مصممة "البوركيني" تسعى لإنتاج "مايوه" يعيد الحشمة للرجال  

تفكر مصممة البوركيني  التي أنتجت لباس سباحة شرعي للنساء بإنتاج مايوه جديد للرجال للظهور بحشمة على شاطئ البحر

ونقل موقع العربية عن المصممة قولها "، لم أختربعد اسم المايوه الذي أريد أن أصممه للرجال لكنه سيكون لباسا للبحر يناسب الراغبين بالظهور محتشمين على الشاطئ"

وأوضحت المصممة اللبنانية عايدة مسعود زناتي  المقيمة في سيدني" المايوه الحالي فاضح مهما كانت نوعيته، وهو لا يناسب المرأة المرتدية للبوركيني حين ترى على الشاطيء رجلا بمايوه عادي يكشف بعض ما يحرجها. أما "المايوه الإسلامي" فسيحجب الكثير مما تبديه المايوهات الحالية، وسينجح بالتأكيد" وفق تعبيرها.

 وأضافت " باستطاعتنا الآن أن نضرب  عصفورين بحجر واحد نحمي عيون النساء مما يظهر من مايوهات الرجال الفاضحة ونعيد الحشمة للرجال"

وكانت هذه المصممة قد أثارت جدلا كبيرا في الأوساط العالمية بعد أن قامت قبل 6 سنوات بتصميم لباس بحري للمسلمات ولقي هذا البوركيني إقبالا كبيرا في سيدني وخارج سيدني إلى درجة أن مبيعاتها السنوية منه وصلت في العام الماضي إلى 5 ملايين دولار

 

 

سيريانيوز

2009-09-10
 

 

مواطن متحــرك..

2009-09-12 23:43:00

البوركني و البناطلين السلت

يعني اللي عم يعارض البوركيني ليش ما بيعارض بناطلين الجنس اللي ما بتستر. بس في ناس على ما يبدو ما بتقدر تميز غير لون واحد. والمرة اللي بدها تلبس بوركيني كمان هي امراة مو لازم تنادو بحريتها و شوما بدها تعمل. بس يمكن في ناس بس تروح عالبحر بتدايق اذا ما شافت لحم

-
سوريا

مواطن متحــرك..

2009-09-12 23:40:00

البحر ملك لله و ليس لأحد

و بالتالي فكل الناس الهن حق يروحو عالبحر, و يستمتعو بالبحر. وما هو مكان رسمي لحتى يتحدد فيه اللبس. واللي بدو يفرض اي لبس يروح يخلق بحر و يعمل اله و بعدين يفرض عالناس شو تعمل.

-
سوريا

مواطن متحــرك..

2009-09-12 23:36:00

للسيد نـاجـي بــق الـبـحـصـة

يا أخي متل مو في ناس مشغولة بالاختراعات و غيرها في ناس كمان شغلهم بالأزياء و التصاميم. و ناس شغلهن بالطبخ. فالمخلوقة هاي شغلتها أزياء, فهات لنشوف حضرتك شو شغلتك, يلا اخترع. عن نفسي بشتغل الكترونيات و بصمم دارات فشو هي شغلتك ؟؟

-
سوريا

سما

2009-09-12 14:22:00

يلي بدو يطلع على القمر ما حدى مانعه

يلي بدو يطلع على القمر ما حدى مانعه و إذا كان في فكرة جيدة لازم نستفيد منها مو نتفزلك بس انا عندي اعتراض على المسابح المختلطة و لو كانت المرأة تلبس لباس محتشم بل يجب تروح على المسابع الخاصة بالنساء و بالباس المحتشم

سوريا

وحدة

2009-09-12 13:23:00

تعليق

يلي عم يئول انو ( كأنه الناس المستورة مو من حقها تروح عالبحر وتنبسط) يلي عم يروح ويلبس مايوه مويعني انو ناس مومستورة بس لكل شي لباسو بتروح على حفلة بتلبس رسمي بتروح ع الشغل بتلبس جينز بتروح عالبحر بتلبس مايوه بئى يلي بدو يغير هي الشغلات يسكت ويضل ئاعد ببيتون

-
سوريا

خالد ادريس

2009-09-12 12:30:00

شو مشان؟

كيف يعني رح تطولو للمايوه لتحت الركبة وتحشيه قطن من قدام وقش من ورا؟! وفي قطعة للصدر كمان ولا لا؟ بعدين شو مشان الصبايا يلي بيلفتن أكتر شي عضلات الشب المفتولة شو رح تعمل؟ وشو مشان الصبايا يلي بحبو الكتاف العريضة؟

-
سوريا

ghufran

2009-09-12 11:08:00

شوهل الختراع التافه

بدال ما يعطو دروس دين اعطو دروس ب الاخلاق والعفة وغض البصر والاحتشام ب اللباس ب الشارع وقلة الادب شوهو الاسلام واتخذه ستار للدعارة والطائفية بين الاسلام ذاتن ياعيب الشوم

سوريا

ghufran

2009-09-12 10:52:00

حجاب اخر زمن

ما هذا الحجاب الذي يظهر تفاصيل الجسم ويليي بدها تتحجب لازم تحترم الحجاب و تلتزمه وتتنازل عن كثير متل المكياج والخلخال ب القدم والله انه مسسسسسسسسسسخرةةةةةةةة

سوريا

ابو الطيب الحلبي

2009-09-12 10:44:00

ايا شرع تقصد

من سن سنة سيئة فعليه اثمها و اثم من عمل بها

الولايات المتحدة

مواطن سوري

2009-09-12 10:26:00

أبواب الشهرة

والله ملينا يعني الناس عم توصل لإختراعات و إكتشلفات عمستويات غاية بالإحترام و الرقي و نحنا هون اسا قاعدين على هيك شرعي و هيك أشرع و ..... ومن ناس عم تدور عالشهرة و عالربح من أصحاب العقول الخفيفة و حتى اذا اجا الواحد مع الست المخترعة يعني التصميم تبعها ما ولد شي غير الخوف عند الأطفال و المناظر غير الحضارية بالنسبة للناس اللي شافتو

-
سوريا

مايسترو

2009-09-12 10:04:00

عيبببببببببببببببببببببب

بعدا مانقت اسم المايوه تسميه بوركينا فاسو يعني انا لما روح عالمسبح بشوف النساء لابسين مايوهات وهدا الشي مابثير عندي اي نوع من الشهوات لان الله خلقنا بشر عاقلين منفكر بحضاريه وبراسنا من فوق مو براسنا من تحت ولك والله عيب وعار عليكن ولك انا صرت شك انو مابتتامنو عاخواتكن وامهاتكن لانو مو معقول ماتشوفوهن لابسين لباس نوم وماشابه لك استحوا بقا

-
سوريا

Barmada

2009-09-12 09:19:00

حشمة العقل أولا

الحشمه لا تعود بتصاميم جديده للباس البحر ولكن باستخدام العقل والتربيه الصالحه وحشمة العقل أولا فما الفائده من تقليد لباس الرسول الكريم ص ومن ثم قتل الأبرياء

-
سوريا

عماد

2009-09-12 09:11:00

لك تضرب شو مفزلكة

العالم صارو عل قمر ونحنا عم نرجع لورا يلي مو عاجبو المايوه للبنات او الشباب وكتير ما سك الدين اصلن لا يروح يسبح او يعملو مسابح خاصة لانو كل ما انزل على الشط بتتفضل وحدة متحجبة ولابسة عباية بالنزول على المي لتطلع بعد شوي والعباية ملزقة على جسما بشكل منقول عنو يا محلاك يا مايو فحاج مسخرة

سوريا

مغترب

2009-09-12 07:16:00

والله شي بيأس

مع احترامي لمعظم المشاركات, بس انا مصدوم من هالهجمة على انسانة طلعت بلباس بحر محتشم كأنه الناس المستورة مو من حقها تروح عالبحر وتنبسط, ولا بدكن تحجرو عليهن يا أصحاب الأفكار المتحررة..؟ ومين المتزمت صار هلق.. ولاكلشي ضد أفكاركن هو متخلف ومتزمت.؟ الحضارة هي أخلاق والتزام وليس تفلت وتعري,وممكن تقلدو الغرب بالتزامه بالقوانين والأعراف والأخلاق الحميدة

سوريا

باسل السوري

2009-09-12 01:09:00

رد على السيد ناجي بق البحصة

الى الفهمان ناجي بق البحصة الإسلام هو أساس الحرية لأنو قبل الإسلام كانت النساء توأد عند ولادتها وهذه العادة حرمها الإسلام , ودين الاسلام هو الذي نور العالم بحضارته وتطوره وحفاظنا على ديننا هو أساس تطورنا ونجاحنا

سوريا

مواطنة

2009-09-11 21:51:00

مغترب مجهول

معناها اخي انت مغترب وما عم تشوف هالشوفات عنا انا صرلي فترة باوربا اقسم بلله انه بنات اوربا محتشمات اكتر من بناتنا روح شوف عنا شي بيخزي يخرب بيتهم هالبنات انا ماعم قول تحجبو بس انسترو لك صرنا عم نشتهي الجينز والكنزة النص كم ولك الحفر كمان روح شوف المناظر بالشام يا عيب الشوم

-
سوريا

جمال عبدالرحمن المحامي

2009-09-11 21:10:00

عجيب وغريب

اوقف مرة شرطي مرور بدبي سائق باكستاني يلبس قميص داخلي بسيارته فأنبه وبهدله فرد عليه الباكستاني (ياصديق شوف البنت التي في السيارة القريبة لا تلبس غير المايوه ولا تتكلم معها وهي بنت انا رجل وتقول لي البس فعلا شي غريب وعجيب

الإمارات

ابن الشام

2009-09-11 21:04:00

مومشكلة يلبسو يلي بدهم ياه

مومشكلة يصمموا يلي بدهم ياه ويلبسوا يلي بدهم ياه يلي بدو يلبس مايو عادي يلبس ويلي بدو يلبس بوركيني يلبس , ياجماعة إيمتى بدنا نتعلم احترام رأي الناس بالبس محدا بيفرض طريقة بالبس على حدا لأنه الانسان حر , ايمتى بدنا نحترم بعض ؟؟؟

-
سوريا

ahmad

2009-09-11 20:02:00

شي حلو؟؟؟؟!!!!

يلي كتير بهمو أمر الحشمة أحسنلو ما يروح لا عل بحر و لا عل مسبح!!!!!!!

سوريا

مغترب مجهول

2009-09-11 17:27:00

إلى المزعوجين من لبس البنات ببلدنا

ممكن اسال ليش رجالنا بيربطوا كل شي بالجنس؟ يعني المرأة شو ما لبست ببلدنا ما بتخلص, لأنو شو ما لبست الرجال بيقولو هاد لبس فاضح, بعدبن الحشمة بتبلش من داخل الإنسان . بالنهاية, الواحد ما لازم يتطلع بالعالم لأنو التطليع بالعالم شو ما كانو لابسين عيب. و يلي كتير جايه على باله يعيش مع محتشمات فإني اقترح عليه الهجرة إلى أفغانستان أو السعودية.

-
سوريا

نـاجـي بــق الـبـحـصـة

2009-09-11 15:58:00

هـذه عــقــدة الــعــقــد

يا عالم يا بشر يا قوم. العالم في المكتشفات النووية وإمكانية تسخير الطاقة الشمسية من مكان إلى آخر في الأرض, ونحن في الحجاب الشرعي والبرقع الشرعي والبوركيني الشرعي والمايوه الرجالي الشرعي. لن نتطور حتما. وسوف نبحث دائما عن منشأ البيضة والدجاجة. لا أبعد. ولن نجد. هل نحن قابلون للفكر والحضارة أينما هاجرنا؟..هذه عقدة العقد التي تستحق البحث والاكتشاف

سوريا

كريم

2009-09-11 14:31:00

شو الفايدة منو

ازا كان باي للباس عم تطلع المراة مفصلة تفصيل لأ بلاه احسن . اصلا ما في شي اسمو مايو شرعي حدا سمع شي اسمو زنا شرع او اغتصاب شرعي ...بلا جنان احسن شي

-
سوريا

بدنا مليون سنة!!!!!!!!!!!!!!!

2009-09-11 11:30:00

يعني أخي عامر (لله في خلقه شؤون)

يعني باختصار البحر و المسبح المفروض الواحد يلبس لباس سباحة المايوه وبس هادا المفروض واللي ما بحب حرية شخصية يعني لكل محل ألو شي متعارف عليه فليش هالإبداعات بس عنجد زكية هاللي طلعت هالفكرة قدرة تأثر بكتير عالم!!!!! بس عامر بتمنى هيك تعيد التفكير باللي حكيتو يعني معلش الأنثى بشر متلنا كيف بدك تمنعا تروح على البحر أو المسبح؟؟؟؟؟؟؟

-
سوريا

طالبة شريعة

2009-09-11 10:54:00

مو مقبول

يعني مفكرة إنو البوركيني شرعي مثلاً . والله الوحدة بطلع منظرها عن جد متل سبايدر مان . والله الدين مافي أحلى منو ، بس بحس إنو هيك ناس - المصممة واللي عم تلبس البوركيني- بحسهون عم يضحكو علينا . قال مايو شرعي قال ؟؟!!!

سوريا

عامر

2009-09-11 10:53:00

حلب

هذه المصممة تبتز الناس الجهلاء ، وإذا كنا سنطبق الشرع ، فهو يمنع النساء من ارتياد المسابح والبحر

-
سوريا

strangeress

2009-09-11 10:41:00

treating symptoms!!!

I stand amazed when I read such a piece of news... decency has always been an inner notion rather than outer one. Why not work on improving the inner notion of decency rather than reflecting on it negatively!

-
سوريا

معين دربي

2009-09-11 09:16:00

فعلا بدها حشمة للرجال

أناأوأيد هالمشروع.من واقع معاناة.لأنه شي كتيرصعب ومتعب نفسياكل مابروح عبحرأومسبح مابقدر امنع نفسي عن النظربس طبعا دون أي اساءةأولفت نظر للمنظورعليه.فعم أعاني داخليا كل مرة.فبدها حشمة أكترللرجال.

سوريا

سالم

2009-09-11 07:45:00

الأخذ بالنوايا

أنا مارح ناقش التصميم لأنه أخذ حقه من النقد واللطم أو من الإعجاب وجهة نظري باللباس بحتفظ فيها لنفسي ممكن تكون بتعجبني وممكن لأ بس المهم إني بحييها وبتشكرها على نيتها الطيبة ورغبتها في تحصين الرجال والنساء من النظرات الفلتانة الي بتخرب لبيوت فكل جميلة هناك أجمل منها بالتأكيد رح يتبرم الزوج بزوجته أو العكس مهما ضحك كل واحد على حالو وقلك خليك كووول

-
سوريا

الوحدة مو لازم تطلع عارية حتى تسبح

2009-09-11 06:05:00

حتى في أوربة هذه الملابس انتشرت

يعني من حق السيدات أن يسبحن بحرية ولباس مستور لان هناك كثير ناس ما بتحب تسبح بالزلط او ما شابه وبيهتمو بالمظهر العام الحضاري بدل النزله بالزلط على البحر وتهييج الغرائز ولكن للسيدة أن ترتدي ما تشاء لزوجها وضمن حدود الادب لباس محتشم لا يهيج الغرائز الجنسية خارج البيت

-
سوريا

علاء

2009-09-11 05:34:00

سنة حسنة

ليش مو ظابط اخي, ليش مو من حق الناس اللي بتحب الدين و بتحب الحشمة و في عندها حيا أنها تسبح بدون مضايقات و حجر على الحريات, قل للمؤمنين يغضوا من أبصارهم و يحفظوا فروجهم, و هدا مو سجن للمرأة, بالعكس هادا حل و هامش حرية اكبر لا يؤ\ي الاخرين.

-
سوريا

Khateeb

2009-09-11 00:22:00

قال ...( يكشف بعض ما يحرجها )... قال

المخلوقة عم تعمل تجارة ويعني صحتين على قلبها وعلى قولة رزق الهبل على المجانين بس أما الدوافع فيعني ماشالله شي بيخـ... جل ياعمي إذا بدها تشوف ما يحرجها تبقا لاتروح... خلاصة: أنا ضد الفكرة *

سوريا

مابعرف

2009-09-10 23:33:00

الله يساعد

يعني عنجد الله يساعد هالعالم قال شو هي سمعة جديدة بوركيني عنجد الله يعين هالشعب اخر شي وصلت لدقن الرجال اصلا البحر جمالو بلونو الازرق السماوي مو بغير لون بعدين اللي مو عاجبو وخصة هي يلي عم تخترع ترحلا ع شي مسبح خاص وتعطين اختراعاتا حتى البحر وصلولو اصلا مين الغبي اللي رح يلبس هيك شي مابظن في اغبيا ولا في اي والله في يلا طولت عليكن ســوري (اّسف)

-
سوريا

أيمن

2009-09-10 23:11:00

مسخرة

هاي اسما مسخرة بمسخرة

-
سوريا

m-montreal

2009-09-10 22:46:00

?????

Is the freedom means appearing half-naked If you are not interested don’t buy it, no one is forcing you. All has equal rights to swim, and to do all kind of sport in the custom he /she find it appropriate

-
كندا

محمد تيناوي

2009-09-10 22:37:00

شر البلية ما يضحك

نحنا بالمايو تبع النسوان مو خالصين منون ومن الجنان تبعون هنين والمايو الاسلامي بيالمانيا هلق طلعولنا الرجال بيمايو اسلامي؟؟؟؟ يلا ان شا الله بوكر بيمنوعو بيالمانيا و بيكبوون لهدول المتشددين براة اوروبا مشان يسبحو بياففانستان والسعودية وايران بالمايو الاسلامي تبعون

-
ألمانيا

ابو الليل المتيم

2009-09-10 22:33:00

ما في فايدة

شو فايدة من هيك تصميم نحن لازمنا نستر النسوان عنا والله انا شخصيا متزوج ما عما اقدر اضبط نفسي امام الاغراءات بالشوارع من لباس النساء الفاضحة بقى شو حال العزابية الله يكون بعونهم

-
سوريا

مغترب مجهول

2009-09-10 21:10:00

ترقبوا اختراعي الجديد

أنا عم ضارب على هل المصممة. رح أعمل سبت صغير متل يلي كنا ناخدوا على المدرسة, منشان تعد في البنت و تنزل على البحر بدون ما حدا يشوفها. يعني شو هل التخلف..اذا وحدة متدينة فلا تسبح بأماكن مختلطة. الالتزام و التدين حق للإنسان اذا رغب بهل الشي, بس الالتزام أله توابعه ... يعني شو العالم بدها تضمن الجنة و النار... يعني و الله شي بيضحك و بيزعل بنفس الوقت.

-
إيرلندا

Secular

2009-09-10 20:30:00

Funny Picture

يعني المحجبة و يلي ما بدها تلبس مايوه, تروح على مسبح خاص بالنساء.. يعني و الله هيك منظر على البحر مو ظابط ولا حتى بالمسبح... يعني هيك منظر حلو متل Bat Man

-
سوريا

Nizar

2009-09-10 19:49:00

شو عبالها

صارت مليونيرة بسبب غباء البشر, بوركيني؟ شو بدا تسمي المايو الرجالي؟ بوركينو؟ مو ناقش غير يحطو المرأة بصندوق ويحطولها سيروم لتضل عايشة وفتحة تنفس مشان تعيش كل حياتها بدون ما تشوف شي ولاشي يشوفها لانو هيك احسن لها وللرجال المرعبين الذئاب حوليها.

-
سوريا

الدكتورة الحائرة

2009-09-10 18:57:00

يعني انا ماشفت حدا باميركا

عند السباحة من الرجال طبعا يلبس شيء غير محتشم هم يلبسون بنطلون لعند الركبة او اقصر شوي لانه الاميركان بيقولوا عن الشب اللي بيلبس قصير او ضيق شاذ يعني هاي عم تعمل تجارة وبالنسبة للبنات كل وحدة حرة بلباسها وهي شكلها غريب اللي بالصورة يعني بتقبل تطلع نيئة عن الخليقة لازم يعملولهم مسابح خاصة او هنن يعملوا مسبح ببيوتهم

-
سوريا

ssn356

2009-09-10 17:52:00

ياريت

ياريت ياريت ياريت تستعجلي شوي وتصممي اللباس المحتشم للرجال على البحر لأنو ماعاد في خجل ولا حياء من النسوان ومن الرجال

-
سوريا



All rights reserved © Syria-news.com 2014
Powerd By:Syria news IT