الشاب السوري ناصيف زيتون يتأهل إلى نهائيات ستار أكاديمي 7.. والتصويت الكثيف هو الفيصل  

أيام قليلة تفصلنا عن نهاية الموسم السابع من برنامج ستار أكاديمي، البرنامج الذي استقطب شريحة واسعة من الجمهور العربي في مختلف أنحاء العالم ليكون البرنامج العربي الأكثر مشاهدة, حيث وصل الشاب السوري ناصيف زيتون إلى نهائيات برنامج ستار أكاديمي بعد أن أثبت جدارته على مدار ثلاثة أشهر بحضوره القوي وأدائه المتميز.

وناصيف من مواليد 1988 ، وهو طالب سنة أولى في المعهد العالي للموسيقا قسم الغناء الشرقي, شارك في عدة حفلات بدار الأوبرا في دمشق إضافة إلى مشاركته في كورال مارسيل خليفة, كان يهوي الغناء منذ الصغر وهو يملك صوت جبلي قوي تميز من السهرة الأولى في البرنامج، فهو لم يكتف بأداء المواويل الصعبة أو الأغاني الجبلية، فعلى مدى إطلالته في سهرات البرنامج تنقّل بين نوعيات مختلفة من الأغاني الإيقاعية.

وعن عملية التصويت قال ناصيف في تصريحات لوسائل إعلام لبنانية "نعم أخشى هذه العملية لأن التصويت يأتي ظالماً أحياناً، لكن الاتكال على الله وعلى المحبين, وأتمنى أن أكون السوري الأول الذي يحرز لقب ستار أكاديمي, وإن أحرزت اللقب سأكون عند حسن ظن الجمهور ولن أخيب أمل أهلي وأحبتي".

وعن صداقته مع المشتركة زينة يقول ناصيف "زينة من أقرب الطلاب إلي، فأنا أعرفها قبل دخولنا إلى الأكاديمية وتربطنا علاقة وطيدة، ثم هي تشاركني أفراحي وأحزاني وأعتبرها ملجئي الوحيد، وهي تستحقّ البقاء لأنها تتمتع بصوت جميل وموهبة فنية حقيقية، لكن مع الأسف فهي غادرت المسابقة وهذه قوانين البرنامج".

وتميز ناصيف بتأدية أغاني الفنان الكبير وديع الصافي الذي حل ضيفا على البرنامج في حفله الخامس, حيث شاركه ناصيف بأداء أغنية "قطعة من السما", وعبر الصافي عن مدى إعجابه بصوت ناصيف وأداءه على المسرح فأهداه عود وكتاب لأغنياته.

سيريانيوز استطلعت آراء المتابعين لبرنامج ستار أكاديمي حيث قال ثائر طالب جغرافية "المتسابق الأردني محمد رمضان يستحق اللقب ولكننا لا نستطيع أن نشجع إلا ابن بلدنا, ونحن لا نريد أن نكرر مأساة شهد برمدا التي شاركت في برنامج (سوبر ستار) لأنها ظلمت فالجمهور السوري لم يصوت لها كفاية", لافتاً إلى أن "ناصيف يستحق كل الدعم المادي والمعنوي وأنه أفضل من إرسال المسجات على قناة جرس أو شام اف ام التصويت لنجم المستقبل الواعد ناصيف".

من جانبها قالت وفاء (صف حادي عشر) "أتمنى أن يفوز ناصيف باللقب فكل شيء فيه جميل من حيث صوته وأخلاقه وشكله وتصرفاته الراقية مع أصدقائه, وأنا لم أقصر أبداً حيث قمت بالتصويت له من كافة الأجهزة الجوالة في منزلنا وأنا انتظر حلقة يوم الجمعة بفارغ الصبر لأنها الفاصل النهائي والتي ستحدد النجم", لافتة إلى أنها "تتابع ستار أكاديمي منذ موسمه الأول بكل حلقاته وكواليسه ويومياته وتعتبره من أنجح البرامج الشبابية الغنائية في الوطن العربي".

أما عائشة (طالبة أدي عربي س1) فقالت "ناصيف شخص لطيف ورائع ورفع رأس كل سوري بأخلاقه العالية وأدبه وصوته الجبلي الأصيل, وأتمنى أن تكون نسبة التصويت مرتفعة وخصوصاً انه يلقى منافسة كبيرة من المشترك الأردني محمد رمضان حيث تعتبر نسبة التصويت هناك من النسب المرتفعة مقارنة بسورية", وأضافت "نتمنى أن يكون فوز ناصيف باللقب تعويضاً عن خسارة محمد باش في الموسم السادس, أما عندما فاز النجم محمد المجذوب بلقب (الاكس فاكتور) فرحنا جميعنا وهو يثبت اليوم جدارته بأغنياته الجميلة".

يشار إلى أن الحلقة الأخيرة من برنامج ستار أكاديمي ستكون يوم الجمعة المقبل, حيث تأهل للنهائيات المشترك ناصيف زيتون مع زميلته رحمة من العراق ومحمد رمضان من الأردن, وسيكون ناصيف المشترك السوري الأول الذي يفوز بلقب ستار أكاديمي إن كانت نسبة تصويت الجمهور له مرتفعة, حيث أن تصويت الجمهور هو الذي يحدد من سيكون النجم, أما أرقام التصويت من سوريا (1498) من شبكتي سيرياتيل وام تي ان.

يمكنك التصويت بالضغط هنا

أروى الباشا- سيريانيوز

2010-06-02
 

 

مبروك

2010-06-05 00:27:00

ربح النجم

ناصيف زيتون الف مبروك يانجم سوريا والعرب والله بيستاهل

-
سوريا

بنت سورية

2010-06-04 23:57:00

لايصح إلا الصحيح ناصيف

فاز ناصيف فازت سوريا معو لك الله محي الشعب السوري وكل اللي صوتوا ناصيف لك فاز ابن بلدنا شو صار بالسوريين حتى انفك النحس عنهن انا مو مصدقة انو ناصيف فاز لهلأ أبدا ورافع علم سوريا ووناصيف مو مصدق حالو ابن سوريا الأسد هاد مبروك سوريا

-
سوريا

فروتي

2010-06-04 23:56:00

الف مبروووووووووووووك

الف و الفين مبروك يا ناصيف ... وصلت للستار بأخلاقك قبل صوتك .... ربي يسلمك و رح نشوفك عن قريب

سوريا

ماريا

2010-06-04 22:29:00

من المالكية

هاي انا ماريا من المالكية انا ارمنية حابين كتير ناصيف ياريت يكون هوي الرابح بس قولولي كيف صوت بالانترنيت

سوريا

فروتي

2010-06-04 20:13:00

ناصيف ستار بكل شي

ئبل 3 ساعات من النتيجة .......... ناصيف انت ستار بأخلاقك و بروحك المرحة و بيكفينا انك ستار بقلوبنا و يارب يارب يارب تكمل معنا و نشوفك الليلة السوبر ... عملنا يلي علينا و الباقي ... الله يكون معنا

سوريا

SYRIEN

2010-06-04 19:05:00

VOTEZ POUR NASSIF

DIEU AVEC TOI NASSIF...TU MÉRITE LE PRIX...ALL SYRIA ARE WITH YOU NASSIF...ALL MA3AK YA NASSIF

-
سوريا

touly

2010-06-04 13:38:00

اللي مدايق من الموضوع ومن ناصيف فيي اعرف انو انتو ليش داخلين بهيك موضوع نحنا وطنين وعم ندعم بلدنا انو نحنا بدنا اسم سوريا يرنفع بكل شي بالعلم والفن والثقافة وبكل شي ورح قلكم انو الرئيس بشار الاسد الله يطول بعمرو ويديمو بهالبلد عزانو هوو بيدعم الفن والفنانين ...اللي مو حابب يصوت وفايت يوجعلني راسنا بتمنا يضلو برا ويريحونا من فلسفتم اللي بلا طعمة

-
سوريا

حرة بنت حرة

2010-06-04 12:56:00

يكفي انه يحمل اسم سوريا الاسد بهويته لكي نصوت له

صحيح يلي كاتبين انو نحنا شو راح نستفيد اذا ناصيف اخد لستار ماراح نستفاد شي نحنا عارفين بس انا 100 كف اكلو وكل الرصيد اخسرو ولا اسمع واحد كاتب انتو السوريين مابيطلع معكن شي اذا تصويت ماقدرتو تدعمو ابنكن وهالشي اسمعناه من يلي عم ينافس ابن بلدنا من البلدان التانيه وحاج عاميين على قلوبنا بالقافلات للغزة وهالحكي روحو حكو الرؤساء العرب مو الشعب

-
سوريا

فروتي

2010-06-04 12:36:00

ساعات قليلة

ساعات قليلة و بيتحدد مصير شخص عايش على أعصابو ... و صدقاً ماعاد معي وحداااااات و أكيد في متلي كتير ... ياشركة الاتصالات عطونا بس ساعة وحدة مجاناً ولك هاد ابن سوريا ... بس هالمرة تعاطفوا معنا ... بس هالمرة ورجونا خيركون

سوريا

طرطوسية

2010-06-04 08:04:00

معك يا ناصيف

نحنا معك يا ناصيف و عم نصوتلك ليل نهار ويلي مو عاجبوا ليش داخل على ها الموضوع وبسرعة يا سوريين ما عاد في وقت

-
سوريا

meme

2010-06-04 05:51:00

I LOVE U

نااااصيف انت بتجنن والرب معك ورح ينجحك بس لو بيفتحو التصويت بسوريا متل ماعملو بالعراق بنكون منونيين وأكيييد أنت الستار اذا ربحت أو ماربحت

-
الولايات المتحدة

Fado

2010-06-03 19:28:00

صوتو كلكون لناصيف

ناصيف بيجنن صوت وكاريزما وكامل لازم كل سوري يصوت لناصيف ويشجعو

-
سوريا

فروتي

2010-06-03 19:12:00

شدوا الهمة

باقي أقل من 30 ساعة ... و لسى عنا أمل انو شركات الاتصال تكون عامل اساسي بفوز ابن سوريا باللقب ... وبالنسبة للمعلقين يلي مو عاجبون الموضوع ... بسيطة كتير ... يفوتوا على غير موضوع

سوريا

موبايلي فاضي من الوحدات

2010-06-03 16:40:00

والله والله لو أبي بشارك با ابرنامج ما بقدر صوتلوا لك هذووووول 38 وحدة بعيش عليهن أسبوع بس تصير الأتصالات ببلاش مندعم ابن البلد

-
سوريا

نور

2010-06-03 16:35:00

ناصيف

اللي مو عاجبو البرنامج لا يتفرج و نحنا ما منتفرج على برامج سخيفة و نااااااااااااصيف صوتو حلوووووووووووو كتير وبجنن و شكلو بجنن و موهوب كتييييييييير و بتمنى من معجبين ناصيف برا سوريا يصوتولو لأنو شركات الاتصال هون بخبلة كتيير مع أنو هاد ابن سوريا بس شو بدنا نعمل عالم كحتة بتخاف تخسر كم عشر ملايين و اذا ما فاز بكون الحق عليها و بدعو لمقاطعتها1

-
سوريا

سورية

2010-06-03 13:33:00

ناصيف

نحنا السوريين دايما حظنا قليل بس بنوصل للنهاية ومابنفوز ناصيف صوتو كتير حلو بتمنى عنجد انو هو يفوز باللقلب كأول موان سوري رغم انو مالي حاسة بهالشي بس بتمنى يفوز ناصييف متل فاز محمد مجذوب الموضوع

-
سوريا

SYRIEN

2010-06-03 12:04:00

VOTEZ POUR NASSIF

على رأسي و عيني غزة والقدس و العراق وكل الشعوب المناضلة...بس فلقتونا بها الشمّاعات..ليش مطلوب بس مننا كسوريين نحمل هموم العرب و قضاياهن ..وين كانوا العرب لما إنفرض حصار ع سوريا و لما العالم كلها والعرب ضمناً كانوا ضد سوريا..عن جد ما بينشد الضهر فيكن يا سوريين...بغض النظر عن البرنامج..ناصيف شب كتير موهوب وبيستاهل اللقب بالمقارنة مع الأردني و ال

-
سوريا

تحسين بيضة

2010-06-03 08:35:00

بعدين يلي بشوفكن يا عرررررررررب بقول ما عندكن لاهم ولا غم وما لكن عرفانين شو بدكن تعملو بوقتكم الفاضي!!! بزمانتو وقت حكمنا اسبانيا نحن العررررررب في محلل يهودي قال اذا بدكن العرب يفشلو وتستردو اسبانيا فرجوهن وعلموهن الغناء والطرب ومجالس الطرب وشوفو شلون بدهن يفشلو ويصيرو ورا العالم وفعلا هذا يلي صاار..... بقا يا حيف ويا ندم... يتبع....

-
الإمارات

تحسين بيضة

2010-06-03 08:30:00

ممكن سؤال؟؟؟

على فرض اني صوتت لناصيف او رحمة او رمضان وطلع واحد منهن ستار الاكاديمي انا شخصيا شو رح استفاد منهن هن رح ياخدو اللقب وينسو كل يلي صوتو لهن!! عم حاكيكن نظامي؟؟!! يعني متلا بكرة اذا صار عندي حفلة او مناسبة وطلبي من اي واحد منهن يجي يطربنا بهل الحفلة رح يجي ببلاش شي او لاني صوتت له مارح ياخد مني!! بعدين يلي بشوفكن ياعرب... يتبع

-
الإمارات

goddess of moon

2010-06-03 05:19:00

to Rama and Mariam

Thank you so much...you said it all:)

الولايات المتحدة

زيزو السوري

2010-06-03 02:29:00

وين السورريييين؟

بستغرب كيف ناس حسها الوطني مقتصر على كل شي ضد اسرائيل يا اخي ما تنباع اسرائيل بالعزا وينباعو العرب معها الموضوع كلو انو ابن بلدكون ابن سوريا بحاجة لوقفتكون معو ولو كنتو مكانو او كان اي حدا منا مكانو راح نوقف معو نفس الوقفة فا السوري ابن السوري والاصيل بيوقف مع ناصيف زيتون

-
سوريا

عربي سوري

2010-06-03 01:34:00

تحبة للفن العربي

الى كل المشاركين مؤيدين ومعترضين على الموضوع بأن لا ينسوا بأن الأمم الناجحه تحتاج الى شعراء ومغنيين وعلماء وأدباء , وناصيف شاب عربي سوري لديه موهبة غناء رائعه و نتمنى أن ينجح في رفع علم سوريا في سماء العروبه بأخذه المركز الأول , وأتمنى بشكل شخصي أن أسمعه في أغنيه وطنيه لسوريا والعرب ترفع المعنويات وتشد العزائم بعد أحداث قافلة الحريه .

سوريا

اسامة

2010-06-03 01:03:00

اف منكن

هنيئا للأمة العربية, و هنيئا للشعب السوري, و هنيئا للعالم أجمع, و هنيئا لي, هنيئا للقارئين, و هنيئا لغير القارئين, و هنيئا لمييييين ما بدكن, ما بعرف شو بدي قول, بس هنيئا, قوموا احضروا شي شغلة تفيدكن, ياأخي احضروا أخبار, عالقليلة بتعرفوا شو عم يصير بهالعالم, ناصيف زيتون...

-
بريطانيا

Rama

2010-06-03 00:57:00

تمسيح جوخ...

خلص بقا تمسحوا جوخ.. كلنا مع غزة ومع فلسطين ومع أسطول الحرية.. ومع كل مظلوم بهالدنيا.. بس مو معناها أنو نضل نحكي فيهن عالطالعة والنازلة.. لازم يكون في شي بحياتنا يعوض القهر العايشينو إن كان ستار أكاديمي أو غير برنامج.. واللي هالقد متحمس يروح لغزة يروح ماحدا ماسكو ،واللي بدو يصوت يصوت.. الكل أحرار

سوريا

ليلى

2010-06-03 00:22:00

أين الوعي؟

الله يكبر عقلكم, الدنيا وين و أنتو وين؟؟؟؟؟؟؟؟؟؟؟؟؟؟؟؟؟ سيريا نيوز أرجو النشر

-
سوريا

sam_syria@live.com

2010-06-02 23:44:00

لا زم نعلن الجهاد بالتصويط موبايلات أرضي رسائل قصيرة حتى يربح ناصيف و يغني ويوصل صوت سوريا للعالم و و قتا منحكي للعالم عن الجولان و غزة و الأقصى

-
سوريا

فنان

2010-06-02 23:33:00

ياعيب الشوم

ياعيب الشوم عليكن والله مووومعقوووووول ناصيف في ستار اكاديمي وما حدا قلي والله مالي خبر !!!! ماني ضد الفن بس ضد هالبرنامج ****

-
سوريا

l'entrantaumure

2010-06-02 23:29:00

للاسف

اخر ما كنت اتوقعه ان يمتدح موقع عريق كسيريانيوز برنامج بتفاهة ستار اكاديمي

-
سوريا

rami

2010-06-02 22:22:00

شو خرجكون هيك صوت

انا وعم اقراء التعليقات كتير انزعجت يعين مع احترامنا لشهداء القافلة بس يعني هي شي وهي شي بعدين الشب من اروع الاصوات يلي غنت وكل اغاني طربية ومن العصر الذهبي يعني نحنا الشعب السوري اذا ماصوتنا مين بدو يصوت يعني هي املنا فيكن عطول بتفشلوا المواهب ولا تنسوا انو عم يمثل سوريا

سوريا

ايمان

2010-06-02 21:25:00

مدني

شو هل الموهبه الجميله العند ناصيف هادا ناصيف بجمالو باخلاقه باحساسه اتمنا له كل التوفيق وانو يحمل اللقب انشا الله ويتزوج بزينه لانه بيستحق

-
السودان

سقراط

2010-06-02 20:35:00

مافي شي بيني و بينو ... بس ...

نشكر قائلي الامثال حيث تذكرني هذه البرامج و منتسبيها طبعا بالمثل القائل ( الناس بالنا ... و الفطة بالنفاس ) يمكن لمن لم يفهم ان يسأل امه او اباه فيفهمه . السؤال بماذا نفعنا السيد زيتونة او غيره في حياتنا و شو هالاكادمية اللي بدو حضرتو يتخرج منها و هل زياده جحافل المغنين ستزيد من قيمة حياتنا و سيشبع الشعب الخبز ام سنتخم جيوب اصحات شركات الاتصال .

-
سوريا

مـــريـــم

2010-06-02 20:03:00

أنواع المعلقين

كل من دخل لهذه الصفحة وكتب تعليق هو إما شخص يعرف ناصيف مسبقاً ودخل ليقرأ الخبر عنه, أو أنه لا يعرف ناصيف ودخل ليعرف من هو, أو أنه انسان "وطني جداً" لدرجة أنك تستغرب مالذي جعله يدخل على هذه الصفحة بالذات وهي موجودة بقسم المنوعات مع أنه وفوقها تماما هناك أخباراً كثيرة عن وطنه كان الأجدر به أن يلتفت لها لا لقسم المنوعات ويتعذب بكتابة رد!!

-
سوريا

Fares

2010-06-02 19:41:00

على شو فرحانين؟؟

هاذا هو جل اهتمام شباب اليوم الذين هم في سن المراهقة وحتى مابعد سن المراهقة، ألا وهو الاقتداء بأشخاص الوسط الفني كما يقال له وجعلهم المثل الأعلى لهم ومتابعة أخبارهم واهدار أوقاتهم على أشخاص لافائدة لهم في المجتمع الا الترفيه عن الناس!!! طبعا" اذا اعتبرنا أن فنهم ليس هابطا" كما هو الحال في هذه الأيام وخصوصا" مجال الغناء.فهذا ليس زمن أم كلثوم.

ألمانيا

سوري بالخليج

2010-06-02 19:24:00

سيرتيل و أم تي إن افتحوا الخطوط للتصويت

نتمنى من شركات الاتصالات سيرتيل و أم تي إن فتح الخطوط للتصويت ، لأن المنافسين من اقوى الدول في التصويت لأبنائها و خاصة الاردن ، كما حصل بين رويدا عطية و ديانا كرزوان الاتصالات الأردنية فتحت الخطوط مجانا للتصويت ، نتمنى من شركات الاتصالات أن تعطي المجال للتصوي لأبن البلد لأن الموضوع يهم الوطن و ليس مصلحة شخصية .

-
السعودية

RIZIK OKDEH

2010-06-02 19:12:00

proud syrian

AS SYRIANS WE SHOULD BE PROUD OF GUY LIKE THAT,WE SHOULD ALL VOTE FOR HIM,LET US NOT BE NEGATIVE FOR ONCE,HE DESERVE OUR SUPPORT AS SYRIANS,LET US ALL PARTICIPATE IN VOTING FOR HIM,EVEN IF YOU THINK STAR ACADEMY IS SILLY,BUT A BIG PORTIONS OF ARABS WATCH IT ,AND OUR COUNTRY NAME IS ON LINE,GO NASSIF

الولايات المتحدة

بستاهل مو

2010-06-02 19:11:00

أراء و اقتراحات

عنجد ناصيف بستحق اللقب و انا عم صوتلو دايماً لأنو بيستاهل و يلي كتير حابو يصوتلو قبل ما يدعيلو بكون احسن و المعترض على فكرة البرنامج يأتحفنا بغيرو

سوريا

2010-06-02 18:47:00

الله يسامحكون

اي معقول قال شو اذا بدك تصوت من هنا صار الي ساعتين وما كان يمشي الحال شو هالعب هاد

-
سوريا

HASAN

2010-06-02 18:20:00

الى كل سوري

يخرب بيتكن انتو السوريين بتعملو من الحبة قبة مع انو انا واحد منكن بس والله مو هيك في مستقبل شب بالموضوع عدا انو الي قبلهم اصواتهم بتجنن بس لانو الاتصالات عنا غالية والناس ما بتحب تدفع برورحو بالدبلكة والله ياسيدي لانو سوري لازم تصوتو عدا انو صوتو بيجنن الله يحميه (مع احترامي لجريمة اسطول الحرية) ولكن ما ضل وقت الزلمة متكل على الله وعلينا

-
سوريا

فروتي

2010-06-02 17:14:00

تخفيض الاجور

بتمنى من شركة الاتصالات تعمل تخفيضات لك بس ليوم الجمعة ... يعني ناصيف سوري ... ازا نحنا السوريين مادعمناه ... مين بدو يدعمو ؟؟؟

سوريا

مروان

2010-06-02 17:02:00

قطعة ***

يعني ما عجبو يغني مع العملاق وديع الصافي غير "لبنان يا قطعة سما"؟؟ حاجتنا كولكة للبنانية مو ناقصون كبر راس وعجرفة

-
سوريا

chaya

2010-06-02 16:55:00

المنوعة

انا جزائرية احبك يا ناصيف و اتمنى لك اللقب و الزواج من زينة

-
الجزائر

مستغرب

2010-06-02 16:49:00

معقول

العرب وين و باقي العالم وين معقول العرب من شان اغاني و مباربات يعلنوا الحروب و من اجل دمنا المستباح .....والله نحن عالة على الكرة الأرضية

سوريا

شامية

2010-06-02 16:33:00

شي مشرف

إي خليكن خليكن ... عرفتوا ليش نحنا ورا العالم كلوا ؟ وليش الناس عم تتدبح بغزة ؟ حطوا مصاريكن عالتصويت بركي بيطلعلنا واحد بيشرفنا وبيرفع اسم الوطن عالياً فخر إلنا والله يطلع واحد كوول بيعرف يرقص ويغني من عنا تتهنى يا شعبي

-
سوريا

سوري اولا و اخيرا

2010-06-02 16:26:00

شكرا

شكرا لسيريا نيوز على المقال و اعتقد انه موضوع بصفحة المنوعات و ليس السياسة نحن مع اهل غزة و مع اسطول الحرية و لا احد يشك في هذا لكن الحياة مستمرة و اعتقد ان هذا الشاب يستحق الدعم لانه موهوب بالدرجة الاولى و لانه سوري بالدرجة التانية لكن على ما يبدو نحن لا نحب بعضنا في سورية كما يجب و المفهوم الشامل انسانا اننا سورين بالدرجة الاولى

-
سوريا

II

2010-06-02 16:20:00

صوتوا لناصيف ....احلى صوت بالاكاديمية

-
سوريا

جورج

2010-06-02 16:01:00

الدعم لناصيف...

منتمنى كل مواطن سوري يصوت لناصيف .. و ما بدنا نكرر خسارة رويدا عطية و شهد برمدا ...

سوريا

عماد الدين التلي

2010-06-02 15:50:00

آخر همي

ما بقي على سوريا نيوز إلا إنو تسوق لهالبرنامج (السلبي) على أقل التعابير الممكنة المستفيد من إكثار التصويت شركتا الإتصالات والقناة الراعية لهذا البرنامج والخاسر الأكبر هو عقل المتابع وأخلاقه وقيمة وفوق هذا ذوقه الفني وتذوقه السماعي للفن وكاتب هذه المادة (لم أجد لهذه المادة تصنيفاً مهنياً) إذا كان قريباً أو معجباًً أو ابن بلد صاحب الصورة

سوريا

صلاح الرملي

2010-06-02 15:39:00

العالم وين ونحن وين

شو هالقضية الوطنية العظيمة ... العالم وين ونحن نايمين وين رح يجي يوم ونفيق فيه بس الله يستر وين رح نكون

سوريا

ll

2010-06-02 15:20:00

سوري

عن جد الكل لازم يصوتلو ع الاقل شي مره سوري يربح وهو جد بيستاهل صوت وحضور

سوريا

انسى

2010-06-02 15:02:00

من الاردن مشي حالكون

ازا في من الاردن لا تحلمو ينجح لانولح يصوتولو من الاردن وما رح تلحقولو

-
سوريا

Didi

2010-06-02 14:12:00

إلى ناصيف

ناصيف، بتمنالك كل التوفيق، بغض النظر عن البرنامج، أتمنى لك التوفيق أولا لأنك سوري، وثانياً لأنك بالحقيقة تستحق اللقب بجمال صوتك ورزانة حضورك وجديتك، الله يوفقك ويفرحك بأخذ اللقب

-
سوريا

lolo

2010-06-02 13:56:00

نــاااصيـف ستــااار

بليييز يااعالم صــوتـواا لابن ســووريـا نــاااصيــف هو احلــى واقــوى صـووت بستار اكاديمي وهو الوحييد اللي بيستحق اللقب وديع الصاافي شهد انو احلى صوووت بلييييز صوتوا ياسوورين بدنـا اللقـب سوووري بأذن الله يووم الجمعــة صوتـوا من سوريا ابعتوا رقم 1 على رقم 1498 اوا اتصلو على 1498 وصوتوا لنـاااصيف بدناا نااصيف يكوون ستاار 2010 بأذن الله صوتـووا 11111

-
سوريا

lord

2010-06-02 13:45:00

عمار يابلدي

في البداية شو هل الخبر المهم يلي بيستاهل ينزل على موقعكم وعن شو ستار أكادمي ومن بطل المقال شاب موهوب بالغناء , شو يعني مالبلد مليانه مطربين وممثلين , بتمنى بالمستقبل يكون اهتمامكم مركز على اشياء اكثر اهمية شو ماضل عنا غير الغناء والرقص

سوريا

الصريحة الطرطوسية

2010-06-02 13:31:00

بصراحة

انا عم صوت لناصيف و بيعجبني بالصوت و الشكل ...و بتمنى يفوز الطالب السوري بهالموسم...وراح صوتلو طوال الاسبوع ...لانني بشجع المواهب السورية الشابة

-
سوريا

sylvana

2010-06-02 13:27:00

هادا يلي نحنا شاطرين فيو

الشعب العربي مو شاطر غير بالرقص والغنا والفقش اما بالمواضيع التانية العوض بسلامتكم لك بس يا حيف اذا نسبة البحث العلمي عنا اقل من 1% بس شو بدو يحكي الواحد!؟ لابدي صوت ولا ما يحزنون لك روحو شوفو الناس يلي عم تموت من الجوع وطعموهن بدل ما تصرفو هالبلاوي على شغلات فاضية

-
سوريا

rajaha

2010-06-02 13:23:00

nassif

ناصيفوووووووو انت موبس ستار أكاديمي انت ستار الدنيي كلهااااااا يا حلووووووووووووووووووووو

-
سوريا

زيزو السوري

2010-06-02 13:22:00

قولو انشالله

ازا الله راد ما راح نخيب ضنك يا ابن سوريا وما في غيرك بيستحق اللقب يا خليفة وديع الصافي بتمنى من كل السوريين الدعم القوي وبتمنى من سيريا نيوز وضع بنر او وضع دعم لناصيف في الصفحة الرئيسية بشكل واضح وبازن الله راح يربح

-
سوريا

حنا

2010-06-02 13:12:00

صوت رائع

صوت رائع لكن ما كنت اتمناه كسوري ان لا يشارك السوريون في هكذا برنامج يخدش الحياء تحت اسم انفتاح و حرية في تقليد الغرب الذي قطع اشواطا كبيرة حتى وصل الى هذه المرحلة في صناعة البرامج فما قدمه ناصيف و ما قدمته زينة من اصوات رائعة نفخر بها كان من الممكن ان يقدم في برنامج محترم كسوبر ستار وما رأيناه منهما ايضا من حب على الهواء لا يلائم مجتمعاتنا

-
ألمانيا

وشو بدو يصير بعدين

2010-06-02 13:00:00

طيب إذا صوتت شو بتعطوني

يعني إذا صوتت شو بتعطوني ؟؟؟ إذا نزل سيدي بكرا بدي ادفع 25 لاشتري , بس انشالله ينجح

سوريا

دانييلا

2010-06-02 12:31:00

بتمنى من كل سوري و عربي المشاركة بالتصويت لنااصيف .. لأنو هو اللي قلب الموازين هي السنة ببرنامج ستار اكاديمي .. اتعودنا على برنامج يضم طلاب هواة .. و لكن ناصيف أثبت على مدى أربعة شهور .. انو نجم متألق و فنان متكامل .. يستحق الدعم من بلده سوريا

-
سوريا

زاهر

2010-06-02 12:29:00

ناصيفووو

ناصيف بيجنن وصوتو كتير حلووو منتمنالو يفوز من كل قلبنا

-
سوريا

2010-06-02 12:10:00

صوتو لسوريا

نتمنى من كل من يحب ان يظل اسم سوريا عاليا ان يصوت لناصيف وايضا نطلب من شركات الخليوي ان تساهم بخدمة ذلككككككككككككك لازم نخفضضضضضضضضضضض الرسائل والتصويت لانو هالشي دعم لكل البلد ولسوريا الحبيبة

سوريا

رائد

2010-06-02 11:55:00

سؤال

ممكن تبلغونا كيف ممكن نصوت على التليفون

سوريا

غير متابع للدراما السورية

2010-06-02 11:47:00

سيريا نيوز افلست فعلا

-
سوريا

2010-06-02 11:42:00

الى سيريانيوز

كانو تأخرتو حتى حطيتو هاد الموضوع يعني التصويت بقيلو يومين و بيخلص بكل الاحوال يا ريت يكون في دعم منكن دائما للمواهب السورية و تهتمو دائما فيها و كمان نشالله مو بس يكون هاد الدعم معنوي يعني ياريت الكل يصوت لناصيف لانو بيستاهل و مشان اللقب يكون سوري انشالله

-
سوريا

سوسن

2010-06-02 11:42:00

تشجيع اكتر

يعني لازم تعملو حملة دعم كبيرة وانتو موقع معروف بالبلد على الاقل صوروا تنحط بشي زاوية على الصفحة الرئيسية بدل هالمرتديلا من الصبح والعلكة ومدري شو والله الشعب السوري ما بينفهم عنجد

المغرب

ناصيييييييف

2010-06-02 11:36:00

ناصيييييييف

بتمنى من كل سوري و كل عربي و كل شخص بيفهم بالفن يصوت لناصيف لانو بيستاهل و بيكفي شهادة الفنان الكبير وديع الصافي في للتصويت من سوريا ارسل رسالة قصيرة تحتوي على الرقم 1 الى الرقم 1498 او يمكنك الاتصال و التصويت على الرقم ذاته 1498

-
سوريا

مسلمة وافتخر

2010-06-02 11:20:00

مبروك

مبروك لسورية خاصة و الأمة العربية عامة هذا الإنجاز العظيم وسيكون النصر لأمتنا مادام عندنا هكذا شباب فهنيئاً لنا مجدنا العظيم

-
سوريا

تفاح وعنب

2010-06-02 11:15:00

برافو برافو

برافو والله الله يعطيكون العافية الوقت كتير مناسب للتصويت والله خصوصي انو اسرائيل ضاربة اسطول الحرية من كم يوم وكم اسير سوري صار عندها بئا خلينا ننسى همنا ونصوت لستار اكاديمي وهدوليك إلون الله ... متل العادة يعني .... وياجبل مايهزك ريح ....

-
سوريا

بسام أبو نعيم

2010-06-02 11:00:00

أستاذذذذ

منحسن من هلق ورايح ما نكتب بس ناصيف زيتون نكتب الأستاذ ناصيف زيتون

-
السعودية

نيالنا

2010-06-02 10:58:00

نيالنا

والله نيالنا بسوريا ... عليم الله رح ننتصر من ورا هيك شكيلات قلع لك عمي قلععععععع

-
سوريا

abuali

2010-06-02 10:43:00

تشجيع ? تصويت ؟

كفنانا مسخرة ستار اكاديمي اجمل قبر لأتعس أمة

سوريا

knightoflevant

2010-06-02 10:17:00

شغلات هابطه

ياحرام الشوم عليكوم ليش لصوت ...!! منشان شوو!!!

الدانمارك

د. نغم

2010-06-02 10:08:00

مو طبيعي

انو هالخبر يترافق مع خبر أبطال غزة وأسطول الحرية، معقول نحنا شو مالنا فاضيين غير للفقش والهز، يا ليتنا نفلح بشي اختراع مفيد أو نظرية علمية جديدة، أتمنى أن نكون على مستوى الموقف ولاحقين عالفرح انشالله.

-
سوريا

louna

2010-06-02 10:07:00

damascus

بالاردن فتحو التصويت مجاني لكل الخطوط للمشترك الاردني بس بسوريا ولا شركة قدمت اي شي فاكيد رح يكون التصويت للاردني كثيف كتير و طبعا حظ ناصيف قليل رح يكون بالتصويت

-
سوريا

angela

2010-06-02 09:46:00

nomber 1 nassif

ناصيف من اروع الاصوات اللي غنت بستار اكاديمي وان شالله يطلع هوي ستار على كل لو ما طلع هوي بس جد الله يحيمه ونحنا فخورين انو ناصيف سوري وبالتوفيق ان شالله يارب ونحنا معك ناصيف ورفعت راس الشعب السوري بصوتك واخلاقك الله يحميك

سوريا

لولو الحلوة

2010-06-02 09:36:00

الرياض

الله يخليكم شدوا حيلكم بالتصويت خلي ملك الاكاديمية ناصيف يفوز ويصير أول سوري يآخد اللقلب هي فرصتكم ياسوريين يمكن ما تتكرر بليييييييييز نصايف وبس 1111111111111

سوريا



All rights reserved © Syria-news.com 2014
Powerd By:Syria news IT