فيلم آفاتار يحقق أكبر حضور في سينما سيتي في دمشق  

سينما سيتي: عرضنا الفيلم قبل يومين من عرضه في صالات السينما الأميركية

مشاهد: علمت بالفيلم عن طريق الانترنت وتتبعت أخباره قبل عام من عرضه

قال مدير التسويق والإعلان في سينما سيتي شادي دبور لسيريانيوز إن "فيلم أفاتار حقق حتى الآن أعلى نسبة إيرادات وحضور في سينما سيتي وتفوق على فيلم 2012 بمرة ونصف", مبينا أن "حفلة الساعة السابعة (complete) وحفلات الساعة 4 ظهرا والساعة 10 مساء ممتلئة أكثر من النصف تقريبا".

وأضاف دبور أن "آفاتار عرض في سينما سيتي قبل يومين من عرضه في صالات السينما الأميركية وبعد ساعة من عرضه في لندن وذلك نتيجة فارق الوقت", مشيرا إلى أنه "تم الاتفاق بين شركة الإنتاج العالمية التي تتعامل معها سينما سيتي (prime picture) وبين شركة فوكس المنتجة للفيلم على عرضه قبل الولايات المتحدة بيومين".

ويعرض هذا الفيلم الآن في 120 بلد وحقق أعلى إيرادات في تاريخ السينما حيث كلف إنتاجه 250 مليون دولار وحصد حتى الآن في أميركا 600 مليون دولار وبلغت في كل العالم إيراداته 2.5 مليار دولار.

وفي نفس السياق, أوضح مدير الإعلان والتسويق أن "هذا الأسبوع الثامن لعرض فيلم آفاتار في سينما سيتي حيث تجاوز فيلم 2012 الذي بقي 5 أسابيع مع أن سياسة السينما تقتضي بعرض الفيلم لمدة أسبوعين فقط لكننا أبقيناه نظرا للحضور الكبير".

وبالنسبة لإيرادات الفيلم بسينما سيتي, قال دبور أنه "تحديبد حجم إيرادات الأفلام في السينما لا يتم إلا بعد انتهاء الفيلم ولكنه حقق أعلى إيرادات حتى الآن", مشيرا إلى أن" فيلم 2012 الذي عرض لمدة 5 أسابيع حطم إيرادات فيلم عمر وسلمى الذي عرض لمدة 5 أشهر وحطم فيلم آفاتار إيرادات الفيلمين".

وحول نظرة الجمهور السوري لهذا النوع من الأفلام, قال دبور أن "آفاتار أول فيلم بدأ جمهوره يتزايد وليس بالعكس ففي البداية كان الإقبال للفيلم ضعيف لأن الشعب السوري لا يجذبه موضوع الخيال العلمي وأشخاص بلون أزرق", لافتا إلى أنه" فيما بعد تناقل الناس أخبار قصته ومؤثراته البصرية والصوتية وأصبح الحضور قوي".

وفيما يخص عدم عرض الفيلم بالطريقة ثلاثية الأبعاد والتي عرض بها في جميع أنحاء العالم, قال شادي دبور إن "مشاهدة آفاتار بالطريقة ثلاثية الأبعاد أجمل وهذا ما يتم في دول العالم لكن لا توجد لدينا هذه التقنية المكونة من نظارة بثلاثة عدسات", مبينا " نعمل الآن على وضع هذه التقنية في السينما وأن نخصص صالة خاصة بالرؤية ثلاثية الأبعاد".

وكان فيلم آفاتار حصل على جائزتين من غولدن غلوب بينما حصل مخرجه جيمس كاميرون على جائزة أفضل صورة ومزج ورسوم متحركة، كما عكف مخرجه جيمس كاميرون 14 عاما في تخيله.

والتقت سيريانيوز قبل عرض الفيلم بمجموعة من الأشخاص الذين أتوا لمشاهدته لتستطلع سبب مجيئهم, حيث قالت رنا "أختي في أميركا حدثتني عن الفيلم ونصحتني بمشاهدته وقالت لي أنه من الضروري أن أشاهده", مبينة "لا أعلم شيء عن الفيلم إلا أن أشخاص من كوكبنا يسافرون في المستقبل إلى كوكب آخر وأرض أخرى".

بدوره, قال سرمد حداد "أغلب أصدقائي قالوا لي أن الفيلم ليس جميلا لكنني شاهدته على الـ(دي في دي) ووجدته رائع لذلك حضرت للسينما لأتابعه" , مضيفا"قيل لي أن لغة الآفاتار هي لغة حقيقية لها قواعدها وقوانينها وحتى الأعشاب الموجودة في الفيلم حقيقية ولكنها نادرة".

ومن جهتها, ذكرت رغد "سمعت بالفيلم عن طريق أصدقائي بالعمل وقالوا لي أن موسيقته التصويرية جميلة جدا كما أنني علمت أنه في المرتبة الأولى بين الأفلام وأنه فيلم خيالي وفكرته جديدة".

وبدورها, بينت راما " خطيبي في دبي هو الذي شجعني على حضور الفيلم وحدثني عن إخراجه وعن ثلاثية الأبعاد التي لم يطبقوها عندنا", موضحة "عندما شاهدت الملصق لم أتشجع لمتابعة الفيلم لأنني رأيت أنه خيالي والأشخاص فيه ليسوا طبيعيين".

وتابعت" ما شجعني على رؤية الفيلم هو أن مخرجه هو مخرج فيلم التايتانيك وأنه الآن هو بالمرتبة الأولى بين الأفلام".

وكان مخرج فيلم آفاتار جيمس كاميرون أخرج سابقا فيلم التايتانيك ولكن فيلم آفاتار استغرق ستة أسابيع فقط لكي يتجاوز الإيرادات القياسية التي تطلبت من فيلم تايتنك نحو عشرة شهور لكي يحققه.

يذكر أن فيلم آفاتار يستخدم تقنية التصوير الحديثة ثلاثية الأبعاد كما حصد جائزتي أفضل فيلم درامي وأفضل مخرج في مهرجان غولدن غلوب.

لبنى عيسى - سيريانيوز

2010-02-19
 

 

عمار

2010-02-20 19:54:00

النقاش خرج عن موضوعه

المناقشات حول الفيلم خرجت تماما عن إطار الفيلم بغض النظر عن عرضه بثلاثة أبعاد أو بعدين، سررت جدا عندما عرفت أن لدينا صالات سينما تعرض الأفلام الحديثة في نفس سنة عرضها العالمية. هذا شيء رائع، وهذه رسالة إلى القائمين على أمر السينما بأن المشكلة ليست في الجمهور ولا في تغلب التلفزيون والإنترنيت على السينما ولكن المشكلة في نوعية البضاعة التي يعرضونها

-
سوريا

super

2010-02-20 16:11:00

تعقيب

تعقيب على الأخ اللي عم يقول إنو الثري دي عبارة عن نظارة عدسة حمرا وعدسة مدري خضرا مدري زرقا . هي النظارات الملونة فاشلة وبتوجع الراس . أما لما فتت عالسينما بأبوظبي عطوني نظارة شفافة متل النظارة الطبية بس لما تلبسها وتشوف الفيلم عنجد شي بجنن خيال بتحس حالك جوا الفيلم وخصوصا وقت الإنفجارات ووو شي رائع عنجد

-
الإمارات

sami art

2010-02-20 12:17:00

فلم النظارة

من الناحية السينمائية الفلم لاشيء كل شيء فيه عادي ،أما الجميل هي التقنية فقط اي النظارات وبدونها لن نتعرف على هذه التقنية ،الا اذا اخبرنا احد الاصدقاء الذي شاهده بها عن روعتها وكعادتنا بما انه شاهده وقال واو نشاهده بدون النظارة ونقول واو يااااااااااااااااااي يوووووه

سوريا

واحد متدايق

2010-02-20 12:10:00

لالالالالالا

غزو ثقافي .. ابتذال .. ضياع .. خيال ووهم .. برأيي مسلسل احلام كبيرة احلى من هالفيلم ومن التايتانك .. الدراما السورية اقرب بالنسبة لي من اي فلم مكلف بالمليارات

-
سوريا

سامي ارت

2010-02-20 12:09:00

صدأ2

سيناريو مصدي ومستهلك وبالنسبة للمؤثرات البصرية أكيد خطوة حلوة ،وكمان فيديوكليب هيفا الي بتكون مقاتلة بالمدرج الروماني حلو من الناحية البصرية ،بالمختصر فلم يشاهد لكن لا يستحق كل هذه الضجة ،ماع ماع ماع

سوريا

sami art

2010-02-20 12:05:00

الصدأ

" سمعت بالفيلم عن طريق أصدقائي "وقالو ياي واو بجنن،ولأنهم شاهدوه علي أن أشاهده!!!!يالثقافة القطيع التي لازلنا نرعى بها .لأن مخرجه مشهور (؟) ولأن العالم كله عمبشوفو (؟) ولأنو حقق ايرادات كتير(؟) ولأنو خطيبي قلي انو حلو(؟) ولأنو ثري دي ولأول مرة (؟) عمنشوفو وطبعا لانو عوفونا السما بالدعايات تبعو ،قصة الفلم أقل من عادية وحرام 14 سنه تفكير بهيك

-
سوريا

راعي غنم

2010-02-20 07:29:00

الى هادي الغنم 1

ياهادي لا داعي الى انفعالك الزائد هؤلاء الذين تتكلم عنهم اغتربوا في الخارج لان بلدهم لم تستطيع ان توفر للجميع فرص العمل ويمكن ان يكون انزاحوا من طريقك وحصلت انت عليه وتهكمك على ١٨ مليون مغترب يدعمون الاقتصاد ٢ مليار دولار يشكل 16.7% من ميزانية سورية البالغة 12 مليار دولار غير حضاري دع الذين تسلقوا الجبال يصفون المنظر للذين يعيش

سوريا

safeer

2010-02-20 06:58:00

رد

انا برد علي عم يزاودوا عالمغتربين بالامارات وبقان انوا نحنا منحب بلدنا اكتر منن بكتير واللي بيحكي انوا عنا بدبي بيقصد محل مانوا مقيم وليس تنازلا عن سوريا حبيبة قلبنا ونحنا لو خيرونا باعطائنا جنسية الامارات شرط نتنازل عن جنسيتنا مستحيل نقبل ولكن نحنا منتمنى انوا سوريا تصبح مثل الامارات تكنولوجيا وليس جمالا سوريا اجمل بلد بالدنيا وجمالها طبيعي شكرا

-
سوريا

شكووووووووووووون

2010-02-20 06:11:00

إلى مستغرب

من كل عقلك عم تقارن وتسأل اذا الصين أحسن؟عمي بما انك عم تحكي عن السينما بس، بحب قلك انو جيمس كاميرون اجى شخصياً افتتح الفيلم ببكين،اسأل حالك بقى ليش ما شفت طلتو البهية بالشرق الأوسط كلو.بعدين لا بقى تستغرب انو بدنا تتغير سوريا بيوم وليلة،اسأل أبوك وأمك كيف كانت السينما وكيف تغيرت بيوم وليلة.و وما رح قارن بين بكين ودبي أو الشام مشان ما تستغرب أكتر

-
الصين

محمد

2010-02-20 02:52:00

يا حرام

سوريا ما فيها سينما واحدة ثلاثية الأبعاد؟! والبحرين اللي عدد سكانها مليون ومساحتها 665 كيلومتر فيها كذا سينما على مستوى عالمي وكل واحدة أحسن من التانية وما بتتقارن بسينمات سوريا, وطبعاً السينمات اللي هون ثلاثية الأبعاد, أفاتار من أحلى الأفلام والمفروض ينشاف بالأبعاد التلاتة لحتى تكون التجربة كاملة

-
سوريا

!!!

2010-02-20 02:37:00

IT'S A 3D MOVIE !

فيلم راااائع ..تأثيرات بصرية مبهرة :) بدون التأثير ثلاثي الابعاد الفيلم بيفقد تميزه.. ومستغربة من اللي اثار اعجابهم الكبير دون مشاهدته مع النظارات الخاصة !

-
بريطانيا

mariam k

2010-02-20 02:08:00

حاج مجاكرة

يعني يا جماعة حضرنا الفيلم بسينما سيتي وطار عقلنا فيه وبيجنن من المؤثرات للتمثيل وفوق كل شيئ قصة كل شعب مظلوم، لشو تجوا وتنزعوا فرحتنا وتقولوا ثري د وما بعرف شو، خاصة الأخ ياسر عن أنو الفيلم ساحق ماحق. يعني يا جماعة لا تفسدونا وتنزعوا علينا (:

-
سوريا

هادي الغنام

2010-02-20 01:33:00

وطالما انفتحت السيرة

أظرف شي بكتير منا الشغالين بالامارت خصوصاً بيجوا الشام أو ما بيجوا حتى بيضلو متل القرفانين مو عاجبن شي فيها وبيئولو عنا بدبي وعنا بدبي وبيكونوا هنيك عايشين كل شلة ببيت وليل نهار شغل ما عم يرفعوا راسن واذا حضروا حفلة أوفيلم سينما بتكون بالمناسبات ومو شايفين من دبي غير وهنن بطريئ شغلن. والاحلى اذا رجعو البلد بيبوسوا الايادي حدا يشغلن اذا لئو شغل.

سوريا

هادي الغنام

2010-02-20 01:26:00

ولي ليش هيك؟ - 2

يلي مو عاجبهم عرض الفيلم بالشام وفاتوا بسيرة الانترنت وخصوصي يلي عايشين بره وعم يشلفو حكي، معلش الشطارة ما نئول حضرنا آي ماكس وثلاثي أبعاد مطرح مو عايشين، الشطارة انو اذا تركوهم شغلن ورجعوهم على بلدن الشام يلي مو عاجبهم وضعها، متل التوتو بدهم يرجعوا عالشام يدوروا على شغل ومية واسطة يظبطو حالن فيها حتى لو شغلوهم موظفين بسينما سيتي.

سوريا

هادي الغنام

2010-02-20 01:20:00

ولي ليش هيك؟

عن جد ليش هيك نحنا؟ ما بيعجبنا العجب، وكل ما صار عنا شغلة منيحة منئول تعو شوفوا دبي وتعو شوفو هون. والله عيب. الفيلم صح انعرض بنفس توقيته بأمريكا والعالم، وما عنا تقنية ثلاثية أبعاد معلش، بكره بتجي، بعدين يلي عم يئول دبي وأبو ظبي شفنا كتير من السوريين بأبو ظبي كل تلاتة أربعة ببيت وكتير بيكونوا ساكنين بالشارقة لأنها أرخص واذا حضروا فيلم كل شهر مرة.

سوريا

majd

2010-02-20 01:17:00

ما بيستاهل كل هالضجة

حضرت الفيلم مرتين,مره على شاشه ثلاثية ابعاد و مره ثنائية ابعاد..متعوب عليه بس ما بيستاهل كل هالضجه وانو يكون حقق كل هالايرادات..ويلي صاير انو الاشاعة عم تمشي بين الناس وعم يسحبوا بعضهم ليشوفوه.. في كتيرافلام احلى و اقوى من هالفيلم

سوريا

ماهر

2010-02-19 23:07:00

طبيعي ما يعجبون

شلون بدون ينعجبوا بالفيلم واهم شيء فيه هو النظارات التي توزع للجمهور لاظهار الابعاد الثلاثية غير متوفرة ؟؟

-
سوريا

مستغرب

2010-02-19 22:14:00

ليش هيك شعبنا

ليش هيك شعبنا ما بيعجبو عجب ؟ لك بدكن كل شي يصير بيوم واحد ؟ طبعا يلي مو عاجبهم من المعلقين المتذمرين و يلي شايفين حالهم ان سوريا ناقصها كتير و بدها لسى كتير لك احمدوا الله ، بس من سنة ما كان في سينما متل الناس بسوريا لما سافرت و لا كان في شي اسمو فلم جديد بسينما. و خصوصا تبع (شكووووووووووووون) من شان الله الصين احسن ؟

-
الإمارات

هاوي سيما

2010-02-19 21:54:00

غباء مطلق

لك ولي شو تنابل ! لك الشعب السوري مالو مستعد حتى انو يكسب مصاري زيادة ، أخي شو بدها النضارات ثلاثية الأبعاد ؟ اشتريها من على الانترنت الوحدة ما بتطف ال 300 ليرة .. بس شاطرين يعملوها تقنية و مدري شو ، و انو تطلب نسخة الفيلم الثري دي - اللي فيها صورتين فوق بعض - و غير ذلك لا بدك تقنيات و لا هم يحزنون ، هداك الوقت حكيلي على تملاية الصالة ، عذر سخيف

-
سوريا

sam7o

2010-02-19 19:26:00

3D or nothing

هذا الفيلم بلا 3D يفقد 70% من متعة مشاهدته

-
كندا

farrah

2010-02-19 19:24:00

أفاتار يحكي العراق

أفاتار يحكي احتلال العراق من قبل آلة الحرب الامريكية الساعية فقط للنفط ضمن الفيلم نشاهد أن الامريكان (العسكريون)ينظرون الى شعب باندورا انهم بدائيين و همجيين و يسعون لتدميرهم فقط من اجل الحجر الذي يقدر بملايين الدولارات ) نفس قصة العراق نفط و شعب همجي و طغاه

-
سوريا

محمد حرفوش

2010-02-19 19:12:00

افانار

نحنا هون في لبنان اضطرينا نحجز لا هاد الفيلم قبل بي يوم كامل و يا ريت كانو مخصصين صالتين بس لا هاد الفيلم و مع العلم انو الفيلم صرلو تقريبا نازل شهرين و لك يا عالم ست عروضات عم بي كونو (FULL) بي ظرف اقل من يوم مع العلم اني سوري و اعتز بي وطني و كمان اتمنى زيادة عدد فروع السينما سيتي في جميع محافظات القطر و شكرا للمهتمين

لبنان

مخرج

2010-02-19 17:18:00

تصحيح لاحد حاضري الفيلم

اللغه التي يتكلم بها شعب الافتار المزهوم بالفيلم هي لغه جديده مستنده لعلم الصوتيات و تاليف احد اهم علماء الصوتيات الذي تم التعاقد معه خصيصا للفلم وهي ليست لغه قديمه او شيء من هذا القبيل و جب التوضيح

-
أوكرانيا

طفشان للأبد - دبي

2010-02-19 17:15:00

جد أروع فيلم شاهدته بحياتي

بصراحة أنصح كل الأخوة بمشاهدة هذا الفيلمالأكثر من رائع وخصوصاً تابعوا "ســيــد الأجــــواء " (أنا حبيته) بس آخ لو عندكم بسوريا تقنية ثلاثي الأبعاد رح تحسوا حالكم جوا الفيلم.. تحياتي للجميع

الإمارات

عبود

2010-02-19 17:07:00

شو هالحكي

ليش صرنا متل باقي الكائنات البشرية ..يعني صار في عنا سينمات محترمة بسوريا ...عجيب اللي بعيش كتير بشوف كتير ..عقبال ما تتخطى سرعة النيت ال 100 كيلوبايت بالثانية .... مسخرة

-
أستراليا

معتر

2010-02-19 16:30:00

غريبة شوي

وأضاف دبور أن "آفاتار عرض في سينما سيتي قبل يومين من عرضه في صالات السينما الأميركية مو صعبة شوي بامريكا كان اول ايام عرضه هو 18 ديسمبر بالشام ايمتا انعرض

-
الولايات المتحدة

حلبي

2010-02-19 15:54:00

فيلم جيد

الحقيقة ان الصخب الإعلامي الذي صاحب ظهور الفيلم،هو ليس بسبب محتواه بل بسبب تقنية تصويرة وانتاجه،واعتقد بأن الفيلم يعتبر جيد عند مشاهدته بالشكل التقليدي -ثنائي الابعاد-غير انه يصبح ممتاز عند مشاهدته بتقنية التصوير ثلاثية الابعاد، حيث بتجلى الإبهار البصري للعوالم المتخيلة من قبل المخرج،اتمنى ان تصل هذه التقنية قريبا لصالات العرض في سورية.

-
فرنسا

husam

2010-02-19 14:05:00

ليش هيك

يعني كل الدنيا بينحكى فيها انو تحقق الرقم كذا من خلال العرض أو بلا ما يحكو قديش حققو مبالغ يحكو العدد الحقيقي اللي شاهد الفيلم ...... وبعدين شو هالتناقض يا دبور سياسة عمل السينما لا تسمح بعرض الفيلم أكتر من اسبوعين وبتقلي انك عرضت فيلم عمرو وسلمى خمسة أشهر يعني تخينة شوي...... بس المرة الجاية حدد أرقام ولا تقلي الحضور كانو كتار .......

-
سوريا

super

2010-02-19 12:32:00

مؤثرات 3

يالله إن شاء الله من هون لخمس ست سنين بصير عندكن سينما فيا ثري دي وخصوصا إنو المشروع قيد التنفيذ . شي بزعل يابلدي ليش منضل متأخرين بكل شي

-
الإمارات

super

2010-02-19 12:29:00

مؤثرات

تتمة .... وبالنسبة للمؤثرات الصوتية كانت كمان ثلاثية أبعاد وبربي الكرسي اللي كنت قاعد عليه كان يهز من المؤثرات . بس للأمانة الفيلم بدون نضارة ثري دي مابيطلع ممتع متل لما يكون بنضارة .

-
الإمارات

ياسر

2010-02-19 12:27:00

فاتكم الكثير

أنا حضرت الفلم بالريل سينما بدبي مول و بتقنية ثلاثية الأبعاد شي خارق حارق متفجر هالتقنية و بتخلي الواحد يحس انو بقلب الفلم لدرجة أني ومن اندماجي بالفلم و وقت بيرموا القنبلة بتدخرج و بتتوجه تجاه المشاهد فغمرت رح تخبط برأسي فبعدت راسي على اليسار بردة فعل لا شعورية الفلم رائع بتقنية 3d اكتر من العرض العادي

-
سوريا

super

2010-02-19 12:25:00

هههه مؤثرات مرئية هههه

قال مثرات مرئية لك شو حلاوة الفيلم إزا مو ثري دي . لك هون بأبوظبي بس اشتريت التكت فورا عطوني نظارة ثلاثية أبعاد وبس فتنا نحضر الفيلم ولبسنا النظارة كان شي خيالي الواحد بحس حالو جوا الفيلم وبتحس كل شي حقيقي ومابتحس حالك عم تحضر فيلم والأحلى من هيك كان بس ينفجر شي وتتطاير الشظايا باإتجاهك بتنقز لأنو كل شي مبين حقيقي

-
الإمارات

جراح من فرنسا

2010-02-19 12:07:00

شي حلو

والله كتيير حلوة منكن !! قلتولي فيلم خيال علميي!! لا وأنا عتبان على رفقاتي الفرنسيين أنو ما انتبهوا لقصة العراق وأفعانستان الواضحة بالفيلم، يعني عالقليلة اذكروا قصة الفيلم واتركوا يلي بدو يفهم يفهم!!!

-
فرنسا

وسام

2010-02-19 11:53:00

تقنية الثري دي

تقنية الثري دي ما بدها نظارة ب 3 عدسات شو هالحكي؟؟؟؟؟ هية نضارة اقل من عادية بس عدسة لونها احمر والتانية ازرق, وفيك تتفرج عليها عالتلفزيون العادي ما بدها اختراع, انا عندي دي في دي شريك 3د, وتفرجت عليه بالبيت على تلفزيون قديم ونظاراتو كانو كرتون وعدساتو نايلو! تقنية ال3د هية 3 كاميرات في برنامج 3ي,بس متى ما انعملو رندرة خلص ما بدو غير نضارة

-
سوريا

شكوووووووون

2010-02-19 11:32:00

2 من 2

بعدين مبسوطين هالقد وانتو عم تحضرو فيلم أجلو عرضو 8 شهور (الفيلم كان جاهز للعرض من شهر شباط 2009) مشان يعطو مجال لدور السينما تركب أجهزة عرض (3 دي) لحتى يحس المشاهد بالتقنيات المستخدمة للمرة الأولى بتاريخ السينما بالفيلم.الشي يلي ما عملتو سينما سيتي طبعاً.حضرناه بسوريا (2 دي) وطلع متلو متل أي فيلم بايخ. تعو شوفو الفرق لما حضرناه بسينما آي ماكس

-
الصين

شكوووووووون

2010-02-19 11:26:00

1 من 2

يعني ما فهمت انو عم يقول أعلى ايرادات وما عطى رقم.. المعروف انو كل دور السينما يلي بتحترم حالها بتعطي أرقام لواردات شباك التذاكر، قلنا لحالنا هه صار في سينما بسوريا.. تاري لسى عم تتعامل بعقلية الحسد والغيرة وسرية الأرقام وكأنو العالم واقفة حياتها على واردات شباك تذاكر سينما سيتي بدمشق.. المبرر الوحيد لهالحركة هو التهريب الضريبي يا حلوين

-
الصين

Nice

2010-02-19 10:55:00

Thanks

كل الشكر لإدارة سينما سيتي, التي اجتهدت وتجتهد لدعم السينما, شيء جميل أن يعرض مثل هذه الأفلام وقبل عرضها بأميركا في سورية,, بصراحة لم أكن اظن ان يأتي يوم ويعرض فيه فيلم بهذا المستوى بسورية, فما بالك أن يعرض قبل أميريكا,,,, أتمنا لإدارة هذه السينما التوفيق والتقدم وشكراً

-
سوريا



All rights reserved © Syria-news.com 2014
Powerd By:Syria news IT