syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
أنفلونزا الخنازير تصل سورية .. والإصابة الأولى لطبيبة قادمة من أستراليا
الاخبار المحلية

وزارة الصحة: جميع المخالطين للطبيبة المصابة خضعوا للمسح وتم حصر أسماء جميع القادمين على الرحلة التي أقلتها

مدير الأمراض السارية: الوزارة قدمت العلاج للسيدة مع الوسائل الوقائية

أعلنت وزارة الصحة يوم السبت ظهور أول إصابة بفيروس أنفلونزا الخنازير "إتش1 إن1" لتنضم سورية بهذه الحالة إلى قائمة الدول التي ضربها المرض الخطير


وقال مدير الأمراض السارية والمزمنة في وزارة الصحة محمود كريم لـسيريانيوز إن "الحالة التي تم ضبطها تعود لسيدة سورية تعمل في استراليا كطبيبة قدمت إلى سورية في زيارة لأهلها خلال الصيف عبر مطار دبي نهاية شهر حزيران الماضي دون ظهور أعراض المرض عليها إلا أن تسجيل الإصابة تم اليوم السبت", مشيرا إلى أن "التحاليل المخبرية أثبتت أيجابية هذه الحالة".

وتشير المعلومات إلى أن سورية أرسلت على الفور إلى منظمة الصحة العالمية كتاباً أبلغتها بتسجيل أول حالة بهذا المرض.

وأضاف كريم أن"الوزارة قدمت العلاج المعتمد على الفور للسيدة مع الوسائل الوقائية".

وذكر بيان لوزارة الصحة أن "جميع المخالطين للطبيبة المصابة خضعوا للمسح اللازم وتم أخذ العينات لهم لإجراء التحاليل المخبرية ذات الصلة ومتابعة وضعهم الصحي بشكل مستمر", مشيرا إلى أنه "تم حصر أسماء جميع القادمين على الرحلة التي وصلت من دبي صباح الاثنين الماضي على الخطوط الأمارتية لإعادة تقييم وضعهم الصحي وإجراء الفحوصات المطلوبة".

ودعت وزارة الصحة في بيانها المواطنين إلى "الابتعاد عن الأماكن المزدحمة واستعمال المناديل الورقية وأحادية الاستخدام عند السعال والعطاس، مع ضرورة الابتعاد عن العادات والتقاليد السائدة كالعناق والتقبيل، إضافة إلى الإكثار من تناول السوائل والتهوية الجيدة لأماكن السكن والإقامة".

وكانت وزارة الصحة أعلنت مرارا خلو سورية من المرض كما أعلنت عن اتخاذها العديد من الاجراءات لمنع دخول الوباء إلى سورية من خلال رصد جميع القادمين إلى القطر، وفي حال الاشتباه بإصابة أحدهم يتم فحصه وإذا تأكد المرض لديه يتم حجزه، كما أنّ الوزارة رصدت كافة المنافذ الحدودية تحسباً للأمر.

ومن جهته, قال مدير الصحة الحيوانية زياد نمور لـسيريانيوز إن "الإصابة دخلت إلى سورية من الخارج ولم تتم الإصابة على الأراضي السورية", مشيرا إلى أن "الصحة الحيوانية تؤكد مجددا خلو سورية من أي إصابة حيوانية إذ تم أخذ عينات لجميع الخنازير التي لازالت حية وتبين خلوها تماما من الفيروس المسبب للمرض".

ويأتي الإعلان السورية عن أول إصابة بالمرض بعد أن كانت معظم الدول العربية أعلنت عن اكتشاف إصابات بأنفلونزا الخنازير.

 

وتشير تقارير لمنظمة الصحة العالمية إلى أن ثلث سكان الأرض معرضون للإصابة بأنفلونزا الخنازير مع حلول موسم الأنفلونزا الطبيعية المتزامن مع بداية موسم الدراسة, كما أعلنت المنظمة مؤخرا الفيروس كـ"جائحة" أي وباء منتشر عالميا.

وظهر فيروس ايه(اتش1 ان1) أول مرة نهاية شهر آذار الماضي في المكسيك ومن ثم في الولايات المتحدة، قبل يتفشى على نطاق واسع خارج القارة الأميركية.

لوركا خيزران- سيريانيوز


2009-07-04 18:25:57
شاركنا على مواقع التواصل الاجتماعي:



شارك بالتعليق
مواطن بيعرف شو معنى الوطن2009-08-20 23:35:31
حرام عليكم يا جماعة
يا جماعة والله شي مخجل هالحكي الي حاكينو يعني حتى بالاوبئة عمتشمتو وتتمسخرو ؟ بيكفي الي مو عاجبو يكون سوري ويفتخر بالناقص منو لك بيكفيك شرف انك سوري بس ما راح قول غير الله يحمينا يارب ويحمي بلدنا الغالي سوريا الحبيبة وبعون الله سوريا الله حاميها لاحولو لا قوة الا بالله
سوريا
Al-Suleiman Saleh. Moscow2009-07-09 14:11:46
هدية من طبيبة أسترالية
مافي داعي الى الخوف من انفلونزا الخنازير،هذا الفيروس يخاف من الكذب ويبتعد عن النصابين والمحتالين.والحمد لله كل هذه المضادات موجدة عندنا ويتم توزيعها مجاناً على المواطنين.نحن كعرب علينا الخوف من انفلونزا الحمير(او مايسمى في ريفنا:انفلونزا الجحيش)هذا الفيروس(فيروس إنفلونز الحمير)جداً خطير وسريع الإنتشار للأسبب التالية.1.لايوجد عندنا لقاحات له،2.الأنتشار العفوي للحمير عندنا اكثر من بقيت البلدان المتحضرة اقتصادياً وعلمياً واجتماعياً.لذلك ياأخواني لاتخافوا واتنم في أبدي أمينه والله
روسيا الاتحادية
عمار2009-07-08 04:08:41
زعلانين
خلص بدنا نطلع مظاهرة (متل العادة) ونجمع كل السوريين مشان نقول للخنازير إنو نحنا زعلانين منكون وماعاد نحكي معكون إزا بتإزونا.......... الله يجيرنا على كل حال...النظافة من الايمان...
سوريا
الفارس2009-07-06 22:45:10
المناعه
الافضل تقويه مناعه الجسم
-سوريا
sssssssssssara2009-07-06 14:56:57
سامحنا يا زاكزيك
والله مو قصدنا نجرح شعور الاستراليين وخاصة الاطباء المحترمين الطبيب بيساعد اذا كان هناك منطقه موبوئه مو يجيب المرض حاجه موناقصنا غيركم انتو تاكلو الخنازير ونحنا ننعدي والله الله ما قالها الواحد بيجي على بلدو حتى يخدمها مو يزيدها امراض
سوريا
ابوشهاب2009-07-06 08:28:49
الله كبير
بكفي والله بكفي اغضبنا ربنا عز وجل كثير كل البشر مشيو بعكس تعاليم الله عز وجل والنتيجة طبيعية والجاي اعظم اذا بقينا هيك (لايغير الله مافي قوم حتى يغيرو مافي انفسهم... انشالله يصيب المرض كل فاسد عبيخرب البلد ويرتشي وياذي البلد والناس والشباب يلي مثل الوردة وقدرة الله كبيرة فوق تصور البشر ياجماعة
سوريا
عاشق لميس الكرماوية2009-07-06 01:20:02
سوريا الله حاميها
لو بتجي اوباء العالم كلها مارح يصير للشعب شي لانو محمي من عند الله
سوريا
rame2009-07-05 23:48:51
هانت هانت
يلا معلش اصلاً لازم سيدنا عزرائيل يساعدو ويصفيلو العالم شوي للمهدي المنتظر الله يعجلو وانشالله هالمرض بياكل كل واحد مرتشي وكل واحد آكل مال يتيم واكل مال حرام بعدين احلى خلي يكون عنا شوية اكشن شوفيها ؟
سوريا
سوري بالسعودية2009-07-05 22:54:54
مبرررررررررررررروك
بحب اهني وطني الحبيب والغالي واباركلو بتحقيق النصر بتسجيل اول هدف قصدي اول اصابة بمرض انفالعنزة الخنازير اصلا نحنا مش بحاجة هيك مرض لانو عنا امراض اخطر بكتير من هذا المرض عنا مرض الفساد والرشاوي والسرقة والواسطات والمحسوبيات والبطالة وووووووووووووو وخليها على الله احسن شي
-سوريا
عابر سبيل2009-07-05 21:10:53
وينها
وينها دكتورتنا الحائره ما شفتلا تعليق لك لتكون هيه يلي جايبه هالمرض وجايه شو قولتكن بتكون هيه على كل حال بعيد الشر عن قلبك
-سوريا
syrian2009-07-05 19:41:14
عايش من قلة الموت
نحمد الله على وصول مرض انفلونزا الخنازير بالسلامة و نتمنى له طيب الاقامة في ربوع بلدنا المعطاء .
-سوريا
saraaa2009-07-05 18:50:08
انفلونزاوخنازير الله يجيرنا
هلق جيتك الحنيه يا دكتوره وجيتي تزوريناوالله عنا بسوريا منموت دعسة سياره سرطان جلطة بسبب اوضاعنا السيئه وراضيين بس انو نموت بأنفلونزه وشو الخنازير اسمحيلنا يا دكتورتناالحنونه شي كتير الله يسامحك على هذه الاستفقاده
سوريا
مواطن صالح2009-07-05 17:47:03
أجت والله جابا
يالله مليح يارب كلشي حرامي ..وظالم...ومرتشي...وأكل مال يتامى...وقاتل ...يموت بهل فيروس...خلي البشر يعرفو أنو الله عم يشوف كلشي
سوريا
رضوان2009-07-05 16:29:13
الله يحمي بلدي
الله يحميك يا بلدي يا حبيبتي سوريا
-سوريا
أبو حمزة2009-07-05 16:19:58
يلي بدو يصير رح يصير
يلي كاتبه الله رح يصير بكمامه وبدونهاوبعادات وتقاليد وبدونها كمان
سوريا
ASH2009-07-05 16:11:36
شو القادم
ماخلو شيي ما مرضو من القر للخنزير ؟ وشو الجايه مثلا خلصو الحيونات سنتين و بنسمع بمرض الكلاب عم تنوي و القطط عم تعوي ، ولله العظيم انو رزق الهبل علمجنين
-قطر
Obstacle2009-07-05 15:23:05
تجارة رابحة
مبروك يا شركات الدواء على هذه الصفقة الرابحة.... بس مو الشركات المحلية ...انا قاصد الشركات نفسها يلي اظهرت المرض ونشرتو على غرار ايام اسبانيا ..والي خايف من المرض يحط واقي على وجهو
سوريا
طبيب متقاعد2009-07-05 11:30:44
تشاركون في تهويل الأمر و هو كذبة كبيرة
أعلنت وزارة الصحة يوم السبت ظهور أول إصابة بفيروس أنفلونزا الخنازير "إتش1 إن1" لتنضم سورية بهذه الحالة إلى قائمة الدول التي ضربها المرض الخطير!!!! خطير بماذا بمعدل الوفيات حول العالم الذي لم يتراوح 1%، الوباء يعني موت مئات الألوف أو الملايين يومياً حول العالم ؟؟؟ مثله مثل إنفلونزا الطيور التي حققت إشاعو خبرها إرتفاع شركة رامسفيلد من 7 دولار إلى 76 خلال أربعة أشهر من إذاعة نبأ المرض !!! علماً أنه موجود منذ زمن و كان يسمى بالأرياف جاجة موجوعة و كان علاجها الذبح و الأكل.
-سوريا
3mero2009-07-05 10:55:14
مصــــــيبة
يا عالم ......... لابيرحـموا حــــدا ولا بيخلوا رحمة الله تنزل ..... والله نحنا مو ناقصين أوبئة....
سوريا
مسطول من محل الفول2009-07-05 10:25:31
خسااااااااااااا
لعما على هالخبر وصل البل لدقنا؟؟؟؟؟؟؟
-سوريا
adam2009-07-05 08:49:08
mmmmmm
يعني وبصراحة انتو لييييييييش بدكون تظهرو كل شي بالمقلوب يعني الكل عم يقول مستحيل تكون اول اصابة مستحيل يا اخي اول اصابة وان شالله تكون الاخيرة ليش بتتمنو الوباء يكون بسوريا يعني معقولة في اصابات بالزكام بسورياوالناس عم تموت ويقولو الله يرحمو ما ت من الزكمة وما بيعرفو h1in1
الإمارات
ابو شهاب2009-07-05 08:04:56
ياباطل
يعني هؤلاء الناس المغتربين بأوربا - امريكا - استراليا, مابيكفي المعناة اللي بيسببوها النا من تكبر و كأنه هنن الأفهم و عندما يسألون عن سبب التوفيق يقولون: بسم الله الرحمن الرحيم:{ قال إنما أوتيته على علم عندي }..... و كمان بيجوا و معهم انفلونزا, لك مو عيب , مابيستاحوا على حالهم تكبر و و شوفت حال و انفلونزا كمان , إن لله و إن اليه راجعون
-سوريا
Free Citizen2009-07-05 08:09:13
المرض ليس خطير
المرض عادي جدا ... حتى الانفلونزا الموسمية من الممكن أن تكون أخطر منه .... في أوروبا الآن توقفوا عن فحص الناس بالمطارات و اكتفوا بفحص الحوامل و كبار السن فقط لا غير ...... 100 ألف إصابه حول العالم 120 ماتوا و الباقي شفيوا ..... لا تخافوا إنها "بربوغاندا" من قبل شركات الأدوية ,,,,!!!!
-سوريا
waleed2009-07-05 07:50:55
تعليقا ع الكل
يا ناس يا هو يعني ليش نحنا بنعمل طنة ورنة لكل قصة وليش دائما الكل مو عاجبو شي حتى بهي موعجبنا لازم يكون عندا 13000حالة و90ميت حتى نسكت // انا واحد من صحابي سعودي اجا للسورية خبرني انو سوريينوهلي عم يعملوا افضل بكتير من عندون فيا ناس صلوا ع النبي ووحدوا الله وخلوا العالم تعرف تشتغل
-سوريا
باسل2009-07-05 07:49:37
اي حاج ضحك على العالم و لو..
أنو فعلاً الإعلام شو بيعمل...يعني كل اللي ماتوا بانفلونزا الخنازير من أول ما طلعت من كذا شهر لهلأ... ما بيطلعوا 150 واحد,,مائة و خمسين أيه...يعني اللي ماتوا بالطيارتين بيطلعوا اكتر منن بـ3 مرات,,,ولسة هالدول عم تصرف ملايين على الكريب.. يروحوا يصرفو هل المصاري على شي مرض محرز..
-سوريا
mughtareb2009-07-05 06:26:56
is xflu oseltamivir
can you tell me if xflu is like Tamiflu ( oseltamivir) ???????
-الولايات المتحدة
سوري قبضاي2009-07-05 06:17:30
حاج مسخرة
شو عم تحكو يا جماعة المرض وصل لعنا.....!!!!! معقولّّّّ!!!!! حاج مسحرة ولو كلو شقفة رشح يعني بدن يعملو ضجة بالعالم ويمشوا سوق الدواء كل واحد بس يداري حالو شوي وما في داعي للخوف يعني مات اكتر من الف واحدبغزة ما تحرك جفن للعالم خليكن واعيين يا جماعة وبرابو على وزارة الصحة على تعاملها لانه المرض مابيستاهل اكتر من هيك قال انفلونزة خنازير قال ...... ياااي شو شايفينا شعب نعنع ولا مصنوع من البسكوت....
سوريا
mughtareb2009-07-05 05:47:21
already one million cases in the U.S.A
I work in the U.S. and the CDC expected that there is one million cases in the U.S so far...in our clinics the CDC recommended that we check for Influenza A ( quick test costs $15) if it is positive we treat the patient with Tamiflu..we do not subtype it to know if it is H1N1 ( which is under A family of viruses)..we only subtype it only if the patient is very sick so we can say that swine flu is not very dangerous ..some patients get it very svere..
-الولايات المتحدة
عبد الجبار2009-07-05 05:13:54
الله يبعدها عنا
الله يبعدها عنا امبن .. نحن بدون انفلونزا فايتين بالحيط لا مشافي متل الخلق و لا عنايا طبية ... ادعوا ربكون ما يبلينا بهيك مرض
-سوريا
joseph2009-07-05 03:57:05
معالي الوزير والامر الخطير
اذا انتبهتوا الى المقابلة التي اجراها تلفزيون الدنيا مع السيد وزير الصحة وععند سؤاله عن كيفية دخول الطبيبة البلاد عن طريق المطار --لأنه كما اعلمنا السيد الوزير نفسه بأن الطبيبة هي من راجعت المشفى بنفسها-لم يجب عن السؤال واعاد الكلام نفسه عن مراجعة الطبيبة بنفسها المشفى والمصيبة ان يكون التعاطي مع الوباء بهذه الخفةوعدم التشديد او وجود اجهزة كشف حرارية او ربما الامر لا يستحق العناء --برسم المسؤلية لمن يهمه الامر
-سوريا
إياد2009-07-05 03:50:41
ارحموا من في الأرض يرحمكم من في السماء
ها قد عاد الشعب السوري الساخر إلى الببغاوية المقيتة المعتادة وبدأ بالتشكيك والذم ومهاجمة الوزارات وكل منهم أصبح سيد المعرفة وأنه على علم بما كانت تخفيه عنه الدولة , وأن المرض منتشر لكن الدولة تخفيه لأسباب أمنية وأن الشعب بشر وليش قطيع غنم وأن وأن فعلا الديمقراطية هي شيء غير لائق بالشعب السوري .. المتفرغ تماما للكلام والاتهام والتذمر والأفأفة والسخرية والنواح ..
-سوريا
عدو البروباغاندا2009-07-05 03:38:46
باب التوبة
يا إخوان هذا الداء هو بلاء من الله لأهل الأرض لكي يتذكروا قدرته عزوجل وضعفهم بني البشر فاتعظوا ياعبادالله وسارعوالى التوبةو استغفروا ربكم الذي يمهل ولا يهمل والآن الوباء اصبح بينكم وعلى أراضيكم,اليوم هذه الطبيبة وغدا من يدري ربما تكون انت فما أنت فاعل؟؟؟
-سوريا
rodain2009-07-05 01:36:34
كذبة
هاد المرض لعبة وكذبة كبيرة وبلشت تنتهي هالكذبة لانو الضجة الاعلامية بلشت تخف اكتر من 80 % وماعد حدا يع يحكي فيها وحضرو حالكون عالكذبة الي بعدها بكم شهر انفلونزا الحمير والكلاب مين بوافقني براي وهي تكميل للعبة الازمة المالية العالمية
-سوريا
طبيب سوري كندي2009-07-05 01:32:39
المرض ليس خطير
يا جماعة المرض مو خطير متل ما هو متصور ، اعراضه لا تختلف عن اعراض اي انفلونزا ، وهون داخل المشفى في كندا الغالبية اصيبت بالمرض سواء ممرضين ام دكاترة ، و الكل بخير ، اهم الشي العمل على الحد من انتشاره بالاهتمام بنظافة اليدين و عدم الذعر
-كندا
ahmad2009-07-05 00:58:33
حاج بقا
ياجماعة انا صيدلاني وصرت بايع أكتر من 20 علبة Xflu وبقولو ماعنا انفلونزا خنازير!!!! كل الدول صار فيهاوالله يستر
سوريا
سوسو2009-07-05 00:46:46
الى ناصح أمين بارك الله فيك كلام عسل على عسل
المرض ليس خطير ولكن لحد الان لم يجدوا لقاح واقي له. و لكن قبل يومين سمت في أحد المحطات الالمانية بأن شركة أدوية في ألمانيا ماربوغ وجدت القاح المضاض المخصص لهذه الانفلونزا. و بدأوا ببيعه للحكومات و توزيعه.
سوريا
م.سركون ياخنيس - الولايات المتحدة2009-07-05 00:46:00
عن انفلونزا الخنازير
فقط للتصحيح ان اول اصابة ظهرت في الولايات المتحدةالامريكية وليس المكسيك حسب مقالتي السابقة في سيريا نيوز http://syria-news.com/readnews.php?sy_seq=95239 الله يعافينا ويعافيكون ويعافي سوريا يا رب م.سركون ياخنيس / الولايات المتحدة الامريكية
-الولايات المتحدة
حمص2009-07-05 00:35:31
وزارة الصحة الله حاميها
يعني عن جد ما عاد في خجل بدي تقنعنا وزارة الصحة إنو هي أول حالة مع إنو تم مراجعة أكثر من 30 شخص لمديرية صحة حمص لوحدها عندها هالأعراض .
سوريا
د. هدى ب2009-07-05 00:27:50
أين يتم عزل المرضى
إحدى دول العالم الثالث العتيدة عزلت المرضى داخل مشفى موجود في قلب المدينة، فانتشر المرض عندها في الأحياء المجاورة للمشفى!! نتمنى ألا يتم عزل المرضى في مشفى المواساة أو المجتهد أو الهلال الأحمر!! بل في محجر صحي منعزل في منطقة صحراوية خالية من السكان. ونتمنى الشفاء العاجل لكل المصابين
سوريا
حرام2009-07-05 00:27:54
يعني حرام
يعني الدكتورة جايي لتعطينا ياه للمرض لأن مو معقول يتركوا سوريا نظيفة من هالوباء ولااااااو .
-سوريا
محمود ابو حلب ابوظبي2009-07-05 00:10:52
مسخره
عندما تصل مطار حلب بيعطوك كرتونه كاتبين عليها اذا كنت تشعر بحرارة بلجسم او تشعر باعراض انفلونزا الخنازير فيرجى ابلاغ السلطات المخنصة بلمطار واتحدا ان في فوق الخمسين حالة بحلب بس ماحا عارف وماحدا بيهمة وكل المسئولين مستخسرين يشترو جهاز الكشف بلاشعة تحت الحمراء عن حرارة جسم الشخص يلي بيدخل علبلد والله مسخرة بس الله يستر
الإمارات
مواطن2009-07-04 23:52:06
فرحان
انا اليوم كتير فرحان لانو لاول مرة منصير متل كل هالعالم يعنى صار جنون البقر و انفلونزا الطيور وووو ووزارة الصحة تعلن سورية خالية من جميع انواع الامراض السارية و المعدية منيح شابهنا العالم شوي مع العلم كل الضجة التى اثيرت حول انفلونز الطيور على سبيل المثال حصدت 268 وفاة حتى الان حسب منظمة الصحة العالمية بسقوط طائرة واحدة مات نفس العدد تقريبا فالانسان يتوكل على الله و يقي نفسه من الاختلاط و يكثر من السوائل و الفواكه و الشاي مع الليمون
-سوريا
نور2009-07-04 23:58:08
كتاب عربي عن انفلونزا الخنازير
أعراض المرض متل أي انفلونزا أعراض أولية: إرهاق وتعب عضلي ورشح وعطاس وسعال وإذا ساءت الحالة يحدت إسهال أو إقياء مع فقدان شهية أفضل علاج هو الوقاية : الابتعاد مسافة متر عن المريض والامتناع عن استخدام أدواته خاصة " المنشفة أو البشكير " وأنا أنصح بقرلءة كتاب "انفلونزا الخنازير " للدكتور نبيل نادر قوشجي وهو أول كتاب باللغة العربة يصدر عن هذا المرض وفيه كل أساليب الوقاية وشرح مفصل عن المرض
سوريا
طبيب خبير2009-07-04 23:34:32
مسخرة
من المضحك المبكي بنفس الوقت أن نرى آلاف الأطفال يموتمون يومياجوعاًبأمراض سوءالتغذيةوالاعلام ومن وراءه يركض وراء وراءإحداث ضجة إعلامية لمصلحة من؟؟في البيرو وزارة الصحة اشترت بملايين الدولارات لقاحات لانفلوزاالخنزير وفي نفس الوقت لديهامئات الاطفال توفوا بسبب البردفي الجبال لانهم لايملكون مايقيهم البردمن ملابس وأغطية ووقود...في الوقت نفسه توفي شخص واحد طاعن في السن يقال أنه توفي بسبب انفلونزاالخنزير؟؟؟فأي مفارقة وأي مسخرة يشهد عالم اليوم... لاندري ما هي حلقة المسلسل القادمة... أي مرض ؟؟؟
-فرنسا
طبيب خبير2009-07-04 23:19:59
فرنسا
يبدو أن الصفقة وصلت إلى وزارةالصحة السورية والخطوة القادمة هي عقود لشراء اللقاحات...يبدوأن الناس تنسى بسرعة...هل نسيتم انفلونزا الطيور والضجة التي أحدثتها وكان وراءها شركة لقاحات كبرى في الولايات المتحدةالأمريكية...الحقيقةهذاالمرض مثله مثل أي انفلونزاأخرى بل أقل خطورة بكثير والجميع يعلم أن الانفلونزا بغض النظر عن نوعهاطيور,خنزيرأو بشر خطرة على بعض الأشخاص كالمصابين بالربو وأمراض القلب وضعيفي المناعةوالمسنين وحديثي الولادة...فكفاناقلة عقل وانسياق وراء كلام من لهم المصلحةبنشر الذعروالخوف...
-فرنسا
LESS2009-07-04 22:48:54
//////////
ماحدا يخاف يا جماعة انا والله انا بابا طبيب ومع هيك اصبت بها المرض وبسبب عدوى من الجامعة وكل القصة انه حطوني بالمشفى اسبوع ولقحو كل اهلي وعد اسبوع خضعت لتحاليل جديدة وطلعت سليمة والحمدلله وانا هلا بالبيت وعادي وانوه الى انني اعيش في لندن يعني لا حدا يخاف وعلى البلد اكيد مو راجعة والله يعافي الكل
-بريطانيا
Rami2009-07-04 22:40:19
شو المطلوب نعملو
كيف الواحد بدو ينتبه على حالو ازا شغال او على احتكاك مع 100 جنسية و ياهل ترا إلا دواء شيء مشان الله خبرونا والله يعافي عبادو يارب ويعافينا يا الله دخيل رحمتك ارحمنا
-الإمارات
دينا2009-07-04 22:13:37
عليكم باليانسون
أن إحتساء كوب من اليانسون الدافيء وليس المغلي عقب الاستيقاظ صباحاُ يعد أفضل وقاية من الاصابة البشرية من مرض انلفونزا الخنازير الذي تفشى في بقاع شتى من العالم وهو يفوق في فاعليته تناول عقار (تامفيلو) الذي طورته شركة \"روش\" السويسرية ويستخدم حاليا على نطاق عالمي واسع للوقاية من انلفونزا الخنازير ذلك أن أحد المكونات الاساسية المستخدمة في إنتاج ذلك العقار هو ( حمض الشيمكيك ) الذي يستخرج من قرن ثمرة اليانس وبالصحة والعافية للجميع ولاننسى أن سوريا ألله حاميها
-سوريا
شبيك لبيك سوري2009-07-04 22:00:58
اجا الفرج يا رب العالمين
بعد معاناه دامت ميت قرن من عدم كفايه الرواتب اجا الفرج يعني ما بكفي شعبنا فقر ناقصو دفع مصاري حق دوا بربي يمكن اجا المرض على شعبنا اغاثه من شان يريحون من هالعيشه مع انو ما حدا بياكول خنازير بس شعبنا نصو مخنزر هههههههههههههههههههههههههههههه
-البحرين
ناصح أمين2009-07-04 21:56:24
الى كل الخائفين:لا تخش الا ذنبك.
الفيروس الحقيقي الذي يجب أن نخافه هو الذنوب والمعاصي فهي الخطرالمنذر بخزي الدنيا وعذاب الأخرة ومن أخطر تلك الفيروسات: ترك صلاة الجماعة, الاختلاط وتبرج النساء,الغناء,ترك الأمر بالمعروف والنهي عن المنكر.نبارز الله بالمعاصي جهارا ليلا ونهاراثم نخاف من فيروس هزيل وننسى أنه ما أهلك الله أقواما قبلنا( كعاد وثمود وفرعون وقوم نوح ولوط ومانراه في تسونامي ومينامار وكاترينا)الا بذنوبهم كما قال تعالى: فكلا أخذنا بذنبه فمنهم من أرسلناعليه حاصباومنهم من أخذته الصيحة ومنهم من خسفنابه الارض ومنهم من أغرقنا..
-سوريا
حيط مستاء2009-07-04 21:41:07
قال أول حالة قال
قال أول حالة قال اسألوا موظفي المطار بتعرفوا أنو عنا حالات أكثر من الدول المجاورة يا ريت يا وزارة الصحة تعتبروا الشعب السوري بشر مو قطيع غنم لأنو الشعب أذكى منكم..............................................
سوريا
basheer2009-07-04 21:33:53
بدن زلغوطة......
بعد ما كل البلاد كشفت عن المرض قرروا الكشف عن أول حالة مع أنو يمكن أكثر من 50 واحد حاملين الفايروس .... أتمني من وزارة الصحة وضع أجهزة في المطارات وعلى جميع الحدود لكشف العدد الحقيقي الذي يحمل الفايروس وعدم التكتم عن العدد الصحيح المصاب به
-سوريا
ميدو حبيب الكل2009-07-04 21:33:08
بدي ابلاش اشتري واخزن دواء حب الشباب
اخي أفكارAfkaar انت جلاطتني يعني يمكن يصير معي طفح جلدي لالالالالالالالالالا كل شي الا الطفح الجلدي واحلى شي اذا بيطلع في وجهي يا عيييييني هداك الوقت بكون متل المرضانيني في الانفالوزه الشهيرة هههههههههههههههههههههه مالي خايف لانو بعرف انو وزترة الصحة رح تعالج الموضوع ونحنا بس لازم نلتزم بي كل شغالة من شان صحتنا وانا من بكرا ما بقا اروح على الشغل من شان ما انعداه من حدا هههههههههههه ما احلى البركه في البيت وعلى الانترنت بس اي خوفي انعداه من الانترنت ههههههههههههههههههههههههه
سوريا
عدنان2009-07-04 21:35:01
المرض الخطير
قلتولي المرض الخطير ما.. هاها. شوية احترافية يا اخوان ما بتنمغصوا
-سوريا
مغترب مستغرب2009-07-04 21:25:43
لا تقرؤا تعليقي
لا تخافوا يا جماعة المرض عناصار مثل الرشح والكريب ومابموت إلا اللي عنده امراض خطيرة مثل الايدز مع العلم يمكن الواحد ينصاب فيه من دون ماينعدي من واحد مريض والله يبعد عنا المرض والبلا وعلى جميع المسلمين قولوا امين
-كندا
فريدريك2009-07-04 21:25:22
تنبيه
وبالنهاية صار عنا حالات اصابة بس مو لازم وزارة الصحة تنوه وتنبه على ارشادات الوقاية لحد الان الواحد منا ما بيعرف كيف اذا هو مصاب ولا لاء لازم يوصل للموت لحتى يعرف انو هو مصاب بانفلونزا الخنازير اتمنى من الوزارة تنويه على الية التنبيه من الموض وعوارضه عن طريق وسائل الاعلان لان كافة الدول تحذر وتنبه من عوارض هذه الانفلونزا
-سوريا
ماهر2009-07-04 21:02:22
دبي
مابصدق انها أول حالة لأنو كل يلي حولينا صار عندن كذا حالة, يمكن السوريين عندن مناعة طبيعية بتمنى من وزارة الصحة الوضوح الكامل وبتمنى من الشعب انو يكون واعي ومايتعامل بشكل سطحي مع الأنفلونزا بشكل عام وخاصة انو أغلب السوريين متعودين يأخذوا أدوية لوحدن متل امي
-الإمارات
طلب من سيريا نيوز2009-07-04 21:00:01
مو ضروري ينتشر التعليق
استضيفو شي طبيب يكون بيعرف اعراض هالمرض و يعطينا الأرشادات اللي الواحد لازم يقوم فيها بحال انو شك انو هو حامل هالفيروس يعني الشغلة مو لعبة وصل المرض لعنا و محتمل كتير يكون نتقل لأشخاص تانين عن طريق التنفس يعني لازم يكون في توعية عن هالموضوع اكتر من هيك و شكراً مرة تانية
-سوريا
nader2009-07-04 20:55:36
استر يا رب
اهم شي يكون عنا جرعات تكفي لجميع السوريين و الله يعافي جميع البشر و الخنازير
الإمارات
ممدوح2009-07-04 20:42:55
خطر كبير طبعا !!
مرض خطير ؟ هاهاهاها لا خطير ولا شي اي الإنفلونزة العادية بيمتلو فيها كم مية الف بالعالم كل سنة يعني ما في داعي لتكبير الموضوع .. كل العالم اللي نصابو نشفو عن طريق الحجر الصحي لمدة اسبوع و ما مات الا اللي معوا شي مرضين او اكتر زيادة عن الإنفلونزة .... الوقاية من هالمرض هويي تعقيم الأيدي و كلشي الو علاقة بالأكل و طبعا هادي شغلة مانها دارجة كتير عنا و خصوصا بالمطاعم  
-سوريا
talya2009-07-04 20:42:55
الله يجيرنا اهم شي
يعني معقول هالوباء كلوا ولا دوا ولا اي شي يوقفوا جد ما عاد فهمنا شي احسن شي نقول الله يجيرنا بس
-سوريا
الانفلونزة العادية اخطر2009-07-04 20:29:05
استراليا اعتبرت المرض فرقعة اعلامية و الغت كل الفح
أستراليا اعتبرت المرض مجرد ضجة اعلامية و أزالت كشافات الحرارة من المطارات و كل الناس المحجور عليهم خرجتهم و رفضت توقف اي مدرسة يتم اكتشاف المرض ضمنها
سوريا
أفكارAfkaar2009-07-04 20:17:14
--
بالإضافة لأعراض الإنفلونزا المعروفة أي حالة الرشح العاديةأي رشح وارتفاع الحرارة ورعشة تصحبها كحة مع ألم بالحلق وصداع,تعب,إجهاد بالعضلات , سعال وأحيانا إسهال وتقيؤ (بعض الحالات) ويحتمل أن يحدث صعوبة بالتنفس في حالة الإصابة الشديدة وفي حال إصابة لأطفال قد يحدث إنعدام بالشهية وتنفس سريع جدا ونعاس وطفح جلدي مع حرارة عالية
-سوريا
الليث السوري2009-07-04 19:53:10
دعاء
اللهم إهدينا فيمن هديت وعافنا فيمن عافيق
سوريا
يالله2009-07-04 19:34:29
دخيل النبي
يا حبيبي الله ....وصل يا شباب...دخيل الله...دخيل النبي ...لحقونا منشان الملائكة..يييييي ييييي يييييي يييييي يييي
-الغابون
أبو ربيع الشاغوري2009-07-04 19:30:15
أفضل حل
أفضل حل بالنسبة الي سكر الباب على حالي أنا وعائلتي ولافوت ولا اطلع من البيت لمدة عام كامل . استر يارب ؟.!.؟... كرمال النبي شو أعراض المرض ياشباب؟؟؟.....
سوريا
فرحان2009-07-04 19:31:16
ضحكتوني
ههههههه عجبتني هي (مع ضرورة الابتعاد عن العادات والتقاليد السائدة كالعناق والتقبيل، ) هههههههه اللي بيسمع بقول كل الناس ما بتسلم من دون عناق وتقبيل ههههههههه شو هالمسخرة؟
-سوريا
جـــــــــــــــــو2009-07-04 19:26:55
نهاية العالم
لا إله إلا أنت سبحانك إني كنت من الظالمين
سوريا
يبرودي2009-07-04 19:12:18
لهلق الوضع بخير
طالما لسه ما وصل المرض لواحد يبرودي نحن بخير لأنه مع شرب المته أكثر من 10 أشخاص على كاسة ومصاصة واحدة أنا بوعدكم بإصابة أهل القلمون كلهم خلال أقل من 48 ساعة أمر ثاني المرض هو انساني ولا علاقة للخنزير بالأمر
-سوريا
dodo2009-07-04 19:07:21
أخيراً
خلي يوصل هلق أحسن ما يوصل بلشتاء و شغلة أنو ما يوصل بنوب شغلة مستحيلة صحي نحنا بسوريا شغلتنا كبيرة وصحي اخترعنا كل شي (من ضمنو الفيروس و الخنازير و اللقاح) بس لازم ما نخلي حدا يشك فينا
سوريا
م.سركون ياخنيس - الولايات المتحدة2009-07-04 19:07:37
عن انفلونزا الخنازير
فقط للتصحيح ان اول اصابة ظهرت في الولايات المتحدةالامريكية وليس المكسيك حسب مقالتي السابقة في سيريا نيوز http://syria-news.com/readnews.php?sy_seq=95239 الله يعافينا ويعافيكون ويعافي سوريا يا رب م.سركون ياخنيس / الولايات المتحدة الامريكية
-الولايات المتحدة