تحيات عطرة لكل متصفحي الموقع في هذه الفترة ، بانتظار مشاركاتكم وآرائكم التي تغني على الدوام موقعكم...

هناء

بالصور .. انتخاب ملكة جمال الكون المكسيكية هيمينا نافاريتي
شركات اسبانية تتقدم لتنفيذ التصميم الأولي لمترو دمشق بـ 8.5 مليون يورو
عزف منفرد داخل ظلمة مطبقة .. الطفل الكفيف (دلان) يتخطى حدود "قدره"


شروط مسابقة المقال
"الفهاولة" في بلدي .. و"على كل رأس" خمسين ليرة . .؟! .. بقلم نضال معلوف
مقالات واراء

كان اخر ما تفتق به عقل "الفهلوة" السوري ان يلزم اصحاب معرض "سيرياموتورشو" زائري معرض هذا العام بدفع 50 ل.س عند باب "السيرك" ويوظفوا رجال حراسة للتأكد من الداخلين بان كل واحد بطاقته " بإيدو"؟؟


وبدون ادنى شك كل السوريين فهاولة ( جمع على وزن جهابذة ) يلعبون بالبيضة والحجر واحيانا كثيرة ( معظم الاحيان ) تكسر الحجر البيضة وتفوح رائحة البيضة الفاسدة كريهة تزكم الانوف..

 

طبعا الذريعة لكي يقبضوا ( الشركة المنظمة ) "على الراس" 50 ل,س هو بطاقة سحب على سيارة جيلي صينية المنشأ ، ولكن الاشتراك بالسحب شرط لازم للدخول ويجب ان تقطع الوصل ( السحب على السيارة العجيبة ) ويرى الحرس الوصل في يدك بينما انت تدخل مع "القطيع" رافعا يدك ومبتسماً وملوحاً بالبطاقة الى "سيرك" السيارات..

 

وحقيقة انا اعرف تماما الآلية التي فكرت بها الشركة المنظمة ( لاني سوري ايضا ) ، ربما بدأت الفكرة من العام الماضي عندما لاحظت الشركة الاعداد المتزايدة التي تأتي للفرجة على "حلم السوريين الضائع" السيارات ..

وقال صاحب الشركة في " عقل باله" ، لو اخذ على الراس 50 ل.س ، الالاف من الرؤوس اطفال ونساء شباب وشيب ، "سأجني الملايين .. بالاضافة الى الملايين التي اخذتها من اصحاب الشركات" وهكذا تتحقق معادلة "المنشار" التي يعشقها التاجر السوري .. ؟

 

الناس قطعت 20 كيلو متر وصارت امام الباب ، الامر الواقع يحتم عليها الذهاب الى كوة اليانصيب "للتحليق مع جيلي ( السيارة ) " والدخول في حالة القطيع .. رفع الايدي التلويح بالبطاقة والولوج الى "مطمورة" الشركة المنظمة..

 

اذاً تعريف الفهلوة ببساطة هو عملية الالتفاف على الانظمة والقوانين والقفز من فوق المصلحة العامة ومصلحة المواطنين (في كثير من الاحيان) في مقابل تحقيق مكاسب شخصية ضيقة.

 

 

ومثل هذه الافكار الفهلوية تكون عادة معدية ، كالوباء ..وفي حالتنا ستحبذ الشركات المنظمة للمعارض الفكرة ، ويصبح "الراس بخمسين" عنوان صناعة المعارض القادمة في سوريا.

 

قبل ايام وقع حادث سير في ساعة متأخرة من الليل امام منزلي القريب من ساحة العباسيين ، وكان السبب سيارة قادمة في الشارع عكس اتجاه السير اصطدمت بسيارة اخرى كانت في الاتجاه الصحيح.

 

تجمع حوالي الثلاثين شخصاً من له علاقة ومن ليس له علاقة ( مثلي ) كان كل الموجودين بمن فيهم صاحب السيارة المتضررة والتي كانت تمشي وفق النظام وبالاتجاه الصحيح يعملون على "لفلفة الموضوع" و ايضا باستخدام الفهلوة

وبدأت الاجتماعات والمناقشات والاستشارات حتى احسست اني في احد رواقات الامم المتحدة ، لدراسة كيفية "لفلفة الموضوع" في حال جاءت الشرطة والاستفادة من شركة التأمين لاصلاح السيارتين.

 

وبدأ الشباب بنقل السيارة "وتصحيح الاوضاع " بما يتفق مع السيناريو ..

 

الغريب ان سيارة شرطة مخفر العباسيين كانت تقف وتراقب ، الاغرب ان الشرطي نفذ صبره فخرج على الجموع يستعجلهم لكي يتفقوا قبل ان تأتي ضابطة شرطة المرور (فرع التحقيق) ..؟!

 

قاربت الساعة الثانية والنصف ليلا ، وجاءت سيارة " الضابطة " بعد اكثر من ساعة من وقوع الحادث ، وترجل الشرطي منها( ايضا فهلوي ) "يتعلوك" اي ( يأكل العلكة ) وبكل "مياعة" تحدث الى الجمع والجموع تحدثت اليه ، كانت اشبه بمؤامرة جماعية .. فازت فيها "الفهلوة" مرة اخرى و"حملت الضابطة" * نفسها ورحلت ، وكان لجموع "الفهاولة" ما ارادوا .. وجاءت رافعة خاصة بحجم البناية في الساعات الاولى من الصباح على بعد امتار من المخفر .. ازاحت السيارة .. حملت السيارة المخالفة وذهبت .. ببساطة .. ؟

 

لم يحسب احدا منهم خطورة التستر على شخص يقود في شارع رئيسي باتجاه ممنوع، واذا لم يكن في هذه المرة اضرار بشرية ، في المرة القادمة "من يعلم" ، كان بودي ان اقول للشرطة بان هذه السيارة كانت في الاتجاه المعاكس وانها اتت مسرعة في الشارع الذي يمر فيه اطفالنا كل يوم باتجاه ممنوع .. ولكن كنت على يقين ان نصيبي سيكون "علقة من كعب الدست" لا اقل ولا اكثر ..

 

والفهلوة تتعدى القضايا الصغيرة لتصل الى قضايا اكبر ( لان الفهلوي يصل بسرعة ) ، حيث اني زرت قبل اسبوعين بناءً على شكوى تلقيتها من احد المعارف ، موقع يتم فيه إشادة بناء تابع لمحافظة دمشق داخل سور دمشق القديمة في منطقة باب توما ، وهذا ممنوع وفق جملة قرارات وتعليمات طبعا؟؟

 

وجلست في قهوة تتوضع على حافة البناء تماما ، وكان امامي قاعدة لعمود اثري روماني ( هكذا عرفت فيما بعد ) وعليه حجر اخر على حافة الحفرة التي كان قد صبت فيها اساسات البناء الاسمنتي .. ؟

حتى المحافظة وجدت طريقة بفضل بعض "الفهاولة" فيها لكي تلتف على الموضوع وتحفر في ارض مليئة بالاثار ، روى لي احد شهود العيان بانهم حملوها ( الاثار) مع الحجارة ونقلوها الى مكان مجهول ، وكان نصيب شاهد العيان كما روى لي ، "جرن" روماني قديم حصل عليه بعد ان استعطف سائق الشاحنة بانه يلزمه "لدق الكبة النية"؟؟!!

 

و سأقف عند هذا الحد ، مع ان الفهلوة في بلدي ليس لها حدود ، وسانتظر ان اقرأ في التعليقات بعض النوادر والطرائف عن مواقف فهلوية مشابهة أمل ان نستطيع نشر معظمها ..

 

نضال معلوف

2009-07-08 22:18:40



شارك بالتعليق
2009-07-25 13:23:58
جمال عبدالرحمن المحامي
رد للسيد نضال معلوف
والله المصيبة ليس فيما ذكرت ولكن ان تكون هذه الفهلوية والشطارة ثقافة وظاهرة بمجتمعنا السوري ويوجد من يعلق بانها شطارة وليست عيبا ولا حراما ولا جرما قانونيا هناك من يدس لسوريا الحبيبة السم في العسل وهم الفاسدون المفسدين للمجتمع السوري ومن يساندهم في الافساد هدفهم معروف جمع المال حتى ولو جاع ومات الشعب السوري واملنا بالله وببشارنا الامل باذن الله لتنيظف البلد من المجرمين والفاسدين والمرتشين والفهاولة وكل من يحلل الحرام ويقلب الحق باطل والباطل حق
سوريا
jamala72@hotmail.com

2009-07-25 10:55:34
Darkman
مثل
هيك حمام بدو هيك مناشف
سوريا
-

2009-07-25 06:49:29
ابن البلد
الفساد
يا سيدي الفساد ماشي بكل البلد. من شوفير التاكسي و إنت طالع. الله يعين الدراويش
سوريا
-

2009-07-23 10:15:07
مســــــــتعار
الى الاستاذ نضـــــــــال معـــــــــلوف
ياسيدي ليست الفهلويه بس في هذا المعرض انما وصلت الى كافة دوائرناوجميع مؤسساتنا اذا لم تناصر الاعلى منك لن تكون فهلويا ولا تحصل على المزايا اللي تريدها ؟والفهلويه الاخرى يااستاذ نضال هو انه في مؤوسساتنا ومنها النفطيه نستاجر الباص المدني ب170 الف ليره شهريا وتصدر قرارات من المسؤوليين في اصلاح الباصات الحكوميه بس 36 الف سنويا علما ان باصات الحكومه تخدم اكثر من الباصات المدنيه هل هذه فهلــــــــويه ام لا اسال وزارة النفط كم من الباصات توقفت لااصلاحات بسيطه ليتم استئجار باصات مدنيه شكرا
سوريا
loai_6@hotmail.com

2009-07-23 09:02:18
منار الشامي
مبعد ومسروق
انا السوري اللي بعدت عن بلدي غصب عني ,بحجة الخدمة العسكرية , وانا السوري اللي كل مابنزل اجازة لشوف اهلي ما بصدق ايمتى تخلص اجازتي لارجع سافر من كتر السرقات والفلهوة وااه شي مقرف والله شي مقرف يا اخوان هي ما عادت بلدي ,بدكن تشوفو الفلهوة بس ادخل بسيارتي عالحدود السورية..موظفين الجمارك ما بخلو وسيلة الا ما بيعملوها ليسرقونا فوق مو انا عم ننحرم كل شي ببلدنا وكمان بيستقبلونا بكلام /حمد الله عالسلامة لح نبلش نسقك/
السعودية
-

2009-07-22 07:46:07
طاشش من الفهلوية
تابع
والمشكلة انو مافي شركة اعمار ما بتلاقي فيها بنات متل القمر بيفتلو الزلمة فتل ليدفع الدفعة الاولى وبعد ما يصير التسليم بيصير الدفع اجباري متل الفرض . اللي بيجنن شلون هيك شب يلي ما تجاوز ال25-26 سنة رصيدو بالبنوك ما هب ودب بيعمل شركة بناء وما في تراخيص بناء او تراخيص معاهد او اي ترخيص بحياتو (رخصة سواقتو بالواسطة)مساوي شركة وعم بيغب مصاري من هالعالم هي مو فهلوة؟؟حلوها بقا العالم وصلت عالقمر ونحنا لباطن الارض (قبل الدفن)
سوريا
-

2009-07-22 07:35:32
مواطن طاشش
الفهلوية المربحة
الفهلوية كالتالي:شب عمرو 25 سنة عندو شركة اعمار بياخدمصاري من العالم على اساس مشروع اعمار مبيوظف عندو جماعة فهلوية متلو لا بيحللو ولا بيحرمو والتسليم بعد سنة ونصف .خلصت اول سنة والتانية والعالم ما ستلمت شي والنسوان يلي باعت دهباتها لتهرب من الاجار بركي هالمشروع بيحققلا شقفة بيت ولو باخر الدنية بس شو بس خلصت المدة لا في مصاري ولا بيت ولا هم يحزنون .بيجي المكتب الحكومي بياخد المعلوم وبيمشي والعالم عم تدفع واذا مادفعت القسط 6000 تلفون بيندق ولما بدها المصاري المدير باجتماع او مسافر .تابع
سوريا
-

2009-07-18 00:51:56
Souri
i really liked it
i had to write in English as i don;t have an arabic keboard. and i had to write cuz i really enjoyed the article. it was very smiple and emotional and so full of truth. funny but bloody truth...we still need to make many horrible mistakes in order to learn from them, i hope it won't be too late when we learn..
سوريا
-

2009-07-18 00:03:45
واحد عامل حالو اجدب
الفهلوة الحقيقية بمحافظة دمشق!!
تصوروا هذه الفهلوة:عضو مكتب تنفيذي محال للقضاء بقضية فساديداوم كل يوم بمكتبه ويعطي محاضرات عن الاخلاق ويتهم الاخرين بالفساد رغم انه فاسد بامتياز وعضو مكتب تنفبذي أخر محال للتفتيش تجده دائما يصلي بالمكتب ويذهب من شيخ لاخر ويعتبر نفسه النظيف الوحيد بالمحافظة رغم وجوده 20سنة بمنصبهالحساس ولستلامه 45 لجنة اغلبها عليه تحقيقات وعضو مكتب تنفيذي أخر ايضا لديه سيارة BMW وسيارة جيب عالية وممستثمر ل6000 متر من املاك المحافظةوخاصة بالمقاصف الرياضيةويقول انا تاجر وزنكيل قبل ماصير بالمكتب التنفيذي؟؟؟
سوريا
-

2009-07-17 08:19:39
أبو عمر
كراجات البولمان
يوجد شرطي فلهوي يقوم بالأختباء داخل الكراج منتظرا قدوم السيارات الأتجاه المعاكس ولسوء حظي كنت أقوم بايصال والدتي ولكني أتيت بالأتجاه الصحيح . فماكان من الشرطي الا ترك مخبأه وركض نحوي مهرولا وفرحا جداوقال لي هات وراق السيارة قلت له لماذا قال لي لقد أتيت بالأتجاه المعاكس قلت له لا قال لي اذا أحلف بالله قلت له والله قال لي اذا أعطينا ألف ليرة مشان صدقك قلت له ان أعطيك شيء وذهبت فطالع الدفتر من جيبته وقدحني مخالفة على ماأعتقد الساعة كانت 6مساء
سوريا
-

2009-07-15 12:10:25
feras
Useless
لو احببنا ان نكتب قصص عن لفلهوية بالعامي فيااستاذ نضال انته ادرى سوف لن تكفينا دواوين العرب اجمع او ستحتاج ثوب قماشي يلف سور الصين
سوريا
its_feras@hotmail.com

2009-07-15 08:19:46
nour
المهم انت ما تبطل فهلو ة يا نضال....
عجبني الموضوع كتير واوافق احد التعليقات يلي بييقول ما بيطلع الحكي مع نضال الا اذا صار معه شي اوشافه بعينه وهذا الحكي ذكرني بقصة صغيرة لنضال معلوف اسمها" يوم في المالية " كان من المفرض ان تكون سلسلة طويلة ...و زاوية جميلة في سيريانيوز يمكن كان اسمها حكي مجنون والله نسيت شو..ومقال جميل كل اسبوع على الاقل....شو صار معك فيهون يا نضال ???المهم الان انت ما تبطل فهلو ة.....
الولايات المتحدة
-

2009-07-15 07:13:18
عايش في كندا
بلدي
هو أغلب الشعب صاير كذاب ومنافق بالدرجة الأولى وبيحللو كل شي بمبررات مقرفة وما في تربية لا بالمدارس ولا عند الأهالي وبدو يستفيد من أي شي منشان يسرق. ما في مقال بيطرح واقع عن مؤسساتنا إلا منشوف التعليقات اللاذعة وهادا دليل على الواقع المتردي اللي وصلنالو. والله نحنا مو عايشين لحالنا على هالكوكب. روحو شوفو بقية البلدان. حتى لبنان صارت أحسن منا. الصدق الصدق الصدق. الاحترام للقانون والمواطنين شغلات أساسية للحياة الكريمة بأي مجتمع مع أهمية أنو اللي عم يحط القانون يحطو منشان مصلحة عموم المواطنين
سوريا
-

2009-07-15 00:39:06
مواطن قرفان
ياترى 00 مين عم يشجع عالنصب بهالبلد ؟؟
ومين عم يخللي لجنة متل لجنة تنظيم معارض تضحك عالناس بحجة اجراء يانصيب على سيارة تسرق من الناس ملايين الليرات وبالآخر تأمئم للشعب المسكبن بالاصبع الوسطى وروحواعملوا يللي بدكم اياه00 ووين رقابة الحكومه الصارمه على هيك عمل لااخلاقي 00 ووين يللي عم يدعوا مكافحة الفساد اذا اعتبرنا انو هاد نوع من انواع الفساد
سوريا
-

2009-07-14 21:27:31
ابو شهاب الدمشقي
قالوا الشركه المنظمه بدها تعمل سحب ؟؟
وقالوا بدهم يقدموا سيارة 00 شو هالكذب 00 لاعملوا سحب ولاشيء 00 وانا اقترح من سيريا نيوز ان تطالب باجراء سحب علني أمام لجنة حماية المستهلك وتحيد البطاقه الرابحه باعتبار ان ثمن الدخول كان لأجل هذه المسابقه والا لماذا الاموال الطائله التي جمعوها 00 والا فالعمليه نصب على الناس 00
سوريا
-

2009-07-14 20:29:13
شامي معتأ
تتمة
والقاضي بداوم ساعتين وبيمشي يادوب يرد عليك ...المهم رحت من تاني يوم دفعت المعلوم بكراج الحجز وطلعت السيارة عمليا ..اما على الورق ضللت شي 15 يوم محجوزة وانا داير فيها لفك حجزا وهي معي ...ففي ظل التعقيدات والبيروقراطية المفتعلة من قبل الموظفين بدها حربئة ولا ما بدها؟؟؟
سوريا
-

2009-07-14 20:19:25
شامي معتأ
عندي أمئلة على الفهلوة
المواطن مجبر على الفهلوة واليكم المثال...انحجزت سيارتي لأنو مفيمة والهدف هو الشمس اللي عم ترأع فيها (مو لأي هدف تاني)يعني لا تشبيح ولا لشغلات تانية .المهم بنفس اليوم ازلت المخالفة بكراج الحجز و ضلت يومين لطلع قرا فك احتباسها بس ما طلعت ..ليش لانو بهل يومين خلص ترسيمها وصار للشغلة ايدين واجرين وقضاء وشرطة وضلت شي 15 يوم محجوزة على خود كتاب من الشرطة للمحكمة ومن المحكمة للشرطة ...هون صار بدها فلهوية الشامي يعني من تاني يوم عرفت انو الشغلة مطولة وموظفين دوامهون من 12 لل2 والقاضي (يتبع)
سوريا
-

2009-07-14 18:18:02
Yabani Mangoly
شامي باليابان
المشكلة مو بس الفهلوة نحنا بنفكر حالنا افهم ناس بالعالم بس نحنا عن جد...درويش ومساكين .الي عشر سنين باليابان كل يوم عم تكبر بعيني هالبلد.لو بتشوفو هون كيف لما بتتعامل مع صاحب شركة كيف الاحترام بس عنا بدك واسطة لتحكي مع بياع شاورما.لو بتشوفو لوين وصلو اليابانين .....بتعرفو وقتها ان نحنا نمور من ورق ومااجاأمر تخطيطنا لسا.
سوريا
shamifree@yahoo.com

2009-07-14 10:04:50
طيور الوطن في ابو ظبي
كما تولو يولى عليكم
اليس كل سوري معني بالفهلوة؟ اليس من يخالف مواطن ومن يتفهلا مواطن ؟ اليس الضائع هو القانون الذي نرفض الاعتراف به ؟ اصلح نفسك يأاخي السوري وافسح المجال للضمير والقانون ...................
سوريا
bjamireon@gmail.com

2009-07-13 15:50:41
عـبـد الـجـبـار الــيــائـــس
تحية للمعلق أحمد بسمار
لأول مرة أحي معلقا بدلا من تحية الكاتب على مقال. اؤيد فكرة المعلق أحمد بسمار باقتراحه على خلق زاوية تدعى بق البحصة بدلا من زاوية شكاوي القراء التي تبقى محدودة الاستماع من الأطراف المعنية. وبالرغم من قناعتي الواقعية أن الزاويتين ستبقيان كالعادة صرخة في وادي الطرشان. ولكن على الأقل يستطيع المواطن المخنوق العادي فش خلقه أو بق البحصة. من يدري عندما يرى المعنيون أكوام وتلال البحص المبصوق المتراكم, الذي يعترض شوارع الفساد. حينها فد يتداخلون بجدواضح ويفكرون بتنظيف الشوارع.
سوريا
letranger618@hotmail.com

2009-07-13 13:48:23
شامي منتوف
الفهلوية شعار
ياسيدي الفهلوية أصبحت شعارليش قليلة فهلوية البيوت العمالية أو أنفلونزا بيوت عدرا والسباق عليها وكم اشتغلوا الفهلوية بسحب مئات الليرات من المنتوفين ثمن طوابع ووو وبالأخير بيعطوا البيوت للفهلوية متلهم وبيقولولك أنو تم توزيعهم بناءً على عاتق المسؤول لأنو عندو حصانة ياسيدي اتقصى عن هل الموضوع واسماع عن فهلوية الفهلويين رجاءً
سوريا
-

2009-07-13 11:55:53
مغترب بس مو مستغرب
تحية إلى سهران حيران
كلامك واضح و أنا فهمانك و من هون من دبي برسلك تحية على جناح السرعة السرعة العجل العجل الآن الآن وليس غداً خود تكسي وتعال بسرعة و انا بحاسبك متل كل مرة ولا تجيب حدا معك إلا إذا غردت العصافير لحناًكصوت حنفية في قاع وادي الذئاب المسعورة الكائنة في باب توما جانب حمام الشيخ رسلان يا شيخ رسلان في مساء كئيب مع فنجان قهوة والخوف بعينيها ينادي غيوم الفرح لتأتي كما أتيت أنا بنفس التكسي يلي بدك تجي فيها اذا انقطعت أخبار الضفادع فلتشرق شمس الشتاء في ذاك الوادي العميق
الإمارات
damassin@gmail.com

2009-07-13 09:05:54
دكتور فهلوي
دكتور فهلوي
شو رايكم بالهدكتور الفهلوي يلي ما بيعطي اجازة صحية (مؤسسة حكومية) للمريض وبيعطيها لواحد أو وحدة مافيها البلاى وبايديها 100 ليرة سورية ثمن يوم اجازة صحية واحدة واذا بدها أكتر لازم تدفع أكتر طبعا مع بعض الغنوجة والدلال على الدكتور
سوريا
-

2009-07-13 05:59:39
الحمصي
نبع صاف
هذه الساقية من ذالك النبع متمرد ناضج واعي وجرئ . . . هل من صدى قبل الآذان والناس نيام . . ان مع العسر يسرى ؟؟؟؟؟؟.
سوريا
homse2@mail.sy

2009-07-12 23:14:36
أحـمـد بـسـمـار
نضال معلوف و بـق الـبـحـصـة
تعجبني. تعجبني مرة أو مرتين في السنة, لا أكثر. وذلك عندما تبق البحصة بعد مشكلة وقعت أمامك ولا تستطيع سوى أن تكون شاهدا مباشرا لها. ولكن بصراحة ومنذ سنين طويلة,كم مرة أدرت وجهك للطرف المعاكس كأنك لم تر أي شيء على الإطلاق من مآسي شعبنا البسيط. سوف أقيم لك تمثالا, لأنك حتما ستصبح شهيدا, ولو مجهولا. يوم تفتح في موقعك زاوية تدعى بق البحصة, تسمح فيها للقراء بدون أي حذف أو تحديد لعدد الكلمات أن يبقوا البحصة عن كل المآسي اللاإنسانية التي يلاقونها في حياتهم اليومية.. أنا بالانتظار.
سوريا
a.bismar1970@hotmail.com

2009-07-12 21:44:40
ghareb
الى سهران حيران 00؟
لفت نظري احد الشباب الذي قلك غليان الحشيش وضارب ولافف بدي افهم بس شو بدك تقول لاني عن جد شكلي حششت معك مسسسسسسسسسساء الخير
السعودية
iyad737@hotmail.com

2009-07-12 17:25:28
شي منه كتير
ما رح يفهم على كلامي غير اللي بيسوق كتير
يا سيدي كنت سايق السيارة وعم لف من شارع رئيسي لفرعي,ومعلومكن عالكوع ما بيتوقع السائق إنه في حدا عم يقطع الشارع عندالمفرق لأنه هيك العقل بيقول(مع إنه عنا كل شي وارد) فبيضل ماشي, والدنية كانت عجقة والسيارة ورا التانية قام اللي عم يقطع داق خلقه من الانتظار هو وخطيبته (جدلاً خطيبته) وبالصدفة كنت ماشي عالهادي فسمعته وهو عم يقلهامن باب الفلهوة طبعا\\\"عملي حالك مو شايفةبيهدي لحاله\\\" والصراحة ما بخفيكن وقتها أشعر بدني من ضخامة حجم الذوق والذكاء والفلهوة
سوريا
Falhawi@Baladi.com

2009-07-12 14:42:12
شام شريف
هوامير الفهاولة 1
الفهلوي .سائق سيارة الأجرة وبائع الخضار .والشرطي .يعتبروا من ( صغار الفهلوية ) أما ( الهوامير من الفهلوية )...خارج نطاق الوصف ...أمثال الفهلوي الذي .تواطآ مع ( موظفين كاتب العدل والمصالح العقارية بدمشق ) ... وباعوا بيوتا ..أصحابها خارج القطر ..وغالبية أصحاب البيوت مغتربين لا يأتون لسوريا إلا من العام للعام الآخر ...وأصبحت الدعاوي بالقضاء ..( وعيش ياكديش ) يتبع
سوريا
alpha3@eim.ae

2009-07-12 13:24:59
فهلوي هربان و موراجع عن قريب
هيك حكومة بدها عباقرة وجهابذة وعلماء
تحياتي أخي نضال،،قبل إعداد المقال هل سألت نفسك عن سبب هذه الجينات التي تسري بدم السوريين عموما؟ السبب الوحيد يا نضال هو لقمة العيش و الحياة الكريمة التي لو توفرت للمواطن منذ الأزل لاختلفت كل القيم، إن ما يحدد سلوكياتنا و أخلاقياتنا في الدرجة الأولى هي الاحتياجات الإنسانية تليها العدالة الاجتماعية الغائبة عن مجتمعنا ناهيك عن نظرة المواطن لأزلام الدولة على أنهم العدو القابع للتربص واستغلال ما يمكن استغلاله من المواطن إلا في ما ندر
بريطانيا
-

2009-07-12 08:55:20
نبيل
تحياتي القلبية إلى سهران حيران
لك من وين جايب هالتعليقات ،،، يخرب بيت الساعة يلي غلو فيها الحشيش و صار ينخلط شغلات تانية تعمل معك كل هالاصطهاج و يطلع معك هيك تعليقات
سوريا
-

2009-07-12 00:08:05
sezar
ان لم تكن فلهوي أكلوك
لما اركب بالرسفيس و ادفع ال 10 بدل ال 9 بحس قديشو فلهوي يلي اخترع ال 9 و 7 كتعرفات ركوب عملت تجربة مرتين مرة مع سرفيس و مرة مع باص \"باص باب توما ماغيرو\" بالمرتين عطيتن 9 ليرات اي بالمرتين رجعولي ياهن آل هي فراطة ما بتمشي معنا \"خلص مسامح\" انو طلعت أنا المسامح ..! حزام الأمان كل ما ربكب تكسي بحسو قديش فلهوي من طريقة تركيب حزام الأمان و أخيراو آخراً رادار السرعة الوحيد المعرض لاطلاق النار هوي في سوريا الانسان سوريا الحضارة تحياتي
سوريا
someone@mile.com

2009-07-11 20:12:49
ghareb
شطارة وفلهوة ان تسرق
المجتمع شرب الفساد وربي عليه فاصبح الحرام حلالا وشطارة وفلهوة المهم ان تاتي بكل شيئ ومن احسن الانواع فاني اعلم ومن تجاربي الخاصة من احتكاكي بالبشر وبدون استثناء اغلبنا حرامي بامتياز فبائع الخضار ينتهز الفرصة كي يضع لك في الكيس الاسودالنوع الرديئ مع انك قد دفعت له ما قال وسائق التكسي يسرق منك الاجرة الغير معقولة وقد لا يعيد لك الباقي لانه من حقه وبائع الخبز يبخس الميزان وكان الغرامات التي حرمك منها سوف تغنيه وعامل الكهرباء ياخذ رشوة لكي لا يعطيك مخالفة سرقة كهرباء والكثير يدمي القلب
سوريا
iyad737@hotmail.com

2009-07-11 18:22:28
نيللي
فهلوي وبس
مرحبا يا أ.نضال ان الزمن الذي نحن به هو للفهلوي فقط فتراه يصل الى ما يريد ولو كان بتزييف الحقائق واللعب بالبيضة والحجر كما يقولون فماذانفعل ازاء ذلك اما ان نكون مثله لنصل الى ما نريد (وهذا اذا طلع بايدنا ) او ان نتفرج عليه فقط ولا نستطيع ان نقف بوجه لأن هناك من يقف معه ويكون مصدر قوة والله يعين...
سوريا
-

2009-07-11 14:07:40
القطة البيضة
ولي على الفلهوي بس يقع
صارت معي مرة كنت رايح على الحلبوني نزلة المكاتب وكان اخي عم يستناني كمان كانت سيارتو معو صفيت سيارتي ورى سيارتو ونزلت بس خلصنا شغلنا لقينا السيارات عليها مخالفات تحت المساحة وقفت انا واخي ندور على الشرطي ما لقيناه دققنا بالخالفة لقيناها نص مخالفة مكتوب عليها رقم السيارات دورنا على اصل المخالفة لقيناها على سيارات تانية بس بيختلف الرقم طلع صاحبنا عم يقسم المخالفة نصين نص للدولة والنص التاني مشان تفاوضو علية ياعمي ذكي لشو الحكي
سوريا
shamssalsham@yahoo.com

2009-07-11 11:01:56
فهلوي مخضرم
فهلوي حارق قلبي
يا سيدي الفهلوي يلي حرق قلبي هو يلي لطش اسم الكارفور وطلب 5 ملايين دولار للتنازل عنه، شفتو أكبر من هيك فهلوي، قدر يتفهلون على شركة عالمية وعلى الدولة وعلى سمعة الاستثمار في سوريا وما همو حدا، ولا ساءل على حدا، يلي حرق قلبي انو طلع فهلوي اكثر مني، آآآخ بس لو سبقته
سوريا
-

2009-07-11 09:56:16
فلهوي
منظار على من يدعون البرائه
أنت ايظا فلهوي من هؤلاء الفلهاويون ... ما رائيك ب يانصيب البطاقات الشهريه أتعتقد بأن المشترين ايظا من القطيع و لأنك فلهوي ليس لديك المقدره أن تكون فلهوي يكسب الكثير تكتب ضدهم ليعطونك شئ من فهلويتهم ... موضوعك ليس جيدا
سوريا
-

2009-07-11 01:01:50
فطسان المشوب
عاشت الفهلوة
بصراحة أنا أكتر شي كاسر ضهري بهالبلد هو الشوب، واذا بيجيني شي فهلوي بياخد 500 ليرة وبيمشيني رح اعطي ياها مع حبة مسك وبوسو من بين عيونو كمان... وينك يا كندا تشوف عينك وش جرى فيا
سوريا
-

2009-07-10 23:58:33
ماهر
جامعة الفهلوة
لازم نفتتح فرع لدراسة الفهلوة عنا يا شباب حتى تتخرج كوادر مثقفة ويصير عنا شهادة فهلوة
سوريا
-

2009-07-10 18:23:57
فهلوي المستقبل
عم فكر كون فهلوي...ليش لاء؟.ماحدى احسن من حدى!!!
كلها فهلوية لازم فكر كون فهلوي كمان واذا سألتوني بشو عم فكر بقلكن بصراحة عم فكر اشترك واعمل مخدم انترنت واسميه "لحم حمار2" وبترجموا لغير لغة واطبع من هالبطاقات وبيع وعمرينها ماتفتح الصفحة بساعتين لانو ماحدى احسن من حدى كلها فهلوية ونصابة وليش انا لا....
سوريا
-

2009-07-10 17:23:49
دريد
المعرض ليس فيلم سينما
شكرا اخ نضال . مؤكد ان الموضوع ليس قيمة الخمسين ليرة ولكن الموضوع هو الفكرة، المعارض عموما مجانية وليس كما يدعي البعض. منظمو المعرض يحصلون على التمويل اللازم من الشركات المشاركة والشركات الداعمة والشركات المعلنة وليس من الزوار. الفائدة من المعارض زيادة مبيعات الشركات المشتركة بالعرض، وهو ليس فيلم سينما لكي يتقاضوا ثمن تذكرة من الحضور. الغريب ان البعض يدافع عن الفكرة! هل تقبلون ان يكون معرض الالبسة او التقنيات او غيرها بتذكرة ايضا؟ ام انه لا تزال السيارة تمتلك هالة عند البعض حتى لوامتلكوها.
كندا
-

2009-07-10 15:35:52
تمام حمزة
ازعاج
أزعجت الخمسون ليرة السيد نضال معلوف و استطاع الكتابة عنها( بشجاعة) و نسي هو و جريدته الغراء كل ما تبقى.. خمسون ليرة يا نضال ؟؟ و المليارات الأخرى ماذا عنها ؟؟ تجار سوريا أزلام و واجهات مكشوفة.. لذا بدون فهلوية الله يرضى عليك
سوريا
-

2009-07-10 14:08:02
يسلملي راسك انت
راس من هذا القطيع
اهم شي انو السيد نظال يتحفنا بمفرداتو تبع على الراس والقطيع يلي هو جزء منو لهاد القطيع تانيا 50 ليرة ما رح تكسرو للي رايح يشوف معرض سيارات ولا اتعودنا على المجاني يعني بغير دول بياخدوا رسوم على استعمال الشارع وبموضوع المخالفات المفروض انك صحفي وغيور على مصلحة البلد ليش ما خبرتو للشرطي انو السائق كان مخالف ولا المرجلة بس هون على صفحات سيريا نيوز انا مو مع المخالفات والرشوة وكل شي غلط عم بيصير بس كمان انا ضد الفزلكة وكلام اشباه المثقفين يلي ما بيوصل على محل انا تشعل شمعة خيرمن ان تلعن
سوريا
-

2009-07-10 13:45:38
زهرة
قلة أخلاق
الفهلوة يللي عم تحكوا عنها هي انعدام أخلاق ودناوة نفس .لو كل واحد مسمي حالو فهلوي بيحترم نفسه شوي ما بيلجأ لها الأساليب الدونية...
سوريا
-

2009-07-10 13:10:50
يحاول ان يكون فهلوي
اكبر فهلوي بجدارة
بما انك كتير عم يدايقك هالشي شو رأيك تبدا من نفسك ولا الواحد ما بيشوف حالو بس بينتقد غيرو او انك من جماعة الاقوال فقط وبعيد تماما عن الافعال . وعلى فكرة مللتنا من قصصك يعني كل مابتروح على محل لازم تحكيلنا شو صار معك . كن وقعود ببيتك
سوريا
-

2009-07-10 11:24:54
مواطن مغترب و مبسوط رغم البعد
الغربة في
بيقولو كلمة الغربة كتير و قصدهن الطلعة برا ا البلد، با ناس و الله يللي صاير فيني انو كلمة الغربة صارت تعني لما ادخل البلد، نحن عم نشتغل برا البلد و نتحمل كتير و قليل ( الناس يللي برا عم يفهموني صح) و مع هيك لما مننزل إجازة عالبلد ( كواجب للأهل و الأصحاب و راحة من الشغل شوي فقط) ما بتعرف كيف ترجع. وصلنا لمرحلة قلة الحيا بالاحتكار و الغلاء و الرشوة و التجارة بالعلم و الناس و التطفيش و التقليع و نشر مبدأ لا ترجع أحسنلك. 
سوريا
-

2009-07-10 09:48:19
مشاركة
يعلمون أطفالهم الفهلوة
عندما أخذت أطفالي إلى مشروع مسار والذي هو مشروع حضاري جدا والعاملون به كانوا لطفاء جدا (وهذا غير معهود ) كان يجب على الأطفال أن يقفوا بالدور لانتظار المشاركة في كل فعالية ولكن (كل شوي بينط واحد وبيحط ابنو بأول الصف على أساس شطارة ) بدل أن يعلموا أولادهم احترام النظام والدور لأنه فعلا ما كان ينقص في هذا المشروع سوى يعليم الأهالي الابتعاد عن سياسة التدفيش و التطحيش والتي بدات منذ ركوب الأطفال في القطار الذي ينقلهم من باب الدخول إلى النشاطات وشكرا لسيريانيوز
سوريا
-

2009-07-10 03:55:23
ابو عدنان
خطير
السيد مدير المعارض لاخذ العلم بان احد الاشخاص قد ادخل حوالي مئه شخص هندي وبنغلادشي عن طريق مديريتكم وقد اخذ من كل شخص الف وخمسمائه دولار ليقوم بتهريبهم خارج القطر وهذه هي الفهلوه في بلدي وقد اصبحت المعارض فرصه لتهريب البضائع والاشخاص
سوريا
-

2009-07-10 01:57:56
رزان
اللي صاير بزعل
شئ محزن لانو النصب والسرفه والرشوه صار اسمها فهلوه وصارت شئ مقبول وطبيعي واللي بخالف بكون ما بيفهم... الرجعه على البلد كتير صعبه
سوريا
-

2009-07-10 01:47:12
مهندس
فهلوة الاستملاك
من عبقريات الفهلوة القانونية في بلدي أن الدولة العادلة استملكت أرض اجدادي منذ ما يزيد عن 15 عاما ولم تتفتق هذه الفهلوة حتى الان عن طريقة لتقبيضنا بدل هذا الاستملاك فاضطررت انا المهندس للهجرة لاني لم اقدر ان اشتري بيت في بلدي رغم أني لو بعت الارض المذكورة لكان عندي الان 5 بيوت وانا الان في الخليج أحس للمرة الاولى اني مهندس وبني ادم وبنتي عندي وباخدها على نادي الفروسية بركبها عالحصان بينما هذه النعمة هي حكر في بلدي على اولاد الأثرياء الجدد ومن لف لفهم .. شو رايكم برجع ولا لأ؟
سوريا
S@FF.COM

2009-07-10 01:48:40
SANSHEZ
شو من شان النتائج تبع السب على السيارة العجيبة
يا جماعة على سيرة ال50 ع الراس والسحب اللي صار حدى بيعرف شو نتائج ها السحب وكيف ومين ربح يعني ع أساس يحطو النتائج بالجرايد الرسمية بس ما شفنا شي ويا خوفي نكون تخورفنا ب 50 ليرة ع الفاضي
سوريا
yasser_cocy@hotmail.com

2009-07-10 00:32:44
سوري
مشغلي الخليوي
و فهلوات مشغلي الخلوي يا استاذ نضال ما جبت سيرتها في حدا بالدنية ببيع بطاقة ايام او رسم على الكاشف او بيلطعوك ساعة على التلفون خطا موظف بشركة ام تي ان كلفني 2000 ليرة و لما اشكيت لمديره قلي لن تستفيد شئ و غير اللطش على الفواتير
سوريا
-

2009-07-10 00:09:48
د. فواز
فعلا
فعلا هذا بلد الفهلوية وليس للكفاءات فيه مكان وهكذا تجد أيضا على سبيل المثال من ينقلون أولادهم خلال الثانوية العامة إلى محافظات مثل اللاذقيية أو دير الزور ودرعا و الحسكة وحلب لأن الغش هناك في الامتحانات أسهل و لأن نجاخ الفهالوة شبه مضمون ولو كانوا لا يقرأون ولا يكتبون
سوريا
-

2009-07-09 22:54:54
dangerousminds
شرطة العباسيين
لك هدول شرطة العباسيين شرطة !!!لك إزا ضبط مابيعرفو يكتبو
سوريا
-

2009-07-09 21:45:28
مشروع مغترب
نقطة محورية
في حالة من السلبية المتفشية بسلوك الشعب يعني سرقات الكهرباء .. وحادث المرور يلي حكى عليه الاستاذ نضال هو اكبر دليل
سوريا
-

2009-07-09 20:30:46
fahlawi
you have to be
you have to copy what others do and if you don't it will be your mistake once i waited the red signal at 1:00 am some other cars passed my wife told me stay because those who passed are from eljama3a i told her so what then i passed but the moroor car was waiting for me
سوريا
-

2009-07-09 20:22:31
كاره الغباء والاغبياء
الحمدلله على نعمة الاغتراب
هلأ مو بس المواطن فهلوي ليش دولتنا مو فهلوية على اساس ؟؟؟ يعني بعد 100 سنة من استخدام الخليوي هلأ عم بيفكروا مشان ينزلو التسعيرة على الثانية وهالحكي من 50 سنة عم نسمعو يعني بس ابرة مخدر للشعب ومنشان الكهربا-المازوت - وتخصيص الكهربا وبكرا تخصيص الماء **
سوريا
-

2009-07-09 18:10:44
أبو وضحة نيان
نفس الحربوء
و هي أصة تانية على نفس التاجر الحربوء هاد التاجر بيجيب كمان موبايلات عل بلد بالكونتينر يعني شيلة بيله المنيح مع العاطل بسعر رخيص و بس توصل البضاعة بتنفرز لأجهزة جيدة و أجهزة فيها مشاكل و بس يجي الزبون بيقولوا له بدك يا مع كفالة و لا بلا كفالة؟ أزا الن مع كفالة بيعطوا من الاجهزة الجيدة و طبعا بيدفع 1000 ليرة حق الكفالة و أزا ألن بدون كفالة يعني مشان يوفر الألف ليرة بيعطوا جهاز من تبع يلي فيهم مشاكل. و هيك يل سادة يا كرام ماشيه البلد بس لوين ما حدى بيعرف  
سوريا
-

2009-07-09 18:10:20
أبو وضحةنيان
حربوء2
طبعا الزبائن عجن العرض تبع الشركة كتير فهم سيشترون القطع الجديدة برأس مالها و دون دفع أجور التركيب , و فعلا كل الزباين اشتروا القطعة و يلي حقها بالالاف طبعا و هنن عم يضحكوا و يلعبوا.لهون أصة هل تاجر مقبولة بس وين المصيبة ؟ المصيبة أنو التاجر جمع القطع المستعملة و وضعها بالمستودعات ورجع و باعها للزبائن يلي بدهن يشتروها على أساس مستعملة بس بحالة جيدة و طبعا هنن ما بيعرفوا أنو هي نفسها يلي تم تغييرها قبل سنوات .
سوريا
-

2009-07-09 17:52:02
أبو وضحاةنيان
حربوء 1
شركة يابانية أكتشفت وجود خطأ تصميمي في أحد منتجاتها فأرسلت الى وكلائها في دول العالم و طلبت منهم أحصاء عددالالات الموجود في كل منها و ذلك الارسال قطع الغيار مجانا لتلافي المشكلة و من بين الوكالاء الوكيل السوري حربوء القصة تبعنا و يلي كان بايع بالسوق شي 150 ماكينة. و على سيرة المنشار أستلم قطع الغيار المجانية من هو و أدم هل عرض الجميل للزبائن من هون (يوجد خطأ تصميمي في المكنات و سوف نتحمل التكاليف نحن و أنتم و الشركة المصنعة و من يريد شراء القطع الجديدة فسوق يكون سعرها بسعر التكلفة دون أجور تركيب
سوريا
-

2009-07-09 17:32:03
مراقب خارجي
انطبق علينا ما قاله رسول الله
ويقول الرسول الكريم محمد صلى الله عليه وسلم في مارواه ابن ماجة وصححه الشيخ الألباني: - لم تظهر الفاحشة في قوم حتى يعلنوا بها إلا فشى فيهم الطاعون والأوجاع التي لم تكن في أسلافهم الذين مضوا. - ولم ينقصو المكيال والميزان إلا أخذوا بالسنين وشدة المؤنة وجور السلطان عليهم. - ولم يمنعوا زكاة أموالهم إلا منعوا القطر من السماء ولولا البهائم لم يمطروا. - ولم ينقضوا عهد الله وعهد رسوله إلا سلط الله عليهم عدواً من غيرهم
فرنسا
-

2009-07-09 17:26:47
sadeq
بدون تعليق
الله يعكيك العافية يا سيد نضال و اتمنى ان يصل صوتك للجهات المعنية و بارك الله فيك بس برجو المواطن اللي اخد الجرن للكبة ان يتذكرنا بصحن مشكور
سوريا
-

2009-07-09 16:14:32
مروان
الى مواطن صالح رجاء لا تسمللي بدني
أخي نحنا شباب متل الوردمنوعى على هيك امورمننذل ببلدنا بالشغل الوظيفة الكلية و ***** كلو بس منشان ناكل لقمة الخبزو رغم كل هاداالشي مندفع الضرايب و المي الكهرباء و النظافةوالمالية ما بتخلي شي وبعدين بيطلع الحق علينا إذا بدنا نمشي ورقة موقفها شقفة موظف بالإلتفاف على القانون و بحجج من تحت الأرض رجاء قبل ماتحكي على العالم الي بيمشو متل التوتو إذا انفرض القانون على الجميع شوف المسؤول عن التسيب و الفساد و حاسبه ليكون عبرة.و شو رأيك تمنع الناس من شم الهوى كمان وتاخد حقه مصاري
سوريا
marwan5685@gmail.com

2009-07-09 16:12:16
أسامة
نضال معلوف اول فهلوي في عالم الصحافة المأجوره
اخ نضال انا لست ضد الخمسين ليره و لكن ضد أسلوب جماعة أبو عضل يلي كانوا واقفين على الباب و الأسلوب الأمني المستخدم للدخول هذا من ناحية و من ناحية ثانية ما رأيك لو تحدثنا قليلا عن الفهلوه التي اتبعتها للحصول على ترخيص سيريانيوز و الفهلوة أيضا في أستمرارها و أيضا في التعامل معها طبعا أنا من عشاق سيريانيوز و لكن هناك احد المعلقين قال أن القوانين هي السبب و هذا صحيح فلكل قانون في بلدي مئة الف قرار وزاري و عيش اذا فيك تعيش
سوريا
walashe2@yahoo.com

2009-07-09 15:32:25
مروان
مشكور على المجهود
شكرايا أخي الكريم و يا ريت كل الصحافيين شرواك بالخير لكان الوضع احسن . بس شو بدنا نحكي معظم زملائك موجهين و عندن كافة انواع مماسح الجوخ.حضرتك كتبت عن عينات و احداث صغيرة و لكنها تعكس العقلية لمعظم المسؤولين (الفهلوية)أو الحربئة من اصحاب المصالح الشخصية. ولاحول ولاقوة إلى بالله .و أنا معاك على الخط و السلام
سوريا
marwan5685@gmail.com

2009-07-09 15:19:50
شامية
مافي شي ببلاش
حلو كتيركتابة المقال رحت اول يوم على المعرض وكان الافتتاح ولرجال الاعمال حصراوشربناالعصيرووكان عم يوزعو قطع الحلو و تسائلت انو منيح متكلفين كتيربس هنن كانو حاسبيناانوبعدين حايجمعو 50 من كل شخص يعني بيطلعو حق السيارة وحق وكل شي اتكلفوه بس ياهل ترى مين يلي يربح السيارة شي واحد عندو سيارات ولالاماعندو؟؟؟؟؟؟؟؟ولاكمان هي مدروسة انو الفقيرمومعقول انو يربح السيارة بعدين لاتنسو انو عاملين تخفيض شي 20000 الف محرزين يعني الواحد يشتري سيارة من هنيك
سوريا
-

2009-07-09 15:09:11
بشار
فهلوة غربية و عجيبة تعرضت لها
تعرضت لحادث سيارة منذ سنة , حيث صدم سائق تكسي سيارتي , و طبعا تعرضت سيارتي لأذى كبير و تعرض صديق لي لأذى جسدي حقيقي , و بدء سائق التكسي’ الذي كان و بسبب حظي العاثر شرطيا!! ’ بالتوسل من اجل إسقاط حقي بمطالبته بالتعويض و طلب أن أسامحه بحجة انه لا يستطيع التعويض ! و لعب زملائه الشرطة دورا مهما بتاخير عمل ضبط الشرطة لاكثر من 16 ساعه!ّو فعلا سامحته !! فما كان منه و بالاتفاق مع زملائه الشرطة أن ادعى بأنه فقد الذاكرة بسبب الحادث و قام بالادعاء علي و تم إيقافي !! هذه أحلى فهلوة تعرضت لها بحياتي !!
سوريا
bsafadisyr@gawab.com

2009-07-09 15:07:04
مزعوجة
شو هل الحكي
ياسيد يا كاتب يامحترم قبل ماتحكي هيك روح شوف معرض دمشق الدولي ومعرض الزهور الدخول عليهم بمصاري وانا بشكر الشركة المنظمة للمعرض إنو عملت هيك مشان مايفوت على المعرض ماهب ودب بعدين غالبية المعارض المهمة بالعالم بتكون بمصاري وهاد الشي بداية تطور بعدين بسم الله من عينك والله يهني الشركة المنظمة ويسترهن من عينك بعدين شو فهمك انت بصناعة المعارض??????
سوريا
sireena25@yahoo.com

2009-07-09 15:00:06
مواطنة سورية تعبت من سرقتها
الى مدير شركة المعارض
يعني اذا كان المواطن رايح على المعرض ليبدل سيارته او يشتري سيارة جديدة حضرتكن لازم تسرقوه وهو داخل \\\"يعني السرقة عينك كنت عينك\\\" والله عيب , خاصة لما تقول انه انتو بيهمكن رضا المعلن, اما الزبون مو فارق معكن انشالله يصفى على ولا ليرة شكرررررررررررررررررررررررررا كتير يا احدى مدائرنا العظيمين
سوريا
salamsweet87@hotmail.com

2009-07-09 14:29:45
مغترب و الحمد لله
الفهاولة في بلدي
طبعاً شي بضحك لكن المشكلة كل البلد صارت ماشية بهالشكل البلديات في المحافظات بتاخد رسوم النظافة وتفرج على نظافة البلد شي بيقرف رغم أن رسوم النظافة لو صرفت بمكانها الصحيح لكانت بلدنا من أنظف المدن لكن وين بتروح هالرسوم مابتعرف. ولمابدنا ندفع رسوم دخول السيارة للبلد الموظف بيطلب منك مبلغ وبيعطيك وصل بمبلغ أقل من اللي عطيتو ياه،وبالآخر لما بتخلص بتدفع مبلغ قال لحضور شي مسرحية لايمكن تحضرها أو يكون وقت المسرحية فات من شي شهرين ثلاثة. بقى بالأساس عوجةإذا صلحتا بتنكس، وإذا تركتا بتطق.الله المستعان
سوريا
-

2009-07-09 14:25:14
Lily Rose
وين البطاقات الرابحة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا متلك يا أبو طمزة دورت وما كنت لاقي البطاقات الرابحة يعني دفعنا خمسين ليرة وياريت شربونا كاسة عصير فيها أتكلفت أنا وزوجي 150 ليرة لكاستين عصير صغار على الماشي بعد ما طقطق حلقنا من هل المشوار
سوريا
-

2009-07-09 14:24:12
ابو اديب
الفهلوية
الشعب لازم يسموه ابو العريف. ما شاء الله شعبنا (كلو) بيفهم (عد على أصابيعك) الكهربا الهاتف الكيمياء الزراعة التارخ السياسة الجغرافية ميكانيك الفلسفة الطبخ وأخيرا بتكتشف انو بدو فت خبز كتير
سوريا
-

2009-07-09 14:11:27
سوري مغترب
ما في قانون
ببساطة الشعب السوري نصو فهلوي أو عامل حالو فهلوي لأن ما في قانون و إن وجد ما في حدا بخاف منو لأن الرشوة و الفساد موجودين و معششين بالبلد و القصة مش قصة مسؤول سرق أو إرتشى المصيبة إننو الفساد صار ثقافة مجتمع و الشاطر هو اللي بينصب أو يسرق بشكل من الاشكال فالج لا تعالج
بريطانيا
rmantile@hotmail.com

2009-07-09 14:07:57
علي
المضحك المبكي
ضحكت من كل قلبي وانا اقرأ هذا المقال الشيق و هو يدل على وضعنا المبكي استغلال وقلة اخلاق من التجار و من يشد على ايديهم الاخلاق صارة عمله اثريه و ليس نادرة و بعض المعلقين يقولون معليش لازم تكون 200 ليرة مو ليكون في سيارات غير الي بالشارع يعني عليها القيمة لتتفرج و تدفع
سوريا
alishoojaa@lycos.com

2009-07-09 13:58:07
غريب بن عجيب
قصة غريبة
يا جماعة من مدة رحت لرسم سيارتي في الزبلاطاني وفي داخل المركز ترى الشبيحة يخترقون الدور لك ينجزو المعاملات الموكلون بهامن دون دور مثال الفهلوة والشطارة فيضعون 100ل س تحت المعاملة ويقول لك بكل وقاحة عطي ياها (أي للموظف) او يقول يا فلان ليش رجعتلي هي المعاملة ومالك عاملها على أساس هية كانت عندو ورجعتها وعم يضحك على عقول الناس والانكى من هيك بيضحك ضحكة خبيثة والعالم ناطرة الدور بالشوب والزحمةوهوة بيمشي اول واحد
سوريا
-

2009-07-09 13:48:06
سوري غيور
في أروقة فرع مرور دمشق (2)
نزل ايدك شايفك ويستمر المعقب بتجاهله للشرطي والطبيب الى أن رأيت الختم على المعاملة ناجح ... فبقى بكرة لما يندهس ويموت شي واحد الله لايقدر ياترى بكون السبب ضعف بصرالسائق أم هو قتل بثمن ما على يد الشرطة والطبيب؟؟ ياسيد نضال تجاوز اشارة حمرا في بعض البلاد يعتبر شروع بالقتل.... الله يحمي البلد
سوريا
-

2009-07-09 13:49:55
سوري للعضم
شكر للسيد نضال معلوف
بدي اتكرك يا سيد نضال على هل المقال ... وبصراحه انا مستغرب من مدير المعرض يلي عم يتلفهو ويعلق على مقالك مع كل هل اردود يلي ضدو
سوريا
-

2009-07-09 13:47:28
سوري غيور
في أروقة فرع مرور دمشق (1)
ذهبت الى الفحص الطبي حتى جدد شهادة السواقة في فرع مرور دمشق وإذ بلاقي أحد معقبي المعاملات الذي حدوده لازم تكون خارج أروقة الفرع موجود داخل غرفة الفحص يعرض خدامته على رجل يقارب الخمسين و عند سؤال الطبيب المزعوم للرجل عن الإتجاهات في فحص العيون يقف معقب المعاملات الى جانب الرجل واضعا يده خلف ظهره ليدله على الإتجاه بالنقر تارة عاليمين وتارة لفوق وهكذا.... ولسخرية الموقف انه الشرطي\"\"رفع عتب\"\" يخبره
سوريا
-

2009-07-09 13:30:57
KMW
= = =
على خطى الشقيقة مصر............بس لأ نحنا الفهلوة تبعنا ما فيها تذلل متل فهلوة الأشقاء......يا خوفي من سياسة التمصرن...
السعودية
qmrw2009@yahoo.cm

2009-07-09 13:25:06
مغترب
ثقافة السوريون هي يلي ببلاش كتّر منه
مهما كان هذا الشيء يتهافت السوريون على أخذه سواء للأكل أم للعرض وهو يعلم أنه سيرميه بعد قليل .وهم يجب أن يعلمو أنه في عصرنا الحالي لم يعد هناك شي ببلاش .يجب أن تدفع على كل شيء وسيأتينا يوما ندفع فيه ثمن الهواء الذي نشمه .اللهم عافينا
سوريا
-

2009-07-09 13:24:11
سوري أندبوري
الى مدير شركة معارض
اذا ساءك استغلال سيريانيوز لتجاوزات بعض التجاروبعض المسؤوليين على حقوق المواطن الكحيان فما عليك الاوقف هذه التجاوزات و سوف ترى نضال يبحث عن عمل اّخر. أما عن المئتي ليرة فلا تؤاخذنا ان قلنا أن معرضكم هذا ما بيستاهل غير مئتي لطشة و الحق علا يللي بيضيع وقته بهيك معرض ولكن للأسف هناك اّلاف المعتريين الذين لا يستطيعون الذهاب الى أي مكان اخر فيأتون لمعارضكم العظيمة.
سوريا
-

2009-07-09 13:08:51
رضوان
خانتك عيونك
نفيت وأستوطن الفهاولة في بلدي ودمروا كـل أشيائـي الحبيبـاتٍ
سوريا
-

2009-07-09 13:08:57
مواطن صالح
سورية بخير
بلدنا والله بخير ياجماعة المشكلة فينا دائما من حاول نلتف على القانون لنساوي أمورنا..دائما من خانئ...دائما معصبين..ومشان معرض السيارات أحيي الشركة المنظمة على هل فكرة ولازم يكون سعر البطاقة 300 مو 50 حتى يلي مالو شغلة مايروح خوش أنو الشعب تعود على السيرين...يعني لو صار معرض للأنظمة الصرف الصحي بتلاقي العالم راحت ...طيب ليش شو سيران
سوريا
Bebars1989@gmail.com

2009-07-09 13:01:34
اياد
فهلوية 2
بس شفت الأخ الكريم وهو طالع أخر واحد من المعرض طبعا لحتى شفااا تشفاية والله الوكيل ماخلا كاسة نسكافيه ببلاش تعتب عليه يعني أضطر يشرب أكتر يمكن من عشرين كاسة هو لحالو لأنو ببلاش عداك عن صابونة من هون وئية زعتر من هون علبة معجون من هون يعني دبر أمورو ورجع عالبيت حامل ومحمل كأنو متسوق بشي ميتين ألف ومتلو متايل بهالبلد بس أنا مابلومو لأنو الحكومة بدها المواطن يضل محروم من كل شي وحتى من أبسط شي ..والنهاية أني حاولت أعمل فلهويةوعلى أساس شغلة بتضحك وألو للمدير علي صار وألعني من الشغل وصفيت بالبيت أعد
سوريا
-

2009-07-09 12:59:20
مغترب
من هو المغترب
المغترب أعزائي هو سوري كان حالما عندما كان في بلده، لم يرد أن يصبح \"فهلويا\" اما لأنو بخاف الله أو لأنو واعي, لم يجد أمامه سوى الاغتراب حلا. الغربة كربة كما يقولون، انتحار اجتماعي للمغترب كونه يفقد وطنه و اعزاءة و يختلف عنهم سنة بعد سنة ليعود و يجد نفسه لامنتمي. ولكن على الأقل يبقى لم يخسر نفسه. اسألو عن هذا أي مغترب عاد الى سوريا ليقول لكم \"أحسست كل الناس في بلدي حراميه و كذابين\"
سوريا
-

2009-07-09 12:51:12
مدير شركة معارض
مسموح للعام ممنوع للخاص!
نسيت أن أذكر السيد نضال بأن هناك رسم دخول لمعرض دمشق الدولي المنظم له هي مؤسسة المعارض هي مؤسسة حكومية.وأريد هنا أن أهنئك على فلهويتك في طرح هذا الموضوع الذي استقطب عدد كبير من المعلقين مما ينعكس ايجابيا وماديا على سيريانيوز التي تعمل بها !
سوريا
-

2009-07-09 12:53:19
اياد
فهلوية 1
وأعوذو بالله من كلمة أنا كنت بشتغل بشركة مستوردة شاي من برا والأحلى من هيك أنو اختاروني أنا لكون بمعرض دمشق الدولي المهم ألي المدير حأبعتلك شي خمسين كرتونة شاي ووزعون ببلاش (لأنو كان مستوردو جديد وبدو العالم تجربو ) ونبه عليي أكبر عدد من العالم ..وبلشت بالتوزيع .ففي أب كان جاية هوة وولادو ومرتو ويمكن نص العيلة يعني يمكن بيت حماه كمان .فالمهم لمعت ببالو فكرة أنو يوقف من بعيد وكل نصف دقيقة يبعتلي ولد أو بنت ..أو ..أو لياخد كل واحد علبة شاي وطلعو من هالتجرة بشي أربعين علبة شاي كيف وشلون أنامابعرف
سوريا
-

2009-07-09 12:45:20
سمير المبيض
بلدنا حلوة لاتنغصوها
الفهلوية هي المكافئ البديهي للوقاحة المتفلته والقافزة بسرعة الصمت أمام أعين المسؤولين عن تنظيم الفهلوية الفهلوية هي عندما تحل جميع العقد أمام المال والمصالح الشخصية لبعض المتنفعين المستندين لقوة منصب أو غيره فهلوية مؤسسة الاتصالات في المحاسبة على الدقيقة بدل الثانية،وفلهوية الكهرباء في صعق فاتورة المواطن بدل ضبط لصوص الكهرباء وتوسيع المولدات الفهلوية في شرطي الدراجة وهو يقبض المعلوم في وضح النهار الفهلوية أن تسجن لتجاوز السرعة حتى ولو لم يتأذى أحد كل ماذكرته سهل الإصلاح عندما نريد
سوريا
-

2009-07-09 12:41:42
مدير شركة معارض
يجب أن يكون الرسم مئتي ليرة
معارض السيارات خاصة يا صديقي نضال في كل دول العالم هناك رسم للدخول .لأن السيارات بحد ذاتها تستهوي فئة كبيرة من الناس على عكس المنتجات الأخرى فالذي يشتري مجلة تعنى بأخبار عالم السيارات لا يعني بأنه يريد أن يشتري سيارة أخر موديل بل ليشبع هوايته فقط .وهذا يعلمه جميع أصحاب شركات المعارض في العالم .ويعتبرون زيارة معرض للسيارات بمثابة حضور مباراة كرة قدم .فما المانع بفرض رسم دخول ؟
سوريا
-

2009-07-09 12:32:22
MMT
لك هي نص مصيبة
هلا شركة عاملة معرض وبدها ما يفوتو جماعة فصفصة البزر مبلوعة بس مرة اجيت بدي فوت انا ومرتي وبناتي 2ستة و 3 سنة على سكاي لاند قام الحرس اللي عالباب قال لازم ادفع 200 ل س ولك العما بكل الدنيا ماشفتها واحد بيدفع ليفوت على مول واللهي يجعلو مول اساسا حلو بكرة يدفعونا على شارع الحمرا او الصالحية اذا بدنا نمشي بالشارع 50 ل س واذا بدنا نصف السيارة 50 ل س
تنزانيا
-

2009-07-09 12:30:18
مدير شركة معارض
رسم الدخول يجب أن يكون مئتي ليرة
أنا مع السيد نضال ما يخص تهافت السوريون على الفهلوة.لكن ما يخص المعارض فهو مخطى.لأن الشركة المنظمة للمعرض يهمها أولا وأخيرا رضى العارضين وليس رضا الزائرين .وذلك باستقطاب أكبر عدد ممكن من الزائرين المهتمين ليزيد العارض من مبيعاته .فالذي يريد أن يستبدل سيارته أو يشتري سيارة جديدة لن يضيره أن يدفع 200 ليرة لهذه الخدمة بتجميع جميع الوكلاء في مكان واحد وأن يعرف أسعار السيارات كلها .أما الذي يريد أن يتنزه أو لكي يشبع فضوله فعليه أيضا أن يدفع ثمن هذه المتعة
سوريا
-

2009-07-09 12:11:43
مغترب
الفهلوة التي تثبت بأننا حمير
لو فكرنا فيها دقيقة لعرفنا أننا الخاسرين ! هل الأمم المخلصة تعيش أفضل منا ؟ نحن نستسهل الخطأ لأننا جبناء ولأننا ضعفاء ولأننا جهلاء، ولكننا نفضل الخطأ لأن فيه قلة مروءة، هذه هي القضية
فرنسا
-

2009-07-09 12:06:15
مغترب
هناك حل
مع كل الاخترام والشكر للسيد نضال, فهو لم يعرض جميع جوانب مصطلح الفهلوة. عندما تحس بأنك لن تنال حقك على المدى القريب أو البعيد في أبسط الأمور و في أكبرها لابد أن تفعل شيء. لاتستطيع الممانعة طبعا لأنها ت}دي الى طريق مسدود قد تخسر فيه الكثير. الفهلوة السورية هي في الغالب اعتداء على الحق العام و على أشخاص بعينهم أحيانا, نحن نعلم بذلك ونقبل به بل ونربي أولادنا عليه. هناك حل دائما, و هو بمعالجة السبب ، اصلاح القضاء فقط فقط كفيل بايقاظ الضمير لتحس أنه من الممكن أخذ الحق قانونا.
سوريا
-

2009-07-09 12:07:47
Taroka
بصراحة
ممكن ياسيد نضال تقلي مين علم الشعب السوري الفهلويه ومين اضطروا انو يعمل هيك لأنو الشيء بالشيْ يذكر
سوريا
-

2009-07-09 12:02:43
برمنغنات الصوديوم!
كل فهلوية ستنجب فهلويا و محال ان ينته الفهلويونووو
و الشعرات يلي طالعين من صدرو و الجيل على شعرو"الجيل صيني طبعا"و النضارات السود يلي ما بترحم و الموبايل على خصرو و باكيت الشام بايدو...دمار شامل!يا ماما..هاد غير سمعتنا انو منسرق الكحل من العين و ضربنا السياحة لانو ما ضل سايح الا و ركبنا على ضهرو و ئلنالو حاااا **..و هلم جراااااا..انا سوري اه يا نيالي.. و كل فهلوية ستنجب فهلويا شغل عتابا و محال ان ينتهي الفهليونوووووو
الأرجنتين
-

2009-07-09 11:54:32
nameless
دبرها معلم!!!
للفهلوة صفة ملاصقة عند السوريين: كلمة "دبرها" مع الاصرار والالحاح: واحدة من قصصي: في حارات الجسر الأبيض اتت سيارة في الاتجاه المعاكس وطلب مني الرجوع بسيارتي!! المصيبة والصاعقة عندما تدخل سائق السيارة الذي في خلفي وطلب مني الرجوع على مبدأ "دبرها معلم" "رجاع شوي ومشينا" !! فوجدت نفسي أتصارع مع السائق النظامي في خلفي بدل من المخالف.
سوريا
nameless@homeless.com

2009-07-09 11:54:56
برمنغنات الصوديوم!
كل فهلوية ستنجب فهلويا و محال ان ينته الفهلويونووو
بتشوفو اختراعات بحياتكون ما حلمتوا فيا..و نمرت كل وحدة منل شلفطة لحالا بحق سيارتين صيني ,ابتداء من هدول يلي فيون" 3 اصفار" و مرورا بالنمر متعددة الالوان و انتو رايحين!و لسا بتئولو ببلدنا ما في غير الصيني!العما شو علاكين.ولاك انت وياه..ثم انو شبو المواطن السوري..اي نعم سمعتو برا صارت بالاراضي انو اندبوري و ما في حدا سوري بالغربة بيتعرف عليك و انو من منظرو بتعرفو..ابتداءا من الصرماية الصيني المبوزة و النطلون الئماش او الجينز الكاحت و القميص المضبوب يلي جامع الطيف الضوئي كلو و الشعرات الطالعين
الأرجنتين
-

2009-07-09 11:49:43
برمنغنات الصوديوم!
كل فهلوية ستنجب فهلويا و محال ان ينته الفهلويونووو
بعدين لك يا عيوني ازا ما عملو الدخلة ب 50 ليرة كيف بدا تكبر ثروة التاجر الادمي الظريف الخفيف النعوم الكتكوت يلي ما فالت كرشو ئدامو نص متر و تصير هل الثروة بدل من 7 ارقام 8 او 9 او 10 ارقام..كيف ئلولي!ازا ما صار هيك من بدو يستوردلكون صيني يا ناكرين المعروف مين!جدي ولا ستي الله يرحمون!طبعا لا..عمو التاجر هوي يلي اخد على عاتقو هل المهمة الصعبة"طبعا ما رح حاول اتنبأ باسمو لعمو التاجر"..لك يا اخي ليش بتنقو انتو..يا اخي نزلو عل المالكي و ابو رمانة ..بتشوف سيارات لسا ببلدا ما نزلت .."يبتع"
الأرجنتين
-

2009-07-09 11:45:44
برمنغنات الصوديوم!
كل فهلوية ستنجب فهلويا و محال ان ينته الفهلويونووو
"يتبع"..اي فمو للاسباب السابقة مواطنا بيتشري الصيني و من قبلو الحكومة يلي استوردت الصيني او سمحت باستيراد الصيني"طبعا هية بتفهم اكتر مننا و بتعرف مصحلتنا"شو نحنا افهم منا يعني..ولاك انت و ياه! مواطنا بيشتري الصيني لانو الصين بلد شقيقة صديقة عم تعاني من كبوة اقتصادية و مواطنا بحالة بحبوحة اقتصادية نوعية ما شهد متلا لسا ولا رح يشهد..فليش لحتا ما نعدمون شوي و نتقلحف على صادراتون"زبالتون" من العيار الثقيل..ئلولي ليش..ازا نحنا ما وقفنا معن مين رح يوقف..ماليزيا يعني!لك شعبنا و شعبون متل ما بيقو
الأرجنتين
-

2009-07-09 11:45:15
برمنغنات الصوديوم!
كل فهلوية ستنجب فهلويا و محال ان ينته الفهلويونووو
بداية تحية لاولياء نعمتنا \"الصين الشقيقة\" لانو بصراحة لولاهن ما منعيش..يعني ابتداءا من العاكلة و مرورا بالجلاية و من دون نسيان الدواء و الادوات الطبية و الكماليات والسيارات و انتهاء بالخبراء المستوردين..و ركزولي على كلمة خبراء..كلووو صيني ببلدنا..طبعا لا تكرو انو مواطنا منتوف ما معو الليرة و مستعد يبيبع\"التياب الداخلية\" تبع عيلتو كلا مشان يعيش..طبعا لما يبيعون بيكشرلك عن اسنانو الما مسوسين ..على كتر التامينات الصحية و بيضحك انو هوي بلفو للي مشتريون لهل التياب الداخليين ..لانو مستعملي
سوريا
-

2009-07-09 11:39:36
إياد
دير بالك
الأستاذ نضال المحترم، المقالة رائعة بس دير بالك من شي كم فلهوي يرئعوك شي أتلة لأنك عم تتجاوز الخطوط الحمر وعم تفتح عيون الناس عليهم. شو نسيت شو صار معك منشان مخالفة المرور!!!!!ورشرش حبك يا جميل
سوريا
-

2009-07-09 11:40:48
سوري أندبوري
الخمسين ليرة و هدفها
يا جماعة مظبوط معار ض الخارج لها دخولية ولكن أرجوكم لا تقارنوها بسيرموترز لا من حيث تكاليف اقامتها و لا جودتها أو خدماتها. الخمسين ليرة لن تردع السيرنجي و هذا ليس الهدف أصلا, فالشباب المنظمين بدهم رجل عالمعرض لاثبات شعبيته للعارض بغض النظر عن سيرنجي أو لا. الهدف من الخمسين ليرة هو جشع مستفحل من شرطي المرور لأكبر التجار, وهذه ليست مجرد قضية رفاهية انما قضية تضر باقتصاد البلد وقيمة الليرة.
سوريا
-

2009-07-09 11:39:14
hassan
fahlawa
كنت حاجز بالطياره الساعه التاسعه صباحا ولأني من محافظة الحسكه اتصلت بالفندق لأحجز لوصولي حوالي الواحدة ليلا قبل السفر وألحيت على صاحب الفندق ذي الثلاث نجوم في دمشق أني سأصل مع أمتعتي الثقيله وعندما وصلت قال لي السيد أنه لا يوجد مكان وأنه لم يكن واثقا أني آت لذلك أجر غرفتي فقضيت ليلتي بحثا عن وكر يقيني من برد شتاء بلادي الحبيبه
سوريا
hassanokla@yahoo.fr

2009-07-09 11:26:30
Rafat Katta
تحية طيبة
اشكر السيد نضال على مقالته الرائعة و لكني بحسب خبرتي بالمعارض اطالب بوضع رسوم على دخول المعارض في سورية لأن ذلك يحد من مفصفصي البذر و يرفع من سوية زوار المعرض و الأهم منه أنه يكشف حقيقة جدوى المعرض أو المشاركة فيه أما عن الفهلوة و هو مرض خطير اصيب به مجتمعنا للأسف و هو برأيي نصب و احتيال على الذات قبل كل شيء و هو سبب تخلفنا و هو السبب الذي يقيد الحكومة و يؤثر سلبا على ادائها و يعرقل عمليه الاصلاح و اذكر الجميع بأن الفهلوة محرمة بالاديان و مخالفة للقانون
سوريا
-

2009-07-09 11:19:06
سليم
معقول
يعني اذا انت الصحفي الجريء صاحب القلم اللاسع تتحاشى انت تخبر الشرطي بالحقيقة فما بالك بالمواطن البسيط والذي يعتمد على امثالك في كشف الفساد وتعريته ومع ذلك لمم تتجرأ على قول الحق خشيتك ان( تاكل علقة من كعب الدست) فما هي اذا مسؤوليتك كصحفي ...ماهكذا تورد الابل يانضال
سوريا
saleemsy@hotmail.com

2009-07-09 11:21:15
فراس
الدخول بتعرفة
أتفق مع مشاركة عبد الحميد بان دخول المعرض يجب ان يكون بتعرفة و لكن معلن عنها بشكل سابق لا ان تكون (غدر) و خاصة و قد درجت العادة عل ان الدخول للمعرض عادة ما يكون مجانا. و السبب في وجود تعرفة ليس تقليدا اعمى للدول التي سبقتنا بأشواط في مجال المعارض و لكن لتوفير المواد الدعائية الراقية و خصم ذلك من اجور المعرض عل العارض في المعرض ليركز في مكان عرضة عل المواد الدعائية للمهتمين فقط و ليس للفلهوية الذين يدخلون المعرض املا في لملمة الدعايات و رميها خارجاًاو او \"للتطبيق\" و فهمكون كف
سوريا
black87@lycos.com

2009-07-09 11:05:26
معتز
فهلوة شرطي
وقفت سيارتي صف تاني لمدة دقيقة واحدة وكانت شغالة وعندما رجعت وجدت شرطي على موتور طلب أوراقي وذهب الى موتوره ليكتب المخالفة وكالعادة لحقت به فتظاهر بأنه يتحدث باللاسلكي وهو يقول :نعم سيدي لقد جاء صاحب السيارة .وذلك لكي يوهمني بأن شغلتي خطيرة وما لح يمشي الحال بمئة ليرة !ولم يرجع لي أوراقي حتى حصل على مئة وخمسون
سوريا
-

2009-07-09 11:05:11
احد الناجين من بلاد الفهلوة (مغترب)
40 عاما نزداد شبابا
مقال رائع ولكن لا اعتقدان هناك من سياخد به ..او حتا يعيد النظر بمعتقداته الفهلوية..وكل مين أيدو ألو (عوجا)
قطر
-

2009-07-09 11:04:50
المحقق غادجيت
الحياة كلها فهلوة
إحدى الأيام صدمت سيارتي في ساحة الأمويين سيارة حديثة تقودها سيدة صفيرة السن. تأذت سيارتها كثيرا ، سيارتي حصل بها ضرر خفيف. المهم أنها هربت مباشرة لأن الحق عليها. نظرت حولي فوجدت شرطي دراجة جانبي، فقل لي: الحق عليها 100% فالحق بها. قلت كيف؟ ألا ترى سيارتي وماحل بها؟ قال ولا يهمك أخذ رقمها على الموبايل فالحقها. طيب شو شغلتك يا سيد شرطي؟ قال مانك شايف سيارتها؟ أكيد بنت شي مسؤول، منشان الله حل أمورك معها لوحدك. تسلملي يا أحلى شرطي.بقيت أفتل في أبو رمانة والمالكي حوالي الساعة من فهلويتي
سوريا
-

2009-07-09 10:43:08
شادي
ميزات أخرى
الاستاذ نضال أقرأ بين سطورك الرائعة ميزة أخرى للشعب السوري غير الفهلوة يتميز بها على شعوب الأرض ألا وهي كثرة الغلبة فالمواطن يقوم مقام الشرطي ، في شرح المخافات وتنظيم حركة المرور .وغير ذلك . واذا اضيفت هذه الميزة الى الفهلوة والتفاخر بدفع الرشى والالتفاف على القانون ومعرفة مفاتيح المسؤولين فانك ستعطي هذا المواطن شهادة في الشطارة هي أقوى بكثير من الدكتوراه لأنها تمكنه من العمل في كل المجالات بمجرد تعليقها على جدار بيته ولكن من يقلب هذه الشهادة سيجد عبارة لا تصلح للعمل خارج سورية
سوريا
-

2009-07-09 10:45:34
أيمن
حتى أنت يا بائع الصحف!
أخبرني صديق لي بحادثة عندما كان في الكراجات يستعد للسفر الى حلب في الصباح الباكر .جار بائع جرائد حاملا جرائده وهو يصيح :اقرا خبر انتحار الرئيس حسني مبارك .تهافت الناس على شراء صحفه ومنهم صديقي ليتفاجأ الجميع بعدم ورود أي شيء في الصحيفة واختفاء البائع .ورسمو ابتسامة على وجوهم وعرفو أنهم قد احتيل عليهم بخمس ليرات
سوريا
-

2009-07-09 10:53:04
مغترب
الفهلوة النظرية
أولا، الله لايشيل عن قلب كل واحد بيروح على هيك معارض سخيفة، ثانياً، اللي ماعجبه مايدخل، ثالثاً، السوري فهلوي بالتنظير، لما بيبلش الشغل بتبدا الحجج والتلكؤ والمابعرفشو... خليها على ربك يامواطن
سوريا
-

2009-07-09 10:50:58
مواطن
مو بس فهلوية ...ونصب كمان!!.
عندي ارض بدي اسكن انستر شفت متعهد يعمرلي بعد الاتفاق عمرلي والا جاي رئيس القطاع ومعو مهندسين اثنين بالتركس هدولي البيت عرفت ان المتعهد ماهو فهلوي وماقاطع بيليت قمت غيرت المتعهد طلب مني التاني امنلو محل فاضي لبيت طلبو وبعد فترة جايب حمل سيارة اسمنت ونزلهن بالمحل وبعد شوي رجع شالهن لجهة مجهولة استغربت؟!. والا الاسمنت هي امانة مقدمة من رئيس القطاع الفهلوي كضمانة لعدم هدم البناء سرقهن المتعهد وهرب ودخل عالخط ناس؟؟؟ وخلوني ادفع ثمن الاسمنت لرئيس القطاع لقاء ما يهدولي العمارة مرة تانية
سوريا
-

2009-07-09 10:49:25
سوري أندبوري
غياب الرقابة
ياسيدي الفلهوة ليست اختراعا\" سوريا\", ولكنها تنشط عند غياب الرقابة بغض النظرعن سبب هذا الغياب. فغياب الرقابة التموينية والمسخرة التي اسمها جمعية حماية المستهلك هي السبب انو صندويشة الشاورما أصبحت بمية ليرة رغم جاموسيتها, وأصبحت قنينة المي أيضا بمية ليرة بالمطعم والكنزة بثلاثة اّلاف ليرة ومعرض تجارييييييي تدفع فبه فلوس لتتفرج على بضائع للبيع!!! في أي بلد اّخر لوجدتهم يدفعون لك فقط لتأتي للمعرض عسى أن تشتري, فهذا السحب تجده مجاني بأي بلد اّخر, ولكن شو بدنا نحكي لنحكي.
سوريا
-

2009-07-09 10:47:16
عبد الحميد شاكر
أتفق ولا أتفق
أتفق مع الأستاذ نضال بأن الفهلوة هي واحدة من السمات المتخلفة التي تسود مجتمعنا، ولكن بالنسبة الى رسم الدخول للمعارض فأنا لا أتفق معه، أنا أزور عدة معارض عالمية في مجال عملي في أوروبا وجميع هذه المعارض الدخول اليها ليس مجانياً، وعندما أشارك في معرض محلي أتمنى لو أن إدارة المعرض تتقاضى رسم للدخول حتى يدخل المهتم فقط، في كل معرض أشارك فيه يأتي السيرنجية أفراداً وجماعات وبيتسلو فينا وبيحرقو نفسنا أما المهتم فلا يجد فرصة للوصول الينا والتحدث معنا بهدوء ومعظمهم صارو يقرفو من زيارة المعرض
سوريا
-

2009-07-09 10:43:42
ابو طمزة
مين ربح بلا صغرة
دورت بالجرايد و ما لئيت مين ربح , يا ترى حدا بيعرف ارقام البطاءات يلي ربحت ,????? )-:
سوريا
-

2009-07-09 10:43:18
مغترب
السوري شاطر بالمخالفة
حطت الطائرة القادمة من دمشق في مطار أبو ظبي وتوجهنا الى كوات الجوازات ,كان يومها زحمة شديدة عند الجوازات والناس من جنسيات مختلفة تقف بالدور الطويل .الوحيد الذي نطنط متجاوزا الصف الى بدايته كان سوريا .الجميع نظر اليه نظرة ازدراء .وعندما جاء دوره للتوجه الى ضابط الجوازات .جاء رجل أمن وطلب منه التوجه الى أخر الصف ,فامتثل للأمر وعلى وجهه ابتسامة غبية .وهو لايعرف أن رجل الأمن شاهده من كاميرات المراقبة .هل هذه فهلوية أم غباء؟
سوريا
-

2009-07-09 10:40:41
رامي
رسم الدخول مسموح
الاخ نضال. اوافقك الرأي بكل ما جاء في المقال عدا الزام ادارة سيرموتورشو للزوار دفع ال50ليرة. ففي كل المعارض المتخصصة بالسيارات وقطع تبديلها بالعالم مثل ميسيفرانكفورت ولاس فيغاس وغيرهم هناك رسم للدخول كي يضمن المنظمون بان الزوار هم من رجال الاعمال والمهتمين بهذا المجال وليسوا من جماعة فصفصة البزر كما هو الحال في جميع المعارض التي تقام بسوق الانتاج في حلب. وشكرا لك على تسليط الضوء على المظاهر السلبية في بلدنا الحبيب
سوريا
rkurdy@hotmail.com

2009-07-09 10:30:48
ياسمين دمشقي
رأي
اقترح مقاطعة هكذا معارض السنة القادمة وكل معرض يبتز زواره بهذه الطريقة.
سوريا
-

2009-07-09 10:27:33
المحقق غادجيت
أحلى فلهوة 2
وقتها فار الدم بعروقي، فقلت له فهمني كيف عرفت أنني قصرت 3سم وأنت بعيد عني حوالي خمس أمتار، وأصلا الحائط مدرج مثل شخابير الأولاد، فصرخ في وجهي: وعمبتناقش؟؟ ورمى الأضبارة في وجهي قائلا ما في تجديد لو توصل للسما. وهنا أخذت الإضبارة وبوجهي للعميد الذي لم يبدي اي استغراب للقصة التي رويتها بل كتب (كثر خيره) بضع كلمات: الصورة أصلية، الطول صحيح، لإجراء اللازم. وهنا فرحت ودعيت للعميد من كل قلبي. عدت للشرطي فوجدته قد شطب الطلب الثاني (قيمة الطلب مع الطوابع نحو 1200 ليرة). لو دفعت ماكان أحسن؟
سوريا
-

2009-07-09 10:30:04
سوري
مو بس هيك
يا سادة قصة المعرض ما وقفت هون لأن الشباب بالشركة المنظمة استخسروا ينظموا باصات لنقل الركاب علما بان الشخص يلي بدو يشتري سيارة هو غالبا شخص ما عندو سيارة ، طيب شو يعمل بيحالو اذا بدو يستفيد من هالعروض القيمة؟
سوريا
-

2009-07-09 10:26:16
محمد
لا يصلح العطار ما افسده الدهر
شكراً جزيلاً سيد نضال على هذه المقالة التي تعبر عن اكثر من مأساة في أن واحد: غياب الاخلاق وعدم الالتزام والطامة الكبرى هي الجهه الرقابية التي هي ابعد ما تكون عن الالتزام واحترام القوانين بل اصبحت اكثر جهة تتعدى على القوانين ولكن يبدو انه لا يصلح العطار ما افسده الدهر ولكن يجب الانتباه لأن المريض قد يصل لحالة يصبح العلاج ميؤوس منهويبدأ النحيب والعويل وليت والتي وووو..............
سوريا
-

2009-07-09 10:27:46
سعيد
ليست فهلوة انما هي نصب واحتيال
شكرا يا أخي نضال لاستعمالك مصطلح فهلوة لتكون أخف وقعا على الأذن من كلمة نصب واحتيال السوريون ,فالالتفاف على القوانين وخداع الحكومة أو خداع المواطن لمصلحة مادية ماهو الا نصب واحتيال .فالسوري تصيبه النشوة عندما يخالف القانون حتى بمخالفة مرورية ويظن أن الالتزام بالقانون لا ينطبق عليه ويطبق على الضعفاء فقط .وعند صدور أي قانون جديد يتفنون في الالتفاف عليه لكي يدفع للحكومة أقل ما يمكن.صدقوني لن نتقدم خطوة واحدة ان لم نلتزم بالقوانين التي وضعتها الحكومة أولا وأخيرا للمصلحة العامة
سوريا
-

2009-07-09 10:22:40
المحقق غادجيت
أحلى فلهوة
كنت مرة راجع من ألمانيا لتجديد جواز سفري، المهم الشرطي مارضي يقبل يبدأ بالمعاملة قبل مأعطيه اللي بدو. المشكلة أني عنيد وما بحب هالحركات، فرفضت، صار يعقدلي ياها: مرة الصورة الملونة مسحوبة مو أصلية، مرة الجواز عليه أختام أكثر من اللازم، مرتين رجعلي الطلب بعد أن يقوم ببعض التشطيبات (على أساس أنها موبقصدو)، بس أحلى حجة طلعلي فيها قال لي أن أقف جانب الحيط (وكان الحيط عليه تدريجات بقلم فلوماستر عريض كل عشرة سنتمتر) وبعد أن وقفت قال لي ضاحكا: أنت أقصر مما هو مكتوب في الجواز ب3 سم (يتبع)
سوريا
-

2009-07-09 10:17:55
fhd
البيروني بحياتها ما بتنضبط
صراحة دفعت الدولة عقد بالملايين لتنظيم الدور بمشفى البيروني . روحوا شوفوا اليوم : أولا الموظفين هنن ومارقين الصبح بيقطعوا فيش عبكير وهيك بتاخد أرقام قريبة حسب الطلب ثانيا :لا يوجد لا يوجد لا يوجد تقيد بالدور الإلكتروني ولا مرة شاهدة مدير أو مشرف دخل وسأل عن الدور رقم كذا وين وصلك وتأكد أنه العالم عبتفوت بدورها بالاسم فقط بيرتبوا الأضابير بيسألو كل واحد عن رقمه وبعدين بيفوتو بالاسماء وكل شي نص ساعة بينط الرقم الإلكتروني كم رقم. يا حوينت هالملايين كان انشرى فيها ادوية
سوريا
alhouda@shuf.com

2009-07-09 10:16:30
شامي مهرهر
من فمك أدينك....نعم
قلت ياسيدي: كان بودي ان اقول للشرطة بان هذه السيارة كانت في الاتجاه المعاكس وانها اتت مسرعة في الشارع الذي يمر فيه اطفالنا كل يوم باتجاه ممنوع .. ولكن كنت على يقين ان نصيبي سيكون "علقة من كعب الدست" لا اقل ولا اكثر. لذلك أقول لك شكراً لعرضك الطريف ولحميتك لأطفالك والتي لم تشفع لهم جرأتك وحيث أنك وقفت متفرجاً كالجميع أقول بارك اله فيك ياصاحب القلم الجريء
سوريا
rafikad64@hotmail.com

2009-07-09 10:13:58
أحمد
ما قلت كل الكلام
أستاذ نضال: يرجى تحديد الأمور بالشكل الأمثل حيث أن معرض السيارات يشبه الكثير من المعارض كمعرض دمشق الدولي وجايتكس في دبي وسي بيت في ألمانيا وغيرهاوكلها مأجورة والغرض من رسم الدخول الحد من النزهات التي يقوم بها الناس العاديين الذين ليس لهم علاقة بالحدث والذين يشوشون على العارضين والزوار الرسميين. من ناحية الفلهوة فأنا معك في هذا الكلام الذي يعيدنا للخلف ويبعد سيادة القانون عن مفاهيمنا ويرسخ مفهوم حرام خطي مشيا السيء والذي يهضم الكثير من الحقوق.
سوريا
-

2009-07-09 10:05:58
A7MAD
فهلوية خالصة
ولسه يا حبيب شوف الفهلوية وقت الواحد بدو يغش بالفحص وبخططوا لكيفية القعدة وكيفية التنقيل والغش بس شوف الخوزيق كيف بتنزل وقت بتطلع الأسئلة معروفة من قبل الأخ رأس الفتنة واللي كان عم يأكد للشباب على أهمية العمل الجماعي بيصر أكتر شخص حريص على مصلحته الخاصة وبيمنع أي عملية غش ممكن تصير
سوريا
-

2009-07-09 10:01:42
EMAD
اسخف معرض...
هذا المعرض كان عبارة عن كراج سيارات و وقت حضرت المعرض اسخف من هيك معرض لم ارى ابدا وخاصة ال شو يوجد عرباية تماري كعك بالمعرض وكل تماري كعك ب 50 ليرة واذا مع موزه 65 ليرة بالله عليكم يلي طالع عالمرض مو طالع يشوف عروض سيارات لم اساهد عرض عليه القيمة الا اللهم الشعب السوري يركض فورا الى السيارات الصينية العجيبة والفوته ب 50 ليرة يا عيب الشوم كمان على الشركات المنظعة وكمان عالشركات العارضة يلي واقفت على هذا المبدأ...
سوريا
-

2009-07-09 09:53:24
عما ر حسين
الأمر أخطر بكثيـــــــــــــر
السيد نضال المحترم, الأمر أخطر من ذلك بكثير فقد تفشت و سرت في دم شعبنا الحبيب هذه الفوضى وأصبح الفساد في الدوائر الحكومية من المسلمات و ليس الامر بيد الحكومه ولكن الشعب تشرب هذه القيم فأصبح النصب فهلوة و السرقة شطارة و السلبطة ذكاء , والادهى من ذلك ان من يقوم بتلك الأمور انما يتفاخر بها أمام الناس على أنه فهلوي كمثال اتسلبطت على سائح خليجي و الادهى ان هناك من يشجع هذه الاعمال و يبصم لفاعلها انها شطارة أو فهلوة, ما نريده هذه الايام في سوريا يا سيد نضال اعادة تأهيل لمجتمعنا من الصفر
سوريا
ahasski@gmail.com

2009-07-09 09:46:58
basher
اخ يا بلدي والله مطول
شكراً أستاذ نضال فعلاً مقال حلو قال بدون 50 ل س على الدخلة لاء وأحلى شي في عالم بعد مابتوصل وبقلولها بدها تدفع بترجع على بيتها او بتروح بتنام على العشب جنب المعرض وبتتفرج على العالم اللي رايحة واللي جاية وتتحسر .... اما مخالفة السير بعكس أتجاه والله لو اني محلك حتا خليتو يدفع تمن جحشنتو اخ اخ ايمتا راح نصير..................ز بعتقد مراح نصير بحياتنا
سوريا
-

2009-07-09 09:43:28
هشام
الحقيقة المرة
ايهالسادة,الفهاولة الذين تتحدثون عنهم ما الهم قيمة الا بوطنهم - لانهم اذا طلعوا خارج وطنهم بصير حقهم متل ** واسفاه
سوريا
-

2009-07-09 09:39:30
عبدالله
علاك
بعتذر استاذ نضال بس بدي قلك أنو أي معرض بالعالم بياخود دخولية، لأنون عم يقدموا خدمة للعالم! هلق بصراحة ما بعرف إذا كانت الشركة المنظمة هي اللي عم تاخود المصاري و لا مؤسسة المعارض، بس بفضل التانية، لأنو المعرضو لضرورة الاستمرارية لازم يكون فيها مدخول عم يساهم بالحفاظ على النظافة و المباني و تطوير المكان. إذا بدك منرجع من خلي كل شي ببلاش بس أنا ما بدي، مابدي فوت على سينما ببلاش ( بحجة أنها لكل العالم ) أنا بدي فوت على مكان محترم، بما أني قادر ادفع، و وقت ما بقدر بروح على مكان تاني أو بقعد بالبيت
سوريا
syrien1981@yahoo.de

2009-07-09 09:35:42
ammar
good one
i hope the big heads will read this article nedal :D
سوريا
-

2009-07-09 09:29:23
هاني
الله يسلم هل اليدين
الله يسلم هل الادين على هل المقال .. حلو. مضحك مبكي
سوريا
DDD@FFF.SSS

2009-07-09 09:23:08
رجاء حيدر
تاريخ باكمله طمسوه تعال شوف بسلمية
تتحدث عن بضعة أحجار ؟ تاريخ باكمله طمسوه وردموه تحت سلمية الباسطية التي كتب فيها اخوان الصفا رسائلهم محيت واندثرت وأصبحت اثر بعد عين تعال وانظر الحمام الاثري التي مازالت الاجران فيه كيف هو مهمل تعال انظر الطوابق التي تبنى حول الاثار كي تطمس معالمها تعال وانظر كيف الصلبان وضعت اعتاب للبيوت ماذا اقول لك تاريخ باكمله طمس كي يرضى الخليفة الاموي والعباسي ولكن التاريخ لن يمحى وسيبقى اخوان الصفا والفاطميين نبراس للحضارة الاسلامية
سوريا
-

2009-07-09 09:14:41
مواطن مو فهلوي
أجرة السرافيس (تابع)
هي بيجوز الليرة ما إلها كل هالقيمة بس هو في فكرتين: الأولى انو الواحد بيحس حالو أكل كم ولو أنها ليرة يعني عملية نصب قام عينو. التانية أنو الواحد عم يطلع باليوم مدري بكم سرفيس (4 مثلاً) يعني 4سرافيس*3 ليرات*25يوم بيطلع 300 ليرة أجرة زيادة بالشهر غير الأجرة الفعلية وطبعا معلومك نحنا رواتبنا كتير عالية يعني هاد المبلغ ما بيأثر على الدخل. بس أخر فكرة أنو هي الفهلوية مسجلة حصرياً لمدينة دمشق لأنو بمدينةحمص مثلاً بيرجع باقي المبلغ كلو. وشكراً
سوريا
-

2009-07-09 09:11:53
007
شرطي فهلوي وحباب ومابدو يضرني
مساء أحد نزلت الى سيارتي فلم أجدها فأخبرني الجيران أن رافعة المرور سحبتها لوقوفها بمكان ممنوع الأيام ...ذهبنا بتكسي لكراج ابن النفيس فلم نجدها ...حارس الكراج قال لاتخافو ...أخذ هاتفي واتصل بسائق رافعة معينة ...وقال لنا بأن سيارتي سحبت وأخفيت 1000 متر عن مكانها الأول (( لأنو الشرطي ما بدو يضركم ))..عدنا بتكسي لمكان السيارة ..سائق التكسي نصحني بإرضاءه للشرطي بأي شكل .. وأرشدني الشرطي على مكان السيارة .دفعت له 1000 ليرة ..!
سوريا
-

2009-07-09 09:06:33
مواطن مو فهلوي
أجرة السرافيس
شكراً يا سيد نضال على هذا المقال الرائع. من ناحيتي أنا مواطن عادي متل غيري بركب بالسرفيس كل يوم، و طبعا كما هو معلوم للجميع تم تغيير تعرفة السرافيس حسب طول الخط يعني إما 7 ليرات أو تسع ليرات (يلي صارت 8.5 ل.س) بعد تخفيض سعر المازوت. بس وين الفهلوية هون؟ هي موجودة وقت شوفير السرفيس بياخد أجرة 10 ليرات لكل التسعيرات (7 أو 9) طبعاً الفهلوية بتكون أنو ما في فراطة يرجع و إذا شي واحد كان أكابر ممكن يرجع ليرتين للتسعيرة 7 ل.س يعني على كل الأحوال بياكلو ليرة زيادة.
سوريا
-

2009-07-09 09:08:39
النحلة
كمان
فهلوة متعهدين البناء بالتجاوز على اراضي الغير او على الطريق او على حديقة عامة وطبعا البلديات فهالوة اكبر بشاركوهم وبيغطوا علييهم واسترجي افتاح تمك اما بيسلطوا عليك شوية زعران يعجزوك بالازعاجات واذا كنت فهمان اللعبة وعم تعرف تكشفها بيلفقوا لك تهمة وبيحطوك بالحبس او على الاقل بيوقفوك ليخلص البناء ويحطوك تحت الامر الواقع والفلهوي الاكبر القاضي الذي يحكم عليك لمجرد انه قبض من المتعهد..شو بدك تعد لتعد يا استاذ نضال الخلاصة سبب الفهلوة بالبلد عدم وجود قانون ولا رادع ..يا فرعون مين فرعنك
سوريا
-

2009-07-09 09:00:30
شامي معتق
مضحك مبكي
ياحرام يابلد . والله كل الكلام مزبوط وسليم مليون بالمية، والله بلدنا حلوة وجميلة ولكن نحن فاسدين. شكرا أستاذ نضال
سوريا
-

2009-07-09 08:56:55
موفق
محروق قلبي
بدك تشوف الفهلوه تعال شوف السوري بالسفر مستعد يموت اخوه مشان الفلوس مستعد يعمل يلي ما انعمل مشان الفلوس الفهلوة بتولد مع السوري وبيرضعها مع الحليب ولا تنسا انو في كلمه بتجي دائما مع الفهلوة هيه ولدنت الحرام
سوريا
hade01@yahoo.com

2009-07-09 08:55:16
مغترب بس مو مبين لأيمتى
كلو صحيح
السيد نضال, بجد كتير ظريفة تعليقاتك... فعلا صورة جيدة للواقع السوري.. لكن الحق يقال و فيكون تعتبرو هل الحكي اعتراف او شهادة : السوري دائما بيمشي حالو برا البلد شو ماكان عم يشتغل أو عم يدرس.. شكرا..
ألمانيا
Mine_test_1@yahoo.com

2009-07-09 08:56:58
Ali
تساؤل
استغرب من الصحفي القديرنضال معلوف من بعض الجمل التي يستخدمهاويجمع بهاالصالح مع الطالح ومنها\"المنشار\" التي يعشقها التاجر السوري . ؟لماذا ياترى هذاالتعميم هل كل التجار السوريين بنظرك مناشير؟ اذا كان هناك صحفي او كاتب لص او احرامي او يكتب لمصلحته او لمصلحة معينه هل هذاينطبق على كل الكتاب والصحفيين انني اعرف صحفي لص وحرامي فهل هذاينطبق على كل من يعمل في هذه المهنه التي انت منها ؟الا تعلم يااستاذمعلوف ان هناك العديدمن التجارالشرفاءومنهم من يرعى ويهتم بشريحه كبيره في البلد؟؟ اتحدى ان تجيبني
سوريا
freeeric2005@yahoo.com

2009-07-09 08:45:35
مايا
من قلب الحدث
الله عليك يا أستاذ نضال يعني الحقيقة أتقنت وطبعاً كالعادة الوصف ورسمت أجمل تشبيه لابدعات تنظيم المعارض بسوريا.. وللعلم إني أعمل في أحد كبريات شركات السيارات لذا كان مفروض علي التواجد هناك طيلة أيام المعرض وهذا مافتح لي باب عد حشود القطعان الداخلة والتي تحلم بالفوز بالجائزة العظيمة ولكن مالفتني هناك أم وطفلتها الصغيرة سألتني (( بنتي وين في ألعاب هون؟؟؟؟؟ ومعليه تطلع البنت تلعب بالسيارة شوي، علماً بأن سعر السيارة التي أشرت عليها السيدة يتجاوز الـ 4.300.000 )) فتخيلوووووووو يراعاكم الله.
سوريا
-

2009-07-09 08:48:15
زياد
معادلة المنشار الخطأ
عبارتك يا سيد نضال (وهكذا تتحقق معادلة "المنشار" التي يعشقها التاجر السوري) اسمح لي بأنها خاطئة. لقد اصبحت معادلة "المبرد" يلي كيف ما حركتو بياكول. مو بس عالطالع والنازل.
سوريا
-

2009-07-09 08:47:41
أنا سوري آه يانيالي-2
مرحبا بك في سوريا
عالهوية الجديدة لما رحت لأستلمها كان في شي 100 بني آدم عالطائة وكلوا بالدور فبجيلك واحد معلم وبيحط 100ليرة داخل المصنف وبيقلوا للموظف(معلم دخيل عينك هالمعاملة عندك شي)بيقوم الموظف بيفتح هالمصنف وبيبتسم ابتسامة صفراوية وبيقوم براسو بيجيب الهوية معطرة ممسكةوبيقلوا(تفضل أستاذ وبس وقعلي هون اذا سمحت)طبعا الزلمة وقف خمس دقايق وقع ومشي وبقية هالبشر متل الكلي..... واقفة عم تستنى دورها والموظف بيمشي كل ساعة تلاتة,والحقيقة لحد هللأ ماني عرفان مين الفهلوي ,الموظف وللا المواطن صاحب المية؟؟؟؟؟؟؟؟؟؟؟؟؟؟
سوريا
-

2009-07-09 08:41:26
قلب ميت
إلى متى
الأخ نضال : الوضع مؤلم جدا والذي يدفعنا إلى حافة الجنون أننا نسير بعكس الاتجاه وكل يوم أسوأ من الذي قبله. هل جربت أن تدخل بسيارتك كمواطن سوري مغترب إلى بلدك الحبيب؟ أصناف من الفهلوة تبدأها الحكومة بفرض رسوم تقدر ب 20.000 ليرة من أجل أيام معدوددة تقضيها مع الحبايب. ولا تنتهي الفهلوة مع كل موظف يقابلك في المراكز الحدودية(سواء إلو شغلة أو ما إلو ) أعاننا الله ورحمك يا ونوس (فنحن محكومون بالأمل)
سوريا
-

2009-07-09 08:46:14
النحلة
ييييييييييييييه..شو بدك تعد لتعد عن الفهلوة ببلدنا
الشرطي امام المريديان يقول لك ممنوع الوقوف مع انك صافف نظامي وليست المرة الاولىوبنفس المكان لمجرد انك لابس افخر ما عندك لانك معزوم على عرس..ولما بتروح على اي مطعم في ريف دمشق بيغسلوا السيارة بدون طلب منك وحتى لو هلأ جايبها من المغسل وما بيقبل اقل من 100ل س نفس القصة في موقف السيارات في ساحة عرنوس السائس الموجود هناك يريد ان يغسل السيارة مقابل 150ل علما انك تدفع نفس المبلغ في المغسل يعني بتوقف الصفة 250ل حتى الشحادين بس يشوفوك نازل من السيارة بريكضوا يعني راكب سيارة = معك مصاري..
سوريا
-

2009-07-09 08:41:55
متعب بن تعبان
ان لم تكن فهلويا أكلك الفهلويون
المشكة ليست في الفهلوة بحد ذاتها يا أستاذ نضال ولكن بعكسها فإن لم تكن فهلوياً فلن تسمى نظامي أو تحترم القوانين ولكن ستسمى "ما بيعرف يدبر حالو" خرطي خويف أو أي اسم آخر
سوريا
-

2009-07-09 08:41:24
الحوت
الفهلوة علامة فارقة للسوري
أستاذ نضال بنصحك تعمل زيارة لدبي لتشوف الفهلوة السورية على أصولها هون. بالمناسبة معظم معقبين المعاملات و مندوبين الشركات هون يلي بيمشو معاملات الموظفين بالجوازات و الاقامة هنن من السوريين الفلهويين الله وكيلك ما بيصعب عليهم معاملة و لو مهما كانت مجلعصة و صعبة...وطبعا كل شي بحسابو
الإمارات
-

2009-07-09 08:25:44
أنا سوري آه يانيالي-1
مرحبا بك في سوريا
منشان الفهلوة اللي عم تحكي عنها هي من مقومات الحياة في هالبلد وشعبك يامعلم مفكر حالو بأنو أذكي الشعوب وكل واحد شايف حالو ومو مصدق وكل واحد بيقلك أنا أذكى وأفهم من بقية هالعالم,بس الحقيقة نحنا مو شاطرين غير بالحكي والعلاااااااااااك المصدي,والحقيقة بأنو لولا هالفهلوة ماكان مشي حالنا بمعظم أمورنا اليومية نعني كمثال,يتبع...
الإمارات
-

2009-07-09 08:28:26
Free Citizen
الفهلوة و السياحة
يقول لي أحد السياح العرب : أنه يفضل أن يزور \"لبنان\" و لا يزور \"سوريا\" .... فقلت لماذا ؟؟؟ ألبنان أجمل !!!! .... فجاوبني \"لا\" بالعكس سوريا أجمل بكثير و خصوصا الغابات السورية في الجبال .... فقلته له ألبنان أرخص ..؟؟؟ قال لي \"لا\" بالعكس سوريا أرخص بكثير ،و لكن الفرق أنه في سوريا تدفع ثمن الشيء واحد دولار و لكن يشعرك السوري أنه فهلوي و ضحك عليك ، بينما في لبنان نفس الشي السابق أدفع ثمنه \"100\" دولار أي أغلى ب \"99\" دولار ، و لكني أشعر بسعادة بسبب الاسلوب الذكي في ال
سوريا
-

2009-07-09 08:25:40
Hisham
هي هي البلد
يا سيد نضال لازم تتحلى بالصبر أكثر ليش قانون السير الجديد و الضرايب الجديدة و المازوت و البنزين كل مرة بتطلع شغلة ما بخطر لا على البال ولا على الخاطر بتفاجئ المواطن و آخر شي البلد بدها تمشي.
سوريا
hisham.mahayni@gmail.com

2009-07-09 08:21:59
فلهوي من الصحراء السورية
90% من الشعب يشرب من نبع الفلهوية
يعني الفلهوية في كل زاوية من زوايا البلاد.. وبالأخص في مواجهة مرض إنفلونزا الخنازير ... لذلك لاخوف على الفلاوهة السوريين .. سيتجاوزون بفلهوية (حال) هذا المرض الأخرق.
سوريا
-

2009-07-09 08:05:40
أبو فراس
شرطة المرور
أنا مقيم بالكويت وكنت نازل بسيارتي عالشام ومرة كنت ماشي عند الزبلطاني كسرت علي سيارة فولكس صالون وحاولت كتير اهرب منوحتى لزقت بالرصيف بس الهيئة هو مو ناوي يبعد عني والمهم بطرف دعاميتو يالي عاملة متل الشنكل شنكلي دعاميتي وسحبهامعو. وقفت اناوهو بنفس المكان وعالصدفة كان في شرطي مرور واقف واجا الشرطي وقال صفو على اليمين وعطوني اوراكم، الفهلوة هون انو سائق الصالون بدال ما يصف هرب !! والشرطي صار يسألني اذا انا اخدت نمرتو والا لأ. بس أنا اخدت النمرة واخدت حقي منو
سوريا
fadi_elsham@yahoo.com

2009-07-09 07:59:12
انس حداد
وبعدااا
ياجماعة متى ستنتهي هذه الامور في سورية ومتى سنصبح بلد قانون يدار بالقانون وينضبط بالقانون-هل يتجرااي مسؤول ويتحفناولمرة واحدة فقط لماذا السيارات ببلدنااغلى سعرفي العالم-واتمنى ان نتخلى عن الاجابات السطحية-لنتعرف انها رغبة دفينةومتاصلة في اذلال الشعب واجباره على الانتحاربسيارات لاتباع الا في ظل الدول المتخلفة-مامبرر ان يكون سعر السيارات المستعملة لايقل عن خمس اضعاف سعرهافي دول الجوار-اماامانةالشرطة والضابطةالتي وردت في المقال فهي حالة مصادق عليها
سوريا
-

2009-07-09 07:53:27
hope
interesting
I would really to thank you for your writings. these are problems we see every single day, so we began to think they are not problems any more. thank you again and God bless you
سوريا
-

2009-07-09 07:20:33
دافنشي
خمسين ليرة على الراس - بمطار دمشق الدولي - أيضاً
إن كنا نعيب على منظم معرض السيارات أخذ خمسين ليرة على الراس .. زوراً و بهتاناً .. وهو فرد يمارس الفهلوة على عباد الله ، فماذا نقول عن الخمسين ليرة التي يجبر كل قادم الى سوريا عبر المطار بدفعها .. مقابل عرباية من القرن الثامن عشر لنقل حقائبة من الشريط الدوار الى باب السيارة . فلا يوجد مطار على وجه المعمورة لايوفر تلك العربات مجاناً . المشكلة ليست بالخمسين ليرة بل بأسلوب الفهلوة ... فضحتونا إدام الأجانب .... يا شماتة أبلة ظاظا فينا ..
الإمارات
-

2009-07-09 07:15:13
رافد
قوة سوريا
هل لاحظتم تصرفات "قبضايات" مدينة المعارض الواقفين على البوابات للتأكد من أيصال الـ 50 ليرة وعلى سترة كل واحد منهم شعار كتب عليه (Syria Power) أي "قوة سوريا" ألم تلاحظون رغبتهم في ممارسة السلطة على قطيع الزوار؟ ياأخي ان كان لديكم هذه الرغبة الرجاء أذهبوا وتطوعوا لدى احدى جهات حفظ النظام ولكن أرجوكم لاتمارسوا هواياتكم على زوار المعارض، ان منظركم مؤذي وغير حضاري وان أساليبكم في معاملة الزوار مرفوضة
سوريا
samsamnas@aol.com

2009-07-09 07:15:28
مهندس سوري
المضحك المبكي
والله يا استاذ نضال يسلموا ايديك على هالمقالة ...... قاعد بالشغل الصبح عم بقرأ وما عرفت اضحك ولا ابكي على يللي صار بهالبلد ....... بس والله مو رايحة الا على هالشعب المسكين يلي ما بيطلع بايدو شي ..... ودمتم
الإمارات
-

2009-07-09 07:19:58
feras
اذا عرف السبب
اذا عرف السبب بطل العجب.. سبب فلهوة الشعب من الناحية الاولى هي القوانين الجائرة التي لا تراعي احد و ايضا الحالة الاقتصادية المتردية للشعب التي ادت ايضا الى زيادة الجهل بالمجتمع فلا احد يستغرب من الفلهوة لانها ناتجة عن ظروف حياة قاسية يعني كل واحد بدو يدبر حالو
سوريا
-

2009-07-09 06:51:33
مهندس
عميد كلية فهلوي
في إحدى كليات جامعة دمشق حيث درست كنت في إحدى السنوات من الخمسة الأوائل، وتبين أنه هنالك إيفاد لدول عربية وأجنبية في الصيف للطلبة المتفوقين. فجمعنا عميد الكلية نحن المتفوقين في مكتبه وقال بأن هنالك إيفاد في الصيف ولا أنصحكمبه لأن كل التكاليف الباهظة عليكم من تذاكر وسكن وغيره وكان يريدنا أن نتنازل عن الإيفاد. فانسحب البعض وأصريت مع شخص آخر على عدم الانسحاب. وبعد شهر عندما صدرت قائمة الأسماء الذين سيسافرون لم أجد فيها اسم متفوق واحد!!!! فهلوة
سوريا
-

2009-07-09 06:49:25
درويش
يسلمو عالموضوع
والله يا سيد نضال يا معلوف شعبك شربانة للفهلوية شرب , اخي شو بدك بالحكي شعب فهلوي .
كندا
al3ageeed@yahoo.com

2009-07-09 06:36:33
Ahmad Saleh
fahlaweh
Well said Mr Nidal , You got it all ! In my country everything is possible , what you have mentioned in this article reflects the immaturity of the majority of our comrades In our sweet sweet home SYRIA . PLEASE DON'T misplace you pen , We ( Syrians) need it badly
كندا
redfish976@hotmail.com

2009-07-09 06:34:11
تمام كوجان
مقال رائع جدا
مقال رائع جدا
الإمارات
-

2009-07-09 05:50:05
السنيور
فهلوة بلدي
هداياساده كنت نازل ع شام اجازه وصلت ع حدود نصيب بدرعا اجا لعندي الشرطي قلي مافي دفاتر للسياره في فيشه 15يوم ئلتلو بمعيتك دبرها غاب شوي ورجع ئلي أنا رح زبطك هيك لأني حبيت اخدمك بس شوف شوبطلع من خاطرك للشباب أنا مابدي شي
السعودية
-

2009-07-09 05:13:26
طرطوسي فهلوي
تعو شوفو عنا
في عندنا شرطي فهلوي بطرطوس بيوقف على دوار السيد الرئيس و مع أنو الأشارة مفتوحة و للي بيعرف اللي بيكون جاي من جهة الضاحية ما في قدامو غير الحيط المهم هالفهلوي وقفني و قلي أستخدام نور مبهر (مع العلم انو قدامي حيط والحيط ما بينبهر من الضو ) بس شكلو الفهلوي تذكر أنو عليه دفعة قرض تاني يوم . المهم طلع الفهلوي الفهلوي (الحمار) هوي أنا لأني جاريتو و عطيتو 150 ليرة ليحل عني و كان منظرنا عنجد حلو و نحنا عم نتفهلل هههههههه
سوريا
alwasim4car@windowslive.com

2009-07-09 04:59:26
souri
شو بدي قلك لقلك
لانو القوانين عنها للتعقيد، بيضطر الواحد ليعمل هيك، مرة كنت بدي جدد جواز السفر تبعي، رحت على إدارة الجوازات وعملت المعاملة، سألني بعدين الموظف: خادم جيش قلتلوا لأ، عطاني الأوراق وقلي روح جيب ورقة من الشعبة، بعد اسبوعين رجعت لعنده وعملت معاملة جديدة، وصلت لعنده قلي خادم جيش، قلتلوا، اي خادم، قام كمل المعاملة بدون ما يسألني على ورقة الشعبة، وطبعاً لا رحت على الشعبة ولا شيء، وفي قصة تانية، بس فيه خربان بيوت، منشان هيك مالح احكيها، إلها علاقة بوزارة التعليم العالي
سوريا
thesouri@gmail.com

2009-07-09 04:59:31
nazem
البعض يسميها شطارة
كل ما قلته صحيح فإذا كان موجودا فلماذا لا أستفيد منه الحمد لله أنهم لم يحملوا السيارة المخالفة ويصلحو وضعها ولم يقلبوا وضع الأخرى فعندها سيطر المجني عليه للدغع وسيكسب الجاني هل تصدق أن هذا حصل وبوجود ال
سوريا
-

2009-07-09 04:30:48
Eyad
فهلوي في دائرة النفوس
المكان: المالكية شمال سوريا الزمان: عز دين الصيفية الفهلوة: بتروح لعند موظف النفوس المحترم لتسوي اي معاملة بتاخد ان شئت حالا 5 دقائق... بئللك: رجاع الساعة 1 (يعني مشوار تاني تحت الشمس و حرارة 50 ) او بتدفع المعلوم (100 ليرة و من فوق الطاولة و على عينك يا تاجر و بيضربك منيية انو تحنن عليك و مشالك معاملتك)...
سوريا
-

2009-07-09 04:43:18
فهلونجي
فك شيفرة
كروز مالبورو ابيض حول المستحيل الى الممكن , والفاعل (فهلوي), علما ان الموظف يدخن غلواز احمر,اذا هناك ثلاث اطراف مواطن -( فهلوي)- موظف الطريق( مواطن - موظف) غير سالك
سوريا
-

2009-07-09 04:28:16
Hugo
الكل يسرق الكل
على سبيل المثال لا الحصر: سائق التكسي والموظف يسرقون المواطن لأن أصحاب المحلات والحكومة يسرقون شوفير التكسي والموظف لكن الحكومة مضطرة لمنفعة بعض المسؤولين ولتغطية الفساد وتغطية عقم المؤسسات المليئة بموظفين محبطين لا يعملون شيئا. إذا هناك دوران (حرام) للثروة هدفه إعادة تقسيمها على حساب الموظف الشريف وغير الموظفين. اذا أخذ شوفير التكسي العداد فقط وصاحب المحل ربح حلال 12.5 % والدولة ضرائب مقبولة سيكفي الراتب ويعمل الموظفون بشكل جيد ونعود للتقسيم الحلال لكن هذا على حساب الفاسدين وهذا خط أحمر. سلام
سوريا
-

2009-07-09 04:26:00
سهران حيران ..؟؟
بدك الحق إنك تأخرت والرغبة باءت وناءت
بعدما مضى عليها الوقت لأن مما مضى كم وددت عنوانك المية المية أنا عرفت ونالني التردد والتململ أن أسألك والملأ عيونه متفتحة فعزفت مو لحن عذب وإنما بما نويت أرسلك أحلى طون سمك بحري وإنما يا خسارة تجري الرياح بما تشتهي الشحيحا مثلي ما شاذ بعدما المكان أدركت..حيث أتى السمك وباء أنفلونزا الغرق بالماء يحيى فمه مفتوح على طول وزكام أصابه ورعاف المياهـ من خرشمه لذا توخيت الحذر أن لا يعم مجتاح البشر علما أثاره الجانية لاحت بالأفق بالفرق الأسري الجماعي بآن منذ زرزر حتى إعداد هذا التعليق بالأمس القريب
سوريا
-

2009-07-09 04:26:32
مظهر الحقيقة
للتوضيح
صديقي .. انا رح احكي مو دفاع عن الفهلوين ..بس ايضاح للحقيقة.. هلق ظاهرة دفع مبلغ للدخول للمعرض هي بتلاقيها ببعض المعارض الاوروبية والشرق اسيوية...بس الفرق انو هنيك ممكن يعوضوك عن المبلغ بضيافة اكلة او شربة.. انا مع هي الئصة..لانو ارض المعرض صار للسيارين... و بتلاقي المعارض اللي ئلو شغل واللي مالو شغل موجودين فيه...و هادا الي ساحبلي مرتو ولادو و عم يتعشو عحشيشات المعرض.. هيك انضبطت الئصة شوي..وماعاد فات عالمعرض الا صاحب العلاقة تماما... ..ومع تعليق تاني: فهلوة جمعها فهلوين..ازبط
سوريا
-

2009-07-09 04:11:58
مغترب
تأكيداً لكلامك (3)
كل ما في الامر ان اهل تلك البلاد يعمل كل منهم بهدوء وفي مجال اختصاصه الدقيق ولا يتعدى على اختصاص غيره ولا تجتاحه رغبة نفسية مريضة بان يكون سوبرمان عصره وزمانه. لو عدنا الى مشاكلنا لوجدنا ان معظمها يعود بشكل كلي او جزئي لعقدة الفهلوة هذه التي هي سبب تخلفنا. فبدلا من اعتماد اساليب الادارة الحديثة نعتمد على طق البراغي والتي من نتائجها نجاح المدير وفشل المؤسسة وبدلا من اعتماد علوم الاستثمار الصحيحة نعتمد الغش والمضاربات والتي من نتائجها الغنى السريع لبعض الافراد مع ضعف قطاع التصدير للبلد ككل
سوريا
-

2009-07-09 03:52:35
مغترب
تأكيداً لكلامك (2)
فعلى سبيل المثال انا اعترف باننا متميزين بال "بلف" وخصوصاً عندما يتحدث الواحد منا عن انجازاته ومواهبه. ما نتيجة هذا؟ النتيجة ان مهندسنا الفاشل هندسياً يستطيع بالفهلوة والشطارة الوصول الى مراكز عليا ولكن ما هي النتيجة بعيدة المدى وعلى مستوى الجماعي؟ النتيجة هي ساحة العباسيين وفضائحها ومن قبلها ساحة الامويين التي فيها خطاً تصميمي مقداره 70 سنتمتر فقط!!!!! في البلاد التي يسود فيها مبدأ الفهلوة تشعر للوهلة الاولي ان اهلها اغبياء ثم تكتشف انهم ليسو كذلك كل ما في الامر ان
سوريا
-

2009-07-09 03:52:55
سنفور فهلوي
الفهلوية أحد جينات السورية
يوجدآلاف الموظفين الفهلويين ويحاولون سرقة الأملاك العامة بشتى الطرق ولي عنق القانون وقت الضرورة وأحد طرق فهلوتهم سرقة المال العام بحجة تكايف الاحتفالات بالأعياد الوطنية وهلم جراً. والكل ينتقد الحكومة وينسى فهلويته عندما يقول: أخ لو أنني مسؤول مكان فلان عندي 10000000 على الأقل. ولا أحد يعلم أن كل نتائج هذه الفهلوية ستنعكس على مستقبل أولادنا. وعندما يأتي مسؤول جيد يحاول البعض تعليمه الفهلوية. الله وكيلك يا أستاذ نضال، لم أعد أعرف أيهما فهلوي أكثر المسؤول أم المواطن. ولكن ألا ترى أن هذا مضحك مبكي
سوريا
-

2009-07-09 03:52:06
مغترب
تأكيداً لقولك (1)
إن أول ملاحظة يراها المغترب السوري في بلاد الغرب والخليج هي ان شعوب هذه البلاد ليسوا خارقي الذكاء كما كان يعتقد. يدخل بعدها في مرحلة من الانكار والدهشة. فكيف يمكن لهؤلاء ال \"اغبياء\" بنظره ان يبنو بلاداً بهذا التطور والرفاهية؟ البعض القليل يبقى للابد في مرحلة الانكار والدهشة بينما الغالبية تعبر إلى المرحلة الثالثة وهي التعمق واستنتاج ان الفهلوة التي نتغنى بها في بلادنا هي نفسها سبب تخلفنا لأنها وان كانت تعني النجاح الفردي قصير المدى فهي تعني ايضاً الفشل الجماعي بعيد المدى
سوريا
-

2009-07-09 03:26:39
حشاش ومزهزيه
افيونيه تسمى جيلي
بيشرفي على أد ما كنت مزعوج على أد ماانبسطت من مقالتك يا سيد نضال لانو فعلا كان سيرك شو مو معرض سيارات سيريا متور شو والمشكليه انو 80% سيارات صينيه ولك لازم الصين تعطي لكل زائر للمعرض 500 ل سلانو عم يئدير يشوف هيك بضاعه
سوريا
anwarnasry@yahoo.com

2009-07-09 02:49:38
سنفور فهلوي
صووووووح
كتير احترمت كاتب المقال ياشباب لأنو كل السوريين فعلا بيحبو الفهلوه . بتلاقي الواحد فينا ازا سألو رفيقو مثلا : كيف بيعملو البطاطا الشيبس ؟؟ بيكون جواب رفيقو : بسيطه بيجيبو بطاطا وبيقطعوها....... ؟؟ في واحد مره اماراتي قلي انتو السوريين لازم نسميكم ( عيلة ابو فاهم) كنايه عن انو شو ماكان منعرفو ههههههه اوعى حدى يفكر اني حاولت اتفهلو وخليه يغير نظرتو قلتلو ( مع نفسك )هههههههه
أستراليا
-


تكنولوجيا واتصالات


أدخل بريدك واشترك معنا بالنشرة الإخبارية



Content on this page requires a newer version of Adobe Flash Player.



 

  
All rights reserved © Syria-news.com 2010
Powerd By:Syria news IT