الاتصالات ثانكس يا وزير الاتصالات خليكون هيك
-سوريا
مواطن درجة سابعة2009-06-14 22:57:55
أنتحر
يا حبيبي فهمنا الحكومة مانعة المسؤولين يحطوا أنترنت بمكاتبهم مشان مايشوفواالعالم لوين وصلوا ونحنا وين خوفا من العدوى تنتقل لهم طيب نحنا هالمعترين يلي أسمنا مواطنين شو ذنبنا أذا شفنا أو ماشفنا شو طالع بأيدنا نغير وأقسم بالله العظيم أنا حاليا بالصحراء اليمنية الأنترنت مافي أسرع من هيك موبايل تغطية فل ولما بكون ببيتي بسوريا كل نهار بفكر أنتحر من الأنترنت والموبايل وأسمي ساكن بمنطقة درجة أولى لاتقرفواوالحل سهل كبوا هالموظفين يلي لسه بيشتغلوا عالديزل وجيبوا ناس تفهم شو بيعني عصر الأتصالات
سوريا
away from home2009-06-14 22:31:48
مزودات إنترنيت تحمل سوء خدمة ADSL لمؤسسة الاتصالات
i have been for so long away fro home morthan 4years until now i didnt hear any good news from there and when ever im thinking of viseting syria i say again no just wait maybe it going to be better but please with all of thos news its pushing me to forget home please guys someone can tell me when is it going to be better ?so i can go back even if it going to emprove atleast10% how long?
نيوزيلندا
جهاد2009-06-14 16:23:00
جديدة ؟
شو مشان يركبو ADSL بجديدة عرطوز , يعني صرلنا ناطرين سنين , و بعدين ؟؟؟؟؟؟؟؟؟؟
-سوريا
نضال2009-06-14 15:42:32
بلا دي اس ال بلا بطيخ
انا واحد من الناس يلي دخت على خط دي اس ال و ما حصلت عليه ولا بايي طريقة لأني زلمة عادي حقي فرنكين بهالبلد و بصراحة ما دفعت ولا ليرة لحدا كرمال اخد خط ... بس بكل بساطة رحت و دفعت 10000 لشركة ام تي ان مشان اخد خط3G لأنو معاملة احسن و سرعة أكبر و مافي شي اسمو الانترنت اليوم مو شغال من فضل الله ايمت ما بدي نت بفتحو و بسرعة خيالية..انسوا يا جماعة موضوع الاي دي اس ال لأنو فارط ما منو شي غير وجع الراس و الخورفة ... بلا منو احسن يتهنو ببواباتهن ...السلام عليكم
سوريا
مقسم داريا2009-06-14 14:28:41
مافي شي بفش الخلء
لا تزعلو كتير انا عندي خط ADSL واحد غيغا على اساس و السرعة بتهوي
-سوريا
salim2009-06-14 14:12:56
السرعة.............
أنا موجود في منطقة القابون وطبعا بمقسم القابون مافي بوابات فتم السحب من برزة والسرعة المسجلة 256 والواصلة فقط100 وتم تقديم طلب لرفع السرعة من أسبوع بدون أي تعديل الى الان المشكلة أنوهي شركةغير مسئولة ويجب التخصيص
-سوريا
محمد2009-06-14 14:12:58
حلو التنافس
المؤسسة وزعت حزة وحران العواميد وببيلا وضيع الصحراء والقبائل العربية المنتشرة بالبادية لصالح المخدمات الخاصة عيشو بالنعيم
-سوريا
زكية الاعواج2009-06-14 12:35:45
ايدي فاضية
نعرف انا مقسم بفداد والنصر لايوجدبوابات الان والاسعار مرتفعة جدا بالنسبة للصومال وموريتانية اريد الاطلاع
سوريا
مهندس كومبيوتر2009-06-14 12:07:38
جربوا DSL الجمعية المعلوماتية
يا جماعة أنا جربت ويوجد فرق واضح الشبكة بالجمعية المعلوماتية لا تزال أفضل وبالتالي ستلاحظون فرق واضح بالخدمة. وأعترض على وزارة الاتصالات بطريقة توزيع الخدمة على المقاسم حيث يجب تلبية أماكن تواجد الطلب لا أن تترك مناطق الطلب وتقدم الخدمة بالمناطق النائية حيث لا يوجد طلب عليها أساسا. وأقترح عدم التدخل بالاسعار وترك المزودات تتنافس حتى يبقى الأفضل
-سوريا
مواطن من درجة الثانية2009-06-14 11:54:15
من سابع مستحيلات يصير عنا شي اسموا إنترنيت
لا حول ولا قوة إلا بالله شو الموضوع شو هاد يلي اسموا إنترنيت عن شو عم يحكوا ؟؟؟؟ والفضل كله لمؤسسة الاتصالات **
-سوريا
danee2009-06-14 09:39:04
قال سوريا
اسوء دولة في العالم في الحضارة والتنكولوجياهي سوريا سواء بالانترنت او الموبايل شي غريب شوفو العالم كيف عايش سوريافي المريخ مش على الارض
سوريا
ابو احمد2009-06-14 09:18:50
رؤوف العيد ملك التشاركية
فل يحيى رؤوف العيد ملك والتشاركية و الاشتراككككككك اي حاج يا لك لافي تشارك ولافي خدمة اصلاً عيب استحوا
-سوريا
عيب22009-06-14 09:17:56
رد على رد عيب
هادالحكي طبعاً بحلب طبعاً زبطت معي ونص وخمسة لأنو بالعلامة الراوتر اللي عبيعوه ماركة Chronos ونجلطت وقت طجيت حقه!!! وللأسف كنت مسدقه أنو قال شو معيرين الراوتر ليش ايمت كان الراوتر يتعير هو أصلاً بيجي جاهز مع أنو أنا عبدرس شبكات بس للأسف لسه بصدق. الله يسامحن بس أنا كلي على بعضي طالب.
-سوريا
محمد2009-06-14 09:17:56
الحل ممكن
الحل ممكن ببساطة بعزل مايسمى مشروع الانترنيت عن مؤسسة الاتصالات.. وايجاد هيئة جديدة لإدارة الانترنيت مختلطة عام وخاص طبعابعد الاستغناء عن العاملين السابقين بالمشروع المشبعين بالروتين والفساد
سوريا
موضوع هام ارجو نقله لقسم التحقيقات2009-06-14 05:16:44
ارجو نقله للقسم الرئيسي
يجب ان يتطلع على هذا الموضوع اكبر عدد من الناس ليعرفوا كيف تعرقل المؤسسة الشركات الخاصة من تطوير نفسها
سوريا
amr.h2009-06-14 04:52:52
سرررررررررررررررررررقة
يا جمااااعة انا اشتركت بالدي إس إل (يعني نهب) أخدت خط بيانات مغلقة يعني على اساس 2 غيغا يكفي بالشهر فتحت ساعة و14 دقيقة اطلعت على حسابي طار منو 294 ميغا يعني كيف طاروا ما بتعرفو يعني الانترنت عنا مو سرعتو حتى يروح 300 ميغا بساعة وتلت للأسف طاروا يعني على هيك بدي كل يوم 2 غيغا يعني تقريباً بدي 15000 شهرياً واذا اخدنا الخط مفتوح رح يكون تشاركي مع 8 اشخاص اجباري من مؤسسة الاتصالات يا جماعة بالسعودية سرعة واحد ميغا بالشهر ألف وهي واحد ميغا نحنا 256 1500 كأنو كتييييير رح ننتظر لل2080 بجوز ترخص
-سوريا
محمد2009-06-14 00:16:29
تسقط الاقطاعية و الرأسمالية و الدايل أب
أد ما كان دي اس ال سيئ فبكون أرحم من الاستغلال تبع الديال أب يلي الأغلب بستعملوا و مافي بوابات دي اس ال .شكرا لجهودكم
-سوريا
رؤى2009-06-13 23:46:52
الحضارة
بيننا و بين الحضارة بحر عميق
-سوريا
مهندس كمبيوتر2009-06-13 23:44:51
و الله عيب على المؤسسة العامة للإنترنت و البطيخ
عنا هون بأوكرانيا و الله العظيم أنو عندنا عم توصل الإنترنت بالبيت لسرعة 100 ميغا و هي موسرعة شبكة هي سرعة إنترنت حقيقي لأني بيصلوا عاليت كابل ضوئي سرعة السحب ضمن الشبكة 1000 ميغا بت/ثانية و بتحجزوا و بيوصلولك الإنترنت خلال 4 أيام و عدا عن التلفون المنزلي صار عن طريق الإنترنت تقنية SIP و عدا صار التلفزيون يبث عن طريق الإنترنت بدقة عالية Full HD و كل هالخدمات بياخدوا عليها 1000 ليرة عالسوري بقى و الله عيب عليكم ياوزارة الإنترنت والبطيخ السورية أتمنى من سيادة الرئيس أن يغير و يحاسب كل المفسدين
سوريا
الرجاء تخفيض الاسعار2009-06-13 22:44:07
ثمن االخدمة بمصر 300 ليرة سوري
ثمن خدمة الانترنت السريع سرعة 256 بمصر هو 24 جنيع شهرياص و يعني 300 ليرة سورية لا غير
سوريا
شااااااااااااااااااااااااامي2009-06-13 19:30:26
الله بعين الشعب عالنت السوري
لك شو بدي احكي لا احكي لك النت عنا يمكن مافي منو بكل العالم طبعا من شو من السرعة ههههههههههه
-سوريا
علاء2009-06-13 19:15:28
طالب هندسة نظم معلومات بالجامعة الافتراضية
مابعرف شو بدي احكي يعني شوف المفارقة انو نحنا بسورية صار عنا اول جامعة افتراضية بالشرق الاوسط في بلد يعتبر الاضعف عربيا وعالميا في مجال الاتصالات والانترنت يعني المفروض كطالب فيهااني احضر من البيت بس حتى مراكز النفاذ ماعم تستوعب اعدادالطلاب وعم يطالبونا نشترك بخطوط سريعة نظرا لتحسن الخدمة على حسب قولن فوق الاسعار الكاوية للمواد وهاد الشي طلبه رئيس الجامعة رياض الداوودي من الطلاب لانو مراكز النفاذ مخصصة للامتحان فقط كما تقول الجامعة ومساعدة الطلاب نظرا لضعف الخدمة في سورية
سوريا
أبو جندل2009-06-13 19:19:04
يا حسرة
والله يا جماعة عندي تلفون وانترنت 256 ولهلأ ما بعرف وين المقسم وما بعرف ادفع إلا عن طريق الانرنت أو الصراف , ما شفت ولا كوة هون , على كل حال بعد شوي رايح ادفع فاتورة الكهربا بس أرجع على البيت قبل ما نام يا ريت يصير عنا متل هون بالسعودية
-السعودية
حساس اه يا نيالي2009-06-13 18:45:29
انا سوري اه يا نيالي
نور الدين الصباغ يقول : \"الإنترنت بشكل عام تشاركي ومخدم المؤسسة يطبق هذا النظام، ولكنه يراعي عدد المشتركين واستطاعة المخدم \" القسم الثاني من هذا الكلام غير صحيح ابداً وكأن السيد نور غير عايش بالمؤسسة لو انكم تراعون استطاعة المخدم لكنتم اوقفتم الاشتراك من سنتين فمخدم تراسل ماشي بقدرة قادر سبحانه وبالحس الوطني للموظفين فيه واذا مو مصدق روح واعمل زيارة للمخدم بتعرف ليش عم بحكي هالحكي
-سوريا
جيمس بوند السوري2009-06-13 18:17:41
تيتي...........تيتي
الأنترنت هي هي؟؟؟؟!!!!! تيتي تيتي متل مارحتي متل ماجيتي لك والله والله ماعم نطلب شي…………!!!!!!!!!!!!!!!!!!! غير يحسنو شبكة الديل آب ويخفضو الاسعار وبس
-سوريا
نمر2009-06-13 17:58:32
رساله
بدي اعرف سؤال واحد بس المشؤلين عنا مابشغلو النت حتى يشوفوا هالبهدلة . بلد تعبان على الاخر.
-هولندا
rdsouki2009-06-13 17:25:32
light
انا بدي افهم وزارة الاتصالات فيها الاف الموظفين والمهندسين والخبراء شو مهمتهم , ليش ما بسلموا الانترنت لشركة محترمة متل الاتصالات الاماراتية او زين الكويتية وخلال سنة بتنحل مشكلة الانترنت بسورية.
سوريا
سليم الكتدي2009-06-13 15:46:34
اسعار سوريا وكتدا
انا هون مشترك بكندا بسرعة 6 ميغا وتحميل غير محدود بالشهر لاول سنة بس دولار مع الضريبة وكل شي وبعد نهاية السنة الاولى بيصير كل شهر 33 دولار يعني تقريبا 1300 ل س ولا تنسى بقدر احمل الى مالا نهاية بس بسوريا بيساوا شفلة لازم يربحوا من اول سنة وحتى لو كان المشروع هدية وتحميل محدود ومع هيك الاسعار اغلى من كندا يمكن الرواتب بسوريا اعلى من الرواتب بكنداوالخدمة كمان هون احسن بمليون مرة
-سوريا
حلال المشاكل2009-06-13 15:14:47
الحل موجود
يوجد حلين لموضوع الأنترنت 1- تركيب مقاسم حديثة مع كابلات عالية الجودة و هذا الحل (مكلف جداً ) 2- الحل الغير مكلف استخدام ابراج الموبايل من قبل المؤسسة العامة للأتصالات لتوفير هذة الخدمة او حتى القيام بشراء معدات ما يسمى بال WiMAX و اني ارى انه من الأفضل الأستغناء عن الكابلات في موضوع الأنترنت نهائياً و ذلك لتفادي الأعطال و الكلفة العالية للصيانة في حال حدوث قطع في الكوابل ارجو اخذ اقتراحي بعين الأعتبار و شكراً لسيريا نيوز
-سوريا
مواطن2009-06-13 15:09:10
أداء الانترنت سيء وغير مستقر منذ إنطلاقها بسوريا و
منذ أن دخلت الانترنت لسوريا وحتى الان لايوجد اي استقرار في الأداء فالأعطال دائمة - إنقطاعات - بطء - وبالنسبة لمخدم الـ ADSL فيتوقف عدة مرات يوميا - والسرعة غير مستقرة - وخدمة الزبائن بالنادر حتى ترد على الهاتف بدون أن تعطي أي معلومات مفيدة - اتمنى ايجاد حل دائم لهذا الموضوع بالإستفادة من خبرات الدول المجاورة فالأمر بسيط وغير معقد وإلا ممكن أن نبقى عشرة سنوات اخرى بنفس الاداء والمشاكل
-سوريا
ali2009-06-13 14:40:08
يا حوينتك يا سوريا
يا حرام يا سوريا شو عم يساوو فيكي ... لتاريخ هي اللحظة ما شبعوا وعم يقولوا هل من مزيد ... ارحموا الشعب وانا مع رأي أحد المشاركين روحوا بيعوا المؤسسة في سوق الغنم أحسن قال اتصالات قال ... روحوا شوفوا العالم وين صار وين تطور ... ولسى كل مسؤول بيطلع وبيعلق وبيختلق الاعذار يلي ما بتفوت بمخ ولد عمره 5 سنين ... زمان التعتيم والجهل ولى ... نحنا عم نشوف بعيونا على الفضائيات التطور المثير على مستوى الدول المجاورة ... ونحنا لسى عايشين على امل الخطة الخمسية وترديد الشعارات الطنانة في الطابور المدرسي
-سوريا
بني ادم عايش با حلب و محلو با الراموسة2009-06-13 14:15:25
مقسم الراموسة لا يعرف ما يعي ميزة ال ADSL
اخوني شكرا لهذا المقال يلي فعلا بتحس انو الناس وصلت للقمر و نحنا اعدين بنفكر شو يعني ال ADSL!!! لو حدا منكم اجا مقسم الراموسة با حلب و سال با المقسم عن هل ميزة رح يتاكد من هل حكي مع العلم انو نحنا مو بريف نحا با المدينة و المقسم من اربع سنين كلو مشاكل ( يمكن غشون با نوع المقسم )لهلىء لا بيشتغل ديل اب و لا ADSL و حتى ال ISDN بينصحوك المواظفين لا تتورط مو شغال با المقسم شي اسمو انترنت هون السوال للسيد الوزير ليش الدولة بتدفع ملايين على شي ما بيشتغل وليش مقسم الراموسة ما بيشملو تطوير
-سوريا
حسام2009-06-13 14:10:27
حولونا لشحادين.. عم نشحد الخط شحادة و مع هالشي ماع
حولتنا شركة الاتصالات شحادين لخط الـ adsl و ياريت بعد كل هالشحادة بيعطونا خط.. حمدوا ربكون في منكون عندو خطوط . انا بمشروع دمر حاولت مليون طريقة مشان آخد خط بس كـ العادة مفي خطو بالمشروع و الاضرب أنو بس جابوا خطوط ما وزعوا على مقسم المرشوع مع أنو أكتر مقسم ليه طلب في سوريا حسب رأي الموظفين هنيك. و الله رح ندفع ما حناخد الخط ببلاش بس عطونا خط....!!!
-سوريا
Rifai_Wallce2009-06-13 13:42:44
حل المشكلة
الحل الوحيد للمشكلة المعضلة للانترنت هو انو يتركو هل المخدمات تشتغل على راحتا و يمنعو الاحتكار او الاهم و الاحسن انو يحسنو طاقم الPDN او يسلمو لجهة خاصة قادرة على ادارة المشروع من الناحية الادراية التقنية و الخدمية . وبالنسبة للمزودات الخاصة طبعا و للاسف هي ضحية دائما لمشكل المؤسسة و ال PDNطبعا هاد الشي ما بعني انو المزودات الخاصة لايمكن ان تصاب بخلل لاكن الفرق عندما يتم الحل هذا الخلل خلال دقائق وليس ساعات او ايام .........
سوريا
مواطن قرفان2009-06-13 14:02:47
تخلف
لك اذا عم يصادروا الموبايل تبع البطاقتين, فكيف بدكن انترنت؟؟ مؤوسساتنا و وزاراتنا عنوان التخلف
-سوريا
اغلقو وزارة الاتصالات2009-06-13 14:03:56
سورية البلد المتخلف في عالم الاتصالات
جميع الدول العربية افضل من سورية بجميع مجالات الاتصالات لدرجةنحنا عم ناقش بتطوير موضوع بينماالعالم الباقي هو عم يغيروا او يستبدلو انا مقميم بقطر وقت انزل على الشام بنقطع عن العالم الخارجي بسبب تخلف الانترنت انا بس بدي افهم وزير الاتصالات شو شغلتو !!!!!
-سوريا
مواطن مغدور2009-06-13 12:46:56
الى موامن عربي سوري
في البداية قالو بدل الراوتر ...اشترينا واحد جديد جرى تشغيلة في مقسم السليمانية والحمد لله اشتغل .. ولكن من المقسم الى صندوق المستهلك يوجد كبل رصاصي وسوف يستبدل بكبل نحاسي بعد عشرة ايام؟؟؟؟ ..ويوجد في اماكن اخرى كبلات فايبر..الاستفادة من انقطاع الانترنت اصبح لدي خبرات في مصطلحات الانترنيت ( بوابة..الياف..كبل فايبر..كبل رصاصي..كبل نحاسي...راوتر ...مخدم .. حزمة عريضة...غرفة التجربة...الكبل الرئيسي.. الكبل الفرعي..) قال ناقلية الكبل النحاسي اكبر من الرصاصي؟؟؟؟نقلونا الى رحمة الله
-سوريا
Jakmot2009-06-13 12:53:14
إلى صاحب الرد بعنوان ( عيب )
عيب عليك هالكلام عن مزود آية ,لان أية هي المزود الوحيد يلي ما عم ببيع راوترات نهائيا ,,, لا 700 ليرة ولا 700 الف حتى ,,, فكيف زبطت معك هالقصة ؟
-سوريا
someone2009-06-13 12:43:08
والله عيب
يا جماعة لو كانت عملية ولادة قيصيرية كانت خلصط. من يوم ما دخل الإنترنت لسوريا لليوم هاد كل يوم امنسمع وعود ومشاكل. والله لو كنت مكانكون لكنت استقلت وأعدت بالبيت ويموتو ولادي من الجوع لأني بكون ما بستاهل كون بني آدم بس أهل أول ما كانو غلطانين لما آلو يللي اختشو ماتو
-سوريا
محمد عامر2009-06-13 12:34:00
مشكلة الـ ADSL
مشكلة الـ ADSL أنه وعند حدوث أي مشكلة على البوابة فهي ليست مسؤولية المزود وانما عليك أن تراجع المقسم الهاتفي وعندها تكون الطامة الكبرى حيث عليك أن تقدم طلب وشكوى لفحص البوابة
سوريا
موسى حامد2009-06-13 12:30:53
الى انترنتجي
أنا لست مع مزودات الخدمة ولكن هل تعرف ان مزود الخدمة يدفع اجرة كافة البوابات التي اعطته اياها المؤسسة كأجار سواء باعها أم لا وبذلك فالمزود مهما كانت ارباحه فهو خاسر أولاً وأخيراً
سوريا
بريجيت باردو2009-06-13 12:25:03
نصب
لماذا تقوم المؤسسة بمحاسبة المزودات على البوابات قبل التركيب ولماذا يتم تحديد السعر بمالايقل عن سعر تراسل ولماذا الحصة الأكبر لسعر البوابات عاد للمؤسسة ولماذا ....ولماذا.... مو كلو مشان مصلحة المزود الفاشل تراسل؟؟؟
سوريا
باسم2009-06-13 12:19:02
adsl لغوه بأمريكا والدول المتقدمه وباقيله سنه ويلت
يالله مو معقوله ADSL التغى بأمريكا والدول المتقدمه وباقيله سنه ويلتغى بالخليج كله لانه صارت تكنلوجيا قديمه ولسه انتوا عبتفكروا توسعوا ADSL عتبي عليكم والله.
-سوريا
جمال السباعي2009-06-13 12:21:00
ثقافة الروتين
أعجبتني عبارة \" ثقافة الروتين \" وكأن هذا الداء صار شيئاً يحسب له حساب ... بل صار تراثاً وقسماً يقسم عليه الموظف كقسم الطبيب .... ووما يثير الاستياء في هذه المقالة التي ترفع ضغط قارئها أن أمور مزودات الخدمة ما زالت بين أيدي أناس لا يفقهون ماهية التطورات المتسارعة في العالم لهذا العلم الذي يتسابق الكل في ساحاته بل ولا يأبهون بينما ما زلنا نحن في الصفوف الخلفية بسبب \" ثقافة الروتين \" .. ناهيكم عن مبدأ التجارة الذي يتعامل به هؤلاء مع المواطن لأنه بالنسبة لهم سلعة ودجاجة تبيض مالاً حقاً
-سوريا
اسماعيل النمر2009-06-13 12:18:41
صار عنا انترنت
عندي خط 256 بس التحميل معير على 30 كيلو بايت ما يتجاوز ذلك وبيغلة جديدة انه صار كل حارة تشترك بخط واحد من 256 اي الانترنت راح بطي جدا
سوريا
اااااااا2009-06-13 12:06:57
عملية نصب احترافية
حتى أسعار خطوط الانترنت غير صحيحة، فسعر خط الانترنت سرعة 256 هو 6 آلاف ليرة، فهذا الخط تشاركي يشترك فيه أربع أشخاص على الأقل إن لم يكن 8، ولنفترض أربع أشخاص كل شخص يدفع 1500 ليرة، إذا 6 آلاف، ولكن عملية النصب كانت بأن جعلوها تشاركية، أرجو أن يصل هذا الكلام إلى المسؤولين الذي يستغبون الشعب
-سوريا
أريج2009-06-13 11:52:37
تحية من القلب
تحية من القلب إلى السيد معاون المدير العام رؤوف العيد وإلى كل الشرفاء أمثاله الذين يهتمون لمصلحة الوطن والمواطن.
سوريا
انترنتجي2009-06-13 11:50:39
جشع
لم يصرح اي شخص بالاسعار ..لماذا ؟ اعتقد ان طمع و جشع بعض مزودو خدمة الانترنت هي السبب .. مهما كانت الاسعار فهم رابحين ..
-سوريا
Lavender2009-06-13 11:46:40
داء خلئي يا صبي
ياالله ..إيمتى بدو يصير بمقسم ركن الدين في بوابات ADSL ؟؟؟ لأنو والله رح نموت من الDial Up .. كل شهر بروح على مشروع الأنترنيت بالمهاجرين و بيقولولي ..وين ؟؟بمقسم ركن الدين !! ..عيني ما في هلاء!! ..راجعينا بعد شهر
-سوريا
ADSL2009-06-13 11:28:44
إلى الهيئة العامة للرقابة و التفتيش
هناك من مشترك بحزمة 256 كيلو وتصل السرعة لعندو 1 ميغا أو 2 ميغا يرجى الرقابة أصولا على الموظفين المسؤولين لأن الحالات صارت عديدة و بالمثات و الخير لقدام
-سوريا
فني عتيق2009-06-13 11:21:32
أتمتة
أغلب المقاسم التي يتم تركيب الADSL فيها حالياً تتمفيها عملية أتمتة فكيف ومتى والى متى سننتظر جهوزية المقاسم .
سوريا
مواطن مستغبى من قبل الآخرين2009-06-13 11:16:40
المحزن عمليات النصب جراء الخدمات الخلبية تشعرنا أن
المشكلة ليست في الخدمة بقدر ما المشكلة في سياسة الوزارة والمخدمات في الاستخفاف بعقول الشعب السوري، فهم يعرضون عروضا خلبية مأجورة، يروجون لخدمات الـ ADSL دون التنويه للمشاكل التي فيها، يصرحون بما لا يملكونه، والمعيب والمخجل أننا في كل فترة نستضيف مؤتمر للتقنية، **
-سوريا
صابر2009-06-13 10:54:05
المستقبل جايي
رح يجي اليوم يللي يتم فيه تشغيل القطاع العام كلو من قبل القطاع الخاص وليس بيعه، حتى بفرنسا فرانستيليكوم ليست ملك خاص ولكن كل تشغيلها مناط بالخاص وهذا اليوم مو مطول منوب وبكرا بتشوفو وسبب الشي يللي عميصير كل الناس بتعرفهورح تدخل زين للاتصالات وغيرها وغيرها عالبلد وما عاد مطول هذا الوضع
-سوريا
سامي نت2009-06-13 10:55:40
خدمة زبالة واسعار غالية
عندي خط 512 لكن لايعادل خط ال 128 الموجود في الدول المجاورة والاسعار عندنا غالية جدا جدا مقارنة بدول الجوار
-سوريا
ديمار2009-06-13 10:39:07
ضغط
السيد مسؤول والمتلاعب بالسرعات في مخدم التراسل ،سارفع دعوى قضائية ضدك وذلك بسبب بطىء الخدمة في مخدم التراسل ،حيث انني مشترك بالخدمة بسرعة 256 ووالسرعة تصلني 128
-سوريا
فادي2009-06-13 10:34:40
بانياس
اطلب من فخامة وزير الاتصالات المحترم الاهتمام اكثر بمخدم التراسل ،لانه يحتل المركز الاول بالخدمة السيئة على مستوى العالم والفضاء الخارجي ونطلب من فخامته عدم تقسيم السرعة التي يشترك فيها المواطن على اثنين لان هذا حرام ، وان يعطينا الداونلود والابلود الحقيقي ،وان يعمم فاكس على موظفي الاتصالات بضرورة حل مشاكل البشر يلي مشتركين عند مخدم التراسل مع تمنياتنا لفخامتة دوام الصحة والعافية والعيش الرغيد في ربوع وزارة الاتصالات ،واطلب من موقعكم الموقر ان يهتم اكتر بمخدم التراسل ومشاكله 0
-سوريا
proxy2009-06-13 10:32:55
إلى وزارة الأتصالات
لا نقلل من شأنكم حاشى الله ولكن ألا تكفيكم هذه المشاكل والتعليقات من10 سنوات أوأكثر لتعطو الدور لغيركم من الشركات الخاصة لعل وعسى أن نحذو بحذو بعض البلدان النامية في هذه الخدمة التي ستصبح عما قريب موضة قديمة, أم أنه برأيكم شعبنا العظيم لا يستحق هذه الخدمة.
-سوريا
حر2009-06-13 10:31:39
الى المواطن فؤاد
صار لك 4 سنوات و رجعت جددت الطلب ؟؟؟ طيب يا أخي أنت قابلت المسؤول عن تخصيص البوابة في المهاجرين(ف.ح) وعرفت التسعيرة ؟ يبدو انك ترفض الدفع !! ادفع بالتي هي احسن فتحصل على الخدمة !! هذا هو مبدأ التخديم حيث لا رادع ولا أخلاق وجرب وستعلم انه صحيح .
سوريا
شاهين2009-06-13 10:21:00
للاسف
مخدم التراسل هو اسوء مخدم في سوريا والعالم ،لايوجد تلفون لخدمة الذبون ، واذا رد شعبة الانترنت بالمحافظة ،بيرد عليك بجفاصة00 *
-سوريا
المجهول الشهير2009-06-13 10:12:33
أي أسعار و أي سرعات يتحدثون عنها
صديقي يعيش في السويد و عنده في المنزل وصلة إنترنت ألياف بصرية بسرعة 100 ميغا بت و هذه السرعة متناظرة للتحميل و الرفع ، و حتى يفهم الكل هذه السرعة فهي تمكنك من تحميل DVD 4.7 GB في 6 دقائق فقط ، و المفاجأة الكبرى أنه يدفع حوالي 32$ شهريا يعني 1500 ل.س. و في سوريا هذه المبلغ يمكنك من الحصول على سرعة 256 كيلو بت ، يعني في السويد تحصل على سرعة أعلى 400 ضعف و بنفس المبلغ... فأي أسعار و أي سرعات يتحدثون عنها
-سوريا
فهمان القرفان2009-06-13 09:40:05
على مهلكم ليش مستعجلين
لا ترحموا ولا تفسحوا مجالا لغيركم وان شاء الله يبداء الكون باستخدام تقنيات جديدة ويتصدق علينا بالقديم والى المتباكين على مصلحة الوطن والمواطن كم فرصة عمل وكم فرصة ابداع للشباب السوري قد فوتم وانتم تسارعون في توفير خدمة الانترنت - ان لم تستحي فافعل ماشئت - توقفوا عن سرقة المواطن واستغبائه - لابارك الله لكم في كل قرش تسرقوه من كل مواطن مضطر - انظروا حولكم اين في الكون مثلكم - سمجتم بالفاكس بعد ان انتهى من الكرة الارضية -
-سوريا
lucy2009-06-13 09:10:27
ages !
hush love hush , why the rush , i 'll do a party if i get a adsl service i wish this comments it will be distributed becuase syria-news also love eating comments thanks for listening
سوريا
تحوتمس2009-06-13 09:05:12
out net
معقول انتوا شو باكون والله المسالة واضحة عم تعلقوا على الفاضي معقول انتو للدرجة هي مو فاهمين عنجد رح ازعل منكون شو دخلها موسسة البطيخ شو نسيتوا ولا عم تتناسوا اكيد خايفين مهيك يا عيب الشوم بدكون كتير او بالاحرى كتير بدكون """" عادي اخواني احكوا لا حدا يخجل او يستحي ما في حداغريب ؟ وكمان شو بدكون بالنت العبوا رياضة او روحوا على البحر او ناموا فما فاز الا النوموا"""""""" حدا فهم شي ؟؟؟؟؟
-سوريا
النسر السوري2009-06-13 08:59:26
شي بيجنن
والله ياشباب أنا هون ببريطانيا وصرلي كذا سنة مع شركة محترمة بتزودني بخدمة النت بسرعة ١٦ ميغا وحزو بأديش ؟؟؟ ب٧ جنيهات بالشهر يعني أرخص من الفجل ماعدا المساعدة الفنية والأحترام الفائق والزبون دائمآ على حق ، ووقت نزلت لسوريا من كم شهر قسمآ بالله صار معي صداع وشقيقة من كتر مابحلق بالشاشة انتظارآ لنزول الصفحة المطلوبة وعنجد بطلت أدخل عالنت من قرفي وقهري ، لك بس شوفو الاردن وتطورها ويلي هيي بادية جرداء وأستحو ياوزارة تقانة ... قال وزارة تقانة قال
-بريطانيا
ayman2009-06-13 08:57:03
wake up boyz there is alight at the window
تحياتي..بصراحة انا لم اقرأ التقرير بالكامل لاننا قد تعودنا على مثل هذه المقالات وعلى حجج مؤسسة الاتصالات الواهية وحالة الردح القائمة بين المؤسسة والمزودين تذكرنا بالكنة والحماية ولكني اريد تقديم اقتراح ارجو من المؤسسة ان تعمل به الا وهو ان يتنحى مدراء المؤسسة او يتم تسليم المهمة للمستثمرين واتباع الخصخصة وضمان ان يحصل القائمون الحاليون للمؤسسة على نسبة ارباح حتى يتنازلو عن كراسيهم بعد ان اثبتو فشلهم بالكامل والله عيب الناس طارت ونحنا لسه عم نحفر تحتنا.ارجو النشر وعدم الاختزال لكم جزيل الشكر
سوريا
مواطن عادي2009-06-13 08:46:00
بمناسبة فتح الموضوع - شكوى على مركز القوتلي بحماه
السلام عليكم .. نشكركم ونشكر جهودكم المبذولة ومحاولاتكم في تحسين وضع الانترنت في سورية .. أود ممن يهمه الأمر وبمناسبة فتح هذا الموضوع ، أود الإشارة بأن مركز القوتلي بحماه والمختص بتقديم هذه الخدمة للمشتركين يسوء استخدامها وتقديمها لهم .. وبمعنى أصح أن الخط لا يعطى إلى لصاحب السعر الأعلى أو الواسطة الأكبر وفهمكم كفاية ... **
سوريا
ادلبي من ريف ادلب2009-06-13 08:47:22
طالعو روحنا
منيح بحلب موزعين كم مقسم ع المناطق الفقيرة بس عندنابريف ادلب بيتحججو بانو المقاسم لا تدعم الADSL ولاحتى الISDN مع انو المقسم مركب ب 2003 . وعمين بدنا نحط الحق مو عرفان وحسبي الله و نعم الوكيل
سوريا
LOUAI MOUSLI2009-06-13 08:22:01
النظرة الاجتماعية التجارية
هذه النظرة الاجتماعية التجارية كانت تقضي بتسليم المزودات بوابات في مقاسم نائية ولا يوجد عليها طلب وأغلب هذه البوابات معطلة اضافة لروتين تفعيل الميزة بالمقاسم .
سوريا
STAS2009-06-13 08:23:29
صحيح
صحيح الي قاله eyad السرعة في اوكرانيا وروسيا وبعض دول الأتحاد السوفيتي السابق تصل الى 100 ميغا وبأسعار رمزية جدا بالنسبة للخدمة التي لا تنقطع ابدا ولا نظام تشاركي ولا حكي فاضي وب 1500 ليرة هي اغلى شركة والشركات كتيرة و المنافسة قوية ودائما الاسعار بالنازل والسرعة بتطلع والميزات كثيرة و فوق كل هالشي من كم يوم ربحت اشتراك لمدو 3 اشهر مجاناهاد الحكي كلو بروسيا فتخيلو السويد و لا اليابان او هولندا ...... الله بعبن الشعب السوري الظلوم ......
-سوريا
عمار الناشف2009-06-13 08:22:51
والله احترنا شو نعمل
يا جماعة والله أنا محتار يعني إذا بدي أطالع نتيجتي بإمتحانات الجامعة بدي شي نص ساعة حتى يفتح موقع جامعة البعث ونص ساعة حتى يفتح قسم كلية الآداب ونص ساعة لأوصل على إختصاص اللغة العربية...والله شي بيخجل... وبمقسمنا مافي ولا بوابة صرلون بيوعدونا 3 سنين..والمودم اللاسلكي لشركة سيريتل ما تفعّل بمدينة حمص ولو فعّلو سعره (15000)ألف ليرة وكل شهر 1500 ليرة شو الحل...والله أحسن شي نستعمل الإنترنت الحجري...يعني ننسى أنو عنا إنترنت..
سوريا
زلم2009-06-13 08:19:42
متى سنصبح
بدي افهم شغلة وحدة...إيمات لح نصير متل الزلم والعالم يلي حوالينا والله شي بملل
-سوريا
مواطن عربي سوري2009-06-13 08:19:29
المزودات خاسرة باستثناء مزود تراسل
المؤسسة اجرت بوابات للمزودات في مقاسم لا يوجد عليها طلب على الخدمة ، والمزود يدفع للمؤسسة اجرة البوابات سواء باعها أم لا فأين العدالة
سوريا
هدى المحمد2009-06-13 08:12:33
تأخير بسبب الاتمتة ونظام المحاسبة
أنا اشتركت بخدمة الـ adsl بجرمانا من خلال أحد المزودات ، وصارلها القصة شي شهر ولماراجعت المزود خبروني بأعمال اتمتة بالمقسم ورحت على المقسم لاتأكدوفعلاً يوجد امتة ولا يمكن تسيير الامور لحين انتهائها فما الحل .
سوريا
المدعوس2009-06-13 07:26:46
الله يخليلنا مؤسسة الاتصالات
ما بصير هيك والله بكرا اذا شافو شو عم تحكو عليون بيقطعو عنكن الدايل اب كمان لانو رح يفكروكون عم ترفسو النعمة.
-سوريا
مواطن عربي سوري2009-06-13 07:53:32
إلى الأخ :: مواطن مغدور
أعتقد أن سبب مشكلتلك هو من مصدر الانترنت و ليس من الكابل و للتأكد خذ رواترك و جربه في مقسم الهاتف في غرفة التجربة , في حال لم يعمل الانترنت فهذا ينفي كون العطل من الكبل , و على فكرة الراوتر بيشتغل من دون كمبيوتر لهيك هالعملية مانها صعبة
-سوريا
سامي عياش2009-06-13 07:44:13
العصر الحجري
عنا هون في قطر الحكومة عم تطبق استراتيجية اسمها "برودباند قطر" تهدف إلى إدخال الانترنت السريع إلى كل منزل ومنطقة. وفي حاليا خطة لجعل كل الدولة hotspot أي جعل الانترنت المجاني اللاسلكي السريع يغطي الدولة بكاملها. الحكومة هون تعتبر الانترنت وسيلة اساسية لبناء اقتصاد ومجتمع قائم على المعرفة. انتوا فيم والحب فين. وبسورية لسا الناس بتشتغل على الدايال أب اللي عفا عليه الزمن. والله بتعقد لما بزور سوريا وحاول افتح ايميلي. ياحرام على التخلف
-سوريا
دريد2009-06-13 07:41:47
الى الاخ اياد من اوكرانيا
الى الاخ اياد من اوكرانيا. لا يوجد سرعة في العالم 100 ميغا! باوروبا الغربية وامريكا الشمالية معدل السرعة الفعلي لا يتجاوز ال 6 ميغا. طبعا هنالك عدد قليل من الشركات الكبيرة في امريكا واوروبا واليابان وكوريا الجنوبية يمكن ان تصل السرعة لديها الى 20 ميغا.
-كندا
نوبار2009-06-13 07:12:39
بس يكون هادا انترنت اصلا
عن شو عم تحكوا وتعلقوا يا سيدي خليه يكون عنا السرعة ألف ميغا ولك ما رح تنبسط طول ما في حدا عم يبحبش بأيميلاتك وعم يراقبك ويخليك ما تفتح غير يلي بدو ياه وبالصرماية كمان واذا في بعد حدا عندو تعليق يكتبو لشوف نازلين كتابة والله وعن جد انو من وين المشكلة روحوا يا
-سوريا
fatima2009-06-13 06:51:05
تنويه
أحب أن أشير إن مقاسم الإنصاري و السليمانية و جسر الحج هي مقاسم موجودة في المدينة ويخدم مقسم السليمانية منطقة هامة وحيوية في حلب و كذلك مقسم الإنصاري .. أما بالنسبة لتحسن الإنترنت فخلينا عم نحلم وين الغلط .
-سوريا
عيب2009-06-13 06:06:06
عيب على مخدم آية
بعد انتظار ثلاث سنوات وأخيراً حصلت على خط ADSL بسرعة 256 السرعة جيدة حتى لو كانت بطيئة ومكلفة، ولكن كانت الطامة الكبرى هو سعر الراوتر حيث أن مخدم آية يخدع مشتركيه ويدعي أن الخدمة لن تعمل إلا على نوع راوتر محدد وغير موجود بالسوق إلا لديهم بسعر 7500 للوايرلس وبـ 5500 للعادي طبعاً العادي غير موجود. وبنوايا حسنة اشتريت الراوتر لأتأكد بعد ذلك أن الشركة كذبت وممكن لأي راوتر أن يعمل بما. مع العلم بأن الراوتر اللاسلكي سعره ما بين 3500-5000 حسب النوعية. فشكراً على النصب والاحتيال ولنتعلم أن لا نثق بأحد.
-سوريا
Lama2009-06-13 03:36:31
اخ من الانترنيت بس
يعني جد مابعرف الانترنيت صار عنا شي متل الحلم... يعني مابدنا نروح كتير لبنان او الاردن هدول بلزقنا واحسن منا..
سوريا
anas2009-06-13 03:11:19
حاج بقا
يا جماعة حاج بقا ضحك ع اللحى كل يوم عم يمر عم نتأكد انو نحنا شعب غبي و ما بتلبقلنا الحضارة مؤسسة كل عناصرها فاسدين و الدليل كل كم يوم بنسمع عن اعفاء مدير فيها معقول المسؤولين عنا بها البلد ما بيشوفوا اخبار ولا بيتصفحوا النت نحنا بهيك كوادر مستحيل نصير خلق و عالم لهيك ما حدا يتضحك ع حالو و يقول بتتحسن الامور.هدول جماعة الاتصالت عم يستغبونا.
-سوريا
raja mamosh2009-06-13 03:10:52
الإسم الحقيقي لخدمة internet في سورية حصرياً
أنا أقترح إطلاق أسم آخر على هذه الخدمة في سوريةلعدم تشويه إسمه في البلاد الأخرى كتسميته مثلا إنتحر نت,أو موت نت,مومشان شي بس نحنا عنا هواية نعررب كل الأسماء للغة العربية بالمعنى الحقيقي.وبكل فخر.هذا هو المعنى الحقيقي لهذه الخدمة في سورية.التي لم تتحسن منذ عام 1999. من المضحك أن صديقي في أمريكا طلب خط بسرعة10MBلكن الشركة تأخرت بالتركيب لمدة13يوم.فأعتذرت منه وقدمت له اشتراك مجانا لمدة 6أشهر كتعيوض.مع العلم أن الإشتراك الشهري هو15$لسرعة 10mbps.والله مسخرة.برأيي إضافة حرف الحاء ضروري ج
سوريا
مواطن فاقد الأمل ..........2009-06-13 02:46:46
لك بدي أعرف ليش سوريا بضل وراااااا
يعني أنا بعرف كتير عالم بدا adsl وأنا واحد منن بس شو بدو الواحد يسو أههههه مع أنو سرعة 256 يا دوب عم تصل سرعة التحميل 80 كيلو لك أنا عندي رفيقي بمصر عندو 2 ميغا مفتوح بدفع بشهر 200 ليرا سوري وسرعة التحمل 2 ميغا أنا بعرف عم أحكي على الفاضي لانو كلامنا ما حدا رح يقرا من المسؤلين بس والله أنا بحلم بسرعة 2 ميغا ولوووو بعد 20 سني بس يمكن بكون وصلت السرعة بغير بلدان لجيغاههههه بس ئديش ما تقدمنا منضل متخلفين
-سوريا
محمد ابراهيم الغبرة2009-06-13 02:31:43
الحق على الشعب
سبب المشكله ليس شركة الاتصالات التي لا تحترم نفسها والحكومه الغير مباليه
-سوريا
مواطن للاسف2009-06-13 01:46:18
ADSL في مقسم المزة
كل هالشي اللي عم يصير نتيجة طبيعية لغياب المحاسبة وماحدا سائل , طلبت خط بمقسم المزة فأخبروني الشباب انو مافي خطوط بالمقسم بعد يومين سألت شخص من الشباب الطيبة بالمؤسسة قال تكرم عينك موجود بس بكلف 35000 ليرة !!!! ثم كيف عم يتم توزيع الخطوط بين المقاسم؟؟؟ معقول مقسم المزة لايوجد خطوط ومقسم مدري وين ماحدا بيطلب هالخدمة عندهن في خطوط وماحدا عم يشترك؟؟ فرحانين كتير بهالانجاز انو 33 الف بوابة!!؟؟ شو بيعملو هدول بالنسبة لعدد الناس الكبير اللي بدها تشترك؟؟؟ مابقى حدا بكل العالم حكى بهيك قصص سخيفة,عيب
-سوريا
طبيب جراح2009-06-13 01:38:10
الانترنيت ومقاسم شاغرة في أفقر مناطق البلد
لأنصاري وجسر الحاج هي من أفقر مناطق حلب و العالم هنالك يا يدوب يعرفوا الـ Dial Up , مو تكبر لا سمح الله لكن المناطق المكتظة بفعاليات متعلقة بالكمبيوتر مثل الجميلية وغيرها هي فس أمس الحاجة لبوابات الـ DSL , و أنا صارلي مسجل من 5 أشهر على خط DSL وللآن لا يوجد بسبب عدم جهوزية مقسم الجميلية (قالوا لي لا توجد بوابات)
-سوريا
محمد2009-06-13 00:39:01
لا أعرف ما هو سبب المشكلة بالضبط || احتكار ||و|جشع
السبب هو الاحتكار الامر بيد مؤسسة الاتصالات أنا مشتركADSL بسرعة256 السرعة الفعلية النصف في أكثر الحالات و السعر غالي أعرف أناس في دول اعلى منا دخلاً وسعر الاشتراك أقل بكثير وبسرعات أكبر الفرق حتى الىن هو أني أفتح الصفحات بشكل اسرع بقليل و اعرف ما المبلغ الذي سأدفعه صديقي في تونس مشترك بسرعة 2 ميغا يدفع مثل الذي أدفعه وأخبرني بأنه لا يخزن أي ملف على جهازه يتابع الأفلام ويخزن ملفاته على المواقع المختلفة والخدمة لا تنقطع النت لايعمل في خدمةسورية لفترات طويلة
سوريا
nzzora2009-06-13 00:33:40
سوء التوزيع
وين الخطوط بريف دمشق منشان الله قولولنا وين دوما وجرمانا والتل والزملكة يعني هي هي كل ريف دمشق والباقي وين, نحن بالكسوة عم نقرى إعلان الجمعية عن خطوط الدي اس ال وكل مرة بفتح الإعلان وما بلاقي مقسمنا مذكور طيب وين العدل والله انو الناس عنا ناطرة نطارة انو تتوفر هالخدمة والنتيجة تييييييييت ما فيي قولا نحنا ما عم نقول اتكلفة كبيرة ياريت يصرلنا خط وياخدو زيادة بس أمنولنا سرعات والله عفن قلبنا من الدايل أب وكل ما منروح عالمقسم بيقولوا بدك تقدم طلب بمدينة دمشق وبس يتوفر منبعتلك خبر
-سوريا
eyad2009-06-13 00:35:37
سرعة حقيقية
بصراحة وبلا فخر هون باوكرانيا انا مشترك بانترنت سرعتها تصل الى 100 ميغا و باشتراك 750 ليرة بالشهر...بجوز ما حدا يصدق بس عن جد هيك. وكل ما انزل ع سوريا بعاني كتير من مشاكل الانترنت بس كلو خير وإللا ما يجي يوم وتزبط الاوضاع
أوكرانيا
فادي2009-06-13 00:35:08
ليش هي انترنت؟
ليش في عنا انترنت بسوريا!!؟ هي اللي عنا بتشبه كل شي الا الانترنت وفوق هاد عم يمننونا فيها.لك عيب عليكي يامؤسسة الاتصالات حاج بقى.وبالنسبة لتيسير امور الأخ المواطن بالدوائر فأنا حفيت حتى حصلت على خط adsl وبسرعة ??? بعدما وقعت على ??? تعهد وبصمت شي ? مرات حسيت عم يسلموني شي قنبلة نووية وهاد طبعا بعد روحة ورجعة وبراطيل.بس لسنا الأفضل ولكننا الوحيدين.الله يديمها نعمة
-سوريا
Nzzora2009-06-13 00:23:16
سوء التوزيع
يعني الغريب بالأمر هو من حوالي اربع سنوات ونحنا منروح معارض ومنسمع عن النقلة النوعية للنت وتيتي تيتي متل-------------- شو القصة كأنو قاعدة المستخدمين غير كافية على ما يبدو لك وحياة الله انو الناس بريف دمشق الي مو عاجبكم عم يدقعو 15000 وأحيانا اكتر بس بركي شي واحد من اللي اخدين الخطوط القديمة يرضى يبيعو الخط تبعو وما عم نلاقي وبالاخر بتقولوا انو الخطوط الموزعة على مقاسم الريف ما عليها طلب ونحنا تكسرت رجلينا من الروحة عالمقسم وبيقولولنا مافي خطوط عنابقا وين الخطوط .
-سوريا
اسماعيل2009-06-13 00:18:35
دبى
يعنى كل من يحاول ان يطور في الانترنيت يجد من يقف امامه ويضع العقبات الكثيرة لمنع اي تطور وتقدم ولو ترك الشرفاء يعملون لما وصلنا الى ماوصلنا اليه واكبر دليل على ذلك حجزحرية الابرياء الشرفاء
-الإمارات
مواطن مغدور2009-06-13 00:22:47
من المسؤول
مشارك قديم بadsl انقطع الخط قبل خمسة شهور ولا زلت ادفع الاشتراك لغاية الان بدون خدمة والسبب هو كون كبلات الخطوط من بريد السليمانيه الى المنزل كبل قديم لا ينقل اشارة الdsl وكلما سالت عن الكبل ا ارى ردا من البريدانشاء الله هلعشرة ايام . خمسة شهور اراجع المختصين ولا اسمع جواب اللا عشرة ايام... ولا زلت بانتظار العشرة ايام التي لا نهاية لها. المشكلة هي بعد تركيب الكبل الجديد قد تكون اشارة ال DSL الخاصة بي لاتعمل اصلا من مصدرة الانترنت في حلب الجديدة وهناك الطامة الكبرى
-سوريا
اتمنى اني مو سوري2009-06-13 00:12:47
سخريه قائمه ولم تنتهي
وبعدين معكم و هل السخريه يلي لا تنتهي من وزاره الاتصالات ؟ كذب ونفاق على المواطنين و الى الان الخدمه سيئه و بوابات غير متوافره وبعدين معكم بقا
-سوريا
المهندس علي2009-06-13 00:06:18
سرعة ADSL
يعني فوق مو السرعة قليلة 256Kb وبوابات مافي وكمان الخدمة سيئة لآيمتى بدنا نستنى للتحسن باقي الدول صار أقل شي عندها 1Mbps ووصلت لحد 20Mbps والفضائي وغيره
-سوريا
سوري اه يا نيالي2009-06-12 23:30:41
يعني ما فهمنا شي ... الدايل اب اين عم البيبسي
بدي افهم شغلة محيرتيني ... ليش المؤسسة ليش توزع الانترت على مخدمات وما بعرف شو ...في جميع دول المتخلفة التي زرناها نجد ان نفس شركة الاتصالات هي الشركة موزعة للانترنت ...... وهيك بصير السعر ما بيحتاج للمصاريف الزايدة و 12% ربح .. مو هالـــ 12% المواطن احق بيها او هاي ميزات نهب وسرقة للمواطن تعطى الى اشخاص وهيك بتضيع الطاسة ... ومشان السرعة والاسعار فالج لا تعالج
-سوريا
فؤاد2009-06-12 23:53:16
هل هذا معقول؟
منذ حوالي العامين و نصف و أنا أنتظر الحصول على بوابة PDN في مقسم الجلاء والطريف بالأمر أنني اضطريت لإعادة تقديم الطلب منذ شهرين و نصف لأن الطلب القديم (لم يعد صالحا\" ) حسب تعبير الأخ الموظف في مقسم المهاجرين و أنا لا زلت أراجع كل شهر عدة مرات دون فائدة
سوريا
ammar2009-06-12 23:27:19
ADSL ههههههه
يا حبايبنا ADSL بالدول التانية (العربية) وصلت السرعة ل (20)ميغا وبسعر لا يتجاوز (1500)ل.س ونحن لسا بوابات ماعنا وطبعا السبب الأكيد بالمية 100 هو مؤسسه الاتصالات يعني لاعم تزبط الانترنت ولا عم تخلي الشركات الخاصة تزبط مع العلم ان المخدمات الخاصة تستطيع في غضون شهر واحد حل المشكلة نهائيا
-سوريا
shadi2009-06-12 23:18:56
سورية فين والحب فين
لك الدنيا تطورت وصار العالم عم بدور على رحلات الى القمر والمريخ والانترنت صار ببلاد اوروبا موضة قديمة ونحن بسورية نتعارك على كم بوابة وسرعة لا تتخطى 256 نحتاج الى 100 سنة حتى نستوعي التكنولوجيا ونتجرد من الافكار والايديولوجية التى نملكها في مجال التسوق نحن في سورية بصراحة غير ناضجين ليس لدينا مفهوم للتسوق وكلامنا عن السوق الاقتصادي الاجتماعي اثبت انه كلام تسويقي لا احد يطبقه مجرد كلام نظرتنا الى التكنولوجيا ليست خدمية بقدر ما هي استبداد وابتزاز على وضعها الحالي في سورية اسعار ععالية ة
سوريا
yussef2009-06-12 23:14:33
معقول
يعني المشكلة الوحيدة يلي ماحدا عم يقدر يستوعبها ...... هل من المعقول رغم دخل المؤسسة العامة للغتصالات اللذي يفوق أي دخل على مستوى الوطن العربي ... ولم يتمكنوا منذ 4 سنوات إلى الآن لتطوير البنية التحتية و تطوير الخدمة ..... يعني 33 ألف خط إنترنت يضرب باقل سعر 2400 بالشهر = 79.200000 مليون ليرة / 47.5 = 1.667368 مليون دولار يعني بالسنة20.008421 مليون دولار !!!!!! بعتقد لسى المبلغ قليل
سوريا
yahea2009-06-12 23:14:41
كذب وجهل
يعني كلم السيد المسؤال عن العقبات من 4 سنوات يعني لو جبنا ولد بكلوريا كان حل هي لمشاكل بس كسف يتم السرقة والتحايل قلت ليكم من فترة لسا بعد 5 ستوات وما نحل المكشلة لانا الحل موجود بس السموال لا يريد الحل لسبب مجهول مش عيب نحنا كا ساعة نقارن بدول الجوار وكان دول الجوار من الدول الراقية هم من دول الثالث وهم عندهم خدمات اكتر ونحنا من الدول العاشر مش عيب صرلي مقدم دياس ال من 3 شهور عيب
سوريا
Immigrant2009-06-12 23:14:31
no way
Moustahil Touzbot
-الولايات المتحدة
محمود2009-06-12 23:09:27
خدمة ال ADSL
أنا مشترك من كم شهر والخدمة أحيانا منيحة وأحيانا سيئة كتير يعني متل البارحة كانت الصبح واقفة الخدمة قالوا مشان الصيانة يعني بتمنى تتحسن وتصل السرعة كاملة .. 
-سوريا
مشترك رح يطفش2009-06-12 22:59:06
مشترك رح يطفش
عرفنا و فهمنا انو خفضوا اسعار الاشتراكات بس الشي يلي تفاجائنا فيه انو صرعنا عم ندفع مبالغ كبيرة مشان نشتري ترافيك ونقدر ندخل على النت يعني تخيلوا انا مثلا صرت بهادا الشهر دافع اكتر من 7000 ليرة على سرعة انترنت 256 كيلو و طلبت من شركة *** المحترمة ترفعلي سرعة البوابة لـ 512 اقل شي و لسه لحد هلق ما صار شي و كل مرة بتصل فيهم و بزكرهم بالموضوع بيقولوا
-سوريا
مستخدم انترنت2009-06-12 22:52:03
عيش يا......
عيش يا كد** لينبت الحشيش
سوريا
ماهر البني2009-06-12 21:50:30
الإنترنت حلم يستحيل تحققه!
في دولة مثل الأردن لا يوجد فيها نلك المشاكل التي نعاني منها في قطاع الاتصالات. بل على العكس الـADSL أصبح فيها في كل بيت تقريبا ووجوده من البديهيات. أما عندنا فتعتبر الانترنت حلم صعب المنال! علما أن الأردن لا يمتلك ميزانية كالتي تمتلكها سوريا، إذ تعد سورية من الدول الغنية بمواردها، ولكن لا ينعكس هذا الشيء على مواطنيها. لأن حكومتنا الرشيدة لا تريد أن تصل الخدمات للمواطن بشكل مقبول! ولو أنها أرادت لفعلت. إنها تؤمن الرفاهية لمسؤوليها وتترك المواطن ليشقى ويكون همه الشاغل كيف يحصل على رغيف الخبز!
-سوريا
sami2009-06-12 22:02:59
مؤسسة فاشلة وفاسدة
المفروض يبيعو هاالمؤسسة بسوق الغنم ...بيكفي فشل
-السعودية
***2009-06-12 21:55:00
الحضارة مفقودة بوطني
حسبي الله و نعم الوكيل.....لك انا بحياة عمري ما شفت متل النت بسوريا....انا بالسعودية بدفع كل شهر مبلغ تافه جدا جدا على سرعة 4 ميغا....صاروخ حقيقي....و لما انزل اجازة عالصيف على سوريا...بنسى انه في تقنية اسمها نت بالحياة...لانه ما عندي اعصاب اشتغل عالنت بسوريا...و بشبها للي بصير معي على الحدود السورية بس ادخل بسيارتي...بياخدو مني 700 ليرة سوري
السعودية